მეგობრების

დავით ქართველიშვილი: თბილისი დე ფაქტო იბრუნებს სამხრეთ კავკასიის ცენტრის სტატუსს

აზერბაიჯანის პრეზიდენტის, ილჰამ ალიევის თბილისში ვიზიტს გამოეხმაურა პარტია “ხალხის ძალის” წევრი დავით ქართველიშვილი.მისი განცხადებით, აღნიშნული ვიზიტი საქართველოს რეგიონული როლის გაძლიერებაზე მიუთითებს და ადასტურებს ქვეყნის, როგორც სტაბილური და პროგნოზირებადი პარტნიორის მნიშვნელობას.„თუ აზერბაიჯანის ლიდერი სწორედ თბილისს ირჩევს საკვანძო მოლაპარაკებების პლატფორმად, ეს ნიშნავს, რომ საქართველო აღიქმება როგორც სტაბილური, მართვადი და პროგნოზირებადი ჰაბი“, - აღნიშნა ანალიტიკოსმა და განმარტა, რომ საქართველო უკვე სცდება მხოლოდ ტრანზიტული ქვეყნის როლს და გადაიქცა რეგიონული ინტერესებისა და პროცესების მართვის მნიშვნელოვან ცენტრად.„სანამ ჩვენი „მეხუთე კოლონა“ ისტერიულად ცდილობს ჩვენი სამშობლო და მისი ამჟამინდელი როლი და ადგილი გეოეკონომიკაში მაქსიმალურად დააკნინოს და რეპუტაციულად დააზიანოს - თვით ცხოვრება ყველაფერს თავის კუთვნილ ადგილს უჩენს. 2023 წლის შემდეგ შედგა ილჰამ ალიევის პირველი ვიზიტი თბილისში იმ სახელისუფლებო პოლიტიკური კონფიგურაციის პირობებში, სადაც პრემიერ-მინისტრი ირაკლი კობახიძეა, ხოლო პრეზიდენტი მიხეილ ყაველაშვილი და ეს არ არის უბრალოდ დიპლომატიური მოვლენა, არამედ პოლიტიკური მარკერია: თბილისი დე ფაქტო იბრუნებს სამხრეთ კავკასიის ცენტრის სტატუსს.ასეთი ვიზიტები ინერციით არ ხდება - ისინი ასახავენ გათვლას და ნდობას. და თუ აზერბაიჯანის ლიდერი სწორედ თბილისს ირჩევს საკვანძო მოლაპარაკებების პლატფორმად, ეს ნიშნავს, რომ საქართველო აღიქმება როგორც სტაბილური, მართვადი და პროგნოზირებადი ჰაბი, რომლის გარშემოც შესაძლებელია რეგიონული არქიტექტურის აგება. შინაარსობრივად ეს იმითაც დასტურდება, რომ თბილისზე გადის არა მხოლოდ მარშრუტები, არამედ პოლიტიკური გადაწყვეტილებები. ხოლო ყველა ძირითადი საერთაშორისო პროექტი, რომელიც აზიასა და ევროპას აკავშირებს - ან უკვე გადის საქართველოს გავლით, ან მის გარეშე ვერ განხორციელდება.ეს საქართველოსთვის თვისობრივად უკვე სულ სხვა როლია: არა უბრალოდ „ტრანზიტული ტერიტორია“, არამედ ნაკადებისა და ინტერესების მართვის ცენტრი. ხოლო სადაც არის მართვა - იქ იზრდება გავლენაც. სწორედ ამიტომ თბილისი დღეს იქცევა წერტილად, სადაც იკვეთება არა მხოლოდ ბაქოსა და ანკარის, არამედ უფრო ფართო გლობალური მოთამაშეების ინტერესები.ამ კონტექსტში მთავარი დასკვნა მკაფიოა: თბილისი უკვე აღარ არის მხოლოდ ერთი ქვეყნის დედაქალაქი - იგი დე ფაქტო გახდა სამხრეთ კავკასიის პოლიტიკური და ეკონომიკური ცენტრი და სულ უფრო მეტად პრეტენზიას აცხადებს უფრო ფართო ევრაზიული სივრცის საკვანძო ჰაბის როლზე.სანამ ჩვენი აგენტურა „ენის მიტანისა“ და შოპინგის მიზნით ნიდერლანდებს სტუმრობს და ამსტერდამის „წითელი ფანრების უბანში“ დასეირნობს, რათა „თვალს წყალი დაალევინოს“ - მათთვის უცხო და მიუღებელი ქვეყანა იბრუნებს მთავარი რეგიონალური ცენტრის სტატუსს. რეგიონული ტურბულენტობის ფონზე დღეს სწორედ აქ ყალიბდება სტაბილურობის, მოლაპარაკებებისა და სტრატეგიული დაგეგმვის სივრცე. და ალიევის ვიზიტი - ეს უკვე ამ პროცესის დასაწყისი კი არა, მისი მკაფიო დადასტურებაა: ჩვენი „დაუძინებელი მეგობრების“ გულების გასახეთქად, დიახ, რეგიონული სიმძიმის ცენტრი ბრუნდება თბილისში“, - განაცხადა დავით ქართველიშვილმა.

