ნიკა მელია

პაპუაშვილი ანა ბუჩუკურს: ორი სიტყვა, რომელსაც ჩემი რჩევა იქნებოდა, რომ თქვენმა პარტიამ არ გამოიყენოს, ეს არის სიყალბე და ღალატი. ეს ორი სიტყვა, თქვენს პარტიასთან ასოცირდება, ამიტომ შეეშვით ამ ტერმინოლოგიას

საქართველოს პარლამენტის თავმჯდომარემ შალვა პაპუაშვილმა პარლამენტის სხდომაზე ანა ბუჩუკურს მიმართა, არ გამოიყენოს სიტყვა სიყალბე, ვინაიდან სწორედ სიყალბე და ღალატი ასოცირდება თქვენს პარტიასთან „გახარია - საქართველოსთვის“.„ეჭვი მაქვს, სიტყვა სიყალბე არის თქვენი პიარტექნოლოგის რჩევა. შესაძლოა, იგივე ამერიკელი ტექნოლოგი გყავთ, ვინც – სხვას. იცით, სიყალბე რა იყო, ქალბატონო ანა? თქვენი პარტიის თავმჯდომარე, უმრავლესობის სხდომაზე, რომელსაც თქვენც ესწრებოდით, ყველას რომ გვარწმუნებდა, ნიკა მელიასთვის მოგვეხსნა იმუნიტეტი და რომ მოვუხსენით, რომ მიგვატოვა იქ. ეს იყო თქვენი პარტიის თავმჯდომარის სიყალბე, ეს არის სიყალბე. ამიტომ ორი სიტყვაა, რომელზეც ჩემი რჩევა იქნებოდა, თქვენმა პარტიამ არ გამოიყენოს, ეს არის სიყალბე და ეს არის ღალატი. ორი სიტყვაა, რომელიც თქვენს პარტიასთან ასოცირდება. ამიტომ ?შეეშვით ამ ტერმინოლოგიას, რადგან ბუმერანგივით უკან მოგიბრუნდება ყოველ ჯერზე“, - მიმართა შალვა პაპუაშვილმა ანა ბუჩუკურს.

პოლიტიკა • 1724691360

მაია ბითაძე: რადიკალები უფრო თამამები და აქტიურები არიან საკუთარ მედიებთან და სოც-ქსელებში - მათ საქართველოს მოსახლეობისთვის პირისპირ პასუხის გაცემა უჭირთ

რადიკალები უფრო თამამები და აქტიურები არიან საკუთარ მედიებთან და სოც-ქსელებში - პირდაპირი პასუხის გაცემა საქართველოს მოსახლეობისთვის უჭირთ, - განაცხადა გარემოს დაცვისა და ბუნებრივი რესურსების საპარლამენტო კომიტეტის თავმჯდომარემ მაია ბითაძემ. იგი ამგვარად გამოეხმაურა იმ ფაქტს, რომ პარტია „ახალის“ ლიდერი ნიკა გვარამია კახეთში საკუთარი პარტიის წინასაარჩევნო შეხვედრაზე არ ჩავიდა.„კარგად თუ დავაკვირდებით, ვნახავთ, რომ რადიკალები უფრო თამამები და აქტიურები არიან საკუთარ მედიებთან და სოც-ქსელებში. მაშინ, როცა საქმე საქმეზე მიდგება და მათ პირისპირ უნდა გასცენ პასუხი საქართველოს მოსახლეობის უმრავლესობას, მათ ეს უჭირთ“,- აღნიშნა ბითაძემ.პარტია „ახალის“ ლიდერი ნიკა გვარამია კახეთში საკუთარი პარტიის წინასაარჩევნო შეხვედრაზე არ ჩავიდა. მიზეზი სავარაუდოდ, გვარამიას შეურაცხმყოფელ განცხადებებზე კახელების მოსალოდნელი რეაქციაა. „ქრონიკის“ კითხვებს გვარამიას თანაპარტიელები გაურბიან, ნიკა მელია, კი ისე გაღიზიანდა, რომ „იმედის“ ჟურნალისტს ჯერ შეურაცხყოფა მიაყენა, შემდეგ კი საჯარო ტერიტორიის დატოვება მოსთხოვა.

