პატრიარქმა

საქართველოს საპატრიარქოს საზოგადოებასთან ურთიერთობის სამსახური სოციალურ ქსელში ინფორმაციას ავრცელებს.„ამა წლის 21-23 ნოემბერს სრულიად საქართველოს კათოლიკოს-პატრიარქის ლოცვა-კურთხევითა და ბულგარეთის მართლმადიდებელი ეკლესიის წმინდა სინოდის მიწვევით, საქართველოს ეკლესიის დელეგაციამ გორისა და ატენის მიტროპოლიტ ანდრიას (გვაზავა) ხელმძღვანელობით მონაწილეობა მიიღო ბულგარეთის დედაქალაქ სოფიაში გამართულ საზეიმო ღონისძიებებში, რომელიც ეძღვნებოდა წმინდა ალექსანდრე ნეველის სახელობის საპატრიარქო ტაძრის კურთხევის ასი წლისთავს.საზეიმო მსახურებაში მონაწილეობა მიიღეს აგრეთვე სხვა ადგილობრივი მართლმადიდებელი ეკლესიების წარმომადგენლებმა.21 ნოემბერს გაიმართა ბულგარულ-სლავური საეკლესიო მუსიკის კონცერტი, რომლის დასასრულს სრულიად ბულგარეთის პატრიარქმა, უნეტარესმა ნეოფიტემ ეკლესიათა დელეგაციები საზეიმო ვახშამზე მიიღო.ვიზიტის ფარგლებში საქართველოს ეკლესიის დელეგაცია პეტრიწონის ქართულ მონასტერსაც ეწვია“, - ნათქვამია ინფორმაციაში.

საზოგადოება • 1732433424

ილია მეორემ ნათლულები პირადად დალოცა

კათოლიკოს პატრიარქმა ილია მეორემ სამების საკათედრო ტაძარში ნათლულები პირადად დალოცა. უწმინდესის ნათლული კიდევ 700-მდე ბავშვი გახდა.საყოველთაო ნათლობის იდეა პატრიარქს ეკუთვნის. ილია მეორეს ნათლული ჯამში 47 000-ზე მეტი ბავშვია.

საზოგადოება • 1732189679

„პატრიარქმა დალოცა ჩვენი ხელისუფლება და ბრძანა, რომ საქართველოში უნდა იყოს მშვიდობა, ჩვენ ეს უნდა მივიღოთ, როგორც ნება ღვთისა“ - მიტროპოლიტი საბა