ასტროლოგია • 1775420359

პლანეტა ვენერა 2026 წლის აპრილში - რა ცვლილებები გველოდება თვის განმავლობაში პირადი ურთიერთობებისა და ფინანსების კუთხით

23 აპრილამდე ვენერა კუროს ნიშანში იქნება, რაც ცხოვრებით ტკბობის, საინტერესო გამოცდილების დაგროვებისა და ფიზიკური კეთილდღეობის პერიოდს განაპირობებს. თუმცა, ამავდროულად, 8 აპრილამდე იგი მრისხანე პლანეტა პლუტონთან ასპექტშია, რაც ამ სფეროებში გარკვეულ დაძაბულობას წარმოშობს. ურთიერთობებში შესაძლოა, ზედმეტი ან უსაფუძვლო ეჭვიანობა, წვრილმანებზე გამოკიდება და უკმაყოფილება იგრძნოთ. ვინაიდან ეს განცდები დროებითია, მათ არ უნდა აჰყვეთ - ეს ტენდენცია მალე გაიფანტება, კონფლიქტისგან დატოვებული უსიამოვნო კვალი კი დარჩება. შესაძლოა, გაგიჩნდეთ შეგრძნება, რომ ფული კრიტიკულად არ გყოფნით. ზოგიერთს სარისკო წამოწყებებში ჩაბმის სურვილი შეაწუხებს - მაგალითად, ინვესტირება ან რომელიმე პროექტში ფინანსური წილის ჩადება მოუნდება. სიფრთხილე გამოიჩინეთ და ნაბიჯის გადადგმამდე სტრატეგია კარგად განსაზღვრეთ. საკუთარი თავით უკმაყოფილებას იგრძნობთ. ყველაზე ემოციურ ადამიანებს შესაძლოა, გარეგნობის კარდინალური ცვლილებები მოუნდეთ. რაღაცის შეცვლა, მათ შორის რთული კოსმეტოლოგიური პროცედურებისა და ქირურგიული ჩარევების სურვილი გაგიჩნდებათ. გახსოვდეთ, რომ 3 და 4 აპრილი მსგავსი მანიპულაციებისთვის შესაფერისი დრო არ არის. (ასევე დაგაინტერესებთ: ზოდიაქოს ის ნიშნები, რომლებსაც 2026 წლის აპრილში დიდი სიურპრიზი ელის - ასტროლოგები ასახელებენ)9 აპრილიდან პლუტონის გავლენით გამოწვეული დაძაბულობა ჩაცხრება და 18 აპრილამდე ვენერა კუროს ნიშანში სხვა პლანეტებთან მეტ-ნაკლებად ჰარმონიულ ასპექტში იქნება. ეს პერიოდი იდეალურია: სილამაზის პროცედურებისთვის, თუკი გრძელვადიანი შედეგი თქვენთვის პრიორიტეტულია. სპა-პროცედურები და მასაჟი ამ დროს განსაკუთრებით ეფექტური იქნება. თქვენი ურთიერთობების (როგორც რომანტიკული, ისე საქმიანი პარტნიორობის) განმტკიცებისთვის, სადაც მნიშვნელობა კონკრეტულ ქმედებებს, მატერიალურ მხარდაჭერასა და საჩუქრებს ენიჭება. რესურსების დაგროვებისა და კაპიტალის გაზრდის გზების ძიებისთვის. ფინანსური ზურგის შესაქმნელად ეს საუკეთესო დროა. წარმატებული შოპინგისთვის, თუკი რაიმეს შეძენასა და საკუთარი თავის გახარებას დიდი ხანია გეგმავდით. გემრიელი და დახვეწილი კერძებით ტკბობისთვის. თუ ვარჯიშის დაწყებას აპირებთ, მშვიდი, სტატიკური დატვირთვა, პილატესი და თანამედროვე ცეკვები საუკეთესო არჩევანი იქნება. ამ ხელსაყრელი დროით აუცილებლად ისარგებლეთ.19 აპრილიდან ვენერა ურანს შეუერთდება, რის შემდეგაც შედარებით რთული ეტაპი დაიწყება. მოვლენები ან მოულოდნელად, ან თქვენგან დამოუკიდებელი, გაუთვალისწინებელი გარემოებების თანხლებით განვითარდება.ხოლო 24-დან 29 აპრილამდე სასიყვარულო ფრონტზე განწყობა რადიკალურად შეიცვლება - ვენერა ტყუპების ნიშანში გადავა. ურთიერთობებში სწრაფი ცვლილებებისა და სიახლეების სურვილი გაგიჩნდებათ, მარტოხელა ადამიანები კი კომუნიკაციაში ინიციატივას უფრო ხშირად გამოიჩენენ. ნაცნობობისთვის საუკეთესო ადგილი ინტერესთა კლუბები გახდება. ასევე, მეგობრების წრეში, სწავლისას ან მგზავრობისას ახალი ადამიანების გაცნობას ვენერა ტყუპებში ხელს უწყობს. ჩამოყალიბებული წყვილებისთვის კი ახალ და ორიგინალურ ადგილას გასეირნება საუკეთესო გადაწყვეტილება იქნება...ვრცლად

