საზოგადოება • 1790790199

5 ინფექცია, რომელიც ყოველწლიურად კიბოს 2 მილიონზე მეტ ახალ შემთხვევას იწვევს - ახალი კვლევა

როცა კიბოს რისკების შემცირებაზე ვფიქრობთ, პირველ რიგში თამბაქო, ალკოჰოლი და ფიზიკური უმოქმედობა გვახსენდება. თუმცა, ავტორიტეტულ სამედიცინო ჟურნალ The Lancet Oncology-ში გამოქვეყნებული ახალი გლობალური კვლევის თანახმად, 2024 წელს მსოფლიოში დასმული კიბოს დიაგნოზების 12% (2,3 მილიონი ახალი შემთხვევა) სწორედ ინფექციებთან იყო დაკავშირებული! ახალი კვლევის მიხედვით, არსებობს ხუთი ინფექცია, რომელიც ყოველწლიურად კიბოს 2 მილიონზე მეტ ახალ შემთხვევას იწვევს. ამის შესახებ მიხეილ ჭაბუკაშვილი წერს. „ამ შემთხვევების აბსოლუტურ უმრავლესობაზე პასუხისმგებელია ხუთი მთავარი პათოგენი:მთავარი დამნაშავეებიHelicobacter pylori (4% / 760 000 შემთხვევა): კუჭის ბაქტერია, რომელიც მსოფლიო მოსახლეობის ნახევარს აქვს. უმეტესობას სიმპტომები არ აღენიშნება, თუმცა გარკვეულ შტამებს კუჭის წყლულისა და კუჭის კიბოს გამოწვევა შეუძლიათ.ადამიანის პაპილომავირუსი - HPV (4% / 750 000 შემთხვევა): საშვილოსნოს ყელის და სხვა ტიპის კიბოების ძირითადი გამომწვევი.B ჰეპატიტის ვირუსი - HBV (2%): ღვიძლის კიბოს ერთ-ერთი მთავარი რისკფაქტორი.ეპშტაინ-ბარის ვირუსი - EBV (1%): სიაში ახლახან დამატებული ვირუსი, რომელიც ცხოვრების მანძილზე ადამიანთა 95%-ს ხვდება.C ჰეპატიტის ვირუსი - HCV (

სამართალი • 1790749596

მიგრაციის დეპარტამენტის თანამშრომლებმა უცხო ქვეყნის 84 მოქალაქე საქართველოდან გააძევეს

შინაგან საქმეთა სამინისტროს მიგრაციის დეპარტამენტის თანამშრომლებმა, სამინისტროს შესაბამის დანაყოფებთან კოორდინაციით, ბოლო დღეების განმავლობაში, უცხო ქვეყნის 84 მოქალაქე საქართველოდან გააძევეს.შსს-ს ინფორმაციით, მიგრაციის დეპარტამენტის მიერ ჩატარებული კომპლექსური ღონისძიებების შედეგად, ქვეყნიდან გაძევებულ იქნა: ინდოეთის, ეგვიპტის, თურქეთის, რუსეთის, თურქმენეთის, აზერბაიჯანის, ტაილანდის, ლიბანის, უზბეკეთის, ბელარუსის, განას, იორდანიის, პაკისტანის, ნიგერიის, ფილიპინების, ჩინეთის და სხვა სახელმწიფოების – ჯამში 84 მოქალაქე.მოქმედი კანონმდებლობის შესაბამისად, გაძევებულ პირებს ქვეყანაში შემოსვლის აკრძალვა დაუწესდათ.მიმდინარე წელს, მიგრაციის დეპარტამენტის თანამშრომლების მიერ ქვეყნიდან გაძევებულია 3 000-ზე მეტი პირი.

მსოფლიო • 1790710204

ევროპამ ახლა უნდა განსაზღვროს, როგორი იქნება მომავალში მისი ურთიერთობა რუსეთთან, რისთვისაც მოლაპარაკებებია საჭირო - იოჰან ვადეპული

გერმანიის საგარეო საქმეთა მინისტრი იოჰან ვადეპული მიიჩნევს, რომ უკრაინაში ომის დასრულებაზე მოლაპარაკებები შესაძლოა,  უახლოეს მომავალში დაიწყოს.ვადეპულის განცხადებით, სავსებით შესაძლებელია, რომ მომავალში ევროპამ „რუსეთთან კარგი ურთიერთობების დამყარება შეძლოს“.„ჩვენ არ გვაქვს პრეტენზია თავად რუსეთის ან რუსი ხალხის მიმართ. ჩვენ სერიოზული პრობლემა გვაქვს რუსეთის ამჟამინდელ რეჟიმთან, რომელმაც ეს უკანონო აგრესიული ომი წამოიწყო და აგრძელებს“, – აღნიშნა ვადეპულმა.მისი თქმით, „ახლა და, სავარაუდოდ, უახლოეს მომავალში, ევროპული უსაფრთხოება რუსეთთან ერთად კი არა, რუსეთის წინააღმდეგ უნდა შენდებოდეს“.ამასთან, როგორც ვადეპულმა აღნიშნა, ევროპამ ახლა უნდა განსაზღვროს, როგორი იქნება მომავალში მისი ურთიერთობა რუსეთთან, რისთვისაც მოლაპარაკებების მაგიდასთან დაჯდომაა საჭირო.„ახლა არსებობს ნიშნები იმისა, რომ ასეთი მოლაპარაკებები შესაძლოა, მალე დაიწყოს“, – აღნიშნა გერმანიის საგარეო საქმეთა მინისტრმა.ამასთან, ვადეპულმა მოუწოდა ევროპელებს, „არ დაუშვან, რომ აშშ-მა უკრაინაში ომის დასრულებაზე მოლაპარაკებების წარმოებაზე მონოპოლია შეინარჩუნოს“.„ჩვენ ამ მოლაპარაკებებში მონაწილეობა უნდა მივიღოთ. ომი ხომ ევროპის ტერიტორიაზე მიმდინარეობს“, – განაცხადა ვადეპულმა.ამასთან, გერმანიის საგარეო საქმეთა მინისტრმა აღნიშნა, რომ ომის დასრულების შესახებ „ნებისმიერი შეთანხმება“, პირველ რიგში, უკრაინამ უნდა დაამტკიცოს.

