მსოფლიო • 1749192392

უკრაინულმა ძალებმა იერიში მიიტანეს რუსეთის ქალაქ ენგელსის ნავთობბაზაზე, რის შედეგადაც მასშტაბური ხანძარი გაჩნდა - უკრაინული მედია

რუსეთის თავდაცვის სამინისტროს განცხადებით, ქვეყნის მასშტაბით ღამით 174 უკრაინული დრონი გაანადგურეს.როგორც განცხადებაშია აღნიშნული, კიევმა იერიში მიიტანა ბრიანსკის, როსტოვის, სარატოვის, ვორონეჟის, კალუგის, კურსკის, ორლოვის, რიაზანის, ტულის, ბელგოროდის და ტამბოვის ოლქებზე, მოსკოვის რეგიონისა და ყირიმის ტერიტორიაზე.ამასთან, მათივე ცნობით, შავი ზღვის აკვატორიაზე განადგურდა სამი უკრაინული რაკეტა.უკრაინული მედია რუსულ „ტელეგრამის“ არხებზე დაყრდნობით წერს, უკრაინულმა ძალებმა იერიში მიიტანეს სარატოვის ოლქის ქალაქ ენგელსის ნავთობბაზაზე, რის შედეგადაც მასშტაბური ხანძარი გაჩნდა. ობიექტი გამოიყენება სტრატეგიული ავიაციის საწვავით უზრუნველსაყოფად, რომელსაც რუსეთი უკრაინაზე სარაკეტო თავდასხმებისთვის იყენებს.რუსეთის ხელისუფლებას აღნიშნულთან დაკავშირებით კომენტარი არ გაუკეთებია, თუმცა, როგორც უკრაინული მედია წერს, სოციალურ ქსელებში გავრცელებულია ვიდეოკადრები, სადაც მასშტაბური ხანძარი ჩანს.სარატოვის ოლქის გუბერნატორმა, რომან ბუსარგინმა დაადასტურა, რომ ქალაქში ხანძარია, თუმცა არ დაუზუსტებია, კონკრეტულად რა ობიექტზე.„უპილოტო საფრენი აპარატების თავდასხმის შედეგად ხანძარია ენგელსის ერთ-ერთ სამრეწველო საწარმოზე“, – დაწერა ბუსარგინმა „ტელეგრამში“.

მსოფლიო • 1748953737

უკრაინის უსაფრთხოების სამსახური ყირიმის ხიდის ბურჯების აფეთქების შესახებ იუწყება

უკრაინის უსაფრთხოების სამსახურმა „ტელეგრამის“ საკუთარ არხზე გაავრცელა ინფორმაცია ყირიმის ხიდის ბურჯების აფეთქების შესახებ.„ოპერაცია რამდენიმე თვე მიმდინარეობდა. უკრაინის უსაფრთხოების სამსახურის აგენტებმა ამ უკანონო ობიექტის ბურჯები დანაღმეს და დღეს სამოქალაქო მოსახლეობის მსხვერპლის გარეშე დილის 04:44 საათზე პირველი ასაფეთქებელი მოწყობილობის აქტივაცია მოხდა“, - წერს უკრაინის უსაფრთხოების სამსახური.უკრაინული მხარის მტკიცებით, წყლის ქვეშ მდებარე ბურჯები ძალიან დაზიანებულია. ხიდი ფაქტობრივად ავარიულ მდგომარეობაშია. აფეთქების სიმძლავრე 1100 კილოგრამი ტროტილის ეკვივალენტს წარმოადგენდა.ოპერაციას ხელმძღვანელობდა და კოორდინაციას უწევდა უკრაინის უსაფრთხოების სამსახურის უფროსი, გენერალ-ლეიტენანტი ვასილი მალიუკი.„ღმერთი სამობითაა, ხოლო უკრაინის უსაფრთხოების სამსახურს საქმე ყოველთვის ბოლომდე მიჰყავს და არასდროს მეორდება. ჩვენ ყირიმის ხიდი ადრე ორჯერ დავაზიანეთ - 2022 და 2023 წლებში. დღეს ტრადიცია წყალქვეშ გაგრძელდა. ჩვენი სახელმწიფოს ტერიტორიაზე არცერთი უკანონ რუსული ობიექტის ადგილი არ არის. ამიტომაც, ყირიმის ხიდი - აბსოლუტურად კანონიერი მიზანია, განსაკუთრებით იმის გათვალისწინებით, რომ მტერი მას საკუთარი ჯარების მომარაგებისთვის ლოჯისტიკურ არტერიად იყენებდა. ყირიმი - უკრაინაა და ოკუპაციის ნებისმიერი გამოვლინება ჩვენგან მკაცრ პასუხს მიიღებს“, - თქვა მალიუკმა.

