მსოფლიო • 1783959386

უკრაინის შეტევები ნავთობის პროდუქტებთან დაკავშირებით გარკვეულ პრობლემებს გვიქმნის, ვფიქრობ, მდგომარეობა გამოსწორდება - ვლადიმერ პუტინი

რუსეთის პრეზიდენტმა, ვლადიმერ პუტინმა განაცხადა, რომ უკრაინის შეიარაღებული ძალების მოქმედებები რუსეთში ნავთობის პროდუქტებთან დაკავშირებით გარკვეულ პრობლემებს ქმნის, თუმცა, მისი თქმით, ვითარება თანდათან გამოსწორდება.„დიახ, ეს შეტევები ამ ეტაპზე ნავთობის პროდუქტებთან დაკავშირებით გარკვეულ პრობლემებს გვიქმნის. ვფიქრობ, მდგომარეობა თანდათან გამოსწორდება“,- განაცხადა რუსეთის პრეზიდენტმა.გარდა ამისა, პუტინმა განაცხადა, რომ მიმდინარეობს მუშაობა ყირიმის ნავთობპროდუქტებით მომარაგების ისეთი სისტემის შექმნაზე, „რომლამდე მიღწევაც მოწინააღმდეგეს ძალიან გაუჭირდება“.პუტინმა ასევე განაცხადა, რომ რუსეთი უკრაინულ თავდასხმებს „სარკისებური, თუმცა რამდენჯერმე უფრო ძლიერი“ დარტყმებით უპასუხებს.„ჩვენი პასუხი ყოველთვის სარკისებური იქნება. სადაც არ უნდა ეცადონ რუსეთის ფედერაციის ტერიტორიაზე დარტყმების განხორციელება, ჩვენ სარკისებურად ვუპასუხებთ, თუმცა რამდენჯერმე უფრო ძლიერი დარტყმებით“,- განაცხადა რუსეთის პრეზიდენტმა.

მსოფლიო • 1783433940

რუსეთი და უკრაინა დაინტერესებული იყვნენ, სტამბოლის მოლაპარაკებისას დაესრულებინათ ომი, მაგრამ მოგვიანებით, მოხდა გარკვეული ჩარევა - მევლუთ ჩავუშოღლუ

ანტალიაში რუსეთის საგარეო საქმეთა მინისტრთან, სერგეი ლავროვთან შეხვედრა უკრაინის ყოფილი საგარეო საქმეთა მინისტრის, დმიტრო კულებას თხოვნით მოხდა, – ამის შესახებ თურქეთის საგარეო საქმეთა ყოფილმა მინისტრმა, NATO-ს საპარლამენტო ასამბლეაში თურქეთის დელეგაციის ხელმძღვანელმა, მევლუთ ჩავუშოღლუმ ანკარაში განაცხადა, სადაც SETA-ს ორგანიზებით მიმდინარეობს ღონისძიება – „მოკავშირეები ანკარაში“.მისი თქმით, მხარეებს შორის ეს იყო პირველი ოფიციალური შეხვედრა და დიდი შედეგების მოლოდინი არ იყო, მაგრამ ერთმანეთთან შეხვედრა მნიშვნელოვანი იყო.„ანტალიის შემდეგ, სტამბოლში გამართული შეხვედრა შედეგზე ორიენტირებული და შინაარსიანი იყო, რომელიც მომლაპარაკებელ ჯგუფებს ჰქონდათ. მანამდე ისინი ერთმანეთს რამდენჯერმე შეხვდნენ ბელარუსში. მათ მიაღწიეს ცეცხლის შეწყვეტის შეთანხმებას, თუმცა გარკვეულ საკითხებში საჭირო იყო თავიანთი პრეზიდენტების ავტორიზაცია. მომავლისთვის მხოლოდ ორი საკითხი დარჩა – დონბასის რეგიონისა და ყირიმის სტატუსი. მოგვიანებით, სამწუხაროდ, ჩვენ ვერ მივიღეთ მხარდაჭერა ჩვენი დასავლელი მოკავშირეებისგან, რადგან მათ სჯეროდათ, რომ ომი უნდა გაგრძელებულიყო რუსეთის შესუსტების მიზნით. ეს იყო ზოგიერთი მოკავშირის შეხედულება, მოგვწონდა ეს თუ არა, მათ შორის აშშ-ისა და გაერთიანებული სამეფოს – ორი მთავარი დასავლელი მოკავშირის“, – განაცხადა მევლუთ ჩავუშოღლუმ.მისი თქმით, უკრაინამ უსაფრთხოების გარანტიები მოითხოვა, NATO-ს მეხუთე მუხლის მსგავსი უსაფრთხოების გარანტიები.„მთავარმა მოკავშირეებმა დაუყოვნებლივ თქვეს – არა, ვფიქრობ, არავის უთქვამს – კი. მე დავურეკე გაეროს უშიშროების საბჭოს ყველა საგარეო საქმეთა მინისტრს, ასევე გერმანიას, ზოგიერთი მათგანი კონსტრუქციული იყო იმაში, რომ უკრაინისთვის უსაფრთხოების გარანტიების ალტერნატივა შეეთავაზებინათ. მაგრამ ზოგიერთმა ქვეყანამ თქვა, – „არა, ეს არ არის ჩვენი მოვალეობა. ჩვენ უნდა გავაგრძელოთ უკრაინის მხარდაჭერაო და ომი უნდა გაგრძელდესო“. სწორედ ამის გამო ვართ დღეს აქ, ომის მეხუთე წელს“, – განაცხადა მევლუთ ჩავუშოღლუმ.მისი თქმით, ჰუმანიტარული დახმარების გაწევაში, მშვიდობიანი მოსახლეობის ევაკუაციასა და სხვა ჰუმანიტარულ საკითხებში თურქეთი მასპინძლისა და ხელშემწყობის როლს ასრულებდა.„ჩვენ მოლაპარაკებების ნაწილი ვიყავით. ორივე მხარე ძალიან იყო დაინტერესებული სტამბოლში დაესრულებინა ომი, მაგრამ მოგვიანებით, როგორც, იბრაჰიმ ბეიმაც ხაზგასმით აღნიშნა, რაღაც მოხდა, გარკვეული ჩარევა, და, სამწუხაროდ, აქ ვართ, ისევ ამ ომში“, – განაცხადა თურქეთის ყოფილმა საგარეო საქმეთა მინისტრმა.მისი თქმით, მშვიდობის მიღწევას დიდი დრო სჭირდება, ეს ადვილი არ არის.„ტრამპი ადმინისტრაციის სათავეში რომ ყოფილიყო, მჯერა, ორივე ქვეყანა არა მხოლოდ ცეცხლის შეწყვეტას, რეალურ პროგრესსაც მიაღწევდა. მაშინდელი ბაიდენის ადმინისტრაცია კი ომის გაგრძელების დიდი მომხრე იყო“, – აღნიშნა მევლუთ ჩავუშოღლუმ.