მთავარანგელოზთა დღესასწაულზე ხონისა და სამტრედიის მიტროპოლიტმა საბამ იქადაგა, ისაუბრა არჩევნების თემაზე და საზოგადოებას მიმართა:„საქართველოში ჩატარდა არჩევნები, მე მისი შეფასების სურვილი არ მაქვს, თუ როგორი იყო, ეს ჩემი საქმე არ არის... ხაზგასმა მინდა ერთი რაღაცისთვის - რამდენიმე დღის წინ, პატრიარქმა დალოცა ჩვენი ქვეყანა, დალოცა ხელისუფლება და ბრძანა, რომ ეს არჩევნები ჩატარდა და უნდა მივიღოთ ის შედეგები, რომელიც რეალურად დადგა. ამ შემთხვევაში, ჩვენ ყველაფერი უნდა გავაკეთოთ იმისთვის, რომ საქართველოში იყოს მშვიდობა...არის ჯერ კიდევ დაძაბული ურთიერთობები, ანუ იმის საშიშროება, რომ იყოს გაურკვევლობა და არეულობა, რაც ჩვენს ქვეყანას სიკეთეს ნამდვილად არ მოუტანს.მე მინდა საქართველოს მოსახლეობას მივმართო, რომელიც მართლმადიდებელი ქრისტიანია და რომლისთვისაც პატრიარქი არის სულიერი მამა და მოძღვარი - ვინმე გეგულებათ საქართველოში, ან საქართველოს ფარგლებს გარეთ, უცხოეთში, პატრიარქზე უფრო მაღალი თანამდებობის, უფრო გამოცდილი, პატრიარქზე უფრო ბრძენი, ერის, ჩვენი ქვეყნის მოსიყვარულე ადამიანი?! ყველაფერი იმის გათვალისწინებით, რაც უკვე ვთქვი, ეს არის პატრიარქის ლოცვა-კურთხევა, რომელსაც ჩვენ უნდა დავემორჩილოთ და მივიღოთ როგორც ნება ღვთისა.ადამიანები, რომლებიც ეკლესიაში დადიხართ, ეზიარებით კიდეც ალბათ, ადამიანები, რომელნიც ტაძრებს და მონასტრებს აშენებთ და ეხმარებით, აქამდეც ასე ყოფილა და ახლაც ალბათ ასე აგრძელებთ, ნუთუ, თქვენთვის პატრიარქის მოწოდება, ლოცვა-კურთხევა საკმარისი არ არის? და არ უნდა დავემორჩილოთ მას ერთი უბრალო, მარტივი მიზეზის გამო, თუ გვიყვარს ქვეყანა, მისთვის უნდა გვინდოდეს მშვიდობა და განვითარება. პატრიარქზე მეტმა ვინ უნდა მოგვცეს ლეგიტიმაცია?! აუცილებელია, მაინცდამაინც, ამერიკიდან, ევროპიდან, რუსეთიდან, ჩინეთიდან, სხვა ქვეყნიდან გვითხრან, თქვენ კარგი ხალხი ხართ, კარგად ჩაატარეთ ყველაფერი, მოგიწონეთ და ახლა გააგრძელეთ მშვიდობიანი ცხოვრებაო?მე, არ ვფიქრობ, რომ სხვა ადამიანები ამ ყველაფერს იმაზე მეტი სიბრძნით, სიყვარულითა და გულისტკივილით ამბობდნენ, ვიდრე ჩვენი პატრიარქი. ამიტომ, ჩემი სურვილი, მოწოდება და თხოვნაა ერთადერთი, დაუჯერეთ პატრიარქს, დაუჯერეთ ეკლესიას და გააანალიზეთ, გააცნობიერეთ, რას ნიშნავს იყოთ ქრისტიანები, მართლმადიდებლები. პატრიარქი და ეკლესია ყოველთვის ღვთის ნებას გამოგიცხადებთ.გირჩევთ, გაითვალისწინოთ, გაიზიაროთ პატრიარქის სიტყვები, მისი დალოცვა და მიიღოთ ის მოცემულობა, რა ჩვენ გვაქვს ჩვენი ქვეყნისა და ერის საკეთილდღეოდ“, - იქადაგა მიტროპოლიტმა.

პოლიტიკა • 1731911751

რადიკალური ოპოზიციის სალოცავია ბრიუსელი, ქართველი ხალხის უმრავლესობის რჩეული ხელისუფლებისთვის კი სალოცავია ქრისტეს ეკლესია. საღად მოაზროვნე ადამიანისთვის გასაკვირი არ უნდა იყოს მმართველი პარტიის ის შედეგი, რომელიც მიიღო ისტორიულ არჩევნებში - ლევან კოჭლოშვილი

