რეაბილიტაცია

რუსთავში, რუსთაველის ქუჩის რესტავრაციის დასკვნითი ეტაპი მიმდინარეობს

რუსთავში, ისტორიული უბნების რესტავრაციის ფარგლებში, რუსთაველის ერთ-ერთი ძველი ქუჩის რეაბილიტაციის მესამე ეტაპი მიმდინარეობს. ინფრასტრუქტურული პროექტი აქტიურ ფაზაშია და ამჟამად სამუშაოები რუსთაველის N27, N29, N31, N35, N38, N40, N42, N44, N46 კორპუსებში მიმდინარეობს. რუსთაველის ქუჩა ძველი რუსთავის ერთ-ერთი ყველაზე კოლორიტული ქუჩაა და მისი რესტავრაციის ძირითადი ნაწილი უკვე დასრულებულია.ქალაქის მერი ნინო ლაცაბიძე და საკრებულოს თავმჯდომარე მამუკა რეხვიაშვილი, რუსთაველის ქუჩის რესტავრაცია-რეაბილიტაციის პროცესს, სამუშაო ფორმატში ადგილზე გაეცნენ.„საქართველოს ცენტრალური ხელისუფლების აქტიური მხარდაჭერით, რუსთაველის ქუჩის რეაბილიტაცია უკვე დასკვნით ეტაპზეა. მასშტაბური პროექტის ფარგლებში, უკვე 22 კორპუსის ავთენტურობაა აღდგენილი. აქტიურ ფაზაშია მორიგი ეტაპი და კიდევ 9 კორპუსს უტარდება რესტავრაცია. მიმდინარეობს შენობების იერსახის მოწესრიგება და რაც მთავარია, გამაგრება. სამუშაოების დასრულების შემდეგ, რუსთავის ერთ-ერთ ძველ ქუჩაზე არსებული შენობების მდგრადობა და ექსპლუატაციის ვადები მნიშვნელოვნად გაიზრდება“, - განაცხადა რუსთავის მერმა ნინო ლაცაბიძემ.რუსთაველის ქუჩის რეაბილიტაციის პროექტი შენობების გამაგრებას, სახურავისა და ფასადის აღდგენას, დეკორატიული აივნების, გარე განათების, ახალი კარ-ფანჯრების მოწყობასა და ისტორიული ქუჩის ავთენტურობის სრულ შენარჩუნებას ითვალისწინებს.,,რუსთავში, საცხოვრებელი შენობების რეაბილიტაცია-რესტავრაცია გრძელდება. ამ მიმართულებით, მნიშვნელოვანი სამუშაოები ხორციელდება რუსთაველის ქუჩაზე. მიმდინარე პროექტი რუსთაველების ინტერესების გათვალისწინებით შემუშავებული მასშტაბური გეგმის ნაწილია, რომლიც მიმართულია უსაფრთხო საცხოვრებელი პირობების შექმნის და ქალაქის იერსახის აღდგენა-განახლებისკენ“, - განაცხადა რუსთავის საკრებულოს თავმჯდომარე მამუკა რეხვიაშვილმა.რუსთაველის ქუჩაზე მიმდინარე სამუშაოების ჯამური ღირებულება 6 466 736 ლარია და სრულად სახელმწიფო ბიუჯეტიდან ფინანსდება.

