საზოგადოება • 1766167347

„პაციენტს წყლის დალევის სურვილი არ აქვს... იწვევს სახსრების ძლიერ ტკივილს...“ - რა სიმპტომები ახასიათებს ღორის გრიპს და როდის უნდა მივმართოთ ექიმს აუცილებლად

ე.წ. ღორის გრიპს პირველი ორი დღე 38 გრადუსი ტემპერატურა ახასიათებს. ხანდახან, 40 გრადუსიც. ასევე, სახსრების ძლიერი, გაუსაძლისი ტკივილი. კუნთების ტკივილთან ერთად, მთელი ორგანიზმის სახსროვანი პრობლემების წამოწევა,- ამის შესახებ პროფესორი, კლინიკური ექსპერტი, მაკა ბულეიშვილი საუბრობს:მისი თქმით, ე.წ. ღორის გრიპს ძლიერი საერთო სისუსტე ახასიათებს. პაციენტს წყლის დალევის სურვილი არ აქვს. სითხე, წყალი ძალიან მნიშვნელოვანია. ეს ვირუსი დეჰიდრატაციას იწვევს. 2-3 დღის განმავლობაში შეიძლება, ხველაც ჩამოყალიბდეს. ხველა იმდენად წამყვანი შეიძლება, არ იყოს პირველი-სამი დღე. თავის ტკივილიც ახასიათებს. გარდა ამისა, დასაწყისში გაბრუება ახასიათებს. პაციენტი ადინამიურია. თითქოს, არაფერი არ შეუძლია... ინკუბაციური პერიოდი 5-7 დღეა. ამ პერიოდში, წესით, მდგომარეობა უნდა გამოსწორდეს.განსაკუთრებული ყურადღება უნდა გავამახვილო ქრონიკული პათოლოგიების მქონე ადამიანებზე. ქრონიკული დაავადებები ასაკოვან ადამიანებსაც აქვთ და ახალგაზრდებსაც. იმ ადამიანებს, რომლებსაც აქვთ ასთმა, ქრონიკული ბრონქიტი, ოკუპაციური დაავადებები, ფილტვის ქრონიკული ობსტრუქციული დაავადება და სხვა პათოლოგიები, გართულების რისკის ჯგუფში არიან. შეიძლება, პნევმონიით გართულდეს. როდესაც 3-4-5 დღე მაღალი ტემპერატურაა, სიმპტომები მილევადი კი არ არის, არამედ კიდევ და კიდევ იმატებს, ასეთ შემთხვევაში, ექიმს აუცილებლად უნდა მივმართოთ. ასევე, შესაძლოა, დეჰიდრატაცია განვითარდეს. ადამიანი სითხეს ვერ იღებს და გაბრუებულია. ძლიერი საერთო სისუსტე ახასიათებს.

რეგიონი • 1766145820

ჩვენ მაქსიმალურად ვართ ჩართული რომ ფერმერებს ციტრუსის შეუფერხებელი რეალიზაციის პირობები შევუქმნათ - სულხან თამაზაშვილი

აჭარის მთავრობის თავმჯდომარე სულხან თამაზაშვილი, საქართველოს გარემოს დაცვისა და სოფლის მეურნეობის მინისტრი დავით სონღულაშვილი და აჭარის სოფლის მეურნეობის მინისტრი დენის სალუქვაძე ქობულეთის მუნიციპალიტეტში ციტრუსის მიმღებ-გადამმუშავებელ საწარმოებში იმყოფებოდნენ, სადაც ადგილზე გაეცნენ ციტრუსის საწარმოო პროცესს.აჭარის მთავრობის თავმჯდომარემ რეგიონში ციტრუსის რთველის მიმდინარეობა შეაფასა. მისი განცხადებით, ხელისუფლება მაქსიმალურად არის ჩართული, რათა ფერმერებს შეუფერხებელი რეალიზაციის პირობები შეექმნათ.,,დღეის მდგომარეობით, ექსპორტირებულია 20 000 ტონამდე მანდარინი, რომლის საერთო ღირებულება 12 მილიონ დოლარს შეადგენს. ეს შედეგი ცხადყოფს, რომ ციტრუსის სეზონი შეუფერხებლად მიმდინარეობს და ქართული მანდარინი წარმატებით რეალიზდება, როგორც საერთაშორისო, ასევე, ადგილობრივ ბაზარზე. ჩვენ პროცესში აქტიურად ვართ ჩართული, რათა ფერმერებს შეუფერხებელი რეალიზაციის პირობები შევუქმნათ. პოზიტიური მოლოდინები გვაქვს, რომ მომდევნო დღეებში მანდარინის ექსპორტი საგრძნობლად გაიზრდება. ასევე, მინდა აღვნიშნო, რომ დღეის მდგომარეობით გადამუშავდა 12 ათას ტონამდე არასტანდარტული მანდარინი, რისთვისაც 4 მილიონ ლარამდე სუბსიდია გაიცა. ყოველივე ზემოთ აღნიშნული პირდაპირ აისახება, როგორც სოფლის მეურნეობის განვითარებაზე, ისე მოსახლეობის სოციალურ და ეკონომიკურ მდგომარეობაზე“ -  განაცხადა სულხან თამაზაშვილმა.ხელისუფლების წარმომადგენლებმა სტანდარტული მანდარინის მიმღები საწარმო შპს ,,იბერია ორბი ციტრუსი’’  და არასტანდარტული მანდარინის მიმღები შპს ,,Georgian industrial Asset Management Group” დაათვალიერეს.ციტრუსის საწარმოების საქმიანობას, ასევე, საქართველოს პარლამენტისა და აჭარის მთავრობის წარმომადგენლები გაეცნენ.

