შენობა
ომი უკრაინაში • 1732364570
რუსულმა არმიამ ხერსონში დასახლებულ კვარტლებზე მიიტანა იერიში. დაშავდა 5 ადამიანი, დაზიანდა 9 საცხოვრებელი სახლი, სასაწყობო შენობა, ავტოფარეხები და ავტომობილები.მანამდე საოკუპაციო ძალებმა ზაპოროჟიეს დაარტყეს. დაიღუპა ერთი მამაკაცი, დაშავდა 11 წლის ბიჭი.
რეგიონი • 1732284850
ახალციხეში 2025 წლის ბიუჯეტის პროექტის საჯარო განხილვა გაიმართა
ახალციხის მუნიციპალიტეტის ადმინისტრაციულ შენობაში 2025 წლის ბიუჯეტის პროექტის საჯარო განხილვა და პრეზენტაცია გაიმართა. მომავალი წლის ბიუჯეტის პროექტისა და 2025-2028 წლების პრიორიტეტების დოკუმენტის საჯარო განხილვას ადგილობრივი თვითმმართველობის, სამოქალაქო სექტორის, მედიისა და დაინტერესებული საზოგადოების წარმომადგენლები ესწრებოდნენ. შეხვედრას ახალციხის მუნიციპალიტეტის საკრებულოს თავმჯდომარე დავით ლომიძე უძღვებოდა. მომავალი წლის გეგმებსა და სიახლეებზე ისაუბრა მერმა ირაკლი ლაზარაშვილმა, მან აუდტორიას დეტალურად გააცნო 2025 წელს დაგეგმილი მასშტაბური ინფრასტრუქტურული პროექტები. ბიუჯეტის პროექტი და მისი პროგრამული პარამეტრები დამსწრე აუდიტორიას ახალციხის მუნიციპალიტეტის მერიის საფინანსო-საბიუჯეტო სამსახურის ხელმძღვანელმა გელა ლომიძემ გააცნო. აღსანიშნავია, რომ ახალციხის მუნიციპალიტეტის მომავალი წლის ბიუჯეტი 34,4 მილიონი ლარით განისაზღვრა, ძირითადი პრიორიტეტები კვლავ ინფრასტრუქტურის განვითარება, საზოგადოებრივი ტრანსპორტი, კეთილმოწყობის, დასუფთავებისა და გარემოს დაცვის, ჯანდაცვის, სოციალური, კულტურის, განათლების, სკოლამდელი აღზრდის მიმართულებებია. საუბარი შეეხო არსებული ინფრასტრუქტურული პრობლემების მოგვარებას, ჯანდაცვისა და სოციალური პროგრამების დაფინანსებას და სხვა პრიორიტეტულ საკითხებს. შეხვედრა კითხვა-პასუხის რეჟიმში გაგრძელდა, ბიუჯეტის პროექტთან დაკავშირებით საკუთარი მოსაზრებები, წინადადებები და ინიციატივები გააჟღერეს დამსწრეებმა. ახალციხის მუნიციპალიტეტის მერმა ირაკლი ლაზარაშვილმა აღნიშნა, რომ გაჟღერებული ინიციატივები და საჭიროებები მათი პრიორიტეტულობის მიხედვით გათვალისწინებული იქნება მომავალი წლის სამოქმედო გეგმაში.
პოლიტიკა • 1732266854
ოპოზიცია თვლის, თუ პარლამენტის კედლის გარეთ დადგებიან, პარლამენტში შემოსულად არ ითვლებიან და თუ კედლის შიგნით დადგებიან, შემოსული იქნებიან - ეს ტყუილები მოუყვნენ თავის ყველაზე რადიკალ მხარდამჭერებს, - განაცხადა პარლამენტის თავმჯდომარე შალვა პაპუაშვილმა ჟურნალისტებთან.„ხომ ვამბობ, გიორგი გახარია შალვა ნათელაშვილს დაემსგავსაო. მისი სტილია განცხადებების - ბიძინა ივანიშვილი რომ ტრამპის კამპანიას აფინანსებდა და ა.შ. გიორგი გახარია გახდა შალვა ნათელაშვილი, რა უნდა ვთქვათ ამის შემდეგ?! 25 ნოემბერი დადგება და ვნახავთ მანდატებზე უარს იტყვიან თუ არა. ის სპორტული აფერისტობა, რაც უნდათ მათ, რომ ახლა შემოგვთავაზონ შესვლა-არ შესვლის თამაში. თითქოს პარლამენტში შემოსვლა პარლამენტის შენობაში ფეხის შემოდგმას ნიშნავს. ისინი თვლიან, თუ პარლამენტის კედლის გარეთ დადგებიან შემოსული არ იქნებიან და თუ კედლის შიგნით დადგებიან შემოსული იქნებიან - ეს ტყუილები მოუყვნენ თავის ყველაზე რადიკალ მხარდამჭერებს. ხომ თქვეს მანდატებზე უარს ვამბობთო, აი, როგორ იტყვიან უარს გამოჩნდება 25 ნოემბერს“, - აღნიშნა პაპუაშვილმა.
