ღარიბაშვილ

არმაზ ახვლედიანი - მე არ წარმოვადგენ ამ ოპოზიციას, მე მას ვემიჯნები, იმიტომ, რომ ასე როგორც იქცევა ახლა ოპოზიცია, ეს არის სირცხვილი და დანაშაულიც, ამათ ხელში ჩვენ ვართ შავ დღეში

"ტრიუკების“ დიდოსტატი ივანიშვილი ახალი არჩევნების „ქართული ოცნების“ დღის წესრიგით ჩატარებისთვის რახანია ემზადება. ის აუცილებლად დანიშნავს ახალ, ვადამდელ საპარლამენტო არჩევნებს და თუ საჭირო იქნება ივანიშვილიც შეიძლება აღმოჩნდეს „ქართული ოცნების“ ოპოზიციაში. თუ მას ეს დასჭირდა, ამაზეც წამსვლელია, - ამის შესახებ პოლიტიკოსმა არმაზ ახვლედიანმა „პალიტრანიუსის“ გადაცემა „დღის ნიუსრუმში“ სტუმრობისას აღნიშნა, რითაც „ქართული ოცნების“ წევრის, კახა კახიშვილის მიერ გადაცემა "360 გრადუსში“ გაკეთებულ განცხადებას გამოეხმაურა იმასთან დაკავშირებით, რომ რიგგარეშე არჩევნები შესაძლოა 2026 წელს დაინიშნოს, ხოლო ბიძინა ივანიშვილმა „ნამდვილი ოპოზიცია“ შექმნას და თორნიკე რიჟვაძეს, გრიგოლ ლილუაშვილს და იმ ადამიანებს, რომელთაც საკადრო ცვლილებები შეეხოთ და „ისე დარჩნენ“, [ოპოზიციაში] თავისი შესაძლებლობების ჩვენების საშუალება მიეცეთ. ამავე კონტექსტში კახიშვილმა ირაკლი ღარიბაშვილიც ახსენა, რომელიც, მისი აზრით, „მოვა დრო და წავა „ქართული ოცნებიდან“.როგორც ახვლედიანმა აღნიშნა, ბიძინა ივანიშვილის მიერ დანიშნულ ისეთ არჩევნებში, რომელიც სრულად „სათავისოდ მოწყობილი იქნება“, ოპოზიციამ შეიძლება ფიასკო განიცადოს."არჩევნების შემდეგ, ამ თვეების განმავლობაში, არაერთხელ მითქვამს, რომ ივანიშვილი აუცილებლად დანიშნავდა ახალ, ვადამდელ საპარლამენტო არჩევნებს, ოღონდ არა ჩვენი, მოქალაქეებისა და ოპოზიციონერების დღის წესრიგით, არამედ საკუთარი დღის წესრიგით. ამას ის გააკეთებს მაშინ და ზუსტად მაშინ, როცა ჩათვლის, რომ ყველა საკმარისი რესურსი აქვს იმისთვის, რომ შეხვდეს ამ არჩევნებს შესაბამისად მომზადებული და მიიღოს მინიმუმ ის შედეგი, რაც მიიღო მიტაცებით გასული წლის ოქტომბერში. თუმცა მისი ამოცანაა, რომ ეს შედეგი გაიუმჯობესოს მნიშვნელოვნად. ჩვენ უნდა ვხვდებოდეთ, რომ ის არ დანიშნავს [ახალ არჩევნებს] მიმდინარე წელს და მეც მაქვს ვარაუდი, რომ სავარაუდოდ, მომავალ წელს დანიშნავს, იმიტომ არა, რომ ჩვენი მოთხოვნები გაითვალისწინა, ეს იქნება მისი დღის წესრიგის ნაწილი. „ტრიუკების“ დიდოსტატი ივანიშვილი ამისთვის რახანია ემზადება. ამით რას გააკეთებს: 1. ის აჩვენებს შიგნით და გარეთ ყველას, რომ ლეგიტიმურობა შეიძინა ბოლოს და ბოლოს, მისი აზრით. 2. სავარაუდოდ გაიუმჯობესებს შედეგს. 3. იტყვის: - რასაც ელოდით ამდენი ხანი, მიიღეთ. ხომ გინდოდათ არჩევები?- ა, ბატონო არჩევნები. სხვა საქმეა რა რეაქცია უნდა გვქონდეს ამაზე.ივანიშვილსა და მის დღევანდელ უცნაურ პოლიტიკურ დაჯგუფებას ახასიათებს, რომ ხან ვისი და ხან ვისი მეშვეობით, რომ არ ელოდები ისეთი პირების მეშვეობითაც, გვეტყვის თავის სათქმელს. ხანაც ამ სათქმელს პირდაპირ გვეუბნება კობახიძე. მიმაჩნია, რომ ეს ამბავი უკვე ისე მომწიფდა, სათქმელად ღირდა. კახა კახიშვილი მართალია არ არის მოქმედი თანამდებობის პირი, მაგრამ წინა პარლამენტში ის იყო გუნდის აქტიური წევრი, კომიტეტის თავმჯდომარე და შესაბამისად, ის არის „ქართული ოცნების“ რეზერვში. კაცმა არ იცის, ხვალ სად იქნება, რა თანამდებობაზე. რომც არ იყოს, მაინც ის იქაურია და საკმარისად სარწმუნოდ მეჩვენება ეს მოსაზრება. ბიძინა ივანიშვილის მიერ ასე დანიშნულ არჩევნებში, რომელიც იქნება სათავისოდ მოწყობილი სრულად, ოპოზიციამ შეიძლება განიცადოს ფიასკო.ყველა ის ცვლილება დაკავშირებული ლილუაშვილთან, რიჟვაძესთან, ცვლილებები რაც უახლოეს ხანებში იქნება, ერთადერთ რამეს უკავშირდება, ერთი მხრივ ივანიშვილი ერთგულ ადამიანებს, ჩვენთვის უცნაურად და ალოგიკურად ელევა არა იმიტომ, რომ მათ მონური ერთგულება აკლიათ, არამედ იმიტომ, რომ დღეს მას სჭირდება უფრო მეტად დაუნდობელი, რეპრესიულ მანქანაზე სრულად მორგებული, ცივსისხლიანი სახელმწიფო მოხელეები უმაღლეს თანამდებობებზე აჭარაში, სუს-ში. ასეთია ოხანაშვილი, თამაზაშვილი... მათ რეზერვში ამყოფებს. ივანიშვილს არ აქვს დიდი ადამიანური რესურსი და უხდება მისივე გუნდიდან ვიღაც გაამწესოს ოპოზიციაში. შესაძლოა, კახიშვილიც აღმოჩნდეს იმ ე.წ ოპოზიციაში. ლილუაშვილსა და რიჟვაძეს რამე კი არ დაუწუნეს, მათ სისუსტედ ჩაუთვალეს ის, სრულად ჯალათებად რომ ვერ ჩამოყალიბდნენ. არ აწყობდათ თუნდაც ასეთი ლოიალური რიჟვაძე - რიჟვაძე, რომელიც მზად იყო ნებისმიერი დავალება შეესრულებინა, მაგრამ იქ სჭირდებათ პირდაპირ პოლიციელი. მე მაქვს ასეთი მოლოდინი, აბსოლუტურად საფუძვლიანი, რომ ადგილობრივ არჩევნებამდე, ყველა საკვანძო თანამდებობაზე დაინიშნება პოლიციისა და სუს-ის წარმომადგენელი. ანუ ივანიშვილს სჭირდება არა უბრალოდ ყურმოჭრილი მონები, არამედ მას სჭირდება ისეთი ხალხი, ვინც მზად იქნება და იძალადებს ოპონენტებზე.აბსოლუტურად დასაშვებად მიმაჩნია, რომ ღარიბაშვილიც და სხვებიც აღმოჩნდნენ ამ ე.წ. სატელიტ ახალ ოპოზიციურ გაერთიანებებში. თუ საჭირო იქნება ივანიშვილიც შეიძლება აღმოჩნდეს „ქართული ოცნების“ ოპოზიციაში, თუ მას ეს დასჭირდა, ამაზეც წამსვლელია. ამაზე მას ჩემთან უსაუბრია ბევრი წლის წინ. მას ჰქონდა ეს გეგმა. ეს მაშინ ხდება, როცა თითქოს მოღრუბლული ცა არ იყო ჩვენს თავზე ვიღაცებისთვის, ჩემთვის მაშინაც იყო ნამდვილად. რა პრობლემაა, ეტყვის ღარიბაშვილს, რიჟვაძეს, ლილუაშვილს და შეაქმნევინებს ნებისმიერი კონფიგურაციით ახალ სატელიტ ოპოზიციას“, - განაცხადა არმაზ ახვლედიანმა.რაც შეეხება არსებულ ოპოზიციურ სპექტრს, ახვლედიანის შეფასებით, „დღეს ოპოზიცია იქცა განვითარების მუხრუჭად“.„ასეთ მუხრუჭად ჩამოყალიბდა. რაც შეეხება მეხუთე პრეზიდენტს, 31 მარტის აქცია საკმარისად ცუდად დაიგეგმა. ადამიანები მოვედით გულანთებულები. მე ვარ უკმაყოფილო სალომე ზურაბიშვილის გზავნილებით და იმით, რაც მერე მოხდა. ხომ დაანონსდა რომ ხვალიდან ვიწყებთ? რა დაიწყეს და რა გააკეთეს? ჩავარდნა არის ქვეყნის შიგნით“, - განაცხადა ახვლედიანმა.ამასთან, მისივე თქმით, ის სრულად ემიჯნება დღევანდელ ოპოზიციას."მე არ წარმოვადგენ ამ ოპოზიციას, მე მას ვემიჯნები, იმიტომ, რომ ასე როგორც იქცევა ახლა ოპოზიცია, ეს არის სირცხვილი და დანაშაულიც. ამათ ხელში ჩვენ ვართ შავ დღეში. ისინიც კი ვინც დღეს რუსთაველზე აპროტესტებენ, აპროტესტებენ გმირულად, სამაგალითოდ. მათი უმრავლესობა ამ ოპოზიციას მხარს არ უჭერს. ისინი ოპოზიციის გამო კი არ დგანან იქ, იმიტომ დგანან რომ ამ ოპოზიციამაც მოგვაბეზრა თავი და ამ ოპოზიციით ამ ჯალათ ივანიშვილს ვერ გავისტუმრებთ...რძის სკანდალი რომ ასე გადაგორდა, ესაა ოპოზიციის სირცხვილი. თქვენ წარმოიდგინეთ, ნებისმიერ ოდნავ ნორმალურ საზოგადოებაში და ქვეყანაში ამის გამო მთავრობა პასუხს აგებდა. ჩვენ ეს გავატარეთ. ჩემთვის პირადად ამაზე უფრო მნიშვნელოვანი თემა არაა. როცა რძის სკანდალს ასე გაატარებთ და რძის რევოლუციას არ მოვუწყობთ ამ ნაძირალებს, ყველაფრის ღირსი ვართ მაშინ“, - განაცხადა ახვლედიანმა.

