პოლიტიკა • 1753701182

გახარიას წინააღმდეგ ეს არის პოლიტიკური დევნის მცდელობა. სტრასბურგს თავიდან გამოძიების დაწყება არ მოუთხოვია, ეს არის ტყუილი - გიორგი ჭანტურია 20 ივნისის საქმის გამოძიებაზე

20 ივნისის საქმეზე პარლამენტთან მიმდინარე საგამოძიებო მოქმედებებთან დაკავშირებით, შეფასებები კეთდება "გახარია საქართველოსთვის" წევრების მხრიდან. გიორგი ჭანტურია ამბობს, რომ აღნიშნული გამოძიება გიორგი გახარიას პოლიტიკური დევნის მცდელობაა."ყველა ხედავს ამას, რომ გახარიას წინააღმდეგ ეს არის პოლიტიკური დევნის მცდელობა. სტრასბურგს თავიდან გამოძიების დაწყება არ მოუთხოვია, ეს არის ტყუილი. სტრასბურგმა თქვა, რომ გამოძიება იყო გაჭიანურებული და არაეფექტური," - განაცხადა გიორგი ჭანტურიამ.20 ივნისის საქმეზე პარლამენტთან საგამოძიებო მოქმედებები გრძელდება. დღეს მორიგ საგამოძიებო ექსპერიმენტში კიდევ ორმა ოპერატორმა მიიღო მონაწილეობა. მათ გამომძიებლებისა და ექსპერტების შეკითხვებს უპასუხეს. პროკურატურის ინფორმაციით, ექსპერიმენტის მიზანია სტრასბურგის სასამართლოს გადაწყვეტილების და რეკომენდაციის შესრულება, დადგინდეს, რამდენად სწორად მოხდა შინაგან საქმეთა სამინისტროს იმჟამინდელი ხელმძღვანელობის მხრიდან ოპერაციის დაგეგმვა და შეიძლებოდა თუ არა ზიანის შემცირება.

სამართალი • 1753701135

მივიღე რამდენიმე დაზიანება, 6 თუ 7 ნატყვიარი მქონდა - აჭარის ტელევიზიის ოპერატორი 20 ივნისს მიღებულ დაზიანებებზე საუბრობს

20 ივნისის საქმეზე პარლამენტთან საგამოძიებო მოქმედებები გრძელდება. დღეს მორიგ საგამოძიებო ექსპერიმენტში კიდევ ორმა ოპერატორმა მიიღო მონაწილეობა. მათ გამომძიებლებისა და ექსპერტების შეკითხვებს უპასუხეს. ოპერატორებმა 20 ივნისს მიღებულ დაზიანებებზე მედიასთანაც ისაუბრეს."მივიღე მონაწილეობა საგამოძიებო მოქმედებებში. დეტალურად აღვიდგინე ის სიტუაცია, რომელიც 20 ივნისს მოხდა. მივიღე რამდენიმე დაზიანება, 6 თუ 7 ნატყვიარი მქონდა მოხვედრილი და გაზის ინტოქსიკაცია," - განაცხადა აჭარის ტელევიზიის ოპერატორმა, კოტე გრიგალაშვილმა."კამერით ვეძებდი კადრებს, რა უნდა გადამეღო, ამ დროს კი უცებ ტკივილი ვიგრძენი საშინელი. ტყვია ჯერ ცხვირში მომხვდა, შემდეგ თვალში. მკურნალობას დღესაც ვაგრძელებ. მხედველობა დაახლოებით 35%-ის ფარგლებშია შერჩენილი," - აღნიშნა საზოგადოებრივი მაუწყებლის ოპერატორმა, კახა ჯონჯუამ.პროკურატურის ინფორმაციით, ექსპერიმენტის მიზანია სტრასბურგის სასამართლოს გადაწყვეტილების და რეკომენდაციის შესრულება, დადგინდეს, რამდენად სწორად მოხდა შინაგან საქმეთა სამინისტროს იმჟამინდელი ხელმძღვანელობის მხრიდან ოპერაციის დაგეგმვა და შეიძლებოდა თუ არა ზიანის შემცირება.