მსოფლიო • 1790695740

The Atlantic: ტრამპმა შესაძლოა რუსეთს სანქციების ნაწილი უკრაინაში ომის დასრულებამდე მოუხსნას

აშშ-ის პრეზიდენტის, დონალდ ტრამპის წარმომადგენელმა აღმოსავლეთ ევროპაში, ჯონ კოულმა თეთრი სახლის ლიდერს ახალი დიპლომატიური ინიციატივით მიმართა. გეგმა ვაშინგტონსა და მოსკოვს შორის არსებული ჩიხური სიტუაციიდან გამოსვლას ითვალისწინებს - კერძოდ, რუსეთისთვის სანქციების ნაწილობრივ მოხსნას კრემლის პოლიტპატიმრების გათავისუფლების სანაცვლოდ. ამის შესახებ გამოცემა The Atlantic-ის ჟურნალისტი, საიმონ შუსტერი იტყობინება.ავტორის ინფორმაციით, ინიციატივა ჯერ ადრეულ ეტაპზეა, თუმცა მან შესაძლოა ტრამპს კრემლთან კომუნიკაციის დამყარების ახალი არხი გაუხსნას. ეს მიმართულება უკრაინის ომის მიღმა არსებულ საკითხებს ეხება, რომლის შეჩერებასაც ვაშინგტონი ამ ეტაპზე ვერ ახერხებს. გარდა ამისა, სტრატეგიამ შესაძლოა ხელი შეუწყოს აშშ-ისთვის ხელსაყრელი კონტრაქტების დადებას რუსული ნავთობპროდუქტების მიწოდებაზე, ხოლო პოლიტპატიმრების გათავისუფლებამ ტრამპს ნობელის მშვიდობის პრემიის მიღების არგუმენტები გაუძლიეროს.შუსტერი აღნიშნავს, რომ ამ მიდგომამ შესაძლოა უკრაინელების გარდა ევროპელებისა და ამერიკელების ნაწილის უკმაყოფილებაც გამოიწვიოს, რადგან მსგავსი გარიგება რუსეთს საშუალებას მისცემს, მეტი ფინანსური რესურსი მიმართოს უკრაინაში ტერორისკენ.აღნიშნული სტრატეგია კოულმა მანამდე ბელარუსში გამოსცადა, სადაც ასობით პოლიტპატიმრის გათავისუფლებას მიაღწია, სანაცვლოდ კი აშშ-მა ალექსანდრე ლუკაშენკოს რეჟიმს სანქციები შეუმსუბუქა. ახლა კოულმა, ტრამპის თანხმობით, იგივე მიდგომის გამოყენება ვლადიმირ პუტინთანაც გადაწყვიტა. კოულის აზრით, ეს ვარიანტი სამშვიდობო მოლაპარაკებების პროცესსაც წაადგება.„ეს ყველაფერი მშვიდობის დამყარებას უწყობს ხელს. რაც მეტია ურთიერთქმედება და კომპრომისი - იქნება ეს ეკონომიკურ სფეროში, პატიმრების საკითხში თუ სხვაგან - ნაბიჯ-ნაბიჯ მივდივართ მშვიდობამდე. ეს თავისებური მისიაა“, - განუცხადა კოულმა შუსტერს.უკრაინული მხარე შექმნილ სიტუაციას სრულიად განსხვავებულად აფასებს. უკრაინის პრეზიდენტმა, ვოლოდიმირ ზელენსკიმ შუსტერთან საუბარში აღნიშნა, რომ ყველაფერს გააკეთებს, რათა ომის დასრულებამდე რუსეთისთვის სანქციების მოხსნის ნებისმიერი მცდელობა დაბლოკოს, თუმცა იქვე აღიარა, რომ ეს მარტივი არ იქნება.უკრაინელი მომლაპარაკებლებისთვის ცნობილია ტრამპის გეგმების შესახებ, გამოიყენოს სამშვიდობო პროცესი ბიზნესგარიგებების წასახალისებლად. თუმცა, წყაროების ცნობით, ტრამპის წარმომადგენლები ამ ეტაპზე ვერ ხედავენ რუსეთთან ბიზნესის კეთების შესაძლებლობას უკრაინაში ცეცხლის ნაწილობრივ შეწყვეტამდე მაინც. კოულის გეგმა კი სწორედ ამ დაბრკოლების გვერდის ავლის გზად მოიაზრება.ავტორის ცნობით, კოულს ეს იდეა რუს დისიდენტ დმიტრი მურატოვთან შეხვედრისას გაუჩნდა, რომელმაც მიხეილ გორბაჩოვისა და რონალდ რეიგანის თანამშრომლობის პრეცედენტი გაიხსენა. იმ პერიოდში ვაშინგტონი მოსკოვს პატიმართა სიებს გადასცემდა, რასაც საბჭოთა მხარე ეთანხმებოდა, ამან კი ქვეყნებს შორის დაძაბულობა შეამცირა.ამჟამად აშშ კვლავ კონცენტრირებულია ომის დასრულების მცდელობაზე. ამ თვეში აბუ-დაბიში დაგეგმილია სამმხრივი შეხვედრა ენერგეტიკულ სექტორში ცეცხლის შეწყვეტის განსახილველად, ასევე არსებობს ეგვიპტის ინიციატივა შავ ზღვაში სატვირთო გემებზე თავდასხმების შეჩერებაზე. თუმცა, კიევში ამ შეხვედრების ეფექტიანობის გაზაფხულამდე არავის სჯერა.ბელარუსის ოპოზიციის ლიდერმა, სვეტლანა ტიხანოვსკაიამ შუსტერთან საუბარში აღნიშნა, რომ სანქციების შემსუბუქების სანაცვლოდ პატიმრების ვაჭრობა რეჟიმებს მხოლოდ წაახალისებს, რომ უფრო მეტი ადამიანი დააკავონ.„ადამიანებით ვაჭრობა მათ არაფერი უჯდებათ. მათ ყოველთვის შეუძლიათ მეტი ადამიანის დაპატიმრება, მაშინ როდესაც დასავლეთი სანქციების გაუქმებითა და გარიგებებით ამ რეჟიმებზე გავლენას კარგავს“, - ხაზგასმით აღნიშნა ტიხანოვსკაიამ.