პოლიტიკა • 1744117020

არსებობს დიდი პლატფორმა და შესაძლებლობა იმისა, რომ ოპოზიციურ ველზე ახალი პოლიტიკური პარტიები გაჩნდეს -კახა კალაძე

თბილისის მერი კახა კალაძე მიიჩნევს, რომ დღეს ქვეყანაში ძალიან დიდი შესაძლებლობებია იმისთვის, რომ გაჩნდეს ახალი პოლიტიკური პარტიები, რადგან, ფაქტობრივად, ოპოზიცია საქართველოში არ არსებობს.„რაც შეეხება ოპოზიციურ ველს, რა თქმა უნდა, ზოგადად, ძალიან დიდი შესაძლებლობებია - არსებობს უკვე დიდი პლატფორმა და შესაძლებლობა იმისა, რომ გაჩნდეს ახალი პოლიტიკური პარტიები იმიტომ, რომ დღეს ოპოზიცია, ფაქტობრივად, არ არსებობს. არსებობს რადიკალური დაჯგუფება, რომელიც გამარგინალებულია და მხოლოდ და მხოლოდ წარმოადგენს პრობლემას, როგორც საკუთარი თავისთვის, ასევე ამ ქვეყნის განვითარებისთვის“, - განაცხადა კახა კალაძემ.ჟურნალისტის შეკითხვაზე, თუ რამდენად შესაძლებელია ახალ ოპოზიციურ ძალაში ყოფილი პრემიერ-მინისტრის, პარტია „ქართული ოცნების“ თავმჯდომარის ირაკლი ღარიბაშვილის გადასვლა, კახა კალაძემ აღნიშნა, რომ მისთვის უცნობია, თუ რაზე დაყრდნობით გაკეთდა მსგავსი განცხადება ცალკეული პირების მხრიდან. „არ ვიცი, აღნიშნული განცხადება საიდან გამომდინარე გაკეთდა, გამიჭირდება პასუხის გაცემა. ირაკლი ღარიბაშვილი ჩვეულებრივ მუშაობს. ჩვენ ვართ რიგითი ჯარისკაცები, როგორც ამ ქვეყნის მოქალაქეები, ვემსახურებით ჩვენს ქვეყანას და ვაკეთებთ ისეთ საქმეს, რომელიც, პირველ რიგში, წაადგება ჩვენს სამშობლოს და მის ხვალინდელ დღეს“, - აღნიშნა თბილისის მერმა.