საზოგადოება • 1766142313

დავით სონღულაშვილი ქობულეთში ციტრუსის მოსავლის ჩაბარების პროცესს გაეცნო

გარემოს დაცვისა და სოფლის მეურნეობის მინისტრი დავით სონღულაშვილი აჭარის ავტონომიური რესპუბლიკის მთავრობის თავმჯდომარე სულხან თამაზაშვილთან, აჭარის ავტონომიური რესპუბლიკის სოფლის მეურნეობის მინისტრ დენის სალუქვაძესთან და საქართველოს პარლამენტის წევრებთან ერთად, ქობულეთში ციტრუსის მიმღებ-გადამმუშავებელ საწარმოში შპს „იბერია ორბი ციტრუსი“ იმყოფებოდა, სადაც საწარმოს ტექნოლოგიურ და საწარმოო პროცესებს გაეცნო. აღნიშნულ საწარმოს 24 საათის განმავლობაში 250 ტონა ციტრუსოვანთა ნაყოფის მიღება, დახარისხება და პარაფინირება შეუძლია.„უკვე ექსპორტირებულია 20 ათას ტონაზე მეტი პროდუქცია, რის შედეგადაც მიღებულია დაახლოებით 12 მილიონი აშშ დოლარის შემოსავალი. არასტანდარტული ციტრუსის ნაწილში სუბსიდირების ფარგლებში უკვე გამოყოფილია 4 მილიონი ლარი. განსაკუთრებით მნიშვნელოვანია, რომ წლევანდელი, უხვი მოსავლის პირობებში, მთლიანად მოხდეს პროდუქციის დაბინავება“, - განაცხადა დავით სონღულაშვილმა.მიმდინარე ციტრუსის სეზონზე კომპანია 4 000 ტონამდე ციტრუსოვანთა ნაყოფის მიღება-გადამუშავებას გეგმავს, რომელიც სრულად ექსპორტზე იქნება გატანილი. საწარმოში ამ ეტაპზე 100-მდე ადამიანია დასაქმებული.„იბერია ორბი ციტრუსი“ ასევე იღებს არასტანდარტულ მანდარინს, რომლის გადამუშავების სიმძლავრე 24 საათში 200 ტონამდე ნედლეულს შეადგენს. აღნიშნული ნედლეულისგან იწარმოება ციტრუსის კონცენტრატი, რომლის ექსპორტზე რეალიზაციაც უახლოეს მომავალში იგეგმება. საწარმოს ასევე გააჩნია 3 000 ტონიანი სამაცივრე მეურნეობა.გარემოს დაცვისა და სოფლის მეურნეობის სამინისტრო აგრძელებს ციტრუსის სექტორის მხარდაჭერას, რაც ხელს უწყობს ფერმერების შემოსავლების ზრდას და ქართული პროდუქციის საერთაშორისო ბაზრებზე კონკურენტუნარიანობის გაძლიერებას.გარემოს დაცვისა და სოფლის მეურნეობის მინისტრთან ერთად საწარმოში ასევე იმყოფებოდნენ გარემოს დაცვისა და სოფლის მეურნეობის მინისტრის მოადგილე ზურაბ ეზუგბაია, სოფლის განვითარების სააგენტოს დირექტორი ზურაბ გოზალიშვილი და სურსათის ეროვნული სააგენტოს უფროსის მოვალეობის შემსრულებელი გიორგი იაკობაშვილი.ინფორმაციას გარემოს დაცვისა და სოფლის მეურნეობის სამინისტრო ავრცელებს.

ომი უკრაინაში • 1766138732

რუსეთმა და უკრაინამ დაღუპული ჯარისკაცების ცხედრები გაცვალეს

რუსეთმა და უკრაინამ ერთმანეთში დაღუპული ჯარისკაცების ცხედრები გაცვალეს. ინფორმაციას რუსეთის პრეზიდენტის თანაშემწე ვლადიმერ მედინსკი ავრცელებს.მედინსკის განცხადებით, რუსულმა მხარემ უკრაინას 1003 დაღუპული უკრაინელის ცხედარი გადასცა, ხოლო უკრაინულმა მხარემ რუსეთს 26 დაღუპული რუსი ჯარისკაცის გვამი დაუბრუნა.როგორც მედინსკიმ განაცხადა, ცხედრების გაცვლის შესახებ გადაწყვეტილება სტამბოლში მიმდინარე წლის ივლისში რუსეთისა და უკრაინის დელეგაციების მოლაპარაკებების დროს მიიღეს.

ტექნოლოგიები • 1766128010

წითელი მგლურა დაკავშირებულია ვირუსთან, რომელსაც თითქმის ყველა ადამიანი ატარებს — ახალი კვლევა