საზოგადოება • 1779099801

ყოფილი ვარკეთილის მეურნეობის ტერიტორიაზე ტყე-პარკის აღდგენა გრძელდება

თბილისის მერიის გარემოს დაცვის საქალაქო სამსახური სამგორის რაიონში, ყოფილი ვარკეთილის მეურნეობის ტერიტორიაზე ტყე-პარკის აღდგენის სამუშაოებს ახორციელებს.აღნიშნულ ტერიტორიაზე, რომლის ფართობიც მთლიანობაში 8,2 ჰექტარია, განხორციელდა უკანონო შემოღობვების დემონტაჟი და ჩატარდა მოვლითი ჭრის (გამოხშირვის) სამუშაოები.პროცესს დღეს თბილისის მერი კახა კალაძე მოადგილე ანდრია ბასილაიასთან ერთად გაეცნო.„სამგორის რაიონში, ყოფილ ვარკეთილის მეურნეობაში ვიმყოფებით, სადაც მასშტაბურ პროექტს ვახორციელებთ. 8 ჰექტარ ტერიტორიაზე შენდება დასასვენებელი პარკი. არსებული სივრცე იყო ძალიან მძიმე მდგომარეობაში, მოუწესრიგებელი. პროექტის ფარგლებში, კეთდება სასეირნო ბილიკები, საფეხბურთო, საკალათბურთო მოედანი, პატარებისთვის განსაზღვრულია სხვადასხვა ტიპის ატრაქციონი. არსებული მრავალწლოვანი ხე-მცენარეები შენარჩუნებული იქნება, დაემატება ახლებიც. მოეწყობა სარწყავი და განათების სისტემები. პროექტი წლის ბოლოსთვის დასრულდება. იქიდან გამომდინარე, რომ ძალიან დიდი ტერიტორიაა, სამუშაოები რამდენიმე ეტაპად გვაქვს დაყოფილი. ტერიტორიის გარკვეული ნაწილის მოწყობა ერთ თვეში, ხოლო პროექტი სრულად წლის ბოლოს დასრულდება. ირგვლივ ბევრი ოჯახი ცხოვრობს და ადგილობრივებს ექნებათ ძალიან დიდი სივრცე დასვენებისთვის, ვარჯიშისა და განტვირთვისთვის. ჩვენ გავაგრძელებთ ამ ტიპის პროექტების განხორციელებას. ყველა რაიონში, ყველა უბანში, უნდა იყოს მსგავსი სივრცეები“, - განაცხადა მერმა2024 წელს სამუშაოები ჩატარდა 3.7 ჰექტარ ტერიტორიაზე, სადაც მოეწყო საფეხმავლო ბილიკები, გარე განათების ქსელი, განთავსდა საპარკო ავეჯი, საბავშვო და სპორტული სივრცეები, ასევე, სასმელი წყლის შადრევნები.ამ ეტაპზე სამუშაოები ტარდება დარჩენილ 4,5 ჰექტარ ტერიტორიაზე, სადაც შეიქმნება თანამედროვე რეკრეაციული სივრცე. უკვე მიმდინარეობს გამწვანების ღონისძიებები და ირგვება სხვადასხვა სახეობის ხე-მცენარე. გარდა ამისა, მოეწყობა კალათბურთისა და ფეხბურთის მოედნები, სპორტული და საბავშვო სივრცეები.აღსანიშნავია, რომ ადგილობრივმა გამგეობამ ტყე-პარკთან მისასვლელი ახმეთ მელაშვილის ქუჩის რეაბილიტაციაც განახორციელა. მოეწყო საფეხმავლო ბილიკები და დაიგო ასფალტის ორფენიანი საფარი.რეკრეაციული სივრცის აღდგენა 2026 წლის ბოლომდე დასრულდება. სამუშაოების ღირებულება 6 500 000 ლარს შეადგენს.ადგილზე, თბილისის მერთან ერთად, გარემოს დაცვის საქალაქო სამსახურის უფროსი პაატა ტოგონიძე და სამგორის რაიონის გამგებელი კახა სამხარაძე იმყოფებოდნენ.ინფორმაციას თბილისის მერია ავრცელებს.

პოლიტიკა • 1779099736

„ძლიერი საქართველო - ლელო“ გამოდის ინიციატივით, გამოცხადდეს სამართლიანი და ფართომასშტაბიანი ამნისტია