პოლიტიკა • 1783406844

დავით ქართველიშვილი: რუსეთის გარშემო თანდათან ყალიბდება ახალი საინფორმაციო-პოლიტიკური გარემო, სადაც საკითხები, რომლებიც რამდენიმე წლის წინ ტაბუდ ითვლებოდა, დღეს კრემლის რეაქციის შიშის გარეშე განიხილება

რა შედეგი შეიძლება მოჰყვეს რუსეთზე სხვადასხვა ფორმით განხორციელებულ ზეწოლას, ამ თემაზე საკუთარ ანალიზს აკეთებს სოციალურ ქსელში „ხალხის ძალის“ წევრი დავით ქართველიშვილი. ზეწოლის მაგალითად მას ყარაბაღში გამართულ ფორუმზე გამოთქმული ღია განცხადებები მოჰყავს.დავით ქართველიშვილი მიიჩნევს, რომ სხვადასხვა ფორმით კუთხეში მომწყვდეული რუსეთი ისტორიულად საშიში და სასტიკი ხდება და კრიზისი მყოფი შეიძლება ძალიან სახიფათო ფაზაში შევიდეს.„ყარაბაღში, კერძოდ შუშაში გამართული ფორუმი ერთი შეხედვით, მორიგ საექსპერტო პლატფორმას ჰგავდა, თუმცა იქ გაჟღერებული გზავნილების შინაარსი ბევრად უფრო მნიშვნელოვანი აღმოჩნდა, ვიდრე თავად მონაწილეები. თუმცა, მონაწილეთა სპექტრიც საკმაოდ მრავალფეროვანი იყო: რუსეთში მცხოვრები მუსლიმური და ეთნოუმცირესობების თემების წარმომადგენლები. ამან შეიძლება კვლავ დაძაბოს პოლიტიკური ურთიერთობები მოსკოვსა და ბაქოს შორის, ვინაიდან სწორედ შუშაში გაჟღერდა სეპარატისტული მოწოდებები.როდესაც საერთაშორისო ტრიბუნიდან იწყება საუბარი ჩერქეზების, იაკუტების, ბურიატებისა და რუსეთის ფედერაციის სხვა ხალხების ისტორიულ ბედზე, როდესაც ისმის მოთხოვნები წარსულისა და აწმყოს მოვლენების პოლიტიკური შეფასების შესახებ, ეს უკვე ჰუმანიტარული დისკუსიის ფარგლებს სცდება. ეს იმის ნიშანია, რომ რუსეთის გარშემო თანდათან ყალიბდება ახალი საინფორმაციო-პოლიტიკური გარემო, სადაც საკითხები, რომლებიც სულ რამდენიმე წლის წინ აბსოლუტურ ტაბუდ ითვლებოდა, დღეს საჯაროდ და კრემლის რეაქციის შიშის გარეშე განიხილება. და ეს, ალბათ, შუშის ფორუმის მთავარი შედეგია. კიდევ რამდენიმე წლის წინ, მსგავსი რიტორიკა წარმოუდგენლად მოგვეჩვენებოდა. მაგრამ დღეს რუსეთი მხოლოდ სამხედრო, ეკონომიკურ და სანქციურ გამოწვევებს აღარ აწყდება. იგი სულ უფრო ხშირად იქცევა გლობალური საინფორმაციო კამპანიის ობიექტად, სადაც ნებისმიერი შიდა პრობლემა მყისიერად საერთაშორისო თემად იქცევა. ლოჯისტიკური სირთულეები, ცალკეულ საქონელზე შეფერხებები, საწვავის საკითხი, ყირიმის კრიზისი, სოციალური უკმაყოფილება - ყველაფერი ეს წამებში ვრცელდება სოციალურ ქსელებში და მილიონობით ნახვის მქონე ვიდეოებად, მემებად და დაცინვის ობიექტად იქცევა.თანამედროვე სამყაროში რეპუტაციული დანაკარგები ხშირად არანაკლებ მტკივნეულია, ვიდრე ეკონომიკური ან სამხედრო ზიანი. და მოსკოვისთვის ყველაზე უსიამოვნო ის არის, რომ ასეთი ტალღების შეჩერება უკვე არც აკრძალვებით და არც ადმინისტრაციული მეთოდებით არის შესაძლებელი. შუშა კიდევ ერთი ნიშანია იმისა, რომ ბევრი გარე მოთამაშე უკვე გრძნობს რუსეთის გავლენის შესუსტებას. შესაძლოა რუსეთის მისამართით ეს მცდარი შეხედულება და სახიფათო ილუზია იყოს, მაგრამ პოლიტიკა დაუნდობელია იმ ძალების მიმართ, რომლებსაც სუსტებად აღიქვამენ. სანამ სახელმწიფო ძლიერად გამოიყურება, ბევრი მწვავე თემების წამოწევას ერიდება. მაგრამ როგორც კი ჩნდება შთაბეჭდილება, რომ მისი პოზიციები დასუსტებულია, გუშინდელი ტაბუ ერთმანეთის მიყოლებით ქრება. სწორედ ამიტომ ისმის დღეს სულ უფრო ხშირად ისეთი კითხვები, რომელთა საჯაროდ განხილვას ცოტა ხნის წინ თითქმის ვერავინ ბედავდა. საუბარი აღარ არის მხოლოდ აზერბაიჯანზე. საუბარია ბევრად უფრო ფართო პროცესზეა - იმ ურთიერთობათა სისტემის გადახედვაზე, რომელიც პოსტსაბჭოთა სივრცეში ბოლო სამი ათწლეულის განმავლობაში ჩამოყალიბდა. კრემლისთვის ყველაზე შემაშფოთებელი ტენდენცია ის არის, რომ მის წინააღმდეგ უკვე არა რომელიმე კონკრეტული მოწინააღმდეგე, არამედ თავად დროისა და გარემოს ატმოსფერო იწყებს მუშაობას. საინფორმაციო ომები იშვიათად იგება ტანკებით, დრონებით ან დიპლომატიური ნოტებით. ისინი აღქმების დონეზე იგება ან მარცხდება. და თუ სულ უფრო მეტი ქვეყანა, საზოგადოება და მედია იწყებს იმის დაშვებას, რომ რუსეთი სტრატეგიული შესუსტების ეტაპზე შევიდა, მაშინ ყოველი ახალი მოვლენა - იქნება ეს შუშის ფორუმი თუ TikTok-ში გავრცელებული მორიგი ვირუსული ვიდეო, სწორედ ამ პრიზმიდან იქნება შეფასებული.ასეთ ვითარებაში საფრთხეს უკვე არა ცალკეული განცხადებები ან კონფერენციები, არამედ ავტორიტეტის წინააღმდეგ მიმართული მრავალი მცირე დარტყმის დაგროვება წარმოადგენს, რაც დროთა განმავლობაში შეიძლება გაცილებით სერიოზულ პრობლემად იქცეს, ვიდრე ეს დღეს ჩანს. და რაც ყველაზე მთავარია - ისტორიულად, ასეთ მდგომარებამდე მიყვანილი რუსეთი, განსაკუთრებით საშიში ხდება. მას შეუძლია ბოროდინოს ბრძოლა დათმოს, მოსკოვიც კი გადაწვას - და შემდეგ ფრანგებს ესპანეთამდე შეუტიოს. დიდი სამამულო ომზე რომ არაფერი ვთქვათ. ასე რომ, მიმდინარე კრიზისი შეიძლება ძალიან სახიფათო ფაზაში შევიდეს...“ - წერს დავით ქართველიშვილი.

ომი უკრაინაში • 1783255395

უკრაინელმა სამხედროებმა ყირიმში აეროდრომი დაბომბეს

უკრაინელმა სამხედროებმა ყირიმში აეროდრომი დაბომბეს. გავრცელებული ცნობით, 5 ივლისის ღამეს უკრაინის თავდაცვის ძალების დანაყოფებმა იერიში მიიტანეს დროებით ოკუპირებულ ყირიმში მდებარე „გვარდეისკოეს“ აეროდრომზე.„გვარდეისკოეს“ აეროდრომი რუსეთის ფედერაციის ერთ-ერთი მთავარი სამხედრო აეროდრომია დროებით ოკუპირებულ ყირიმის ნახევარკუნძულზე. ის გამოიყენება ოპერატიულ-ტაქტიკური და საზღვაო ავიაციის თვითმფრინავების განსათავსებლად, საბრძოლო გაფრენების მხარდასაჭერად, ლოგისტიკისა და თვითმფრინავების მომსახურებისთვის“, – ნათქვამია უკრაინის შეიარაღებული ძალების გენერალური შტაბის განცხადებაში.უკრაინის თავდაცვის ძალებმა ასევე დაბომბეს გუსელნიკოვოს მახლობლად, მდინარე გრუზკი იალანჩიკზე გადებული საავტომობილო ხიდი და დონეცკის ოლქში, სტარომარიევკას მახლობლად, მდინარე კალმიუსზე საავტომობილო ხიდი.გარდა ამისა, დარტყმები განხორციელდა მოწინააღმდეგის საბრძოლო მასალის სამ საწყობზე – დონეცკის რეგიონში მაკიევკასთან, ლუგანსკის რეგიონში დოვჟანსკთან და ხერსონის რეგიონში პრეობრაჟენკასთან.

