პარლამენტთან

ვახტანგ ბაჩიაშვილი: „დიზაინის სამართლის შესახებ“ რიადის საერთაშორისო ხელშეკრულებასთან შეერთებით ქართული ინტელექტუალური საკუთრების სამართალი კიდევ უფრო დაუახლოვდება ინტელექტუალური საკუთრების სფეროში არსებულ უახლეს ტენდენციებს

პარლამენტის საგარეო ურთიერთობათა კომიტეტის სხდომაზე „დიზაინის სამართლის შესახებ“ რიადის ხელშეკრულება და ამ ხელშეკრულების რეგულაციები განიხილეს.როგორც საქართველოს მთავრობის საპარლამენტო მდივანმა ვახტანგ ბაჩიაშვილმა განმარტა, საქართველოს მთავრობის წარდგინებით, ქვეყანა „დიზაინის სამართლის შესახებ“ რიადის ხელშეკრულებას და მის რეგულაციებს უერთდება.აღნიშნული გადაწყვეტილება მიზნად ისახავს ქართველი დიზაინერებისა და მეწარმეებისთვის საერთაშორისო ბაზრებზე ოპერირების გამარტივებასა და ბიუროკრატიული ბარიერების შემცირებას.მომხსენებლის განცხადებით, რიადის ხელშეკრულება 2024 წელს საუდის არაბეთში, ინტელექტუალური საკუთრების მსოფლიო ორგანიზაციის (WIPO) დიპლომატიურ კონფერენციაზე მიიღეს.ხელშეკრულების მთავარი მიზანი დიზაინის დაცვის სფეროში ერთიანი, მინიმალური სტანდარტების დადგენაა, რაც მნიშვნელოვნად ამცირებს სხვადასხვა ქვეყნის განსხვავებული პროცედურებით გამოწვეულ ხარჯებსა და ვადებს.ვახტანგ ბაჩიაშვილის თქმით, ამ ეტაპზე ხელშეკრულებას მხარს 28 ხელმომწერი სახელმწიფო უჭერს, მათ შორის, დიდი ბრიტანეთი, შვეიცარია, ისლანდია და სხვები.აღნიშნულ ხელშეკრულებასთან შეერთებით, ქართველ დიზაინერებსა და მცირე თუ საშუალო ბიზნესის წარმომადგენლებს საზღვარგარეთ საკუთარი ნამუშევრების სამართლებრივი დაცვა გაუმარტივდებათ.როგორც მომხსენებელმა განმარტა, მიუხედავად იმისა, რომ მოქმედი ეროვნული კანონმდებლობა არსებითად თანხვედრაშია საერთაშორისო სტანდარტებთან, ხელშეკრულებასთან შეერთება „დიზაინის შესახებ“ კანონში გარკვეული ცვლილებების შეტანას ითვალისწინებს.კანონპროექტით განისაზღვრება პრიორიტეტის უფლების აღდგენის სამართლებრივი საფუძვლები, პირობები და პროცედურული წესი და გაფართოვდება იმ მომსახურების ჩამონათვალი, რომელთა შესრულებისთვისაც კანონმდებლობით დადგენილი საფასური გადაიხდება. კერძოდ, კანონს დაემატება პრიორიტეტის უფლების აღდგენისა და მფლობელის უფლების აღდგენისთვის დადგენილი საფასურები. გარდა ამისა, კანონს ემატება ნორმა, რომლითაც მოწესრიგდება ვადის დაუცველობის შემთხვევაში დიზაინის მფლობელის უფლებების აღდგენასთან დაკავშირებული საკითხები.„დიზაინის სამართლის შესახებ“ რიადის საერთაშორისო ხელშეკრულებასთან შეერთებით ქართული ინტელექტუალური საკუთრების სამართალი კიდევ უფრო დაუახლოვდება ინტელექტუალური საკუთრების სფეროში არსებულ უახლეს ტენდენციებს“, - განაცხადა ვახტანგ ბაჩიაშვილმა.საგარეო ურთიერთობათა კომიტეტმა საქართველოს პარლამენტის მაროკოს სამეფოს პარლამენტთან მეგობრობის ჯგუფის შექმნას მხარი დაუჭირა.პარლამენტის შესაბამის დადგენილებაში ცვლილების შეტანის შესახებ პროექტი საგარეო ურთიერთობათა კომიტეტის თავმჯდომარემ ნიკოლოზ სამხარაძემ წარადგინა.დადგენილების პროექტი ძალაში მიღებისთანავე შევა, რათა ამ დადგენილების საფუძველზე მიღებული იქნას ბიუროს გადაწყვეტილება მაროკოს სამეფოს პარლამენტთან საქართველოს პარლამენტის მეგობრობის ჯგუფის ხელმძღვანელის და ჯგუფის წევრების განსაზღვრის თაობაზე.ინფორმაციას პარლამენტის პრესსამსახური ავრცელებს.

