პოლიტიკა • 1775196465

მიხეილ ყაველაშვილს სლოვაკეთის პრეზიდენტმა ოფიციალურ ვახშამზე უმასპინძლა

სლოვაკეთის პრეზიდენტმა, პეტერ პელეგრინიმ საქართველოს პრეზიდენტს, მიხეილ ყაველაშვილს ოფიციალურ ვახშამზე უმასპინძლა. ინფორმაციას ყაველაშვილი სოციალურ ქსელში ავრცელებს.საქართველოს პრეზიდენტი ოფიციალური ვიზიტით სლოვაკეთში გუშინ ჩავიდა. ყაველაშვილი შეხვდა ქვეყნის პრეზიდენტს პეტერ პელეგრინს, რის შემდეგაც პირველმა პირებმა მედიისთვის ერთობლივი განცხადება გააკეთეს.ყაველაშვილმა შეხვედრები ასევე გამართა სლოვაკეთის ვიცე-პრემიერ დენისა საკოვასა და სხვა ოფიციალურ პირებთან.საქართველოს პრეზიდენტი დევინში საქართველოს პარლამენტის საგარეო ურთიერთობათა კომიტეტის თავმჯდომარესთან, ნიკოლოზ სამხარაძესთან, საქართველოს საგარეო საქმეთა მინისტრის მოადგილესთან, გიორგი ზურაბაშვილთან, სლოვაკეთის რესპუბლიკაში საქართველოს საგანგებო და სრულუფლებიან ელჩთან, კონსტანტინე ქვაჩაკიძესა და საქართველოს პრეზიდენტის ადმინისტრაციის წარმომადგენლებთან ერთად იმყოფება.

საზოგადოება • 1775193459

საქართველო-სლოვაკეთს შორის არსებული დიალოგის გაღრმავება, ორმხრივი ვიზიტების დინამიკა, დარგობრივი ურთიერთთანამშრომლობის განვითარება - პრეზიდენტის ბრატისლავაში ვიზიტი დღეს სრულდება

 საქართველოს პრეზიდენტის ვიზიტი ბრატისლავაში დღეს დასრულდება. მიხეილ ყაველაშვილს ოფიციალური ვიზიტის ფარგლებში, სლოვაკეთის რესპუბლიკის პრეზიდენტმა უმასპინძლა. დახვედრის ცერემონიის შემდეგ, ორი ქვეყნის პირველმა პირმა შეხვედრა პირისპირ ფორმატში გამართა. საქართველო-სლოვაკეთს შორის არსებული დიალოგის გაღრმავება, ორმხრივი ვიზიტების დინამიკა, დარგობრივი ურთიერთთანამშრომლობის განვითარება - ეს ის საკითხებია, რაზეც პრეზიდენტებმა აქცენტი გააკეთეს.მიხეილ ყაველაშვილმა კიდევ რამდენიმე მაღალი დონის შეხვედრაც გამართა. ქართული დელეგაციის წევრებს სლოვაკეთის ეროვნული საბჭოს თავმჯდომარემ სამუშაო სადილზე უმასპინძლა. შეხვედრაზე ყურადღება საპარლამენტთაშორისო თანამშრომლობის გაძლიერების პერსპექტივაზე გამახვილდა.შეხვედრა გაიმართა სლოვაკეთის ვიცე-პრემიერთანაც. განსაკუთრებული აქცენტი გაკეთდა - დარგობრივი თანამშრომლობისა და სავაჭრო-ეკონომიკური მიმართულებით არსებულ პოტენციალზე. ასევე, საქართველოს პრეზიდენტმა გვირგვინით შეამკო "თავისუფლების კარიბჭის" მემორიალი. მიხეილ ყაველაშვილს სლოვაკმა კოლეგამ დევინის ციხესიმაგრეც დაათვალიერებინა. ასევე, მოინახულეს ძველი ისტორიული ქალაქი და წმინდა მარტინის საკათედრო ტაძარი. ქართული დელეგაციის პატივისცემის ნიშნად კი, ბრატისლავას ციხესიმაგრეზე, მასპინძელმა ქვეყანამ საქართველოს დროშაც გამოსახა."გაიმართა მიხეილ ყაველაშვილის შეხვედრები სლოვაკეთის პრეზიდენტთან, პარლამენტის თავმჯდომარესთან და ვიცე-პრემიერთან. შეხვედრის ფარგლებში განხილულ იქნა, ორ ქვეყანას შორის არსებული ეკონომიკური და პოლიტიკური ურთიერთობები და სამომავლო გეგმები. შეხვედრებზე სლოვაკეთის მხარემ დააფიქსირა საქართველოს სუვერენიტეტისა და ტერიტორიული მთლიანობის მყარი მხარდაჭერა," - განაცხადა საქართველოს საგანგებო და სრულუფლებიანი ელჩმა სლოვაკეთში, კონსტანტინე ქვაჩაკიძემ.

