ნინო სურგულაძ

“თითქმის ერთი თვის განმავლობაში ერთად ვცხოვრობდით..." - რამ აღაფრთოვანა სოფი ლორენი

მარიამ შარმანაშვილს, რომელიც ფართო აუდიტორიამ ლეგენდარული იტალიელი კინოვარსკვლავის, სოფი ლორენის სარძლოს სტატუსით გაიცნო, ცოტა ხნის წინ რჩეულმა, კარლო პონტი უმცროსმა ხელი სთხოვა.მარიამი საკუთარი ცხოვრებისა და სამომავლო გეგმების შესახებ ჟურნალ "თბილისელებს" ესაუბრა. როგორც ვიცი, სადედამთილოს უკვე კარგად იცნობთ. როგორი ადამიანი აღმოჩნდა უდიდესი ვარსკვლავი პირად ურთიერთობაში და საქართველო თუ გააცანით?- ქალბატონი სოფია არის უაღრესად თბილი ადამიანი, გაცნობის დღიდან მისგან ძალიან თბილი დამოკიდებულება ვიგრძენი, მაგრამ ბოლო პერიოდში კიდევ უფრო დავახლოვდით, რადგან თითქმის ერთი თვის განმავლობაში მოგვიწია ერთად ცხოვრება. შესაბამისად, კიდევ უფრო უშუალო და მეგობრული ურთიერთობა ჩამოგვიყალიბდა. აქვს ძალიან კარგი იუმორი და ხშირად ვხალისობთ ხოლმე სხვადასხვა თემაზე. ქალბატონი სოფია ისედაც იცნობდა ჩვენს ქვეყანას, რადგან ის საქართველოს, ქალბატონი ნინო სურგულაძის საქველმოქმედო კონცერტის ფარგლებში, 2016 წელს ესტუმრა, მაგრამ მეც როდესაც საშუალება მეძლევა, უფრო და უფრო მეტს ვუყვები საქართველოზე, ქართული სამზარეულოდან ვეცადე, მას ისეთი კერძები გაესინჯა, რომელიც აქამდე დაგემოვნებული არ ჰქონდა, მაგალითად, ხინკალი და ხაჭაპური, რაზეც აღფრთოვანდა და ეს იყო დიდი კომპლიმენტი ჩემთვის და ჩემი ქვეყნისთვის, რადგან მოგეხსენებათ, ქალბატონი სოფია ცნობილია კულინარიული ნიჭითაც.

ტაბლოიდი • 1729361423

VIDEO: „დიდი წარმატებით ჩაიარა პრემიერამ... მაყურებელმა სპექტაკლი ძალიან თბილად მიიღო“ - ნინო სურგულაძის არაჩვეულებრივი შესრულება ბელგიაში

ბელგიის, ლიეჟის სამეფო თეატრში პრემიერა შედგა, რომელშიც ნინო სურგულაძე მონაწილეობდა. იგი მსმენელის წინაშე საუცხოოდ წარდგა. პრემიერის შესახებ თავად მომღერალი სოციალურ ქსელში წერს და მის გულშემატკივარს ვიდეოსაც უზიარებს. „დიდი წარმატებით ჩაიარა პრემიერამ ბელგიის, ლიეჟის სამეფო თეატრში. მიხარია, რომ ჩემი დებიუტი შედგა ჩეხი დიდი კომპოზიტორის: იანოჩეკის ამ არაჩვეულებრივ ოპერაში „კატია კაბანოვა” ჩეხურ ენაზე. რთული მუსიკითა და რითმებით. მაყურებელმა სპექტაკლი ძალიან თბილად მიიღო რაც ყველას დამსახურებაა, როგორც არაჩვეულებრივი კოლეგების და დიროჟორის, ასევე მთლიანად შემოქმედებითი ჯგუფის! მადლობა ყველას!( მცირე ნაწყვეტი პრემიერიდან.) ლიეჟი18.10.24“,- წერს ნინო სურგულაძე.