მსოფლიოში ერთ-ერთი ყველაზე გავრცელებული ვირუსული ინფექცია შეიძლება წითელი მგლურას თითქმის ყველა შემთხვევის საფუძველი იყოს. ამის შესახებ იუწყება ახალი კვლევა, რომელიც ასეთი კავშირის შესახებ ამ დროისთვის ყველაზე ძლიერ მტკიცებულებას გვთავაზობს.სტენფორდის უნივერსიტეტის მეცნიერთა მიერ ჩატარებული კვლევის თანახმად, ამ ქრონიკული ავტოიმუნური დაავადების „სასტიკი საიდუმლოს“ უკან შეიძლება ეპშტაინ-ბარის ვირუსი (EBV) იმალებოდეს.ეპშტაინ-ბარის ვირუსი არის პათოგენი, რომელიც „კოცნის დაავადებას“ (მონონუკლეოზი) იწვევს და ახალი აღმოჩენების თანახმად, მას შეუძლია პირდაპირ დააინფიციროს და გადააპროგრამოს კონკრეტული იმუნური უჯრედები და ეს გახდეს სისტემური წითელი მგლურას, შემოკლებით მგლურას სიმპტომების დაწყების მიზეზი.„ეს არის ყველაზე შთამბეჭდავი აღმოჩენა, რაც კი ჩემს ლაბორატორიაში გამიკეთებია მთელი ჩემი კარიერის განმავლობაში. ვფიქრობთ, ის წითელი მგლურას შემთხვევათა 100 პროცენტს ერგება“, — ამბობს ლაბორატორიის ხელმძღვანელი, იმუნოლოგი უილიამ რობინსონი.ზრდასრულ ადამიანთა აბსოლუტურ უმეტესობას მთელ მსოფლიოში, ცხოვრების გარკვეულ ეტაპზე აქვს შეხება ეპშტაინ-ბარის ვირუსთან, რომელიც თითქმის არანაირ სიმპტომს არ იწვევს და ლატენტურად იმელაბე სხეულის უჯრედებში.თუმცა, წითელი მგლურას შემთხვევაში, აღინიშნება ღრმა ინფექცია, სავარაუდოდ იმიტომ, რომ მათ EBV-ის უფრო ძლიერი შტამი შეხვდათ. მკვლევრებმა დაადგინეს, რომ ამ ავტოიმუნური დაავადების მქონე პაციენტთა შორის, EBV-ით ინფიცირებული B-უჯრედების (B-ლიმფოციტები) მაჩვენებელი დაახლოებით 400-დან ერთია.ლაბორატორიაში, ინფექციამ B უჯრედებში ცვლილება შეიტანა, გაააქტიურა სისტემა, რომელიც განაპირობებს მათი ანთებისთვის განკუთვნილი გენების „ჩართვას“.„ამას კი აქვს პოტენციალი, რომ ხელი შეუწყოს სისტემური დაავადების გამომწვევ ავტოიმუნურ რეაქციებს“, — ირწმუნება მკვლევართა ჯგუფი, რომელსაც სტენფორდის უნივერსიტეტის იმუნოლოგი შედი იუნისი ხელმძღვანელობდა.აღმოჩენა შესაძლოა დაგვეხმაროს, ამოიხსნას დიდი ხნის საიდუმლო იმის შესახებ, თუ პირველ რიგში რა იწვევს წითელ მგლურას და რატომ მიმდინარეობს მისი სიმპტომები, ერთი შეხედვით შემთხვევითი ციკლებით — გამწვავებებითა და ჩაცხრობით.წითელი მგლურა იწვევს იმას, რომ იმუნური სისტემა შეცდომით თავს ესხმის საკუთარი სხეულის ჯანმრთელ ქსოვილებს, რამაც შეიძლება გამოიწვიოს ფართომასშტაბიანი ანთება, პოტენციურად მძიმე, სიცოცხლისთვის საშიში შედეგებით... სრულად

პოლიტიკა • 1766120693

არჩილ გორდულაძე: ევრობიუროკრატიის წარმომადგენლები ცდილობენ, რომ პირდაპირ გააუქმონ სუვერენიტეტი, ქვეყნის იდენტობა და მხოლოდ და მხოლოდ თავს მოხვეული დავალებებით, ფსევდო იდენტობებით მართონ ესა თუ ის ქვეყანა

 იურიდიულ საკითხთა საპარლამენტო კომიტეტის თავმჯდომარე არჩილ გორდულაძე ევროკავშირის ტრიბუნიდან გაკეთებულ განცხადებებს და ევროკავშირის საბჭოს ანგარიშს აფასებს.„ევრობიუროკრატიის წარმომადგენლები ცდილობენ, რომ პირდაპირ გააუქმონ სუვერენიტეტი, ქვეყნის იდენტობა და მხოლოდ და მხოლოდ თავს მოხვეული დავალებებით, ფსევდო იდენტობებით მართონ ესა თუ ის ქვეყანა. ყოველთვის ვამხელთ დეზინფორმაციის გავრცელებაში იმ არარჩეულ ხალხს, რომელიც ახლა მართავს ევროპას და რომელსაც ცივილიზაციურ უფსკრულამდე მიჰყავს ევროპა, როგორც ამას ამბობს ამერიკის შეერთებული შტატები“, - განაცხადა არჩილ გორდულაძემ.რუსეთისა და ბელორუსისთვის სანქციების დაწესება, ახალი არჩევნები, დაკავებულების გათავისუფლება, გამჭვირვალობის და ოჯახური ღირებულებების შესახებ კანონების გაუქმება - ასე გამოიყურება ევროკავშირის საბჭოს თავმჯდომარეობის მოთხოვნების სია, რომელიც საქართველოს წაუყენეს.

საზოგადოება • 1766078562

„მკვეთრად მოიმატა გრიპის შემთხვევებმა, ხშირად დასტურდება A ტიპის გრიპი“ - მაია ბუწაშვილის გაფრთხილება

