მსოფლიო • 1757328844

ვიქტორ ორბანი: დღეს ევროპელები უსაფრთხოების გარანტიებზე ელეგანტურად საუბრობენ, თუმცა უსაფრთხოების გარანტიები უკრაინის დანაწევრებას ნიშნავს

უნგრეთის პრემიერ-მინისტრის თქმით, უკრაინის ევროკავშირში გაწევრიანება წევრ სახელმწიფოებს, პირდაპირ თუ ირიბად ომში ჩაითრევს. ვიქტორ ორბანი ასევე განმარტავს, რომ უსაფრთხოების გარანტიები, რომლებზეც ევროპელი ლიდერები საუბრობენ, რეალურად უკრაინის დანაწევრებას ნიშნავს.„ომის დასაწყისში ამერიკელებმა ღიად გამოაცხადეს, რომ რუსეთში ახალი პოლიტიკური რეჟიმის შექმნა სურდათ. ამის შედეგად აღმოვჩნდით დღევანდელ ვითარებაში, სადაც ევროკავშირი ომს აფინანსებს, რუსეთიც ომს აფინანსებს და დაფინანსების რბოლა გვაქვს, რომელსაც ვაგებთ. დღეს ევროპელები უსაფრთხოების გარანტიებზე ელეგანტურად საუბრობენ, თუმცა უსაფრთხოების გარანტიები უკრაინის დანაწევრებას ნიშნავს. დასავლეთმა უკვე აღიარა რუსული ზონის არსებობა. ახლა დებატები მხოლოდ იმაზეა, თუ რამდენ ოლქზეა საუბარი ყირიმის გარდა - ოთხზე, ხუთზე თუ ექვსზე. უკრაინის დანაწევრების შედეგად მივიღებთ რუსულ ზონას, დემილიტარიზებულ ზონას და დასავლურ ზონას. ევროკავშირში უკრაინის გაწევრიანება პირდაპირ ნიშნავს ჩვენს ომში ჩათრევას. ევროპელები ვაშინგტონში კი არ უნდა დადიოდნენ ხელის ჩამოსართმევად, არამედ მოსკოვში უნდა წავიდნენ და ევროკავშირი-რუსეთის უსაფრთხოების შეთანხმება გააფორმონ, რომელშიც ნათქვამი იქნება, რომ უკრაინა ნატოს ან ევროკავშირის წევრი არ გახდება“, - განაცხადა ორბანმა.პრემიერის თქმით, დასავლეთს უკვე მიღებული აქვს ის რეალობა რომ უკრაინაში რუსული გავლენის ზონა იარსებებს. ორბანმა ბრიუსელის პოლიტიკაც გააკრიტიკა და აღნიშნა, რომ თუკი უნგრეთი ევროკავშირის მატარებელში ჩაებმება, ის ქაოსსა და სიღარიბეში აღმოჩნდება.

მსოფლიო • 1756890738

სიბიგა: ტრამპმა დიდი დრო და ძალისხმევა დახარჯა მშვიდობასთან დასაახლოებლად, რუსეთის საგარეო საქმეთა მინისტრისგან კი პასუხად ძველი ულტიმატუმების ახალ ნაკრებს იღებს

პრეზიდენტმა ტრამპმა დიდი დრო და ძალისხმევა დახარჯა მშვიდობასთან დასაახლოებლად, რუსეთის საგარეო საქმეთა მინისტრისგან კი პასუხად ძველი ულტიმატუმების ახალ ნაკრებს იღებს, – ამის შესახებ სოციალურ ქსელ X-ში უკრაინის საგარეო საქმეთა მინისტრმა, ანდრეი სიბიგამ დაწერა.„ბოლო ნახევარი წლის განმავლობაში პრეზიდენტმა ტრამპმა დიდი დრო და ძალისხმევა დახარჯა მშვიდობასთან დასაახლოებლად, რუსეთის საგარეო საქმეთა მინისტრისგან კი პასუხად ძველი ულტიმატუმების ახალ ნაკრებს იღებს. რუსეთს არ შეუცვლია თავისი აგრესიული მიზნები და არ ავლენს შინაარსიანი მოლაპარაკებებისთვის მზადყოფნის ნიშნებს. პირიქით, მათი ულტიმატუმები კიდევ უფრო გიჟური ხდება. ეს ადასტურებს, რომ აგრესორის მადა მხოლოდ იზრდება, როდესაც ზეწოლასა და ძალას არ აწყდება. ამის ნაცვლად, დროა, რუსეთის სამხედრო მანქანას ახალი მკაცრი სანქციები დავარტყათ და მოსკოვი გამოვაფხიზლოთ“,  – წერს ანდრეი სიბიგა.მაგალითად, სიბიგას მოჰყავს სერგეი ლავროვის მიერ ინდონეზიური გამცოემისთვის მიცემული ინტერვიუს ფრაგმენტი, სადაც ის  ამბობს, რომ მდგრადი მშვიდობის მისაღწევად უნდა იყოს აღიარებული და გაფორმებული „ახალი ტერიტორიული რეალიები, რომლებიც წარმოიქმნა რუსეთთან ყირიმის, სევასტოპოლის, დონეცკის სახალხო რესპუბლიკის, ლუგანსკის სახალხო რესპუბლიკის, ზაპორჟიეასა და ხერსონის რეგიონების მიერთების შედეგად“.