მსოფლიო • 1748939105

მოლაპარაკებები სტამბოლში საჭიროა არა კომპრომისული მშვიდობისთვის, არამედ ჩვენი სწრაფი გამარჯვებისთვის, ამაშია რუსეთის მემორანდუმის არსი - დიმიტრი მედვედევი

მოლაპარაკებები სტამბოლში საჭიროა არა კომპრომისული მშვიდობისთვის, არამედ ჩვენი სწრაფი გამარჯვებისთვის, ამაშია რუსეთის მემორანდუმის არსი, – ამის შესახებ „ტელეგრამში“ რუსეთის უსაფრთხოების საბჭოს თავმჯდომარის მოადგილე დიმიტრი მედვედევი წერს.მისივე თქმით, შურისძიება გარდაუვალია და ისინი, ვინც უნდა განადგურდნენ, გაქრებიან.„ყველა, ვინც ღელავს და ელოდება შურისძიებას, ღელვა საჭიროა – ეს ნორმალური ადამიანის თვისებაა. შურისძიება გარდაუვალია. ამასთან, უნდა გვახსოვდეს 1. ჩვენი არმია აქტიურად უტევს და შეტევას გააგრძელებს. ყველაფერი, რაც უნდა აფეთქდეს, აუცილებლად აფეთქდება, ხოლო ისინი, ვინც უნდა განადგურდნენ, გაქრებიან; 2. მოლაპარაკებები სტამბოლში საჭიროა არა კომპრომისული მშვიდობისთვის, ვიღაცის მოგონილი არარეალური პირობებით, არამედ ჩვენი სწრაფი გამარჯვებისა და ნეონაცისტური ხელისუფლების სრული განადგურებისთვის. ამაშია გუშინ გამოქვეყნებული რუსეთის მემორანდუმის არსი“, – წერს მედვედევი.ცნობისთვის, რუსეთმა უკრაინასთან დაკავშირებით თავისი მემორანდუმის ტექსტი გამოაქვეყნა, სადაც ჩამოთვლილ პირობებს შორის არის ყირიმის, ლუგანსკის, დონეცკის, ზაპოროჟიესა და ხერსონის ოლქების რუსეთის შემადგენელ ნაწილად საერთაშორისო-სამართლებრივი აღიარებაა.

მსოფლიო • 1748898205

რუსეთმა უკრაინასთან დაკავშირებით მემორანდუმის სრული ტექსტი გამოაქვეყნა - რა წერია დოკუმენტში