საზოგადოება • 1783065633

ნიშნები, რომლითაც ყირიმ-კონგოს დაავადება ვლინდება - როგორ დავიცვათ თავი

ყირიმ-კონგოს ჰემორაგიული ცხელება (CCHF) არის ვირუსული ჰემორაგიული ცხელება, რომელიც ძირითადად ტკიპებს გადააქვთ. გადადება ასევე შესაძლებელია დაინფიცირებული ცხოველის ქსოვილებთან (ქსოვილთან, საიდანაც ვირუსი სისხლში შევიდა) კონტაქტით ამ ცხოველის დაკვლის დროს ან უშუალოდ დაკვლის შემდეგ.ყირიმ-კონგოს გავრცელება საფრთხეს წარმოადგენს საზოგადოებრივი ჯანდაცვის სერვისებისთვის, რადგან ვირუსმა შეიძლება გამოიწვიოს ეპიდემიები, აქვს სიკვდილიანობის მაღალი მაჩვენებელი (10-40%), ხშირია საავადმყოფოებსა და ჯანდაცვის დაწესებულებებში გავრცელების შემთხვევები, ამავე დროს, რთულია მისი პრევენცია და მკურნალობა. ყირიმ-კონგოს ცხელება ენდემურია აფრიკისთვის, ბალკანეთისთვის, ახლო აღმოსავლეთისა და აზიისთვის.დაავადება პირველად 1944 წელს ყირიმში აღწერეს და სახელად ყირიმის ჰემორაგიული ცხელება უწოდეს. 1969 წელს დაადგინეს, რომ პათოგენი, რომელიც ყირიმის ჰემორაგიულ ცხელებას იწვევდა, იგივე იყო, რაც პათოგენი, რომელიც 1956 წელს კონგოში იდენტიფიცირებულ დაავადებას იწვევდა. ამ ორი ადგილის ასეთი კავშირი აისახა დაავადებისა და ვირუსის ამჟამინდელ სახელწოდებაში.ექიმი ეპიდემიოლოგი ოთარ ჩოკოშვილი ასახელებს პირველ სიმპტომებს, რაც ყირიმ-კონგოს დაავადებას უკავშირდება.„ესაა მაღალი ტემპერატურა, ზოგადი სისუსტე, კუნთების ტკივილი. რამდენიმე დღეში, ამას ერთვის ძლიერი სისხლდენა. შეიძლება, ადამიანს სისხლდენა დაეწყოს სხეულის სხვადასხვა ღრუდან. ვინც ისეთ რეგიონში ცხოვრობს, სადაც ამ დაავადების გადადების მაღალი რისკია, დროული მკურნალობა აუცილებელია", - ამბობს ოთარ ჩოკოშვილი. როგორ დაიცვათ თავი:1. მოერიდეთ ტკიპის კბენასბუნებაში გასვლისას ჩაიცვით გრძელი შარვალი და მკლავები, ჩაიცვით ღია ფერის ტანსაცმელი, რომ ტკიპა ადვილად შეამჩნიოთ, შარვალი ჩაიტანეთ წინდებში2. გამოიყენეთ დამცავი საშუალებებიკანზე წაისვით ინსექტიციდური/ტკიპის საწინააღმდეგო სპრეი (DEET ან იკარიდინი)ტანსაცმელზე გამოიყენეთ სპეციალური დამცავი სპრეი3. დაიცავით შინაური ცხოველებიძაღლებსა და სხვა ცხოველებს რეგულარულად გაუკეთეთ ანტიპარაზიტული მკურნალობა სახლში არ შემოიყვანოთ გარედან დაუმუშავებელი ცხოველი4. ბუნებიდან დაბრუნების შემდეგ კარგად დაათვალიერეთ სხეული (მუხლები, იღლიები, ყური, თმა)მიიღეთ შხაპი. ტანსაცმელი გარეცხეთ მაღალ ტემპერატურაზე.

მსოფლიო • 1782937483

ჯეფრი საქსი: რატომ გერჩით ევროპა ასე ძალიან? რადგან სურთ მოიყვანონ ისეთი ხელისუფლება, რომელიც მათ ნებას დაჰყვება - მიზეზი რატომაც საქართველოს გადაეკიდნენ, არის თქვენი სტრატეგიული მდებარეობა. თქვენ გეგმის ნაწილი ხართ, რომელიც შავ ზღვაში რუსეთის ალყაში მოქცევას გულისხმობს