მსოფლიო • 1755563520

ზელენსკიმ განაცხადა, რომ „ტერიტორიების საკითხს“ პუტინთან განიხილავს

უკრაინის პრეზიდენტმა, ვოლოდიმირ ზელენსკიმ განაცხადა, რომ „ტერიტორიების საკითხს“ რუსეთის პრეზიდენტთან, ვლადიმირ პუტინთან განიხილავს.ვაშინგტონში გამართულ ბრიფინგზე ზელენსკიმ აღნიშნა, რომ „მცირედი დავა“ მოუვიდა ოკუპირებული ტერიტორიების პროცენტთან დაკავშირებით, რომელიც თეთრ სახლში ამერიკელების მიერ წარდგენილ რუკაზე იყო ასახული. ამავე დროს, პრეზიდენტმა გაიმეორა, რომ ტრამპთან კამათი არ ჰქონია და რომ მათ შორის „კარგი, თბილი და საქმიანი საუბარი“ შედგა.პრეზიდენტის თქმით, მან განუმარტა ამერიკულ მხარეს, როდის და როგორ მოხდა უკრაინის გარკვეული ტერიტორიების ოკუპაცია, მათ შორის აღმოსავლეთ ნაწილისა და ყირიმის 2014 წელს.ზელენსკის პირდაპირი პასუხი არ გაუცია კითხვაზე, დააყენებს თუ არა აშშ ტერიტორიების გაცვლის საკითხს და აქვს თუ არა უკრაინას ფორმულა, რომლითაც განისაზღვრება რუსეთის მიერ გარკვეული ოკუპირებული ტერიტორიების „მისაღები“ აღიარება.„ტერიტორიების საკითხს მე და პუტინს შორის დავტოვებთ“, - დასძინა პრეზიდენტმა.

პოლიტიკა • 1755436881

ამერიკამ 180 გრადუსით შეცვალა პოლიტიკა დაპირისპირებულ ბირთვულ სახელმწიფოსთან, ბაიდენისგან და ევროპელებისგან განსხვავებით, ტრამპი უკრაინის ომს ამერიკის ომად არ განიხილავს - ნანა კაკაბაძე