პოლიტიკა • 1775142820

სლოვაკეთში ოფიციალური ვიზიტის ფარგლებში მიხეილ ყაველაშვილმა დევინის ისტორიული ციხესიმაგრე დაათვალიერა

საქართველოს პრეზიდენტმა მიხეილ ყაველაშვილმა, სლოვაკეთის ისტორიული ღირსშესანიშნაობა - დევინის ციხესიმაგრე დაათვალიერა.მაღალი კლდის თავზე აგებულ დევინის ციხესიმაგრეს ისტორიულად სტრატეგიული მნიშვნელობა ჰქონდა - სწორედ აქედან კონტროლდებოდა სავაჭრო და სამხედრო გზები.საქართველოს პრეზიდენტი დევინში დელეგაციის წევრებთან: საქართველოს პარლამენტის საგარეო ურთიერთობათა კომიტეტის თავმჯდომარესთან, ნიკოლოზ სამხარაძესთან, საქართველოს საგარეო საქმეთა მინისტრის მოადგილესთან, გიორგი ზურაბაშვილთან, სლოვაკეთის რესპუბლიკაში საქართველოს საგანგებო და სრულუფლებიან ელჩთან, კონსტანტინე ქვაჩაკიძესა და საქართველოს პრეზიდენტის ადმინისტრაციის წარმომადგენლებთან ერთად იმყოფებოდა.

პოლიტიკა • 1775139550

საქართველოსა და სლოვაკეთის პრეზიდენტებმა „თავისუფლების კარიბჭის“ მემორიალი გვირგვინით შეამკეს

საქართველოს პრეზიდენტმა მიხეილ ყაველაშვილმა და სლოვაკეთის პრეზიდენტმა პეტერ პელეგრინიმ, 1945-1989 წლებში კომუნისტური ჩეხოსლოვაკიიდან გაქცევის მცდელობისას დაღუპულთა ხსოვნას პატივი მიაგეს და „თავისუფლების კარიბჭის“ მემორიალი გვირგვინით შეამკეს.მემორიალი 2005 წელს დევინში გაიხსნა. ის თავისუფლებისა და გამარჯვების სიმბოლოა.მიხეილ ყაველაშვილი დევინში საქართველოს დელეგაციასთან ერთად იმყოფებოდა, რომლის შემადგენლობაშიც არიან: საქართველოს პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე, საქართველოს საგარეო საქმეთა მინისტრის მოადგილე გიორგი ზურაბაშვილი, სლოვაკეთის რესპუბლიკაში საქართველოს საგანგებო და სრულუფლებიანი ელჩი კონსტანტინე ქვაჩაკიძე და საქართველოს პრეზიდენტის ადმინისტრაციის წარმომადგენლები.