ერთი რამ ცხადია, რომ რადიკალური ოპოზიციის სალოცავია ბრიუსელი, ქართველი ხალხის უმრავლესობის რჩეული ხელისუფლებისთვის კი სალოცავია ქრისტეს ეკლესია. მათი ზნეობრივი სახეა რამდენჯერმე გათხოვილი კაცი მიხეილ როთი, ჩვენი სულიერი წინამძღოლი კი საქართველოს თვითმყოფადობის გარანტი, 91 წლის ბრძენი პატრიარქია, რომელსაც უსამშობლო აგენტები ქვეყნის მთავარ მტრად მიიჩნევენ, - წერს სოციალურ ქსელში პარტია „ხალხის ძალის“ წევრი ლევან კოჭლოშვილი.მისივე თქმით, საღად მოაზროვნე ადამიანისთვის გასაკვირი არ უნდა იყოს მმართველი პარტიის ის შედეგი, რომელიც მიიღო ისტორიულ არჩევნებში.„მას შემდეგ რაც საქართველოს კათოლიკოს პატრიარქმა ქართულ ოცნებას არჩევნებში გამარჯვება მიულოცა და ოპოზიციას პარლამენტში ქვეყნის სასიკეთო საქმიანობისკენ მოუწოდა, მისი უწმინდესობის მოწოდების პარალელურად, კოლექტიური ნაცმოძრაობის ოთხივე რადიკალურმა დაჯგუფებამ ანტისახელმწიფოებრივი აქცია დაგეგმა და რეგიონებიდან მოსახლეობის ჩამოყვანის მიზნით დიდძალი თანხის მობილიზება განახორციელა. ერთი რამ ცხადია, რომ რადიკალური ოპოზიციის სალოცავია ბრიუსელი, ქართველი ხალხის უმრავლესობის რჩეული ხელისუფლებისთვის კი სალოცავია ქრისტეს ეკლესია. მათი ზნეობრივი სახეა რამდენჯერმე გათხოვილი კაცი მიხეილ როთი, ჩვენი სულიერი წინამძღოლი კი საქართველოს თვითმყოფადობის გარანტი, 91 წლის ბრძენი პატრიარქია, რომელსაც უსამშობლო აგენტები ქვეყნის მთავარ მტრად მიიჩნევენ. ქვეყნის მტრების ბელადია სისხლის სამართლის მძიმე დანაშაულებში მსჯავრდადებული და ბრალდებული, ერთ-ერთი ყველაზე სასტიკი დიქტატორი სააკაშვილი, ხოლო მეორე მხარეს არის საქართველოს თავისუფლებისა და დამოუკიდებლობის მთავარი გარანტი, ფილანთროპი ბიძინა ივანიშვილი, რომელმაც 12 წლის წინ წელში გატეხა შეუზღუდავი ძალაუფლებით აღჭურვილი ფაშისტური დაჯგუფება. შესაბამისად საღად მოაზროვნე ადამიანისთვის გასაკვირი არ უნდა იყოს მმართველი პარტიის ის შედეგი, რომელიც მიიღო ისტორიულ არჩევნებში“, - წერს ლევან კოჭლოშვილი.

პოლიტიკა • 1731836680

"საქართველოს კათალიკოს-პატრიარქმა მიულოცა "ქართულ ოცნებას" გამარჯვება და, ამავდროულად, ხელისუფლებასა და ოპოზიციას უსურვა, ერთობლივად მიიღონ გადაწყვეტილებები ქვეყნის საკეთილდღეოდ" - გურამ მაჭარაშვილი

"ქართული ოცნების" საპარლამენტო სიის წევრის, გურამ მაჭარაშვილის განცხადებით, საქართველოს კათალიკოს-პატრიარქმა მიულოცა "ქართულ ოცნებას" გამარჯვება და, ამავდროულად, ხელისუფლებასა და ოპოზიციას უსურვა, ერთობლივად მიიღონ გადაწყვეტილებები ქვეყნის საკეთილდღეოდ.მისი განმარტებით, არ შეიძლება, "რომელიმე ჭკუათმყოფელ ადამიანს ერთობისა და სამშობლოს ერთიანი სიყვარულის წინააღმდეგ რაიმე პრეტენზია ჰქონდეს", მაგრამ ოპოზიციას ხალხის ნების გაგება არ სურს."ჩვენ ვნახეთ სრულიად საქართველოს კათალიკოს-პატრიარქის განცხადება, სადაც მან მიულოცა "ქართულ ოცნებას" გამარჯვება და ამავდროულად, ხელისუფლებასა და ოპოზიციას უსურვა, ერთობლივად მიიღონ გადაწყვეტილებები ქვეყნის საკეთილდღეოდ. როგორ შეიძლება, რომელიმე ჭკუათმყოფელ ადამიანს ერთობისა და სამშობლოს ერთიანი სიყვარულის წინააღმდეგ რაიმე პრეტენზია ჰქონდეს. მაგრამ, კიდევ ერთხელ ვიმეორებთ, რომ როგორც მისული და პლუსი ვერცერთ საკითხზე ერთად ვერ იქნებიან, ასე ვერ არიან "კოლექტიური ნაცმოძრაობა" და ქართველი ხალხი ერთ აზრზე. "ნაციონალური მოძრაობა" ორგანულად ვერ იტანს ვერაფერს ქართულს. "ნაცმოძრაობას" რაც უნდა, ის არასდროს არ უნდა ქართველ ხალხს და რაც ქართველ ხალხს უნდა, ის არასდროს არ უნდა "ნაცმოძრაობას", - განაცხადა გურამ მაჭარაშვილმა.