პოლიტიკა • 1753699635

ასეთი ტიპის საკითხები ყველა თავმოყვარე ქვეყანამ ბოლომდე უნდა გამოიკვლიოს და დღის სინათლეზე გამოიტანოს - თენგიზ შარმანაშვილი 20 ივნისის საქმის გამოძიებაზე

20 ივნისის საქმეზე პარლამენტთან საგამოძიებო მოქმედებებთან დაკავშირებით, პოლიტიკურ სპექტრში შეფასებები გრძელდება. პარლამენტის თავდაცვისა და უსაფრთხოების კომიტეტის თავმჯდომარის პირველი მოადგილე, თენგიზ შარმანაშვილი აცხადებს, რომ აუცილებელია გამოძიება ბოლომდე იყოს მიყვანილი და სტრასბურგის სასამართლოს მითითება შესრულდეს."რა თქმა უნდა, უკმარისობის გრძნობა, ამასთან დაკავშირებით, ყველას დაგვრჩა - ის, რომ გამოძიება ბოლომდე არ იყო მიყვანილი და ყველა ფაქტი თუ გარემოება, დადგენილი არ იყო. ამის თაობაზე მიგვითითა სტრასბურგის სასამართლომ, რათა ეს საკითხები იყოს ბოლომდე გამოკვლეული. მე მივესალმები და სწორიც არის. ჩვენ გვაქვს სრული ნდობა ადამიანის უფლებათა ევროპული სასამართლოსი და მისი ყველა მითითება უნდა იყოს ზედმიწევნით შესრულებული. არამხოლოდ იმიტომ, რომ ეს სასამართლომ მიგვითითა, ასეთი ტიპის საკითხები ყველა თავმოყვარე ქვეყანამ ბოლომდე უნდა გამოიკვლიოს და დღის სინათლეზე გამოიტანოს ყველა ის დანაშაული, თუ რომელიმე იქნა ჩადენილი ამ პერიოდის განმავლობაში," - განაცხადა თენგიზ შარმანაშვილმა.20 ივნისის საქმეზე პარლამენტთან საგამოძიებო მოქმედებები გრძელდება. დღეს მორიგ საგამოძიებო ექსპერიმენტში კიდევ ორმა ოპერატორმა მიიღო მონაწილეობა. მათ გამომძიებლებისა და ექსპერტების შეკითხვებს უპასუხეს. პროკურატურის ინფორმაციით, ექსპერიმენტის მიზანია სტრასბურგის სასამართლოს გადაწყვეტილებისა და რეკომენდაციის შესრულება - დადგინდეს, რამდენად სწორად მოხდა შინაგან საქმეთა სამინისტროს იმჟამინდელი ხელმძღვანელობის მხრიდან ოპერაციის დაგეგმვა და შეიძლებოდა თუ არა ზიანის შემცირება.

სამართალი • 1753359480

ჯგუფურ ძალადობაში მონაწილეობის ბრალდებით დაკავებული ანდრო ჭიჭინაძე და ონისე ცხადაძე ირაკლი კობახიძის განცხადებას გამოეხმაურნენ