ტაბლოიდი • 1728734981

„ვიღებ მილოცვებს“ – ქართველი მეცო-სოპრანო ნინო სურგულაძე იუბილარია

ქართველი მეცო-სოპრანო ნინო სურგულაძე იუბილარია. ამის შესახებ ნინო სოციალურ ქსელში და წერს და ფოტოს გვიზიარებს.მომღერალმა უამრავი მილოცვა მიიღო.„აქ ვიღებ მილოცვებს, რომ მერე ყველას ერთად გიპასუხოთ“, – წერს ნინო სურგულაძე.

faceამბები • 1728455100

„ძალიან კარგ ადამიანს, მამას და მეუღლეს...“ - როგორ ულოცავს ნინო სურგულაძე მეუღლეს დაბადების დღეს

ქართველი მეცო-სოპრანო, ნინო სურგულაძე სოციალურ ქსელში საკმაო აქტიურობით გამოირჩევა. მომღერალი გამომწერებს ოჯახურ კადრებს ხშირად უზიარებს.ამჯერად ნინო სურგულაძე მეუღლეს დაბადების დღეს საჯაროდ ულოცავს და ერთობლივ ფოტოს აქვეყნებს:„ძალიან კარგ ადამიანს, მამას და მეუღლეს ვულოცავ სიყვარულით დაბადების დღეს! ბედნიერი იყავი გიორგი მუდამ“, – წერს ნინო სურგულაძე.

საზოგადოება • 1728248391

ნინო სურგულაძე საზარელი და ტირანი დედამთილის როლს მოირგებს – რას წერს მომღერალი

ნინო სურგულაძე ახალ ოპერაში მიიღებს მონაწილეობას. ამის შესახებ ის სოციალურ ქსელში წერს:„ჩემი ახალი გმირი და პერსონაჟი, საინტერესო და განსხვავებული თმის ფერით. საზარელი და ტირანი დედამთილის როლი, ჩეხი კომპოზიტორი: იანოჩეკის ურთულეს და კომპლექსურ ოპერაში.ვნახოთ რა იქნება“.

ტაბლოიდი • 1727196289

„ალბათ, ყველა ელოდებოდით ხელის თხოვნის ამბებს...“ - რას წერს მარიამ შარმანაშვილი

სოფი ლორენის ვაჟმა, კარლო პონტიმ მარიამ შარმანაშვილს ხელი სთხოვა, რასაც ქართულ საზოგადოებაში დიდი გამოხმაურება მოჰყვა. მოგვიანებით, ფიტნეს ინსტრუქტორმა მიმართვა გაავრცელა და ნიშნობის დეტალებზე ისაუბრა.„ალბათ, ყველა ელოდებოდით ხელის თხოვნის ამბებს. კარლომ ხელი დედამისის დაბადების დღის წინა დღეს მთხოვა და არა, 20 სექტემბერს, როგორც ეს ქართულმა მედიებმა გააშუქეს. ვიდეო კადრებიც არ გვაქვს, რადგან ხელი მთხოვა, როდესაც სრულიად მარტოები ვიყავით,“ - წერს შარმანაშვილი.ცნობისთვის, წყვილის სიყვარულის ისტორია თითქმის, 3 წელს ითვლის. რომანი 2021 წლის 14 მარტს მარიამის ფოტოზე მიწერილი კომპლიმენტით დაიწყო. კარლო პონტი საქართველოს პირველად ქართველი მეცო-სოპრანოს, ნინო სურგულაძის მოწვევით ესტუმრა. მაშინ ჯერ კიდევ არ იცოდა, რომ მოგვიანებით, უცხო ქვეყანაში საყვარელ ქალს იპოვიდა და ხშირად მოუწევდა ჩამოსვლა.

ტაბლოიდი • 1724594640

„დააკვირდით მის სახეს, როგორ ანათებს…“ - ნინო სურგულაძე მამა თეიმურაზ ქორიძეზე წერს

მამა თეიმურაზ ქორიძის გარდაცვალებას მეცო-სოპრანო ნინო სურგულაძე ეხმაურება.ნინო აღნიშნავს, რომ მამაომ დიდი სიყვარული დაგვიტოვა.„მამა თეიმურაზ ქორიძე.ადამიანი, რომელმაც დიდი სიყვარული დატოვა…დააკვირდით მის სახეს, როგორ ანათებს…“ – წერს ნინო.