ტრამპისა და პუტინის შეხვედრის შედეგები უახლოეს მომავალში გამოჩნდება, ამიტომ დღეს შეიძლება მხოლოდ იმაზე ვისაუბროთ, ვინ რას ელოდა ამ შეხვედრიდან და პირველადი ინფორმაციების შემდეგ რამდენად გამართლდა ეს მოლოდინები, - წერს „ერთიანი ნეიტრალური საქართველოს“ წევრი, ნანა კაკაბაძე ოციალურ ქსელში.იგი აშშ-ისა და რუსეთის პრეზიდენტების შეხვედრის ფაქტს ეხმიანება და წერს, თუ რა აჩვენა ამ შეხვედრამ ალიასკაზე.„ზელენსკიმ და ევროპელმა ლიდერებმა დიდი ძალისხმევა ჩადეს იმაში, რომ ეს შეხვედრა არ შემდგარიყო და თუ მაინც შედგებოდა შეხვედრა, არ განხილულიყო და არ გადაწყეტილიყო უკრაინის ტერიტორიების დათმობის საკითხი.დღეს რუსეთის არმია შეტევაზეა გადასული და ნელა, მაგრამ მეთოდურად მიიწევს წინ ფრონტის ყველა ხაზზე.ლიბერალური ფრთის სურვილი იყო, ტრამპს პუტინისგან მოეთხოვა ცეცხლის დაუყოვნებლივ შეწყვეტა, ანუ რუსეთის წინსვლის შეჩერება, ხოლო უარის მიღების შემთხვევაში მისთვის დაეწესებინა განსაკუთრებულად მძიმე სანქციები.პირდაპირ უნდა ითქვას, დიდი ალბათობით ამაზე პუტინმა კატეგორიული უარი განაცხადა, ამიტომაც არ შედგა შეხვედრის გაგრძელება მრავალპირიანი შეხვედრით და ლანჩით. ამის მიუხედავად რუსეთისათვის სანქციების დაწესებაზე არც არაფერი თქმულა და ე.ი არც არაფერია მოსალოდნელი.როგორც ჩანს, შეხვედრაზე რუსეთის მიზანი იყო თავის იმ პოზიციაზე ტრამპის დათანხმება, რომელიც გულისხმობს ყირიმისა და უკრაინის 4 რეგიონის რუსეთის შემადგენლობაში აღიარებას და ამ ტერიტორიებიდან უკრაინის ჯარის გაყვანას. გავიხსენოთ, რომ დღეისათვის რუსეთს დაკავებული აქვს ლუგანსკის რეგიონის თითქმის 100% და დონეცკის რეგიონის დაახლოებით 70%, ხოლო ხერსონსა და ზაპოროჟიეში - ნახევარი ან უფრო ნაკლები. როგორც ირკვევა, პუტინს შეუთავაზებია ცეცხლის შეწყვეტაზე თანხმობა თუ პირველი 2 რეგიონიდან უკრაინა სრულად გაიყვანს თავის შეიარაღებულ ძალებს, ხოლო დათანხმებულა იმაზე, რომ ხერსონსა და ზაპოროჟიეში სტატუს კვო დაფიქსირებულიყო. თუ ეს ასეა, მაშინ ამ ორ რეგიონთან დაკავშირებით პუტინს თავისი მოთხოვნები შეუმსუბუქებია.გამოიკვეთა ისიც, რომ ტრამპისთვის ეს წინადადება მისაღები ყოფილა, თუ გავითვალისწინებთ მის განცხადებას, ახლა ბურთი ზელენსკის და ევროპელების მხარესაა და ისინი უნდა დათანხმდნენ ამ შეთავაზებასო.18 აგვისტოს, ტრამპი, თეთრ სახლში ამ საკითხების გასარკვევად და ალბათ, ამაში დასარწმუნებლად ხვდება ზელენსკის და ევროპელ ლიდერებს. ვნახოთ, რა იქნება ამ შეხვედრის შედეგი. არ არის გამორიცხული, ტრამპმა მათ ულტიმატუმი წაუყენოს, რომ თუ ამას არ დათანხმდებით, მიდით და თქვენ გააგრძელეთ რუსეთთან ომი, ვინაიდან ეს ამერიკის ომი არ არისო. სავარაუდოთ ტრამპი არ შეცვლის შეხვედრაზე დაფიქსირებულ პოზიციებს, რაც მას აქამდე არაერთხელ გაუკეთებია.ჯერჯერობით კი, რაც მიუკერძოებელი ადამიანის თვალით ჩანს, არის ის, რომ ამერიკამ 180 გრადუსით შეცვალა პოლიტიკა დაპირისპირებულ ბირთვულ სახელმწიფოსთან, ბაიდენისგან და ევროპელებისგან განსხვავებით, ტრამპი უკრაინის ომს ამერიკის ომად არ განიხილავს. ისიც აშკარაა, რომ აშშ-ის პრეზიდენტის მიერ პუტინის ასეთ მაღალ დონეზე და ასეთ ადგილას მიღებამ ყველას დაანახვა რუსეთის დიპლომატიური იზოლაციიდან გამოსვლა და გარკვეული უპირატესობაც.გარდა ამისა, ჰააგის სასამართლოს მიერ საერთაშორისო ძებნილად გამოცხადებული პუტინის ასეთის პატივით მიღება პირდაპირი დარტყმა და თავს ლაფისდასხმა იყო ამ სასამართლოსთვის და იმ გადაწყვეტილებისთვის, რომელიც მან მიიღო პუტინის წინააღმდეგ.ზედაპირზეა ისიც, რომ იბადება ახალი მსოფლიო თავისი ახალი ტერიტორიული გავლენების დაყოფით, ახალი პოლიტიკითა და ახალი მმართველობით, რომ ამ მმართველობიდან რუსეთის გაქრობა სულაც არ ყოფილა შესაძლებელი. გვინდა თუ არა, უნდა ვაღიაროთ, რომ 50-ზე მეტი ქვეყნის მიერ რუსეთის წინააღმდეგ წარმოებულმა პროქსი ომმა ვერ შეძლო რუსეთის განდევნა-გაქრობა მსოფლიო პოლიტიკიდან და ის დარჩა სერიოზულ ანგარიშგასაწევ ძალად და ძლიერ პოლიტიკურ მოთამაშედ, რომელსაც აშშ-ს პრეზიდენტი სალაპარაკოდ და მოსალაპარაკებლად იწვევს არა მარტო უკრაინის ომზე.ზელენსკის ჩახსნა ამ მოლაპარაკებიდან, ძალიან წააგავს 2008 წლის სააკაშვილის წაგებული ომის ბოლო პერიოდს, როდესაც საფრანგეთის პრეზიდენტი საკროზი დარბოდა პუტინთან მოსალაპარაკებლად ისე, რომ სააკაშვილს პოსტ-ფაქტუმ ატყობინებდნენ ამ მოლაპარაკების შედეგებს.ტრამპის სამშვიდობო პოლიტიკაში, პირდაპირი თუ არაპირდაპირი ჩართულობის მიზანია, რაც შეიძლება მეტი წამოიღოს რუსეთიდან და უკრაინიდან ამ უკანასკნელის მარცხის ფონზე. უპირველესად, მისი სურვილია, დაარწმუნოს დანარჩენი მსოფლიო, რომ ეს მხოლოდ ბაიდენის არასწორი პოლიტიკა იყო და არა საერთო ამერიკული. ამიტომაც წაგება უნდა გაიგივდეს პერსონალურად ბაიდენთან, უპასუხისმგებლო ევროპელ პოლიტიკოსებთან და არა ძლევამოსილ ამერიკასთან“, - წერს ნანაკაკაბაძე.