საზოგადოება • 1775289655

„გასულ წელს შექმნეს ოჯახი...“ - თბილისში, ორი ახალგაზრდა, სავარაუდოდ, გაზის გაჟონვის შედეგად გარდაიცვალა

თბილისში, ორი ახალგაზრდა, სავარაუდოდ, გაზის გაჟონვის შედეგად გარდაიცვალა. ინფორმაცია ამის შესახებ სოციალურ ქსელში ვრცელდება.გარდაცვლილები არიან შაკო ბუტიკაშვილი და ელენე გადელია.„ორი ახალგაზრდა სიცოცხლე...სიტყვები უძლურია ამ ტკივილის წინაშე...ვიზიარებ ამ უმძიმეს ტრაგედიას და ღრმა მწუხარებას გამოვთქვამ გარდაცვლილთა ოჯახების, მეგობრების და ახლობლების მიმართ“,- ნათქვამია ინფორმაციაში.„სავარაუდოდ გაზის გაჟონვის შედეგად გარდაიცვალნენ.... გასულ წელს შექმნეს ოჯახი“,- წერენ კომენტარებში. „პრაიმტაიმი“ დეტალებს არკვევს.

პოლიტიკა • 1774448220

ლადო სადღობელაშვილი: ხელისუფლებაც კი არ ერევა ეკლესიის საქმიანობაში, მაგრამ მე ვხედავ, ოპოზიციური პარტიების მხრიდან ამ მცდელობებს. მათი მიზანია აურიონ იქ, სადაც ყველაზე დალაგებულია

მათი მიზანია აურიონ იქ, სადაც ყველაზე დალაგებულია, იქ გააჩინონ წარმოსახვითი პრობლემები, სადაც ყველაზე დალაგებულია ვითარება, - განაცხადა ანალიტიკოსმა ლადო სადღობელაშვილმა „დღის ქრონიკასთან“, რითაც უპასუხა კითხვას - რა არის ეკლესიაზე თავდასხმების ძირითადი მიზანი?მისი თქმით, არცერთ პოლიტიკურ ძალას არ აქვს ეკლესიის საქმეებში ჩარევის უფლება, თუმცა, ოპოზიციური პარტიების მხრიდან ამგვარი მცდელობები ჩანს.„თუნდაც გვარამია, რომელიც პატრიარქს აგენტს ეძახდა, მათ რატომ უნდა განსაზღვრონ ვინ იქნება პატრიარქი? მაგალითისთვის ვამბობ, სამძიმარზე ვერ გაბედა მისვლა, ანალოგიურად ის ადამიანები, ვინც ქილიკობდნენ, გადაცემებს, რეპორტაჟებს უძღვნიდნენ დედაეკლესიას, ვერ განგვისაზღვრავენ ვინ იქნება ჩვენი პატრიარქი, ვინ იქნება იმ სიყვარულისა და ერთიანობის გამგრძელებელი, რომელიც ილია მეორემ საქართველოს დაუტოვა. არცერთ პოლიტიკურ ძალას არ აქვს ეკლესიის საქმეებში ჩარევის უფლება, ჩვენ ვხედავთ, რომ ხელისუფლებაც კი არ ერევა ეკლესიის საქმიანობაში. მაგრამ მე ვხედავ, ოპოზიციური პარტიების მხრიდან ამ მცდელობებს. ღმერთმა დაიფაროს საქართველო, რომ ნიკა გვარამიას და მისი სულიერი ძმებისა და მეგობრების გადასაწყვეტი იყოს, საქართველოში ვინ იქნება შემდეგი პატრიარქი“, - განაცხადა სადღობელაშვილმა.