ქვეყანა დღეს უმძიმეს პოლიტიკურ კრიზისში იმყოფება, რასაც უფრო აღრმავებს უკიდურესად პოლარიზებული გარემო. ეს ვითარება ხელს უშლის სახელმწიფოს ნორმალურ განვითარებას, ინსტიტუტების გაჯანსაღებას და საზოგადოებრივი ერთიანობის აღდგენას, – ამის შესახებ „ლელოს“ წევრმა, ლანა გალდავამ განაცხადა.გალდავას თქმით, ამავე დროს, საქართველოში კრიტიკულად მაღალია, როგორც პენიტენციურ დაწესებულებებში მყოფ პატიმართა რაოდენობა, ისე არასაპატიმრო სასჯელების მაჩვენებელი.ლანა გალდავა ამბობს, რომ ფართომასშტაბიანი და სამართლიანი ამნისტია უნდა გახდეს საზოგადოების შერიგების, პოლიტიკური დაძაბულობის განმუხტვისა და ჰუმანური სახელმწიფოსკენ გადადგმული მნიშვნელოვანი ნაბიჯი.„საქსტატის 2025 წლის მონაცემებით, მსჯავრდადებულთა რაოდენობა შეადგენს 22 767 ადამიანს, ხოლო პატიმართა რაოდენობა – 11 153 ადამიანს. კრიტიკულად აუცილებელია პენიტენციური სისტემის სასწრაფო და ფუნდამენტური რეფორმა. სისტემა პრაქტიკულად მოშლილია. მძიმე მდგომარეობაშია პატიმართა უფლებები, კვების პირობები, ყოველდღიური ყოფა და უსაფრთხოების გარემო. ციხეებში კვლავ გაიზარდა ქურდული სამყაროს გავლენა. ბოლო პერიოდში განვითარებული მოვლენები – ციხის ხელმძღვანელის თვითმკვლელობა და პენიტენციური სისტემის მაღალჩინოსნების დაკავებები – პირდაპირ მიუთითებს, რომ სისტემა მძიმე კრიზისშია და სახელმწიფოს მხრიდან კონტროლი, ფაქტობრივად, შესუსტებულია. დღეს საქართველოს ციხეები სავსეა პოლიტიკური ნიშნით დაკავებული ადამიანებით. ყოველდღიურად მიმდინარეობს მოქალაქეების დაკავება დრაკონული და ანტიდემოკრატიული კანონების საფუძველზე – კანონების, რომლებიც ადამიანებს საკუთარი უფლებების დაცვის, შეკრებისა და მანიფესტაციის თავისუფლებას უზღუდავს. აქციების დროს დაკავებული სინდისის პატიმრები რეალურად პოლიტიკური ნიშნით იხდიან სასჯელს. ეს არ არის სამართალი, ეს არის პოლიტიკური დევნა. ამიტომ მიგვაჩნია, რომ ფართომასშტაბიანი და სამართლიანი ამნისტია უნდა გახდეს საზოგადოების შერიგების, პოლიტიკური დაძაბულობის განმუხტვისა და ჰუმანური სახელმწიფოსკენ გადადგმული მნიშვნელოვანი ნაბიჯი.ჩვენი პოზიცია მკაფიოა – სასჯელების მუდმივი გამკაცრება არ არის გამოსავალი. სახელმწიფო, პირველ რიგში, ორიენტირებული უნდა იყოს დანაშაულის პრევენციაზე, ადამიანის რეაბილიტაციასა და პატიმრობის ღირსეული პირობების უზრუნველყოფაზე. პოლარიზაციის დასრულების, არსებული უმძიმესი პოლიტიკური ვითარების განმუხტვისა და ქვეყნისთვის ახალი პოლიტიკური სივრცის გახსნის მიზნით, „ძლიერი საქართველო – ლელო“ გამოდის ინიციატივით, გამოცხადდეს სამართლიანი და ფართომასშტაბიანი ამნისტია“, – განაცხადა ლანა გალდავამ.

რეგიონი • 1779087925

მუნიციპალურმა განვითარების ფონდმა სამტრედიაში კიდევ ერთი სკოლის რეაბილიტაცია დაასრულა

საქართველოს ინფრასტრუქტურის სამინისტროს მუნიციპალური განვითარების ფონდმა ქალაქ სამტრედიის N10 საჯარო სკოლის რეაბილიტაცია დაასრულა.მუნიციპალური განვითარების ფონდის აღმასრულებელი დირექტორის მოადგილემ, ქვარა ჩართოლანმა დასრულებული ინფრასტრუქტურული სამუშაოები პირადად მოინახულა.პროექტის ფარგლებში, საგანმანათლებლო დაწესებულებაში მოეწყო თანამედროვე სტანდარტების შესაბამისი საკლასო ოთახები, ბიბლიოთეკა, სპორტული დარბაზი და ეზოს მიმდებარე ტერიტორია. აღსანიშნავია, რომ განახლებული შენობა სრულად ადაპტირებულია შეზღუდული შესაძლებლობის მქონე პირებისთვის.აღნიშნული სარეაბილიტაციო პროექტი მუნიციპალური განვითარების ფონდს განათლების, მეცნიერებისა და ახალგაზრდობის სამინისტროს საგანმანათლებლო და სამეცნიერო ინფრასტრუქტურის განვითარების სააგენტოს გაუქმების შემდეგ გადაეცა და ის სრულად საქართველოს მთავრობის მიერ ფინანსდება.