მსოფლიო • 1779101531

ჩინეთის ეროვნული სახალხო კონგრესის მუდმივმოქმედი კომიტეტის თავმჯდომარე: ეროვნული კონგრესი მზად არის საქართველოს პარლამენტთან ერთად იმუშაოს ჩვენი ორი ქვეყნის ლიდერებს შორის მიღწეული მნიშვნელოვანი შეთანხმებების განხორციელებაზე

ჩინეთის სახალხო წარმომადგენელთა ეროვნული კონგრესი მზად არის საქართველოს პარლამენტთან ერთად იმუშაოს ჩვენი ორ ქვეყნის ლიდერებს შორის მიღწეული მნიშვნელოვანი შეთანხმებების განხორციელებაზე, - განაცხადა ეროვნული სახალხო კონგრესის მუდმივმოქმედი კომიტეტის თავმჯდომარემ, ჭაო ლეძიმ საქართველოს პარლამენტის თავმჯდომარესთან შეხვედრის შემდეგ.მისი თქმით, ეროვნული სახალხო კონგრესის მუდმივმოქმედი კომიტეტი მზად არის გააძლიეროს საქართველოსთან ურთიერთობები და კიდევ უფრო გაამდიდროს სტრატეგიული პარტნიორობის შინაარსი.„დიპლომატიური ურთიერთობების დამყარებიდან გასული 34 წლის განმავლობაში ჩინეთი და საქართველო ყოველთვის ურთიერთპატივისცემისა და ორმხრივი სარგებლის სულისკვეთებით ავითარებდნენ თანამშრომლობას. ბოლო წლებში ორი ქვეყნის ლიდერების სტრატეგიული ხელმძღვანელობის პირობებში ჩინეთმა და საქართველომ დაამყარეს სტრატეგიული პარტნიორობა, რის შედეგადაც ორმხრივი ურთიერთობები განვითარების ახალ ეტაპზე გადავიდა. ჩინეთის სახალხო წარმომადგენელთა ეროვნული კონგრესი მზად არის საქართველოს პარლამენტთან ერთად იმუშაოს ჩვენი ორ ქვეყნის ლიდერებს შორის მიღწეული მნიშვნელოვანი შეთანხმებების განხორციელებაზე. გააგრძელოს ორ ქვეყანას შორის ტრადიციული მეგობრობის განმტკიცება. გააძლიეროს ურთიერთობები და კიდევ უფრო გაამდიდროს ჩვენი სტრატეგიული პარტნიორობის შინაარსი“, - განაცხადა ჭაო ლეძიმ.პარლამენტის თავმჯდომარე ჩინეთში, ეროვნული სახალხო კონგრესის მუდმივმოქმედი კომიტეტის თავმჯდომარეს შეხვდა. ასევე, საპარლამენტო დელეგაცია ჩინეთის ეროვნულ სახალხო კონგრესში პოლიტბიუროს მუდმივი კომიტეტის წევრს, ჩინეთის სახალხო პოლიტიკური საკონსულტაციო საბჭოს ეროვნული კომიტეტის თავმჯდომარეს შეხვდა. შალვა პაპუაშვილმა აღნიშნა, რომ ბოლო წლებში საქართველო-ჩინეთის ურთიერთობებმა მნიშვნელოვან პროგრესს მიაღწია, რაც პოლიტიკური დიალოგის, ეკონომიკური თანამშრომლობის, კულტურული გაცვლისა და ხალხთაშორისი ურთიერთობების თანმიმდევრულ გაფართოებაში გამოიხატა.

პოლიტიკა • 1778502344

სლოვაკეთის პარლამენტის თავმჯდომარე: სლოვაკეთი მხარს უჭერს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში

სლოვაკეთი მხარს უჭერს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში, - განაცხადა სლოვაკეთის პარლამენტის თავმჯდომარემ, რიხარდ რაშიმ საქართველოს პარლამენტის თავმჯდომარესთან, შალვა პაპუაშვილთან ერთად გამართულ ბრიფინგზე განაცხადა.მისი თქმით, საქართველო ერთ-ერთია იმ ქვეყნებს შორის, რომელსაც სლოვაკეთი სხვადასხვა საგრანტო პროგრამით უჭერს მხარს.„კეთილი იყოს თქვენი მობრძანება ბრატისლავაში. საქართველოს პარლამენტის თავმჯდომარის პირველი ისტორიული ვიზიტია ბრატისლავაში. მოხარული ვარ, რომ ეს არის ჩვენი დიალოგის გაგრძელება, რომელიც გასულ წელს ჟენევაში, საპარლამენტთაშორისო კავშირის ფარგლებში დავიწყეთ და რასაც აპრილში საქართველოს პრეზიდენტის ბრატისლავაში ვიზიტი მოჰყვა. მინდა, გაგიზიაროთ ჩვენი შეხვედრის ძირითადი ასპექტები. უპირველეს ყოვლისა, სლოვაკეთი, რაც ძალიან მნიშვნელოვანია, მხარს უჭერს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში. ვინაიდან დღეს ქვეყნების მთლიანობა ირღვევა, მნიშვნელოვანია, აღინიშნოს, რომ სლოვაკეთი გააგრძელებს საქართველოს ტერიტორიული მთლიანობის მხარდაჭერას. ჩვენ შევხვდით, რათა გავაძლიეროთ და გავაუმჯობესოთ საპარლამენტო თანამშრომლობა. შეხვედრას ესწრებოდნენ პარლამენტის წევრები და სხვა დაინტერესებული მხარეები, რომლებიც კავშირში იქნებიან საქართველოს პარლამენტთან. წარმოდგენილი იყვნენ სხვადასხვა კომიტეტის წარმომადგენლები - განათლების, სოციალური საკითხების, ასევე თავდაცვისა და უსაფრთხოების მიმართულებებით, რადგან ბევრი სფეროა, სადაც შეგვიძლია გამოცდილების გაცვლა, ასევე თემები, სადაც შეგვიძლია, გაგიზიაროთ ჩვენი გამოცდილება ევროკავშირში გაწევრიანების პროცესიდან“, - განაცხადა რიხარდ რაშიმ.როგორც რიხარდ რაშიმ აღნიშნა, საქართველო ერთ-ერთი უმნიშვნელოვანესი სატრანსპორტო საყრდენია.„საქართველო არის მნიშვნელოვანი და სტრატეგიული სატრანსპორტო გზა. შესაძლოა, ბოლომდე ვერ ვაცნობიერებთ, რომ გვჭირდება კონკრეტული ადგილები, საიდანაც ენერგორესურსებს მივიღებთ, რაც ძალიან მნიშვნელოვანია. ამასთან, გვჭირდება უსაფრთხო სატრანსპორტო გზა. მინდა, მადლობა გადავუხადო საქართველოს, რომ ძალიან ეფექტურად მუშაობს რესურსების დივერსიფიკაციის მიმართულებით, განსაკუთრებით იმ კონტექსტში, რაც ხდება უკრაინის კონფლიქტსა და ახლო აღმოსავლეთში მიმდინარე მოვლენებთან დაკავშირებით. შესაბამისად, საქართველო დარჩება ერთ-ერთ უმნიშვნელოვანეს სატრანსპორტო საყრდენად. საქართველო ერთ-ერთია იმ ქვეყნებს შორის, რომელსაც სლოვაკეთი სხვადასხვა საგრანტო პროგრამით უჭერს მხარს. სლოვაკეთსა და საქართველოს შორის იქნება ერთმილიონიანი თანამშრომლობა. ჩვენი ურთიერთობები მნიშვნელოვანი და დინამიკურია არა მხოლოდ ქვეყნის პრეზიდენტის წინა ვიზიტის გამო, არამედ იმის გამოც, რომ სხვადასხვა მინისტრმა უკვე მოინახულა სლოვაკეთი. ჩვენ შევქმენით სამთავრობათაშორისო კომისია თანამშრომლობისთვის. პირდაპირი საჰაერო მიმოსვლით სლოვაკეთსა და საქართველოს შორის თანამშრომლობის ახალი ეტაპი დაიწყო. ქართველებისთვისაც უფრო მარტივი გახდა სლოვაკეთში ჩასვლა. ჩვენ გვაქვს სპეციალური პროგრამები ქართველი სტუდენტებისთვის, რომელთა გაფართოებასაც ვგეგმავთ. შესაბამისად, არსებობს დიდი პოტენციალი ჩვენი ურთიერთობების კიდევ უფრო გაღრმავებისთვის. ვისაუბრეთ კულტურის სფეროში თანამშრომლობაზეც – ეს არის სფერო, სადაც ორივე ქვეყანას შეუძლია ერთმანეთისთვის კულტურის გაზიარება და წარმოჩენა. შეგვიძლია, ვითანამშრომლოთ ახალგაზრდული მიმართულებითაც, ახალგაზრდულ პარლამენტებთან და იმ პროგრამებზე, რომლებსაც ვამზადებთ საშუალო სკოლის მოსწავლეებისთვის. ვიმედოვნებ, შევძლებთ თანამშრომლობის განვითარებას ისე, რომ სლოვაკ სტუდენტებს შევთავაზოთ საქართველოს პარლამენტის მუშაობის გაცნობა“, – განაცხადა რიხარდ რაშიმ.რიხარდ რაშიმ ასევე აღნიშნა, რომ სლოვაკეთს სურს, დაეხმაროს საქართველოს ყველა იმ საკითხში, რომელიც საქართველოსთვის მნიშვნელოვანია ევროკავშირში ინტეგრაციისთვის.„ჩვენ ასევე გავიხსენეთ ევროკავშირში ინტეგრაციის გზა. გავიარეთ ყველა ის ეტაპი, რაც საჭიროა ევროკავშირში გაწევრიანებისთვის. ვუზიარებთ ჩვენს გამოცდილებას ექსპერტების დონეზე – რა იყო საჭირო რეალურად ევროკავშირში გასაწევრიანებლად. სლოვაკეთის ოფიციალური პოზიციაა, რომ უნდა შევინარჩუნოთ და გავაძლიეროთ სტრატეგიული დიალოგი. გვინდა, დავეხმაროთ საქართველოს ყველა იმ საკითხში, რომელიც საქართველოსთვის მნიშვნელოვანია ევროკავშირში ინტეგრაციისთვის. მიგვაჩნია, რომ საუკეთესო გზა არის დიალოგი და არა სანქციები, მიუხედავად იმისა, რომელ სფეროს ეხება საკითხი. დიალოგი ეხმარება, ხოლო სანქციები ადამიანების ცხოვრებას აზიანებს. გვსურს თქვენი ქვეყნის მხარდაჭერის გაგრძელება, თანამშრომლობის გაძლიერება. გვინდა, კულტურა, ახალგაზრდობა და ეკონომიკა გახდეს ჩვენი ურთიერთობების განვითარების ძირითადი სფეროები და ჩვენი ურთიერთობები მომავალშიც ისე განვითარდეს, როგორც აქამდე“, – აღნიშნა რიხარდ რაშიმ.