პოლიტიკა • 1744115308

კახა კალაძე: არსებობს დიდი პლატფორმა და შესაძლებლობა იმისა, რომ ოპოზიციურ ველზე ახალი პოლიტიკური პარტიები გაჩნდეს

თბილისის მერი კახა კალაძე მიიჩნევს, რომ დღეს ქვეყანაში ძალიან დიდი შესაძლებლობებია იმისთვის, რომ გაჩნდეს ახალი პოლიტიკური პარტიები, რადგან, ფაქტობრივად, ოპოზიცია საქართველოში არ არსებობს.„რაც შეეხება ოპოზიციურ ველს, რა თქმა უნდა, ზოგადად, ძალიან დიდი შესაძლებლობებია - არსებობს უკვე დიდი პლატფორმა და შესაძლებლობა იმისა, რომ გაჩნდეს ახალი პოლიტიკური პარტიები იმიტომ, რომ დღეს ოპოზიცია, ფაქტობრივად, არ არსებობს. არსებობს რადიკალური დაჯგუფება, რომელიც გამარგინალებულია და მხოლოდ და მხოლოდ წარმოადგენს პრობლემას, როგორც საკუთარი თავისთვის, ასევე ამ ქვეყნის განვითარებისთვის“, - განაცხადა კახა კალაძემ.ჟურნალისტის შეკითხვაზე, თუ რამდენად შესაძლებელია ახალ ოპოზიციურ ძალაში ყოფილი პრემიერ-მინისტრის, პარტია „ქართული ოცნების“ თავმჯდომარის ირაკლი ღარიბაშვილის გადასვლა, კახა კალაძემ აღნიშნა, რომ მისთვის უცნობია, თუ რაზე დაყრდნობით გაკეთდა მსგავსი განცხადება ცალკეული პირების მხრიდან.„არ ვიცი, აღნიშნული განცხადება საიდან გამომდინარე გაკეთდა, გამიჭირდება პასუხის გაცემა. ირაკლი ღარიბაშვილი ჩვეულებრივ მუშაობს. ჩვენ ვართ რიგითი ჯარისკაცები, როგორც ამ ქვეყნის მოქალაქეები, ვემსახურებით ჩვენს ქვეყანას და ვაკეთებთ ისეთ საქმეს, რომელიც, პირველ რიგში, წაადგება ჩვენს სამშობლოს და მის ხვალინდელ დღეს“, - აღნიშნა თბილისის მერმა.

პოლიტიკა • 1744030516

არასწორია კონკრეტულ ადამიანებზე კონკრეტული თანამდებობის პირების მიბმა, ეს არის ერთგვარი სპეკულაციები, თორნიკე რიჟვაძე იყო „ქართული ოცნების“ გუნდის კადრი და დღემდე არის „ქართული ოცნების“ გუნდის წევრი - ირაკლი კობახიძე

ეს არის ერთგვარი სპეკულაციები, როცა თქვენ ამბობთ, რომ თორნიკე რიჟვაძე ირაკლი ღარიბაშვილის კადრია, ეს არის არასწორი, ის იყო „ქართული ოცნების“ გუნდის კადრი და დღემდე არის „ქართული ოცნების“ გუნდის წევრი, - განუცხადა პრემიერ-მინისტრმა, ირაკლი კობახიძემ ჟურნალისტებს ბათუმში.მისივე თქმით, არასწორია კონკრეტულ ადამიანებზე კონკრეტული თანამდებობის პირების მიბმა.პრემიერმა კიდევ ერთხელ გადაუხადა მადლობა თორნიკე რიჟვაძეს იმისათვის, რომ ის, 7 წლის განმავლობაში, ის პროფესიონალიზმითა და ღირსებით ემსახურებოდა აჭარის უმნიშვნელოვანესი მხარის განვითარებას.„7 წლის წინ დაიკავა თანამდებობა თორნიკე რიჟვაძემ, ის იყო და არის „ქართული ოცნების“ გუნდის წევრი და ჩვენთან ასე არ ხდება-ხოლმე, თქვენი მხრიდანაც არასწორია კონკრეტულ ადამიანებზე კონკრეტული თანამდებობის პირების მიბმა. თუ ვინმე იყო ჩართული იმ პროცესებში, 7 წლის წინ, რომელიც უკავშირდებოდა მის მიერ თანამდებობის დაკავებას, ერთ-ერთი პირველი ვიყავი, სწორედ, მე. აქედან გამომდინარე, ეს არის ცარიელი სპეკულაციები.რაც შეეხება მის გადაწყვეტილებას, მან მიიღო ეს გადაწყვეტილება და უმჯობესია, თავად გააკეთოს კომენტარი, თუ საჭიროდ ჩათვლის, საკუთარ გადაწყვეტილებასთან დაკავშირებით. მე მინდა, კიდევ ერთხელ გადავუხადო მადლობა თორნიკე რიჟვაძეს იმისათვის, რომ ის, 7 წლის განმავლობაში, პროფესიონალიზმითა და ღირსებით ემსახურებოდა აჭარის უმნიშვნელოვანესი მხარის განვითარებას“, - განაცხადა პრემიერმა.

პოლიტიკა • 1741849237

დავით ქართველიშვილი ალექსეი რეზნიკოვს: ერთმა გენიოსმა კიეველმა ბრძანა ერთხელ: „ხელნაწერები არ იწვიანო“. უკრაინაში მიხეილ ბულგაკოვის ძეგლების განადგურებას, გადაგეკითხათ...