საზოგადოება • 1779086836

რეგიონი • 1778915833

რუსთავში, ლერმონტოვის ქუჩაზე ავარიული კორპუსის გამაგრება-რეაბილიტაცია მიმდინარეობს

რუსთავში, ლერმონტოვის ქუჩა #5-ში ავარიულ საცხოვრებელ კორპუსს გამაგრება-რეაბილიტაცია უტარდება. ინფრასტრუქტურული პროექტი უკვე აქტიურ ფაზაშია და უახლოეს პერიოდში დასრულდება. პროექტის მიმდინარეობას, რუსთავის მერი ნინო ლაცაბიძე, საკრებულოს თავმჯდომარე მამუკა რეხვიაშვილთან ერთად, სამუშაო ფორმატში ადგილზე გაეცნო.„რუსთავში, ლერმონტოვის ქუჩაზე ვახორციელებთ ერთ-ერთ რთულ პროექტს, რომელიც საცხოვრებელი კორპუსის გამაგრებას და რეაბილიტაციას ეხება. ეს შენობა სპეციალისტების დასკვნით, საკმაოდ მძიმე მდგომარეობაში იყო. მოსახლეობასთან გვქონდა რამდენიმე შეხვედრა და სარეაბილიტაციო სამუშაოების დასრულებამდე მათი 100%-ის შენობიდან გაყვანა მოგვიწია. სამუშაოების დასრულების შემდეგ, რუსთავს კიდევ ერთი განახლებული და რაც მთავარია, უსაფრთხო შენობა შეემატება“, - განაცხადა რუსთავის მერმა ნინო ლაცაბიძემ.ლერმონტოვის # 5-ის სარეაბილიტაციო სამუშაოები რუსთავის მერიამ, მოსახლეობის თხოვნის საფუძველზე დაიწყო. პროექტის მიმდინარეობისას შენობის ავარიული ნაწილის სრული დემონტაჟი განხორციელდა და ახალი კონსტრუქცია ეწყობა. რეაბილიტაცია უტარდება საცხოვრებელ კორპუსის ფასადს ასევე გამოიცვლება სახურავი და კარ-ფანჯრები. პროექტის ღირებულება 824 048 ლარია და სრულად სახელმწიფო ბიუჯეტიდან ფინანსდება.

პოლიტიკა • 1778746047

რუსთავში, კიდევ ერთი ისტორიული შენობის, სპორტის N 2 საცხოვრებელი კორპუსის რესტავრაცია დავიწყეთ - ნინო ლაცაბიძე

რუსთავში საცხოვრებელი შენობების რეაბილიტაცია-რესტავრაციის პროცესი აქტიურად გრძელდება. დღეისათვის სამუშაოები ქალაქის სხვადასხვა უბანში, ერთდროულად 15 მისამართზე მიმდინარეობს. საცხოვრებელი შენობის სრული რესტავრაციის სამუშაოები მიმდინარეობს ქალაქის ერთ-ერთ ისტორიულ - სპორტის ქუჩა N2-ში.პროექტის მიმდინარეობას, რუსთავის მერი ნინო ლაცაბიძე და საკრებულოს თავმჯდომარე მამუკა რეხვიაშვილი, მერიის ინფრასტრუქტურის სამსახურის ხელმძღვანელ ზურა ტაბაღუასთან ერთად, სამუშაო ფორმატში ადგილზე გაეცნენ."რუსთავში, სპორტის ქუჩა N2-ში ერთ-ერთი გამორჩეული ისტორიული შენობის რეაბილიტაცია მიმდინარეობს. მნიშვნელოვანია, რომ ინფრასტრუქტურული პროექტის ფარგლებში, ფასადის ავთენტური იერ-სახის შენარჩუნება მოხდება და შენობის ექსპლუატაციის ვადა მნიშვნელოვნად გაიზრდება. ჯამში ქალაქის მასშტაბით, დღეისათვის აქტიურ ფაზაში 15 შენობის რეაბილიტაციაა. ცენტრალური ხელისუფლების აქტიური მხარდაჭერით, რუსთავის მერიის გუნდი ძალიან მალე დავიწყებთ ძველი რუსთავის განახლების ყველაზე მასშტაბურ პროექტს, რომელიც 100-მდე შენობის რეაბილიტაციასა და რესტავრაციას მოიცავს“, - განაცხადა რუსთავის მერმა ნინო ლაცაბიძემ.სპორტის ქუჩა N2-ის პროექტი, შენობის სრულ რეაბილიტაციას, ფასადის ავთენტური იერ-სახის აღდგენას, გადახურვას, მეტალოპლასტმასის კარ-ფანჯრების და დეკორატიული აივნების მოწყობას ითვალისწინებს."ძველი რუსთავის განახლება არის იმ მნიშვნელოვანი და ისტორიული პროექტების გაგრძელება, რომელიც ქალაქში ჩვენი გუნდის გადაწყვეტილებით და მოსახლეობის ინტერესების გათვალისწინებით, აქტიურად მიმდინარეობს. უკვე დაიწყო სარესტავრაციო სამუშაოები სპორტის ქუჩის ისტორიული შენობის. ანალოგიური სამუშაოები რუსთავში 15 მისამართზე მიმდინარეობს. ეს პროცესი ქალაქის ისტორიული იერსახის შენარჩუნებას და მის თანამედროვე განვითარებას ემსახურება“, - განაცხადა რუსთავის საკრებულოს თავმჯდომარემ მამუკა რეხვიაშვილმა.პროექტის ღირებულება 2 016 133 ლარია და სახელმწიფო ბიუჯეტიდან ფინანსდება.