პოლიტიკა • 1774361211

დავით ქართველიშვილი: ერთი დეპეშა არ გამოუგზავნიათ ევრობიუროიკრატებს პატრიარქის გარდაცვალების გამო ქართველი ხალხის სანუგეშოდ, იმ ხალხის, რომელსაც ასე მისტირიან და თითქოს გვერდში უდგანან

სრულიად საქართველოს კათოლიკოს პატრიარქის ილია მეორის გარდაცვალებასთან დაკავშირებით ევრობიუროკრატების დუმილს პარტია „ხალხის ძალის“ წევრი დავით ქართველიშვილი გამოეხმაურა.„ამდენი წლის განმავლობაში ევრობიუროკრატების მხრიდან რამდენი ნიანგის ცრემლი გვინახავს დაღვრილი, თითქოს მათ არ შეუძლიათ გაატარონ ცხოვრების არც ერთი დღე ისე, რომ ქართველი ხალხის დემოკრატიული აღმშენებლობის ბედის, მისი წარსულის თუ მომავლის გამო არ ინერვიულონ“- განაცხადა ანალიტიკოსმა და აღნიშნა, რომ „დაუძინებელ მეგობრებს“ ქართველი ხალხის სანუგეშოდ დეპეშაც კი არ გამოუგზავნიათ.მისივე განმარტებით, უკანასკნელ დღეებში ქუჩაში გასული ხალხი, რეალურად ქართული საზოგადოებაა.„ამდენი წლის განმავლობაში ჩვენი დაუძინებელი მეგობრების [ევრობიუროკრატების] მხრიდან რამდენი ნიანგის ცრემლი გვინახავს დაღვრილი ვირტუალურ, ილუზორულ და მითიურ ქართველ ხალხზე, თითქოს მათ [ევრობიუროკრატებს] არ შეუძლიათ გაატარონ საკუთარი ცხოვრების არც ერთი დღე ისე, რომ ქართველი ხალხის დემოკრატიული აღმშენებლობის ბედის, მისი წარსულის თუ მომავლის გამო არ ინერვიულონ.ამ დღეებში ჩვენ დავინახეთ მილიონობით ქართველი ადამიანი. ერთი დეპეშა არ გამოუგზავნიათ, სატელეფონო ზარს თავი დავანებოთ, ევრობიუროიკრატებს ქართველი ხალხის სანუგეშოდ, იმ ხალხის, რომელსაც ასე მისტირიან, თითქოს გვერდში უდგანან და ა.შ. ჩვენ რაც ვნახეთ, ის რეალური ქართველი ხალხი იყო და არა მისი გენმოდიფიცირებული ნაწილი,“- განაცხადა დავით ქართველიშვილმა.

საზოგადოება • 1774248780

სამხრეთ აფრიკის რესპუბლიკაში, იოჰანესბურგში, მელროუზის ბერძნულ მართლმადიდებლურ ეკლესიაში სრულიად საქართველოს კათოლიკოს-პატრიარქის, ილია II-ის გარდაცვალებასთან დაკავშირებით პანაშვიდი ჩატარდა

სამხრეთ აფრიკის რესპუბლიკაში, ქართული დიასპორის და საქართველოს მეგობრების ორგანიზებით, 22 მარტს, ქ. იოჰანესბურგში, მელროუზის ბერძნულ მართლმადიდებლურ ეკლესიაში სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის გარდაცვალებასთან დაკავშირებით პანაშვიდი ჩატარდა. ინფორმაციას სამხრეთ აფრიკის რესპუბლიკაში საქართველოს საელჩო ავრცელებს.მათივე ცნობით, სამგლოვიარო ცერემონიას ესწრებოდნენ სამხრეთ აფრიკის რესპუბლიკაში საქართველოს საგანგებო და სრულუფლებიანი ელჩი როლანდ ბერიძე, საელჩოს თანამშრომლები და ქართული დიასპორის წარმომადგენლები, ასევე საქართველოს მეგობრები.