პოლიტიკა • 1775138688

მიხეილ ყაველაშვილი სლოვაკეთის ვიცე-პრემიერს, დენისა საკოვას შეხვდა

საქართველოს პრეზიდენტი მიხეილ ყაველაშვილი, თანმხლებ დელეგაციასთან ერთად, სლოვაკეთის რესპუბლიკის ვიცე-პრემიერს, დენისა საკოვას შეხვდა. ინფორმაციას ამის შესახებ პრეზიდენტის ადმინისტრაცია ავრცელებს.ადმინისტრაციის ცნობით, შეხვედრაზე ხაზგასმით აღინიშნა საქართველოსა და სლოვაკეთის რესპუბლიკას შორის სხვადასხვა სფეროში არსებული ორმხრივი ურთიერთობის განვითარების პოზიტიური დინამიკა.„განსაკუთრებული აქცენტი გაკეთდა დარგობრივი თანამშრომლობისა და სავაჭრო-ეკონომიკური მიმართულებით არსებულ პოტენციალზე. ამასთანავე, შეხვედრაზე ისაუბრეს მსოფლიოში მიმდინარე პოლიტიკური პროცესებისა და ქვეყნების წინაშე არსებული გამოწვევების შესახებ. ყურადღება გამახვილდა შუა დერეფნის მნიშვნელობასა და საქართველოს როლზე. ასევე საუბარი შეეხო საქართველო-ევროკავშირის ურთიერთობას“, – ნათქვამია პრეზიდენტის ადმინისტრაციის მიერ გავრცელებულ ინფორმაციაში.

პოლიტიკა • 1775136072

ნიკოლოზ სამხარაძე: სლოვაკურმა მხარემ იმედი გამოთქვა, რომ უფრო და უფრო მეტი ქვეყანა გააგრძელებს პრაგმატულ პოლიტიკას საქართველოსთან, რაც საბოლოო ჯამში საქართველოს ევროკავშირში გაწევრიანებით დამთავრდება

ნიკოლოზ სამხარაძე საქართველოს დელეგაციის სლოვაკეთში შეხვედრებზე განხილულ თემებზე ისაუბრა. პარლამენტის საგარეო ურთიერთობათა კომიტეტის თავმჯდომარემ აღნიშნა, რომ დელეგაციამ ბრატისლავაში სლოვაკეთის მიერ ევროკავშირში საქართველოს ინტერესების დაცვის პირობა მიიღო.„შეხვედრებზე ვისაუბრეთ ორმხრივი ურთიერთობების საკითხებზე, როგორც პოლიტიკურ, ასევე სავაჭრო-ეკონომიკურ ურთიერთობებზე. რა თქმა უნდა, გვქონდა საუბარი ევროკავშირთან ურთიერთობის პრობლემატიკაზე და ძალიან მოხარულები ვართ, რომ სლოვაკეთი იზიარებს ჩვენს პოზიციას, რომ საქართველოს უსამართლოდ ექცევიან, რომ საქართველოს მიმართ არის ორმაგი სტანდარტები და სხვა კანდიდატ ქვეყნებთან შედარებით, საქართველოს უფრო მაღალ მოთხოვნებს უყენებენ რიგ შემთხვევაში. ეს ყველაფერი გამომდინარეობს პოლიტიკური ინტერესებიდან.ასევე, გვქონდა საუბარი იმ უარყოფით გავლენაზე, რომელსაც რუსეთ-უკრაინის ომი და ახლო აღმოსავლეთში მიმდინარე კონფლიქტი ახდენენ ზოგადად შავი ზღვის უსაფრთხოების გარემოზე და მათ შორის კონკრეტულად საქართველოზე.ყველა ეს თემა მნიშვნელოვანია, როგორც ორმხრივი ურთიერთობების განსავითარებლად, ასევე ეს ყველაფერი საქართველო-ევროკავშირის ურთიერთობების ჭრილში უნდა დავინახოთ. სლოვაკური მხარე დაგვპირდა, რომ ისინი კვლავ იქნებიან ჩვენი ინტერესების დამცველები ევროკავშირში და იმედი გამოთქვეს, რომ უფრო და უფრო მეტი ქვეყანა გააგრძელებს პრაგმატულ პოლიტიკას საქართველოსთან, რაც საბოლოო ჯამში საქართველოს ევროკავშირში გაწევრიანებით დამთავრდება“, - აცხადებს სამხარაძე.საქართველოს პრეზიდენტის ვიზიტი სლოვაკეთში გრძელდება. ცოტა ხნის წინ მიხეილ ყაველაშვილს სლოვაკეთის რესპუბლიკის ეროვნული საბჭოს თავმჯდომარემ სამუშაო სადილზე უმასპინძლა.