ტაბლოიდი • 1717916131

VIDEO: „ბედნიერი ბავშვობა ულამაზეს ბუთქუჩებს“ – ნინო სურგულაძის ტყუპები იუბილარები არიან

საოპერო შემსრულებელ ნინო სურგულაძის უსაყვარლესი ტყუპები იუბილარები არიან.ნინო დაბადების დღიდან კადრებს სოციალურ ქსელში გვიზიარებს.ნატალიამ და ზაქარიამ საზეიმო ვითარებაში ტორტზე სანთლები ჩააქრეს.„სიცოცხლეებო, სიყვარულებო, ბედნიერები ჯანმრთელები გაეზარდეთ დედიკოს და მამიკოს…უფალმა დაგიფაროთ მთელი ცხოვრება“…„ბედნიერი ბავშვობა ულამაზეს ბუთქუჩებს“, – ვკითხულობთ კომენტარებში.ქართველ მეცო-სოპრანოს ტყუპები 4 წლის წინ შეეძინა. მისი მეუღლე ცნობილი მეცნიერის, გივი ინწკირველის შვილიშვილი, იურისტი გიორგი ინწკირველია.ნახეთ ვიდეო:

რეგიონი • 1714661674

„ქუთაისქალაქობა” - მსოფლიოში უძველესი ქალაქის დღე აღინიშნა

ქუთაისი, არის მსოფლიოში ერთ-ერთი უძველესი ქალაქი 3500 წლიანი ისტორიით და ევროპული ღირებულებებით. დღეს, ამ ევროპული ქალაქის დღესასწაულია.,,ქუთაისქალაქობა 2024” ტრადიციულად ქალაქის დალოცვით დაიწყო. ბაგრატის ტაძარში, რომელიც გაერთიანებული საქართველოს სიმბოლოა სადღესასწაულო წირვა ქუთაის-გაენათის ეპარქიის მიტროპოლიტმა მეუფე იოანემ აღავლინა.სადღესასწაულო ღონისძიებას იმერეთში სახელმწიფო რწმუნებული ზვიად შალამბერიძე, ქუთაისის მერი იოსებ ხახალეიშვილი, ქუთაისის მაჟორიტარი დეპუტატი პარლამენტში ზაზა ლომინაძე და სხვა მოწვეული სტუმრები ესწრებოდნენ.,,დღეს, ჩვენ აღვნიშნავთ ევროპის ერთ-ერთი უძველესი ქალაქის დღესასწაულს - ,,ქუთაისქალაქობას” კიდევ, უფრო მეტი სიამაყით, სიამაყით, რომელიც თითოეული ქართველის გულში მას შემდეგ არის, რაც ჩვენმა ქვეყანამ კიდევ, ერთი ნაბიჯი გადადგა ევროპისკენ მიმავალ გზაზე და მიიღო კანდიდატის სტატუსი. ვფიქრობ, ის გზა, რომელიც ერთადერთია ჩვენი ქვეყნის განვითარებისთვის და არის ევროპისკენ მიმავალი, იქნება ძალიან წარმატებული ჩვენი ქვეყნისთვის და ჩვენი მხარისთვის. მჯერა, მალე ვიზეიმებთ ,,ქუთაისქალაქობას”უკვე, როგორც ევროკავშირის წევრი ქვეყნის სტატუსით” - ზვიად შალამბერიძე.,,ქუთაისქალაქობის” დღესასწაული ქუთაისს, დამეგობრებული ქალაქების წარმომადგენლებმა და ბულგარეთის ელჩმა საქართველოში ვესელინ ვალკანოვმა მიულოცეს. სტუმრების მიღება რეაბილიტირებულ ოქროს ჩარდახში გაიმართა.,,ქუთაისქალაქობა 2024”-ის ფარგლებში ადგილობრივმა ხელისუფლებამ ქუთაისის კოლორიტების ოთარ სულაბერიძის, ოთარ მამფორიას და ოთარ ქორქიას ხსოვნას პატივი მიაგეს და ,,სამი ოთარის” ძეგლი ყვავილებით შეამკეს, ასევე ასსაფეხურიანი კიბეების მიმდებარედ გაიმართა ადგილობრივი მეწარმეების პროდუქციის გამოფენა-გაყიდვა, საბავშვო- გასართობი აქტივობები, ფოტოზონები, სამხატვრო სკოლის მოსწავლეთა პლენერი, მოსწავლე-ახალგაზრდობის სასახლის მოსწავლეთა ხელნაკეთი ნივთების გამოფენა, მსახიობთა დასის (პანტომიმა, თემატური კოსტიუმები, ოჩოფეხები), პერფორმანსები.ქალაქის დღესასწაულის ფარგლებში დღესვე საპატიო ქუთაისელების დაჯილდოება მოხდა.,,ქუთაისქალაქობა 2024“ კლასიკური მუსიკის კონცერტით დასრულდა. ლადო მესხიშვილის სახელობის პროფესიული სახელმწიფო დრამატული თეატრში მსმენელის წინაშე წარსდგა მეცოსოპრანო ნინო სურგულაძე, ტენორი სერხიო ესკობარ-პერესი, სოპრანო მარიკა მაჩიტიძე, ქუთაისის იოსებ კეჭაყმაძის სახელობის კამერული გუნდი და მელიტონ ბალანჩივაძის სახელობის ოპერისა და ბალეტის პროფესიული სახელმწიფო თეატრის სიმფონიური ორკესტრი.