მიზეზი რატომაც საქართველოს გადაეკიდნენ, არის თქვენი სტრატეგიული მდებარეობა. თქვენ გეგმის ნაწილი ხართ, გეგმისა რომელიც შავ ზღვაში რუსეთის ალყაში მოქცევას გულისხმობს, - განაცხადა გადაცემაში „იმედი LIVE“ კოლუმბიის უნივერსიტეტის მდგრადი განვითარების ცენტრის დირექტორმა, პროფესორმა, ჯეფრი საქსმა.მისი თქმით, ევროპასა და ამერიკის შეერთებული შტატებს სურთ საქართველო საკუთარი გეოპოლიტიკური ინტერესების სასარგებლოდ გამოიყენონ.„საქართველოს ერჩიან რადგან შავი ზღვის სანაპიროზე ხართ. 2008 წელს როდესაც ამერიკის შეერთებული შტატები ნატოს გაფართოებას ცდილობდა, არავის უხსენებია აზერბაიჯანი, სომხეთი, საუბარი ეხებოდა საქართველოს, რატომ? რადგან არსებობდა ამერიკული გეგმა რუსეთის ალყაში მოქცევის მიზნით, შავი ზღვის რეგიონში. უკრაინა, რუმინეთი, ბულგარეთი, თურქეთი და საქართველო შექმნიდნენ წინაღობას და რუსეთს ალყაში მოაქცევდნენ. რუსები სულელები ხომ არ არიან, მიხვდნენ საქმე რასთან ჰქონდათ. ეს უკვე მეორე მცდელობა გახლდათ. 1853 წელს ბრიტანელებს და ფრანგებს იგივე იდეა ჰქონდათ, ვგულისხმობ ყირიმის ომს. რატომ მოხდა ყირიმის 1853 წლის ომი? რადგან ბრიტანელებს სურდათ რუსეთის შავი ზღვიდან გაძევება, სევასტოპოლის ალყაც ამიტომ იყო. როდესაც რუსეთმა წააგო, ორი საინტერესო მოვლენა ვნახეთ; 1856 წლის სამშვიდობო შეთანხმებით, რუსეთს შავი ზღვის ფლოტის დაშლა დაეკისრა, ეს იყო გეოპოლიტიკა. ამერიკის შეერთებული შტატები კი ზუსტად იგივე თამაშს ეწევა, თამაში რომლის მოგებაც შეუძლებელია და სწორედ ამიტომაც ვამბობ, რომ საქართველო ნატოს წევრი არასოდეს გახდება, ვინაიდან ამას რუსეთი არ დაუშვებს. რუსეთში კარგად ესმით რა თამაშია. მეორე საინტერესო დეტალია რომ 1856 წელს, სევასტოპოლის დაცემის შემდეგ, რუსეთის დანებების შემდეგ, ბრიტანელი პრემიერი პალმერსტონი კავკასიას უმიზნებდა, ნაპოლეონ მესამემ კი მიუგო, რომ ომი ეყოთ და ეს ამბავი ასე დასრულდა. მაგრამ ბრიტანელები ამბობდნენ, რომ ფლოტი საქართველოსკენ უნდა გამოეგზავნათ, რადგან ბრიტანეთს ჰქონდა იმპერიული იდეა. ეს გახლდათ იმპერიათა ჭიდილი. საქართველო ამ განსაკუთრებულ როლში თქვენი განსაკუთრებული ადგილმდებარეობის მიზეზითაა მოქცეული. თქვენ ევროპისა და ამერიკის შეერთებული შტატებისთვის უფრო მნიშვნელოვანი ხართ გეოგრაფიულად ვიდრე აზერბაიჯანი, ან სომხეთი. თქვენ შავი ზღვის სახელმწიფო ხართ. ეს სულაც არ ნიშნავს, რომ თქვენ მათთვის მნიშვნელოვანი ხართ სიღრმისეულად. ევროპა და ამერიკის შეერთებული შტატები თქვენს გამოყენებას ლამობენ საკუთარი გეოპოლიტიკური ინტერესების სასარგებლოდ. რატომ გერჩით ევროპა ასე ძალიან? რადგან მათ უნდათ მოიყვანონ ძალაუფლებაში ისეთი ხელისუფლება რომელიც ნატოს დაუჭერს მხარს, მოწყვლადი ხელისუფლება რომელიც მათ ნებას დაჰყვება. არასოდეს დაგავიწყდეთ, რომ ევროპა ძალიან უხეშად ერევა თქვენს შიდა საქმეებში! სწორედ ამიტომ სძულთ გამჭვირვალობის კანონი. უნდა ვაღიარო, რომ ეს სწორი კანონია, ვინაიდან ეს არასამთავრობო ორგანიზაციები რეალურად არასამთავრობო ორგანიზაციები არ გახლავთ. ისინი სამთავრობო ორგანიზაციებია, ეს ვიცი რადგან მათთან 30 წელია საქმე მქონია. სწორედ მათი მეშვეობით ერევა ამერიკის შეერთებული შტატები და ევროკავშირი სხვა სახელმწიფოების საქმეებში. მე ეს არ მომწონს, მსურს საქართველო იყოს სუვერენული, უსაფრთხო, დაცული, ბრიუსელის ჩარევისგან თავისუფალი. ბრიუსელი შორსაა, ვინ მისცა მათ უფლება ჭკუა დაგარიგონ, ეს მიუღებელია. მიმაჩნია, რომ დიდ თამაშთან გვაქვს საქმე, მაგრამ მიზეზი რატომაც საქართველოს გადაეკიდნენ, არის თქვენი სტრატეგიული მდებარეობა. თქვენ გეგმის ნაწილი ხართ, გეგმისა რომელიც შავ ზღვაში რუსეთის ალყაში მოქცევას გულისხმობს“, - განაცხადა ჯეფრი საქსმა.

