პარლამენტთან

აქციის ორგანიზატორებმა მომიტინგეებს განუცხადეს, რომ პროტესტი გრძელდება და ყველა მომდევნო ქმედება იქნება არაპროგნოზირებადი

პარლამენტის წინ მიმდინარე აქციის მონაწილეებს ორგანიზატორებმა განუცხადეს, რომ პროტესტი გრძელდება და ყველა მომდევნო გეგმა მოულოდნელი იქნება.“ერთიანობა ნაციონალური მოძრაობის” გენერალური მდივნის მოადგილემ, ირაკლი ფავლენიშვილმა სიტყვით გამოსვლისას აქციის მონაწილეებს მოუწოდა, რომ პროტესტი გააგრძელონ.„არ ვიშლებით. ვდგავართ, ვავრცელებთ ჩვენს პროტესტს. ჩვენი პროტესტის მომდევნო ქმედებები პროგნოზირებადი არ იქნება, ამ ადამიანებისთვის, რომლებიც აქედან და იქიდან იხედებიან. დიახ, ჩვენი პროტესტი ბოლო კვირების მანძილზე, ხშირ შემთხვევაში, მათთვისაც მოულოდნელი იყო და ასე გაგრძელდება. ამიტომ, ვიფიქროთ, როგორ და რანაირად. გავაგრძელოთ ჩვენი პროტესტი - გამარჯვება ჩვენია, ერთი წამითაც არ დაფიქრდეთ, რომ ივანიშვილი თავისას გაიტანს. თავისას გაიტანს ქართველი ხალხი! ივანიშვილის გასატანი აქ არაფერი არ არის! ქვეყანას ვერ „აგვახევს“, იქით ავახევთ ძალაუფლებას!“, - განაცხადა ფავლენიშვილმა.ინფორმაციისთვის, აქციის მონაწილეები ახალი პარლამენტის პირველ სხდომას აპროტესტებენ, რომელიც ხვალ არის ჩანიშნული. მომიტინგეები დღევანდელი ღამის პარლამენტთან გათენებას აპირებენ.

პოლიტიკა • 1732478749

პარლამენტთან აქციის მონაწილეებმა კარვები გაშალეს

პარლამენტთან შეკრებილმა საპროტესტო აქციის მონაწილეებმა რუსთაველის გამზირზე კარვები გაშალეს. კარვებთან ერთად, ადგილზეა წყალი, საკვები, ათობით პარალონი და პლედები.აქციის მონაწილეები 26 ოქტომბრის არჩევნების შედეგებს არ აღიარებენ. მათი თქმით, ახალი პარლამენტის პირველ სხდომას, რომელიც ხვალ უნდა გაიმართოს, გააპროტესტებენ. შეკრებილები გეგმავენ, რომ ღამე პარლამენტთან გაათენონ.

პოლიტიკა • 1732478593

პარლამენტთან მიმდინარე აქციაზე მოქალაქემ პოლიციელს დაარტყა

საკანონმდებლო ორგანოს შენობასთან, სადაც საპროტესტო აქცია მიმდინარეობს, აქციის მონაწილემ სამართალდამცველზე ფიზიკურად იძალადა - მან პოლიციელს ხელი გაარტყა.აქციის მიმდინარეობისას, ვითარება რამდენჯერმე დაიძაბა. იქამდე, შეკრებილებს სურდათ, პარლამენტთან ავტომობილებით მისულიყვნენ. პოლიციამ მათ ამის საშუალება არ მისცა. "პოლიციის მიერ მოხდა გზის გადაკეტვა, რათა ფეხით გადაადგილება შეძლებოდათ, ამ ეტაპზე კი ითხოვენ, ავტოკოლონით შევიდნენ დაკეტილ გზაზე, ხალხთან ერთად, რაც, უსაფრთხოების ზომებიდან გამომდინარე, შეუძლებელია", - განმარტა თბილისის საპატრულო პოლიციის უფროსმა ვაჟა სირაძემ.ცოტა ხნის წინ, პარლამენტთან შეკრებილებმა რუსთაველის გამზირზე კარვები გაშალეს. კარვებთან ერთად, ადგილზეა წყალი, საკვები, ათობით პარალონი და პლედები.მე-11 მოწვევის პარლამენტი მუშაობას ხვალ, 12:00 საათზე დაიწყებს - პრეზიდენტის, ოპოზიციისა და დიპლომატიური კორპუსის გარეშე, "ქართული ოცნების" 89 დეპუტატი 150 კანონმდებლის უფლებამოსილებას დაამტკიცებს.

