Crystalsport • 1786219478

ხვიჩა საგოლე კომბინაციაში მონაწილეობდა | პსჟ-მ მანჩესტერ იუნაიტედთან ფრედ ითამაშა

ახალი სეზონისთვის მზადების ფარგლებში პსჟ-მ ამხანაგური მატჩი „მანჩესტერ იუნაიტედთან'' გამართა. ლუის ენრიკესა და მაიკლ კერიკის სამწვრთნელო დაპირისპირება ფრედ 1:1 დასრულდა. პარიზული გუნდის მთავარმა მწვრთნელმალუის ენრიკემ კვარაცხელია სასტარტო შემადგენლობაში 90 წუთი ათამაშა. მე-2 წუთზე ხვიჩა კვარაცხელია, დრო ფერნანდესისა და იბრაჰიმ მბაიეს კომბინაცია გოლით დასრულდა.მალევე, ხვიჩამ კარისკენ სახიფათოდ დაარტყა, თუმცა „მან. იუნაიტედის’’ 40 წლის მეკარემ, ტომ ჰიტონმა ბურთი მოიგერია.განაგრძე კითხვა

საზოგადოება • 1786169920

სახელმწიფო მინისტრის აპარატი: საერთაშორისოდ აღებული ვალდებულებების უხეში დარღვევით, რუსეთის ფედერაცია ამ დრომდე განაგრძობს საქართველოს რეგიონების უკანონო ოკუპაციას

შერიგებისა და სამოქალაქო თანასწორობის საკითხებში სახელმწიფო მინისტრის აპარატი 2008 წლის რუსეთ-საქართველოს ომის მე-18 წლისთავთან დაკავშირებით განცხადებას ავრცელებს.სახელმწიფო მინისტრის განცხადებაში ვკითხულობთ, რომ 18 წლის წინ, საქართველოს წინააღმდეგ განხორციელებული ფართომასშტაბიანი სამხედრო აგრესიის შედეგად, რუსეთის ფედერაციამ საერთაშორისო სამართლის ფუნდამენტური ნორმების უგულვებელყოფით, მოახდინა საქართველოს განუყოფელი ტერიტორიების - აფხაზეთისა და ცხინვალის რეგიონების უკანონო ოკუპაცია.“შერიგებისა და სამოქალაქო თანასწორობის საკითხებში სახელმწიფო მინისტრის აპარატი პატივს მიაგებს 2008 წლის რუსეთ-საქართველოს ომში, საქართველოს ტერიტორიული მთლიანობისთვის ბრძოლაში დაღუპული გმირების, მებრძოლებისა და სამოქალაქო პირების ხსოვნას და თანაგრძნობას უცხადებს მათ ოჯახებს, ახლობლებსა და სრულიად საქართველოს.საერთაშორისოდ აღებული ვალდებულებების უხეში დარღვევით, რუსეთის ფედერაცია ამ დრომდე განაგრძობს საქართველოს რეგიონების უკანონო ოკუპაციას, ადგილზე უკანონო კონტროლის გაძლიერებას, სამხედრო, პოლიტიკური და საერთო სოციალურ-ეკონომიკური სივრცის შექმნის პროცესის გაფართოებას, რაც სხვა მიზნებთან ერთად, გამყოფი ხაზების ორივე მხარეს მცხოვრებ ადამიანებს