პოლიტიკა • 1724691300

რადიკალები უფრო თამამები და აქტიურები არიან საკუთარ მედიებთან და სოც-ქსელებში - მათ საქართველოს მოსახლეობისთვის პირისპირ პასუხის გაცემა უჭირთ - მაია ბითაძე

პოლიტიკა • 1724682326

კახეთში რომ ჩასულიყო პასუხს მოსთხოვდნენ, რას უპირებს ქართულ ღვინოს?! როგორი შეხედულება აქვს ქართულ ტრადიციებზე, ენასა და ღვინოზე, ამიტომ გადამალეს - მაჭარაშვილი

ეგ რომ კახეთში ჩასულიყო, კახელები პასუხს მოსთხოვდნენ იმაზე, რას უპირებს ქართულ ღვინოს?! როგორი შეხედულება აქვს ზოგადად ქართულ ტრადიციებზე, ქართულ ენასა და ღვინოზე, - განუცხადა ჟურნალისტებს პარტია „ხალხის ძალის“ აღმასრულებელმა მდივანმა გურამ მაჭარაშვილმა ნიკა გვარამიაზე საუბრისას.„ამოატივტივებდნენ ვიდეოს, სადაც იგივე გვარამია გამოდის და აგინებს ქართულ ღვინოსა და ტრადიციებს. შესაბამისად უთხრეს, რომ გადაგმალავთ, მერე მელიას სხვაგან გადამალავენ და ასეა ზუსტად იმ ე.წ. ოპოზიციის საქმე, რომელსაც ნაგინები აქვს ყველაფერ ქართულზე და ახლა ჩადის ქართველ ხალხთან და ეუბნება, ხმა მომეცი იმიტომ, რომ მერე იქიდან გაგინო შენ, შენს ღვინოსა და ტრადიციებსო. ასეთ შემთხვევაში ოპოზიციას შანსები აქვს მინიმუმი“, - აღნიშნა გურამ მაჭარაშვილმა.პარტია „ახალის“ ლიდერი ნიკა მელია ტელეკომპანია „იმედის“ ჟურნალისტს გაექცა, ნიკა გვარამია კი კახეთში საკუთარი პარტიის წინასაარჩევნო შეხვედრაზე არ ჩავიდა.

პოლიტიკა • 1724674718

26 ოქტომბერს გონიერი კახელები გვარამია-მელიას უწმინდურ კრიმინალურ დაჯგუფებას მტკიცე უარს ეტყვიან - ლევან კოჭლოშვილი

„მოსახლეობის მოსალოდნელი რეაქციებიდან გამომდინარე შტაბების გახსნაზე კახეთში ჩამოსვლა ვერ გაბედა პარტიის თანათავმჯდომარემ ნიკა გვარამიამ, რომელმაც შეურაცხყო თითოეული ქართველისთვის და ზოგადად მართლმადიდებლისთვის ერთ-ერთი დიდი სიწმინდე - ღვინო, რომელიც საღვთო წირვის დროს ლოცვის შედეგად მაცხოვრის სისხლად გარდაისახება,“ - წერს სოციალურ ქსელში პარტია „ხალხის ძალის“ წევრი ლევან კოჭლოშვილი.მისივე თქმით, არჩევნებზე კახელები გვარამია-მელიას კრიმინალურ დაჯგუფებას აუცილებლად ეტყვიან მტკიცე უარს.ე.წ. პარტია "ახალი“-ს (თუმცა კარგად ნაცნობის ნაცების) ლიდერმა ნიკა მელიამ კახეთში შტაბები გახსნა.მოსახლეობის მოსალოდნელი რეაქციებიდან გამომდინარე შტაბების გახსნაზე კახეთში ჩამოსვლა ვერ გაბედა პარტიის თანათავმჯდომარემ ნიკა გვარამიამ, რომელმაც შეურაცხყო თითოეული ქართველისთვის და ზოგადად მართლმადიდებლისთვის ერთ-ერთი დიდი სიწმინდე - ღვინო, რომელიც საღვთო წირვის დროს ლოცვის შედეგად მაცხოვრის სისხლად გარდაისახება.26 ოქტომბერს გონიერი კახელები გვარამია-მელიას უწმინდურ კრიმინალურ დაჯგუფებას მტკიცე უარს ეტყვიან,“ - წერს ლევან კოჭლოშვილი.