საზოგადოება • 1774240505

სამხრეთ აფრიკაში ილია II-ის სულის მოსახსენიებელი პანაშვიდი ჩატარდა

ამხრეთ აფრიკაში ილია II-ის სულის მოსახსენიებელი პანაშვიდი ჩატარდა. საქართველოს საელჩოს ინფორმაციით, საეკლესიო მსახურება ქართული დიასპორის და საქართველოს მეგობრების ორგანიზებით იოჰანესბურგში, მელ-როუზის ბერძნულ, მართლმადიდებლურ ეკლესიაში შედგა.სამგლოვიარო ცერემონიას სამხრეთ აფრიკაში საქართველოს ელჩი როლანდ ბერიძე, დიპლომატიური მისიის თანამშრომლები და ქართული დიასპორის წარმომადგენლები ესწრებოდნენ.

მსოფლიო • 1773940089

ჩრდილოეთსა და სამხრეთში მიმდინარე ომის კონტექსტში, სამხრეთ კავკასიაში გამავალი სავაჭრო გზები უფრო მნიშვნელოვანი ხდება, ვიდრე ოდესმე - მარტა კოსი

ჩრდილოეთსა და სამხრეთში მიმდინარე ომის კონტექსტში, სამხრეთ კავკასიაში გამავალი სავაჭრო გზები უფრო მნიშვნელოვანი ხდება, ვიდრე ოდესმე, – ამის შესახებ გაფართოების საკითხებში ევროკავშირის კომისარმა, მარტა კოსმა, ერევანში ვიზიტის დროს განაცხადა.ევროკომისრის თქმით, ბოლო ექვსი თვის განმავლობაში ბევრი რამ მოხდა, მსოფლიო უფრო არასტაბილური გახდა და ამან კიდევ ერთხელ აჩვენა, თუ რატომ არის მუშაობა სამხრეთ კავკასიაში ასეთი მნიშვნელოვანი.„ამან აჩვენა საიმედო პარტნიორებისა და მეგობრების ყოლის მნიშვნელობა და სწორედ ასე ვხედავთ ჩვენ სომხეთს. ეს მართლაც მნიშვნელოვანი წელია სომხეთისთვის. მაისში სომხეთი უმასპინძლებს ევროპის პოლიტიკური საზოგადოების სამიტს, რასაც მოჰყვება ევროკავშირი-სომხეთის პირველი სამიტი, რომელიც აჩვენებს, თუ რამდენად მნიშვნელოვანია ეს რეგიონი ევროპისთვის და რამდენად ღრმა გახდა ჩვენი პარტნიორობა. ჩრდილოეთსა და სამხრეთში ომის ფონზე, სამხრეთ კავკასიაში გამავალი სავაჭრო გზები უფრო მნიშვნელოვანი ხდება, ვიდრე ოდესმე“, – განაცხადა მარტა კოსმა.

მსოფლიო • 1773911007

ომანის საგარეო საქმეთა მინისტრი: ირანის ომი ტრამპის ადმინისტრაციის ყველაზე დიდი შეცდომაა

ირანის ომი ტრამპის ადმინისტრაციის „ყველაზე დიდი შეცდომაა“, – ამის შესახებ ომანის საგარეო საქმეთა მინისტრმა, ბადრ ალბუსაიდიმ განაცხადა, რომელიც ომის დაწყებამდე ირანს და აშშ-ს შორის მოლაპარაკებების შუამავალი იყო.ომანის საგარეო უწყების ხელმძღვანელმა მოუწოდა ამერიკის მოკავშირეებს, ჩაერიონ და დაეხმარონ „უკანონო ომის“ დასრულებაში.ალბუდსაიდი აცხადებს, რომ რეგიონის ერებს შორის არსებული შედარებითი მშვიდობა და კეთილდღეობა ახლა საფრთხის ქვეშაა, რადგან აშშ-მა „დაკარგა კონტროლი საკუთარ საგარეო პოლიტიკაზე“.„ამერიკის მეგობრებისთვის კითხვა მარტივია. რა შეგვიძლია, გავაკეთოთ, რომ ზესახელმწიფო ამ არასასურველი ჩახლართულობიდან გამოვიყვანოთ? პირველ რიგში, ამერიკის მეგობრებს აკისრიათ პასუხისმგებლობა, თქვან სიმართლე. ეს იწყება იმით, რომ ამ ომში ორი მხარეა, რომლებიც ამით ვერაფერს მოიგებენ და რომ როგორც ირანის, ასევე ამერიკის ეროვნული ინტერესები საომარი მოქმედებების რაც შეიძლება მალე დასრულებაშია“, – აღნიშნა ბად ალბუსაიდიმ.ომანის საგარეო საქმეთა მინისტრმა დასძინა, რომ, როგორც ჩანს, ისრაელმა „დაარწმუნა“ აშშ, რომ ომი ადვილი მოსაგებია, მაგრამ ისრაელის მიზნების მისაღწევად აშშ-ს მოუწევს ჯარების გაგზავნა ადგილზე და ისეთი ხანგრძლივი ომის დაწყება, რომლის დასრულების პირობაც ტრამპმა დადო.