მსოფლიო • 1790610972

ევროკავშირმა რუსეთის ჰიბრიდულ საფრთხეებზე რეაგირებისთვის ახალი საგანგებო პროტოკოლის განხილვა დაიწყო

ორშაბათს, ბრიუსელში ევროკავშირის წევრი ქვეყნების თავდაცვის მინისტრებმა პირველად იმსჯელეს უსაფრთხოების ახალ საგანგებო პროტოკოლზე. ინიციატივა ითვალისწინებს ერთობლივი მოქმედებებისა და პასუხების შემუშავებას რუსეთის მხრიდან მომდინარე ჰიბრიდულ საფრთხეებზე, მათ შორის დივერსიებზე, საჰაერო სივრცის დარღვევებსა და ხანძრის გაჩენის დივერსიულ ფაქტებზე.„მინისტრებს პირველი შესაძლებლობა ჰქონდათ, აზრები გაეცვალათ უსაფრთხოების ახალი საგანგებო პროტოკოლის იდეასთან დაკავშირებით. ასეთი მექანიზმი უზრუნველყოფს კოორდინაციას „რუხ ზონაში“ განხორციელებულ შეტევებზე რეაგირებისთვის“, - განაცხადა კაია კალასმა.ევროკავშირის მთავარმა დიპლომატმა აღნიშნა, რომ ამჟამად რუსეთის მხრიდან ადგილი აქვს დივერსიების, ხანძრების გაჩენისა და საჰაერო სივრცის დარღვევის მრავალრიცხოვან შემთხვევებს.„ევროკავშირის მხრიდან დამნაშავეების წინააღმდეგ დაწესებული სანქციები და რუსი დიპლომატების გაძევება შედეგს იძლევა, თუმცა უნდა ვიფიქროთ, კიდევ რისი გაკეთება გვმართებს. რა თქმა უნდა, ხაზგასასმელია, რომ ეს ავსებს ნატოს მექანიზმებს და ევროკავშირს რუსეთის ჰიბრიდულ შეტევებზე უფრო მტკიცე პასუხის გაცემის საშუალებას აძლევს“, - დასძინა მან.კალასის განმარტებით, ეს იყო „პირველი, ძალიან საწყისი ეტაპის დისკუსია“, რის შედეგადაც გადაწყდა, რომ წევრ ქვეყნებთან მსჯელობა სხვადასხვა დონესა და ფორმატში, მათ შორის ბრიუსელში დიპლომატების დონეზე, გაგრძელდება.ცნობისთვის, ევროკავშირი ამზადებს უსაფრთხოების ახალ სტრატეგიას, რომელიც რუსეთს ევროკავშირის უსაფრთხოების მთავარ საფრთხედ განსაზღვრავს. მანამდე დანიურმა დაზვერვამ გააფრთხილა მოკავშირეები, რომ მომდევნო თვეების განმავლობაში რუსეთი ჰიბრიდული ხასიათის შეტევების გაძლიერებას გეგმავს.