ჯგუფურ ძალადობაში მონაწილეობის ბრალდებით დაკავებული ანდრო ჭიჭინაძე და ონისე ცხადაძე პრემიერ-მინისტრის, ირაკლი კობახიძის განცხადებას გამოეხმაურნენ.მსახიობმა ანდრო ჭიჭინაძემ განაცხადა, რომ ირაკლი კობახიძის განცხადება სასამართლოზე ზეწოლას ახდენს და კონკრეტული განაჩენის გამოტანისკენ უბიძგებს.„უმაღლესი თანამდებობის პირი სასამართლო განხილვის პარალელურად როდესაც აკეთებს კომენტარებს, რომელიც შეიცავს უდანაშაულობის პრეზუმფციის დარღვევას, ეს არის პირდაპირი ზეწოლა სასამართლოს და ჩვენ მიმართ. ეს ნიშნავს იმას, რომ ის პირდაპირ აძლევს მოსამართლეს მითითებას, რომ ჩვენ მიმართ გამოიტანოს გამამტყუნებელი განაჩენი. საზოგადოებისთვის მინდა განვმარტო, თუ ვინმე დაზიანდა, მნიშვნელობა არ აქვს პოლიციელია თუ არა, ეს არის ძალიან ცუდი და ეს არავის უხარია. თუმცა, ის ადამიანები, რომლებიც აქ დაზარალებულის სტატუსით მიდიან და ამბობენ, რომ არ დავუნახივართ, არ უცინა, ვინ დააზიანა და ჩვენ მიმართ პრეტენზია არ აქვთ, – ასე არ დგინდება სამართალი. ის ადამიანები, რომლებიც პოლიციის ფირმით გოგოებს ურტყამდნენ, ისინი სად არიან, გაუგებარია რატომ არ არიან აქ? ეს არის პირდაპირი ზეწოლა სასამართლოზე და იმედი მაქვს, რომ აქ მარწუხებს გავუმკლავდებით“, – განაცხადა სასამართლო სხდომაზე ანდრო ჭიჭინაძემ.სასამართლო სხდომაზე ასევე სიტყვა ჰქონდა იუმორისტ ონისე ცხადაძეს, რომელმაც  მაგალითად მოიყვანა აქციებზე დაკავებული სხვა ბრალდებულების გუშინდელი სასამართლო პროცესი, სადაც პროკურატურას მტკიცებულების სახით ვიდეო ჰქონდა წარმოდგენილი, თუმცა ვიდეოს ხმა არ ჰქონდა.„კობახიძე არის იურისტი, რომელმაც მგონი, იურიდიული საერთოდ არ იცის. ამბობს, რომ 1000 კაციდან 30 დავიჭირეთო, ანუ გამოდის, რომ ჩვენ პრევენციისთვის ვართ დაკავებული. პროკურორს ვეკითხები, თქვენც მიიჩნევთ, თუ არა რომ პრევენციის მიზნით ვართ დაკავებული?. გუშინ რა ფაქტიც, მოხდა მეორე სასამართლოზე, რა მტკიცებულებაც პროკურორმა მოიტანა, მაინტერესებს რა ვიდეოთი დავორგანიზდი მე? სულ მაინტერესებდა, რომელი ვიდეოთი დავორგანიზდი, რადგან სულ მეგონა, რომ ეს ვიდეო ტელევიზორში გავიდოდა და გავიგებდი, როგორ დავორგანიზდი” გავიგე, რომ ამ ვიდეოს არ ჰქონდა ხმა. მაგ დროს, როდესაც ვიდეოს არ ექნებოდა ხმა, კონკრეტულად ის პირი, ვინც წარადგინა ვიდეო მოსამართლემ უნდა დააჩაქუჩოს. ამბავი აქვთ ატეხილი გარეთ „ქოცებს“, რომ 2012 წლიდან რუსებს გვეძახდნენო. 2012 წლიდან კი არა, ბიძინა ივანიშვილი არის დაბადებიდან რუსი“, – განაცხადა ონისე ცხადაძემ.ცხადაძეს ამ სიტყვების წარმოთქმის შემდგომ მოსამართლე ნინო გალუსტაშვილმა სიტყვის დასრულებისკენ მოუწოდა და მოიხთოვა, რომ დარბაზში შემდეგი მოწმე შემოეყვანათ.პრემიერ-მინისტრმა, ირაკლი კობახიძემ აჭარის საზოგადოებრივი მაუწყებლის ეთერში განაცხადა, „დაკავებულია მხოლოდ 30 ადამიანი 1000-მდე ადამიანიდან. ეს აჩვენებს იმას, თუ რამდენად მაღალია გამოძიების სტანდარტი ჩვენს ქვეყანაში. თუ არ იყო უტყუარი მტკიცებულებები, თუ არ იყო იდენტიფიცირებადი ადამიანი და კონკრეტულად ძალადობრივი ქმედება, ამ შემთხვევაში არ ხდებოდა ადამიანის დაკავება“.ცნობისთვის, პარლამენტთან მიმდინარე საპროტესტო აქციების დროს, ჯგუფურ ძალადობაში მონაწილეობის ბრალდებით 11 პირი დააკავეს. დაკავებულებს – ანდრო ჭიჭინაძეს, ონისე ცხადაძეს, ჯანო არჩაიას, რუსლან სივაკოვს, ლუკა ჯაბუას, გურამ მირცხულავას, ვალერი თეთრაშვილს, გიორგი ტერიშვილს, ირაკლი ქერაშვილს, რევაზ კიკნაძესა და სერგეი კუხარჩუკს ბრალი საქართველოს სისხლის სამართლის კოდექსის 225-ე მუხლის მეორე ნაწილით წარედგინათ, რაც ჯგუფურ ძალადობაში მონაწილეობას გულისხმობს. აღნიშნული დანაშაული სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს.