საზოგადოება • 1731080220

"დავბერდი... არ ვვარგივარ. ჩემი თავი აღარ მომწონს. თავს პომადით ვიახალგაზრდავებ" - კოლორიტი გიდი 69 წლის გახდა

"მე არც დიდი მწიგნობარი ვარ და არც მჭევრმეტყველი, არც ენები ვიცი. პატრიოტი ვარ და შემართული ვყვები. ალბათ, ეს მოსწონთ“ - ამბობს "პრაიმტაიმთან" სვეტიცხოვლის გიდი, კოლორიტი ციცინო ზივზივაძე, რომელიც 8 ნოემბერს 69 წლის გახდა. ციცინო ზივზივაძე: არ ვარ ახალგაზრდა, დავბერდი, ძველებური შემართება და ენთუზიაზმი აღარ მაქვს. ასაკი მაინც ასაკია. რა ყოჩაღად არ უნდა იყო, დროს მაინც ვერ შეაჩერებ. მაინც გეტყობა... თავს პომადით ვიახალგაზრდავებ. ასაკში აღარ მომწონს ჩემი თავი, არ ვვარგივარ და ტუჩსაცხს ვხმარობ. ვისვამ ვარდისფერ ან იასამნისფერ პომადას. მჩუქნიან ხოლმე, მეც ვისვამ... შლაპების კოლექცია მაქვს. მიყვარს ქუდები.დაბადების დღეების გადახდა არ მიყვარს. სამშობლო ყველაფერია. სამშობლოს სიყვარულმა მიმიყვანა 9 აპრილს მიტინგზე. მთავრობის სასახლესთან ვიდექი, როდესაც რუსული ტანკები თავს დაგვესხნენ. იქ ან მოვკვდებოდით, ან გადავრჩებოდით. წავედით თავგანწირვაზე. თავს ყველაზე უძვირფასესს ვწირავდი, ანუ სამშობლოს. პატრიარქმა დაშლისკენ მოგვიწოდა. ჩვენ არ შეგვშინებია. წინა ხაზზე ჩემს დასთან, დარეჯანთან ერთად ვიდექი. ის შეეწირა ცხრა აპრილს, მე ნიჩბით დავიჭერი. ნაკერები დამადეს. იარა დამრჩა, თხემის არეში თმა ფარავს...სვეტიცხოველში არავინ რომ არ შედიოდა, იმ დროიდან ვესწრებოდი წირვა-ლოცვას. სამთავროს დედათა მონასტრიდან ოთხი მონაზონი ესწრებოდა წირვას და მე. საერო მონაზონს მეძახდნენ. კომკავშირელები მიშლიდნენ იქ სიარულს. დირექტორი მავიწროებდა ამის გამო. მაგრამ მე არ ვეპუებოდი, მაინც დავდიოდი...ვიცნობდი მამა გაბრიელს. მის კელიაში რომ შეხვიდოდი, ქადაგებდა. იცოდა ძველი და ახალი აღთქმა და საოცრად ქადაგებდა. უკეთილშობილესი იყო. ჭეშმარიტი ბერი იყო. ყველაფერს გეტყოდა, რასაც იმ დროს ფიქრობდა... რასაც გეტყოდა, უნდა მიგეღო. სასწაული: სასწაულია ის, რომ ცნობილი გავხდი. მე ჩემთვის, ჩუმად ვშრომობ, ვმუშაობ. წლებია მცხეთის ისტორიულ არქიტექტურულ მუზეუმში ვმუშაობდი. ბოლო წლებია დამოუკიდებელი გიდი ვარ. და ამ დროს ხალხმა გამხადა პოპულარული. მაქებენ, სხვადასხვა ეპითეტებით მამკობენ. ძალიან მრცხვენია. ეს წყალობაა თუ რისხვაა, ვერ გეტყვით. ცნობილი რომ გავხდი, ალბათ, უფრო სასწაულია. მე არც დიდი მწიგნობარი ვარ და არც მჭევრმეტყველი, არც ენები ვიცი, მაგრამ ღმერთის ნება იყო, რომ ხალხს გავეცანი... პატრიოტი ვარ და შემართული ვყვები ჩვენი ქვეყნის, სვეტიცხოვლის ისტორიას. ალბათ, ეს მოსწონთ. თორემ პოპულარობაზე რა გითხრათ, ამას რომ მეუბნებიან, სად წავიდე აღარ ვიცი.მე პატრიოტი ვარ, ისტორიკოსი ვარ და ჩემი ქვეყნის ისტორიას ხომ არ გავაყალბებ?! ამიტომ რუსებს ყოველთვის ვეუბნები ვინც არიან. ოკუპანტები რომ არიან. მოსკოველი რუსი განათლებულია და მან ისტორიაც კარგად იცის და თავისი ქვეყნის ოკუპანტობაც, როგორ ანადგურებდა ქართულ კულტურას. ისინი მაქებენ კიდეც, ყოჩაღ, პატრიოტი ხარო! ასე რომ, მე სიმართლეს ვამბობ, მართალი ადამიანი კი სალ კლდეზე მაგარია.