შორის მზარდი კავშირების, ნდობის აღდგენისა და შერიგების პროცესის წინააღმდეგ არის მიმართული. გრძელდება ადგილობრივი მოსახლეობის ფუნდამენტური უფლებების უხეში დარღვევა, მათ შორის, ეთნიკური დისკრიმინაციით, თავისუფალ გადაადგილებაზე დაწესებული მკაცრი შეზღუდვებით, მშობლიურ ენაზე განათლების მიღების აკრძალვით, საკუთრებაზე და საარსებო წყაროებზე წვდომის შეზღუდვით. ასობით ათასი ლტოლვილი და იძულებით გადაადგილებული პირი დღემდე მოკლებულია საკუთარ სახლებში უსაფრთხოდ და ღირსეულად დაბრუნების შესაძლებლობას. დაუსჯელნი რჩებიან საქართველოს მოქალაქეების - დავით ბაშარულის, გიგა ოთხოზორიას, არჩილ ტატუნაშვილის, ირაკლი კვარაცხელიას და თამაზ გინტურის სიცოცხლის ხელყოფაში მონაწილე პირები. ევროკავშირის სადამკვირვებლო მისიას კვლავ არ ეძლევა საკუთარი მანდატის სრულყოფილი შესრულებისა და ოკუპირებულ რეგიონებში მონიტორინგის განხორციელების შესაძლებლობა.საერთაშორისო სასამართლოების არაერთი გადაწყვეტილების შესაბამისად, რუსეთის ფედერაციას ეკისრება სრული პასუხისმებლობა აფხაზეთისა და ცხინვალის რეგიონებში არსებულ ვითარებასა და განხორციელებულ უკანონო ქმედებებზე.საქართველოს მთავრობა, მის ხელთ არსებული ყველა ბერკეტისა და მექანიზმის გამოყენებით, ახორციელებს ერთიან ძალისხმევას ოკუპაციის მძიმე შედეგებთან გამკლავების მიზნით და განუხრელად წარმართავს კონფლიქტის მშვიდობიანი მოგვარების პრინციპულ და თანმიმდევრულ პოლიტიკის, რაც ქვეყნის დეოკუპაციისკენ მიმართული ძალისხმევის კვალდაკვალ, მიზნად ისახავს ხელოვნურად გაყოფილი საზოგადოების წევრებს შორის ნდობის მშენებლობას, საერთო ინტერესების გარშემო თანამშრომლობისა და დიალოგის ხელშეწყობას, ისევე როგორც კონფლიქტის შედეგად დაზარალებულ მოსახლეობაზე ზრუნვასა და მათთვის უკეთესი მომავლის შექმნას.სახელმწიფო მინისტრის აპარატი აფასებს საერთაშორისოდ აღიარებულ საზღვრებში საქართველოს სუვერენიტეტისა და ტერიტორიული მთლიანობის მიმართ საერთაშორისო თანამეგობრობის ურყევ მხარდაჭერას; ასევე, საერთაშორისო პარტნიორების როლს კონფლიქტის მშვიდობიანი მოგვარების, მათ შორის შერიგებისა და ნდობის აღდგენის პროცესში”, - ნათქვამია განცხადებაში.