რუსეთმა უკრაინასთან დაკავშირებით მემორანდუმის სრული ტექსტი გამოაქვეყნა.რუსეთის მხრიდან ძირითადი მოთხოვნებია:„ყირიმის, ლუგანსკის სახალხო რესპუბლიკის, დონეცკის სახალხო რესპუბლიკის, ზაპოროჟიესა და ხერსონის ოლქის რუსეთის შემადგენლობაში შესვლის საერთაშორისო - სამართლებრივი აღიარება; უკრაინის ნეიტრალიტეტის გამოცხადება, უარი სამხედრო კავშირებში გაწევრიანებაზე; სხვა სახელმწიფოების სამხედრო საქმიანობის აკრძალვა უკრაინაში; უკრაინის უბირთვო სტატუსი; უკრაინის შეიარაღებული ძალების მაქსიმალური რაოდენობის დადგენა; რუსეთის წინააღმდეგ შემოღებული ეკონომიკური სანქციების მოხსნა; რუსულენოვანი მოსახლეობის უფლებებისა და თავისუფლების უზრუნველყოფა, უკრაინის მართლმადიდებელი ეკლესიის საქმიანობაზე შეზღუდვების მოხსნა, ნაცისტური იდეოლოგიის გმირობად გამოცხადების აკრძალვა; უკრაინასთან დიპლომატიური და ეკონომიკური ურთიერთობების ეტაპობრივი აღდგენა; საბრძოლო მოქმედებებით მიყენებული ზიანის გამო პრეტენზიებზე ურთიერთუარის თქმა; ოჯახების გაერთიანებასა და იძულებით გადაადგილებულ პირებთან დაკავშირებული საკითხების გადაწყვეტა“.ამასთან, დოკუმენტში მოცემულია ცეცხლის შეწყვეტის ორი ვარიანტი:„ვარიანტი 1: უკრაინის შეიარაღებული ძალების გამოყვანა უკრაინის მიერ ოკუპირებული რუსული ტერიტორიებიდან – ყირიმის, ლუგანსკის სახალხო რესპუბლიკის, დონეცკის სახალხო რესპუბლიკის, ზაპოროჟიესა და ხერსონის ოლქები.ვარიანტი 2: უკრაინის შეიარაღებული ძალების გადაადგილების აკრძალვა; მობილიზაციის შეწყვეტა და დემობილიზაციის გამოცხადება; მესამე ქვეყნების სამხედრო წარმომადგენლების გამორიცხვა; კიევისთვის უცხოური საომარი დახმარების შეწყვეტა; კიევის მიერ რუსეთის წინააღმდეგ დივერსიული ქმედებების უარყოფა; პოლიტიკური პატიმრების ურთიერთი ამნისტია და დაკავებული სამოქალაქო პირების გათავისუფლება; უკრაინაში საომარი მდგომარეობის გაუქმება; საომარი მოქმედების გაუქმებიდან 100 დღის ვადაში ახალი არჩევნების დანიშვნა“.შეგახსენებთ, რომ 2 ივნისს სტამბოლში რუსეთისა და უკრაინის დელეგაციებს შორის მეორე შეხვედრა გაიმართა.

მსოფლიო • 1748842501

"ჩვენი საოპერაციო ოფისი, რუსეთის ტერიტორიაზე, "ეფესბეს" შტაბ-ბინის გვერდით მდებარეობდა.... უკრაინის ეს მოქმედება ისტორიის სახელმძღვანელოებში შევა" - ვოლოდიმირ ზელენსკი