პოლიტიკა • 1775133113

მიხეილ ყაველაშვილი: სლოვაკეთი კვლავაც რჩება საქართველოს სუვერენიტეტისა და ტერიტორიული მთლიანობის მტკიცე მხარდამჭერად. ჩვენს ქვეყნებს აერთიანებთ საერთო ხედვა, რომელიც მშვიდობის, სტაბილურობისა და ეროვნული ინტერესების დაცვას ეფუძნება

საქართველოს პრეზიდენტის, მიხეილ ყაველაშვილისა და სლოვაკეთის პრეზიდენტის, პეტერ პელეგრინის შეხვედრის შემდეგ ერთობლივი ბრიფინგი გაიმართა.მიხეილ ყაველაშვილმა სლოვაკეთის პრეზიდენტს მასპინძლობისა და შინაარსიანი დიალოგისთვის მადლობა გადაუხადა და აღნიშნა, რომ სლოვაკეთი საქართველოს უახლოესი მოკავშირე და მეგობარია.„მოხარული ვარ, რომ ოფიციალური ვიზიტით ვიმყოფები სლოვაკეთის რესპუბლიკაში - მდიდარი ისტორიის მქონე ქვეყანაში, რომელიც საქართველოს უახლოესი მოკავშირე და მეგობარია.მადლობას ვუხდი ბატონ პრეზიდენტს, პეტერ პელეგრინის მოწვევის, თბილი მასპინძლობისა და შინაარსიანი, საინტერესო დიალოგისათვის.სლოვაკეთი ყოველთვის იყო და კვლავაც რჩება საქართველოს სუვერენიტეტისა და ტერიტორიული მთლიანობის მტკიცე მხარდამჭერად, რასაც გულწრფელად ვაფასებთ მეც და მთელი საქართველოც.ჩვენს ქვეყნებს აერთიანებთ საერთო ხედვა, რომელიც მშვიდობის, სტაბილურობისა და ეროვნული ინტერესების დაცვას ეფუძნება.

პოლიტიკა • 1775128519

საქართველოს პრეზიდენტს სლოვაკეთის რესპუბლიკის ეროვნული საბჭოს თავმჯდომარემ სამუშაო სადილზე უმასპინძლა

საქართველოს პრეზიდენტს, მიხეილ ყაველაშვილსა და თანმხლებ დელეგაციას, სლოვაკეთის რესპუბლიკის ეროვნული საბჭოს თავმჯდომარემ, რიხარდ რაშიმ სამუშაო სადილზე უმასპინძლა.საქართველოს პრეზიდენტის ადმინისტრაციის ცნობით, შეხვედრაზე ყურადღება საპარლამენტთაშორისო თანამშრომლობის გაძლიერების პერსპექტივაზე გამახვილდა და აღინიშნა, რომ საქართველოსა და სლოვაკეთის ურთიერთობაში საკანონმდებლო ორგანოებს შორის თანამშრომლობას გამორჩეული ადგილი უჭირავს.ამასთან, ხაზგასმით აღინიშნა ქართველ და სლოვაკ ხალხებს შორის ტრადიციულად არსებული მეგობრული კავშირი, მათი კულტურული სიახლოვე და საერთო ღირებულებები.შეხვედრაზე მხარეებმა მიმოიხილეს მსოფლიოში მიმდინარე მოვლენები და ყურადღება გაამახვილეს ქვეყნების წინაშე არსებულ საერთო გეოპოლიტიკურ გამოწვევებზე.საქართველოს პრეზიდენტმა საპატიო სტუმართა წიგნში ჩანაწერი გააკეთა.შეხვედრას საქართველოს პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე, საქართველოს საგარეო საქმეთა მინისტრის მოადგილე გიორგი ზურაბაშვილი, სლოვაკეთის რესპუბლიკაში საქართველოს საგანგებო და სრულუფლებიანი ელჩი კონსტანტინე ქვაჩაკიძე და საქართველოს პრეზიდენტის ადმინისტრაციის წარმომადგენლები ესწრებოდნენ.

