სპორტი • 1751442524

ნიკოლოზ ბასილაშვილმა უიმბლდონზე გამოსვლა გამარჯვებით დაიწყო

ნიკოლოზ ბასილაშვილი წარმატებულ გამოსვლას განაგრძობს. ქართველმა ჩოგბურთელმა, უიმბლდონის ძირითად ბადეში პირველივე წრეში აშკარა ფავორიტი, ლორენცო მუზეტი 4 სეტში დაამარცხა.მორიგ შეხვედრას ბასილაშვილი 3 ივლისს, თბილისის დროით 14:00 საათზე კიდევ ერთი იტალიელი მეტოქის, ლორენცო სონეგოს წინააღმდეგ გამართავს.

სპორტი • 1751378400

ნიკოლოზ ბასილაშვილმა უიმბლდონის პირველ წრეში მსოფლიო რეიტინგის მეშვიდე ნომერი ლორენცო მუზეტი დაამარცხა

ქართველმა ჩოგბურთელმა, ნიკოლოზ ბასილაშვილმა წლის მესამე დიდი სლემის ტურნირის, უიმბლდონის პირველ წრეში მსოფლიო რეიტინგის მეშვიდე ნომერი იტალიელი ლორენცო მუზეტი ოთხ სეტში, 6:2, 4:6, 7:5, 6:1 დაამარცხა.მეორე ეტაპზე ბასილაშვილის მეტოქე ასევე იტალიელი ლორენცო სონეგო იქნება, რომელმაც პირველ წრეში პორტუგალიელ ხაიმე ფარიას სამ სეტში, 6:3, 6:4, 6:2 სძლია. სონეგო ამ მომენტისთვის რეიტინგში 47-ე ადგილზეა. მატჩი 3 ივლისსაა დაგეგმილი.ნიკოლოზ ბასილაშვილი პროფესიონალ მამაკაც ჩოგბურთელთა მსოფლიო რეიტინგში 126-ე პოზიციას იკავებს. მისი საუკეთესო შედეგი კლასიფიკაციაში მე-16 ადგილი იყო. უიმბლდონის მიმდინარე ტურნირის ძირითად ბადეში გასასვლელად ქართველმა საკვალიფიკაციო ეტაპის სამი შეხვედრა მოიგო.

სპორტი • 1748368296

ნიკოლოზ ბასილაშვილმა როლან გაროსზე გამოსვლა დაასრულა

ნიკოლოზ ბასილაშვილმა ჩოგბურთში წლის რიგით მეორე დიდი სლემის ტურნირზე, როლან გაროსზე ასპარეზობდა დაასრულა.საკვალიფიკაციო ეტაპზე სამი წარმატებული მატჩის შემდეგ, ქართველმა ჩოგბურთელმა ძირითადი ეტაპის პირველი რაუნდის შეხვედრა პორტუგალიელ ჰენრიკე როშასთან დაძაბულ ხუთსეტიან ბრძოლაში დათმო – 6:7, 6:2, 6:7, 6:2, 2:6.ამ მომენტისთვის ნიკოლოზ ბასილაშვილი პროფესიონალ მამაკაც ჩოგბურთელთა მსოფლიო რეიტინგში 133-ე ადგილზეა.

სპორტი • 1747918225

ნიკოლოზ ბასილაშვილი როლან გაროსის საკვალიფიკაციო ეტაპის ფინალშია

ნიკოლოზ ბასილაშვილმა წლის რიგით მეორე დიდი სლემის ტურნირის, როლან გაროსის საკვალიფიკაციო ეტაპის ნახევარფინალში პოლონელი ვალენტინ ვაშერო ორ სეტში, 7:6, 6:3 დაამარცხა.საკვალიფიკაციო ეტაპის ფინალში ქართველი ჩოგბურთელი ფრანგ ჯეფრი ბლენკენოს შეხვდება, რომელიც მსოფლიო რეიტინგში 270-ე პოზიციას იკავებს. გამარჯვების შემთხვევაში ნიკოლოზი როლან გაროსის ძირითად ბადეში იასპარეზებს.ბასილაშვილმა პარიზში მიმდინარე დიდი სლემის ტურნირის პირველ საკვალიფიკაციო ეტაპზე ნიდერლანდელ ბროუვერს სძლია.ამჟამად ქართველი ATP-ის რეიტინგში 132-ე ადგილზეა და როლან გაროსზე საუკეთესო 100 ჩოგბურთელს შორის დაბრუნების შანსი აქვს.

სპორტი • 1741760104

ნიკოლოზ ბასილაშვილი ფინიქსის ჩელენჯერის ძირითად ბადეში ითამაშებს

ქართველმა ჩოგბურთელმა, ნიკოლოზ ბასილაშვილმა აშშ-ში, ფინიქსის ჩელენჯერის ტურნირზე საკვალიფიკაციო ეტაპის ფინალური მატჩი მოიგო და შეჯიბრების ძირითად ბადეში ითამაშებს.ბასილაშვილმა იაპონელი ტარო დანიელი ორ სეტში, 6:4, 6:1 დაამარცხა. მთელი შეხვედრის განმავლობაში ქართველი ძალიან დამაჯარებელი იყო.ფინიქსის ჩელენჯერის ძირითადი ეტაპის პირველ წრეში ნიკოლოზ ბასილაშვილის მეტოქე ფრანგი კორენტინ მუტე იქნება.ამჟამად ნიკოლოზ ბასილაშვილი პროფესიონალ მამაკაც ჩოგბურთელთა მსოფლიო რეიტინგში 152-ე ადგილზეა.