მოლაპარაკების დაწყებამდე რამდენიმე საათით ადრე, რუსეთზე უკრაინამ მასშტაბური იერიში მიიტანა. პირველად, ომის მიმდინარეობის პერიოდში, სამიზნე ციმბირის ტერიტორიაზე განლაგებული ავიაბაზები იყო.ირკუტსკის, მურმანსკის, რიზანის ოლქებში აეროდრომებზე დაზიანებულია 41 სამხედრო თვითმფრინავი, მათ შორის სტრატეგიული გამანადგურებლები, რაც რუსეთის პოტენციალის 34%-ია. უკვე გაირკვა, რომ დრონების ირკუტსკის ოლქში გადატანა სატვირთო ავტომობილებით მოხერხდა.ამასთანავე, უკრაინული მედიის მონაცემებით, უკრაინა დრონებს რუსეთის სატელეკომუნიკაციო ქსელით მართავდა. მედია ასევე წერს, რომ ოპერაცია "ობობას" მომზადებას წელიწად-ნახევარზე მეტი დრო დასჭირდა.მასირებულ შეტევამდე 4 სარკინიგზო შემთხვევაც მოხდა - ოკუპირებული ყირიმის ტერიტორიაზე, ზაპოროჟიეში, ბრიანსკსა და კურსში მატარებლები რელსებიდან გადავიდა. უკრაინის შეიარაღებული ძალების მონაცემებით, დარღვეულია ლოჯისტიკური ჯაჭვი, რითაც რუსეთის არმიის მომარაგება ხდებოდა.ამ წუთებშიც კი რუსეთის რეგიონებში განგაში და საგანგებო მდგომარეობაა! აფეთქებების ხმა აკვლავ ისმის კურსკის, რიზანის, ვორონეჟისა და ლიპეცკის ოლქებში.იერისების შემდეგ კომენტარი გააკეთა უკრაინის პრეზიდენტმა, ვოლოდიმირ ზელენსკიმ. მისი თქმით, უკრაინის ეს მოქმედება ისტორიის სახელმძღვანელოებში შევა."მზადება წელიწად ნახევარზე მეტხანს მიმდინარეობდა - დაგეგმვა, ორგანიზება, ყველა დეტალი იდეალურად იყო შესრულებული. შემიძლია თამამად ვთქვა, რომ ეს უნიკალური ოპერაციაა. ყველაზე საინტერესო ის არის, რომ ჩვენი საოპერაციო ოფისი, რუსეთს ტერიტორიაზე "ეფესბეს" შტაბ-ბინის გვერდით მდებარეობდა. ჩვენი პერსონალი მუშაობდა რუსეთის რამდენიმე რეგიონში, სამ განსხვავებულ დროის სარტყელში, ადამიანები, ვინც გვეხმარებოდნენ ოპერაციამდე გამოვიყვანეთ რუსეთის ტერიტორიიდან, ისინი ახლა უსაფრთხოდ არიან.ნამდვილად სასიამოვნოა, როდესაც ის, რაც წელიწად-ნახევრის წინ დავუკვეთე ხორციელდება და რუსეთს 40-ზე მეტი სტრატეგიული ავიაციის ერთეულს ართმევს. გავაგრძელებთ მუშაობას, რა თქმა უნდა, ახლა ყველაფრის მოყოლა არ შეიძლება, თუმცა უკრაინის ეს მოქმედება ისტორიის სახელმძღვანელოებში შევა", - განაცხადა ვოლოდიმირ ზელენსკიმ.

პოლიტიკა • 1748838110

რუსეთის რამდენიმე ოლქში უკრაინის იერიში ამ დრომდე არ წყდება

მოლაპარაკების დაწყებამდე რამდენიმე საათით ადრე, რუსეთის რეგიონებში განგაში და საგანგებო მდგომარეობაა. აფეთქებების ხმა ამ დრომდე ისმის კურსკის, რიზანის, ვორონეჟისა და ლიპეცკის ოლქებში. უკრაინამ დრონებით იერიშები რუსეთის ოთხ რეგიონში მდებარე ავიაბაზებზე მიიტანა.გუშინ დღის ბოლოს კი უკრაინამ მასშტაბური შეტევა პირველად, ომის მიმდინარეობის პერიოდში, ციმბირის ტერიტორიაზე განახორციელა. როგორც გაირკვა, დრონები სატვირთო ავტომობილებში იყო განთავსებული, რის საშუალებითაც უპილოტო საფრენი აპარატების ირკუტსკის ოლქში გადატანა გახდა შესაძლებელი.უკრაინული მედიის მონაცემებით, ოპერაცია "ობობას" მომზადებას წელიწადნახევარზე მეტი დრო დასჭირდა. ირკუტსკის, მურმანსკის, რიზანის ოლქებში აეროდრომებზე დაზიანებულია 41 სამხედრო თვითმფრინავი, მათ შორის სტრატეგიული გამანადგურებლები, რაც რუსეთის პოტენციალის 34%-ია. ზუსტად ამ აეროდრომებზე იყო განთავსებული რუსული სტრატეგიული ბომბდამშენებიც. ამასთანავე, მედიის მონაცემებით, უკრაინა დრონებს რუსეთის სატელეკომუნიკაციო ქსელით მართავდა.მასირებულ შეტევამდე 4 სარკინიგზო შემთხვევაც მოხდა - ოკუპირებული ყირიმის ტერიტორიაზე, ზაპოროჟიეში, ბრიანსკსა და კურსში მატარებლები რელსებიდან გადავიდა. უკრაინის შეიარაღებული ძალების მონაცემებით, დარღვეულია ლოჯისტიკური ჯაჭვი, რითაც რუსეთის არმიის მომარაგება ხდებოდა. მოსკოვი მომხდარს ტერაქტს უწოდებს.