პოლიტიკა • 1778493866

სლოვაკეთის პარლამენტის თავმჯდომარე: გვინდა, დავეხმაროთ საქართველოს ყველა იმ საკითხში, რაც მნიშვნელოვანია ევროკავშირში ინტეგრაციისთვის, საუკეთესო გზა არის დიალოგი და არა სანქციები

სლოვაკეთი, რაც ძალიან მნიშვნელოვანია, მხარს უჭერს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში, – ამის შესახებ სლოვაკეთის პარლამენტის თავმჯდომარე რიხარდ რაშიმ საქართველოს პარლამენტის თავმჯდომარე შალვა პაპუაშვილთან ერთად გამართულ ბრიფინგზე განაცხადა.მისივე თქმით, დღევანდელი შეხვედრა გაიმართა, რათა გაძლიერდეს და გაუმჯობესდეს ორი ქვეყნის საპარლამენტო თანამშრომლობა.„კეთილი იყოს თქვენი მობრძანება ბრატისლავაში. საქართველოს პარლამენტის თავმჯდომარის პირველი ისტორიული ვიზიტია ბრატისლავაში. მოხარული ვარ, რომ ეს არის ჩვენი დიალოგის გაგრძელება, რომელიც გასულ წელს ჟენევაში, საპარლამენტთაშორისო კავშირის ფარგლებში დავიწყეთ და რასაც აპრილში, საქართველოს პრეზიდენტის ბრატისლავაში ვიზიტი მოჰყვა. მინდა, გაგიზიაროთ ჩვენი შეხვედრის ძირითადი ასპექტები. უპირველეს ყოვლისა, სლოვაკეთი, რაც ძალიან მნიშვნელოვანია, მხარს უჭერს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში. ვინაიდან დღეს ქვეყნების მთლიანობა ირღვევა, მნიშვნელოვანია აღინიშნოს, რომ სლოვაკეთი გააგრძელებს საქართველოს ტერიტორიული მთლიანობის მხარდაჭერას. ჩვენ შევხვდით, რათა გავაძლიეროთ და გავაუმჯობესოთ საპარლამენტო თანამშრომლობა. შეხვედრას ესწრებოდნენ პარლამენტის წევრები და სხვა დაინტერესებული მხარეები, რომლებიც კავშირში იქნებიან საქართველოს პარლამენტთან. წარმოდგენილი იყვნენ სხვადასხვა კომიტეტების წარმომადგენლები – განათლების, სოციალური საკითხების, ასევე თავდაცვისა და უსაფრთხოების მიმართულებებით, რადგან ბევრი სფეროა, სადაც შეგვიძლია გამოცდილების გაცვლა, ასევე თემები, სადაც შეგვიძლია, გაგიზიაროთ ჩვენი გამოცდილება ევროკავშირში გაწევრიანების პროცესიდან“, – განაცხადა რიხარდ რაშიმ.როგორც რიხარდ რაშიმ აღნიშნა, საქართველო ერთ-ერთი უმნიშვნელოვანესი სატრანსპორტო საყრდენია.საქართველო არის მნიშვნელოვანი და სტრატეგიული სატრანსპორტო გზა, რადგან შესაძლოა, ბოლომდე ვერ ვაცნობიერებთ, რომ გვჭირდება კონკრეტული ადგილები, საიდანაც ენერგორესურსებს მივიღებთ, რაც ძალიან მნიშვნელოვანია. ამასთან, გვჭირდება უსაფრთხო სატრანსპორტო გზა. მინდა, მადლობა გადავუხადო საქართველოს, რომ ძალიან ეფექტურად მუშაობს რესურსების დივერსიფიკაციის მიმართულებით, განსაკუთრებით იმ კონტექსტში, რაც ხდება უკრაინის კონფლიქტსა და ახლო აღმოსავლეთში მიმდინარე მოვლენებთან დაკავშირებით. შესაბამისად, საქართველო დარჩება ერთ-ერთ უმნიშვნელოვანეს სატრანსპორტო საყრდენად. საქართველო ერთ-ერთია იმ ქვეყნებს შორის, რომელსაც სლოვაკეთი სხვადასხვა საგრანტო პროგრამებით უჭერს მხარს. სლოვაკეთსა და საქართველოს შორის იქნება ერთმილიონიანი თანამშრომლობა. ჩვენი ურთიერთობები მნიშვნელოვანი და დინამიკურია არა მხოლოდ ქვეყნის პრეზიდენტის წინა ვიზიტის გამო, არამედ იმის გამოც, რომ სხვადასხვა მინისტრებმა უკვე მოინახულეს სლოვაკეთი. ჩვენ შევქმენით სამთავრობათაშორისო კომისია თანამშრომლობისთვის. პირდაპირი საჰაერო მიმოსვლით სლოვაკეთსა და საქართველოს შორის თანამშრომლობის ახალი ეტაპი დაიწყო. ქართველებისთვისაც უფრო მარტივი გახდა სლოვაკეთში ჩასვლა. ჩვენ გვაქვს სპეციალური პროგრამები ქართველი სტუდენტებისთვის, რომელთა გაფართოებასაც ვგეგმავთ. შესაბამისად, არსებობს დიდი პოტენციალი ჩვენი ურთიერთობების კიდევ უფრო გაღრმავებისთვის. ვისაუბრეთ კულტურის სფეროში თანამშრომლობაზეც – ეს არის სფერო, სადაც ორივე ქვეყანას შეუძლია ერთმანეთისთვის კულტურის გაზიარება და წარმოჩენა. შეგვიძლია ვითანამშრომლოთ ახალგაზრდული მიმართულებითაც, ახალგაზრდულ პარლამენტებთან და იმ პროგრამებზე, რომლებსაც ვამზადებთ საშუალო სკოლის მოსწავლეებისთვის. ვიმედოვნებ, შევძლებთ თანამშრომლობის განვითარებას ისე, რომ სლოვაკ სტუდენტებს შევთავაზოთ საქართველოს პარლამენტის მუშაობის გაცნობა“, – განაცხადა რიხარდ რაშიმ.რიხარდ რაშიმ ასევე განაცხადა, რომ სლოვაკეთს სურს, დაეხმაროს საქართველოს ყველა იმ საკითხში, რომელიც საქართველოსთვის მნიშვნელოვანია ევროკავშირში ინტეგრაციისთვის.ჩვენ ასევე გავიხსენეთ ევროკავშირში ინტეგრაციის გზა. გავიარეთ ყველა ის ეტაპი, რაც საჭიროა ევროკავშირში გაწევრიანებისთვის. ვუზიარებთ ჩვენს გამოცდილებას ექსპერტების დონეზე – რა იყო საჭირო რეალურად ევროკავშირში გასაწევრიანებლად. სლოვაკეთის ოფიციალური პოზიციაა, რომ უნდა შევინარჩუნოთ და გავაძლიეროთ სტრატეგიული დიალოგი. გვინდა, დავეხმაროთ საქართველოს ყველა იმ საკითხში, რომელიც საქართველოსთვის მნიშვნელოვანია ევროკავშირში ინტეგრაციისთვის. მიგვაჩნია, რომ საუკეთესო გზა არის დიალოგი და არა სანქციები, მიუხედავად იმისა, რომელ სფეროს ეხება საკითხი. დიალოგი ეხმარება, ხოლო სანქციები ადამიანების ცხოვრებას აზიანებს. გვსურს თქვენი ქვეყნის მხარდაჭერის გაგრძელება, თანამშრომლობის გაძლიერება. გვინდა, კულტურა, ახალგაზრდობა და ეკონომიკა გახდეს ჩვენი ურთიერთობების განვითარების ძირითადი სფეროები და ჩვენი ურთიერთობები მომავალშიც ისე განვითარდეს, როგორც აქამდე“, – აღნიშნა რიხარდ რაშიმ.