პოლიტიკა • 1732471320

რესპუბლიკის მოედანზე შეკრებილი აქციის მონაწილეები მსვლელობით საქართველოს პარლამენტისკენ მიემართებიან

რესპუბლიკის მოედანზე შეკრებილი აქციის მონაწილეები მსვლელობით საქართველოს პარლამენტისკენ მიემართებიან.აქციის მონაწილეები 26 ოქტომბრის არჩევნების შედეგებს არ აღიარებენ, აღნიშნულ კონტექსტში კი ახალი პარლამენტის პირველ სხდომას აპროტესტებენ, რომელიც ხვალ უნდა გაიმართოს.შეკრებილები გეგმავენ, რომ ღამე პარლამენტთან გაათენონ.აქციაზე ოპოზიციური პარტიის ლიდერები იმყოფებიან. გარდა ამისა, საპროტესტო აქციას ავტოკოლონებით რეგიონებიდანაც შეუერთდნენ.აქციის მონაწილეებს გაშლილი აქვთ ბანერები და საქართველოს დროშები. ისინი სტვენით, შეძახილებით გამოხატავენ პროტესტს და სკანდირებენ: "საქართველოს გაუმარჯოს!"ადგილზე მობილიზებულია პოლიცია.

პოლიტიკა • 1732470156

გიორგი გახარია მხარდამჭერებს ხვალ პარლამენტთან მისვლისკენ მოუწოდებს

ხვალ ქართველი ხალხის მშვიდობიანი ხმა უნდა ისმოდეს საქართველოს პარლამენტთან და არა სხდომათა დარბაზში. ქართველი ხალხის გაბრაზებული ხმა უნდა გავაგონოთ ყველას, ვინც ჩვენს მოქალაქეებს არჩევანი მოჰპარა, - ამის შესახებ პარტია „გახარია საქართველოსთვის“ განცხადებაშია აღნიშნული.პარტია მხარდამჭერებს მოუწოდებს, 25 ნოემბერს საქართველოს პარლამენტთან მშვიდობიანი პროტესტი გამოხატონ.„ხვალ, 25 ნოემბერს, საქართველოს მე-11 მოწვევის პარლამენტის მხოლოდ ერთპარტიული შემადგენლობა შეიკრიბება, რომელსაც საზოგადოების უმრავლესობის მხარდაჭერა და ნდობა არ აქვს. ეს პარლამენტი ვერ გამოხატავს ქართველი ხალხის ნებას! ხვალინდელ სხდომას ასევე არ დაესწრებიან დიპლომატიური კორპუსის წარმომადგენლები! ამ პარლამენტს არც საერთაშორისო აღიარება აქვს! ამიტომ, ხვალ ქართველი ხალხის მშვიდობიანი ხმა უნდა ისმოდეს საქართველოს პარლამენტთან და არა სხდომათა დარბაზში. ქართველი ხალხის გაბრაზებული ხმა უნდა გავაგონოთ ყველას, ვინც ჩვენს მოქალაქეებს არჩევანი მოჰპარა. უნდა დავანახოთ ჩვენს საერთაშორისო მეგობრებს, თუ სად დგას ქართველი ხალხი და მათი ნება! ამიტომ, მოვუწოდებთ ჩვენი პოლიტიკური ძალის მხარდამჭერებს, ხვალ საქართველოს პარლამენტთან გამოვხატოთ მშვიდობიანი პროტესტი და ჩვენი მშვიდობიანი ხმა გავაგონოთ ყველას!“,- აღნიშნულია „გახარია საქართველოსთვის“ განცხადებაში.