პოლიტიკა • 1773682017

ირაკლი კირცხალია „მოსკოვის მექანიზმზე“: ეს იყო ვიწრო პოლიტიკური ანგარებით შედგენილი ისეთი დასკვნა, როგორიც არის ყველა რეზოლუცია და განცხადება მათი მეგობრების მხრიდან

ფრაქცია „ქართული ოცნების“ თავმჯდომარემ, საპარლამენტო უმრავლესობის ლიდერმა, ირაკლი კირცხალიამ „მოსკოვის მექანიზმის“ ფარგლებში მომზადებული ანგარიში უმრავლესობის სხდომის დასრულების შემდეგ მედიასთან შეაფასა და აღნიშნა, რომ ეს სამარცხვინო დასკვნაა.„რაც შეეხება თითოეულ იმ მიმართულებას, თითოეულ ცრუ ფაქტს, რომელიც ამ დასკვნაშია მოყვანილი, ამას სერიოზულად ვერ შეხედავ. ეს არის ნაკარნახევი იმ ვიწრო პოლიტიკური ანგაჟირებით, რომელსაც სამწუხაროდ დღეს წარმოადგენს ის ადამიანი,რომელიც პირდაპირ აპელირებულია იმ ხელისუფლებასთან, რომელი ხელისუფლებაც რეზოლუციას რეზოლუციაზე ავტორობდა ჩვენი ქვეყნის წინააღმდეგ, სადაც მიხეილ სააკაშვილი პოლიტპატიმრად არის მოხსენიებული.გესაუბრებიან ევროპული ღირებულებების სახელით, გესაუბრებიან ბრიუსელის სახელით ევროკავშირის დროშას ამოფარებული და გეუბნებიან, რომ თურმე ოჯახური ღირებულებების დაცვა ევროპული გზა არ ყოფილა, ბავშვებში ლგბტ პროპაგანდა თურმე დასაშვები უნდა იყოს და ეს ევროპულია, როდესაც იუსტიციის სახლში უნდა მიბრძანდეს თურმე საქართველოს მოქალაქე და თავის შეხედულებით გადაიკეთოს სქესი, ეს თურმე პროევროპულია, თურმე გამჭვირვალობა არ არის ევროპული. თითოეული მიმართულება არის გაცამტვერებული. ეს იყო ვიწრო პოლიტიკური ანგარებით შედგენილი ის დასკვნა, როგორიც არის ყველა რეზოლუცია და განცხადება მათი მეგობრების მხრიდან“, - აღნიშნა ირაკლი კიორცხალიამ.პატრიცია გჟებიკი ის ე.წ. დამოუკიდებელი ექსპერტია, რომელმაც სავარაუდოდ, წინასწარ დაწერილ დეზინფორმაციას ხელი მოაწერა და „მოსკოვის მექანიზმის“ დასკვნად წარმოადგინა.ეუთო-ს „მოსკოვის მექანიზმის“ ანგარიშის თანახმად, საქართველოს ხელისუფლებას სხვა საკითხებთან ერთად, საკანონმდებლო ცვლილებების შესახებ, რეკომენდაციები მიეცა. კერძოდ, მოსკოვის მექანიზმის ანგარიშის თანახმად, ხელისუფლებას სთხოვენ „უცხოური გავლენის გამჭვირვალობის შესახებ“ და „ოჯახური ღირებულებების შესახებ“ კანონების გაუქმებას.ასევე, მოთხოვნილია „უცხოელი აგენტების რეგისტრაციის აქტის“ (FARA) , „გრანტების შესახებ“ კანონში უცხოურ გრანტებთან დაკავშირებული დებულებებისა და „მაუწყებლობის შესახებ“ კანონში ბოლო დროს შეტანილი ცვლილებების გაუქმება, რომლებიც ეხება უცხოურ დაფინანსებას და მაუწყებლობის შინაარსის შეზღუდვას.