პოლიტიკა • 1724670747

"ქუდზე კაცი" ნამდვილად მოვა, ვეთანხმები, მაგრამ არა მის სასარგებლოდ, არამედ მის საწინააღმდეგოდ - ნიკა მელია ბიძინა ივანიშვილის გზავნილებზე

პარტია "ახალის" ლიდერმა ნიკა მელიამ "ქართული ოცნებისა" და მისი საპატიო თავმჯდომარის, ბიძინა ივანიშვილის წინასაარჩევნო გზავნილები შეაფასა.ნიკა მელია ამბობს, რომ ხალხში ყოველდღიურად გადაადგილდება და მათ ცვლილებების სურვილს ამჩნევს."ბიძინა ივანიშვილი საუბრობს იმაზე, რისი შესაძლებლობაც მას აქვს. "ქუდზე კაცი" ნამდვილად მოვა, ვეთანხმები, მაგრამ არა მის სასარგებლოდ, არამედ მის საწინააღმდეგოდ.მტრის ხატს ვეღარ შექმნის ვერავისგან, ვერცერთი ცალკე აღებული პოლიტიკური პარტიისგან. ივანიშვილის სიმღერა არის ნამღერი სიმღერა. ხალხში, რეგიონებში, ძალიან აქტიურად გადავადგილდები, ყოველ დღე და ვხედავ დაუოკებელ სურვილს ცვლილებებისა," - აცხადებს ნიკა მელია.შეგახსენებთ, რომ ამბროლაურში მოსახლეობასთან შეხვედრისას, "ქართული ოცნების" საპატიო თავმჯდომარე ბიძინა ივანიშვილმა კიდევ ერთხელ განმარტა, რისთვის უნდა გააკეთოს მოსახლეობამ 26 ოქტომბერს ისტორიული არჩევანი და რისთვის სჭირდება "ოცნებას" საკონსტიტუციო უმრავლესობა.მისი სიტყვებით, ეს არის გარანტირებული, გრძელვადიანი მშვიდობა და უსაფრთხოება, ქართული პოლიტიკიდან "ნაციონალური მოძრაობის" ჩამოშორება, ჩადენილი დანაშაულებისთვის პარტიის გასამართლება და დასჯა, "ოჯახური ღირებულებებისა და არასრულწლოვანთა დაცვის შესახებ", კონსტიტუციური კანონპროექტის მიღება და ტერიტორიული მთლიანობის აღდგენისთვის საჭირო საკონსტიტუციო ცვლილებები. ბიძინა ივანიშვილმა აქცენტი გააკეთა მეოთხე პუნქტზეც, რომელსაც "ოცნება" საზოგადოებას უახლოეს პერიოდში გააცნობს.

პოლიტიკა • 1724408046

ოპოზიციის ნაწილი ცდილობს, „ნაციონალურ მოძრაობას“ გაემიჯნოს, კეთროვანის როლში გამოჰყავთ, რეალურად კი „ნაცმოძრაობისგან“ არაფრით განსხვავდებიან - გივი მიქანაძე

ოპოზიციის ნაწილი ცდილობს, „ნაციონალურ მოძრაობას“ გაემიჯნოს და ის კეთროვანის როლში გამოჰყავთ, რეალურად კი „ნაცმოძრაობისგან“ არაფრით განსხვავდებიან, – ამის შესახებ საპარლამენტო უმრავლესობის წევრმა, გივი მიქანაძემ განაცხადა.მისი თქმით, მათთვის ხუთპროცენტიანი ბარიერის გადალახვა რთული იქნება, ამიტომ გადაჯგუფებებს მიმართავენ, პრინციპი და თავმოყვარეობა საერთოდ წაშლილი აქვთ, ოღონდ როგორმე გამსვლელ სიაში მოხვდნენ.„ოპოზიციის ნაწილი ცდილობს, „ნაციონალურ მოძრაობას“ გაემიჯნოს და ეს პარტია კეთროვანის როლში გამოჰყავთ, მაგრამ რეალურად ისინი არაფრით განსხვავდებიან „ნაცმოძრაობისგან“. მათ კოლექტიურ „ნაცმოძრაობას“ სწორედ ამიტომ ვეძახით. ნიკა მელიას და ნიკა გვარამიას ვერავინ აღიქვამს, როგორც „ახლების“ წარმომადგენლებს. ისინი იყვნენ, არიან და იქნებიან „ნაცმოძრაობის“ ინტერესების გამტარებლები. ისინი ვერ თანხმდებიან ერთიან სიაზე და ამიტომ გადაწყვიტეს, რომ ცალ-ცალკე ჩამოყალიბდნენ. ხედავენ იმასაც, რომ ხუთპროცენტიანი ბარიერის გადალახვა რთული იქნება და ამიტომ გადაჯგუფებებს მიმართავენ. მათთვის პრინციპი და თავმოყვარეობა საერთოდ წაშლილია, ოღონდ როგორმე გამსვლელ სიაში მოხვდნენ. საზოგადოებამ კარგად იცის, ისინი რას წარმოადგენენ“, – განაცხადა გივი მიქანაძემ.