პოლიტიკა • 1732355257

"ოპოზიცია ეცდება, პარლამენტში თავისი შემოსვლა გაამართლოს იმით, რომ ეს არის ტრიბუნა, საიდანაც უფრო მეტი ზიანი შეიძლება მიაყენოს ვითომ ოპონენტს, მაგრამ რეალობაში საქართველოს" - გიორგი ვოლსკი

2 დღე პირველ სხდომამდე - ორშაბათს 12:00 საათზე, მე-11-ე მოწვევის პარლამენტი პირველად შეიკრიბება.წინააღმდეგობის მიუხედავად, "ქართული ოცნების" 89 დეპუტატი, დანარჩენი 61-ის უფლებამოსილებასაც ცნობს. 25 ნოემბერს მმართველი გუნდი პარლამენტში, ოპოზიცია კი პარლამენტთან მივა. დაგეგმილია საპროტესტო აქცია."ქართულ ოცნებაში" აცხადებენ, რომ ოპოზიცია ეცდება, პარლამენტში თავისი შემოსვლა გაამართლოს:"ოპოზიცია ეცდება, პარლამენტში თავისი შემოსვლა გაამართლოს იმით, რომ ეს არის პლატფორმა და ტრიბუნა, საიდანაც უფრო მეტი ზიანი შეიძლება მიაყენოს ვითომ ოპონენტს, მაგრამ რეალობაში საქართველოს. უფრო მეტი რესურსი ჰქონდეთ ხელში, რომ საქართველოში რევოლუციისა და დესტაბილიზაციის პროცესი არ შეჩერდეს. ფიქრობს საზოგადოების გარკვეული ნაწილი, საექსპერტო ჯგუფებიც, რომ ისინი გამოიყენებენ პირველ სხდომას, რათა თავისი დესტრუქციის ეფექტურობა დაანახონ სწორედ პარლამენტის ტრიბუნიდან,"- აცხადებს "ქართული ოცნების" საპარლამენტო სიის დიდუბე-ჩუღურეთის რაიონის დელეგატი გიორგი ვოლსკი.

პოლიტიკა • 1732355100

"დესტრუქციული ქმედებების პარალელურად, ქუჩაში უმსგავსობიდან დაწყებული საკონსტიტუციო სარჩელებით გაგრძელებული, საქართველოს პარლამენტი დაიწყებს ფუნქციონირებას" - ნინო წილოსანი

2 დღე პირველ სხდომამდე - ორშაბათს 12:00 საათზე, მე-11-ე მოწვევის პარლამენტი პირველად შეიკრიბება.წინააღმდეგობის მიუხედავად, "ქართული ოცნების" 89 დეპუტატი, დანარჩენი 61-ის უფლებამოსილებასაც ცნობს. 25 ნოემბერს მმართველი გუნდი პარლამენტში, ოპოზიცია კი პარლამენტთან მივა. დაგეგმილია საპროტესტო აქცია."ქართულ ოცნებაში" აცხადებენ, რომ მიუხედავად ოპოზიციის "არაერთი დესტრუქციული ქმედებისა", საქართველოს პარლამენტი დაიწყებს ფუნქციონირებას:"25 ნოემბერს გაიმართება პარლამენტის პირველი სხდომა და დეპუტატების უფლებამოსილება იქნება ცნობილი. 25-ში იქნება არჩეული პარლამენტის თავმჯდომარე, მოადგილეები, კომიტეტის თავმჯდომარეები, დაკომპლექტდება პარლამენტი, მათ შორის, დაფორმირდება ფრაქციები. კონსტიტუციაში გაწერილია სწორედ ისეთი შემთხვევები - ვიღაც ვიგინდარებმა რომ იჩივლონ საკონსტიტუციო სასამართლოში, რეალურად ამან ვერ შეაჩეროს საქართველოში პოლიტიკური პროცესები და რაც მთავარია, ვერ შეაჩეროს ქართველი ხალხის არჩევანის განხორციელება. იმის პარალელურად, რომ არაერთი დესტრუქციული მოქმედებაა, ქუჩაში უმსგავსობიდან დაწყებული საკონსტიტუციო სარჩელებით გაგრძელებული, საქართველოს პარლამენტი დაიწყებს ფუნქციონირებას,"- აცხადებს მეათე მოწვევის პარლამენტის თავმჯდომარის მოადგილე ნინო წილოსანი.