საზოგადოება • 1785916800

ნიცა თავაძის და საზოგადოების ყურადღების ცენტრში - ნილა თავაძის ახალი ფოტოები პარიზიდან

ხვიჩა კვარაცხელიასა და ნიცა თავაძის ოჯახი საზოგადოების განსაკუთრებული ინტერესის საგანია. ნიცა თავაძე თავისი ბუნებრივი სტილითა და დახვეწილი იმიჯით დიდი პოპულარობით სარგებლობს, რის გამოც ყურადღებას ხშირად მისი ოჯახის წევრებიც იქცევენ.ამჯერად საზოგადოების ყურადღების ცენტრში ნიცა თავაძის და, ნილა თავაძე აღმოჩნდა. მან სოციალურ ქსელში პარიზში გადაღებული ახალი ფოტოები გამოაქვეყნა, რომლებშიც საფრანგეთის ერთ-ერთ ყველაზე ცნობილ ღირსშესანიშნაობასთან  ეიფელის კოშკთან პოზირებს.ფოტოებში ნილა კვლავ ელეგანტური და დახვეწილი სტილით წარდგა, რასაც გამომწერების მხრიდან არაერთი დადებითი გამოხმაურება მოჰყვა.

სპორტი • 1785665811

„კვარას მიზანი - ოქროს ბურთი და ჩემპიონთა ლიგის მესამედ მოგება“ - რას წერს ფრანგული გამოცემა

ცნობილი გავლენიანი ფრანგული გამოცემა L'equipe პსჟ-სა და საქართველოს ნაკრების შემტევის, ხვიჩა კვარაცხელიას ოქროს ბურთის მოგების შანსებზე წერს."ხვიჩა კვარაცხელია კვლავ მოტივირებულია და მზადაა, რომ პსჟ-სთან ერთად კვლავ ყველა და ყველაფერი დაამარცხოს.ის მსოფლიო ჩემპიონატზე არ თამაშობდა, 7 კვირა დაისვენა და ახლა ახალი სეზონისთვის ემზადება. მისი მიზანია, სეზონის დასაწყისიდანვე საუკეთესო ფორმაში იყოს მაშინ, როცა მსოფლიო ჩემპიონატზე მოთამაშე ფეხბურთელებს ამისთვის დრო სჭირდებათ.კვარა მიზნად ისახავს ოქროს ბურთის მოგებას და ზედიზედ მესამე ჩემპიონთა ლიგის მოგებას თავის გუნდთან ერთად", - წერს ფრანგული გამოცემა.შეგახსენებთ, რომ კვარაცხელიამ პსჟ-სთან ერთად წელს ჩემპიონთა ლიგა ზედიზედ მეორედ მოიგო, ქართველი ფეხბურთელი ევროპის ყველაზე პრესტიჟული ტურნირის წლის საუკეთესო ფეხბურთელი გახდა.

საზოგადოება • 1785524849

„ჩემო სიყვარულო ადამიანო, ვერ ვიჯერებ“ - მეგობრები და ახლობლები 26 წლის ლანა ლატარიას ემშვიდობებიან

26 წლის ლანა ლატარიას გარდაცვალება საზოგადოებაში დიდ მწუხარებას იწვევს. სოციალურ ქსელში მას მეგობრები, ახლობლები და ადამიანები, რომლებიც პირადად იცნობდნენ, ემოციური პოსტებით ემშვიდობებიან. ლანა მეუღლესთან და ორ მცირეწლოვან ქალიშვილთან ერთად აჭარაში ცხოვრობდა.არსებული ინფორმაციით, ახალგაზრდა ქალი მესამე შვილზე იყო ორსულად. გავრცელებული ცნობებით, ის ღამით მოულოდნელად შეუძლოდ გახდა, რის შემდეგაც ქობულეთის კლინიკაში გადაიყვანეს, თუმცა ექიმებმა მისი გადარჩენა ვერ შეძლეს. გარდაცვალების ზუსტ მიზეზზე ოფიციალური ინფორმაცია ამ დრომდე არ გავრცელებულა.ტრაგიკული ამბავი ლანას მშობლებმა უცხოეთში ყოფნისას გაიგეს. დედა, ქრისტინე კვარაცხელია, ემიგრაციიდან საქართველოში ბრუნდება, ხოლო მამამ, უკრაინაში მებრძოლმა ზაალ ლატარიამ, სოციალურ ქსელში ემოციური სტატუსი გამოაქვეყნა.„ვაიმე შვილო, მოვდივარ მამა, შენთან ერთად უნდა მოვკვდე, შვილი აღარა მყავს“, – წერს ზაალ ლატარია.ლანას გარდაცვალებას სოციალურ ქსელში მისი მეგობრები ემოციურად ეხმაურებიან. „რატომ ღმერთო...“ „სიცოცხლით სავსე გოგო იყო ლანა“„ ჩემო სიყვარულო ადამიანო ვერ ვიჯერებ ლანუ“