პოლიტიკა • 1752921481

ევროპარლამენტის წერილის გამოქვეყნება დროში დაემთხვა გამარგინალებული ოპოზიციის აქციას, რომელიც დღეს არის დაგეგმილი, საღამოს ქართული საზოგადოება და ევროკავშირი ნახავს, რომ საქართველოში მათ განცხადებას ჩალის ფასი აქვს - დავით ჩიხელიძე

ევროპარლამენტი ვა ბანკზე წავიდა, მათ რადიკალურ ძალებს ფინანსურთან ერთად დოკუმენტური მხარდაჭერა გამოუცხადეს და წერილი გამოაქვეყნეს, სადაც აღნიშნავენ, არ ცნობენ საქართველოს მთავრობას. წერილის გამოქვეყნება დროში დაემთხვა, გამარგინალებული ოპოზიციის აქციას,რომელიც დღეს არის დაგეგმილი - წერს სოციალურ ქსელში ექსპერტი დავით ჩიხელიძე.მისი თქმით, საღამოს ქართული საზოგადოება და ევროკავშირი ნახავს, რომ საქართველოში მათ განცხადებას ჩალის ფასი აქვს, რადგან პარლამენტთან დღეს საღამოს ისევ ის ასიოდე მოღალატე გამოვა, ვინც გუშინ გამოვიდა. ჩვენს ქვეყანაში ამინდს ქართველი ხალხი ქმნის და არა ევროკავშირის კორუმპირებული წევრების განცხადებები.„ევროპარლამენტი ვა ბანკზე წავიდა, მათ რადიკალურ ძალებს ფინანსურთან ერთად დოკუმენტური მხარდაჭერა გამოუცხადეს და წერილი გამოაქვეყნეს, სადაც აღნიშნავენ, არ ცნობენ საქართველოს მთავრობას. წერილის გამოქვეყნება დროში დაემთხვა, გამარგინალებული ოპოზიციის აქციას,რომელიც დღეს არის დაგეგმილი, საღამოს ქართული საზოგადოება და ევროკავშირი ნახავს, რომ საქართველოში მათ განცხადებას ჩალის ფასი აქვს, რადგან პარლამენტთან დღეს საღამოს ისევ ის ასიოდე მოღალატე გამოვა, ვინც გუშინ გამოვიდა. ჩვენს ქვეყანაში ამინდს ქართველი ხალხი ქმნის და არა ევროკავშირის კორუმპირებული წევრების განცხადებები!“ - წერს ჩიხელიძე.