პოლიტიკა • 1724230074

გვარამია-მელიას გუნდს წარსულში „მოქალაქეთა კავშირისა" და „აღორძინების" ლიდერი თენგიზ ჯგუშია შეუერთდა

გვარამია-მელიას გუნდს თენგიზ ჯგუშია შეუერთდა, რომელიც წარსულში „მოქალაქეთა კავშირისა" და „აღორძინების" ლიდერი იყო. ჯგუშია მეოთხე და მეხუთე მოწვევის პარლამენტის წევრი იყო.თენგიზ ჯგუშიამ „კოალიცია ცვლილებებისთვის” ზუგდიდის ოფისის გახსნაზე შეკრებილ მხარდამჭერებსაც მიმართა. ის ნიკა მელიას მიერ ბოლო დღეებში ზუგდიდის სოფლებში გამართულ შეხვედრებშიც მონაწილეობდა.

პოლიტიკა • 1724065939

ესენი არა „ქართული ოცნების“, არამედ საქართველოს ოპოზიციაში არიან - არჩილ გორდულაძე „ნაციონალურ მოძრაობაზე“

„ნაციონალური მოძრაობა“ არა „ქართული ოცნების“ ოპოზიციაში, არამედ საქართველოს ოპოზიციაშია, - აცხადებს ფრაქცია „ქართული ოცნების“ თავმჯდომარის პირველი მოადგილე, არჩილ გორდულაძე.„ნაციონალური მოძრაობა“ ყველაფერს აკეთებს იმისთვის, რომ ჩვენი ქვეყნის ინტერესები შეილახოს, ამ ქვეყანაში უზრუნველყონ სხვა ძალების დავალებების შესრულება, პირდაპირ ხაზზე არიან თავიანთ პატრონებთან და ყველაფერს აკეთებენ რომ ჩვენს ევროკავშირში გაწევრიანებას ხელი შეუშალონ.ვინმეს შეუძლია ახსნას, რომ ნიკა გვარამია და ნიკა მელია აღარ არიან „ნაციონალური მოძრაობის“ წევრები. ესენი არიან კოლექტიური „ნაცმოძრაობის“ წევრები, რომლებიც ყველაფერს აკეთებენ, რომ თავიანთი მხარდამჭერების რაოდენობა იმგვარად გადაანაწილონ, რომ რაც შეიძლება მეტი მანდატი მოიპოვონ“, - აღნიშნა არჩილ გორდულაძემ.