პოლიტიკა • 1732264648
როდის, როგორ და ვინ აირჩევს 2025 წელს პრეზიდენტს - პარლამენტის თავმჯდომარის განმარტება
როდის, როგორ და ვინ აირჩევს 2025 წელს პრეზიდენტს, როდის და სად ჩატარდება პრეზიდენტის ინაუგურაცია - პარლამენტის თავმჯდომარე შალვა პაპუაშვილმა საკითხი მედიასთან კიდევ ერთხელ განმარტა. როგორც პაპუაშვილმა განაცხადა, პრეზიდენტს საარჩევნო კოლეგიაში შემავალი 300 ადამიანი აირჩევს, რომელთაგან 150 პირი, პარლამენტის წევრი იქნება. მისივე თქმით, არჩევნებს პარლამენტის შენობაში ცესკო ჩაატარებს.ამასთან, პაპუაშვილის თქმით, მომავალი პრეზიდენტი იქნება პირველ რიგში პატრიოტი, რაც წინა და მოქმედ პრეზიდენტს განსაკუთრებით აკლდათ.„ის იქნება ქართველი პატრიოტი და ეს არის როგორც აღმოჩნდა ყველაზე მთავარი კრიტერიუმი. პატრიოტიზმი არ არის მხოლოდ გულზე მჯიღის ცემა, ეს არის პასუხისმგებლობის გააზრება საკუთარი სამშობლოსა და ხალხის წინაშე, რომელიც წინა პრეზიდენტებს აკლდათ, განსაკუთრებით მოქმედს, რომელიც საბოლოო ჯამში ქართველად ვერ შედგა.ჯერ ჩვენ დავასახელებთ არჩევნების თარიღს, ყველაფერი პროცედურების მიხედვით იქნება და ქართველ ხალხს ეყოლება ღირსეული პრეზიდენტი. როგორც იცით ორი საკითხია - პრეზიდენტის არჩევა და ინაუგურაცია. პირველად მოხდება არაპირდაპირი არჩევა პრეზიდენტის და ამით ჩვენ დავასრულებთ სრულად საპარლამენტო რესპუბლიკაზე გადასვლას. სამასი წევრისგან შემდგარი კოლეგია იქნება, რომლის ნახევარია პარლამენტის წევრები, მეორე ნახევარი კი აჭარა-აფხაზეთის უზენაესი საბჭოები და ადგილობრივი თვითმმართველობის წარმომადგენლები. არჩევნები პარლამენტის შენობაში შედგება და ჩაატარებს ცესკო. სხდომათა დარბაზში მოეწყობა საარჩევნო უბანი და კანონი ითვალისწინებს, რომ არჩევნების დღეს, 9-დან 2 საათამდე მოდიან კოლეგიის წევრები, არის ღია კენჭისყრა ბიულეტენით. შემდეგ ამას დაითვლის ცესკო. ეს ყველაფერი გადაიცემა პირდაპირი ეთერით. თუკი კანდიდატურა ორ მესამედს - 200 ხმას ვერ მოიპოვებს, ამის შემდეგ მეორე ტური ტარდება და უკვე ნახევარზე მეტი ხმის მიღებით ხდება არჩევა. რაც შეეხება ინაუგურაციას, კანონით დავაზუსტეთ, მივყევით იმ ტრადიციებს რაც არის ხოლმე საპარლამენტო რესპუბლიკებში და ინაუგურაცია ჩატარდება პარლამენტის სასახლეში. არჩევნების შემდეგ მესამე კვირას ჩატარდება ინაუგურაცია“, - განაცხადა პაპუაშვილმა.