რჩევები • 1790609820

პიკანტური მწნილი, რომელიც სოციალურ ქსელში პოპულარულია - მომზადების წესი

ეს არის საოცრად დახვეწილი, პიკანტური და არომატული წასახემსებელი, რომელიც იდეალურად ავსებს ხორცის კერძებს, შემწვარ ფრინველს (იხვს, ინდაურს), ყველის დაფებსა და სალათებს. ძმრის სიმჟავის, შაქრის ტკბილი ნოტებისა და არომატული სანელებლების (დარიჩინი, მიხაკი) სინთეზი შავქლიავს განსაკუთრებულ, დაუვიწყარ გემოს ანიჭებს.მისი მომზადება ძალიან მარტივია, ხოლო მაცივარში ინახება რამდენიმე კვირის (ან თვის) განმავლობაში.მომზადების დრო: 10 წუთი ხარშვის დრო: 10–12 წუთი ულუფა: 1 ქილა (დაახლოებით 500 მლ) ინგრედიენტებიშავი ქლიავის ჩირი (უკურკო): 300–350 გრამი;ვაშლის ძმარი (ან წითელი ღვინის ძმარი): ¾ ჭიქა (180 მლ);წყალი: ¾ ჭიქა (180 მლ);შაქარი (ან ყავისფერი შაქარი): ½ ჭიქა (100 გრამი);დარიჩინის ჩხირი: 1 ცალი;მიხაკი (მთლიანი): 4-5 ცალი;ბადიანი (ვარსკვლავისებრი ანისი): 1 ცალი (სურვილისამებრ);მარილი: ¼ ჩაის კოვზი;ფორთოხლის ან ლიმონის ცედრა: 2-3 თხელი ზოლი (სურვილისამებრ).მარინადის მომზადებაპატარა ქვაბში შეურიეთ წყალი, ვაშლის ძმარი, შაქარი და მარილი.ჩაამატეთ სანელებლები: დარიჩინის ჩხირი, მიხაკი, ბადიანი და ციტრუსის ცედრა.დადგით ქვაბი საშუალო ცეცხლზე და მიიყვანეთ ადუღებამდე. ურიეთ, სანამ შაქარი სრულად არ დადნება (დაახლოებით 2–3 წუთი).შავი ქლიავის მოხარშვა მარინადშიჩაყარეთ შავი ქლიავის ჩირი მდუღარე მარინადში.შეამცირეთ ცეცხლი დაბალზე და ადუღეთ ნელ-ნელა 8–10 წუთის განმავლობაში. შავი ქლიავი უნდა დარბილდეს, გაიბეროს და შეიწოვოს არომატული სითხე, თუმცა არ უნდა დაიშალოს.ჩასხმა და დავარგებაგადმოდგით ქვაბი ცეცხლიდან და აცადეთ ოდნავ გაგრილება.გადაიტანეთ შავი ქლიავი მარინადსა და სანელებლებთან ერთად სუფთა, სტერილიზებულ მინის ქილაში.დააფარეთ თავსახური და დატოვეთ ოთახის ტემპერატურაზე სრულ გაგრილებამდე.შეინახეთ მაცივარში.სასარგებლო რჩევები:დავარგების დრო: მართალია, მწნილის ჭამა მომზადებისთანავე შეიძლება, თუმცა 24–48 საათის მაცივარში დაყოვნების შემდეგ გემოები გაცილებით უკეთ იხსნება.როგორ მივირთვათ? იდეალურად უხდება შემწვარ ღორის ხორცს, იხვის მკერდს, ღვიძლის პაშტეტს, მძაფრი გემოს მქონე ყველს (მაგ. ბრი, კამამბერი, ლურჯი ყველი) ან უბრალოდ გახეხილ მოხარშულ ჭარხალს.შენახვა: მაცივარში მჭიდროდ დახურული ქილით ინახება 1-იდან 2 თვემდე.

საზოგადოება • 1790449015

კლავს თუ არა საპონი ბაქტერიებს - 4 მითი, რომელიც დღემდე გვჯერა

დღეს საპონი ჩვენი ყოველდღიურობის ისეთი ბუნებრივი ნაწილია, რომ იშვიათად ვფიქრობთ მის წარმოშობასა თუ იმ ლეგენდებზე, რომლებიც საუკუნეების განმავლობაში მას უკავშირდებოდა. საპნის ისტორია უძველეს ცივილიზაციებს უკავშირდება, ხოლო მის გარშემო არსებული მითები დღემდე გავლენას ახდენს ჩვენს ჰიგიენურ ჩვევებზე.ისტორიული გზა: შუმერებიდან თანამედროვეობამდე.უძველესი რეცეპტები: საპნის მსგავსი ნივთიერების პირველი წერილობითი მოხსენიება ძველ შუმერებს უკავშირდება (ძვ.წ. 2200 წელი). თიხის ფირფიტებზე აღმოჩენილი რეცეპტი აღწერს წყლის, ტუტისა და კასიის (დარიჩინისებრი მცენარე) ზეთის ნარევს, რომელსაც ძირითადად მატყლის დასამუშავებლად და სამკურნალოდ იყენებდნენ.ეგვიპტელები და რომაელები: ეგვიპტეში ებერსის პაპირუსი (ძვ.წ. 1500 წ.) ადასტურებს, რომ ადგილობრივები ცხოველურ და მცენარეულ ცხიმებს ალკალოიდურ მარილებს ურევდნენ და მიღებულ მასას ტანის დასაბანად იყენებდნენ.შუა საუკუნეების ევროპა: შუა საუკუნეებში საპნის წარმოება ფუფუნების საგნად იქცა. განსაკუთრებით გაითქვა სახელი მარსელის, ვენეციისა და კასტილიის მცენარეულ ზეთებზე (განსაკუთრებით ზეთისხილის ზეთზე) დამზადებულმა საპნებმა.ცნობილი მითები საპნის შესახებ.1. მითი: „საპონი ბაქტერიებსა და ვირუსებს კლავს“.რეალობა: სტანდარტული საპონი ბაქტერიებს არ „კლავს“ ანტიბიოტიკის მსგავსად. საპნის მოლეკულას აქვს ორმაგი ბუნება: ერთი ბოლო ეკვრის წყალს, ხოლო მეორე — ცხიმს. ვინაიდან ვირუსებისა და ბაქტერიების გარსი ცხიმოვანია, საპონი შლის ამ გარსს, აშორებს მათ კანის ზედაპირიდან.2. მითი: „რომაული მითი საპოს მთის შესახებ“.ლეგენდის თანახმად, სიტყვა „საპონი“ (Soap) წარმოიშვა „საპოს მითიური მთიდან“, სადაც ღმერთებს ცხოველებს სწირავდნენ. შეწირული ცხოველური ცხიმი და ხის ნაცარი წვიმას მდინარე ტიბრში ჩაჰქონდა, სადაც ქალები სარეცხს რეცხავდნენ და შენიშნეს, რომ ეს ნარევი ტანსაცმელს უკეთ წმენდდა. თუმცა, ისტორიკოსები მიიჩნევენ, რომ ეს მხოლოდ ლამაზი ეტიმოლოგიური ლეგენდაა და რომაელებმა საპნის დამზადება გალებისგან ისწავლეს.3. მითი: „რაც უფრო მეტ ქაფს წარმოქმნის საპონი, მით უკეთესად წმენდს“.რეალობა: ქაფის რაოდენობა არ განსაზღვრავს გასუფთავების ხარისხს. უხვი ქაფი ხშირად სინთეზური დანამატების (მაგალითად, SLS) შედეგია. ნატურალური და მაღალი ხარისხის საპნები შესაძლოა ნაკლებად ქაფდებოდეს, თუმცა იდეალურად ასრულებდეს თავის ფუნქციას.4. მითი: „შუა საუკუნეების ევროპაში საერთოდ არ იბანდნენ“.რეალობა: გავრცელებული შეხედულების საპირისპიროდ, შუა საუკუნეებში საზოგადოებრივი აბანოები საკმაოდ პოპულარული იყო. ჰიგიენის მიმართ შიში ევროპაში მოგვიანებით, აღორძინების ხანაში გაჩნდა, როდესაც შავი ჭირის ეპიდემიის დროს ითვლებოდა, რომ ცხელი წყალი და საპონი კანის ფორებს ხსნიდა და დაავადებას ორგანიზმში უშვებდა.