პოლიტიკა • 1778419941

ევროპული ინტეგრაციის პროცესში მნიშვნელოვანია იმ ქვეყნებთან ურთიერთობა, რომლებიც ქართველი ხალხის მიმართ მეგობრულ პოლიტიკას აწარმოებენ - შალვა პაპუაშვილი სლოვაკეთში ვიზიტზე

საქართველოს პარლამენტის თავმჯდომარე, შალვა პაპუაშვილი ოფიციალური ვიზიტით სლოვაკეთის დედაქალაქ ბრატისლავაში იმყოფება. როგორც შალვა პაპუაშვილმა მედიასთან განაცხადა, შეხვდება სლოვაკ კოლეგას, შეხვედრებზე კი საუბარი ორ ქვეყანას შორის საპარლამენტო ურთიერთობებს შეეხება."გვაქვს შესაძლებლობა, რომ ოფიციალური ვიზიტის ფარგლებში ვეწვიოთ სლოვაკეთს. პარლამენტის თავმჯდომარესთან მექნება შეხვედრა, ისევე, როგორც კოლეგებთან სლოვაკეთის პარლამენტში. უპირველეს ყოვლისა გვექნება საუბარი ორმხრივ საპარლამენტო ურთიერთობაზე, რომელიც გვინდა, რომ კიდევ უფრო მეტად გაღრმავდეს, როგორც საკომიტეტო დონეზე, ისე მეგობრობის ჯგუფებს შორის. ბოლო პერიოდში არის ინტენსიური ვიზიტები მაღალ დონეზე. იცით, რომ საქართველოს პრეზიდენტიც ცოტა ხნის წინ იმყოფებოდა სლოვაკეთში.ორმხრივ ურთიერთობებთან ერთად, რა თქმა უნდა, მნიშვნელოვანია, ევროპული ინტეგრაციის პროცესში იმ ქვეყნებთან ურთიერთობა, რომლებიც ქართველი ხალხის მიმართ მეგობრულ პოლიტიკას აწარმოებენ. მნიშვნელოვანია იმ პროპაგანდის და აგრესიული რიტორიკის ფონზე, რომელსაც ზოგიერთი პოლიტიკურად დაინტერესებული ხელისუფლება ევროკავშირში საქართველოს წინააღმდეგ ეწევა, ჩვენმა მეგობრებმა შეძლონ საღი აზრის შეტანა სხვადასხვა განხილვებში.საბედნიეროდ, სლოვაკეთის ხელისუფლებას აქვს საკმაოდ სწორი დამოკიდებულება ქართველ ხალხთან და საქართველოსთან. ამ მხრივ მნიშვნელოვანი არის, რომ სლოვაკეთის პარლამენტთან გვქონდეს კომუნიკაცია იმაზე, რომ მათ კოლეგებთანაც მიიტანონ ის საღი აზრი, რომელიც ასე სჭირდება თავად ევროკავშირს და ქართულ-ევროპულ ურთიერთობებს," - განაცხადა შალვა პაპუაშვილმა.