პოლიტიკა • 1731063386

დიდი მადლობა მინდა გადავუხადო ჩვენი ქვეყნის პირველ პირებს, რომლებიც ცდილობენ, ჩვენი ქვეყანა ილია მართლის გზაზე ატარონ და დიდი მადლობა ჩვენს ხალხს - მეუფე თეოდორე

დიდი მადლობა მინდა გადავუხადო ჩვენი ქვეყნის, ჩვენი სამშობლოს პირველ პირებს, რომლებიც ცდილობენ, რომ ჩვენი ქვეყანა ილია მართლის გზაზე ატარონ და დიდი მადლობა ჩვენს ხალხს, რომლებმაც ყველანაირ კეთილდღეობას, ყველანაირ სხვაგვარად დაფასებას ამჯობინა, რომ უფალთან იყოს და უფლის გზაზე იაროს, - ამის შესახებ ახალციხისა და ტაო-კლარჯეთის მიტროპოლიტმა, სრულიად საქართველოს კათოლიკოს პატრიარქის ქორეპისკოპოსმა, ყვარლის, ლაგოდეხისა და ჰერეთის ეპარქიის დროებითმა წინამძღოლმა, მეუფე თეოდორემ "ილიაობა 24"-თან დაკავშირებით გამართულ ღონისძიებაზე განაცხადა.მისივე შეფასებით, დღეს, სწორედ, ამ გზას ადგას ქვეყანა და მომავალშიც ასე გაგრძელდება."ყველაზე მთავარი, რაც ილია მართალმა დაგვიტოვა, ეს სამ სიტყვაში გამოიხატება. ეს არის გზა, რომელ გზაზეც უნდა იაროს ჩვენმა ქვეყანამ. გზაზე, რომელზეც შეიძლება კეთილდღეობა იმდენი არ იყოს, მაგრამ იყოს ქვეყნისა და სამშობლოს სიყვარული, გზაზე, რომელმაც თითოეული ჩვენგანი უფალთან უნდა მიგვიყვანოს. მე მინდა, მადლობა შევწირო უფალს, რომ დღევანდელ დღეს, მე ვფიქრობ, სწორედ ამ გზაზე ვდგავართ და ჩვენი ქვეყანა ვითარდება ისე, რომ ჩვენი შვილები უფლის გზაზე დგანან და უფალთან მივლენ. სწორედ, ეს არის მთავარი შინაარსი ჩვენი ცხოვრებისა. ჩვენი ქვეყანა ამით გადარჩა, ამან გადაარჩინა ჩვენი სამშობლო იმ უთვალავი მტრის ხელში, რომელიც ჩვენ მუდმივად გარს გვერტყა. ჩვენ გადაგვარჩინა უფალმა, იმან, რომ ჩვენი ხალხი ყველანაირ კეთილდღეობაზე წინ ღმერთს აყენებდა და მე ვფიქრობ, რომ დღეს ასე მივდივართ და დარწმუნებული ვარ, ასე გავაგრძელებთ სხვლას. ჩვენი შვილები ასე ივლიან, რომ არ გადაუხვიონ ილია მართლის დანატოვარ გზას, ეს არის - "მამული, ენა, სარწმუნოება", რომელიც შემდგომ უკვე, დღევანდელობაში მეორე ილიამ თავისებურად წარმოთქვა, ჩვენმა პატრიარქმა თქვა - "ღმერთი, სამშობლო, ადამიანი", ეს ორივე ერთი და იგივე გზაა, გზა, რომელიც უფალთან მიგვიყვანს და ვმადლობ უფალს, რომ ჩვენ შეგვიძლია ამ გზაზე სიარული.დიდი მადლობა მინდა გადავუხადო ჩვენი ქვეყნის, ჩვენი სამშობლოს პირველ პირებს, რომლებიც ცდილობენ, რომ ჩვენი ქვეყანა ამ გზაზე ატარონ და დიდი მადლობა ჩვენს ხალხს, რომლებმაც ყველანაირ კეთილდღეობას, ყველანაირ სხვაგვარად დაფასებას ამჯობინა, რომ უფალთან იყოს და უფლის გზაზე იაროს", - განაცხადა მეუფე თეოდორემ.