საზოგადოება • 1778678340

ენერგეტიკის სასწავლო ცენტრში ელექტროსადგურების ოპერირების შესახებ სასწავლო კურსი მიმდინარეობს

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) მიერ დაფუძნებულ ენერგეტიკის სასწავლო ცენტრში მიმდინარეობს სასწავლო კურსი ელექტროსადგურების ოპერირების საფუძვლების შესახებ. როგორც ცენტრის დირექტორის მოადგილე, ტექნიკის მეცნიერებათა დოქტორი, პროფესორი ნუგზარ ბერიძე აღნიშნავს, კურსი პასუხობს ენერგეტიკის დარგის თანამედროვე გამოწვევებს, ხელს უწყობს შრომის ბაზრის მოთხოვნებთან შესაბამისი სპეციალისტების მომზადება-გადამზადებას და წარმოადგენს მნიშვნელოვან კომპონენტს ელექტროენერგეტიკის სფეროში პროფესიული განათლების მიმართულებით.მისივე თქმით, ქვეყანაში მიმდინარე ახალი ჰიდროელექტროსადგურების, ქარისა და მზის ელექტროსადგურების პროექტების განხორციელება, არსებული ენერგოობიექტების რეაბილიტაცია და მოდერნიზაცია, მოითხოვს კადრებს, რომლებიც ერკვევიან თანამედროვე ტექნოლოგიებში, ავტომატიზაციისა და დისპეტჩერიზაციის სისტემებში.„ელექტროენერგია წარმოადგენს ეკონომიკის განვითარებისა და მოსახლეობის ცხოვრების ხარისხის უზრუნველყოფის ერთ-ერთ უმნიშვნელოვანეს საფუძველს. ენერგოსისტემების უწყვეტი და საიმედო ფუნქციონირება პირდაპირ არის დამოკიდებული ელექტროსადგურების ეფექტურ ოპერირებაზე, მართვასა და ტექნიკურ გამართულობაზე.ენერგეტიკის სექტორში მიმდინარე ტექნოლოგიური პროგრესი, განახლებადი ენერგიის წყაროების მზარდი ინტეგრაცია, ელექტროსადგურების ავტომატიზაციისა და ციფრული მართვის სისტემების დანერგვა მოითხოვს მაღალკვალიფიციურ კადრებს, რომლებიც ფლობენ როგორც თეორიულ ცოდნას, ისე პრაქტიკულ უნარებს ელექტროსადგურების ოპერირების მიმართულებით. ამასთან, ელექტროსადგურების ოპერირებისას განსაკუთრებული მნიშვნელობა ენიჭება ენერგოეფექტურობას, გარემოს დაცვასა და ავარიული სიტუაციების პრევენციას. ელექტროსადგურების ოპერატიული პერსონალისათვის აუცილებელია პროფესიული პასუხისმგებლობის, ტექნიკური აზროვნებისა და პრობლემების ანალიზის უნარების ჩამოყალიბება, რაც აუცილებელია თანამედროვე ენერგეტიკული სისტემის და ლიბერალური ელექტროენერგეტიკული ბაზრის ფარგლებში სხვადასხვა ტიპის ელექტროსადგურების ეფექტური ოპერირებისათვის”, - აღნიშნავს ნუგზარ ბერიძე. ენერგეტიკის სასწავლო ცენტრში მიმდინარე ელექტროსადგურების ოპერირების საფუძვლების შესახებ კურსის ტრენერებად მიწვეულნი არიან აკადემიური წრეების, ენერგეტიკული კომპანიებისა და მარეგულირებელი კომისიის მაღალი რანგის სპეციალისტები. კურსის პირველი ნაკადის ტრენინგები მიმდინარე წლის 21 აპრილს დაიწყო და 16 ივნისამდე გაგრძელდება. კურსის დასრულების შემდგომ მსმენელებს სერტიფიკატები გადაეცემათ.