მსოფლიო • 1777912320

მეცოლა ალიევს: ჩვენ არასდროს შევცვლით მუშაობის მეთოდებს

ერევანში გამართულ ევროპული პოლიტიკური გაერთიანების სამიტზე, სადაც ევროკავშირის, მეზობელი და პარტნიორი ქვეყნების ლიდერები შეიკრიბნენ, ილჰამ ალიევსა და რობერტა მეცოლას შორის მწვავე სიტყვიერი შელაპარაკება მოხდა, - წერს Euronews.აზერბაიჯანის პრეზიდენტმა ევროპარლამენტი, რომელსაც მეცოლა ხელმძღვანელობს, ბაქოს შესახებ „ცილისწამებისა და სიცრუის გავრცელებაში“ დაადანაშაულა.მეცოლამ, თავის მხრივ, სიტყვა ითხოვა და მკვეთრად უარყო ეს ბრალდებები. „ჩვენ არასდროს შევცვლით მუშაობის მეთოდებს, მაშინაც კი, თუ ეს ვინმესთვის დისკომფორტის შემქმნელი იქნება“, - განაცხადა მან.ალიევმა ასევე აღნიშნა, რომ ევროპარლამენტარები ცდილობენ „საბოტაჟი მოუწყონ სამშვიდობო პროცესს“, რომელიც გასულ წელს აშშ-ის შუამავლობით დაიწყო და მთიან ყარაბაღში კონფლიქტის შემდეგ სომხეთსა და აზერბაიჯანს შორის ურთიერთობების დიპლომატიური და ეკონომიკური ჩარჩოები დაადგინა.ალიევმა დასძინა, რომ ევროპარლამენტმა აზერბაიჯანის კრიტიკით 14 რეზოლუცია მიიღო და ამას ქვეყნით „ერთგვარი აკვიატება“ უწოდა.მან ასევე დაადასტურა, რომ აზერბაიჯანის პარლამენტი ევროპარლამენტთან თანამშრომლობას ყველა მიმართულებით შეაჩერებს.ევროდეპუტატების მუშაობის კრიტიკის პარალელურად, ის მიესალმა ევროკომისიის ძალისხმევას ბრიუსელისა და ბაქოს - ნავთობისა და გაზის მსხვილი ექსპორტიორის - ურთიერთობების გაძლიერებისა და, ზოგადად, სამხრეთ კავკასიასთან თანამშრომლობის გაფართოების კუთხით.მეცოლამ პარლამენტის დასაცავად საპასუხო არგუმენტები მოიყვანა.„ევროპარლამენტი არის დემოკრატიული ორგანო, რომელიც პირდაპირი კენჭისყრით აირჩევა და მისი რეზოლუციები ხმათა უმრავლესობით მიიღება“, - განაცხადა მან. „ჩვენ გვესმის, რომ შედეგები ზოგიერთისთვის შეიძლება არასასიამოვნო იყოს, მაგრამ ჩვენ არასდროს შევცვლით ჩვენი მუშაობის პრინციპს“.

პოლიტიკა • 1777892177

საფუძველი არ მაქვს აზერბაიჯანის ოფიციალურ განცხადებას არ დავუჯერო, რომ ევროპული ინსტიტუტები უხეშად ერევიან და ჩემთვის გასაკვირი არ არის - თენგიზ შარმანაშვილი ალიევის განცხადებაზე

ევროპის პოლიტიკური გაერთიანების სამიტზე ონლაინ ჩართვისას აზერბაიჯანის პრეზიდენტმა ევროპული ინსტიტუტები მწვავედ კიდევ ერთხელ გააკრიტიკა. ილჰამ ალიევმა, ევროპის საბჭოს საპარლამენტო ასამბლეა და ევროპარლამენტი მიკერძოებულობაში და ორმაგ სტანდარტებში ღიად დაადანაშაულა. მან ევროპული ინსტიტუტების ქმედებების და მიღებული რეზოლუციების საპასუხოდ ოფიციალური ბაქოს მიერ გადადგმულ ნაბიჯებზე ისაუბრა. თქვა, რომ აზერბაიჯანი ევროპარლამენტთან ურთიერთობას საერთოდ წყვეტს.პარლამენტის თავდაცვისა და უსაფრთხოების კომიტეტის თავმჯდომარის პირველი მოადგილის თენგიზ შარმანაშვილის განცხადებით, არ აქვს საფუძველი ეჭვი შეიტანოს აზერბაიჯანის ოფიციალურ განცხადებაში და მიიჩნევს, რომ ევროკავშირის ზოგიერთი სტრუქტურა თანამშრომლობის ნაცვლად დირექტივების ფორმატში მოქმედებს. მისი თქმით, მსგავსი მიდგომა მიუღებელია როგორც საქართველოსთვის, ისე აზერბაიჯანისთვის და მნიშვნელოვანია, რომ რეგიონში მიღწეული მშვიდობა არ დაზიანდეს."არანაირი საფუძველი იმისა არ მაქვს, რომ აზერბაიჯანის ოფიციალურ განცხადებას არ დავუჯერო, რომ ისინი ასე უხეშად ერევიან და ჩემთვის ეს გასაკვირი არ არის. ევრობიუროკრატიას და ევროპარლამენტს უჭირთ თანამშრომლობის რეჟიმში მუშაობა, მათ შეუძლიათ მხოლოდ დირექტივების რეჟიმში მუშაობა, რასაც ვერც აზერბაიჯანი და ვერც საქართველო ვერ აიტანს. ამაში გასაკვირი არაფერი არ არის, რომ მათზეც ასეთი ზემოქმედების საშუალებების გამოყენება უნდოდათ. ამიტომ, ძლივს მივაღწიეთ იმას, რომ სამხრეთ კავკასიაში მშვიდობა დადგა და თუ საქმის გაკეთება არ შეგიძლია, ნუ გააფუჭებენ მაინც", - აცხადებს პარლამენტის თავდაცვისა და უსაფრთხოების კომიტეტის თავმჯდომარის პირველი მოადგილე თენგიზ შარმანაშვილი.