სამართალი • 1790422860

შინაგან საქმეთა სამინისტრო განცხადებას ავრცელებს

შინაგან საქმეთა სამინისტრო განცხადებას ავრცელებს.„გვსურს გამოვეხმაუროთ ბელარუსის რესპუბლიკის მოქალაქის, ლევ მიხეევის შესახებ სხვადასხვა წყაროში გავრცელებულ არასწორ, დამახინჯებულ და ინტერპრეტირებულ ინფორმაციას.თავდაპირველად განვმარტავთ, რომ შინაგან საქმეთა სამინისტროს მიგრაციის დეპარტამენტში უცხო ქვეყნის მოქალაქესთან, რომელიც ქართულ ენას არ ფლობს, კომუნიკაცია ხორციელდება თარჯიმნის მონაწილეობით. მათ შორის, პირისთვის დოკუმენტების გაცნობისა და ხელმოწერის პროცესში უზრუნველყოფილია შესაბამისი ინფორმაციის მისთვის გასაგებ ენაზე თარგმნა და განმარტება.შესაბამისად, სიმართლეს არ შეესაბამება გავრცელებული ინფორმაცია, თითქოს ლევ მიხეევს ხელი მოაწერინეს მისთვის გაუგებარ, ქართულ ენაზე შედგენილ დოკუმენტებზე ისე, რომ მას არ ჰქონდა ინფორმაცია მათი შინაარსის შესახებ. დოკუმენტებზე ხელმოწერამდე მას თარჯიმნის მეშვეობით მიეწოდა შესაბამისი ინფორმაცია და განემარტა მათი შინაარსი.ასევე განვმარტავთ, რომ უცხო ქვეყნის მოქალაქეთა შესაბამის სასაზღვრო გამშვებ პუნქტამდე გადაყვანა ხორციელდება სპეციალურად გამოყოფილი საბადრაგო ავტოსატრანსპორტო საშუალებებით. უშუალოდ ლევ მიხეევის გადაყვანა განხორციელდა 2025 წელს გამოშვებული „IVECO“-ს ბრენდის ავტოსატრანსპორტო საშუალებით.საზოგადოების დეტალური ინფორმირების მიზნით, ასევე განვმარტავთ, რომ ლევ მიხეევმა შინაგან საქმეთა სამინისტროს მიგრაციის დეპარტამენტს საერთაშორისო დაცვის მოთხოვნით 2021 წელს მიმართა. საკუთარ მოთხოვნას იგი ბელარუსის რესპუბლიკაში მის პოლიტიკურ აქტივობას უკავშირებდა.მიგრაციის დეპარტამენტმა „საერთაშორისო დაცვის შესახებ“ საქართველოს კანონით დადგენილი სტანდარტების დაცვით შეისწავლა აღნიშნული საქმე და 2024 წლის 27 სექტემბერს ლევ მიხეევს უარი უთხრა საერთაშორისო დაცვის მინიჭებაზე, ვინაიდან, დეპარტამენტის გადაწყვეტილების თანახმად, არ არსებობდა კანონით გათვალისწინებული სტატუსის მინიჭების სამართლებრივი საფუძველი.აღნიშნული გადაწყვეტილება ლევ მიხეევმა გაასაჩივრა თბილისის საქალაქო და სააპელაციო სასამართლოებში. ორივე ინსტანციის სასამართლომ ძალაში დატოვა მიგრაციის დეპარტამენტის გადაწყვეტილება. შესაბამისად, 2026 წლის 29 ივნისიდან ლევ მიხეევი საქართველოში აღარ ითვლებოდა თავშესაფრის მაძიებლად.2026 წლის 25 სექტემბერს შინაგან საქმეთა სამინისტროს მიგრაციის დეპარტამენტის თანამშრომლებმა გამოავლინეს ბელარუსის რესპუბლიკის მოქალაქე ლევ მიხეევი, რომელიც ქვეყანაში კანონიერი საფუძვლის გარეშე იმყოფებოდა.„უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონის 64-ე მუხლის მე-2 პუნქტის „ბ“ ქვეპუნქტის შესაბამისად, იგი დაკავებულ იქნა და შემდგომი გაძევების მიზნით მოთავსდა მიგრაციის დეპარტამენტის დროებითი განთავსების ცენტრში.დაკავების შემდეგ ლევ მიხეევს, თარჯიმნის მონაწილეობით, მიგრაციის დეპარტამენტის თანამშრომლებმა განუმარტეს მისი სამართლებრივი მდგომარეობა, მათ შორის ის გარემოება, რომ იგი ქვეყანაში კანონიერი საფუძვლის გარეშე იმყოფებოდა. ამასთან, მას მიეცა შესაძლებლობა, საქართველო ნებაყოფლობით დაეტოვებინა მისთვის სასურველი მიმართულებით.ლევ მიხეევმა ისარგებლა კანონით მინიჭებული შესაძლებლობით და საქართველო მისთვის უსაფრთხო მესამე ქვეყნის მიმართულებით დატოვა.“ - წერია გავრცელებულ განცხადებაში.