პოლიტიკა • 1782937405

ჯეფრი საქსი: ევროპა ძალიან უხეშად ერევა თქვენს შიდა საქმეებში! სწორედ ამიტომ სძულთ გამჭვირვალობის კანონი და ეს სწორი კანონია, ვინაიდან ეს არასამთავრობო ორგანიზაციები რეალურად სამთავრობო ორგანიზაციებია, რომელთა მეშვეობით აშშ და ევროკავშირი სხვა სახელმწიფოების საქმეებში ერევიან

ევროპა და ამერიკის შეერთებული შტატები თქვენს გამოყენებას ლამობენ საკუთარი გეოპოლიტიკური ინტერესების სასარგებლოდ, - განაცხადა გადაცემაში „იმედი LIVE“ კოლუმბიის უნივერსიტეტის მდგრადი განვითარების ცენტრის დირექტორმა, პროფესორმა, ჯეფრი საქსმა.გადაცემის წამყვანმა მას ჰკითხა - როგორც იცით, ბრიუსელის მიერ საქართველოსთან პოლიტიკური დიალოგი შეჩერებულია. ევროკავშირი საქართველოს აკრიტიკებს, რადგან მიაჩნიათ, რომ ქვეყანაში დემოკრატიის დასუსტებულია. რატომ ისჯება საქართველო და არის თუ არა მზად ევროკავშირი ახალი წევრების მისაღებად?როგორც საქსმა განაცხადა, ევროკავშირს საქართველოს ხელისუფლებაში ისეთი პოლტიკური ძალა უნდა, რომელიც მათ მითითებებს შეასრულებს.„საქართველოს ერჩიან რადგან შავი ზღვის სანაპიროზე ხართ. 2008 წელს, როდესაც ამერიკის შეერთებული შტატები ნატოს გაფართოებას ცდილობდა, არავის უხსენებია აზერბაიჯანი, სომხეთი, საუბარი ეხებოდა საქართველოს, რატომ? რადგან არსებობდა ამერიკული გეგმა რუსეთის ალყაში მოქცევის მიზნით, შავი ზღვის რეგიონში. უკრაინა, რუმინეთი, ბულგარეთი, თურქეთი და საქართველო შექმნიდნენ წინაღობას და რუსეთს ალყაში მოაქცევდნენ. რუსები სულელები ხომ არ არიან, მიხვდნენ საქმე რასთან ჰქონდათ. ეს უკვე მეორე მცდელობა გახლდათ. 1853 წელს ბრიტანელებს და ფრანგებს იგივე იდეა ჰქონდათ, ვგულისხმობ ყირიმის ომს. რატომ მოხდა ყირიმის 1853 წლის ომი? რადგან ბრიტანელებს სურდათ რუსეთის შავი ზღვიდან გაძევება, სევასტოპოლის ალყაც ამიტომ იყო. როდესაც რუსეთმა წააგო, ორი საინტერესო მოვლენა ვნახეთ; 1856 წლის სამშვიდობო შეთანხმებით, რუსეთს შავი ზღვის ფლოტის დაშლა დაეკისრა, ეს იყო გეოპოლიტიკა. ამერიკის შეერთებული შტატები კი ზუსტად იგივე თამაშს ეწევა, თამაში რომლის მოგებაც შეუძლებელია და სწორედ ამიტომაც ვამბობ, რომ საქართველო ნატოს წევრი არასოდეს გახდება, ვინაიდან ამას რუსეთი არ დაუშვებს. რუსეთში კარგად ესმით რა თამაშია. მეორე საინტერესო დეტალია, რომ 1856 წელს, სევასტოპოლის დაცემის შემდეგ, რუსეთის დანებების შემდეგ, ბრიტანელი პრემიერი პალმერსტონი კავკასიას უმიზნებდა, ნაპოლეონ მესამემ კი მიუგო, რომ ომი ეყოთ და ეს ამბავი ასე დასრულდა. მაგრამ ბრიტანელები ამბობდნენ, რომ ფლოტი საქართველოსკენ უნდა გამოეგზავნათ, რადგან ბრიტანეთს ჰქონდა იმპერიული იდეა. ეს გახლდათ იმპერიათა ჭიდილი. საქართველო ამ განსაკუთრებულ როლში თქვენი განსაკუთრებული ადგილმდებარეობის მიზეზითაა მოქცეული. თქვენ ევროპისა და ამერიკის შეერთებული შტატებისთვის უფრო მნიშვნელოვანი ხართ გეოგრაფიულად ვიდრე აზერბაიჯანი, ან სომხეთი. თქვენ შავი ზღვის სახელმწიფო ხართ. ეს სულაც არ ნიშნავს, რომ თქვენ მათთვის მნიშვნელოვანი ხართ სიღრმისეულად. ევროპა და ამერიკის შეერთებული შტატები თქვენს გამოყენებას ლამობენ საკუთარი გეოპოლიტიკური ინტერესების სასარგებლოდ. რატომ გერჩით ევროპა ასე ძალიან? რადგან მათ უნდათ მოიყვანონ ძალაუფლებაში ისეთი ხელისუფლება, რომელიც ნატოს დაუჭერს მხარს, მოწყვლადი ხელისუფლება, რომელიც მათ ნებას დაჰყვება. არასოდეს დაგავიწყდეთ, რომ ევროპა ძალიან უხეშად ერევა თქვენს შიდა საქმეებში! სწორედ ამიტომ სძულთ გამჭვირვალობის კანონი. უნდა ვაღიარო, რომ ეს სწორი კანონია, ვინაიდან ეს არასამთავრობო ორგანიზაციები რეალურად არასამთავრობო ორგანიზაციები არ გახლავთ. ისინი სამთავრობო ორგანიზაციებია, ეს ვიცი, რადგან მათთან 30 წელია საქმე მქონია. სწორედ მათი მეშვეობით ერევა ამერიკის შეერთებული შტატები და ევროკავშირი სხვა სახელმწიფოების საქმეებში. მე ეს არ მომწონს, მსურს საქართველო იყოს სუვერენული, უსაფრთხო, დაცული, ბრიუსელის ჩარევისგან თავისუფალი. ბრიუსელი შორსაა, ვინ მისცა მათ უფლება ჭკუა დაგარიგონ, ეს მიუღებელია. მიმაჩნია, რომ დიდ თამაშთან გვაქვს საქმე, მაგრამ მიზეზი რატომაც საქართველოს გადაეკიდნენ, არის თქვენი სტრატეგიული მდებარეობა. თქვენ გეგმის ნაწილი ხართ, გეგმისა, რომელიც შავ ზღვაში რუსეთის ალყაში მოქცევას გულისხმობს“, - განაცხადა ჯეფრი საქსმა.