პოლიტიკა • 1775122012

მიხეილ ყაველაშვილი: სლოვაკეთის პრეზიდენტთან შეხვედრაზე ხაზი გავუსვით, რომ კომპლექსურად და სწრაფად ცვალებად გეოპოლიტიკურ გარემოში კიდევ უფრო მეტ მნიშვნელობას იძენს საქართველოს როგორც შუა დერეფნის საკვანძო რგოლის მზარდი პოტენციალი

ჩვენს ქვეყნებს შორის ორმხრივი თანამშრომლობის პოზიტიური დინამიკის შენარჩუნებისთვის მნიშვნელოვნად გვესახება მაღალი დონის შეხვედრების გაგრძელება. სწორედ ამ მიმართულებით ვისაუბრეთ უახლოესი პერიოდის კონკრეტულ გეგმებსა და პრიორიტეტებზე, - განაცხადა საქართველოს პრეზიდენტმა, მიხეილ ყაველაშვილმა სლოვაკეთის პრეზიდენტის სასახლეში, სლოვაკეთის რესპუბლიკის პრეზიდენტ პეტერ პელეგრინისთან შეხვედრის შემდეგ გამართულ ბრიფინგზე.მისივე თქმით, ასევე, განიხილეს დარგობრივი თანამშრომლობის ფართო პოტენციალი, რომელიც ეხება სავაჭრო-ეკონომიკურ ურთიერთობებს, ინვესტიციის თემებს, ტურიზმს, თავდაცვასა და უსაფრთხოებას. კულტურას, განათლებას, ახალგაზრდულ საკითხებსა და სხვა მიმართულებებს.„მისასალმებელია, რომ მიმდინარე წლის იანვრიდან ჩვენს ქვეყნებს შორის დაიწყო ავიამიმოსვლა - ქუთაისსა და ბრატისლავას შორის, რაც კიდევ უფრო მეტად დააახლოებს ჩვენს ხალხებს და მეტი ტურისტი იქნება როგორც სლოვაკეთში, ასევე საქართველოში.ჩვენი შეხვედრის დროს ხაზი გავუსვით, რომ კომპლექსურად და სწრაფად ცვალებად გეოპოლიტიკურ გარემოში კიდევ უფრო მეტ მნიშვნელობას იძენს საქართველოს როგორც შუა დერეფნის საკვანძო რგოლის მზარდი პოტენციალი. ამასაც ძალიან გაგებით მოეკიდა ჩემი კოლეგა, რადგან ვიცით, ჩვენი როლი, საქართველოს როლი სამხრეთ კავკასიაში. შუა დერეფნის თემა საქართველოს გარეშე, რა თქმა უნდა, წარმოუდგენელია და ჩემმა კოლეგამაც აღნიშნა, ამიტომ უდიდესი პოტენციალია ჩვენი ქვეყნისთვის, ასევე ჩვენი მეზობელი ქვეყნებისთვის - ის სამშვიდობო პოლიტიკა, რომელსაც ჩვენ ვაწარმოებთ სწორედ იმის დასტურია, რომ ეს შესაძლებლობები უფრო მზარდია და უფრო მეტი და მეტი ქვეყანა ინტერესდება, ამ რეგიონს მეტი ყურადღება მიაქციოს. ჩვენ ამაზე გვქონდა საუბარი. უფრო მეტი ძალისხმევა იქნება ჩვენს ქვეყნებს შორის გამოჩენილი, რომ ეს პოტენციალი, რომელიც საქართველოს გააჩნია შუა დერეფნის სახით უფრო მეტად იყოს ათვისებული“, - განაცხადა ყაველაშვილმა.სლოვაკეთის პრეზიდენტის სასახლეში საქართველოს პრეზიდენტის მიხეილ ყაველაშვილის დახვედრის ოფიციალური ცერემონია გაიმართა. იგი ბრატისლავაში მაღალი რანგის შეხვედრებს გამართავს.