ამჟამად, მკვეთრად მოიმატა გრიპის შემთხვევებმა. სწრაფი ტესტით და PCR კვლევით ხშირად დასტურდება A ტიპის გრიპი, - ამის შესახებ ინფექციონისტი მაია ბუწაშვილი სოციალურ ქსელში წერს და განმარტავს, როგორ დავუცვათ თავი გართულებისგან.„ბევრისგან ვისმენ მარადიულ ფრაზას: „რა აზრი ჰქონდა აცრას, მაინც გავცივდი“.ჯერ ერთი, გრიპის ვაქცინას არ აქვს იმის ამბიცია, რომ მისი გაკეთების შემდეგ „არ გავცივდებით“. აქვე დავამატებ, რომ „გაცივება“ არ არსებობს და სინამდვილეში ყველა ეს „გაცივება“ რომელიღაც ვირუსული ან ბაქტერიული ინფექციაა. მათ შორის მხოლოდ ერთ-ერთია გრიპის ვირუსი, რომელზეც კეთდება ვაქცინა. თუმცა, ადამიანები სასუნთქი გზების ყველა სიმპტომს „გრიპს“ ეძახიან.გრიპზე აცრილებსაც ემართებათ გრიპი, მაგრამ მათში ბევრად მსუბუქად მიმდინარეობს. შესაბამისად, აცრილებს გრიპი არ (ან ძალიან იშვიათად) ურთულდებათ პნევმონიით და არ სჭირდებათ ჰოსპიტალიზაცია. შეგახსენებთ, რომ აუცრელ ადამიანებში გრიპით სიკვდილის შემთხვევებიც არსებობს. სეზონური გრიპით მსოფლიოში ნახევარ მილიონზე მეტი ადამიანი იღუპება. ყოველ წელს, გრიპის ვირუსი ახალი ქვეტიპით გვევლინება. ამიტომ აცრა ყოველ წელს ტარდება. ვაქცინა ყველასთვის უფასოა და ჯერ კიდევ მიმდინარეობს, ვისაც ამ სეზონზე ჯერ არ ჩაუტარებია“, - ვკითხულობთ ბუწაშვილის ფეისბუკ პოსტში.

პოლიტიკა • 1766048802

შალვა პაპუაშვილი ევროსაბჭოში დანიის მიერ გამოქვეყნებულ დოკუმენტზე: ყველა ეს პასაჟი არის ბრიუსელის თვითმხილება, იმ მავნებლური პოლიტიკის მხილება, რომელსაც აწარმოებს საქართველოს წინააღმდეგ

დანიის მიერ გამოქვეყნებულ დოკუმენტში არსებული ყველა პუნქტი ეს არის ანტიქართული რიტორიკა, - განაცხადა საქართველოს პარლამენტის თავმჯდომარემ, შალვა პაპუაშვილმა ჟურნალისტებთან საუბრისას.მისივე თქმით, ევროსაბჭოზე დანიის მიერ ინიცირებული საკითხი ჩავარდა სწორედ იმიტომ, რომ ის იყო სავსე დეზინფორმაციით.„ყველა ეს პასაჟი არის ბრიუსელის თვითმხილება, იმ მავნებლური პოლიტიკის მხილება, რომელსაც აწარმოებს საქართველოს წინააღმდეგ.პირველი, ითხოვენ, რომ სრულ შესაბამისობაში მოვიდეთ რუსეთისა და ბელორუსის მიმართ ევროკავშირის მიერ დაწესებულ შეზღუდვებზე. ანუ, დავუწესოთ სანქციები რუსეთსა და ბელორუსს.მეორე, გვიკრძალავენ საგარეო პოლიტიკის ისე წარმოებას, რომელიც არ ემთხვევა ევროკავშირის საგარეო პოლიტიკურ კონკრეტულ გადაწყვეტილებებს. საუბარია, წელს გაეროში, როდესაც განიხილებოდა უკრაინასთან დაკავშირებით რეზოლუცია, საქართველომ მხარი დაუჭირა აშშ-ის მიერ ინიცირებულ რეზოლუციის ტექსტს და არა იმ ტექსტს, რომელსაც ევროკავშირი უჭერდა მხარს. ამას გვეუბნება ევროპული საბჭო, დანიის მიერ გამოქვეყნებული ამ ტექსტით - გვიკრძალავს, მხარი დაგვეჭირა ამერიკული ვარიანტისთვის. ეს არის პირდაპირი ხელყოფა საქართველოს სუვერენიტეტის, როდესაც ბრიუსელი მოითხოვს, რომ ჩვენი საგარეო პოლიტიკა რაღაც ვასალური საგარეო პოლიტიკის მსგავსად გვქონდეს და ბრიუსელმა განსაზღვროს; ჩვენი საგარეო პოლიტიკა და ჩვენი საგარეო პოლიტიკური ნაბიჯები, თურმე უნდა შევუთანხმოთ ბრიუსელს.მესამე, როდესაც საუბარია ე.წ. უსამართლოდ დაპატიმრებულების გათავისუფლებაზე - თქვენ დააკვირდით ერთ რამეს, არც ერთ განცხადებაში არ ამბობენ, ვის გულისხმობენ. რატომ არ ამბობენ, ვინ არიან უსამართლოდ დაპატიმრებულები?! უჩა აბაშიძეა უსამართლოდ? - აი, ეს არის მათი მორალი. მათი მორალი არის - ადამიანი, რომელიც საკუთარ ცოლს ჰყიდდა და სექსუალურ ექსპლუატაციას აკეთებდა იმისთვის, რომ დაეშანტაჟებინა სხვები, აი, ამ ადამიანის განთავისუფლებას ითხოვეს ბრიუსელი! უჩა აბაშიძე არის მათი მორალური დეგრადაციის დონე, როდესაც ითხოვენ უჩა აბაშიძის განთავისუფლებას“, - განაცხადა პაპუაშვილმა.მან ისაუბრა პაატა ბურჭულაძეც. პაპუაშვილის, თქმით, რომ არა უსაფრთხოების სამსახურები, სამართალდამცველები და სახელმწიფო დაცვის სპეციალური სამსახურის წარმომადგენლები, რომლებმაც პრეზიდენტის სასახლეზე შტურმის დროს პირველი დარტყმა მიიღეს, გაურკვეველი იქნებოდა, დღეს რა სიტუაცია გვექნებოდა საქართველოში.„ვინა აიღებდა ამაზე პასუხისმგებლობას?! მის გათავისუფლებას ითხოვს ბრიუსელი? ეს არის მათი მორალი, რომ ადამიანი, რომელიც პრეზიდენტის სასახლეზე შტურმს აორგანიზებს და აწყობს, ეს ადამიანი უნდა იყოს გარეთ, ეს არის მათი მორალი?!“, - აღნიშნა პაპუაშვილმა.მისივე თქმით, დანიის მიერ გამოქვეყნებულ დოკუმენტში არსებული ყველა პუნქტი ეს არის ანტიქართული რიტორიკა.ევროკავშირის წარმომადგენლობა საქართველოში ევროკავშირის საბჭოს თავმჯდომარეობის მიერ გაფართოებასთან დაკავშირებით გამოტანილი დასკვნებიდან ამონარიდებს აქვეყნებს. საქართველოზე საუბრისას, ანგარიშის ერთ-ერთ მონაკვეთში საქართველოს მიერ რუსეთისა და ბელარუსისთვის სანქციების დაწესებისკენ მოწოდებაა დაფიქსირებული.