პოლიტიკა • 1723886463

ნიკა მელია სოფელ ნარაზენის სტადიონიდან მოქალაქეებმა გააძევეს

პარტია „ახალის" ერთ-ერთი ლიდერი, ნიკა მელია, ზუგდიდის მუნიციპალიტეტის სოფელ ნარაზენის სტადიონიდან მოქალაქეებმა გააძევეს. „არ უნდა მოსულიყავით, არ გვსიამოვნებს ფეხბურთის მოთამაშეებს, გარეთ გადით და იქ დაელაპარაკეთ ხალხს“, - მიმართა მას ნარაზენის ერთ-ერთმა მკვიდრმა.ცნობილი ხდება, რომ ნიკა მელია, თანაპარტიელებთან და რამდენიმე მხარდამჭერთან ერთად, სოფლის ადმინისტრაციულ ცენტრში შეკრებულ ახალგაზრდებთან მივიდა, რომლებიც საფეხბურთო მატჩზე იყვნენ შეკრებილები და მათთან გასაუბრება სცადა, თუმცა, მათ მელიასთან საუბარი არ ისურვეს. ირკვევა, რომ ადგილობრივებმა პროტესტის ნიშნად თამაში შეწყვიტეს და მელიას სტადიონის დატოვებისკენ მოუწოდეს, რა დროსაც ადგილი ჰქონდა სიტყვიერ დაპირისპირებას.ერთ-ერთი მოქალაქე, აღნიშნული შემთხვევის აუდიო ჩანაწერსაც აქვეყნებს.ჩანაწერში ისმის ადგილობრივი მცხოვრების ხმა, რომელიც მელიას მიმართავს, რომ იმ შემთხვევაში, თუ ის სტადიონზე დარჩება, ფეხბურთს არ ითამაშებენ.„არ ვითამაშებთ ფეხბურთს, არ უნდა მოსულიყავით დღეს, არ გვსიამოვნებს ეს ჩვენ, ფეხბურთის მოთამაშეებს. არ გვაინტერესებთ, თამაში არ შეგვაწყვეტინოთ, გარეთ გადით და იქ დაელაპარაკეთ ხალხს"- აცხადებს მოქალაქე.თავის მხრივ, მელიაც მოქალაქეს უცხადებს, რომ ის უბრალოდ გამარჯობის სათქმელად მივიდა და არა ორი საათის განმავლობაში ფეხბურთის საყურებლად.„მე ხელს არ შეგიშლით ძმაო, ითამაშეთ," - მიმართავს მელია სოფელ ნარაზენში მცხოვრებს.

პოლიტიკა • 1723463335

ძალადობა კატეგორიულად მიუღებელია და ყოველთვის შევეწინააღმდეგები, ოპოზიციისგან განსხვავებით - კახა კალაძე