პოლიტიკა • 1790357520

მაკა ბოჭორიშვილი ბელარუსის საგარეო საქმეთა მინისტრს შეხვდა

გაეროს გენერალური ასამბლეის 81-ე სესიის ფარგლებში, ბელარუსის მხარის ინიციატივით გაიმართა საქართველოს ვიცე-პრემიერის, საგარეო საქმეთა მინისტრის მაკა ბოჭორიშვილის შეხვედრა ბელარუსის რესპუბლიკის საგარეო საქმეთა მინისტრთან მაქსიმ რიჟენკოვთან.შეხვედრისას საუბარი შეეხო ორი ქვეყნისათვის პრიორიტეტულ საკითხებს, მათ შორის, სავაჭრო-ეკონომიკურ ურთიერთობებს.ყურადღება გამახვილდა საქართველოს სუვერენიტეტისა და ტერიტორიული მთლიანობის მხარდაჭერის მნიშვნელობაზე.

საზოგადოება • 1790331249

სურსათის სააგენტო ბაღებში ნოროვირუსის შემთხვევებს იკვლევს - 129 ნიმუშის პასუხი ცნობილია

სურსათის ეროვნული სააგენტო განცხადებას ავრცელებს:„საბავშვო ბაღებიდან აღებული ცხოველური და არაცხოველური სურსათის 129 ნიმუშში დარღვევა არ გამოვლინდასურსათის ეროვნული სააგენტო საბავშვო ბაგა-ბაღებში მონიტორინგს განაგრძობს.ლაბორატორიული კვლევის მიზნით, საბავშვო ბაღებიდან აღებულია ცხოველური და არაცხოველური წარმოშობის სურსათის ნიმუშები, კერძოდ: ხილ-ბოსტნეული, რძის ნაწარმი (ყველი, რძის ფხვნილი, ულტრაპასტერიზებული სასმელი რძე, ნაღების კარაქი, არაჟანი), ხორცი და ხორცპროდუქტები (საქონლის ხორცი, ქათმის ხორცი), ასევე მარცვლეული.ლაბორატორიული შემოწმება ხორციელდება ისეთ მაჩვენებლებზე, როგორებიცაა: მძიმე მეტალები, ნიტრატები, მიკრობიოლოგიური მაჩვენებლები და პათოგენები (აერობული მიკროორგანიზმები, კოლიფორმები, სალმონელა, შიგელა, კოაგულაზა-დადებითი სტაფილოკოკი).ამ დროისთვის გამოკვლეულია საბავშვო ბაღებიდან აღებული ცხოველური და არაცხოველური სურსათის 129 ნიმუში. ლაბორატორიული კვლევის შედეგად, ყველა გამოკვლეული ნიმუში სრულად აკმაყოფილებს დადგენილ სტანდარტებსა და უვნებლობის ნორმებს - დარღვევა არცერთ შემთხვევაში არ გამოვლენილა.თბილისის საბავშვო ბაგა-ბაღებში აღსაზრდელთა შორის ნოროვირუსით გამოწვეულ გასტროენტერიტის შემთხვევებთან დაკავშირებით, სურსათის ეროვნულმა სააგენტომ კომპლექსური მოკვლევა მყისიერად დაიწყო.სააგენტოს ინსპექტირების ჯგუფებმა შეამოწმეს 70-მდე ობიექტი (საჯარო ბაგა-ბაღები, ხორცის საწარმო, რძის პროდუქტების საწყობი). ლაბორატორიული კვლევისთვის ჯამში აღებულია სხვადასხვა დასახელების სურსათისა და სასმელი წყლის 694 ნიმუში, რომელთა კვლევის შედეგებიც ეტაპობრივად გახდება ცნობილი“,- ნათქვამია განცხადებაში. 