საზოგადოება • 1714132920

„სამმა ქართველმა ერთად ვიმღერეთ იტალიაში… არაჩვეულებრივი წარმატებით ჩაიარა სპექტაკლებმა…“ - ნინო სურგულაძე

ქართველი საოპერო მომღერალი ნინო სურგულაძე აქვეყნებს ფოტოს, რომელიც კოლეგებთან ერთად იტალიაში, კერძოდ, ქალაქ ბარში გამოსვლის შემდეგ აქვს გადაღებული.ნინო აღნიშნავს, რომ სცენაზე ერთდროულად სამი ქართველი იდგა:„არაჩვეულებრივი წარმატებით ჩაიარა იტალიაში, კერძოდ ბარიში (წმინდა ნიკოლოზის ქალაქში) სპექტაკლებმა, სადაც სამმა ქართველმა ერთად ვიმღერეთ (რამაზ ჩიკვილაძე, მადინა სერებრიაკოვა კარბელი, ნინო სურგულაძე).მინდა, განსაკუთრებული მადლობა ვუთხრა დიდი ყურადღებისთვის და სითბოსთვის, რომელიც ბარის გენერალურმა კონსულმა იტალიაში, ბატონმა ვატო ანდღულაძემ გამოიჩინა ჩვენ მიმართ.მადლობა კიდევ ერთხელ იტალიელ მაყურებელს და პეტრუცელის ულამაზესი თეატრის ყველა თანამშრომელს პროფესიონალიზმისთვის…“

კულტურა • 1709289709

საქართველოს პატრიარქის მიერ შექმნილ "კირიე ელეისონს" ცნობილი უნგრული გუნდი შეასრულებს