პოლიტიკა • 1732120927

გიორგი ვოლსკი: პარლამენტი კიდევ ერთხელ აჩვენებს, რომ არის იმ სტანდარტის, რასაც მაღალი ევროპული სტანდარტი ჰქვია

მთელი რიგი ასპექტებით პარლამენტი კიდევ ერთხელ აჩვენებს, რომ არის იმ სტანდარტის, რასაც მაღალი ევროპული სტანდარტი ჰქვია, - განაცხადა პარლამენტის პირველმა ვიცე-სპიკერმა გიორგი ვოლსკიმ. მან კომენტარი გააკეთა მე-11 მოწვევის პარლამენტთან დაკავშირებით, რომელიც ორშაბათს შეიკრიბება.„მილიონ ორასი ათასი ადამიანი გაძლევს მანდატს, რომ უზრუნველყო მათი შვილების, ოჯახების, მათ შორის იმ ოჯახების კეთილდღეობა, რომელიც ოპოზიციას უჭერს მხარს და გადაარჩინო ქვეყანა, სამშვიდობოს გაიყვანო. ეს ზოგადი მიმოხილვაა რასაკვირველია, რის უკანაც დევს გარემოს დაცვიდან დაწყებული, განათლების საკითხებთან დაკავშირებული თემები, ანგარიშვალდებულება ხალხის მიმართ, მსჯელობა, კანონპროექტები და მთელი რიგი ასპექტებით პარლამენტი კიდევ ერთხელ აჩვენებს, რომ არის იმ სტანდარტის, რასაც მაღალი ევროპული სტანდარტი ჰქვია“, - განაცხადა ვოლსკიმ.25 ნოემბერს მე-11 მოწვევის პარლამენტის პირველი სხდომა გაიმართება.

პოლიტიკა • 1731782705

ქართველ ფაშისტებს ქართველი ხალხი იცნობს და მიხედავს, პრობლემა იმ "ევროპელ პოლიტიკოსებშია", ვინც პარლამენტთან, ევროპის სახელით, ამ ფაშისტებს ძალადობისკენ უბიძგა -შალვა პაპუაშვილი

რა თქმა უნდა, ყველა, ვინც გიორგი კალანდარიშვილს, უკვე მეორედ, სახლში მიუვარდა, არის ფაშისტი, - წერს პარლამენტის თავმჯდომარე, შალვა პაპუაშვილი, სოციალურ ქსელში.მისი განცხადებით, ქართველი ხალხი ადგილობრივ ფაშისტებს იცნობს და მიხედავს, თუმცა, პრობლემა იმ "ევროპელ პოლიტიკოსებშია", ვინც რამდენიმე დღის წინ, პარლამენტთან, ევროპის სახელით, ქართველ ფაშისტებს ძალადობისკენ უბიძგა.“რა თქმა უნდა, ყველა, ვინცგიორგი კალანდარიშვილს, უკვე მეორედ, სახლში მიუვარდა, არის ფაშისტი.თუმცა, ეს არ არის მთავარი პრობლემა. ქართველ ფაშისტებს ქართველი ხალხი იცნობს და მიხედავს.პრობლემა იმ "ევროპელ პოლიტიკოსებშია", ვინც რამდენიმე დღის წინ, პარლამენტთან, დამტვრეული ინგლისურით, ევროპის სახელით, ამ ფაშისტებს ძალადობისკენ უბიძგა." - წერს შალვა პაპუაშვილი.რადიკალების აგრესიული ჯგუფის წარმომადგენლებმა გიორგი კალანდარიშვილის საცხოვრებელ სახლთან ადგილობრივ მცხოვრებლებს და პოლიციელებს სიტყვიერი და ფიზიკური შეურაცხყოფა მიაყენეს.