პოლიტიკა • 1777749269

პრემიერი - დღეს იყო კარგი ინიციატივები და უნდა გავაგრძელოთ კონსულტაციები, თუ როგორ არის შესაძლებელი მოკლევადიან პერსპექტივაში ძირითად კალათზე ფასების შემცირება, საშუალოვადიანი ამოცანაა, რომ უნდა მოხდეს მიწოდების ჯაჭვის დამოკლება ბიზნესთან კონსულტაციების საფუძველზე, ხოლო გრძელვადიან პროცესში ძალიან მნიშვნელოვანია გამჭვირვალობა, თუ სტრუქტურული ცვლილებები განხორციელდება ამ სექტორში, ფასების შემცირება შესაძლებელია

დღეს იყო კარგი ინიციატივები და ეს უნდა გავაღრმაოთ, უნდა გავაგრძელოთ კონსულტაციები, თუ როგორ არის შესაძლებელი მოკლევადიან პერსპექტივაში ძირითად კალათზე ფასების შემცირება, საშუალოვადიანი ამოცანაა, რომ უნდა მოხდეს მიწოდების ჯაჭვის დამოკლება ბიზნესთან კონსულტაციების საფუძველზე, ხოლო გრძელვადიან პროცესში ძალიან მნიშვნელოვანია გამჭვირვალობა, ეს არის კომისიის ერთ-ერთი რეკომენდაცია, - ამის შესახებ საქართველოს პრემიერ-მინისტრმა ირაკლი კობახიძემ გადაცემა „ღია ეთერში“ განაცხადა.მისივე თქმით, გამჭვირვალობა, მათ შორის, კონკურენციის სააგენტოს მისცემს იმის საშუალებას, რომ საჭიროების შემთხვევაში იდენტიფიცირება მოახდინოს წესებიდან გადახვევების, არასწორი თამაშის წესების და ა.შ.„სამწუხაროა, რომ დღევანდელ დებატებში ყოველთვის ფასებზე არ გვიწევდა საუბარი, გადახვევები გვქონდა, ვერ მოვისმინეთ კონკრეტულ შემთხვევაში ფასებთან დაკავშირებით შეთავაზებები. შევაჯამოთ, რას ვფიქრობთ ამ ყველაფერთან დაკავშირებით, რაც ეფუძნება მთავრობის მუშაობის შედეგებს, საპარლამენტო კომისიის მუშაობის შედეგებს. არის ორი მიმართულება, ერთი მოკლევადიანი, ერთი - გრძელვადიანი. მოკლევადიანს რაც შეეხება, დღეს იყო კარგი ინიციატივები და ეს უნდა გავაღრმაოთ, უნდა გავაგრძელოთ ამასთან დაკავშირებით კონსულტაციები უახლოეს დღეებში, როგორ არის შესაძლებელი მოკლევადიან პერსპექტივაში ძირითად კალათზე ფასების შემცირება, ვფიქრობთ, ამაზე შეიძლება ხელშესახები შედეგის მიღწევა, ეს არის მოკლევადიანი ამოცანა. რაც შეეხება გრძელვადიან პროცესს, გამჭვირვალობა ნამდვილად ძალიან მნიშვნელოვანია, ეს არის კომისიის ერთ-ერთი რეკომენდაცია. ეს გამჭვირვალობა, მათ შორის, კონკურენციის სააგენტოს მისცემს იმის საშუალებას, რომ საჭიროების შემთხვევაში, მოახდინოს იდენტიფიცირება წესებიდან გადახვევების, არასწორი თამაშის წესების და ა.შ. და ასევე რაც არის მნიშვნელოვანი საშუალოვადიანი ამოცანა - უნდა მოხდეს მიწოდების ჯაჭვის დამოკლება, რაც შესაძლებელია ბიზნესთან კონსულტაციების საფუძველზე. თუ სტრუქტურული ცვლილებები განხორციელდება ამ სექტორში, ამ შემთხვევაში არის შესაძლებელი ფასების შემცირება. ანუ, გვაქვს საშუალოვადიანი ამოცანები და გვაქვს მოკლევადიანი ამოცანა, რაზეც აქტიურად ვიმუშავებთ. მოკლევადიან ამოცანაზე უახლოეს დღეებში უნდა ჩამოვყალიბდეთ, რაც შეეხება საშუალოვადიან ამოცანებს, აქაც კონკრეტული გზა პრინციპში უკვე დასახულია და ამაზე აქტიურად იმუშავებს მთავრობა პარლამენტთან ერთად,“- განაცხადა პრემიერმა.

პოლიტიკა • 1777731960

ცოტნე ანანიძე: საინტერესოა, კიდევ რამდენი მოკავშირის გამო უნდა დაფიქრდეს ევრობიუროკრატია საკუთარ შეცდომებზე. საქართველო, ამერიკა, აზერბაიჯანი - დაძაბულობის გეოგრაფია იზრდება, ევროპელი ბიუროკრატები კი კვლავ უშეცდომო მორალური არბიტრის როლში არიან

აჭარის ავტონომიური რესპუბლიკის უმაღლესი საბჭოს თავმჯდომარე, ცოტნე ანანიძე, ეხმიანება მედიაში გავრცელებულ ინფორმაციას იმის შესახებ, რომ აზერბაიჯანმა ევროპარლამენტთან თანამშრომლობა ყველა მიმართულებით შეაჩერა.როგორც ანანიძე აღნიშნავს, დაძაბულობის გეოგრაფია იზრდება, ამის მიუხედავად, ევრობიუროკრატია საკუთარ შეცდომებს ვერ ხედავს და კვლავ მორალური არბიტრის როლშია."საინტერესოა, კიდევ რამდენი მოკავშირის გამო უნდა დაფიქრდეს ევრობიუროკრატია საკუთარ შეცდომებზე: საქართველო, ამერიკა, აზერბაიჯანი... დაძაბულობის გეოგრაფია იზრდება, ევროპელი ბიუროკრატები კი კვლავ უშეცდომო მორალური არბიტრის როლში არიან", - წერს ანანიძე სოციალურ ქსელში.