პოლიტიკა • 1729941922

კათოლიკოს-პატრიარქმა, ილია მეორემ თავისი არჩევანი გააკეთა

საქართველოს კათოლიკოს-პატრიარქმა, ილია მეორემ თავისი არჩევანი საპატრიარქოში გააკეთა.მას გადასატანი ყუთი საპატრიარქოში მიუტანეს.

ისტორიები • 1729160460

პატრიარქმა თვალებში ჩამხედა... წამომივიდა ცრემლი, რომელიც წყლის ნაკადს უფრო ჰგავდა - მამუკა ბადრიძის ემოციური წერილი

მამუკა ბადრიძე საქართველოს კათოლიკოს-პატრიარქზე, ილია მეორეზე ემოციურ ამბავს იხსენებს:„როცა დასაბეჭდად მზადდებოდა წიგნი ,,ჩემი პატრიარქი”, გამომცემლებმა შემომთავაზეს, რომ მის ფურცლებზე უწმინდესის შესახებ რაღაც მომეთხრო. ჩემდა სამწუხაროდ, რიგი მიზეზების გამო, მიუხედავად სურვილისა, ამის გაკეთება ვერ შევძელი.უნდა ვაღიარო, რომ დღიდან იმ წიგნის გამოსვლისა დღემდე არ მასვენებს სინანულის განცდა იმისა, რომ ამბავი, რომელმაც ჩემი ცხოვრება რადიკალურად შეცვალა, ვერ მოვყევი სწორედ მაშინ, როცა ამის შესაძლებლობა მომეცა.როცა მამა გარდამეცვალა, საშინელი სიცარიელე ვიგრძენი. მეგობარმა მირჩია, იქნებ ეკლესიური ცხოვრება გეცადა, გაგაძლიერებსო. მიუხედავად იმისა, რომ ბევრი შეცდომისა თუ ცხოვრების არასწორი წესის გამო ეს ჩემთვის სულაც არ იყო იოლი, ტაძრამდე როგორღაც მივაღწიე და პირველი აღსარებაც გავბედე. ამის მერე ისეთი სულიერი სიმსუბუქე ვიგრძენი, როგორსაც მხოლოდ პირველად აღსარებანათქვამი ადამიანები განიცდიან ხოლმე.დროთა განმავლობაში მივხვდი, რომ რაღაც ისეთი მჭირდებოდა, რასაც უთუოდ შეეძლო ჩემი რწმენის განმტკიცება ან, უფრო სწორად, ჩემი სულის გადარჩენა. იმავე მეგობარმა მირჩია, თუ სამებაში მიხვალ და პატრიარქი დაგლოცავს, ყველაფერს მაშინვე მიხვდებიო. მანვე ამიხსნა, ტაძრის რომელ ნაწილში უნდა დავმდგარიყავი, რათა წირვის დასრულებისთანავე უწმინდესს აუცილებლად დაველოცე. ეს იყო ადგილი ტაძრის მთავარი შესასვლელიდან დაახლოებით ექვსიოდ ნაბიჯში, ანუ იქ, სადაც გასვლამდე რამდენიმე წუთით ადრე, პატრიარქი პატარა ხალიჩაზე რამდენიმე წამი ჩერდებოდა ხოლმე.მივედი სამებაში. წირვის ბოლოს სწორედ იქ დავდექი, სადაც უნდა დავმდგარიყავი. ყველაფერი ისე ხდებოდა, როგორც ჩემი ,,გათვლით” უნდა მომხდარიყო. უწმინდესი მიმიახლოვდა, მისთვის დამახასიათებელი სათნოებით შემომხედა და ალბათ დამლოცავდა კიდეც, რომ არა ვიღაც ორმეტრიანი კაცი, რომელიც წინ ჩამიდგა და პატრიარქამდე მისასვლელი გზა უიმედოდ გადამიკეტა.ილია II, რომელსაც შლეიფივით მისდევდა საეპისკოპოსო დასი, გზას დინჯი, მტკიცე ნაბიჯით მიუყვებოდა და დაახლოებით ათ მეტრის გავლის შემდეგ, როცა გულდაწყვეტილმა ვინატრე, იქნებ ჩემკენ მობრუნებულიყო და დაველოცე, შეჩერდა. მასთან ერთად გაჩერდნენ სხვებიც. პატრიარქი ნელა მოტრიალდა და ასეთივე ნაბიჯით წამოვიდა ჩემკენ. როცა ახლოს მოვიდა და თვალებში ჩემთვის იქამდე უცნობი მზერით ჩამხედა, ვიგრძენი, რომ მთელ ჩემს ცხოვრებას წიგნივით, ფურცელ-ფურცელ, აბზაც-აბზაც, სიტყვა-სიტყვით კითხულობდა. თან მდუმარე, მაგრამ მეტყველი თვალებით მეკითხებოდა: ,,ხომ კარგია ეკლესიური ცხოვრება?”, ,,ნუთუ ასე არ ჯობია?”. მერე თავზე ხელი დამადო და დამლოცა.ვისაც ერთხელ მაინც ხვდომია წილად მისი დალოცვის მადლი, უმალ მიხვდება, თუ რა განვიცადე. ეს იყო უწონადობის მსგავსი მდგომარეობა, რომლის მსგავსიც მოგვიანებით წმინდა ნიკოლოზის ხატთან თუ მიგვრძვნია…წამომივიდა ცრემლი, რომელიც წყლის ნაკადს უფრო ჰგავდა და დაახლოებით ნახევარი საათი თუ უფრო მეტი, განწმენდის, არაამქვეყნიური სისუფთავისა თუ სიწმინდის ემოციით მავსებდა.ასეთი წუთების შემდეგ ადამიანი მეყსეულად ხვდება, რომ ის ვეღარასოდეს იქნება ისეთი, როგორიც აქამდე იყო. და თუ ოდესმე უნდა შემეგრძნო ჭეშმარიტების წამი, ეს სწორედ ის წამი იყო.