პოლიტიკა • 1731766642

გიორგი კალანდარიშვილისთვის შავი ნივთიერების შესხმის ფაქტი წინასწარ კარგად დაგეგმილი ქმედებაა, რომელიც დანაშაულის ნიშნებს შეიცავს - არჩილ გორდულაძე

გიორგი ვაშაძეზე რა უნდა ვთქვა?! ადამიანი, რომელიც უბრალოდ ყველანაირი პოლიტიკური, მორალური ღირსებისგან დაცლილია და ეს განცხადება პირდაპირი მოწოდებაა, რომ ასეთი ქმედებები, დანაშაულები განხორციელდეს და ჩადენილი იქნას, - ასე შეაფასა „ქართული ოცნების“ თავმჯდომარის პირველმა მოადგილემ არჩილ გორდულაძემ გადაცემაში „დღის ქრონიკა“, „ნაციონალური მოძრაობის“ ერთ-ერთი ლიდერის, გიორგი ვაშაძის განცხადება, რომლის თქმითაც, „ყველამ ავიღოთ მელანი, ვინც სადაც გამყალბებელს ვნახავთ, შევასხათ სახეში, ეს არის გეგმა“.მისივე თქმით, თითოეული ადამიანი, რომელსაც დავალებას მისცემენ, რომ დანაშაული ჩაიდინოს მიტოვებულებად დარჩებიან, არავითარი პატრონი არ ეყოლებათ და ეს კარგად უნდა გაითვალისწინოს იმ ადამიანებმა, რომლებიც მიიღებენ „ნაცმოძრაობისგან“ დავალებებს და დანაშაულზეც კი წამსვლელები არიან. „ჩვენ კარგად უნდა გავახსენოთ ქართველ ხალხს და მათ შორის ამ ძალის მხარდამჭერებსაც, რომ მაგალითად, რამდენიმე თვის წინ, როდესაც აქციები მიმდინარეობდა პარლამენტთან, როდესაც დაზიანდა სახელმწიფო ქონება და ადამიანები პასუხისგებაში არიან მიცემულები სხვისი ნივთის დაზიანების გამო, მიტოვებულები არიან ახლა „ნაციონალური მოძრაობისგან“ და თითოეული ადამიანი, რომელსაც დავალებას მისცემენ, რომ დანაშაული ჩაიდინოს ისევე მიტოვებულებად დარჩებიან და არავითარი პატრონი არ ეყოლებათ. ეს კარგად უნდა გაითვალისწინოს იმ ადამიანებმა, რომლებიც მიიღებენ „ნაცმოძრაობისგან“ დავალებებს და დანაშაულზეც კი წამსვლელები არიან“, - განაცხადა არჩილ გორდულაძემ.

რეგიონი • 1731762410

ასლან ბჟანია ოკუპირებული აფხაზეთის ე.წ. "პარლამენტის" გათავისუფლების შემთხვევაში, "გადადგომის" პირობას დებს - რუსული მედია

ოკუპირებული აფხაზეთის ე.წ. "პრეზიდენტმა" ასლან ბჟანიამ განაცხადა, რომ მზად არის "გადადგეს", როგორც კი "ოპოზიცია" ე.წ. პარლამენტისა და სხვა სამთავრობო შენობებს დატოვებს. ინფორმაციას რუსული მედია ავრცელებს."როდესაც ისინი დატოვებენ შენობას, მე დავწერ გადადგომის განცხადებას, შემდეგ კი ახალ არჩევნებზე ვნახავთ, რამდენად დიდი მხარდაჭერა აქვთ მათ," - აღნიშნა ბჟანიამ სოფელ ტამიშში მოსახლეობასთან შეხვედრისას.მისივე თქმით, მხოლოდ ამ პირობის შესრულების შემთხვევაში დაინიშნება ახალი არჩევნები, რის შემდეგაც ოკუპირებულ აფხაზეთს, დროებით, ე.წ. ვიცე-პრეზიდენტი უხელმძღვანელებს. ბჟანიამ ასევე განაცხადა, რომ ის მზად არის, კვლავ მიიღოს მონაწილეობა "არჩევნებში".შეგახსენებთ, რომ ოკუპირებულ აფხაზეთში "ოპოზიცია" რუსეთთან საინვესტიციო შეთანხმების რატიფიცირებას აპროტესტებს, რომელიც, მათი თქმით, ოკუპირებული აფხაზეთისთვის საფრთხის შემცველია.მათი შეხედულებით, შეთანხმება გამოიწვევს ფასების ზრდას და ადგილობრივ ბიზნესს დააზარალებს. მათ საკანონმდებლო განხილვის გადადება მოითხოვეს და ე.წ. პარლამენტთან საპროტესტო აქციები გამართეს.გუშინ, 15 ნოემბერს, დემონსტრანტებმა "ძალოვანი სტრუქტურების" წინააღმდეგობის მიუხედავად, ე.წ. პარლამენტისა და პრეზიდენტის ადმინისტრაციის შენობები დაიკავეს. დაპირისპირების შედეგად, 14 ადამიანი დაშავდა.