სპორტი • 1785440510

თბილისის „დინამო“ „ჟალგირისთან“ დამარცხდა და კონფერენსლიგას გამოეთიშა

„დინამო თბილისი“ კონფერენსლიგაზე საპასუხო შეხვედრაში ვილნიუსში „ჟალგირისს“ დაუპირისპირდა და 2:7 დამარცხდა.თბილისში 0:3 მარცხის მიუხედავად, ლიეტუველებმა თამაშის შემოტრიალება სცადეს და მე-9 წუთზე პენალტი მოიპოვეს, მაგრამ პეტკოვიჩმა ბურთი მიზანს ააცილა, მასპინძლებმა 25-ე წუთზე მაინც გაიტანეს – „დინამოს“ კარი თბილისელთა ყოფილმა ლეგიონერმა ბილენკიმ აიღო. თემურ ქეცბაიას გუნდმა წონასწორობა მე-40 წუთზე აღადგინა – თორნიკე კვარაცხელიას წამოწყებული შეტევა ლეო სანტოსმა დააგვირგვინა.„ჟალგირისმა“ მეორე ტაიმი შესანიშნავად ჩაატარა და ექვსი გოლი გაიტანა – თავი გამოიჩინეს პეტკოვიჩმა (59, 74), ტეიშეირამ (61), ბილენკიმ (82, 90) და მიხაილოვიჩმა (88), რასაც „დინამო თბილისმა“ მხოლოდ მათე ვაწაძის (72) ზუსტი დარტყმით უპასუხა.ლიეტუველებმა რთული მისია შეასრულეს – ორმატჩიანი დაპირისპირება საერთო ანგარიშით 7:5 (0:3, 7:2) მოიგეს ტურნირის მესამე ეტაპზე გავიდნენ.1TVSPORT

ტაბლოიდი • 1785427612

„გული ხარ ბებოსი“ - ხვიჩა კვარაცხელიას დედა თბილ კადრებს გვიზიარებს

საქართველოს ეროვნული ნაკრებისა და „პარი სენ-ჟერმენის“ ვარსკვლავის, ხვიჩა კვარაცხელიას დედამ, მაკა ლუკავამ, სოციალურ ქსელში გულშემატკივრებს ოჯახური, ემოციური კადრები გაუზიარა.გამოქვეყნებულ ფოტოებს თან ახლავს მოკლე, მაგრამ განსაკუთრებული წარწერა – „გული ხარ ბებოსი“, რომელმაც სოციალურ ქსელში არაერთი თბილი გამოხმაურება დაიმსახურა.

სპორტი • 1785399257

„ჩვენი მიზანია, ვიპოვოთ გზა, საკუთარ მოედანზე არაკომფორტულად ვაგრძნობინოთ თავი“ - „ჟალგირისის“ მთავარი მწვრთნელი „დინამოზე“

ევროპის კონფერენს-ლიგის საკვალიფიკაციო ეტაპის განმეორებით მატჩში „ჟალგირის“ თბილისის „დინამოს“ უმასპინძლებს. მატჩის წინ, ლიეტუვური გუნდის მთავარმა მწვრთნელმა ანდრიუს სკერლამ კომენტარი გააკეთა.„არ ველოდით, რომ თბილისში 0:3 წავაგებდით, მაგრამ წინ კიდევ ერთი მატჩია. არ უნდა დაგვავიწყდეს, რომ მეტოქეს ძალიან კარგი ფეხბურთელები ჰყავს. შესაძლოა, მათ იფიქრონ, რომ ყველაფერი უკვე დასრულებულია. ჩვენი მიზანია, ვიპოვოთ გზა, როგორ დავსაჯოთ ისინი და საკუთარ მოედანზე არაკომფორტულად ვაგრძნობინოთ თავი.თორნიკე კვარაცხელიას საკუთარი შესაძლებლობების ძალიან სჯერა. მას არ ეშინია მეტოქეების წინააღმდეგ ინდივიდუალური თამაშის და თავისი ასაკისთვის გამორჩეული ფიზიკური მონაცემები აქვს. ამ ყველაფერზე ფეხბურთელებთან განსაკუთრებული ყურადღება გავამახვილეთ, თუმცა თავადაც ნახეთ, რომ ორ მცველთან დაპირისპირებასაც კი არ ერიდება. მისი თითქმის ყველა მოძრაობა თავისი ძმის, ხვიჩა კვარაცხელიას თამაშს ჰგავს. როდესაც ბურთი აქვს, მუდმივად საფრთხეს ქმნის.საპასუხო მატჩში მის წინააღმდეგ სხვაგვარად ვითამაშებთ და ამ პრობლემის გადაჭრას ვეცდებით. თუმცა მხოლოდ ის არ არის – „დინამოს“ შეტევაში სხვა ძლიერი ფეხბურთელებიც ჰყავს. ვილნიუსში „დინამო თბილისის“ დამარცხება ადვილი არ იქნება, მაგრამ საკუთარ მოედანზე ვთამაშობთ. თუ სწრაფად გავიტანთ, ეს ჩვენს გუნდს დამატებით თავდაჯერებასა და ენერგიას შემატებს“, - განაცხადა სკერლამ.ცნობისთვის, მატჩი 30 ივლისს, თბილისის დროით 21:00-დან დაიწყება.