თბილისის მერი კახა კალაძე აცხადებს, რომ მისთვის ყველა სახის ძალადობა კატეგორიულად მიუღებელია და პოლიტიკურ პარტიებს უნდა ჰქონდეთშესაძლებლობა, საარჩევნო კამპანია მშვიდ გარემოში აწარმოონ - ამის შესახებ მან კოალიცია „ცვლილებებისთვის“ ერთ-ერთ ლიდერზე, ნიკა მელიაზე თავდასხმის ფაქტის შეფასებისას განაცხადა.„როგორ შეიძლება ძალადობა წაახალისო ან რაიმე მისასალმებელი კომენტარი გააკეთო? კატეგორიულად მიუღებელია ამ ტიპის ქმედებები ისევე, როგორც ის სპეკულაციები, რომლის შესახებაც ვრცელდებოდა ინფორმაცია, თითქოს, ეს იყო მმართველი გუნდის ორგანიზებული. დღეს ჩვენ გვჭირდება სიმშვიდე და ყველა პოლიტიკურ პარტიას, პოლიტიკოსს უნდა მიეცეს შესაძლებლობა, თავისუფალ, მშვიდ გარემოში აწარმოოს საკუთარი საარჩევნო კამპანია. ასეთი ქმედებები კატეგორიულად მიუღებელია და ყოველთვის შევეწინააღმდეგები მათგან განსხვავებით. კარგად მახსოვს, როდესაც მამუკა მდინარაძეს ელისაშვილი დაესხა თავს, რა განცხადებებს აკეთებდნენ და რა მოწოდებები კეთდებოდა. ძალადობა ყოველთვის მიუღებელია, როგორიც არ უნდა იყოს ის - გინდ ფსიქოლოგიური, გინდ ფიზიკური. ყველა უნდა შევეწინაღმდეგოთ ამ ყველაფერს და არავითარ შემთხვევაში, არ უნდა წახალისდეს“, - განაცხადა კახა კალაძემ.დედაქალაქის მერი არ გამორიცხავს, რომ ნიკა მელიაზე თავდასხმის ფაქტი შიდაპარტიული დაპირისპირებითაა გამოწვეული.„არ გამოვრიცხავ, რომ ეს ფაქტი შიდაპარტიული დაპირისპირებაა. თუ ვნახავთ ამ ადამიანის ოჯახის წევრების პარტიულობას, სად მუშაობენ და რას წარმოადგენენ, ყველაფერი ცხადია. კიდევ ერთხელ ვიმეორებ, ამ ტიპის სპეკულაციები, რომ „ქართული ოცნების“ დაორგანიზებულია ეს ფაქტი, კატეგორიულად მიუღებელია. დღეს ყველაზე მეტად ვისაც უნდა ქვეყანაში სიმშვიდის შებარჩუნება, მშვიდობის პოლიტიკის გატარება, ერთადერთი პოლიტიკური ძალა „ქართული ოცნება - დემოკრატიული საქართველოა“. სხვა ყველა ერთად აღებული - კოლექტიური „ნაციონალური მოძრაობა“, მომხრე იყო იმისა, რომ ქვეყანა სანქციებს შეერთებოდა; მეორე ფრონტი გაჩენილიყო და ა.შ. მათ ქვეყანა არ აინტერესებთ, საქართველოს ხვალინდელი დღე არ აინტერესებთ. ისინი იმართებიან გარედან და რასაც ეტყვიან, დაავალებენ, იმის გამკეთებელი არიან. ქვეყნის, სამშობლოს საწინააღდეგო რომ იყოს, იმაზეც წამსვლელი არიან“, - აღნიშნა თბილისის მერმა.მისივე თქმით, მმართველ გუნდს აქვს სურვილი, ქვეყანაში მშვიდობა შეინარჩუნოს, მეორე მხარეს კი დგანან ისეთი პოლიტიკური პარტიები, რომელთა წარმომადგენლებიც სხვა ქვეყნის ინტერესებს ემსახურებიან.„როგორ შეიძლება გერქვას პოლიტიკოსი, წარმოადგენდე კონკრეტულ პოლიტიკურ პარტიას და დარბოდე, მაგალითად, ბრიუსელში იმისთვის, რომ ქვეყანამ ასოცირების შესახებ ხელშეკრულებას არ მოაწეროს ხელი ან კანდიდატის სტატუსი არ მიიღოს.ეს ტყუილი ხომ არ არის? ეს კონკრეტულ ფაქტებზეადაფუძნებული. კონკრეტულ პოლიტიკურ პარტიებს ჰქონდათ სურვილი, რომ ვიზალიბერალიზაციისპროცესი შეჩერებულიყო, ქვეყანა დაესანქცირებინათდა ა.შ. ყველაფერი სახეზეა. საზოგადოებამ კარგად იცის, რომ ერთ მხარეს არის „ქართული ოცნება -დემოკრატიული საქართველო“, რომელსაც აქვს სურვილი, ქვეყანაში მშვიდობა შეინარჩუნოს, სიმშვიდე იყოს და მოახდინოს ქვეყნის ეკონომიკური განვითარება. მეორე მხარეს კი არის კოლექტიური „ნაცმოძრაობა“, რომელიც იმართება გარედან და ემსახურება სხვა ქვეყნის ინტერესებს. ისინი არიან ჩვეულებრივი მოღალატეები“, - განაცხადა კახა კალაძემ.