ომი უკრაინაში • 1732194151
რუსეთის ძალებმა დნეპროპეტროვსკის ოლქის ქალაქ კრივი-რიჰზე სარაკეტო დარტყმა განახორციელეს. იერიშის შედეგად 26 ადამიანი დაშავდა. დაშავებულთა შორის ორი მოზარდია.საოლქო ადმინისტრაციის ხელმძღვანელის, სერგეი ლისაკის ინფორმაციით, ნაწილობრივ დაინგრა ადმინისტრაციული შენობა, დაზიანდა საცხოვრებელი სახლები.კრივი-რიჰის მერიის ცნობით, სულ დაზიანდა ათამდე საცხოვრებელი სახლი.
მსოფლიო • 1732188896
სერბეთის ქალაქ ნოვი-სადში რკინიგზის სადგურის სახურავის ჩამონგრევასთან დაკავშირებით 11 ადამიანი დააპატიმრეს.სადგურის განახლებული სახურავი პირველ ნოემბერს ჩამოინგრა, რასაც 15 ადამიანი ემსხვერპლა.შემთხვევას საპროტესტო გამოსვლები მოჰყვა. ოპოზიციის ლიდერები და მოსახლეობის ნაწილი მომხდარს მთავრობის კორუფციასა და ნეპოტიზმს უკავშირებს.მმართველი კოალიცია ბრალდებებს უარყოფს, პრეზიდენტი ალექსანდრ ვუჩუჩი კი აცხადებს, რომ პასუხისმგებელი პირები უნდა გასამართლდნენ.სადგურის სახურავის ჩამონგრევის გამო ტრანსპორტის, ინფრასტრუქტურის, ვაჭრობის მინისტრები გადადგნენ, ასევე თანამდებობა დატოვა სერბეთის რკინიგზის სახელმწიფო კომპანიის ხელმძღვანელმა.ქალაქ ნოვი-სადის პროკურატურაში განაცხადეს, რომ დაკავებულებს ბრალი ედებათ საზოგადოებრივი უსაფრთხოების წინააღმდეგ სისხლის სამართლის დანაშაულის ჩადენაში.პროკურატურა დაკავებულების მხოლოდ სახელების და გვარების ინიციალებს ასაჯაროებს. თუმცა, ადგილობრივ მედიაში გავრცელდა ინფორმაცია, რომ ერთ-ერთი დაკავებული ტრანსპორტის, მშენებლობისა და ინფრასტრუქტურის ყოფილი მინისტრი გორან ვესიჩია. ვესიჩმა სოციალურ ქსელებში განცხადება გაავრცელა, სადაც დაპატიმრება უარყო, თუმცა აღნიშნა, რომ სამართალდამცველებს შეხვდა.ოპოზიციონერი დეპუტატები ნოვი-სადის სასამართლოს შენობასთან, უკვე მესამე დღეა, საპროტესტო აქციას მართავენ დამნაშავეების გასამართლების მოთხოვნით. ისინი ასევე ანტისამთავრობო დემონსტრაციების დროს დაკავებული აქტივისტების გათავისუფლებას ითხოვენ.სასამართლოს შენობასთან დემონსტრანტებსა და სამართალდამცველებს შორის დაპირისპირება მოხდა.
მსოფლიო • 1732178885
FBI-მ დააკავა კაცი, რომელსაც ნიუ-იორკის საფონდო ბირჟის აფეთქებაში ედება ბრალი
FBI-მ დააკავა კაცი ფლორიდიდან, რომელსაც ნიუ-იორკის საფონდო ბირჟის აფეთქებაში ედება ბრალი, - იუწყება CNN.30 წლის ჰარუნ აბდულ იენერს ბრალი ედება ასაფეთქებელი მოწყობილობის გამოყენების მცდელობაში ნიუ-იორკის საფონდო ბირჟის შენობის დასაზიანებლად ან გასანადგურებლად.FBI-მ იენერის მიმართ გამოძიება თებერვალში დაიწყო იმ ინფორმაციის საფუძველზე, რომ ის მალავდა ასაფეთქებელი მოწყობილობების სქემებს. FBI-ს თანამშრომლებმა მის სამალავში აღმოაჩინეს ბომბის დამზადების ნახაზები და სხვადასხვანაირი ასაფეთქებელი მოწყობილობები. FBI-ის ინფორმაციით, ის 2017 წლიდან ინტერნეტში ეძებდა ინფორმაციას ბომბების დამზადების თაობაზე.იენერი გამოუტყდა FBI-ს საიდუმლო აგენტს, რომ ის ბომბის გამოყენებას მადლიერების დღემდე ერთი კვირით ადრე ნიუ-იორკის საფონდო ბირჟის შენობაში აპირებდა.