პოლიტიკა • 1775121930

საქართველოსა და სლოვაკეთის პრეზიდენტებს შორის გაფართოებული ფორმატის შეხვედრა გაიმართა

საქართველოს პრეზიდენტმა მიხეილ ყაველაშვილმა, სლოვაკეთის რესპუბლიკის პრეზიდენტთან, პეტერ პელეგრინისთან დელეგაციების მონაწილეობით გაფართოებული ფორმატის შეხვედრა გამართა.მხარეებმა საქართველოსა და სლოვაკეთს შორის ორმხრივი, მათ შორის, დარგობრივი თანამშრომლობის ძირითადი მიმართულებები და მათი გაღრმავების პერსპექტივები განიხილეს.განსაკუთრებული აქცენტი გაკეთდა ეკონომიკური ურთიერთობის განმტკიცების მნიშვნელობაზე, ტურიზმის განვითარების ხელშეწყობასა და ხალხთაშორისი ურთიერთობის წახალისებაზე.შეხვედრაზე ხაზგასმით აღინიშნა, რომ დღევანდელ რთულ და სწრაფად ცვალებად გეოპოლიტიკურ გარემოში განსაკუთრებულ მნიშვნელობას იძენს გლობალური დაკავშირებადობა და საქართველოს, როგორც შუა დერეფნის საკვანძო რგოლის მზარდი როლი. ასევე აღინიშნა, რომ საქართველო მიესალმება სლოვაკეთის ინტერესს რეგიონის პოტენციალის მიმართ და გამოითქვა მზაობა მჭიდრო ჩართულობისა და თანამშრომლობისთვის.შეხვედრაზე ყურადღება გამახვილდა საქართველოსა და სლოვაკეთის უმაღლეს საგანმანათლებლო დაწესებულებებს და კვლევით ინსტიტუტებს შორის მჭიდრო კონტაქტების წახალისებისა და ხელშეწყობის მნიშვნელობაზე, მათ შორის, როგორც გაცვლითი და ერთობლივი პროგრამების, ისე სამეცნიერო კვლევების თვალსაზრისით.საქართველოსა და სლოვაკეთის პრეზიდენტებს შორის გაფართოებული ფორმატის შეხვედრას საქართველოს პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე, საქართველოს საგარეო საქმეთა მინისტრის მოადგილე გიორგი ზურაბაშვილი, სლოვაკეთის რესპუბლიკაში საქართველოს საგანგებო და სრულუფლებიანი ელჩი კონსტანტინე ქვაჩაკიძე და საქართველოს პრეზიდენტის ადმინისტრაციის წარმომადგენლები ესწრებოდნენ.

პოლიტიკა • 1775117122

ნიკოლოზ სამხარაძე: სლოვაკეთი საქართველოს ერთ-ერთი მთავარი და ერთგული მხარდამჭერია ევროინტეგრაციის გზაზე. ჩვენ სლოვაკეთის ხელისუფლებასთან ღირებულებითი თანხვედრა გვაქვს