მსოფლიო • 1790318217

შმიგალი: უკრაინამ მიიღო ორი დოკუმენტი, რომლებშიც დეტალურადაა აღწერილი რუსეთის გეგმები მიმდინარე ზამთარში ენერგოსისტემაზე თავდასხმის შესახებ

უკრაინამ მიიღო ორი დოკუმენტი, რომლებშიც დეტალურადაა აღწერილი რუსეთის გეგმები მიმდინარე ზამთარში ენერგოსისტემაზე თავდასხმის შესახებ, – ამის შესახებ უკრაინის ენერგეტიკის მინისტრმა, დენის შმიგალმა განაცხადა.მისი თქმით, დოკუმენტებში დეტალურად არის აღწერილი, რომელი ობიექტების, რა რაოდენობითა და რა ტიპის იარაღით დაბომბვას გეგმავს რუსეთი.„გასულ კვირას ჩვენმა სპეცსამსახურებმა რუსული მხარისგან მიღებული მასალები გადმოგვცეს. ეს არის რუსი ტერორისტების ამ ზამთრის სამოქმედო სტრატეგია“, – განაცხადა შმიგალმა.უკრაინის ენერგეტიკის მინისტრის განცხადებით, რუსეთი კომპლექსური დარტყმებისთვის ემზადება, მათ შორის, გათბობისა და წყალმომარაგების სისტემებზე, ინფრასტრუქტურასა და ელექტროენერგიის გამომუშავების ობიექტებზე.„იქ ორი ვრცელი დოკუმენტია, ყველაფერი ძალიან მკაფიოდ და დეტალურად არის გაწერილი. ცხრილებში მითითებულია თითოეული ობიექტის გასანადგურებლად საჭირო იარაღის რაოდენობა და სახეობები. ჩვენ გვესმის, როგორ იმოქმედებენ ისინი“, – აღნიშნა უკრაინის ენერგეტიკის მინისტრმა.შმიგალის თქმით, რუსეთის გეგმებში ცალკე არის გათვალისწინებული მსხვილ ქალაქებთან დაკავშირებული გეგმებიც, მათ შორის კიევზე, ხარკოვზე და ოდესაზე, ასევე ქალაქებზე, რომელთა მოსახლეობაც ნახევარ მილიონს აღემატება.მინისტრის განცხადებით, უკრაინა ზამთრისთვის და რუსეთის შესაძლო თავდასხმებისთვის ემზადება. მისივე თქმით, უკვე აშენებულია 200-ზე მეტი კაპიტალური, ბეტონის დამცავი ნაგებობა იმ ობიექტებზე, რომლებიც რუსეთმა პრიორიტეტულ სამიზნეებად განსაზღვრა.შმიგალის განცხადებით, უკრაინა პარტნიორებთან ერთად ასევე მუშაობს საჭირო აღჭურვილობის შესყიდვასა და მარაგების შექმნაზე, რათა შესაძლო თავდასხმების შემდეგ დაზიანებული ინფრასტრუქტურის აღდგენა ოპერატიულად შეძლოს.შმიგალმა აღნიშნა, რომ ენერგეტიკის მთელი სისტემის ბეტონის კონსტრუქციებით დაცვა შეუძლებელია.„რა თქმა უნდა, დღეს საჰაერო თავდაცვა 90-პროცენტიან დაცვას უზრუნველყოფს, მაგრამ ათასობით რაკეტისა და დრონის შემთხვევაში, დარჩენილი 10 პროცენტიც კი ძალიან მტკივნეულია“, – განაცხადა შმიგალმა.