მსოფლიო • 1754976871

The Telegraph: უკრაინა მზადაა ფაქტობრივად დაუთმოს რუსეთს უკვე ოკუპირებული ტერიტორიები

აშშ-ის პრეზიდენტის, დონალდ ტრამპისა და რუსეთის ლიდერის, ვლადიმერ პუტინის სამიტამდე რამდენიმე დღით ადრე დიპლომატიურ წრეებში უკრაინის პრეზიდენტის, ვოლოდიმირ ზელენსკის პოზიციების შერბილებას უკვე განიხილავენ. ინფორმაციას The Telegraph-ი ავრცელებს.როგორც გამოცემა ევროპულ წყაროებზე დაყრდნობით წერს, კიევი მზადაა განიხილოს საბრძოლო მოქმედებების შეწყვეტა უკვე ოკუპირებული ლუგანსკის, დონეცკის, ზაპოროჟიეს, ხერსონის ოლქების და ყირიმის ტერიტორიებზე რუსეთის ფაქტობრივი კონტროლის აღიარებით.ასეთი სცენარი, რომელსაც მხარს ზოგი ევროპული დედაქალაქი უჭერს, ფრონტის ხაზის გაყინვას და უკრაინისთვის უსაფრთხოების გარანტიების მიცემას, მათ შორის იარაღით მომარაგებასა და ნატოში გაწევრიანების პერსპექტივას გულისხმობს. ამასთან ერთად, ზელენსკი ხაზგასმით აღნიშნავს: არავითარი შეთანხმება დამატებით ტერიტორიულ დათმობებს არ უნდა გულისხმობდეს.The Telegraph-ის ცნობით, დღესდღეობით რუსეთი უკრაინის დაახლოებით 20% აკონტროლებს. საერთაშორისო პარტნიორები, კანადისა და დიდი ბრიტანეთის ჩათვლით, მოუწოდებენ თავი აარიდონ კიევისთვის გადაწყვეტილებების თავს მოხვევას და ხაზგასმით აღნიშნავენ, რომ მშვიდობის მიღწევა თავად უკრაინის მონაწილეობით უნდა მოხდეს და არა მის ზურგს უკან.