პოლიტიკა • 1777636116

ლევან მაჭავარიანი აზერბაიჯანის პარლამენტის მიერ ევროპარლამენტთან თანამშრომლობის შეწყვეტაზე: არ გამკვირვებია იქიდან გამომდინარე, რომ ჩვენ ყველაზე კარგად გვესმის ევროპარლამენტის უსამართლო დამოკიდებულება

ნამდვილად არ გამკვირვებია იქიდან გამომდინარე, რომ ჩვენ ყველაზე კარგად გვესმის ევროპარლამენტის უსამართლო დამოკიდებულება, - განაცხადა ფრაქცია „ქართული ოცნების“ თავმჯდომარის პირველმა მოადგილემ, საპარლამენტო უმრავლესობის წევრმა, ლევან მაჭავარიანმა „ქრონიკასთან“.დეპუტატი გამოეხმაურა იმ ფაქტს, რომ აზერბაიჯანის პარლამენტმა ევროპარლამენტთან თანამშრომლობის შეწყვეტის შესახებ გადაწყვეტილება მიიღო.„ნამდვილად არ გამკვირვებია იქიდან გამომდინარე, რომ ჩვენ ყველაზე კარგად გვესმის ევროპარლამენტის უსამართლო დამოკიდებულება. შევახსენებ ჩვენს მოქალაქეებს, რომ სწორედ ეს ინსტიტუტი იღებს უაზრო რეზოლუციებს, სადაც ითხოვენ ჩვენი საპატიო თავმჯდომარის დასანქცირებას, ჩვენი ქვეყნის დასანქცირებას. გვიწერენ, რომ მიხეილ სააკაშვილი არის პოლიტიკური დევნილი და მის გათავისუფლებას ითხოვენ. ამ ყველაფრიდან გამომდინარე, არაფერია გასაკვირი. წარმომიდგენია, როგორია მათი უსამართლო დამოკიდებულება აზერბაიჯანის მიმართ. სავარაუდოდ, სხვა გზა არ დაუტოვეს უსამართლო დამოკიდებულებიდან გამომდინარე“, - აღნიშნა მაჭავარიანმა.

მსოფლიო • 1777627141

მედია: აზერბაიჯანის პარლამენტმა მიიღო გადაწყვეტილება, ევროპარლამენტთან ყველა ფორმის თანამშრომლობა შეაჩეროს

აზერბაიჯანის პარლამენტმა მიიღო დადგენილება, რომლის თანახმადაც ევროპარლამენტთან ურთიერთობას აჩერებს. ინფორმაციას აზერბაიჯანული მედია ავრცელებს.მედიის თანახმად, აღნიშნული გადაწყვეტილება ევროპარლამენტის ანტიაზერბაიჯანული საქმიანობის გამო მიიღეს.როგორც რეზოლუციაშია აღნიშნული, ევროპარლამენტის დესტრუქციული პოზიცია ორმხრივი და მრავალმხრივი ურთიერთობების განვითარების მთავარ შემაფერხებელ ფაქტორად იქცა.აზერბაიჯანის პარლამენტი ევროპარლამენტთან თანამშრომლობას ყველა მიმართულებით აჩერებს.გარდა ამისა, რეზოლუციის მიხედვით, აზერბაიჯანი ევრონესტის საპარლამენტო ასამბლეასაც ტოვებს.

პოლიტიკა • 1777558500

ცოტნე ანანიძე საქართველოში თურქეთის რესპუბლიკის საგანგებო და სრულუფლებიან ელჩს შეხვდა

აჭარის უმაღლესი საბჭოს თავმჯდომარე, ცოტნე ანანიძე და საქართველოს პარლამენტის წევრი, თურქეთის რესპუბლიკის პარლამენტთან მეგობრობის ჯგუფის ხელმძღვანელი - გიორგი ჭყონია, საქართველოში თურქეთის რესპუბლიკის საგანგებო და სრულუფლებიან ელჩს, მუსტაფა თურქერ არის და თურქეთის რესპუბლიკის გენერალური კონსულის მოვალეობის შემსრულებელს ქალაქ ბათუმში - ბანუ თერზიოღლუს შეხვდნენ.აჭარის უმაღლეს საბჭოში გამართულ გაცნობითი ხასიათის შეხვედრაზე, ცოტნე ანანიძემ ახლად დანიშნულ ელჩს საქართველოში დიპლომატიური მისიის დაწყება მიულოცა და შემდგომი წარმატებები უსურვა.მხარეებმა ორ ქვეყანას შორის ურთიერთობებისა და თანამშრომლობის გაღრმავების საკითხებზე ისაუბრეს. ყურადღება გამახვილდა რეგიონთა შორის ურთიერთობებზე.საპატიო სტუმარმა, უმაღლესი საბჭოს თავმჯდომარეს, მადლობა გადაუხადა მასპინძლობისთვის და იმედი გამოთქვა, რომ ორ მეზობელ სახელმწიფოს შორის მრავალმხრივი რეგიონული ურთიერთობები კიდევ უფრო გაღრმავდება.შეხვედრას ესწრებოდნენ: აჭარის უმაღლესი საბჭოს ფრაქცია „ქართული ოცნების“ თავმჯდომარე - გოგი ფუტკარაძე და უმაღლესი საბჭოს თავმჯდომარის კაბინეტის უფროსი - მამუკა კაკაბაძე.