სამართალი • 1752660240

ჯგუფური ძალადობის ორგანიზების, ხელმძღვანელობისა და მასში მონაწილეობის ბრალდებით დაკავებული გიორგი გორგაძე სასამართლო პროცესზე შეუძლოდ გახდა და სასწრაფო სამედიცინო დახმარება გამოიძახეს

საქართველოს პარლამენტთან საპროტესტო აქციების დროს ჯგუფური ძალადობის ორგანიზების, ხელმძღვანელობისა და მასში მონაწილეობის ბრალდებით დაკავებული გიორგი გორგაძე სასამართლო პროცესზე შეუძლოდ გახდა და სასწრაფო სამედიცინო დახმარება გამოიძახეს.გორგაძე შეუძლოდ პროცესის დაწყებისთანავე გახდა. ადვოკატის, შოთა თუთბერიძის თქმით, გორგაძემ დილით უზმოზე თავის ტკივილის გამო ტკივილგამაყუჩებელი დალია. ამასთან, რამდენიმე დღის წინ მას ფილტვების ანთება ჰქონდა, ეს მდგომარეობა კი, მისი თქმით, ფილტვების ანთების შემდგომ პერიოდს ახასიათებს.პროცესზე შესვენება იყო გამოცხადებული. ამ დროისთვის პროცესი განახლებულია და ბრალდების მოწმე იკითხება.ჯგუფური ძალადობის ორგანიზების, ხელმძღვანელობისა და მასში მონაწილეობის ბრალდებით დაკავებულია რვა პირი: ზვიად ცეცხლაძე, ვასილ კაძელაშვილი, ვეფხია კასრაძე, ირაკლი მიმინოშვილი, ინსაფ ალიევი, თორნიკე გოშაძე, ნიკოლოზ ჯავახიშვილი და გიორგი გიორგაძე.

სამართალი • 1752048253

საქალაქო სასამართლოში მსახიობ ანდრო ჭიჭინაძის, იუმორისტ ონისე ცხადაძისა და კიდევ 9 პირის პროცესი მიმდინარეობს

თბილისის საქალაქო სასამართლოში მსახიობ ანდრო ჭიჭინაძის, იუმორისტ ონისე ცხადაძისა და კიდევ 9 პირის პროცესი მიმდინარეობს.სხდომა ბრალდების მხარის მოწმეების დაკითხვა გრძელდება.დაკავებულებს პარლამენტთან მიმდინარე საპროტესტო აქციების დროს, ჯგუფურ ძალადობაში მონაწილეობას ედავებიან. საქმე 225-ე მუხლით არის აღძრული.დანაშაული 4-იდან 6 წლამდე პატიმრობას ითვალისწინებს.

პოლიტიკა • 1751967720

თენგიზ შარმანაშვილი: აღიარონ ეუთო/ოდირის დასკვნა საპარლამენტო არჩევნებზე და, დარწმუნებული ვარ, ხელისუფლება ნახევარ საათში მიიღებს გადაწყვეტილებას მათი კვლავ მოწვევის თაობაზე

