ნეკა

რუსეთის თავდაცვის სამინისტროს ცნობით, რუსეთის საჰაერო თავდაცვის სისტემებმა ღამის განმავლობაში 70 უკრაინული უპილოტო საფრენი აპარატი ჩამოაგდეს

რუსეთის საჰაერო თავდაცვის სისტემებმა ღამით როსტოვის, ვოლგოგრადის, ასტრახანის, ვორონეჟის, ბელგოროდისა და კურსკის ოლქებში 70 უკრაინული უპილოტო საფრენი აპარატი ჩამოაგდეს.რუსეთის თავდაცვის სამინისტროს ცნობით, 27 უპილოტო საფრენი აპარატი ჩამოაგდეს როსტოვის ოლქის ტერიტორიაზე, 25 – ვოლგოგრადის ოლქში, შვიდი – ასტრახანის ოლქში, ხუთი – ვორონეჟში, ოთხი – ბელგოროდის ოლქის ტერიტორიაზე და ორი კი კურსკის ოლქის ტერიტორიაზე.ამასთან, „როსავიაციამ“ განაცხადა, რომ ფრენების უსაფრთხოების უზრუნველსაყოფად ვოლგოგრადის, ასტრახანის, ყაზანის, ულიანოვსკის, ნიჟნეკამსკის და სარატოვის აეროპორტებში დროებითი შეზღუდვები იყო დაწესწებული. მოგვიანებით შეზღუდვები მოიხსნა.

პოლიტიკა • 1737384255

თორნიკე ჭეიშვილი: 2024 წლის 29 აპრილს ბიძინა ივანიშვილმა დაუფარავად ისაუბრა იმის შესახებ, რომ „გლობალური ომის პარტია“ ცდილობს საქართველოს შიდა ინტერესებში ჩარევას - ამის შემდგომ, საქართველოში ჩამოდის ვიზიტით ჯიმ ო’ბრაიენი და არ ფარავს უკმაყოფილებას ბატონი ივანიშვილის განცხადების თაობაზე - პარალელურ რეჟიმში, დაიწყო პრობლემები შვეიცარიულ ბანკთან