10 მარტს თბილისის სახელმწიფო კონსერვატორია მრავალი საერთაშორისო ჯილდოს მფლობელი უნიკალური ჟღერადობის მქონე უნგრულ გუნდს უმასპინძლებს! პროექტის წარმდგენი ფონდი "იავნანა" გახლავთ.იმეირკარპატეთში დაბადებულმა უნგრელმა ვიქტორ პაპპმა, „უნკრაინული რეკვიემი”, უკრაინის ომში დაღუპული მშვიდობიანი მოსახლოებისა და უკრაინული კულტურისადმი პატივისცემის გამოხატვის მიზნით შექმნა. დასავლური ქრისტიანული სტილის სამგლოვიარო საგალობელი ლათინურ და უკრაინულ ენაზე დაიწერა და მისი პრემიერა 2023 წლის თებერვალში ბუდაპეშტის კონსერვატორიაში შედგა.რეკვიემი თბილისში პირველად იქნება წარმოდგენილი და მას დაეთმობა კონცერტის პირველი განყოფილება. შესვენების შემდგომ კი, ყველაზე პოპულარული უნგრული ვოკალური გუნდი, უნგრელი კომპოზიტორების ნაწარმოებს და ასევე გოსპელებს, ქართულ და ბერძნულ საგალობლებს, ინდურ და კონგოურ სიმღერებს შეასრულებს. მათ შორის, წარმოდგენილი იქნება ცნობილი ქართული რელიგიური ნაშრომები: ქართულენოვანი ლოცვა, „მამაო ჩვენო“ და საქართველოს პატრიარქის, უწმინდესისა და უნეტარესის ილია მეორეს მიერ შექმნილი საგალობელი - „კირიე ელეისონ.”თუკი კონცერტის პირველი ეტაპი ხსოვნის ემოციებით იქნება აღვსილი, მეორე განყოფილება - იმედით, ნდობითა და მომავლის რწმენით იქნება განმსჭვალული. პროგრამის მეორე ნაწილი წმინდა ეფრემის სახელობის გუნდის მრავალმხრივობას წარმოგვიდგენს, შესაბამისად, ის აერთიანებს ისეთ სხვადასხვა მიმართულებებს, როგორიც არის - კლასიკური, საეკლესიო და ხალხური მუსიკა და ასევე ქროს-ოვერის ჟანრი. გუნდის შესახებ: უკვე 20 წელზე მეტია, რაც ბუდაპეშტში დაარსებული წმინდა ეფრემის სახელობის გუნდი უნგრულ და საერთაშორისო მუსიკალურ სცენებზე კონცერტებს მართავს. რვაწევრიანი აკაპელას რეპერტუარი უამრავ სტილსა და მუსიკალურ ეპოქას აერთიანებს - კონცერტებზე ხშირად პოპულარულ და კლასიკურ მუსიკასთან ერთად ბიზანტიურ ჰიმნსაც ასრულებს.შთამბეჭდავი და დასამახსოვრებელი კონცერტების წყალობით, გუნდი აუდიტორიის საყვარელი ჯგუფი გახდა. ანსამბლს, რომელმაც „უნგრული მემკვიდრეობის პრემია“ მოიპოვა, ამ დროისათვის 17 ალბომი აქვს გამოცემული. დაუვიწყარი ემოციების მიღება თუ გადაწყვიტეთ, ბილეთების შესაძენად გადადით ბმულზე. ასევე დაგაინტერესებთ: რას გვიმზადებს 91 წლის ვახტანგ ჯავახაძე - ეს არ უნდა გამოგრჩეთ!ნინო სურგულაძე სამწუხარო ინფორმაციას ავრცელებს - „მიჭირს შევეგუო კარგი ადამიანის წასვლას ამ ქვეყნიდან“"მონატრება და სევდა მაქვს. ქართველი ბიჭები დედების მიმართ სიფაქიზით არ გამოირჩევიან. სინანულის გრძნობაც გიპყრობს, მისთვის ბოლომდე კარგი რომ არ იყავი..." - 20 თებერვალი განუმეორებელი მედეა ჯაფარიძის დაბადების დღეა

საზოგადოება • 1709273998

ნინო სურგულაძე სამწუხარო ინფორმაციას ავრცელებს - „მიჭირს შევეგუო კარგი ადამიანის წასვლას ამ ქვეყნიდან“

„საქართველოს დამსახურებული პედაგოგი“, ღირსების მედლის მფლობელი მუსიკოსი დოდო ცინცაძე გარდაიცვალა.სამწუხარო ინფორმაციას სოციალურ ქსელში ზაქარია ფალიაშვილის სახელობის ცენტრალური სამუსიკო სკოლა „ნიჭიერთა ათწლედი“ ავრცელებს.ქალბატონი დოდოს გარდაცვალებას სოციალურ ქსელში ეხმიანება საოპერო მომღერალი ნინო სურგულაძე.„ყოველთვის მიჭირს შევეგუო კარგი ადამიანის წასვლას ამ ქვეყნიდან. ქალბატონი დოდო ცინცაძე გარდაიცვალა. საოცარი პედაგოგი, მუსიკოსი და პიროვნება.არასოდეს არ დამავიწყდება მასთან სახლში ჩვენი ფორტეპიანოს გაკვეთილები, მიუხედავად იმისა რომ ათწლედში არ ვსწავლობდი, მასთან მქონდა პატივი ერთი პერიოდი მემეცადინა. იგი ყოველთვის ღიმილიანი მხვდებოდა და ყოველთვის მგულშემატკივრობდა ისევე, როგორც მის მიერ აღზრდილ ძალიან ბევრ მუსიკოსსა და ახალგაზრდას. ასეთი ადამიანები არ უნდა მიდიოდნენ. მადლობა ღვაწლისთვის და ადამიანობისთვის!ვიზიარებ ქალბატონი დოდოს ოჯახის და ყველა მისი ახლობლის მწუხარებას. ღმერთმა გაანათლოს მისი უკვდავი სული“,-წერს ნინო სურგულაძე.