პოლიტიკა • 1732102146
ჩემი აზრით, ოპოზიცია უნდა მიხვდეს და შევიდეს პირველ სხდომაზე, უბრალოდ ყველა უნდა შევიდეს, დასხდნენ იქ და დაიწყონ მუშაობა, – ამის შესახებ „გირჩის“ წევრმა, ალექსანდრე რაქვიაშვილმა განაცხადა.„ოღონდ, მე მესმის, რომ არანაირი ხაზარაძე იქ არ შევა. ერთხელ გაექცა ზარქუას ბულინგს, ისე გაექცევა მეორეჯერ“, – აღნიშნა რაქვიაშვილმა გადაცემაში „თავისუფალი ბაზარი“.ამასთან, რაქვიაშვილის თქმით, ოპოზიციამ უნდა აღიაროს შეცდომები და აიღოს პასუხიმგებლობა.„რობესპიერს თავი ხომ მოჭრეს ბოლოში, ისე აქვს თავი მოსაჭრელი ამ ოპოზიციას. ბელადები, ყველა მოსაკვეთია ამ სიტუაციიდან. თუ ვინმე ადეკვატურია ამ ოპოზიციურ ველზე, ჟურნალისტებიდან დაწყბეული, პარტიის წევრებიდან, თუ ვინმეს რამე აზრი მოეკითხება, უნდა გაუშვან შორს ეს ხალხი პირდაპირ, საჯაროდ და შევიდნენ პარლამენტში და გრძელვადიანი თამაში დაიწყონ. აღიარონ შეცდომები, შეცდომები მათ შორის, გვარამია რომ გამოდიოდა და პარადი რომ ჰქონდა მოწყობილი, 4 000 დამკვირვებელი გვეყოლებაო და მელია რომ ამბობდა, ვერაფერს გააყალბებენ, ფარულობა დაცული იქნებაო – ხომ ჩაფლავდა. უნდა აიღონ პასუხისმგებლობა, თქვან, რომ ბოდიში, ქართველო ხალხო, ბოდიში, მილიონო ამომრჩეველო, რომ ვერ გავამართლეთ თქვენი იმედები, წავაგეთ, ეს რეჟიმი გვაქვს, რაც გვაქვს, უარესი რეჟიმი არსებობდა და უკეთესიც არსებობს. მოდი, გრძელვადიანი თამაში ვითამაშოთ, რომ მეტი შეცდომა არ დავუშვათ.პარლამენტი არის შენობა, სადაც ზის ხალხი, იქ არის უმრავლესობა, რომელიც მართავს ამ ქვეყანას. ქართველი ხალხი ამ ხალხს ემორჩილება იმიტომ, რომ გადასახადებს უხდის, ამ კანონებს იღებს და რაღაც. შენ ამ შენობაში შედიხარ და როცა ეს ხალხი კანონებს იღებს, ამათ ლანძღავ, ეჩხუბები. როდის შემდეგ გახდა დანაშაული, რომ ამ ხალხის გვერდზე დავჯდე და ეს ხალხი ვლანძღო, როცა იღებენ ცუდ კანონებს. ან როდის შემდეგ შემაწუხებს სინდისი, მოვთხოვო ახალი არჩევნები იმ სავარძლიდან. მაინც და მაინც ამ სტუდიაში უნდა ვიჯდე და ვითხოვო არჩევნები და 20 მეტრში რომ გადავიდე, იმ სავარძელში დავჯდე, იქ ვეღარ მოვთხოვ ახალ არჩევნებს და ვერ ვიტყვი, გაჟონაო? იმასაც ვიტყვი, უბრალოდ, რა პრობლემაა, რომ იქ ვიჯდე“, – აღნიშნა ალექსანდრე რაქვიაშვილმა.