2024 წლის 29 აპრილს „ქართული ოცნების“ საპატიო თავმჯდომარემ, ბატონმა ბიძინა ივანიშვილმა რუსთაველზე, საზოგადოებასთან შეხვედრის დროს, დაუფარავად ისაუბრა იმის შესახებ, რომ „დიფ სთეითი“, „გლობალური ომის პარტია“, ძალიან დაუფარავად ცდილობდნენ ჩვენი სახელმწიფოს შიდა ინტერესებში ჩარევას და ერთგვარი ფარდა ახადა იმ პროცესებს, რომელიც მიმდინარეობდა ისევ და ისევ საქართველოზე გარკვეული ზეგავლენის მოხდენის მიზნით, - ამის შესახებ პარლამენტის იურიდიულ საკითხთა კომიტეტის თავმჯდომარის პირველმა მოადგილემ, თორნიკე ჭეიშვილმა, გადაცემაში „დღის ქრონიკა“ განაცხადა.ჭეიშვილის განცხადებით, ბიძინა ივანიშვილის განცხადებაზე „გლობალური ომის პარტიის“ და „დიფ სთეითის“ გავლენების შესახებ, უკმაყოფილება გამოთქვა აშშ-ის სახელმწიფო მდივნის თანაშემწემ ევროპისა და ევრაზიის საკითხებში, ჯიმ ო'ბრაიენმა, პარალელურ რეჟიმში კი დაიწყო ივანიშვილის პრობლემები შვეიცარიულ ბანკთან. „ამის შემდგომ, საქართველოში ჩამოდის ვიზიტით ჯიმ ო’ბრაიენი, შეერთებული შტატების სახელმწიფო მდივნის თანაშემწე ევროპისა და აზიის მიმართულებით და აღნიშნული პიროვნება ასევე არ ფარავს უკმაყოფილებას იმით, რომ ბატონმა ბიძინა ივანიშვილმა ისაუბრა „დიფ სთეითისა“ და მისი გავლენების შესახებ.შეიძლება ითქვას, პარალელურ რეჟიმში, ანუ 6 თვის წინ, დაიწყო ეს პრობლემები შვეიცარიულ ბანკთან და პრაქტიკულად, ბიძინა ივანიშვილს, როგორც ამ ბანკის კლიენტს, შეეზღუდა შესაძლებლობა იმისა, რომ თავისი პირადი აქტივები განეკარგა, შესაბამისი საბანკო ოპერაციები განეხორციელებინა. როგორც ჩანს, ამ შემთხვევაში, უკვე ეს ყველაფერი მივიდა რაღაც კულმინაციურ მომენტამდე და გადაწყვიტა ბიძინა ივანიშვილმა, რომ თავისი ინტერესები დაიცვას სასამართლოს მეშვეობით. კარგად გახსოვთ სხვა შვეიცარიულ ბანკთან, „კრედიტ სუისთან“ ბიძინა ივანიშვილის სასამართლო პროცესი, რომელიც წარმატებით მიმდინარეობს, რამდენიმე ეტაპი წარმატებით იყო დასრულებული.“ - აღნიშნა თორნიკე ჭეიშვილმა. მისივე თქმით, ამ პროცესებში იგრძნობა „დიფ სთეითის“ ხელი, რომელმაც გადაწყვიტა, შვეიცარიული საბანკო სისტემა მარიონეტად გამოიყენოს და ბიძინა ივანიშვილთან მიმართებით შანტაჟის მცდელობა ჰქონდეს.„მცირე შეჯამება რომ გავაკეთოთ ამ ისტორიისა, აქაც იგრძნობა „დიფ სთეითის“ ხელი, რომელიც ამ შემთხვევაში, შვეიცარიის საბანკო სისტემის გავლით და ესეც ძალიან სამწუხაროა, რომ შვეიცარიის საბანკო სისტემა მარიონეტის როლში გამოდის, რომელსაც მოეხსენებათ, მთელ მსოფლიოში მაღალი რეპუტაცია ჰქონდა და სანდოობით სარგებლობდა - ამ ყველაფრის მიუხედავად, ისინი ახერხებენ, რომ ისევ და ისევ შვეიცარიული ბანკების გავლით, გარკვეული შანტაჟის მცდელობა ჰქონდეთ ბიძინა ივანიშვილის მისამართით.“ - განაცხადა ჭეიშვილმა. "ქართული ოცნების" საპატიო თავმჯდომარის ადვოკატის, ლაშა კალანდაძის ინფორმაციით, ბიძინა ივანიშვილი აპირებს, დაიწყოს სამართლებრივი პროცედურები შვეიცარიულ ბანკ Julius Baer-ის წინააღმდეგ ბანკის მხრიდან დაკისრებული ვალდებულების შესრულებისა და ზიანის ანაზღაურების მოთხოვნით.

ტაბლოიდი • 1736024059

ნეკა დოროყაშვილის ახალი ფოტოები

ქართველი სპორტსმენის და ჩოგბურთელის ნიკოლოზ ბასილაშვილის ყოფილი ცოლის, მოდელისა და ინფლუენსერის ნეკა დოროყაშვილის მიმართ ინტერესი ბოლო წლებია გაზრდილია. უფრო სწორად კი, ინტერესი ხმაურიანი სასამართლო პროცესების შემდეგ გაიზარდა, რაც მათ დაშორებას მოჰყვა.ხმაურიანი სასამართლო პროცესების შემდეგ ნეკამ იმიჯი და ცხოვრების სტილი მკვეთრად შეიცვალა. იგი სოციალურ ქსელში აქტიურია და ხშირად აქვეყნებს თამამ ფოტოებს. ამჯერად მან გამომწერებს მორიგი პიკანტური ფოტოები გაუზიარა.„ქალი ცეცხლი, ვულკანი“. „შოკი ხარ“. „ქალების ქალი“, - წერენ სოციალურ ქსელში. View this post on Instagram A post shared by Neli Dorokashvili (@nekadorokashvili)