ტაბლოიდი • 1785357624

ბედნიერ ქორწინებაში მყოფი ადამიანისგან ნათხოვარი ნივთი - ნიცა თავაძე ლუკა ერნანდესის მეუღლის საქორწინო რიტუალის ნაწილი გახდა

პარიზის „პარი სენ-ჟერმენის“ (PSG) ფეხბურთელმა და საფრანგეთის ეროვნული ნაკრების მცველმა, ლუკა ერნანდესმა, ცნობილ ესპანელ მოდელსა და კონტენტ-კრეატორ ვიქტორია ტრიაისთან იქორწინა. გრანდიოზულ საქორწილო ცერემონიას არაერთი ცნობილი სახე დაესწრო, მათ შორის, საქართველოს ნაკრებისა და „პარი სენ-ჟერმენის“ ვარსკვლავი ხვიჩა კვარაცხელია მეუღლესთან, ნიცა თავაძესთან ერთად.ქორწილის დეტალები სოციალურ ქსელებში აქტიურად განიხილება, განსაკუთრებული ყურადღება კი ვიქტორია ტრიაის ერთ-ერთმა Instagram Story-მ მიიპყრო, რომელიც სწორედ ნიცა თავაძეს უკავშირდება.საქმე ინგლისურ საქორწილო ტრადიციას – "Something old, something new, something borrowed, something blue" („რაღაც ძველი, რაღაც ახალი, რაღაც ნათხოვარი და რაღაც ლურჯი“) – ეხება. ტრადიციის მიხედვით, პატარძალს ქორწილის დღეს უნდა ჰქონდეს ძველი, ახალი, ნათხოვარი და ლურჯი ნივთი, რომლებიც ოჯახის, ახალი ცხოვრების, იღბლისა და ერთგულების სიმბოლოდ მიიჩნევა.ვიქტორია ტრიაიმ ამ ტრადიციის შესრულებისას Instagram Story-ზე გამოაქვეყნა ფოტო, რომელშიც ხელში მაკიაჟის პროდუქტი უჭირავს. ფოტოს თან ახლავს წარწერა „Something blue, something borrowed“, ხოლო პოსტში მონიშნულია ნიცა თავაძე.სავარაუდოდ, სწორედ ნიცასგან ნათხოვარი ლურჯი ნივთი გახდა პატარძლის საქორწილო რიტუალის ნაწილი, რითაც მან მრავალწლიანი ინგლისური ტრადიცია შეასრულა. 

საზოგადოება • 1785270761

ხვიჩა კვარაცხელია და ნიცა თავაძე ლუკას ერნანდესის ქორწილში – წყვილის ელეგანტურმა გამოჩენამ ყურადღება მიიპყრო

საქართველოს ეროვნული ნაკრებისა და პსჟ-ის ვარსკვლავი ხვიჩა კვარაცხელია მეუღლესთან, ნიცა თავაძესთან ერთად, თანაგუნდელის, ლუკას ერნანდესის ქორწილს დაესწრო.საზეიმო ცერემონიიდან სოციალურ ქსელებში გავრცელებულმა ფოტოებმა და ვიდეოებმა მალევე მიიპყრო გულშემატკივრების ყურადღება. ხვიჩა კლასიკურ, შავ კოსტიუმში გამოჩნდა, ხოლო ნიცა თავაძე ელეგანტურ, გრძელ კაბაში იყო გამოწყობილი.ლუკას ერნანდესის ქორწილს პსჟ-ის არაერთი ფეხბურთელიც ესწრებოდა, რის გამოც ღონისძიება საფეხბურთო სამყაროსთვის ერთ-ერთ გამორჩეულ მოვლენად იქცა.