პოლიტიკა • 1732093326
„გირჩის” ერთ-ერთი ლიდერი, ალექსანდრე რაქვიაშვილი გადაცემაში „თავისუფალი ბაზარი“ ოპოზიციური პარტიების პარლამენტში შესვლის საკითხზე საუბრობს და აცხადებს, რომ „ოპოზიცია, ყველა უნდა შევიდეს პირველ სხდომაზე“.რაქვიაშვილს მიაჩნია, რომ თუ ვინმე ადეკვატურია ამ ოპოზიციურ ველზე, უნდა შევიდნენ პარლამენტში და აღიარონ წაგება.ამასთან, ის პრობლემას ვერ ხედავს პარლამენტში შესვლაზე და ამბობს, რომ საიდან ისაუბრებს არჩევნების გაყალბებაზე მნიშვნელობა არ აქვს. „რობესპიერს თავი ხომ მოჭრეს ბოლოში, ისე აქვს თავი მოსაჭრელი ამ ოპოზიციას. ბელადები, ყველა მოსაკვეთია ამ სიტუაციიდან. თუ ვინმე ადეკვატურია ამ ოპოზიციურ ველზე უნდა შევიდნენ პარლამენტში და გრძელვადიანი თამაში დაიწყონ. აღიარონ შეცდომები, აიღონ პასუხისმგებლობა, ბოდიში ქართველო ხალხო, რომ ვერ გავამართლეთ თქვენი იმედები, წავაგეთ, ეს რეჟიმი გვაქვს რაც გვაქვს და მეტი ეს შეცდომა არ დავუშვათ. პარლამენტი არის შენობა, იქ არის უმრავლესობა, რომელიც მართავს ამ ქვეყანას. როდის შემდეგ გახდა დანაშაული რომ ამ ხალხის გვერდზე დავჯდე და ეს ხალხი ვლანძღო, როცა იღებენ ცუდ კანონებს. ან მოვთხოვო ახალი არჩევნები იმ სავარძლიდან. იმ სავარძელში რომ დავჯდე, იქ ვეღარ მოვთხოვ ახალ არჩევნებს და ვერ ვიტყვი რომ გაჟონაო? იმასაც ვიტყვი, უბრალოდ რა პრობლემაა რომ იქ ვიჯდე“-აღნიშნა რაქვიაშვილმა.რაქვიაშვილი აცხადებს, რომ ოპოზიციას ქართველი ხალხისთვის ბოდიში აქვთ მოსახდელი. „გვარამია და ხაზარაძე დემონსტრაციულად პანღურით გასაგდებები არიან. ბოდიში უნდა მოუხადონ ქართველ ხალხს, რომ ცირკი მოაწყვეს თავიანთი ტელევიზიებით. მე მესმის ქართველი ხალხი ახლა არ მომისმენს. ვიღაც ცხვრებივით მიჰყვება გვარამიას, ვიღაც ნაწილი კიდევ ვიღაცას, ვიღაც ბედნიერია ქოცებით, მაგრამ მე რომ ვყოფილიყავი, მე ასეთ რამეს გავაკეთებდი, ხაზარაძეს, გვარამიას პანღურით გავაგდებდი, მთელ ამ მედია მენეჯერებსაც პანღურით გავაგდებდი, გრიგოლიას და სანაიას თაოსნობით ყველას გავყრიდი. ქართველ ხალხს ბოდიშს მოვუხდიდი, მათ შორის, არჩევნებზე მილიონები რომ დავხარჯე, ათასობით დამკვირვებელი მყავდა და სადაც ამ დამკვირვებლის საჭიროება იყო იქ არ დავსვი ეს ხალხი. ქართველ ხალხს ბოდიშს მოვუხდიდი რომ კლოუნადა მოეწყო ტელევიზიაში. ბოდიშს მოვუხდიდი, რომ უიდეოდ გავედი არჩევნებზე, ვაღიარებდი მარცხს და ვეტყოდი, რომ ხალხნო თუ მაპატიებთ ოდესმე, ვეცდები, რომ 2028-ში მოვიგო. ეს იქნებოდა ერთადერთი შანსი. ვინაიდან იქ [ოპოზიციაში] მონები და კლოუნები არიან, ეს არ გამოვა“-განაცხადა ალექსანდრე რაქვიაშვილმა.