მსოფლიო • 1790269676

ფრანგი მსახიობი და მომღერალი მარინა ვლადი გარდაიცვალა

ფრანგი მსახიობი, მომღერალი და მწერალი მარინა ვლადი 88 წლის ასაკში გარდაიცვალა.მისი გარდაცვალება 24 სექტემბერს მსახიობის ოჯახმა დაადასტურა სააგენტო AFP-სთვის. ოჯახის წევრების განცხადებით, ვლადი სახლში, შვილებისა და ახლობლების, ასევე საყვარელი ცხოველების გარემოცვაში გარდაიცვალა. გარდაცვალების მიზეზი ამ დროისთვის არ გახმაურებულა.მარინა ვლადი — ნამდვილი სახელით ეკატერინა-მარინა ვლადიმიროვნა პოლიაკოვა-ბაიდაროვა — 1938 წლის 10 მაისს, პარიზის მახლობლად, კლიში-ლა-გარენში დაიბადა რუსი ემიგრანტების ოჯახში. მისი მამა ოპერის მომღერალი ვლადიმირ პოლიაკოვ-ბაიდაროვი იყო, დედა კი — ცნობილი მოცეკვავე მილიცა ენვალდი.ოჯახში ხელოვნებას განსაკუთრებული ადგილი ეკავა. მარინა ბავშვობიდან სწავლობდა ბალეტს პარიზის ოპერის სკოლაში და თავდაპირველად მოცეკვავეობაზე ოცნებობდა, თუმცა საბოლოოდ მსახიობობა აირჩია. ეკრანზე მისი პირველი გამოჩენა ჯერ კიდევ ბავშვობაში, დაახლოებით 10 წლის ასაკში შედგა.კინოკარიერა და კანში მიღებული მთავარი ჯილდომარინა ვლადის კარიერა რამდენიმე ათწლეულს გაგრძელდა. სხვადასხვა წყაროს მიხედვით, მან 80-ზე მეტ ფილმში ითამაშა, ხოლო ზოგი ბიოგრაფიული წყარო მის კინონამუშევრებს 100-ზე მეტ როლსაც უთვლის.მის კარიერაში ერთ-ერთი უმნიშვნელოვანესი ეტაპი 1963 წელი იყო, როდესაც მან რეჟისორ მარკო ფერერის ფილმში L’Ape Regina — ინგლისურად The Conjugal Bed — რეგინას როლი შეასრულა.ფილმი იმავე წელს კანის კინოფესტივალის კონკურსში მონაწილეობდა და მარინა ვლადიმ საუკეთესო მსახიობი ქალის ჯილდო მიიღო. ეს ფაქტი კანის ფესტივალის ოფიციალურ არქივშიც არის დადასტურებული.ვლადის კარიერაში სხვა მნიშვნელოვანი ნამუშევრებიც იყო. იგი მუშაობდა ისეთ რეჟისორებთან, როგორებიც იყვნენ ორსონ უელსი და ჟან-ლიუკ გოდარი. კანის ფესტივალის არქივი მას ხუთ კონკურსანტ ფილმთან აკავშირებს, მათ შორის Avant le déluge, L’Ape Regina, La Cage, Chimes at Midnight და Splendor.ვლადიმერ ვისოცკი — მისი ცხოვრების ყველაზე ცნობილი სიყვარულითუმცა ყოფილ საბჭოთა კავშირსა და რუსულენოვან სამყაროში მარინა ვლადის სახელი განსაკუთრებით მჭიდროდ უკავშირდება პოეტს, მსახიობსა და მომღერალს ვლადიმერ ვისოცკის.ისინი 1970 წელს დაქორწინდნენ და ერთად 1980 წლამდე, ვისოცკის გარდაცვალებამდე ცხოვრობდნენ.მათი ურთიერთობა საბჭოთა კულტურის ერთ-ერთ ყველაზე ცნობილ სასიყვარულო ისტორიად იქცა. მარინა ვლადი საფრანგეთში ცხოვრობდა, ვისოცკი კი საბჭოთა კავშირში, რის გამოც მათი ურთიერთობა ხშირად ხანგრძლივ განშორებასა და რთულ მოგზაურობებს უკავშირდებოდა.ვისოცკის გარდაცვალების შემდეგ ვლადიმ ეს ურთიერთობა საკუთარ მემუარებში აღწერა. 1980-იან წლებში მისი მოგონებები წიგნად გამოიცა სახელწოდებით „ვლადიმერი, ანუ შეწყვეტილი ფრენა“ (Vladimir, or Interrupted Flight), რომელმაც მათი სიყვარულისა და ერთად გატარებული წლების შესახებ უამრავი დეტალი შემოინახა.ოთხი ქორწინება და ოჯახიმარინა ვლადი ოთხჯერ იყო დაქორწინებული.მისი პირველი მეუღლე მსახიობი და რეჟისორი რობერ ოსეინი იყო. მოგვიანებით იგი დაქორწინდა ავიატორ ჟან-კლოდ ბრუიეზე, შემდეგ კი — ვლადიმერ ვისოცკიზე.მეოთხე მეუღლე იყო ონკოლოგი ლეონ შვარცენბერგი, რომელთანაც ვლადი 23 წლის განმავლობაში ცხოვრობდა. შვარცენბერგი 2003 წელს ღვიძლის კიბოთი გარდაიცვალა.ოთხი დის ოჯახი, რომელმაც ფრანგული კინო გაამდიდრამარინა ვლადი ოთხი დიდან ერთ-ერთი იყო და მისმა დებმაც ხელოვნების სფეროში გააგრძელეს კარიერა.ოჯახის ისტორია რუსეთის ემიგრაციასთან იყო დაკავშირებული. მშობლები საფრანგეთში ბოლშევიკური რევოლუციის პერიოდში აღმოჩნდნენ. სწორედ ამ გარემომ განსაზღვრა მარინას ცხოვრების მნიშვნელოვანი ნაწილი — იგი ერთდროულად იყო ფრანგული კულტურის ნაწილი და რუსულენოვან სამყაროსთანაც განსაკუთრებული კავშირი ჰქონდა.მსახიობი, მომღერალი და მწერალივლადი მხოლოდ კინოთი არ შემოიფარგლებოდა.იგი მღეროდა, წერდა და სიცოცხლის განმავლობაში რამდენიმე წიგნი გამოაქვეყნა. განსაკუთრებით მნიშვნელოვანი გახდა მისი მემუარები ვისოცკის შესახებ, რომლებმაც რუსულენოვან საზოგადოებას მსახიობისა და პოეტის პირადი ურთიერთობის შესახებ მისი ხედვა გააცნო.მისი ცხოვრების მნიშვნელოვანი ნაწილი ასევე დაკავშირებული იყო ვისოცკის შემოქმედებასთან — ისინი ერთად მღეროდნენ და ვლადი მოგვიანებით მისი სიმღერების პოპულარიზაციაშიც მონაწილეობდა.მარინა ვლადი — ქალი, რომელიც ორ კულტურულ სამყაროს შორის იდგამარინა ვლადის კარიერა უჩვეულო იყო იმითაც, რომ იგი ერთდროულად იყო ფრანგული კინოს ცნობილი სახე და საბჭოთა კულტურის ერთ-ერთი ყველაზე გამორჩეული ფიგურის — ვლადიმერ ვისოცკის — ცხოვრების თანამგზავრი.1963 წელს კანში მიღებულმა საუკეთესო მსახიობი ქალის ჯილდომ მას საერთაშორისო კინოში მაღალი სტატუსი მოუტანა, ხოლო ვისოცკისთან ურთიერთობამ მისი სახელი სამუდამოდ დაუკავშირა საბჭოთა და რუსულ კულტურულ მემკვიდრეობას.მარინა ვლადი 24 სექტემბერს, 88 წლის ასაკში გარდაიცვალა.მისი ოჯახის განცხადებით, ცხოვრების ბოლო წუთებში იგი სახლში, საყვარელი ადამიანებისა და ცხოველების გარემოცვაში იმყოფებოდა. ოჯახის წევრებმა მის ცხოვრებას „ხანგრძლივი, ლამაზი და სრულყოფილი“ უწოდეს.