ომი უკრაინაში • 1782368574

ზელენსკი: უკრაინა არ დაუშვებს, რომ რუსეთმა ქვეყნის ტერიტორია ომის გახანგრძლივებისა და ოკუპაციის უსასრულოდ ქცევის იარაღად გამოიყენოს

უკრაინის პრეზიდენტის, ვოლოდიმირ ზელენსკის განცხადებით, ყირიმის მიმართულებით უკრაინის ოპერაცია ზუსტად არის გათვლილი.მისივე თქმით, უკრაინა რუსულ დარტყმებზე რეაგირებას აგრძელებს.„ოკუპანტებს ძალიან მნიშვნელოვანი დანაკარგები აქვთ ჩვენს მიწაზე, რომელიც ახლა რუსეთის დროშის ქვეშ იმყოფება. უკრაინის დროებით ოკუპირებულ ტერიტორიაზე რუსეთის სამხედრო ლოგისტიკა და თავად ოკუპანტების იქ ყოფნა უკიდურესად რთულია. ეს არის სწორი სიგნალი რუსეთისთვის. სიგნალი, რომ რუსეთს ნამდვილად არ გამოუვა დაუსჯელად და იოლად მიითვისოს უკრაინელი ხალხის ან სხვა ნებისმიერი ხალხის მიწა, ვისაც ახლა რუსული ამბიციები ემუქრება“, – განაცხადა უკრაინის პრეზიდენტმა.ამასთან, ვოლოდიმირ ზელენსკის თქმით, უკრაინა არ დაუშვებს, რომ რუსეთმა ქვეყნის ტერიტორია ომის გახანგრძლივებისა და ოკუპაციის უსასრულოდ ქცევის იარაღად გამოიყენოს.„ჩვენი ოპერაცია, განსაკუთრებით კი ყირიმთან დაკავშირებით, მკაფიოდ არის გათვლილი და მისი მიმდინარეობა აბსოლუტურად აჩვენებს, უკრაინას თუ ექნება ის, რაზეც პარტნიორებთან „დიდი შვიდეულის“ ფარგლებში ვსაუბრობდით და ეს ჩვენი პარტნიორების გადაწყვეტილებაზეა დამოკიდებული, ჩვენ ოპერატიულად შევქმნით პირობებს, რომლებიც რუსეთს აიძულებს, მშვიდობა აირჩიოს. ჩვენ ვიმედოვნებთ, რომ პარტნიორებისგან დადებითი პასუხი იქნება. მათ ნათლად იციან, რაზეც არის საუბარი. ახლა ჩვენი სამხედროები უკრაინის დროებით ოკუპირებულ ტერიტორიაზე და თავად რუსეთშიც ანადგურებენ ყველაფერს, რაც ხელს უწყობს რუსულ ომს და რაც, ზოგადად, შესაძლებელს ხდის ამ ომსა და რუსეთის აგრესიას“, – აღნიშნა ზელენსკიმ.

ომი უკრაინაში • 1782057333

ნავთობის ობიექტებზე უკრაინის დარტყმების შემდეგ, ოკუპირებულ ყირიმში საწვავის გაყიდვა შეწყდა

უკრაინის უშიშროების სამსახურის ძალები რუსი ოკუპანტების სამიზნეების, მათ შორის ნავთობ-ბაზების, ტერმინალის, გაზის ინფრასტრუქტურის, საჰაერო თავდაცვის სისტემების და ლოგისტიკის განადგურების შესახებ იუწყება.დრონებით თავდასხმა მოხდა ოკუპირებული ყირიმის ქერჩის ნახევარკუნძულზე. რუსეთის მიერ დანიშნული მმართველობა 4 დაღუპულისა და 28 დაშავებულის შესახებ იტყობინება. ყირიმში შეჩერებულია საწვავის გაყიდვა, მათ შორის ტალონებითაც.

ომი უკრაინაში • 1782045157

უკრაინამ ყირიმის ხიდის ორივე მხარეს რუსული სამხედრო ლოგისტიკა გაანადგურა

უკრაინამ ყირიმის ხიდის ორივე მხარეს რუსული სამხედრო ლოგისტიკა, ნავთობტერმინალები და საჰაერო თავდაცვის სისტემები გაანადგურა. ადგილობრივი მედიის ინფორმაციით, ქერჩის ნახევარკუნძულზე თავდასხმას 4 ადამიანი ემსხვერპლა, 28 კი დაშავდა.ირკვევა ისიც, რომ გაძლიერებული შეტევების ფონზე, ოკუპირებულ ყირიმში საწვავის მწვავე დეფიციტია და მისი თავისუფალი გაყიდვა შეჩერებულია.უკრაინის პრეზიდენტის, ვოლოდიმირ ზელენსკის განცხადებით, ეს იერიში სამართლიანი ნაბიჯია რუსეთის აგრესიის საპასუხოდ.