„ხალხის ძალის“ წევრი დავით ქართველიშვილი უკრაინის თავდაცვის ყოფილი მინისტრის ალექსეი რეზნიკოვის ინტერვიუს ეხმიანება და ურჩევს მას ის გამონათქვამები გადაიკითხოს, რომელსაც უკრაინელი მაღალჩინოსნები საქართველოს მისამართით აკეთებდნენ და ოფიციალურ თბილისს ომში ჩართვისკენ მოუწოდებდნენ. ამ უკანასკნელმა ინტერვიუში აღნიშნა, რომ უკრაინას არასოდეს მოუთხოვია საქართველოს ომში ჩართვა.დავით ქართველიშვილმა თავი მოუყარა უკრაინის მოქმედი და ყოფილი მაღალჩინოსნების განცხადებებს, რომლებიც საპირისპიროს ადასტურებენ და ისინი სოციალურ ქსელში გამოაქვეყნა:„მაშ „полная ложь“ არა? ერთმა გენიოსმა კიეველმა ბრძანა ერთხელ: „ხელნაწერები არ იწვიანო“. უკრაინაში მიხეილ ბულგაკოვის ძეგლების განადგურებას, გადაგეკითხათ...ალექსანდრე გონჩარენკო, უკრაინული რადას დეპუტატი: „მინდა ქართველებს ვუთხრა, ახლა ცხინვალსა და აფხაზეთში გასეირნებისთვის კარგი დროა.“მიხაილო აპოსტოლი, უკრაინული რადას დეპუტატი: „ქართველებო! აფხაზეთში დაბრუნების დიდი შანსი გაქვს! ჩვენ ჩავკეტეთ ყველაფერი, რაც მათ აქვთ! მოლდოველებს! დაიბრუნეთ დნესტრისპირეთი საკუთარ თავთან! ადვილი იქნება თქვენთვის! ერთად გავტეხოთ შეშლილი დათვი!“ალექსეი დანილოვი, უკრაინის უშიშროების საბჭოს მდივანი საქართველოს და მოლდოვას ტერიტორიების დაბრუნებისკენ მოუწოდებს: „რუსეთისთვის მეორე ფრონტის გახსნა უკრაინას დაეხმარება.“ანდრეი კასიანოვი, საქართველოში უკრაინის ელჩის მოვალეობის შემსრულებელი: „უკრაინის მხარე თანმიმდევრულია ყველა საერთაშორისო პარტნიორისადმი, მათ შორის საქართველოსადმი იარაღის, სამხედრო ტექნიკისა და სხვა საარტილერიო მასალის მიწოდებასთან დაკავშირებით თხოვნაში. იარაღი სასიცოცხლოდ მნიშვნელოვანია რუსეთის ფედერაციის ფართომასშტაბიანი შეჭრის დაწყებიდან. ჩვენთვის გაუგებარია ქართველი პოლიტიკოსების განცხადებები, კერძოდ, პარლამენტის ვიცე-სპიკერის, ასევე საქართველოს თავდაცვის სამინისტროს ბოლო განცხადებები, რომ უკრაინამ ითხოვა „ბუკის“ საჰაერო თავდაცვის სისტემების უფასოდ გადაცემა. მინდა ვთქვა ამასთან დაკავშირებით და ხაზი გავუსვა, რომ უკრაინამ გაგზავნა საქართველოში, თავდაცვის სამინისტროს მისამართზე უკვე 30 ოფიციალური მოთხოვნა. უკრაინის საელჩოს მიერ ბოლო იყო გაგზავნილი 12 იანვარს და მოთხოვნები უპასუხოდ დარჩა. ჩვენ აღვნიშნეთ, რომ შეიძლება მოხდეს იარაღის და სამხედრო ტექნიკის გადაცემა ან შესყიდვა.“ოლექსი არესტოვიჩი, უკრაინის პრეზიდენტის ოფისის ხელმძღვანელის მრჩეველი აკრიტიკებს საქართველოს ხელისუფლებას და ღიად ამბობს, რომ „სააკაშვილი ომზე უარს არ იტყოდა.“ოლექსი არესტოვიჩი: „მე ჩემს პირად მოსაზრებას გავაჟღერებ, არაოფიციალურს. ჩვენ ამას ღრმა შეშფოთებით ვუყურებთ, ასე ვთქვათ. ჯერ ერთი, ეს არის ისტორიული შესაძლებლობა დაიკავონ აფხაზეთი და სამხრეთ ოსეთი. იქ რუსული ჯარი არ დარჩა, ყველა გაიყვანეს. და მეორე, მთელი მსოფლიოს მხარდაჭერას და უკრაინის მხარდაჭერას მიიღებდნენ. ამას არა მხოლოდ არ აკეთებენ, არამედ ისინი დამატებით ცდილობენ გაამართლონ რუსეთის პოზიციები და ქმედებები“ დენის შმიგალი, უკრაინის პრემიერ-მინისტრი: „მამაცი ქართველი ძმები უკრაინის დასახმარებლად თბილისის აეროპორტში ფრენას ელოდებიან, იმედია, ღარიბაშვილი გამბედაობას გამოიჩენს და ფრენის ნებართვას გასცემს. უკრაინა ამას ელოდება. ევროპა ამას ელოდება“, - წერს დავით ქართველიშვილი.

პოლიტიკა • 1741808969

ღია ტექსტით გვესაუბრებოდნენ იმაზე, რომ საკუთარი ქვეყანა უნდა გაგვეწირა გლობალური ინტერესების სანაცვლოდ, მოგვიწოდებდნენ მეორე ფრონტის გახსნისკენ, უარის მიღების შემდეგ იყო შანტაჟი, ამ ყველაფერში ჩართეს და ქუჩაში დააყენეს რადიკალური ოპოზიცია კონკრეტული მოთხოვნებით - ირაკლი კობახიძე