პოლიტიკა • 1723460682

მე მინდა მოვუწოდო ყველა ადამიანს, არა მხოლოდ ჩვენი აქტივის წარმომადგენელს და მომხრეს, ნებისმიერს, თქვენი ყველა ხელის მოქნევა „ნაცმოძრაობის“ რომელიმე ლიდერის თუ წარმომადგენლის წინააღმდეგ ემსახურება ნაცების საქმეს, - ამის შესახებ საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ მამუკა მდინარაძემ ნიკა მელიაზე განხორციელებულ თავდასხმაზე საუბრისას განაცხადა.მდინარაძის თქმით, თუ პარლამენტში მასზე მიპარვით გაქნეული ხელი, არ იყო ვაჟკაცური საქციელი და არაკაცობად შეფასდა ყველას მხრიდან, არც ახლა შეიძლება ვაჟკაცურ საქციელად ჩაითვალოს მსგავსი ქმედება.„შეიძლება ვიღაცა გულწრფელად გაბრაზებული იყოს და ესე მოქმედებდეს, არ ვიცი ამ შემთხვევაში ამასაც გამოკვლევა ჭირდება კარგი, ნებისმიერი ხელის გაქნევა მათ წინააღმდეგ აკეთებს მხოლოდ და მხოლოდ მათ საქმეს. რაც არ უნდა ნეგატიური ემოცია გამოძრავებდეთ, რაც არ უნდა გამწარებული იყოთ, რაც არ უნდა სხვა ემოციები გამოძრავებდეთ, თუკი მათ წინააღმდეგ ხელს გაიქნევთ ეს აუცილებლად მათ გამოადგებათ, როგორც ახლა გამოადგათ, საერთოდ ჩამკვდრები იყვნენ, საერთოდ არაფერი არ ხდებოდა, დაბოდიალობდნენ, ამ სიტყვის ყველანაირი მნიშვნელობით, წინ და უკან და ყველა მათგანი, გარდა „ნაცმოძრაობისა“, ცდილობს, რომ 5%-იან ბარიერს რაღაცნაირად მიუახლოვდეს. მეტი მიზანი მათ არ გააჩნიათ და ახლა თუ ხელს გავიქნევთ მათ წინააღმდეგ, ხელს შევუწყობთ იმაში, რომ გაცოცხლდნენ პოლიტიკურად. „ნაცზე“ მეტად არავის აწყობს ეს ყველაფერი. თუ გუშინ და გუშინ წინ პარლამენტში მიპარვით გაქნეული ხელი, მე შემიძლია ამის ლაპარაკი, არ იყო ვაჟკაცური საქციელი და არაკაცობად შეფასდა ყველას მხრიდან, ახლა მთლად ვაჟკაცური საქციელი ვერ გამოდგება. ამიტომ, ყველას ვთხოვ ნუ გააკეთებენ „ნაცების“ საქმეს და ხელის ქნევას მათ წინააღმდეგ თავი დაანებონ, იმიტომ, რომ არაფერი უფრო მეტად მათ წისქვილზე არ დაასხამს წყალს ვიდრე ეს მოქმედება“, - განაცხადა მდინარაძემ.მისივე თქმით, ნიკა მელიაზე თავდასხმას სამართლებრივი რეაგირება მოჰყვება და ასევე აუცილებლად გასარკვევია, ხომ არ ჰქონდა თავდამსხმელს რაიმე კონტაქტი „ნაციონალურ მოძრაობასთან“.„რაც შეეხება რეაგირებას, მე დარწმუნებული ვარ, რომ სათანადო რეაგირება მოჰყვება ამ ყველაფერს. და ერთ რამეს დავამატებ, რასაც არ ვამბობ შემთხვევით, ვამბობ ხაზგასმით, დეტალურად არის გამოსაკვლევი იქ რაიმე კონტაქტი არის თუ არა ვინმესთან რამესთან, რაღაც ინფორმაციები არსებობს, რაზეც ხვალ და ზეგ ალბათ უფრო თამამად ვილაპარაკებ, რაღაც კონკრეტული ინფორმაციები მეც მაქვს, მათ შორის, მე ვიცი, რომ თქვენც გაქვთ რაღაც ინფორმაციები, მაგრამ ხვალ და ზეგ უფრო თამამად ვილაპარაკოთ, ჯერ თქვან თავად „ნაცებმა“, რაიმე კონტაქტი ხომ არ არსებობს, რაიმე ბმა ხომ არ არსებობს და შემთხვევითი არის თუ არა ეს ყველაფერი, არ ვიცი იმ ახალგაზრდა კაცს, რაც ჩაიდინა იმის ზემოთ არ მინდა რამე დავაბრალო და გავარკვიოთ ჯერ ეს ყველაფერი და მერე ვილაპარაკოთ ამაზე. თურმე როგორც თავად უთქვამთ დედა იყო „ნაცმოძრაობის“ წარმომადგენელი საუბნო საარჩევნო კომისიაში და დაც ასევე „ნაცმოძრაობის“ წარმომადგენელია საუბნო საარჩევნო კომისიაში, ეს არის ფაქტი. დანარჩენზე დასკვნები საზოგადოებამ გამოიტანოს. და და დედა არიან „ნაცების“ წარმომადგენლები, შეიძლება შვილი ჩვენი მომხრე იყოს, ამასაც არ გამოვრიცხავ. თუ ჩვენი მომხრეა მით უმეტეს, მას და სხვასაც მივმართავ - ნაცების წისქვილზე ნუ დაასხამენ წყალს“, - აღნიშნა მდინარაძემ.