მსოფლიო • 1754763819

,,დიდი ხნის მოსალოდნელი შეხვედრა“ - ტრამპი და პუტინი უკრაინაში ომის დასრულების საკითხზე სასაუბროდ 15 აგვისტოს ერთმანეთის პირისპირ ალასკას შტატში დასხდებიან

შეხვედრის თარიღი და ადგილი ცნობილია, ტრამპი და პუტინი უკრაინაში ომის დასრულების საკითხზე სასაუბროდ 15 აგვისტოს ერთმანეთის პირისპირ ალასკას შტატში დასხდებიან. "დიდი ხნის მოსალოდნელი შეხვედრა" - ასე ეხმაურება სოციალურ ქსელში ამერიკის პრეზიდენტი რუს კოლეგასთან დაანონსებულ მოლაპარაკებებს.თეთრი სახლის და კრემლის ლიდერების სამშვიდობო მოლაპარაკებების მთავარი თემა უკრაინის ტერიტორიების საკითხი იქნება. დონალდ ტრამპმა ჟურნალისტებს უთხრა, რომ ომის დასრულების სანაცვლოდ, ვოლოდიმირ ზელენსკის გარკვეულ დოკუმენტებზე ხელის მოწერა მოუწევს.ქვეყნის ოკუპირებული ტერიტორიების დათმობის პერსპექტივა მიუღებელია ოფიციალური კიევისთვის. ვოლოდიმირ ზელენსკი აცხადებს, რომ უკრაინელები საკუთარ მიწას ოკუპანტს არ აჩუქებენ. ომის დასრულების საკითხზე უკრაინის გარეშე მიღებული ნებისმიერი გადაწყვეტილება კი, ზელენსკის განცხადებით, მშვიდობის წინააღმდეგ იქნება მიმართული.უკრაინის საკითხზე ამერიკის შეერთებული შტატების და რუსეთის პრეზიდენტების შეხვედრის სამზადისს ადასტურებენ კრემლში. სატელეფონო კომენტარში პუტინის თანაშემწე იური უშაკოვი ამბობს, რომ მხარეები პროცესის პრაქტიკულ და პოლიტიკურ ნაწილში უახლოეს დღეებში ჩაერთვებიან.საერთაშორისო მედია წერს, რომ მოლაპარაკებებზე უკრაინაში ცეცხლის შეწყვეტის სანაცვლოდ, კრემლი ხუთი რეგიონის ლუგანსკის, დონეცკის, ზაპოროჟიეს, ხერსონის და ანექსირებული ყირიმის რუსეთის ნაწილად აღიარებას მოითხოვს. პუტინის პირობაა უკრაინის დემილიტარიზაცია და ნატოში გაწევრიანებაზე უარის თქმაც. კრემლის პირობებს ომის კვლევის ამერიკული ინსტიტუტი აფასებს.უკრაინის მოკავშირეების სამშვიდობო ძალისხმევის მიუხედავად, რუსეთი ქვეყნის ქალაქებზე და დასახლებებზე თავდასხმას განაგრძობს. დღეს, აგრესიის სამიზნე გახდა ხერსონის ოლქი. რუსეთის ძალებმა სამგზავრო ავტობუსს დაარტყეს. დაიღუპა უკრაინის ორი მოქალაქე დაჭრილია, ოცზე მეტი.