მსოფლიო • 1747322682

უკრაინა არასდროს აღიარებს ოკუპირებულ ტერიტორიებს რუსეთად, ეს ჩვენი მიწაა - ვოლოდიმირ ზელენსკი

უკრაინა არასდროს აღიარებს ოკუპირებულ ტერიტორიებს რუსეთად, ეს ჩვენი მიწაა, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.„ყველა დისკუსიაში ჩვენ იურიდიულად არ ვაღიარებთ ჩვენს დროებით ოკუპირებულ არცერთ ტერიტორიას, როგორც რუსულს. ამას ხაზს ვუსვამ და ეს ჩემი ურყევი პოზიციაა. ეს უკრაინის მიწაა“, – განაცხადა ზელენსკიმ.რუსეთმა არაერთხელ მოითხოვა, რომ უკრაინის ოთხი რეგიონი, რომლებიც ამჟამად მისი ნაწილობრივი კონტროლის ქვეშაა, ასევე ყირიმის ნახევარკუნძული, რომელიც მოსკოვმა უკანონოდ მიიერთა 2014 წელს, რუსეთის ნაწილად იქნეს აღიარებული. აშშ-ის პრეზიდენტის, დონალდ ტრამპის ადმინისტრაციამ წარსულში მიანიშნა, რომ უკრაინამ, შესაძლოა, ვერ შეძლოს ომამდელი ტერიტორიის სრულად დაბრუნება. 

მსოფლიო • 1747316397

„ბლუმბერგი“ - ვაშინგტონი NATO-რუსეთის საბჭოს მუშაობის აღდგენის შეთავაზებით გამოვიდა

შეერთებული შტატები ნატო-რუსეთის საბჭოს მუშაობის აღდგენის შეთავაზებით გამოვიდა, – ამის შესახებ სააგენტო „ბლუმბერგი“ წერს.„ბლუმბერგის“ ცნობით, მოსკოვი დღემდე თავს არიდებს აშშ-ის შეთავაზებას ცეცხლის შეწყვეტის შესახებ, რომელიც მოიცავს კონფლიქტის გაყინვას, აშშ-ის მიერ ყირიმის ნახევარკუნძულის რუსეთის ტერიტორიად აღიარებას, ასევე აშშ-ის სანქციების გაუქმებას.ამავე დროს, როგორც „ბლუმბერგის“ სტატიაშია ნათქვამი, შეერთებულ შტატებს მომზადებული აქვს ახალი იდეა, რომელმაც შეიძლება, დააინტერესოს რუსეთის ფედერაცია.„მას შემდეგ, აშშ-მა შეთავაზებას ახალი დეტალები დაამატა, კერძოდ, ნატო-რუსეთის საბჭოს ფარგლებში უსაფრთხოების საკითხებზე მოლაპარაკებების განახლება“, – ნათქვამია სააგენტოს პუბლიკაციაში.ნატო-რუსეთის საბჭო გახლავთ ორგანო, რომელიც შეიქმნა „ცივი ომის“ შემდეგ უსაფრთხოების საკითხებზე ორმხრივი პარტნიორობისთვის. ამ საბჭომ შეწყვიტა საქმიანობა 2022 წელს რუსეთის მიერ უკრაინაში სრულმასშტაბიანი შეჭრის შემდეგ.საბჭოს ბოლო სხდომა 2022 წლის 12 იანვარს ბრიუსელში გაიმართა. მასზე განიხილებოდა რუსეთის მოთხოვნები „უსაფრთხოების გარანტიების“ შესახებ, რომლებიც ნატო-ს წევრმა ქვეყნებმა უარყვეს.