სლოვაკეთი არის საქართველოს ერთ-ერთი მთავარი და ერთგული მხარდამჭერი ევროინტეგრაციის გზაზე. ჩვენ სლოვაკეთის ხელისუფლებასთან ღირებულებითი თანხვედრა გვაქვს, - განაცხადა პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ სლოვაკეთში საქართველოს პრეზიდენტის ვიზიტის დეტალებზე საუბრისას.მისივე თქმით, აღნიშნულიდან გამომდინარე საქართველოს პრეზიდენტის, მიხეილ ყაველაშვილის ვიზიტი განსაკუთრებულ მნიშვნელობას იძენს.„ჩვენ გვექნება საშუალება, რომ ვისაუბროთ ორმხრივი ურთიერთობების თემატიკაზე. ასევე, ვისაუბროთ იმ უსამართლო მიდგომაზე, რომელიც ევროკავშირის ბიუროკრატებს, ბრიუსელს აქვს საქართველოსთან მიმართებაში. თქვენ იცით, რომ სლოვაკეთი ყოველთვის გამოდის ამ უსამართლო მიდგომის წინააღმდეგ.ჩვენ ასევე საშუალება გვექნება, ვისაუბროთ იმ პრობლემებზე, რომელიც სლოვაკეთს შეექმნა რუსეთ-უკრაინის ომიდან გამომდინარე და რომელიც საქართველოს შეექმნა რუსეთ-უკრაინის ომიდან და მათ შორის, ოკუპაციიდან გამომდინარე. ჩვენ მათ ამ ინფორმაციას მივაწვდით.გვექნება საშუალება, რომ ერთმანეთს გავუცვალოთ მოსაზრებები ახლოაღმოსავლეთის კონფლიქტზე და რა გავლენას ახდენს ეს ყველაფერი როგორც ევროკავშირზე, ასევე შავი ზღვის რეგიონზე მთლიანად“, - განაცხადა სამხარაძემ.სლოვაკეთის პრეზიდენტის სასახლეში საქართველოს პრეზიდენტის მიხეილ ყაველაშვილის დახვედრის ოფიციალური ცერემონია გაიმართა. იგი ბრატისლავაში მაღალი რანგის შეხვედრებს გამართავს.

პოლიტიკა • 1775116889

მიხეილ ყაველაშვილმა სლოვაკეთის რესპუბლიკის პრეზიდენტთან, პეტერ პელეგრინისთან პირისპირ შეხვედრა გამართა

საქართველოს პრეზიდენტი მიხეილ ყაველაშვილი, სლოვაკეთის რესპუბლიკის პრეზიდენტს, პეტერ პელეგრინის შეხვდა.სლოვაკეთის პრეზიდენტის სასახლეში გამართულ პირისპირ შეხვედრაზე საქართველოსა და სლოვაკეთის წარმატებულ თანამშრომლობასა და ქვეყნებს შორის არსებული დიალოგის გაღრმავების თაობაზე ისაუბრეს. ხაზგასმით აღინიშნა ორმხრივი ვიზიტების დინამიკის გააქტიურებისა და სხვადასხვა დარგში ურთიერთთანამშრომლობის განვითარების მნიშვნელობა.როგორც საქართველოს პრეზიდენტმა შეხვედრაზე აღნიშნა, უპრეცედენტო გლობალური გამოწვევებისა და რისკების ეპოქაში, საქართველოსათვის განსაკუთრებით ღირებულია სლოვაკეთთან ორმხრივი თანამშრომლობის კიდევ უფრო განმტკიცება და საერთაშორისო ფორმატებში ერთმანეთის მხარდაჭერა.შეხვედრაზე მიხეილ ყაველაშვილმა სლოვაკ კოლეგას მადლობა გადაუხადა საქართველოს ევროპული ინტეგრაციის გზაზე მხარდაჭერისა და საქართველო-ევროკავშირის პარტნიორობის დაცვის მიზნით გაწეული ძალისხმევისათვის.როგორც პრეზიდენტმა აღნიშნა, საქართველო აფასებს სლოვაკეთის მხრიდან საქართველოს სუვერენიტეტისა და ტერიტორიული მთლიანობის მხარდაჭერას.შეხვედრის დაწყებამდე საქართველოს პრეზიდენტმა საპატიო სტუმართა წიგნში ჩანაწერი გააკეთა.მიხეილ ყაველაშვილი სლოვაკეთის რესპუბლიკაში ოფიციალური ვიზიტით დელეგაციასთან ერთად იმყოფება.საქართველოს დელეგაციის შემადგენლობაში არიან: საქართველოს პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე, საქართველოს საგარეო საქმეთა მინისტრის მოადგილე გიორგი ზურაბაშვილი, სლოვაკეთის რესპუბლიკაში საქართველოს საგანგებო და სრულუფლებიანი ელჩი კონსტანტინე ქვაჩაკიძე და საქართველოს პრეზიდენტის ადმინისტრაციის წარმომადგენლები.ინფორმაციას პრეზიდენტის ადმინისტრაცია ავრცელებს.