აღიარონ ეუთო/ოდირის დასკვნა საპარლამენტო არჩევნებთან დაკავშირებით და, დარწმუნებული ვარ, ხელისუფლება ნახევარ საათში მიიღებს გადაწყვეტილებას მათი მოწვევის თაობაზე, – ამის შესახებ საპარლამენტო უმრავლესობის წევრმა, თენგიზ შარმანაშვილმა განაცხადა.შარმანაშვილის თქმით, მანამდე ამის გაკეთება არ ღირს.„ეუთო/ოდირი ობიექტურ დამკვირვებლად თუ მიაჩნიათ და ეუთო/ოდირის სიტყვა გადამწყვეტი, ერთ-ერთი წამყვანია ასეთ ვითარებაში, 2024 წლის საპარლამენტო არჩევნებზე მათი დასკვნა აღიარონ იმ ადამიანებმა, რომლებიც ახლა მოგვიწოდებენ, ისევ ეუთო/ოდირზე გავაკეთოთ სწორება. ამის შემდეგ, დარწმუნებული ვარ, საქართველოს ხელისუფლება ნახევარ საათში მიიღებს გადაწყვეტილებას მათი მოწვევის თაობაზე, მაგრამ ისევ ის ფარსი გავითამაშოთ, რომ დაბულინგებული ეუთო/ოდირი ჩამოვიყვანოთ და შემდეგ კაცმა არ იცის, იმ დასკვნას ვინ სად მოისვრის? ასეთ ვითარებაში საუბარიც ზედმეტია. ავტორიტეტულად მიიჩნევ? აღიარე. თქვი, ვეთანხმებით 2024 წლის არჩევნების დასკვნას, სადაც არჩევნები კონკურენტუნარიანად არის ნაღიარები. იქვეა მოწოდება, რა უნდა გამოასწოროს საქართველოს ხელისუფლებამ. დასკვნაში ეუთო/ოდირი ხელისუფლებას აღიარებს და ეუბნება, რომ დანარჩენი ნაწილი, რაზეც გესაუბრები შენ, ლეგიტიმური ხელისუფლებავ, კიდევ უფრო გააუმჯობესე. თავად ეუთო/ოდირის თავმოყვარეობის საკითხია, ვიდრე ჩვენ მოგვმართავს, მივიდეს ევროპარლამენტთან და იმას მიმართოს, უკიდურესად შეურაცხყოფილი ვართ, რომ 2024 წლის დასკვნა არ გაიზიარეთ, სანაგვე ყუთში მოისროლეთო. შემდეგ გავაგრძელოთ დანარჩენზე საუბარი, მანამდე ამის გაკეთება არ ღირს“, – განაცხადა თენგიზ შარმანაშვილმა.

პოლიტიკა • 1751705753

პეტერ ფიშერი ელენე ხოშტარიაზე - "ის არ არის რადიკალი ადამიანი"

ქალბატონ ხოშტარიას არაერთხელ შევხვედრივარ, მათ შორის გერმანელ ვიზიტორებთან ერთადაც და რამდენადაც შემიძლია ვთქვა, ის არ არის რადიკალი, მოძალადე ადამიანი - ამის შესახებ, საქართველოში გერმანიის ელჩმა პეტერ ფიშერმა, "რადიო თავისუფლებისთვის" მიცემულ ინტერვიუში განაცხადა.კითხვაზე, თუ რა იყო მისი იდეა, როდესაც პარლამენტთან ელენე ხოშტარიასა და გედევან ფოფხაძეს, შიმშლობის აქციის დროს შეხვდა, ფიშერი აცხადებს, რომ ეს იყო "ადამიანური და მორალური იმპულსი" მისი მხრიდან:"მივდიოდი ერთ ღონისძიებაზე, სასიამოვნო მიღებაზე საქართველოს ერთ მშვენიერ ადგილას და გავიარე პარლამენტთან. ქალბატონ ხოშტარიას არაერთხელ შევხვედრივარ, მათ შორის გერმანელ ვიზიტორებთან ერთადაც და რამდენადაც შემიძლია ვთქვა, ის არ არის რადიკალი, მოძალადე ადამიანი. მისი პარტია არის ევროპული პარტიების ლიბერალების ჯგუფის წევრი და როცა ჩავიარე, ვიგრძენი ადამიანური და მორალური იმპულსი შევჩერებულიყავი და დავლაპარაკებოდი მას, ვისაც შიმშილობა ჰქონდა გამოცხადებული. შიმშილობა ძალიან სერიოზული და პოტენციურად ძალიან სახიფათო რამ არის. წინა ღამით, ღონისძიებაზე ვიყავი, როცა მის მიერ შიმშილობის დაწყების ამბავი გავრცელდა და მე დავინახე, რომ ადამიანები იქ ტიროდნენ, რადგან იცოდნენ, რომ მას ჯანმრთელობის პრობლემები აქვს, რომ მას ჰყავს შვილები. ეს იყო მხოლოდ ადამიანური და მორალური იმპულსი,"- აცხადებს პეტერ ფიშერი.