მსოფლიო • 1747201378

კიტ კელოგი: ბრიტანეთმა, საფრანგეთმა, გერმანიამ და პოლონეთმა უკრაინაში, დნეპრის დასავლეთით სამხედროები უნდა განალაგონ

აშშ განიხილავს გეგმას, რომლის თანახმადაც უკრაინაში, მდინარე დნეპრის დასავლეთ სანაპიროზე დიდმა ბრიტანეთმა, საფრანგეთმა, გერმანიამ და პოლონეთმა საკუთარი სამხედროები უნდა განათავსონ, - განაცხადა აშშ-ის პრეზიდენტის სპეციალურმა წარმომადგენელმა კიტ კელოგმა.კელოგის განცხადებით, აღნიშნული ქვეყნების სამხედროებმა რუსეთთან დადებული ზავის მონიტორინგი უნდა განახორციელონ.„საუბარია მდგრადობის ძალებზე, რომელსაც E3 ეწოდება, ხოლო ახლა ეს E4, რადგან დიდ ბრიტანეთს, საფრანგეთსა და გერმანიას პოლონეთიც შეუერთდა. ეს ძალები მდინარე დნეპრის დასავლეთით განლაგდება, კონფლიქტის ზონიდან შორს. აღმოსავლეთით სამშვიდობო კონტინგენტის განლაგება იგეგმება. ეს მესამე მხარის მონაწილეობას გულისხმობს, რომელსაც ცეცხლის შეწყვეტის ფაქტობრივი მონიტორინგი შეეძლება“, - აღნიშნა კელოგმა.მისი თქმით, აშშ-ს აქვს შედგენილი იმ თემების სია, რომელიც რუსეთ-უკრაინის სამშვიდობო მოლაპარაკებებზე უნდა განიხილონ.„ჩვენ ის პარიზში, ხოლო შემდეგ ლონდონში განვიხილეთ. თუ ჩვენ ამის რეალიზებას მოვახდენთ, მშვიდობა შესაძლებელი იქნება“, - დასძინა ტრამპის სპეცწარმომადგენელმა.კელოგმა ასევე ხაზი გაუსვა, რომ სტამბოლში 15 მაისს გასამართ მოლაპარაკებებზე ცეცხლის ყოვლისმომცველი (ჰაერში, ზღვაზე, ხმელეთზე და ინფრასტრუქტურაზე) შეწყვეტა განიხილება. განხილვის ერთ-ერთი მთავარი თემა ლუგანსკის, დონეცკის, ზაპოროჟიეს, ხერსონის ოლქები და ყირიმის ნახევარკუნძული იქნება.გარდა ამისა, როგორც აშშ-ის პრეზიდენტის სპეცწარმომადგენელი აღნიშნავს, მხარეები სტამბოლში ფრონტის ხაზის გაყინვას, ზაპოროჟიეს ატომურ ელექტროსადგურსა და გატაცებულ უკრაინელ ბავშვებს განიხილავენ.ამასთან ერთად, კელოგმა თქვა, რომ ნატოში უკრაინის წევრობა „შესაძლოა, ოდესმე, მომავალში, მაგრამ არა ახლა“.

პოლიტიკა • 1746031080

ზურაბ ქადაგიძე: დასავლური კომპანიები რუსულ ბაზარზე დასაბრუნებლად ემზადებიანო - ასე გადაინაწილეს უკრაინა და წარმოიდგინეთ, ჩვენ რას გვიზამდნენ