გვითხრეს, რომ 3 700 000 ხართ, ყველას ვერ დაგხოცავენ და ოკუპაციის შემდეგ უნდა გადახვიდეთ პარტიზანულ ომზეო, ანუ, პირდაპირ, ღია ტექსტით გვესაუბრებოდნენ იმაზე, რომ საკუთარი ქვეყანა უნდა გაგვეწირა რაღაც გლობალური ინტერესების სანაცვლოდ, - ამის შესახებ საქართველოს პრემიერ-მინისტრმა ირაკლი კობახიძემ გადაცემა “იმედი LIVE”-ში განაცხადა.როგორც მთავრობის მეთაურმა აღნიშნა, უარის მიღების შემდეგ იყო პირდაპირი შანტაჟი, ქუჩაში გაიყვანეს რადიკალური ოპოზიცია კონკრეტული მოთხოვნებით და კოორდინაციაში ჩართეს უკრაინის ხელისუფლებაც.„პარლამენტის თავმჯდომარემ გაიხსენა ის, რისი გახსენებაც ნაკლებად არის დაკავშირებული გარკვეულ უხერხულობებთან და რისკებთან. იქ, კონკრეტულად, საუბარი იყო დაჟინებულ მოთხოვნაზე, რომ დაგვეწესებინა სანქციები. მოგვიანებით, საუბარი იყო იმაზე, რომ თითქოს არავინ ითხოვდა სანქციებთან მიერთებას, თუმცა, რეალურად, დახურულ კარს მიღმა იყო ბევრად უფრო მძიმე საუბრები და მძიმე მოთხოვნები. ვისგან, როგორ, ამას დღესაც არ დავაკონკრეტებ, მაინც გავუფრთხილდები რაღაცეებს, თუმცა მე შემიძლია გითხრათ, რომ, მაგალითად, ერთი კონკრეტული შეხვედრა წარიმართა განსაკუთრებულად მძაფრი შინაარსით და იქ, პირდაპირ იყო საუბარი ქვეყნის ომში ჩართვაზე. ასევე, იცით, რომ ბატონმა ბიძინა ივანიშვილმა გაიხსენა ერთ-ერთი ეპიზოდი, ირაკლი ღარიბაშვილთან გამართული შეხვედრიდან, სადაც საუბარი იყო პარტიზანულ ომზე. მარტივი რაღაც გვითხრეს, რომ 3 700 000 ხართ, ყველას ვერ დაგხოცავენ და ოკუპაციის შემდეგ უნდა გადახვიდეთ პარტიზანულ ომზეო. ანუ, პირდაპირ, ღია ტექსტით გვესაუბრებოდნენ იმაზე, რომ საკუთარი ქვეყანა უნდა გაგვეწირა რაღაც გლობალური ინტერესების სანაცვლოდ. უარის მიღების შემდეგ იყო პირდაპირი შანტაჟი. იყო შანტაჟი, რომელიც გამოიხატებოდა სხვადასხვა ფორმით,“- განაცხადა პრემიერმა.მისივე თქმით, შემდეგ გადავიდნენ ირიბ მოთხოვნებზე, მათ შორის, დახურულ კარს მიღმა, კერძოდ ეს სანქციებთან მიერთებასთან ერთად შეეხებოდა მებრძოლი მოხალისეების გაგზავნა უკრაინაში, მთავრობის ოფიციალური ნებართვით.„შემდეგ ამ ყველაფერში ჩართეს და ქუჩაში დააყენეს რადიკალური ოპოზიცია კონკრეტული მოთხოვნებით და ამ კოორდინაციაში ჩართეს უკრაინის ხელისუფლება, რომელმაც პირველ მარტს, ომის დაწყებიდან 5 დღეში გაიწვია ელჩი საქართველოდან. სწორედ, ამ ორი საბაბით - სანქციებთან არმიერთება და მებრძოლი მოხალისეების არგაგზავნა უკრაინაში. მე შეგახსენებთ, რომ მოლდოვაც არ იყო მაშინ მიერთებული სანქციებთან, თუმცა არათუ რაიმე მძაფრი დიპლომატიური რეაქცია, არავითარი კრიტიკაც კი არ ყოფილა ამასთან დაკავშირებით. არავის მოუთხოვია მოლდოვისგან მებრძოლი მოხალისეების გაგზავნა მთავრობის ჩართულობით და ა.შ. ჩვენგან გაიწვიეს ელჩი პირველ მარტს. მაშინ იყო ძალიან მძიმე ემოციური ფონი და ჩვენი მხარდამჭერებიც კი იყვნენ, რომლებიც მძაფრად გამოდიოდნენ, ერთგვარად ხელისუფლების წინააღმდეგ, - მრცხვენია რომ ვარ ამ ქვეყნის მოქალაქე საიდანაც ზელენსკიმ გაიწვია ელჩი და ასეთი გამოსვლები იყო, მითუმეტეს, არაფერს ვამბობ იმაზე, რა მძაფრი გამოსვლები ჰქონდათ მაშინ რადიკალური ოპოზიციის არამარტო ლიდერებს და წარმომადგენლებს, არამედ უბრალო მხარდამჭერებსაც, ემოციური ფონი იყო და გასაგებია, იყო რეაქცია. ზეწოლა გაძლიერდა, კოორდინაციაში ჩართეს ძალიან ბევრი სუბიექტი - საქართველოს შიგნით რადიკალური ოპოზიცია, „ენჯეოები“, კონკრეტული მედიასაშუალებები, ქვეყნის გარეთ უკრაინის ხელისუფლება, კონკრეტული უცხოელი პოლიტიკოსების განცხადებები რთავდნენ ხოლმე ცნობილ სახეებს, ყოფილი პრეზიდენტი ილვესი, რომელიც პირდაპირ მოგვიწოდებდა აგრესიული ნაბიჯების გადადგმისკენ. პირდაპირ მოგვიწოდებდნენ მეორე ფრონტის გახსნისკენ,“- აღნიშნა პრემიერ-მინისტრმა.

სამართალი • 1741763893

პოლიტიკური შეკვეთა გაფორმდა, „ქართული ოცნების“ მესიჯია, ვიდრე ხელისუფლებაში არიან, სააკაშვილმა დღის სინათლე არ ნახოს - ბექა ბასილაია