პოლიტიკა • 1766005320

თეა წულუკიანი: ამ ხელისუფლებას დიახ, მიჰყავს საქართველო ევროპისკენ, მაგრამ არა საკუთარი ეროვნული ინტერესის და ეროვნული ღირებულებების ხარჯზე

ყველაფერს გავაკეთებთ, რომ მაგალითად უვიზო რეჟიმის შეზღუდვა და მიუღებლის იარლიყის მოწებება შეეხოს მაგალითად პარლამენტის ვიცე-სპიკერს თუ რომელიღაც მინისტრს, მაგრამ არ შეეხოს ჩემს რომელიღაც მეზობელს, რომელიც ან ბიზნესმენია, ან თავისი პატარა საქმის აწყობას ცდილობს, ახალგაზრდაა და წინ მომავალი აქვს, - განაცხადა გადაცემაში „იმედი LIVE” პარლამენტის თავმჯდომარის მოადგილემ თეა წულუკიანმა.მან სანქციების პოლიტიკასთან დაკავშირებით დასმულ კითხვას უპასუხა და აღნიშნა, რომ ევროპაში იარლიყების ეპოქა დგება.„მე ვარ დასანქცირებული, ვარ მიუღებელი, რადგან მაქვს განსხვავებული აზრი, მაქვს ისეთი რიტორიკა, რომელიც შენ გაწუხებს. მე დღეს ვფიქრობ, რომ რაღაც არ არის კარგად, რომ ორგანიზმში არის ვირუსი - შენ ეს არ მოგწონს და მომაკარი იარლიყი სანქციის სახით. ევროპაში იარლიყების ეპოქა დგება, იარლიყების ეპოქა ყველა ქვეყანაში არის საშიში ეპოქა. ჩვენ ეს ხმამაღლა უნდა ვთქვათ. მე და ჩემნაირი მოქალაქეები ყველაფერს ავიტანთ, იმიტომ რომ ჩვენ ვიცით რისთვის კეთდება ეს და რატომ არ უნდა გვეშინოდეს ამ იარლიყის. ჩვენი ფუნქციაა, რომ თუ ეს იარლიყები მაინც უნდა იყოს, იყოს ხელისუფლების წარმომადგენლებზე და ეს არ გავრცელდეს სხვა მოქალაქეებზე. ამას ჩვენ შევძლებთ მომავალ წელს თუ ვერ, წინასწარ ძნელია ითქვას, მაგრამ ამისთვის ყველაფერს გავაკეთებთ, რომ მაგალითად უვიზო რეჟიმის შეზღუდვა და გაუქმება და მიუღებლის იარლიყის მოწებება შეეხოს მაგალითად პარლამენტის ვიცე-სპიკერს თუ რომელიღაც მინისტრს, მაგრამ არ შეეხოს ჩემს რომელიღაც მეზობელს, რომელიც ან ბიზნესმენია, ან თავისი პატარა საქმის აწყობას ცდილობს, ახალგაზრდაა და წინ მომავალი აქვს.ბოლო 10-15 წლის განმავლობაში ძალიან შეიცვალა ბრიუსელი, შესაბამისად დღევანდელ ბრიუსელში, ევროპული მომავალი მათი აზრით თუ ის არის, რომ ჩვენ, საქართველოში მოქმედ საბავშვო ბაღებში გოგონებს და ბიჭუნებს ვკითხოთ - აბა, მითხარი შენი აზრით გოგო ხარ, თუ ბიჭი - ეს ვერ იქნება ევროპული მომავალი. ეს არის ბავშვის უფლებების უხეში დარღვევა და მშობლის უფლების დარღვევა, ეს წერია ადამიანის უფლებათა ევროპულ კონვენციაში, რომელიც შექმნეს და დაწერეს იმათზე გაცილებით უფრო დიდმა და გაცილებით უფრო ჭკვიანმა ევროპელმა მამებმა, ვიდრე დღეს შეიძლება ვიპოვოთ ბრიუსელის რომელიმე ოფისში. თუ ევროპული მომავალი არის ის, რომ ჩვენ ვიღაცამ გვითხრას - აბა, წავედით ევროკავშირში, მიატოვე შენი სოხუმი და ცხინვალი - დავსვათ კითხვა: ეს ერთი და იგივე ევროპული მომავალია, რომელიც ჩვენ წარმოგვიდგენია? თუ გვეტყვიან, რომ ევროპული მომავალი არის ის, რომ საზოგადოება უნდა დაიყოს ორად, უმცირესობა მართავს უმრავლესობას - ეს გვგონია ევროპული მომავალი? ეს არის ის ხელისუფლება, რომელსაც დიახ, მიჰყავს საქართველო ევროპისკენ, მაგრამ არა საკუთარი ეროვნული ინტერესის და ეროვნული ღირებულებების ხარჯზე“, - განაცხადა წულუკიანმა.