მსოფლიო • 1781501372

დონალდ ტრამპმა ვოლოდიმირ ზელენსკისთან და ვლადიმერ პუტინთან სატელეფონო საუბრები გამართა

 დონალდ ტრამპსა და ვოლოდიმირ ზელენსკის შორის სატელეფონო საუბარი გაიმართა. აშშ-სა და უკრაინის პრეზიდენტებმა ომის დასულებისა და მშვიდობის დამყარების ხელშეწყობის საკითხები განიხილეს. სატელეფონო საუბარს უკრაინის პრეზიდენტმა ნაყოფიერი უწოდა.„განვიხილეთ მრავალი საკვანძო თემა. საკმაოდ დიდხანს ვისაუბრეთ ძალიან დეტალურად. პრეზიდენტ ტრამპის დღევანდელი სიტყვები აბსოლუტურად სწორი იყო, განსაკუთრებით ყირიმთან დაკავშირებით, ყველაფერი სწორედ რუსეთის მიერ ყირიმის მიტაცებით დაიწყო და მაშინ რომ ძლიერი ლიდერობა ყოფილიყო, ომი საერთოდ არ იქნებოდა... შევთანხმდით ჩვენს შეხვედრაზე, უახლოეს დღეებში ევროპაში გაიმართება „დიდი შვიდეულის“ ფორმატი, სადაც, რა თქმა უნდა, უკრაინა, ჩვენი თავდაცვა, ჩვენი შესაძლებლობები მშვიდობის მისაღწევად, მთავარ თემებს შორის იქნება“, - განაცხადა ზელენსკიმ.ამასთან, დონალდ ტრამპი ასევე ტელეფონით რუსეთის პრეზიდენტ ვლადიმერ პუტინსაც გაესაუბრა. კრემლის მიერ გავრცელებული ცნობით, ტრამპმა მზადყოფნა გამოთქვა გავლენა ჰქონდეს კიევსა და ევროპელ პარტნიორებზე. ასევე დაგეგმილია, რომ ტრამპის სპეციალური წარმომადგენლები სტივ უიტკოფი და ჯარედ კუშნერი, უახლოეს მომავალში კვლავ ეწვევიან რუსეთს. ​ამასთან, პუტინმა ტრამპს განუცხადა, რომ თუ უკრაინის პრეზიდენტს მასთან შეხვედრა სურს, მოსკოვში უნდა ჩავიდეს.

მსოფლიო • 1781279653

NATO-ს ქვეყნებმა ახლა გაიგეს, რომ შეუსრულებელია რუსეთის სტრატეგიული დამარცხების ამოცანა - ვლადიმერ პუტინი

NATO-ს ქვეყნებმა ახლა გაიგეს, რომ რუსეთის სტრატეგიული დამარცხების ამოცანა შეუსრულებელია და ისინი ძალიან ჩქარობდნენ ამის შესახებ საჯაროდ საუბარს, – ამის შესახებ რუსეთის პრეზიდენტმა, ვლადიმერ პუტინმა განაცხადა.პუტინის თქმით, რუსეთმა არა მხოლოდ უნდა უპასუხოს თავისი მტრების გამოწვევებს, არამედ ერთი ნაბიჯით წინ უნდა იყოს.ვლადიმერ პუტინის განცხადებით, NATO-ს ქვეყნებმა ომი წამოიწყეს რუსეთის წინააღმდეგ, რაც უკრაინაში სახელმწიფო გადატრიალებით დაიწყო.„NATO-ს ყველა ქვეყანა, გამონაკლისის გარეშე, აბსოლუტურად ყველა მათგანი, აძლიერებს ძალისხმევას, ყველაფერს აკეთებს რუსეთის წინააღმდეგ ამ მტრული ქმედებების ორგანიზებისთვის, რათა, მათი აზრით, რუსეთის წინააღმდეგ გაჩაღებული ომი გამარჯვებით დასრულდეს. სწორედ მათ დაიწყეს ომი. ამას მუდმივად ვამბობ, მაგრამ კიდევ ერთხელ მინდა ვთქვა: ჩვენ არ დაგვიწყია სამხედრო მოქმედებები სპეციალური სამხედრო ოპერაციის დაწყებით. არა. სწორედ მათ მოაწყვეს სახელმწიფო გადატრიალება უკრაინაში, რამაც შემდეგ გვაიძულა ყირიმის მოსახლეობის დაცვა და შემდეგ ომი დაიწყეს“, – აღნიშნა ვლადიმერ პუტინმა.რუსეთის პრეზიდენტის განცხადებით, მოსკოვი დონბასში კონფლიქტის მშვიდობიან მოგვარებას რვა წელი ელოდა და იძულებული გახდა, იქაური ხალხი იარაღის ძალით დაეცვა.პუტინის თქმით, რუსეთი მზადაა, უკრაინის კონფლიქტის მოგვარებაზე მოლაპარაკებები საკუთარი ეროვნული ინტერესების გათვალისწინებით დაიწყოს.„ჩვენ ვეთანხმებით მოლაპარაკებებს, მაგრამ მხოლოდ ჩვენი ეროვნული ინტერესების გათვალისწინებით, არა მხოლოდ დღევანდელი, არამედ გრძელვადიანი, ისტორიულად მნიშვნელოვანი ინტერესების“, – განაცხადა პუტინმა.