პოლიტიკური შეკვეთა გაფორმდა. „ქართული ოცნების“ მესიჯია, ვიდრე ხელისუფლებაში არიან, სააკაშვილმა დღის სინათლე არ უნდა ნახოს, – ამის შესახებ საქართველოს მესამე პრეზიდენტის, მიხეილ სააკაშვილის ადვოკატმა, ბექა ბასილაიამ განაცხადა.აღნიშნულით ბასილაიამ დიდი ოდენობით საბიუჯეტო სახსრების გაფლანგვის საქმეზე მიხეილ სააკაშვილთან დაკავშირებით სასამართლოს გადაწყვეტილება შეაფასა.„როგორც ვვარაუდობდით, პოლიტიკური შეკვეთა გაფორმდა და შედგა. ეს არის „ქართული ოცნების“ მესიჯი, რომ ვიდრე ხელისუფლებაში არიან, მიხეილ სააკაშვილმა დღის სინათლე არ უნდა ნახოს და უნდა იყოს პოლიტიკურ ტყვეობაში. დღეს ეს მოვისმინეთ და ეს არ არის პოლიტიკური შეფასება. სასამართლოს როცა ვუსმენთ და მოჰყავს არგუმენტები, რატომ მიიღო ეს გადაწყვეტილება, სასამართლო საუბრობს საქმის მაქსიმუმ ათ პროცენტზე და საქმის 90%-თან დაკავშირებით განმარტება არ მოგვისმენია, თუნდაც ბრონირებული ავტომობილების ხარჯზე. როდესაც ამბობს, რომ ცხრა მილიონი გაიფლანგა, პრეზიდენტის უსაფრთხოების მიზნებისთვის როცა ხდება ბრონირებული ავტომობილის ქირაობა, ეს არ არის უსაფრთხოების ღონისძიება? როდესაც ის საუბრობს, თითქოს პირად ხარჯებს ჰქონდა ადგილი, დონალდ ტრამპის, ჰილარი კლინტონის, ჯო ბაიდენისა და სხვათა გამასპინძლება პირადი ხარჯია? ასე უსასრულოდ, ძალიან ბევრი შეგვიძლია, გავაგრძელოთ. მათ შორისაა მრავალრიცხოვანი ოფიციალური ღონისძიების საკითხი, როდესაც, მაგალითად, აზერბაიჯანიდან, თურქეთიდან, სხვადასხვა მეზობელი ქვეყნიდან სტუმრობდა დელეგაცია საქართველოს და ამ დელეგაციებისთვის იყო გაწეული ხარჯი. შესაბამისად, სასამართლოს გადაწყვეტილება არის ივანიშვილის მიერ გაცემული დაკვეთის შესრულება“, – განაცხადა ბექა ბასილაიამ.რაც შეეხება თემურ ჯანაშიას, რომელთან დაკავშირებითაც დღეს სასამართლომ გადაწყვეტილება გამოაცხადა, ბექა ბასილაიას შეფასებით, თემურ ჯანაშიასთვის რაიმე ტიპის დანაშაულებრივი კვალიფიკაციის მიცემა უკანონო გადაწყვეტილებაა.„თემურ ჯანაშიასთან დაკავშირებითაც პროცესის საწყის ეტაპზევე ვაცხადებდით, რომ ნებისმიერი კვალიფიკაციით, სამართლებრივად არასწორია გასამხედროებული დაწესებულების ხელმძღვანელისთვის ბრალის წარდგენა უმაღლესი მთავარსარდლისგან მიღებული განკარგულებების საფუძველზე. ჩვენ შემდგომშიც გვქონდა პრაქტიკა და ეს მტკიცებულებები სასამართლოში წარდგენილია, რომ მაგალითად, ანზორ ჩუბინიძეც იმავე ტიპის ხარჯს გასწევდა და შეუძლებელია, სახელმწიფო დაცვის სპეციალურმა სამსახურმა არ აღასრულოს იმ თანამდებობის პირის დავალება, ვის დაქვემდებარებაშიც იმყოფება. ჩვენ გვაქვს ასევე წარმოდგენილი, პრემიერ ღარიბაშვილის დავალებას როგორ ასრულებდა მღებრიშვილი, როდესაც იყო ამ სამსახურის უფროსი. თემურ ჯანაშიასთვის რაიმე ტიპის დანაშაულებრივი კვალიფიკაციის მიცემა არის უკანონო გადაწყვეტილება“, – განაცხადა ბექა ბასილაიამ.სასამართლომ დიდი ოდენობით საბიუჯეტო სახსრების გაფლანგვის საქმეზე ცოტა ხნის წინ განაჩენი გამოაცხადა. სასამართლოს გადაწყვეტილებით, აღნიშნულ საქმეზე მიხეილ სააკაშვილს 9 წლით თავისუფლების აღკვეთა მიესაჯა, თემურ ჯანაშიას კი 300 ათასი ლარით ჯარიმა განესაზღვრა.

პოლიტიკა • 1740824273

ტრამპმა გუშინ მკაფიოდ დაანახა ყველას, თუ ვის სურს ომი და ვის მშვიდობა - კახა კალაძე

თეთრი სახლის ოვალურ კაბინეტში ამერიკის შეერთებული შტატებისა და უკრაინის პრეზიდენტებს შორის მომხდარი სიტყვიერი დაპირისპირების შედეგად, ნათლად და მკაფიოდ გამოჩნდა, თუ ვინ დგას ომის და ვინ მშვიდობის მხარეს, - ამის შესახებ თბილისის მერმა კახა კალაძემ შესაბამისი შეკითხვის საპასუხოდ განაცხადა.მისივე შეფასებით, ომის დასრულება და მშვიდობის შენარჩუნება პრინციპულად მნიშვნელოვანია.„ტრამპმა გუშინ კიდევ ერთხელ მკაფიო ხაზი გაუსვა იმას, თუ ვის სურს ომი და ვის სურს მშვიდობა. რაც გუშინ ვიხილეთ, ისედაც ყველაფერი ცხადი და ნათელია. ამიტომ, განმარტებას არ გავაკეთებ. უფრო საინტერესოა, ამ პოლემიკის შემდეგ გაკეთებული განცხადებები. ქვეყნის შიგნით ვიხილეთ უსამშობლო ადამიანების განცხადებები, რაც კიდევ ერთხელ ცხადყოფს, თუ ვის სურდა რეალურად ომი, როგორც ქვეყნის შიგნით, ისე ქვეყნის გარეთ. ჩვენ ღიად ვამბობდით ყველაფერს. კერძოდ იმას, რომ არსებობს გლობალური ომის პარტია, რომელსაც მსოფლიოს სხვადასხვა ქვეყანაში სურს ომის წარმოება. ამით ისინი, რა თქმა უნდა, იღებენ სარგებელს, ფინანსურ კეთილდღეობას, მაგრამ ნადგურდება ქვეყნები, ქალაქები, სოფლები, იხოცება მშვიდობიანი მოსახლეობა. ამის მაგალითია უმძიმესი ვითარება უკრაინაში. სრული კატასტროფა მივიღეთ ამ ქვეყანაში. შესაბამისად, ამ ყველაფრის დასრულება პრინციპულად მნიშვნელოვანია. ჩვენ ღიად ვსაუბრობდით, რომ არსებობენ კონკრეტული ძალები, რომლებიც ამ ყველაფრის უკან დგანან. ისინი თავიანთ კონკრეტულ ინტერესს ატარებდნენ სხვა ქვეყანაში და იგივე სურდათ საქართველოში“, - განაცხადა კახა კალაძემ.მისი თქმით, ახლა ზოგიერთი პოლიტიკოსი ცრუობს და ამბობს, თითქოს არასდროს მოუწოდებიათ, საქართველო სანქციებს შეერთებოდა.„გავიხსენებ ერთ მაგალითს, როდესაც მაშინდელმა პრემიერ-მინისტრმა ირაკლი ღარიბაშვილმა განაცხადა, რომ საქართველო არ შეუერთდებოდა სანქციებს, ვინ, რა თქვა ამის საპასუხოდ - არსებობს არქივი და კარგად ჩანს, რომ მავანს ერჩივნა საქართველოში ბომბები ჩამოცვენილიყო. დღეს ყველაფერი ხელის გულზე დევს, საზოგადოება ნათლად ხედავს ყველაფერს. ჯანსაღად მოაზროვნე ყველა ადამიანი, ვისაც უყვარს სამშობლო, კარგად ხედავს, თუ რამხელა უბედურებას აარიდა „ქართულმა ოცნებამ“ ჩვენი ქვეყანა”, - აღნიშნა თბილისის მერმა.