რჩევები • 1753105080

პირველი ნიშნები, რომლითაც ყირიმ-კონგოს დაავადება ვლინდება

ყირიმ-კონგოს ჰემორაგიული ცხელება (CCHF) არის ვირუსული ჰემორაგიული ცხელება, რომელიც ძირითადად ტკიპებს გადააქვთ. გადადება ასევე შესაძლებელია დაინფიცირებული ცხოველის ქსოვილებთან (ქსოვილთან, საიდანაც ვირუსი სისხლში შევიდა) კონტაქტით ამ ცხოველის დაკვლის დროს ან უშუალოდ დაკვლის შემდეგ.ყირიმ-კონგოს გავრცელება საფრთხეს წარმოადგენს საზოგადოებრივი ჯანდაცვის სერვისებისთვის, რადგან ვირუსმა შეიძლება გამოიწვიოს ეპიდემიები, აქვს სიკვდილიანობის მაღალი მაჩვენებელი (10-40%), ხშირია საავადმყოფოებსა და ჯანდაცვის დაწესებულებებში გავრცელების შემთხვევები, ამავე დროს, რთულია მისი პრევენცია და მკურნალობა. ყირიმ-კონგოს ცხელება ენდემურია აფრიკისთვის, ბალკანეთისთვის, ახლო აღმოსავლეთისა და აზიისათვის.დაავადება პირველად 1944 წელს ყირიმში აღწერეს და სახელად ყირიმის ჰემორაგიული ცხელება უწოდეს. 1969 წელს დაადგინეს, რომ პათოგენი, რომელიც ყირიმის ჰემორაგიულ ცხელებას იწვევდა, იგივე იყო, რაც პათოგენი, რომელიც 1956 წელს კონგოში იდენტიფიცირებულ დაავადებას იწვევდა. ამ ორი ადგილის ასეთი კავშირი აისახა დაავადებისა და ვირუსის ამჟამინდელ სახელწოდებაში.ექიმი-ეპიდემიოლოგი ოთარ ჩოკოშვილი ასახელებს პირველ სიმპტომებს, რაც ყირიმ-კონგოს დაავადებას უკავშირდება."ესაა მაღალი ტემპერატურა, ზოგადი სისუსტე, კუნთების ტკივილი. რამდენიმე დღეში, ამას ერთვის ძლიერი სისხლდენა. შეიძლება, ადამიანს სისხლდენა დაეწყოს სხეულის სხვადასხვა ღრუდან. ვინც ისეთ ეეგიონში ცხოვრობს, სადაც ამ დაავადების გადადების მაღალი რისკია, დროული მკურნალობა აუცილებელია", - ამბობს ოთარ ჩოკოშვილი.

მსოფლიო • 1752821267

რუსეთის თავდაცვის სამინისტრო - ქვეყნის ტერიტორიაზე 73 უკრაინული დრონი ჩამოვაგდეთ, მათ შორის 10 მოსკოვის ოლქში

საჰაერო თავდაცვის ძალებმა ღამით რუსეთის ტერიტორიაზე 73 უკრაინული დრონი ჩამოაგდეს, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.უწყების განმარტებით, ყველაზე მეტი - 31 დრონი ბრიანსკის ოლქში ჩამოაგდეს, 17 - ორლოვსკში, 10 - მოსკოვის ოლქის თავზე, მათ შორის სამი დედაქალაქის მიმართულებით, 4 - ყირიმის თავზე, 3 - აზოვის ზღვის წყლებზე, ორ-ორი სმოლენსკის და ნიჟნი ნოვგოროდის ოლქებში, თითო-თითო ბელგოროდის, კალუგისა და ვორონეჟის ოლქების და შავი ზღვის თავზე.

მსოფლიო • 1749192392

უკრაინულმა ძალებმა იერიში მიიტანეს რუსეთის ქალაქ ენგელსის ნავთობბაზაზე, რის შედეგადაც მასშტაბური ხანძარი გაჩნდა - უკრაინული მედია

რუსეთის თავდაცვის სამინისტროს განცხადებით, ქვეყნის მასშტაბით ღამით 174 უკრაინული დრონი გაანადგურეს.როგორც განცხადებაშია აღნიშნული, კიევმა იერიში მიიტანა ბრიანსკის, როსტოვის, სარატოვის, ვორონეჟის, კალუგის, კურსკის, ორლოვის, რიაზანის, ტულის, ბელგოროდის და ტამბოვის ოლქებზე, მოსკოვის რეგიონისა და ყირიმის ტერიტორიაზე.ამასთან, მათივე ცნობით, შავი ზღვის აკვატორიაზე განადგურდა სამი უკრაინული რაკეტა.უკრაინული მედია რუსულ „ტელეგრამის“ არხებზე დაყრდნობით წერს, უკრაინულმა ძალებმა იერიში მიიტანეს სარატოვის ოლქის ქალაქ ენგელსის ნავთობბაზაზე, რის შედეგადაც მასშტაბური ხანძარი გაჩნდა. ობიექტი გამოიყენება სტრატეგიული ავიაციის საწვავით უზრუნველსაყოფად, რომელსაც რუსეთი უკრაინაზე სარაკეტო თავდასხმებისთვის იყენებს.რუსეთის ხელისუფლებას აღნიშნულთან დაკავშირებით კომენტარი არ გაუკეთებია, თუმცა, როგორც უკრაინული მედია წერს, სოციალურ ქსელებში გავრცელებულია ვიდეოკადრები, სადაც მასშტაბური ხანძარი ჩანს.სარატოვის ოლქის გუბერნატორმა, რომან ბუსარგინმა დაადასტურა, რომ ქალაქში ხანძარია, თუმცა არ დაუზუსტებია, კონკრეტულად რა ობიექტზე.„უპილოტო საფრენი აპარატების თავდასხმის შედეგად ხანძარია ენგელსის ერთ-ერთ სამრეწველო საწარმოზე“, – დაწერა ბუსარგინმა „ტელეგრამში“.