საზოგადოება • 1728851279

ლოცვა, რომელიც სვეტიცხოვლობას უნდა წაიკითხოთ

"თავისი კვართის საიდუმლოთი უფალმა ეკლესიის ერთიანობაზე მიგვანიშნა" საქართველოს მართლმადიდებელი ეკლესია 14 ოქტომბერს მცხეთობას, იგივე სვეტიცხოვლობას, უფრო ზუსტად კი "კვართისა საუფლოჲსა და სვეტისა ღმრთივბრწყინვალისა და მირონმდინარისა"-ს დღესასწაულს აღნიშნავს.ეკლესია ამ დღეს ასევე წმიდა მოციქულთა სწორის მეფე მირიანისა და დედოფალ ნანას (IV); წმიდა სიდონიასა და აბიათარის (+IV) ხსენებასაც აღნიშნავს.საგანგებოდ ამ დღისთვის ყველა მართლმადიდებელმა ქრისტიანმა ეს მოკლე ლოცვა (ტროპარი) უნდა წარმოთქვას: კათოლიკე ეკლესიისა დღესასწაული, სუეტისა წმიდისა და კუართისა საუფლოჲსა: ნათელი შემოჰკრებს კიდეთა სოფლისათა და სანოვაგედ წმიდად მიჰრონსა გვიწყაროებს, რომელნი წმიდასა ღმრთისმშობელსა და მისგან შობილსა ქრისტესა თაყუანის-ვსცემთ, რაჲთა ვპოვოთ ცხოვრება სულთა ჩუენთა.გადმოცემის თანახმად, უფლის ჯვარცმის შემდეგ მისი კვართი წილად მცხეთაში მცხოვრებ ებრაელებს – ელიოზსა და ლონგინოზს ერგოთ, რომლებმაც სიწმინდე მცხეთაში ჩამოაბრძანეს. ელიოზის დამ, სიდონიამ კი უფლის კვართი გულში ჩაიკრა და სული განუტევა. იგი სიწმინდესთან ერთად დაკრძალეს. სიდონიას საფლავზე კი კვიპაროსის ხე ამოვიდა.მე-4 საუკუნეში წმიდა მეფე მირიანის ბრძანებით ეკლესიის ასაშენებლად ხუროებს ხე მოუჭრიათ, მისგან დაუმზადებიათ შვიდი სვეტი. კვიპაროსის ხისგან დამზადებული ერთ-ერთი სვეტი კი მშენებლებს არ დამორჩილებია. იგი მხოლოდ წმ. ნინოს ლოცვა-ვედრების შემდეგ აღმართულა იმ ადგილზე, სადაც ქრისტეს კვართი იყო დაკრძალული. ამ ადგილას ხის პატარა ზომის ეკლესია აიგო. მე-5 საუკუნის ბოლოს ვახტანგ გორგასალმა მის ადგილას უფრო დიდი ზომის სამნავიანი ბაზილიკური ტიპის ეკლესიის მშენებლობა დაიწყო. ხოლო უკვე გორგასლისეული სვეტიცხოვლის აღდგენა-მშენებლობას ხელი საქართველოს კათოლიკოს-პატრიარქმა წმიდა მელქისედეკ პირველმა მოჰკიდა. მისი ბრძანებით მე – 11 ს-ის დასაწყისში ხუროთმოძღვარმა არსაკიძემ ძველი ბაზილიკის ნაგებობა ჯვარ-გუმბათოვან ტაძრად გადააკეთა. სწორედ არსაკიძის ეს გენიალური ქმნილებაა ჩვენამდე მოღწეული."თავისი კვართის საიდუმლოთი უფალმა ეკლესიის ერთიანობაზე მიგვანიშნა" და "შეუძლებელია, ქრისტეს სამოსი ჰქონდეს იმას, ვინც ქრისტეს ეკლესიას არღვევს". ამიტომაც იყო, ქართველები ასე რომ უფრთხილდებოდნენ ეკლესიის ერთიანობას, ამიტომაც იყო, რომ ეპისკოპოსი აუცილებლად სვეტიცხოველში უნდა კურთხეულიყო.