„ხალხის ძალის“ წევრი ზურაბ ქადაგიძე The Financial Times-ის მიერ გამოქვეყნებულ ინფორმაციას, რომლის მიხედვითაც, დასავლური კომპანიები რუსულ ბაზარზე დასაბრუნებლად ემზადებიან, სოციალურ ქსელში ეხმაურება.ზურაბ ქადაგიძის თქმით, კიდევ ერთხელ ცხადი ხდება, რომ უკრაინა სხვადასხვა ძალის ინტერესებს ემსხვერპლა.„კრება დარჩა მხიარული“:24 საათში შტატები მიიღებს სასარგებლო წიაღისეულზე აბსოლუტურ წვდომას;ამავდროულად, დასავლური კომპანიები რუსულ ბაზარს უბრუნდებიან;ევროპა, როგორც ყოველთვის, ბებერი კურტიზანივით დანებდება, რომ ახალი გეოპოლიტიკური ვითარებით მიიღოს სიამოვნება;რუსეთი ჯერ ყირიმის აღიარებას ეცდება და შემდეგ, დანარჩენი ოკუპირებული ოლქებისას - ომამდელი სამხედრო ბიუჯეტი გააორმაგა და სამხედრო მრეწველობა გაასამმაგა...ვინ დარჩა გაწეწილ-გაგლეჯილი?სამწუხაროდ, მხოლოდ უკრაინა!P.S. არაფერი პირადული, მხოლოდ ბიზნესი!ასე გადაინაწილეს უკრაინა და ახლა, წარმოიდგინეთ, ჩვენ რას გვიზამდნენ, ქართველი უსამშობლოებისთვის რომ დაგვეჯერებინა და დასავლეთის ძირგამომპალი, ლიბერალური თამაშის წესები მიგვეღო“, - წერს ზურაბ ქადაგიძე.

ომი უკრაინაში • 1745909356

რუსეთის თავდაცვის სამინისტროში აცხადებენ, რომ გასულ ღამეს 40 უკრაინული უპილოტო საფრენი აპარატი ჩამოაგდეს

რუსეთის თავდაცვის სამინისტროს განცხადებით, გასულ ღამეს 40 უკრაინული უპილოტო საფრენი აპარატი ჩამოაგდეს.უწყების მონაცემებით, ყველაზე მეტი – 11 დრონი რიაზანის ოლქის თავზე განადგურეს. ასევე რვა დრონი ნიჟეგოროდის ოლქის თავზე ჩამოაგდეს, შვიდი კი – ორლოვის.ოთხ-ოთხი დრონი გაანადგურეს ოკუპირებული ყირიმისა და შავი ზღვის აკვატორიის თავზე. რუსულმა თავდაცვის სისტემებმა დრონები ჩამოაგდეს მოსკოვის, ბელგოროდის, კალუგისა და ბრიანსკის ოლქებშიც.რუსეთის თავდაცვის უწყების ინფორმაციით, ორშაბათის საღამოს შემდეგ სულ ჩამოგდებულია 91 უკრაინული დრონი, აქედან 40 – კურსკის ოლქში.

მსოფლიო • 1745812591

დონალდ ტრამპი ვოლოდიმირ ზელენსკისთან ვატიკანში გამართულ შეხვედრაზე - ვხედავ, უფრო დამშვიდებულია, ვფიქრობ, გარიგების დადება სურს

 აშშ-ის პრეზიდენტის, დონალდ ტრამპის განცხადებით, უკრაინის ლიდერი ვოლოდიმირ ზელენსკი უფრო დამშვიდებულია და უფრო მეტად დაინტერესებულია ომის დასრულების შესახებ შეთანხმების მიღწევით.„ვხედავ, უფრო დამშვიდებულია. ვფიქრობ, სურათს ხვდება და ვფიქრობ, გარიგების დადება სურს“, - აღნიშნა ტრამპმა, როდესაც კომენტარი გააკეთა უკრაინის პრეზიდენტ ვოლოდიმირ ზელენსკისთან ვატიკანში გამართულ შეხვედრის შესახებ.მისი თქმით, შეხვედრაზე მოკლედ განიხილეს ყირიმის საკითხი. კითხვაზე, ფიქრობს თუ არა, რომ პრეზიდენტი ზელენსკი მზადაა, ყირიმი დათმოს ტრამპმა უპასუხა : „ვფიქრობ, კი“.ამასთან, დონალდ ტრამპმა მოუწოდა რუსეთის პრეზიდენტ ვლადიმერ პუტინს, „შეწყვიტოს სროლა, დაჯდეს და ხელი მოაწეროს შეთანხმებას“.მისი თქმით, ვოლოდიმირ ზელენსკისთან შეხვედრა მშვენიერი შეხვედრა იყო.„მშვენიერი შეხვედრა იყო. გეტყვით, რომ ეს იყო ყველაზე მშვენიერი ოფისი, რაც კი ოდესმე მინახავს“, - აღნიშნა ტრამპმა.