მსოფლიო • 1732078308
შსს ეხმიანება კიდევ ერთ გავრცელებულ განცხადებას, თითქოს 18-19 ნოემბერს, მელიქიშვილის გამზირზე აქციის მიმდინარეობის დროს, თბილისის სახელმწიფო უნივერსიტეტში შინაგან საქმეთა სამინისტროს სპეციალური შტაბი ჰქონდა გაკეთებული და უნივერსიტეტის შენობაში, განსაკუთრებულ დავალებათა დეპარტამენტის თანამშრომლები იმყოფებოდნენ.უწყება კატეგორიულად უარყოფს ამ ინფორმაციას და განმარტავს, რომ თსუს-ეზოში შინაგან საქმეთა სამინისტროს კრიმინალური პოლიციის თანამშრომლები შევიდნენ მას შემდეგ, რაც ეზოს ცენტრალურ შესასვლელთან აქციის მონაწილეების მიერ ცეცხლის რამდენიმე კერა გაჩნდა."საზოგადოების ინფორმირების მიზნით, გვსურს გამოვეხმაუროთ მედიაში გავრცელებულ ინფორმაციას, რომ თითქოს მიმდინარე წლის 18-19 ნოემბერს, მელიქიშვილის გამზირზე აქციის მიმდინარეობის დროს, თბილისის სახელმწიფო უნივერსიტეტში შინაგან საქმეთა სამინისტროს სპეციალური შტაბი ჰქონდა გაკეთებული და უნივერსიტეტის შენობაში იმყოფებოდნენ განსაკუთრებულ დავალებათა დეპარტამენტის თანამშრომლები.ხაზგასმით, გვინდა აღვნიშნოთ, რომ 18-19 ნოემბერს, თბილისის სახელმწიფო უნივერსიტეტის არც შენობაში და არც ეზოში, განთავსებული არ ყოფილა არანაირი შტაბი, არც განსაკუთრებულ დავალებათა დეპარტამენტის თანამშრომლები იყვნენ მობილიზებულნი.განვმარტავთ, რომ თბილისის სახელმწიფო უნივერსიტეტის ეზოში შინაგან საქმეთა სამინისტროს კრიმინალური პოლიციის თანამშრომლები შევიდნენ მას შემდეგ, რაც ეზოს ცენტრალურ შესასვლელთან აქციის მონაწილეების მიერ ცეცხლის რამდენიმე კერა გაჩნდა.აღსანიშნავია, რომ თბილისის სახელმწიფო უნივერსიტეტის ეზო და პანთეონი არ არის დახურული სივრცე და იქ შესვლა შესაძლებელია ნებისმიერი პირისთვის, მათ შორის, აქციის მონაწილეებისთვისაც, რომლებიც უნივერსიტეტის ეზოთი აქციების პერიოდში თავისუფლად სარგებლობენ", - აღნიშნულია განცხადებაში.
რეგიონი • 1732019271
დაბა ასპინძაში მუსიკალური სკოლისა და ბიბლიოთეკის რეაბილიტაცია დასრულდა
დაბა ასპინძაში მუსიკალური სკოლისა და ბიბლიოთეკის რეაბილიტაცია დასრულდა. პროექტის ფარგლებში შენობას სრული რეაბილიტაცია ჩაუტარდა.მოეწყო იატაკზე ლამინირებული პარკეტი, თაბაშირ-მუყაოს ჭერი, კარ- ფანჯრები, დარბაზში შეკიდული ამსტრონგის ჭერი, ახალი კიბე, შეიცვალა ელექტრო სისტემა და მოპირკეთდა ეზო. შენობა სრულად ადაპტირებულია შშმ პირთათვის.სამუშაოებს ტენდერში გამარჯვებული კომპანია შპს "ალმე" აწარმოებდა, რომლის სახელშეკრულებო ღირებულება 355 980 ლარს შეადგენდა.
მსოფლიო • 1732016131
რუსეთში, ხანძრის ქრობის პროცესში, შენობაში აფეთქება მოხდა
რუსეთში, ქალაქ ჩიტაში, სასტუმროს შენობაში ხანძარი გაჩნდა. ხანძრის ქრობის პროცესში, შენობაში აფეთქება მოხდა. ტრანს-ბაიკალის ტერიტორიის საგანგებო სიტუაციების სახელმწიფო სამსახურის ინფორმაციით, შემთხვევის შედეგად არავინ დაშავებულა.შენობაში აფეთქება გაზის გაჟონვამ გამოიწვია. ხანძარი სამზარეულოში ზეთის აალების შედეგად გაჩნდა.