პოლიტიკა • 1751312940

„თუ მიდიხარ ადამიანთან, რომელიც შიმშილობს, უფრო მიზანშეწონილად მიგვაჩნია, ადამიანი არ წაახალისო შიმშილობისკენ და პირიქით - ურჩიო, რომ შეწყვიტოს თავის დაზიანება“ - ლევან მაჭავარიანი გერმანიის ელჩზე

„რაც შეეხება იმას, რომ იგი მივიდა ქალბატონ ხოშტარიასთან - თუ ადამიანთან მიდიხარ, რომელიც შიმშილობს და იქ ემპათიაზე იყო საუბარი ბატონი ფიშერის მხრიდან, უფრო მიზანშეწონილად მიგვაჩნია, რომ ადამიანი არ წაახალისო შიმშილობისკენ, რჩევა არ მისცე, რომ გააგრძელოს შიმშილობა და პირიქით - ურჩიო, რომ მან შეწყვიტოს თავის დაზიანება. ჩვენ უფრო ჯანსაღად ასეთი მიდგომა მიგვაჩნია," - ეს განცხადება "ქართული ოცნების" წევრმა, ლევან მაჭავარიანმა გერმანიის ელჩ პიტერ ფიშერთან დაკავშირებით გააკეთა, რომელიც პარლამენტთან მოშიმშილე ოპოზიციონერი ლიდერების მოსანახულებლად მივიდა.მისივე თქმით, ბოლო თვეების განმავლობაში განსაკუთრებით კარგად ჩანს, რომ გერმანიის ელჩი ვენის კონვენციას არღვევს და უხეშად ერევა საქართველოს შიდა საქმეებში."ჩვენ კარგად ვაკვირდებით, მით უმეტეს, ბოლო თვეების განმავლობაში, თუ როგორ არის ბატონი ფიშერი პირდაპირ, უხეშად ჩართული ჩვენს შიდა პოლიტიკაში, მთლიანად არღვევს ვენის კონვენციას, - სასამართლო პროცესებზე დადის, რაც ზეწოლაა მოსამართლეებზე; თვითონ გამოდის ინიციატივებით, რომელ ბრალდებულს რა სანქცია ეკუთვნის, ვინ რამდენი უნდა მოიხადოს და ა.შ. აჯილდოებს "ნაციონალური მოძრაობის" სიის წევრებს, იქ რაღაც კვლევებს ატარებს მედიათავისუფლებაზე, რომელსაც უკვეთს "ნაციონალური მოძრაობის" პოლიტსაბჭოს ყოფილ წევრს და ა.შ. უამრავი მაგალითი შეგვიძლია ჩამოვთვალოთ ბატონ ფიშერთან და არამარტო მასთან დაკავშირებით.რაც შეეხება იმას, რომ იგი მივიდა ქალბატონ ხოშტარიასთან - თუ ადამიანთან მიდიხარ, რომელიც შიმშილობს და იქ ემპათიაზე იყო საუბარი ბატონი ფიშერის მხრიდან, უფრო მიზანშეწონილად მიგვაჩნია, რომ ადამიანი არ წაახალისო შიმშილობისკენ, რჩევა არ მისცე, რომ გააგრძელოს შიმშილობა და პირიქით - ურჩიო, რომ მან შეწყვიტოს თავის დაზიანება. ჩვენ უფრო ჯანსაღად ასეთი მიდგომა მიგვაჩნია, უფრო ქართულიცაა, უფრო ევროპულიც და უფრო ადამიანურიც. შეიძლება, იყოფა ჩვენი და ბატონი ფიშერის აზრები, მას თავის აზრი აქვს, კი ბატონო, თუმცა ჩვენი მოქალაქეები ამ ყველაფერს თავად აფასებენ," - აცხადებს ლევან მაჭავარიანი.