სპორტი • 1741247667

ნიკოლოზ ბასილაშვილმა ინდიან ველსის მასტერსზე გამოსვლა დაასრულა

ქართველმა ჩოგბურთელმა, ნიკოლოზ ბასილაშვილმა ჩოგბურთში წლის პირველ მასტერსის ტურნირზე, ინდიან ველსზე გამოსვლა დაასრულა.საკვალიფიკაციო ეტაპის წარმატებით გავლის შემდეგ, ტურნირის ძირითად ბადეში ბასილაშვილი მსოფლიოს 48-ე ჩოგანს, ამერიკელ მარკოს გირონს შეხვდა და ორ სეტში, 5:7, 6:7 (3:7) დამარცხდა.პირველ სეტში გირონმა ერთადერთი ბრეიქი სეტის მიწურულს შეასრულა, ხოლო მეორე სეტი ბასილაშვილის უპირატესობით დაიწყო, მეტოქის ჩაწოდებაც აიღო, თუმცა სეტის მიწურულს გირონი გააქტიურდა და ტაიბრეიქზე გაიმარჯვა.მსოფლიოს მიმდინარე რეიტინგში, ინდიან ველსის ძირითად ბადეში მოხვედრით, ნიკოლოზ ბასილაშვილი 145-ე ადგილზე გადაინაცვლებს.

სპორტი • 1741159789

ნიკოლოზ ბასილაშვილი ინდიან ველსის მასტერსის ძირითად ბადეში ითამაშებს

ქართველმა ჩოგბურთელმა, ნიკოლოზ ბასილაშვილმა ინდიან ველსის ძირითად ეტაპზე თამაშის უფლება მოიპოვა.საკვალიფიკაციო ეტაპის ფინალში ბასილაშვილმა იაპონელი მეტოქე, იასუტაკა უჩიამა სამ სეტში, 6:4, 3:6, 6:3 დაამარცხა და ძირითად ბადეში გავიდა.შეგახსენებთ, რომ ინდიან ველსის 1000-ქულიანი მასტერსის ნახევარფინალში ქართველმა ჩოგბურთელმა ამერიკელ ეუბენკსს ორ სეტში სძლია.ნიკოლოზ ბასილაშვილმა ჩოგბურთში ერთ-ერთი ყველაზე პრესტიჟული, ინდიან ველსის მასტერსის ფინალში 2021 წელს ითამაშა, მაშინ ის ბრიტანელ კამერონ ნორისთან დამარცხდა.

სპორტი • 1741074362

ინდიან ველსის მასტერსის ძირითად ბადეში გასასვლელად ნიკოლოზ ბასილაშვილი იაპონელ მეტოქეს შეხვდება

ქართველმა ჩოგბურთელმა, ნიკოლოზ ბასილაშვილმა ATP-ის წლის პირველი მასტერსის, ინდიან ველსის საკვალიფიკაციო ეტაპის ნახევარფინალში კრისტოფერ ეუბენკსი ორ სეტში, 6:2, 6:4 დაამარცხა და ტურნირის ძირითად ბადეში მოხვედრას ერთი მატჩი აშორებს.ბასილაშვილის მეტოქე საკვალიფიკაციო ეტაპის ფინალში იაპონელი იასუტაკა უჩიამა იქნება, რომელმაც სლოვაკ იოზეფ კოალიკს 6:4, 6:4 სძლია.ქართველისა და იაპონელის მატჩი ინდიან ველსის საკვალიფიკაციო ეტაპის ფინალში დღეს, 4 მარტს შედგება.ნიკოლოზ ბასილაშვილი 2021 წელს ინდიან ველსის 1000-ქულიანი მასტერსის ფინალში გავიდა. მაშინ გადამწყვეტი შეხვედრა მან ბრიტანელ კამერონ ნორისთან სამ სეტში დათმო.ამჟამად ქართველი ჩოგბურთელი პროფესიონალ მამაკაც ჩოგბურთელთა მსოფლიო რეიტინგში 152-ე ადგილზეა.