ასტროლოგია • 1773493100

რომელ ზოდიაქოს ნიშანს გაუმართლებს სიყვარულში მარტში - ცაგარელის პროგნოზი

რომელ ზოდიაქოს ნიშანს გაუმართლებს სიყვარულში მარტში – ასტროლოგიური პროგნოზიმარტი ბევრ ზოდიაქოს ნიშანს სიყვარულისა და პირადი ურთიერთობების მიმართულებით საინტერესო ცვლილებებს მოუტანს. ასტროლოგიური პროგნოზის მიხედვით, ზოგიერთ ნიშანს განსაკუთრებით აქტიური და ემოციური პერიოდი ელოდება.♈ ვერძივერძებისთვის მარტი სიყვარულის კუთხით ერთ-ერთი საუკეთესო პერიოდია. ეს ნიშანი განსაკუთრებული შარმითა და ენერგიით გამოირჩევა. მატულობს მიზიდულობა და აქტიურდება პირადი ურთიერთობები. თუ ბოლო პერიოდში ემოციურად ჩაკეტილი იყავით, ახლა იგრძნობთ, რომ ენერგია და სიცოცხლის ხალისი გიბრუნდებათ. შთაბეჭდილებებით სავსე პერიოდი გელით. ამასთან, შესაძლოა ფინანსური მდგომარეობაც გაუმჯობესდეს.♉ კუროკუროებისთვის სამყარო თითქოს ახალ ამოცანას აყენებს — მეტი რომანტიკა და ემოციურობა. ხშირად პრაქტიკულები და პრაგმატულები ხართ, თუმცა ახლა დროა გრძნობების გამოხატვა ისწავლოთ. კარგი იქნება პოეზიისა და ხელოვნების სამყაროსთან დაახლოება. საერთო ინტერესები პარტნიორთან ურთიერთობას გააღრმავებს. ასტროლოგები გირჩევენ გაითვალისწინოთ ცნობილი გამოთქმა — „სიყვარულს მალვა უნდა“.♊ ტყუპებიტყუპებისთვის ეს პერიოდი პირად ცხოვრებაში ცვლილებების დროა. შესაძლოა გამოჩნდეს ახალი კავშირები და მოულოდნელი ნაცნობობები. მოგზაურობისთვისაც ხელსაყრელი პერიოდია. არ არის გამორიცხული, საინტერესო ადამიანი მეგობრების დახმარებით გაიცნოთ. ასტროლოგები გირჩევენ, ნუ იჩქარებთ და მოვლენებს ბუნებრივად განვითარების საშუალება მისცეთ.♋ კირჩხიბიკირჩხიბებისთვის მნიშვნელოვანია პასუხისმგებლობის აღება და ურთიერთობების სწორად დაგეგმვა. შესაძლოა ახალი პარტნიორი სწორედ პროფესიულ ან კარიერულ სფეროში გაიცნოთ. საერთო მიზნები და ინტერესები ურთიერთობას კიდევ უფრო გაამყარებს. ამ პერიოდში განსაკუთრებული ყურადღება მიაქციეთ გარეგნობასა და თვითპრეზენტაციას.♌ ლომილომებისთვის სიყვარულთან დაკავშირებული საინტერესო მოვლენები შესაძლოა მოგზაურობასთან იყოს დაკავშირებული. გარემოს შეცვლა დადებით გავლენას მოახდენს პირად ცხოვრებაზე. უცხოეთში ან მოგზაურობისას შესაძლებელია საინტერესო ადამიანთან შეხვედრა. აქტიურობა და მოძრაობა წარმატების შანსებს გაზრდის.♍ ქალწულიქალწულებს შესაძლოა ინტიმური და ემოციურად ძლიერი ურთიერთობა ჩამოუყალიბდეთ. თუმცა ასტროლოგები გირჩევენ, პარტნიორის არჩევისას ყურადღებით იყოთ. ენერგეტიკული კავშირი ძალიან ძლიერი შეიძლება აღმოჩნდეს, ამიტომ მნიშვნელოვანია, ურთიერთობა სტაბილურ და ჯანსაღ საფუძველზე იყოს აგებული. დაეყრდენით ინტუიციას.♎ სასწორისასწორებისთვის მარტი სიყვარულისა და პარტნიორული ურთიერთობების ერთ-ერთი საუკეთესო პერიოდია. იზრდება შარმი და მიმზიდველობა. შესაძლებელია რომანტიკული თავგადასავლები, ახალი კავშირები და ქორწინებაც კი. ფინანსური მდგომარეობაც შესაძლოა გაუმჯობესდეს. კარგი იქნება მეტი კავშირი გქონდეთ ხელოვნებასთან, მოდასთან და სილამაზის სამყაროსთან.♏ მორიელიმორიელებისთვის მნიშვნელოვანია წესრიგი და გარეგნული მოწესრიგებულობა. პაემანზე ან შეხვედრაზე კარგი შთაბეჭდილების მოხდენა დიდ როლს ითამაშებს. ასევე მოსალოდნელია საინტერესო ნაცნობობა მოგზაურობისას. არ არის გამორიცხული, რომანტიკული ურთიერთობა ფინანსურ ინტერესებთანაც იყოს დაკავშირებული.♐ მშვილდოსანიმშვილდოსნებისთვის სიყვარულის კუთხით ძალიან კარგი პერიოდი იწყება. შესაძლებელია ძველი ურთიერთობის განახლება ან ახალი რომანტიკული კავშირის დაწყება. მარტი ემოციურად თბილ და სასიამოვნო გამოცდილებებს მოგიტანთ.♑ თხის რქათხის რქებს ასტროლოგები ურჩევენ, სიყვარული საკუთარ გარემოში ეძებონ. წარმატებული იქნება მოგზაურობა, ლაშქრობები და მეგობრებთან ან ნათესავებთან შეკრებები. სწორედ ასეთ გარემოში შესაძლოა საინტერესო ადამიანი გაიცნოთ.♒ მერწყულიმერწყულებისთვის ეს პერიოდი აქტიური კომუნიკაციების დროა. ახალი ნაცნობობები შესაძლოა ნებისმიერ გარემოში გაჩნდეს — მეგობრებთან, მეზობლებთან ან ყოველდღიურ საქმიანობაში. საერთო ინტერესები და ინფორმაციული ველი ურთიერთობას გააღრმავებს.♓ თევზებითევზებისთვის მარტი ერთ-ერთი ყველაზე წარმატებული პერიოდია. მატულობს შარმი და მიმზიდველობა, რაც საპირისპირო სქესის წარმომადგენლებს განსაკუთრებით იზიდავს. ამასთან, კარგი შესაძლებლობები ჩნდება ფინანსური და პროფესიული წარმატებისთვისაც. პირადი ურთიერთობებისთვის ძალიან ხელსაყრელი დროა.