პოლიტიკა • 1778672344

ზურაბ პატარაძე საქართველოს განათლების, მეცნიერებისა და ახალგაზრდობის მინისტრს შეხვდა

აჭარის მთავრობის თავმჯდომარე, ზურაბ პატარაძე საქართველოს განათლების, მეცნიერებისა და ახალგაზრდობის მინისტრს, გივი მიქანაძეს შეხვდა. ინფორმაციას აჭარის მთავრობა ავრცელებს.შეხვედრის ფარგლებში, გივი მიქანაძემ აჭარის მთავრობის თავმჯდომარეს, ზურაბ პატარაძეს ახალ პოზიციაზე საქმიანობის დაწყება მიულოცა. მინისტრმა აღნიშნა, რომ ზურაბ პატარაძის მრავალწლიანი წარმატებული საქმიანობის გამოცდილება ქმნის საფუძვლიან მოლოდინს, რომ რეგიონში არაერთი მნიშვნელოვანი პროექტი განხორციელდება როგორც საგანმანათლებლო, ისე სხვა მიმართულებებით.შეხვედრაზე მხარეებმა რეგიონში საგანმანათლებლო სფეროში მიმდინარე და დაგეგმილი პროექტები განიხილეს. აღინიშნა, რომ განათლების სამივე საფეხურზე დაგეგმილი რეფორმების ეფექტიანად განხორციელებისთვის, მნიშვნელოვანია ცენტრალური და ადგილობრივი ხელისუფლების კოორდინირებული თანამშრომლობა, ასევე, განათლების სფეროში ჩართულ პირებთან და ფართო საზოგადოებასთან პროაქტიული კომუნიკაცია.ზურაბ პატარაძის თქმით, საგანმანათლებლო ინფრასტრუქტურის განვითარება, ზოგადი, პროფესიული და უმაღლესი განათლების ხელშეწყობა და ახალგაზრდებისთვის ახალი შესაძლებლობების შექმნა, რეგიონში ერთ-ერთ მთავარ პრიორიტეტს წარმოადგენს.,,დღეს ძალიან საინტერესო და მნიშვნელოვანი შეხვედრა გვქონდა, სადაც ვიმსჯელეთ განათლების სფეროში მიმდინარე და დაგეგმილ რეფორმებზე. საუბარი შეეხო როგორც უმაღლეს და პროფესიულ სასწავლებლებს, ისე - საჯარო სკოლებში მიმდინარე პროცესებს. ეს არის უმნიშვნელოვანესი საკითხები, რაც ჩვენი ხელისუფლების დღის წესრიგში დგას. დღეს რეგიონის ოთხ მუნიციპალიტეტში - შუახევში, ხულოში, ქედისა და ხელვაჩაურში განათლების მინისტრს ექნება შესაძლებლობა გააცნოს ადგილობრივ საზოგადოებას ინფორმაცია იმ რეფორმების შესახებ, რაც დაანონსდა.ჩვენთვის პრიორიტეტია სასკოლო ინფრასტრუქტურის განვითარება, ახალი სკოლების მშენებლობა და არსებული მატერიალურ-ტექნიკური ბაზის გაუმჯობესება. 2026-2028 წლებში დაგეგმილია 30-მდე ახალი სკოლის მშენებლობა და 70-მდე სკოლის რეაბილიტაცია. მომავალ თაობაზე ზრუნვა ჩვენი ხელისუფლების და რეგიონის მთავრობის ერთ-ერთი მთავარი პრიორიტეტია“, - განაცხადა ზურაბ პატარაძემ.