მსოფლიო • 1748953737

უკრაინის უსაფრთხოების სამსახური ყირიმის ხიდის ბურჯების აფეთქების შესახებ იუწყება

უკრაინის უსაფრთხოების სამსახურმა „ტელეგრამის“ საკუთარ არხზე გაავრცელა ინფორმაცია ყირიმის ხიდის ბურჯების აფეთქების შესახებ.„ოპერაცია რამდენიმე თვე მიმდინარეობდა. უკრაინის უსაფრთხოების სამსახურის აგენტებმა ამ უკანონო ობიექტის ბურჯები დანაღმეს და დღეს სამოქალაქო მოსახლეობის მსხვერპლის გარეშე დილის 04:44 საათზე პირველი ასაფეთქებელი მოწყობილობის აქტივაცია მოხდა“, - წერს უკრაინის უსაფრთხოების სამსახური.უკრაინული მხარის მტკიცებით, წყლის ქვეშ მდებარე ბურჯები ძალიან დაზიანებულია. ხიდი ფაქტობრივად ავარიულ მდგომარეობაშია. აფეთქების სიმძლავრე 1100 კილოგრამი ტროტილის ეკვივალენტს წარმოადგენდა.ოპერაციას ხელმძღვანელობდა და კოორდინაციას უწევდა უკრაინის უსაფრთხოების სამსახურის უფროსი, გენერალ-ლეიტენანტი ვასილი მალიუკი.„ღმერთი სამობითაა, ხოლო უკრაინის უსაფრთხოების სამსახურს საქმე ყოველთვის ბოლომდე მიჰყავს და არასდროს მეორდება. ჩვენ ყირიმის ხიდი ადრე ორჯერ დავაზიანეთ - 2022 და 2023 წლებში. დღეს ტრადიცია წყალქვეშ გაგრძელდა. ჩვენი სახელმწიფოს ტერიტორიაზე არცერთი უკანონ რუსული ობიექტის ადგილი არ არის. ამიტომაც, ყირიმის ხიდი - აბსოლუტურად კანონიერი მიზანია, განსაკუთრებით იმის გათვალისწინებით, რომ მტერი მას საკუთარი ჯარების მომარაგებისთვის ლოჯისტიკურ არტერიად იყენებდა. ყირიმი - უკრაინაა და ოკუპაციის ნებისმიერი გამოვლინება ჩვენგან მკაცრ პასუხს მიიღებს“, - თქვა მალიუკმა.

მსოფლიო • 1748939105

მოლაპარაკებები სტამბოლში საჭიროა არა კომპრომისული მშვიდობისთვის, არამედ ჩვენი სწრაფი გამარჯვებისთვის, ამაშია რუსეთის მემორანდუმის არსი - დიმიტრი მედვედევი