სამართალი • 1766002433

თაღლითობის ქართული კვალი - რუსი კრიპტოს გურუს მრავალმილიონიანი აფიორა, რომელშიც ჰოლივუდის ცნობილი ვარსკვლავი კევინ სპეისი და ილონ მასკის დედა ფიგურირებენ

ვინ არის ლადო ოხოტნიკოვი? ვლადიმერ ოხოტნიკოვი, ცნობილი მეტსახელად „ლადო“, დაიბადა საბჭოთა ყაზახეთში და ბავშვობა რუსეთში გაატარა. მისი ვებგვერდის თანახმად, მამამისი, მოჭიდავეთა მწვრთნელი იყო, მას ჭიდაობას ასწავლიდა, რასაც თავად ოხოტნიკოვი მისი სიძლიერისა და გამძლეობის წყაროდ მიიჩნევს.2000-იანი წლების დასაწყისში, მოსკოვში კინოგადაღების სწავლების დასრულების შემდეგ, ოხოტნიკოვმა ვერ შეძლო კინოინდუსტრიაში მოხვედრა და კარიერა მარკეტინგში გააგრძელა. როგორც თავად ამბობს, რუსეთიდან საქართველოში გადასახადებისგან თავის ასარიდებლად გადავიდა. ფოტო 2024 წელს Meta Force-ის ღონისძიებაზეა გადაღებული, სადაც ოხოტნიკოვი ინვესტორებთან ერთად იწონებს თავს.       სასამართლო განაჩენი თბილისში: 10 წლიანი პატიმრობა და ჩამორთმეული ქონებამაშინ, როცა ოხოტნიკოვი დუბაიდან ახალ სქემებს აორგანიზებს, საქართველოში მის წინააღმდეგ მკაცრი სამართლებრივი ზომები გატარდა.2024 წლის მარტში, თბილისის საქალაქო სასამართლომ ვლადიმერ ოხოტნიკოვს დაუსწრებლად 10 წლით თავისუფლების აღკვეთა მიუსაჯა.გამოძიებამ დაადგინა, რომ ის Forsage-დან მოპარულ ფულს საქართველოში ათეთრებდა. თანხები ირიცხებოდა მინიმუმ 53 სხვადასხვა ანგარიშზე, რომლებიც მას და მის გარემოცვას ეკუთვნოდა.  საქართველოს პროკურატურამ ოხოტნიკოვზე საერთაშორისო ორდერი გასცა.სასამართლო მასალების მიხედვით, საქართველოს ხელისუფლებამ ოხოტნიკოვის კუთვნილი დაახლოებით 1 მილიონი დოლარის ღირებულების ქონება დააყადაღა და ჩამოართვა, მათ შორის: Lexus-ის მარკის ჯიპი, ხუთი საპარკინგე ადგილი და ორი ბინა თბილისში, რომელთაგან ერთ-ერთს 28 კვ მეტრის აუზი აქვს.თაღლითობის მასშტაბები და ქართული კვალიგამოძიების თანახმად, ოხოტნიკოვი არის მასშტაბური კრიპტო-პირამიდების ავტორი, რომლებმაც ოთხ კონტინენტზე მილიონობით ინვესტორს 1 მილიარდ დოლარამდე გამოსძალეს.აშშ-ს პროკურატურა მას კრიპტო-პირამიდა Forsage-ის შექმნაში ადანაშაულებს, რომლის მეშვეობითაც 2020-2022 წლებში მინიმუმ $340 მილიონი მოიპარეს.თაღლითობის საქმეს ქართული კვალიც აქვს. გასულ წელს თბილისის საქალაქო სასამართლომ ოხოტნიკოვი დამნაშავედ ცნო 1.1 მილიონი დოლარის გათეთრებაში, თანხა, რომელიც სწორედ Forsage-ის თაღლითური სქემიდან იყო მიღებული.კევინ სპეისი და რუსი კრიპტოს გურუს ჰოლივუდური გამბიტიაგვისტოს ერთ წყნარ საღამოს, როდესაც ვენეციის კინოფესტივალზე ვარსკვლავები წითელ ხალიჩაზე პოზირებდნენ, ლეგენდარულ სასტუმრო „ჩიპრიანიში“ დახურული წვეულება იმართებოდა. ყურადღების ცენტრში კევინ სპეისი იყო ოსკაროსანი მსახიობი, რომლის კარიერაც სექსუალურ სკანდალებს ემსხვერპლა.თუმცა, ამ საღამოს მთავარი გმირი კადრს მიღმა დარჩა. საუბარია შემქმნელზე 47 წლის ვლადიმერ ოხოტნიკოვზე (მეტსახელად „ლადო“), რომელიც აშშ-ის მიერ ძებნილი კრიპტო-თაღლითია.რუსი თაღლითის ახალი გეგმებიმართლმსაჯულებას გაქცეული ოხოტნიკოვი ამჟამად დუბაიში იმალება, სადაც ახალ პროექტზე მუშაობს. სწორედ აქ წამოიწყო რუსმა თაღლითმა ახალი პროექტი, ფილმი სახელწოდებით - „Holiguards Saga The Portal of Force“, სადაც მთავარ როლს კევინ სპეისი ასრულებს.