საზოგადოება • 1778658873

ვაზისუბნის დასახლების მე-3 მიკრორაიონში, 3 400 კვ.მ ფართობზე სკვერის რეაბილიტაცია დაიწყო

თბილისის მერიის გარემოს დაცვის საქალაქო სამსახურმა ვაზისუბანში, 3 400 კვ.მ ფართობზე რეკრეაციული სივრცის განახლება დაიწყო, - განაცხადა თბილისის მუნიციპალიტეტის მთავრობის სხდომაზე დედაქალაქის მერმა კახა კალაძემ.მისი თქმით, საუბარია ვაზისუბნის დასახლების მე-3 მიკრორაიონში, ჯუმბერ ლეჟავასა და ბიძინა ჩოლოყაშვილის ქუჩებს შორის მდებარე სკვერის სრულად განახლებაზე, სადაც ამჟამად ვითარება კრიტიკულია.„ყურადღების მიღმა არ გვრჩება რეკრეაციისა და მწვანე სივრცეების მოვლა-პატრონობის საკითხი. ბოლო წლების განმავლობაში, ამ მიმართულებით უკეთესობისკენ რადიკალურად შეიცვალა ჩვენი ქალაქი და ჩვენი დამოკიდებულებაც - გაჩნდა ბევრი რეკრეაციული არეალი, მოწესრიგებული პარკები და სკვერები, რაშიც აქტიურად ჩართულები არიან მუნიციპალიტეტის შესაბამისი სამსახურები და რაიონული გამგეობები. ბევრ საინტერესო პროექტს ვახორციელებთ ჩვენი ქალაქისთვის და ეს ტენდენცია, მიდგომა და დამოკიდებულება იქნება შენარჩუნებული მომავალშიც. გარემოს დაცვის საქალაქო სამსახურმა სკვერის სარეაბილიტაციო სამუშაოები ამჯერად ვაზისუბანში, 3 400 კვ.მ ფართობზე დაიწყო. საუბარია აღნიშნული დასახლების მე-3 მიკრორაიონში, ჯუმბერ ლეჟავასა და ბიძინა ჩოლოყაშვილის ქუჩებს შორის მდებარე სკვერის სრულად განახლებაზე“, - განაცხადა თბილისის მერმა.მისივე თქმით, პროექტის ფარგლებში მოეწყობა საფეხმავლო ბილიკები, საბავშვო და სპორტული სივრცეები; შეიცვლება ამორტიზებული საბაღო ინვენტარი; დამონტაჟდება გარე განათების თანამედროვე სისტემები და მოეწყობა ავტომატური სარწყავი ქსელი. ასევე, დაირგვება ხე-მცენარეები და დაიგება ბალახი.

რეგიონი • 1778563136

სოფელ ბაილეთში, სკოლასთან მისასვლელი გზის რეაბილიტაცია დასრულდა

სოფელ ბაილეთში, სკოლასთან მისასვლელი გზის რეაბილიტაცია დასრულდა.სამუშაო პროცესს ადგილზე ოზურგეთის მერი პაატა კუნჭულია და ინფრასტრუქტურის, სივრცითი მოწყობისა და ტრანსპორტის სამსახურის უფროსი თამაზ ჩავლეშვილი, ადგილობრივი ხელისუფლების წარმომადგენლებთან ერთად გაეცნენ.პროექტის ფარგლებში, მოეწყო 4 მეტრიანი საავტომობილო ხიდი, რკინა-ბეტონის სანიაღვრე არხები, 210 მეტრის ლითონის ცხაურები, 690 მეტრი-სიგრძის ასფალტის გზა და ეზოებში შესასვლელები.გზის რეაბილიტაცია, რეგიონებში განსახორციელებელი პროექტების ფონდისა და ოზურგეთის მერიის ფინანსური მხარდაჭერით ხორციელდება.