მოლაპარაკებები სტამბოლში საჭიროა არა კომპრომისული მშვიდობისთვის, არამედ ჩვენი სწრაფი გამარჯვებისთვის, ამაშია რუსეთის მემორანდუმის არსი, – ამის შესახებ „ტელეგრამში“ რუსეთის უსაფრთხოების საბჭოს თავმჯდომარის მოადგილე დიმიტრი მედვედევი წერს.მისივე თქმით, შურისძიება გარდაუვალია და ისინი, ვინც უნდა განადგურდნენ, გაქრებიან.„ყველა, ვინც ღელავს და ელოდება შურისძიებას, ღელვა საჭიროა – ეს ნორმალური ადამიანის თვისებაა. შურისძიება გარდაუვალია. ამასთან, უნდა გვახსოვდეს 1. ჩვენი არმია აქტიურად უტევს და შეტევას გააგრძელებს. ყველაფერი, რაც უნდა აფეთქდეს, აუცილებლად აფეთქდება, ხოლო ისინი, ვინც უნდა განადგურდნენ, გაქრებიან; 2. მოლაპარაკებები სტამბოლში საჭიროა არა კომპრომისული მშვიდობისთვის, ვიღაცის მოგონილი არარეალური პირობებით, არამედ ჩვენი სწრაფი გამარჯვებისა და ნეონაცისტური ხელისუფლების სრული განადგურებისთვის. ამაშია გუშინ გამოქვეყნებული რუსეთის მემორანდუმის არსი“, – წერს მედვედევი.ცნობისთვის, რუსეთმა უკრაინასთან დაკავშირებით თავისი მემორანდუმის ტექსტი გამოაქვეყნა, სადაც ჩამოთვლილ პირობებს შორის არის ყირიმის, ლუგანსკის, დონეცკის, ზაპოროჟიესა და ხერსონის ოლქების რუსეთის შემადგენელ ნაწილად საერთაშორისო-სამართლებრივი აღიარებაა.

მსოფლიო • 1748898205

რუსეთმა უკრაინასთან დაკავშირებით მემორანდუმის სრული ტექსტი გამოაქვეყნა - რა წერია დოკუმენტში

რუსეთმა უკრაინასთან დაკავშირებით მემორანდუმის სრული ტექსტი გამოაქვეყნა.რუსეთის მხრიდან ძირითადი მოთხოვნებია:„ყირიმის, ლუგანსკის სახალხო რესპუბლიკის, დონეცკის სახალხო რესპუბლიკის, ზაპოროჟიესა და ხერსონის ოლქის რუსეთის შემადგენლობაში შესვლის საერთაშორისო - სამართლებრივი აღიარება; უკრაინის ნეიტრალიტეტის გამოცხადება, უარი სამხედრო კავშირებში გაწევრიანებაზე; სხვა სახელმწიფოების სამხედრო საქმიანობის აკრძალვა უკრაინაში; უკრაინის უბირთვო სტატუსი; უკრაინის შეიარაღებული ძალების მაქსიმალური რაოდენობის დადგენა; რუსეთის წინააღმდეგ შემოღებული ეკონომიკური სანქციების მოხსნა; რუსულენოვანი მოსახლეობის უფლებებისა და თავისუფლების უზრუნველყოფა, უკრაინის მართლმადიდებელი ეკლესიის საქმიანობაზე შეზღუდვების მოხსნა, ნაცისტური იდეოლოგიის გმირობად გამოცხადების აკრძალვა; უკრაინასთან დიპლომატიური და ეკონომიკური ურთიერთობების ეტაპობრივი აღდგენა; საბრძოლო მოქმედებებით მიყენებული ზიანის გამო პრეტენზიებზე ურთიერთუარის თქმა; ოჯახების გაერთიანებასა და იძულებით გადაადგილებულ პირებთან დაკავშირებული საკითხების გადაწყვეტა“.ამასთან, დოკუმენტში მოცემულია ცეცხლის შეწყვეტის ორი ვარიანტი:„ვარიანტი 1: უკრაინის შეიარაღებული ძალების გამოყვანა უკრაინის მიერ ოკუპირებული რუსული ტერიტორიებიდან – ყირიმის, ლუგანსკის სახალხო რესპუბლიკის, დონეცკის სახალხო რესპუბლიკის, ზაპოროჟიესა და ხერსონის ოლქები.ვარიანტი 2: უკრაინის შეიარაღებული ძალების გადაადგილების აკრძალვა; მობილიზაციის შეწყვეტა და დემობილიზაციის გამოცხადება; მესამე ქვეყნების სამხედრო წარმომადგენლების გამორიცხვა; კიევისთვის უცხოური საომარი დახმარების შეწყვეტა; კიევის მიერ რუსეთის წინააღმდეგ დივერსიული ქმედებების უარყოფა; პოლიტიკური პატიმრების ურთიერთი ამნისტია და დაკავებული სამოქალაქო პირების გათავისუფლება; უკრაინაში საომარი მდგომარეობის გაუქმება; საომარი მოქმედების გაუქმებიდან 100 დღის ვადაში ახალი არჩევნების დანიშვნა“.შეგახსენებთ, რომ 2 ივნისს სტამბოლში რუსეთისა და უკრაინის დელეგაციებს შორის მეორე შეხვედრა გაიმართა.