ექსპერტები ამბობენ, რომ ოხოტნიკოვის გათვლით, სპეისის მონაწილეობა ფილმს საერთაშორისო ყურადღებას მოუტანს და მას ახალი ინვესტორების მოზიდვაში დაეხმარება. და სანამ მსოფლიო კევინ სპეისის ეკრანზე დაბრუნებას აკვირდება, კადრს მიღმა ახალი, საეჭვო კრიპტო-პროექტი ფორმირდება.  Here’s the trailer shown in Venice for Kevin Spacey’s Holiguards Saga - The Portal of Force starring him with Dolph Lundgren, Eric Roberts and Tyrese, all seen in this 2-minute clip. pic.twitter.com/5pXXkjMyWe — Chris Gardner (@chrissgardner) August 31, 2025 ჰოლივუდის მსახიობი კევინ სპეისი საგამოძიებო ჟურნალისტთა საერთაშორისო კონსორციუმის (ICIJ) კითხვებს არ პასუხობს. თუმცა, მისი მონაწილეობა ფილმს სანდოობის იერსახეს სძენს.ცნობილი ადამიანების გამოყენება ოხოტნიკოვის ბიზნესმოდელის მხოლოდ ერთი ნაწილია. ბლოკჩეინ ტექნოლოგიების განვითარებამ კრიპტოტრანზაქციების სისწრაფემ და ანონიმურობამ მას საშუალება მისცა, ინვესტორები „სანდო საინვესტიციო შესაძლებლობების“ დაპირებებითა მოეზიდა და მოეტყუებინა.ჟურნალისტებმა აშშ-დან, გერმანიიდან, პორტუგალიიდან, უკრაინიდან და საქართველოდან ოხოტნიკოვის ბიზნესგარიგებების ახალი დეტალები გამოააშკარავეს. გამოძიება ჩატარდა პროექტის „The Coin Laundry“ ფარგლებში, რომელსაც საგამოძიებო ჟურნალისტთა საერთაშორისო კონსორციუმი (ICIJ) 37 მედიაპარტნიორთან ერთად აწარმოებს. გამოძიება აჩვენებს, თუ როგორ მდიდრდება კრიპტო-ინდუსტრია უკანონო ფინანსური ნაკადებით, მაშინ როდესაც ამ პროცესში დაზარალებულთა უმეტესობა სამართლებრივი შესაძლებლობის გარეშე დარჩა.ოხოტნიკოვის უახლესი სტარტაპი Meta Whale მაისში ჩაეშვა და 40 000 მომხმარებელი უკვე მიიზიდა. ექსპერტები ვარაუდობენ, რომ ეს პლატფორმაც ფინანსურ პირამიდას ჰგავს. მიუხედავად უამრავი სისხლის სამართლებრივი ბრალდებისა, ოხოტნიკოვმა ინტერნეტ სამყაროში „ტექნოლოგიური გურუს“, „ბიზნესმენისა“ და „ბლოკჩეინის მქადაგებლის“ იმიჯი მოირგო, რომელიც ინვესტორებს მთავრობის ზედამხედველობის ბორკილებისგან გაათავისუფლებს ჰპირდება.ამჟამად, ოხოტნიკოვი მის მიმართ დაწყებული გამოძიების გამო მოგზაურობას ვერ ახერხებს. თავისი ბრენდების პოპულარიზაციაში კი მას 36 წლის უკრაინელი მარკეტოლოგის ელვირა გავრილოვას პიარ სააგენტო, Elledgy Media- ეხმარება. ბოლო ორი წლის განმავლობაში გავრილოვამ მდიდრული ღონისძიებები მოაწყო აშშ-ში, საფრანგეთში, იტალიაში, ინდოეთსა და არაბთა გაერთიანებულ საამიროებში რუსი კრიპტო თაღლითს პროექტების წინ წამოსაწევად. ოხოტნიკოვმა და გავრილოვამ თავიანთი პიარ კამპანიისთვის, მსოფლიოს უმდიდრესი ადამიანის, ილონ მასკის დედა, მეი მასკიც კი გამოიყენეს. ირკვევა, რომ პიარ-კომანიამ მეი მასკს $350,000 გადაუხადა, იმისათვის, რომ დასწრებოდა მათ მიერ დაგეგმილ ღონისძიებებს და წვეულებაზე ფოტოები გადაეღო.ამ ეტაპზე არ არსებობს არანაირი მტკიცებულება, რომ მეი მასკმა იცოდა, რომ ოხოტნიკოვის ხელში მხოლოდ პიარ კამპანიის იარაღი იყო. სავარაუდოდ ის დაიქირავეს, როგორც ცნობილი მოდელი, რომლის გამოჩენაც ღონისძიებაზე თაღლითური სქემის გაპიარებას შეუწყობდა ხელს.მოგვიანებით მასკის დედა, სპეციალურად ოხოტნიკოვისთვის პროექტებისთვის შექმნილი ჟურნალის გარეკანზეც კი გამოჩნდა.