Crystalsport • 1785239412

რატომ უნდა იყიდოს ატალანტამ დავითაშვილი - იტალიური სააგენტოს ვრცელი სტატია

ბოლო დღეებში, ფრანგულ და იტალიურ მედიაში აქტიურად იწერება, რომ სერია A-ს ერთ-ერთმა გამორჩეულმა კლუბმა, „ატალანტან“ ზურიკო დავითაშვილის ტრანსფერზე „სენტ-ეტიენთან“ მოლაპარაკებები გააქტიურა და ახალ, გაუმჯობესებულ შეთავაზებას ამზადებს.  ბერგამოელების ინტერესის პარალელურად, ქართველი შემტევი ადგილობრივი მედიის ყურადღების ცენტრში მოხვდა. „ატალანტასთან“ დაახლოებული სააგენტო Calcio Atalanta ზურიკოს შესახებ ვრცელ სტატიას აქვეყნებს და ასახელებს მიზეზებს, თუ რატომ უნდა დაიმატოს მაურისო სარის გუნდმა ქართველი ფეხბურთელი.  რა წერია სტატიაში:ვინ არის ზურიკო დავითაშვილი:  მახასიათებლები, ამპლუა და როგორ შეიძლება მოერგოს ქართველი მაურიციო სარის „ატალანტას“ბოლო კვირებში „ატალანტასთან“ დაკავშირებულ სახელებს შორის არის ზურიკო დავითაშვილიც, ქართველი შემტევი გარემარბი, რომელმაც ბოლო წლებში არაერთი ევროპული კლუბის ყურადღება მიიქცია თავისი დრიბლინგითა და ერთ-ერთზე თამაშის უნარით. მაგრამ, ვინ არის დავითაშვილი? როგორია მისი ტექნიკური და ტაქტიკური მახასიათებლები? და რაც მთავარია, როგორ მოერგება ის მაურიციო სარის გაწვრთნილ „ატალანტას“? მოდით, მეტი გავიგოთ კვარაცხელიას თანამემამულის შესახებ.განაგრძე კითხვა Crystalsport-ზე

სპორტი • 1785165667

ხვიჩა კვარაცხელიამ „პარი სენ-ჟერმენთან“ ერთად ახალი სეზონისთვის მზადება დაიწყო

„პარი სენ-ჟერმენმა“ 2026/2027 წლის საფეხბურთო სეზონისთვის მზადება დაიწყო. პირველ საწვრთნელ პროცესში მონაწილეობას იღებდა ჩემპიონთა ლიგის გასული სეზონის საუკეთესო ფეხბურთელი ხვიჩა კვარაცხელიაც.საქართველოს ეროვნული ნაკრების კაპიტნის გუნდი სეზონის პირველ ამხანაგურ შეხვედრას 5 აგვისტოს „მალიორკას“ წინააღმდეგ ჩაატარებს, ხოლო 8 აგვისტოს „მანჩესტერ იუნაიტედს“ დაუპირისპირდება.რაც შეეხება ოფიციალურ შეხვედრას, „პარი სენ-ჟერმენს“ 12 აგვისტოს უეფა-ს სუპერთასის მატჩი ბირმინგემის „ასტონ ვილასთან“ ელის.ამის შემდეგ, 16 აგვისტოს, პარიზელები საფრანგეთის სუპერთასისთვის „ლანსთან“ იბრძოლებენ, ხოლო ლიგა 1-ის პირველი ტურის მატჩში 23 აგვისტოს „რენთან“ ითამაშებენ.1TVSPORT