ასტროლოგია • 1773346466

ზოდიაქოს ერთი ნიშანი, რომლისთვისაც 2026 წლის 20 მარტიდან ცხოვრების ერთ-ერთი ყველაზე საინტერესო და წარმატებული ეტაპი დაიწყება

მერწყულები დროს ყოველთვის ოდნავ უსწრებენ და იმას ხედავენ, რასაც სხვები ვერ ამჩნევენ. თუმცა, ხშირად, სათანადო ბიძგის არარსებობის გამო, იდეები მხოლოდ იდეებადვე რჩება. 20 მარტიდან კი ყველაფერი სხვაგვარად იქნება. 2026 წლის 20 მარტს გაზაფხულის ბუნიობაა. გაზაფხულის ბუნიობის დღეს ჩვენი წინაპრები ახალი წლის დასაწყისად მიიჩნევდნენ. სწორედ ამ დროს ეყრება საფუძველი იმას, რაც მომავალში უნდა გაიზარდოს და განვითარდეს. ითვლება, რომ ეს ენერგეტიკულად ერთ-ერთი ყველაზე ძლიერი დღეა.მერწყულებისთვის, რომლებიც იდეებით ცხოვრობენ, ნამდვილი დღესასწაული დგება. გონება უფრო სწრაფად ამუშავდება და შთაგონებაც ერთმანეთის მიყოლებით მოვა. მთავარი კი მათი დროულად ჩაწერა და არდაკარგვა იქნება.ახალი ჩანაფიქრები შესაძლოა, შემთხვევითი საუბრიდან, ძველი წიგნიდან ან თუნდაც ქუჩაში ნანახი რეკლამიდან დაიბადოს. ირგვლივ ყველაფერი შთაგონების წყაროდ იქცევა. ადამიანებისკენ, ახალი კომუნიკაციისა და ურთიერთობებისკენ სწრაფვა გაგიმძაფრდებათ. მათთან შეხვედრის სურვილი გაგიჩნდებათ, ვინც დიდი ხანია არ გინახავთ; ასევე ძველი მეგობრებისთვის მიწერა და ახალი ნაცნობობის გაბმა მოგინდებათ.ამაზე უარს ნუ იტყვით, რადგან ახლა ყველაზე ფასეული ჯილდო სწორედ ურთიერთობების გზით მოვა. საყვარელ ადამიანებთან ურთიერთობას მეტი ყურადღება მიაქციეთ. შესაძლოა, გულწრფელი საუბრისა და კიდევ უფრო დაახლოების დრო სწორედ ახლა დადგა....ვრცლად