სპორტი • 1738276186

ნიკოლოზ ბასილაშვილმა ფრანგი მეტოქე დაამარცხა და მონპელიეს ტურნირის 1/4 ფინალშია

ნიკოლოზ ბასილაშვილმა ფრანგი მეტოქე დაამარცხა და მონპელიეს ტურნირის 1/4 ფინალშიანიკოლოზ ბასილაშვილმა მონპელიეს ATP ტურნირში ფრანგი მეტოქე, მსოფლიო რეიტინგის 61-ე ნომერი არტურ რინდერნკეჩი დაამარცხა. ქართველმა ჩოგბურთელმა 1/8 ფინალში ფრანგს პირველ სეტში ყველა გეიმი მოუგო, მეორე სეტის ბედი კი ტაიბრეიკზე გადაწყდა და საბოლოოდ ნიკოლოზ ბასილაშვილმა მატჩი 6:0, 7:6 მოიგო.1/4 ფინალში ქართველი ჩოგბურთელი მსოფლიოს ათეულში მყოფ ანდრეი რუბლოვს დაუპირისპირდება.დღევანდელი გამარჯვებით, ნიკოლოზ ბასილაშვილმა სარეიტინგო ქულა გაიუმჯობესა და 178 პოზიციიდან 150-ზე გადაინაცვლა.

სპორტი • 1737651757

ნიკოლოზ ბასილაშვილი ოეირაშის ჩელენჯერის მეოთხედფინალში გავიდა

ნიკოლოზ ბასილაშვილი ოეირაშის ჩელენჯერის ტურნირის მეოთხედფინალშია.შეჯიბრების მერვედფინალში ქართველმა ჩოგბურთელმა შვეიცარიელი მარკ ანდრეა ჰიუსლერი სამ სეტში, 4:6, 6:2, 6:2 დაამარცხა და მომდევნო ეტაპზე გავიდა.შეგახსენებთ, რომ მელბურნში, წლის პირველ დიდი სლემის ტურნირზე, ავსტრალიის ღია პირველობაზე ნიკოლოზ ბასილაშვილმა სამი საკვალიფიკაციო ეტაპი დასძლია და ძირითად ბადეში გასვლა მოახერხა. პირველ წრეში ის ჩეხ მენშიკთან 1:3 დამარცხდა.ამ მომენტისთვის ბასილაშვილი პროფესიონალ მამაკაც ჩოგბურთელმა მსოფლიო რეიტინგში 206-ე ადგილზეა. მისი საუკეთესო შედეგი მე-16 პოზიციაა.

სპორტი • 1737484732

ნიკოლოზ ბასილაშვილმა ოეირაშის ჩელენჯერის მერვედფინალში რადუ ალბოტი დაამარცხა

ავსტრალიის ღია პირველობის შემდეგ ნიკოლოზ ბასილაშვილმა ასპარეზობა პორტუგალიაში, ოეირაშის ჩელენჯერის ტურნირზე დაიწყო.შეჯიბრების მერვედფინალში ქართველმა ჩოგბურთელმა მოლდოველი რადუ ალბოტი ორ სეტში, 6:3, 6:4 დაამარცხა და მომდევნო ეტაპზე გავიდა.მელბურნში, წლის პირველ დიდი სლემის ტურნირზე ნიკოლოზ ბასილაშვილმა სამი საკვალიფიკაციო ეტაპი დასძლია და ძირითად ბადეში გასვლა მოახერხა. პირველ წრეში ის ჩეხ მენშიკთან 1:3 დამარცხდა.ამ მომენტისთვის ბასილაშვილი პროფესიონალ მამაკაც ჩოგბურთელმა მსოფლიო რეიტინგში 206-ე ადგილზეა. მისი საუკეთესო შედეგი მე-16 პოზიციაა.1tv.ge

სპორტი • 1736741807

ნიკოლოზ ბასილაშვილმა ოთხ სეტში წააგო და ავსტრალიის ღიას პირველ წრეში გამოეთიშა

ქართველი ჩოგბურთელი ნიკოლოზ ბასილაშვილი პირველ წრეში გამოეთიშა ავსტრალიის ღია პირველობას. მსოფლიოს 210-ე ჩოგანმა 2 საათი და 35 წუთი ბრძოლის შემდეგ ოთხ სეტში წააგო ჩეხ იაკუბ მენშიკთან, რომელიც მსოფლიო რეიტინგში 49-ე ადგილს იკავებს – 1:6, 7:6(3), 3:6, 3:6.აღსანიშნავია, რომ ბასილაშვილს მეტოქეზე მეტი ბრეიკპოინტი ჰქონდა – 12 11-ის წინააღმდეგ, მაგრამ ქართველს ამ შანსების რეალიზაცია არ უვარგოდა – მხოლოდ ერთხელ აიღო ჩეხის მოწოდება. თავად მენშიკს კი ეს მაჩვენებელი 50 პროცენტზე მაღალი ჰქონდა – ექვსი ბრეიკი შეასრულა. ბასილაშვილმა 10 ეისი ჩააწოდა და 9 ორმაგი შეცდომა დაუშვა, მენშიკის ანგარიშზე კი 31 ეისი და 8 ორმაგი შეცდომა იყო.ბასილაშვილი ძალიან ბევრს ცდებოდა და მატჩის ბოლოს 46 უნებლიე შეცდომა ჰქონდა 38 „ვინერსთან“ ერთად.იაკუბ მენშიკი მეორე წრეში ნორვეგიელ კრისტიან რუუდს შეხვდება.