პოლიტიკა • 1740743591

"სამწუხაროდ, უკრაინაში უკრაინელ ლომჯარიას დაუჯერეს და ბომბების წვიმა აირჩიეს" - გურამ მაჭარაშვილი

"სამი წლის თავზე, ჩვენ შეგვიძლია ვთქვათ, რომ აბსოლუტურად სწორი, პრაგმატული პოლიტიკა იყო, როდესაც პრემიერმა ღარიბაშვილმა გააკეთა განცხადება, რომ ეროვნული ინტერესებიდან გამომდინარე, საქართველო ვერ დაუწესებდა სანქციებს რუსეთის ფედერაციას," - ამის შესახებ "ხალხის ძალის" წევრმა, გურამ მაჭარაშვილმა განაცხადა."ამას მეორე დღიდანვე მოყვა მეორედ მოსვლა კოლექტიურ "ნაცმოძრაობაში", "ენჯეო" სექტორში და "ენჯეო" სექტორის ერთ-ერთმა ხელმძღვანელმა ისიც კი თქვა, რომ ამ სირცხვილსო, რომ ჩვენ არ ვუწესებთ სანქციებს რუსეთს და ამით არ ვეხმარებით უკრაინასო, ჯობია, რომ ბომბების წვიმა იყოს საქართველოშიო.სამწუხაროდ, უკრაინაში უკრაინელ ლომჯარიას დაუჯერეს და ბომბების წვიმა აირჩიეს. სამი წლის თავზე, უკრაინამ მიიღო დაკარგული ტერიტორიები, ასეულობით ათასი განადგურებული, დაღუპული ადამიანი, ბუნდოვანი მომავალი და განადგურებული ეკონომიკა. ამ ყველაფრის ფონზე, რისთვისაც დააწყებინეს ომი და წააქეზეს, მკაცრი უარი მიიღეს ამერიკიდან NATO-ში გაწევრიანებასთან დაკავშირებით, ფულსაც აქეთ ახდევინებენ. ასეულობით ათასი ადამიანი ჰყავთ დაღუპული. ეს არ გვინდოდა ჩვენ ზუსტად არც უკრაინაში და, მითუმეტეს, არ გვინდოდა საქართველოში," - აცხადებს გურამ მაჭარაშვილი.

პოლიტიკა • 1740552935

საქართველოს ხელისუფლებამ გააკეთა მკაფიო განცხადება, რომ არ დაუწესებდა სანქციებს არც ერთ სხვა ქვეყანას, აქ საუბარი იყო ეკონომიკური ხასიათის სანქციებზე - ვახო ჩოჩია

2022 წლის თებერვალში, უკრაინაში ომის დაწყებიდან მეორე დღეს ირაკლი ღარიბაშვილის მიერ გაკეთებული განცხადება კვლავ განხილვის საგანია პოლიტიკურ სპექტრში. მმართველ გუნდში კიდევ ერთხელ საუბრობენ იმაზე, თუ რას გადაურჩა ქვეყანა და რა სურდა მაშინ ოპოზიციას და არასამთავრობო სექტორს.საპარლამენტო უმრავლესობის ლიდერის კაბინეტის უფროსი, ვახო ჩოჩია აცხადებს, რომ საქართველო მაშინ შეუერთდა პოლიტიკურ სანქციებს, 600 რეზოლუციაზე მეტს მოაწერა ქვეყანამ ხელი და ასევე, თანაინიციატორი იყო რამდენიმე რეზოლუციის."საქართველოს ხელისუფლებამ გააკეთა მკაფიო განცხადება, რომ იგი არ დაუწესებდა სანქციებს არც ერთ სხვა ქვეყანას, აქ საუბარი იყო ეკონომიკური ხასიათის სანქციებზე, ვინაიდან, პირველ რიგში ის უარყოფით შედეგს მოიტანდა უშუალოდ საქართველოსთვის და ვერანაირი ქმედითი გავლება ვერ ექნებოდა რუსეთის წინააღმდეგ. თუმცა, ჩვენ შევუერთდით პოლიტიკურ სანქციებს, ჩვენ 600 რეზოლუციაზე მეტს მოვაწერეთ ხელი და ასევე, თანაინიციატორი ვიყავით რამდენიმე რეზოლუციის. ასევე, შეგახსენებთ, რომ საქართველოს ხელისუფლებამ შუამდგომლობა დააყენა საერთაშორისო სასამართლოებში რუსეთის წინააღმდეგ და შესაბამისად, ჩვენ ვრჩებით უკრაინელი ხალხის გვერდით," - აცხადებს ვახო ჩოჩია.ცნობისთვის, 2022 წლის 25 თებერვალს მაშინდელმა პრემიერ-მინისტრმა თქვა, რომ რუსეთის წინააღმდეგ საქართველო სანქციებს ეროვნული ინტერესების გათვალისწინებით არ შეუერთდებოდა და თუ ვინმე დაიჩაგრებოდა ამ ომით, ეს უკრაინა იქნებოდა.

პოლიტიკა • 1740486134

დადასტურდა, რომ ბიძინა ივანიშვილის, მმართველი პოლიტიკური გუნდის გათვლები და პოლიტიკური სვლები იყო აბსოლუტურად სწორი და ერთადერთი უალტერნატივო გზა, რომელიც საქართველოს გადარჩენას ემსახურებოდა - მამუკა მდინარაძე