საზოგადოება • 1778518401

ზურაბ პატარაძემ ქედის მუნიციპალიტეტში სამუშაო შეხვედრა გამართა

აჭარის მთავრობის თავმჯდომარემ ზურაბ პატარაძემ ქედის მუნიციპალიტეტის მერიისა და საკრებულოს ხელმძღვანელ პირებთან სამუშაო შეხვედრა გამართა. მთავრობის თავმჯდომარე მუნიციპალიტეტში მიმდინარე ინფრასტრუქტურულ პროექტებსაც გაეცნო.მთავრობის თავმჯდომარემ შეხვედრაზე აღნიშნა, რომ ყველა მნიშვნელოვანი პროექტი, რომელიც ადგილობრივი მოსახლეობის საჭიროებებს უკავშირდება, ეტაპობრივად განხორციელდება. მისივე თქმით, გაგრძელდება საქმისადმი გულისხმიერი და პასუხისმგებლიანი დამოკიდებულება, რათა მაქსიმალურად გამართლდეს მოსახლეობის ნდობა და მოლოდინები.,,მაღალმთიანი აჭარის გაძლიერება, ინფრასტრუქტურული პროექტების განხორციელება - საგზაო ინფრასტრუქტურა, წყალმომარაგების სისტემები, ინტერნეტისა და ბუნებრივი აირის ხელმისაწვდომობა არის ის ძირითადი საკითხები, რომლებზეც ყოველდღიურ რეჟიმში მიმდინარეობს მუშაობა.2026 წელს, გვექნება შესაძლებლობა ქედის მუნიციპალიტეტში გავხსნათ ახალი, მრავალფუნქციური კულტურის ცენტრი. ასევე, დაგეგმილია სპორტული კომპლექსის, საბავშვო სახლისა და 200 ბავშვზე გათვლილი საბავშვო ბაღის მშენებლობა. მინდა განსაკუთრებულად გავახარო ქედელები - უახლოეს პერიოდში მუნიციპალიტეტში თანამედროვე სტადიონის მშენებლობაც იგეგმება.ეს და სხვა მნიშვნელოვანი პროექტები, რომლებიც დღეს ჩვენს დღის წესრიგში დგას, აუცილებლად განხორციელდება. ჩვენ გვექნება შესაძლებლობა ანგარიში ჩავაბაროთ მოსახლეობას - გვექნება შეხვედრები ყველა სოფელში. აქტიურად ვაგრძელებთ მუშაობას მაღალმთიანი აჭარის გაძლიერებისთვის, ექვსივე მუნიციპალიტეტის თანაბარი განვითარებისთვის და ხვალინდელი ძლიერი აჭარისთვის“ - განაცხადა ზურაბ პატარაძემ.დაბა ქედაში აქტიურად მიმდინარეობს კულტურის ცენტრის რეაბილიტაცია. შეხვედრის დასრულების შემდეგ ქედის მერმა მამუკა თურმანიძემ აჭარის მთავრობის თავმჯდომარეს მიმდინარე სამუშაოების შესახებ ინფორმაცია ადგილზე გააცნო.პროექტის ფარგლებში შენობის სრული შიდა და გარე სარემონტო-სარეაბილიტაციო სამუშაოები განხორციელდება. განახლებული სივრცე გააერთიანებს კულტურის ცენტრს, სახელოვნებო სკოლასა და ბიბლიოთეკას. შენობა სრულად იქნება ადაპტირებული შშმ პირებისთვის და აღიჭურვება თანამედროვე სახანძრო უსაფრთხოების, გახმოვანებისა და განათების სისტემებით. სარეაბილიტაციო სამუშაოებისთვის ჯამში 4 652 040 ლარია გათვალისწინებული.აჭარის მთავრობის თავმჯდომარემ ქედაში ღვინის მარანი დაათვალიერა და აღნიშნა, რომ მეღვინეობას განსაკუთრებული როლი აქვს მუნიციპალიტეტის ტურისტული და ეკონომიკური პოტენციალის გაძლიერებისთვის. ზურაბ პატარაძის განცხადებით, ხელისუფლება აქტიურად გააგრძელებს კერძო სექტორისა და ადგილობრივი მეწარმეების მხარდაჭერას.მთავრობის თავმჯდომარე ადგილობრივ მოსახლეობასაც შეხვდა და მათთვის მნიშვნელოვან საკითხებსა და საჭიროებებზე გაესაუბრა.ინფორმაციას აჭარის ავტონომიური რესპუბლიკის მთავრობა ავრცელებს.