საზოგადოება • 1727441339

პრემიერ-მინისტრი სიონის საკათედრო ტაძარში ჯვართამაღლების დღესასწაულთან დაკავშირებულ საზეიმო წირვას დაესწრო

საქართველოს პრემიერ-მინისტრი, ირაკლი კობახიძე სიონის საკათედრო ტაძარში ჯვართამაღლების დღესასწაულთან დაკავშირებულ საზეიმო წირვას დაესწრო.ტაძარში წირვა სრულიად საქართველოს კათალიკოს-პატრიარქმა, უწმინდესმა და უნეტარესმა ილია მეორემ კათალიკოს-პატრიარქის ტახტის მოსაყდრესთან, სენაკისა და ჩხოროწყუს მიტროპოლიტ შიოსთან და სამღვდელოებასთან ერთად აღავლინა.ინფორმაციას მთავრობის ადმინისტრაცია ავრცელებს.

საზოგადოება • 1727436438

დღეს ჯვართამაღლებაა - რა ლოცვა უნდა წაიკითხოს მრევლმა

27 სექტემბერს მართლმადიდებლები ჯვართამაღლებას აღნიშნავენ 27 სექტემბერს მართლმადიდებლები ჯვართამაღლებას აღნიშნავენ.ეს დღე მოციქულთასწორი იმპერატორის, კონსტანტინე დიდის (306-337) სახელს უკავშირდება. ღვთის განგებით, წმინდა კონსტანტინემ და მისმა დედამ წმინდა ელენემ იერუსალიმში უფლის ცხოველმყოფელი ჯვარი მოიძიეს, რომელიც სამასი წლის განმავლობაში მიწაში იყო დამარხული. იერუსალიმის პატრიარქმა მაკარიმ კი მაცხოვრის ჯვარი ყველას დასანახად აამაღლა. ეს ფაქტი 326 წელს მოხდა. კონსტანტინე დიდი რომის პირველი იმპერატორი იყო, რომელმაც ქრისტიანთა დევნა შეწყვიტა და ქრისტიანობა სახელმწიფო რელიგიად გამოაცხადა.ამ დღეს წასაკითხი ლოცვა: აცხოვნე უფალო ერი შენი და აკურთხე სამკვიდრებელი შენი, ძლევაჲ ჯუარითა ბარბაროზთა ზედა ღმრთივდაცულსა ერსა ჩუენსა მოანიჭე და საფარველსა ქუეშე მისსა დაიცევ, რაჲთა ვიტყოდეთ: უფალო, დიდებაჲ შენდა.