დადასტურდა, რომ ბიძინა ივანიშვილის დამოკიდებულება, გათვლები პოლიტიკური სვლები და მმართველი პოლიტიკური გუნდის გათვლები და სვლები იყო აბსოლუტურად სწორი და ერთადერთი უალტერნატივო გზა, რომელიც საქართველოს გადარჩენას ემსახურებოდა, - განაცხადა საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ და პარტიის აღმასრულებელმა მდივანმა მამუკა მდინარაძემ.მისი თქმით, „ქართული ოცნების“ გუნდმა ამ ურთულეს პერიოდში მოახერხა ქვეყნის არამხოლოდ ფიზიკური გადარჩენა, არამედ შეძლო ის, რომ ეკონომიკური წინსვლით საქართველო ევროპაში პირველ ადგილზეა.„დღევანდელ დღეს, სამი წლის წინ ზუსტად, მაშინდელმა პრემიერმა ირაკლი ღარიბაშვილმა რამდენად მკაფიოდ, ვაჟკაცურად და სწორხაზოვნად, ყოველგვარი მიკიბმოკიბვის გარეშე გაახმოვანა ერთადერთი სწორი პოზიცია როგორც ლიდერმა ამ ქვეყნისა. და ამას რა ამბავი მოყვა - მრცხვენია ქართველობის და მსგავსი გამოხმაურებები - ასეთი ტრენდი დაალაგეს მაშინ და დღევანდელი გადმოსახედიდან, ძალიან ახლო მომავალში დადასტურდა, რომ ღარიბაშვილის ის სიტყვები, ბიძინა ივანიშვილის დამოკიდებულება, გათვლები პოლიტიკური სვლები და მმართველი პოლიტიკური გუნდის გათვლები და სვლები იყო აბსოლუტურად სწორი და ერთადერთი უალტერნატივო გზა, რომელიც საქართველოს გადარჩენას ემსახურებოდა. სატრაბახო იცით რა გვაქვს? - არა მხოლოდ გადარჩენა მოვახერხეთ, ფიზიკური გადარჩენის პარალელურად, გადაჭარბების გარეშე, სტატისტიკური მონაცემებით, მსოფლიო ბანკის, სავალუტო ფონდის, სტატისტიკის დეპარტამენტის და ა.შ. მონაცემების თანახმად, მოვახერხეთ მაგალითად ეკონომიკური წინსვლა ისეთი, რომ ევროპაში ვართ პირველ ადგილზე. ხომ ურთულესი მისია იყო, რომ თან სწორი პოლიტიკური ვექტორი, პოზიცია აგერჩია, რომ გადარჩენა უზრუნველყოფილი ყოფილიყო და მეორე მხრივ გაგვევლო ბეწვის ხიდზე, თან ისე რომ ეკონომიკური ზრდა ყოფილიყო უზრუნველყოფილი. ეს იყო ურთულესი, თუმცა ჩვენ ეს მოვახერხეთ. დღეს ამერიკის შეერთებული შტატების ლიდერების ყველა წინადადებაში ჩანს რამდენად უალტერნატივოდ და უდავოდ მართლები ვიყავით 3 წლის წინაც და დღესაც მართლები ვართ, როცა ჩვენი მთავარი გზავნილი ჩვენი საზოგადოებისა და მთელი მსოფლიოსთვის იყო მშვიდობა. ამაში ვიყავით პირველები, როცა ამაზე ვლაპარაკობდით, მაშინ არავინ არ ლაპარაკობდა. რამდენიმე ქვეყანა იყო ევროპაში, რომელიც ასეთს ბედავდა - სლოვაკეთი, უნგრეთი და ასე შემდეგ და ჩვენ ვიყავით მაინც ყველაზე პირველები, ვინც ყველაზე მკაფიო პოზიციის გახმოვანება გავბედეთ და აღმოვჩნდით, რომ ვიყავით მართლები. დღეს, რაც არ უნდა გასაკვირი ყოფილიყო, როდესაც ამერიკის შეერთებულმა შტატებმა დააფიქსირა საკუთარი პოზიცია რეზოლუციის პროექტის სახით, პირველი თანასპონსორი მისი პოზიციისა, იყო საქართველო. შარშან რომ თქვენთვის ვიღაცას ეკითხა, წარმოგიდგენიათ, რომ უახლოეს მომავალში ამერიკის შეერთებული შტატები დააფიქსირებს თავის მკაცრ, ხისტ პოზიციას და პირველი თანასპონსორი ამ პოზიციისა იქნება შენი ქვეყანა და შენი სამშობლო, სასაცილოდ არ ეყოფოდათ, დღეს ეს უკვე რეალობაა“, - განაცხადა მდინარაძემ.

პოლიტიკა • 1740483044

როცა ვთქვით სანქციებზე უარი, სანქციები არც იყო დაწესებული. ეს იყო მხოლოდ პოლიტიკური პოზიცია, რომ რუსეთისთვის გვეთქვა, თქვენს მხარეს ვართ - ზურაბიშვილი

უკრაინაში ომის დაწყებიდან მეორე დღეს გაკეთებული ირაკლი ღარიბაშვილის განცხადება პოლიტიკური დისკუსიის თემაა. 2022 წლის 25 თებერვალს მაშინდელმა პრემიერ-მინისტრმა თქვა, რომ საქართველო სანქციებს არ შეუერთდებოდა და თუ ვინმე დაიჩაგრებოდა ამ ომით, ეს უკრაინა იქნებოდა.საქართველოს ყოფილი პრეზიდენტის, სალომე ზურაბიშვილის განცხადებით, ეს იყო პოლიტიკური განცხადება, რადგან იმ დროისთვის, რუსეთს ჯერ კიდევ არ ჰქონდა დაკისრებული სანქციები."იმ დროს, როცა სანქციებზე ვთქვით უარი, რუსეთისთვის სანქციები არც იყო დაწესებული. ეს იყო მხოლოდ პოლიტიკური პოზიცია, რომ რუსეთისთვის გვეთქვა - ჩვენ თქვენს მხარეს ვართ. ეს იყო სკანდალი, როცა ამბობ სანქციებს არ შევუერთდები, როცა არც იცი, რა სანქციებია და რისთვის. მოხალისეები იმას ჰქვია, ვინც თავისთვის მიდის. თავისით ვინც წავიდა, ის წავიდა და ეს არ იყო ომში ჩართვა. ომი მოდის მხოლოდ ერთი ქვეყნიდან და დღეს აქ რომ ვდგავართ, ეს უნდა ვიცოდეთ. ის ქვეყანა, რომელიც ომს იწყებს თავისი ყველა მეზობლის წინააღმდეგ, არის ერთი და ერთადერთი," - აცხადებს სალომე ზურაბიშვილი.კოალიცია "ერთიანობა - ნაციონალური მოძრაობის" წევრი, ირაკლი ფავლენიშვილი აცხადებს, რომ ევროპული ინტეგრაციის პროცესში მყოფი ქვეყნის ვალდებულებაა, მისი პოლიტიკა თანხვედრაში იყოს ევროკავშირის პოლიტიკასთან და სწორედ ამაზე იყო აქცენტი გაკეთებული საქართველოსთან მიმართებით."როცა ხარ ევროპული ინტეგრაციის პროცესში, შენ გაქვს ვალდებულება, რომ შენი პოლიტიკა იყოს თანხვედრაში ევროკავშირის პოლიტიკასთან. ამიტომაც, როცა ევროკავშირი სანქციებს აწესებს, ამ სანქციებთან დაკავშირებით გვერდის ავლაში არ უნდა გამოიყენებოდეს შენი ტერიტორია - ამაზე იყო აქცენტი გაკეთებული ყოველთვის," - აცხადებს ირაკლი ფავლენიშვილი.კოალიცია "ძლიერი საქართველოს" ლიდერი, ბადრი ჯაფარიძე კი აცხადებს, რომ საქართველოსთვის რუსეთთან ეკონომიკური კავშირის გაწყვეტა არავის მოუთხოვია."ჩვენი მეგობრები ყოველთვის გვეუბნებოდნენ იმას, რომ ქვეყანა არ უნდა გახდეს ტრანზიტი ისეთი პროდუქციის შესატანად რუსეთში, რომელიც აძლიერებს რუსეთის აგრესიულ მანქანა - ამაზე იყო ყოველთვის საუბარი. არასოდეს არავის არ მოუთხოვია, რომ საქართველოს შეეწყვიტა სავაჭრო ურთიერთობა რუსეთთან," - აცხადებს ბადრი ჯაფარიძე.