რეგიონი • 1735654381

ბორჯომი საახალწლო ღონისძიებისთვის ემზადება

ბორჯომი საახალწლო ღონისძიებისთვის ემზადება. მერაბ კოსტავას სახელობის სკვერში მონტაჟდება სცენა, ეწყობა დეკორაციები და საშობაო სოფელი, სადაც ადგილობრივი მეწარმეების ნამუშევრების გამოფენა-გაყიდვა გაიმართება. პატარების განწყობაზე ანიმატორები და ზღაპრის გმირები თოვლის ბაბუასთან ერთად იზრუნებენ, რომელიც ბავშვებს საჩუქრებს გადასცემს. საახალწლო კონცერტი კი 10:00 საათზე დაიწყება.მსმენელის წინაშე ჯგუფი "იბერია", ⁠ეთნო ჯაზ ჯგუფი ,"ირაო", კვარტეტი "უნისონი", ნეკა სებისკვერაძე, ეკა დოლიძე, ანსამბლი "ბორჯომი" და დავით ილურიძის ბენდი წარდგებიან.მოსული სტუმრები ახალ 2025 წელს მრავალჟამიერისა და საზეიმო ფეიერვერკის თანხლებით შეხვდებიან.

ტაბლოიდი • 1735485693

ნეკა დოროყაშვილი ახალ ფოტოებს აქვეყნებს

ტაბლოიდი • 1732724826

„ვინც კიდევ ნიკასთან მასოცირებთ...“ - რამ გააღიზიანა ნეკა დოროყაშვილი

ქართველი სპორტსმენის და ჩოგბურთელის ნიკოლოზ ბასილაშვილის ყოფილი ცოლის, მოდელისა და ინფლუენსერის ნეკა დოროყაშვილი „ინსტაგრამზე“ გამომწერების კითხვებს პასუხობს.„ნიკასთან როგორი ურთიერთობა გაქვთ“, - ამ კითხვამ მოდელის გაღიზიანება გამოიწვია, რაზეც გამომწერს ასეთი პასუხი გასცა:„და თქვენ უფრო სირები ხართ, ვინც მაგის ბურთის ავტოგრაფს დღემდე დასდევთ და ვინც კიდევ ნიკასთან მასოცირებთ. თქვენი ოჯახები მო***ან მე“.

ტაბლოიდი • 1730484481

ნეკა დოროყაშვილი ამღერდა - „ყველანაირი ნეგატივი წარსულს გავატანე და დავიწყე ახალი ცხოვრება…“