პოლიტიკა • 1766000520

თეა წულუკიანი: ჩვენ ვეღარ ვიჩენთ კომპრომისის ისეთ უნარს, როგორიც ადრე გვქონდა, რადგან ის რაც არის ხშირად მოთხოვნილი, პირდაპირ ეწინააღმდეგება ჩვენს ეროვნულ ინტერესს

მე როდესაც ფრანგულ სკოლაში ვსწავლობდი, არ მგონია, რომ მეხსიერება მღალატობდეს, გვასწავლიდნენ, რომ 1960-იან წლებში ყველაზე მეტად დაჩქარდა დეკოლონიზაცია და ევროპა ყოველთვის ამაყობდა იმით, რომ კოლონიალიზმზე და კოლონიურ მენტალიტეტზე უარი თქვა. როდესაც ასეთ განცხადებებს ვისმენ, სწორედ ეს გაკვეთილები მახსენდება და ვფიქრობ - დამთავრდა კი ეს ყველაფერი?, - განაცხადა გადაცემაში „იმედი LIVE” პარლამენტის თავმჯდომარის მოადგილემ თეა წულუკიანმა. გადაცემის წამყვანმა მას კითხვა დაუსვა კაია კალასის განცხადებასთან დაკავშირებით.წულუკიანის თქმით, ხელისუფლება ვერ წავა კომპრომისზე ისეთ საკითხებთან მიმართებით, რომელიც ეროვნულ ინტერესებთან მოდის წინააღმდეგობაში.„როდესაც ქალბატონი კალასი, რომელიც ახლა ირკვევა, რომ რუსის ჩექმით კმაყოფილი ოჯახიდან არის გამოსული და ჩვენ გვეძახის რუსეთუმეებს, გვიბრძანებს - ეს უნდა გააკეთოთ, ეს არ გააკეთოთ, მე თქვენზე უკეთ ვიცი, რომელი კანონი ურჩევნია ქართველ ხალხს - ეს ტოვებს იმ განცდას, რაც თავის დროზე წიგნებში წაგვიკითხავს, რომ არსებობენ აღმატებული ერები და პატარა ერები, რომლებმაც აღმატებული ერების ჭკუაზე უნდა იარონ. ჩვენ ეს არ გვინდა.არაერთხელ მითქვამს, ბატონი ბიძინა ივანიშვილი ყოველთვის გვეუბნებოდა, რომ წამყვანი არის ეროვნული ინტერესი, მაგრამ თუ არის ისეთი თხოვნა ან შემოთავაზება, რომელიც ეროვნულ ინტერესს არ ეწინააღმდეგება, შეიძლება მათი მოსაზრება გავიზიაროთ და გვიჩვენებია დიდი კომპრომისის უნარიანობა, მაგრამ როდესაც უკვე მათივე ღირებულებებთან დაკავშირებით გაჩნდა კითხვის ნიშნები, საით მიდის ევროპული ბიუროკრატია, ნამდვილად არის თუ არა მათთვის ადამიანის უფლებები პრიორიტეტი - ჩვენ ვეღარ ვიჩენთ კომპრომისის ისეთ უნარს, როგორიც ადრე გვქონდა, რადგან ის რაც არის ხშირად მოთხოვნილი, პირდაპირ ეწინააღმდეგება ჩვენს ეროვნულ ინტერესს. ეს არ ნიშნავს იმას, რომ ჩვენ აღარ ვართ ევროპა, ან არ ვართ ევროპის ნაწილი, რომელიც ჩვენ ყოველთვის ვიყავით“, - განაცხადა წულუკიანმა.კაია კალასის განცხადებით, საქართველოსა და ამერიკას შორის განსხვავება ის არის, რომ შეერთებული შტატები ევროკავშირში გაწევრიანებას არ ცდილობს. ევროკომისიის ვიცე-პრეზიდენტმა უპასუხა კითხვას, რომელიც შეეხებოდა ამერიკის შეერთებული შტატებისა და საქართველოს მხრიდან ევროკავშირის ერთნაირ კრიტიკას, თუმცა კრიტიკაზე ევროპის განსხვავებულ რეაქციებს.

პოლიტიკა • 1765969676

კახა კალაძე: ჩვენ რა სანქციები უნდა დავუწესოთ რუსეთს, ზოგიერთ ევროპულ ქვეყანას თავად აქვს რუსეთთან გაჩაღებული ვაჭრობა

რატომ უნდა გავაკეთოთ ისეთი რაღაც, რაც საკუთარი ქვეყნისთვის დამაზიანებელია, – ამის შესახებ დედაქალაქის მერმა მედიასთან ევროკავშირის საბჭოს მიერ ევროკავშირის გაფართოების შესახებ გამოქვეყნებული დასკვნის თემაზე კომენტირებისას ისაუბრა.კახა კალაძის თქმით, საბჭოს მოწოდება რუსეთთან მიმართებაში გარკვეული სანქციების დაწესების შესახებ, წარმოუდგენელია, რადგან ზოგიერთ ევროპულ სახელმწიფოს თავად აქვს რუსეთთან ეკონომიკური ურთიერთობები დამყარებული.„ჩვენ რა სანქციები უნდა დავუწესოთ რუსეთს? თავად აქვთ რუსეთთან გაჩაღებული ვაჭრობა. კონკრეტული ევროპული ქვეყნების წარმომადგენლები ჩვენ რომ მოგვიწოდებენ რუსეთს სანქციები დაუწესეთო. გადახედეთ ბოლო წლების სტატისტიკას – რა ეკონომიკური ბრუნვა აქვთ რუსეთთან მიმართებაში. სულელები ხომ არ ვართ? თურმე ჩვენ თუ რუსეთს სანქციებს დავუწესებთ, ამით რუსეთის ეკონომიკას დავანგრევთ. ეს ხომ წარმოუდგენელია. ამით დავანგრევთ საკუთარ ქვეყანას ეკონომიკას, დავაზიანებთ ქართველ, მშრომელ ხალხს. რატომ უნდაგავაკეთოთ ისეთი რაღაც, რაც საკუთარი ქვეყნისთვის დამაზიანებელია. ამ დროს თავად დღესაც აგრძელებენ ვაჭრობას“, – აღნიშნა კახა კალაძემ.ცნობისთვის, ევროკავშირის საბჭოს თავმჯდომარეობა გაფართოებასთან დაკავშირებით დასკვნებს აქვეყნებს, სადაც საქართველოზეც არის საუბარი. დოკუმენტის თანახმად, ევროპის საბჭოს აქვს მოლოდინი, რომ საქართველო გააძლიერებს ძალისხმევას ევროკავშირის ერთიანი საგარეო და უსაფრთხოების პოლიტიკასთან (CFSP) სრული თანხვედრის მიმართებაში, კერძოდ, თანხვედრით რუსეთისა და ბელორუსის წინააღმდეგ ევროკავშირის შემზღუდავ ზომებთან, რომელიც მიღებულია როგორც უმთავრესი პრიორიტეტი რუსეთის მიერ უკრაინის წინააღმდეგ გაჩაღებული აგრესიული ომის კონტექსტში. ამასთან, ევროპის საბჭო მოუწოდებს საქართველოს, ევროკავშირის შემზღუდავი ზომების გვერდის ავლის თავიდან აცილებაში თანამშრომლობა გააგრძელოს.