პოლიტიკა • 1751305020

ელენე ხოშტარია და გედევან ფოფხაძე შიმშილობას წყვეტენ

ელენე ხოშტარიამ შიმშილობა შეწყვიტა. პარტია "ახლის" ერთ-ერთმა ლიდერმა განცხადება სულ ცოტა ხნის წინ გააკეთა. შიმშილობას წყვეტს გედევან ფოფხაძეც.ელენე ხოშტარიას თქმით, მან პოზიცია მას შემდეგ შეიცვალა, რაც 8 ოპოზიციური პარტია შეთანხმდა, რომ ადგილობრივი თვითმმართველობის არჩევნებში მონაწილეობას არ მიიღებენ, თუმცა მათ რიგებში ისევ არ არიან "ლელოსა" და გახარიას პარტიების წარმომადგენლები."ძალიან მიხარია, რომ ვწყვეტ შიმშილობას, რომ ყველა ერთად გადავიდეთ ძალიან აქტიურ ბრძოლის ფაზაზე", - განაცხადა ელენე ხოშტარიამ.მან პარლამენტთან 8 ოპოზიციური პარტიის საერთო განცხადება წაიკითხა, რომელსაც ხელს აწერენ პარტიები: "ერთიანი ნაციონალური მოძრაობა", "თავისუფლების მოედანი", "ევროპული საქართველო", "სტრატეგია აღმაშენებელი", "ახალი", "გირჩი - მეტი თავისუფლება", "დროა", ⁠"ფედერალისტები".

პოლიტიკა • 1751283349

„ჩვენი ქვეყნის მეგობარია, რომელსაც აინტერესებს ამ ქვეყანაში რა ხდება. მოვიდა, რადგან დაინტერესდა რატომ იყო მიღებული პროტესტის ასეთი ფორმა“ - გედევან ფოფხაძე პიტერ ფიშერზე

გერმანიის ელჩის, პიტერ ფიშერის მიერ, შიმშილობის დროს ელენე ხოშტარიას მონახულებასთან დაკავშირებით, ოპოზიციაში შეფასებები კეთდება. ხელისუფლების ოპონენტები მხარდაჭერაზე საუბრობენ."კოალიცია ცვლილებისთვის" წევრის, გედევან ფოფხაძის თქმით, ელჩმა მათ თანადგომა გამოუცხადა."ის არის ჩვენი ქვეყნის მეგობარი, რომელსაც აინტერესებს ამ ქვეყანაში რა ხდება. ის აქ მოვიდა, სწორედ იმიტომ, რომ დაინტერესდა ადამიანების მხრიდან რატომ იყო მიღებული პროტესტის ასეთი ფორმა და როგორ ვაფასებთ არსებულ ვითარებას. მისი საქციელი არ არის ჰუმანური და იმათი საქციელია ჰუმანური, ვინც უკანონოდ ადამიანებს ციხეში სვამს?" - აღნიშნა გედევან ფოფხაძემ.ამასთან, "ერთიანობა - ნაციონალური მოძრაობის" წევრის, ანა წითლიძის შეფასებით, "მოშიმშილისთვია სოლიდარობის გამოცხადება ყველაზე ჰუმანური აქტია." მისივე განცხადებით, "არასოდეს არცერთი ევროპული ქვეყანა არ ჩარეულა საქართველოს შიდა საქმეებში."ცნობისთვის, პიტერ ფიშერი 2 დღის წინ პარლამენტთან მივიდა, სადაც ელენე ხოშტარიას და სხვა მოშიმშილეებს შეხვდა. ელჩმა მათ სოლიდარობა გამოუცხადა.