რეგიონი • 1731697615

ასლან ბჟანია, გადადგომის შესახებ, გავრცელებულ ინფორმაციას არ ადასტურებს

აფხაზეთის თვითგამოცხადებული რესპუბლიკის პრეზიდენტმაб ასლან ბჟანიამ მხარდამჭერებს განუცხადა, რომ გადადგომას არ აპირებს.„დღევანდელმა მოვლენებმა კიდევ ერთხელ დააყენა ჩვენი რესპუბლიკა დიდი პრობლემების წინაშე. აფხაზეთის ხელმძღვანელობა: აფხაზეთის პრეზიდენტი, აფხაზეთის ვიცე-პრეზიდენტი, პრემიერ-მინისტრი, მთავრობის წევრები აფხაზეთში ადგილზე არიან და ადგილზე იქნებიან და გააგრძელებენ მუშაობას. მე გთხოვთ, არ დანებდეთ პროვოკაციებს, მე აქ ვარ, აფხაზეთში და გავაგრძელებთ მუშაობას. ჩვენ არ დავიშურებთ ძალისხმევას, ამ მოვლენების შედეგების აღმოსაფხვრელად. გმადლობთ ყველა მშვიდობიანი მოქალაქისა და უნიფორმაში ჩაცმული ადამიანების მხარდაჭერისა და სამსახურისთვის“.სოხუმში, რუსეთ-აფხაზური „საინვესტიციო შეთანხმების“ წინააღმდეგ პროტესტანტებმა დღეს სამთავრობო შენობების კომპლექსის მიმდებარე ღობის ნაწილი დაანგრიეს და პარლამენტის შენობის მიმდებარე ტერიტორიაზე, შემდეგ კი პარლამენტისა და პრეზიდენტის ადმინისტრაციის შიგნით შევიდნენ. აქციის მონაწილეებმა კვერცხები და ბოთლები დაუშინეს, მაგრამ სერიოზული წინააღმდეგობა არ გაუწევიათ. აქციის დროს 13 ადამიანი დაშავდა. პარლამენტთან სროლაც ისმოდა.პროტესტის ფონზე პარლამენტმა გააუქმა სხდომა, რომელზედაც მოსკოვთან საინვესტიციო შეთანხმების რატიფიცირებაზე კენჭისყრა უნდა გამართულიყო.ოპოზიციის პროტესტის გამო აფხაზეთის პრეზიდენტები ორჯერ ვადამდე გადადგნენ. 2014 წლის 1 ივნისს ალექსანდრე ანქვაბმა თანამდებობა დატოვა. კონფლიქტი მაშინ პროვოცირებული იყო რესპუბლიკის აღმოსავლეთ რეგიონებში ქართველი ეროვნების მცხოვრებთათვის აფხაზური პასპორტების გაცემით.2020 წლის 12 იანვარს რაულ ხაჯიმბამ თანამდებობა დატოვა მას შემდეგ, რაც აფხაზეთის უზენაესმა სასამართლომ 2019 წლის საპრეზიდენტო არჩევნების შედეგები გააუქმა. მაშინ ასლან ბჟანიამ საპრეზიდენტო არჩევნებში მონაწილეობა ჯანმრთელობის გამო ვერ შეძლო (მისი და მისი მხარდამჭერების აზრით ბჟანია მოწამლეს). თუმცა მან 2020 წლის მარტის არჩევნები ხმების 56,50%-ით მოიგო. მისი მეტოქე იყო ადგურ არძინბა, რომელმაც ხმების 35,42% მიიღო. - წერს ekhokavkaza.ვიდეო იხილეთ აქ