მოდელი ნეკა დოროყაშვილი fortuna.ge-სთან ექსკლუზიურ ინტერვიუში აღნიშნავს, ის სიძნელეები, რაც მის ცხოვრებაში იყო, უკან ჩამოიტოვა და მხოლოდ წინ იყურება.ინფლუენსერი ნეკა დოროყაშვილი მალე საზოგადოებას ახალ საინტერესო სიახლეს წარუდგენს. ეს არის ინგლისურენოვანი ალბომი პოპის ჟანრში, რომელიც ამერიკელი პროდიუსერების დახმარებით, საქართველოში საკუთარ გუნდთან ერთად ჩაწერა. ნეკას კარიერული გზა სიმღერის კუთხით, არც მეტი, არც ნაკლები, ბოლივუდში დაიწყო, ის ინდოეთში ექვსი თვის განმავლობაში კონტრაქტით მუშაობდა ერთ-ერთ სამოდელო სააგენტოში, როდესაც ამერიკელმა პროდიუსერებმა შეამჩნიეს და მას ალბომის ჩაწერა შესთავაზეს, რომელსაც საერთაშორისო მიზნები ექნება და ამერიკული ბაზრისთვის გახლავთ განკუთვნილი.მის ალბომს განსაკუთრებულად ელოდება მისი 9 წლის ვაჟი, ლუკასი, რომელიც დედიკოს პირველი გულშემატკივარია.ალბომში შედის სიმღერები, რომლებიც გარკვეულწილად, ავტობიოგრაფიულ ელემენტებს გააერთიანებს, ეს არის გზა, რომელიც ნეკამ, როგორც ერთმა ქალმა, ამ მომენტამდე გაიარა.გთავაზობთ ამონარიდს ინტერვიუდან:როდის მოვისმენთ ალბომიდან პირველ ნამუშევარს?ყველაზე მნიშვნელოვანი პერიოდი სწორედ ახლაა – მინდა, პირველად გამოვჩნდე ჩემი ალბომის პირველი სიმღერით, რომელიც ძალიან მომწონს. მასზე უკვე მიმდინარეობს კლიპის გადაღებები და პირველ რიგში, ქართულ აუდიტორიას გავუზიარებ. მინდა, კლიპმა მაქსიმალურად ასახოს ის, რაც სიმღერაში მაქვს ჩადებული, კლიპში გადმოვიტანო ყველა ის ემოცია, რაც სიმღერაშია. როგორც სიმღერებზე შეიქმნა სატესტო დემო ვერსიები, კლიპთან დაკავშირებითაც გვაქვს არაერთი სატესტო ვერსია. შესაბამისად, სანამ არ იქნება ეს ნამუშევარი ისეთი სრულყოფილი და ის ემოცია არ იქნება ჩადებული, რაც მე მინდა, ბოლომდე მაქსიმალური დატვირთვით ბოლომდე ვიმუშავებ. ჯერჯერობით მიმდინარეობს კლიპის სატესტო გადაღებები. ამერიკელ პროდიუსერებთან, რა თქმა უნდა, კლიპის სატესტო ვერსიებსაც ვაგზავნით და მათგან ვიღებთ რჩევებს, თუმცა მნიშვნელოვანია, რომ ჩემს საავტორო ხედვას იზიარებენ და დიდი პატივისცემით ეპყრობიან, რაც ძალიან დასაფასებელია. დიდი დატვირთვით გვიწევს მუშაობა, რადგან მინდა, კლიპი ჩემი პროდიუსერობით მომზადდეს.როგორი მოლოდინი გაქვთ პირველი სიმღერის გამოშვების წინ?ახლა უკვე აღარ ვნერვიულობ, ვღელავდი მაშინ, როდესაც სწორ მიმართულებას ვეძებდი, რომ სიმღერისას ვყოფილიყავი ისეთი, როგორიც სინამდვილეში ვარ. არა როგორც მოდელი ნეკა, ვისაც საზოგადოება იცნობს, არამედ არტისტი ნეკა, რომელსაც ჩემი აზრით, მაყურებელი ჯერ არ იცნობს. პირველივე სიმღერაში ჩანს ქალი, რომელმაც უამრავი სიძნელე გადალახა… ნახეთ სრულად

ტაბლოიდი • 1730133081

ნახეთ, ნეკა დოროყაშვილის ახალი შავ-თეთრი ფოტოსესია, რომელმაც გამომწერები აღაფრთოვანა

ნეკა დოროყაშვილი ფოტოგრაფ ზურა ბურჯანაძის მიერ გადაღებულ შავ-თეთრ ფოტოებს გვიზიარებს, სადაც შესანიშნავად გამოიყურება.

სპორტი • 1728042690

ოქტომბრის შეხვედრებში ჩვენი მთავარი მიზანი იქნება იმის დამტკიცება, რომ სექტემბერში მიღწეული წარმატება შემთხვევითი არ იყო - სანიოლი

უეფას ერთა ლიგის ოქტომბრის სანაკრებო მატჩების წინ საქართველოს ფეხბურთელთა ნაკრების მთავარი მწვრთნელი ვილი სანიოლი ჟურნალისტებს შეხვდა. ფრანგმა სპეციალისტმა უკრაინელებთან და ჩეხებთან გასამართ შეხვედრებსა და ნაკრების ირგვლივ არსებულ სიტუაციაზე ისაუბრა.„ოქტომბრის შეხვედრებში ჩვენი მთავარი მიზანი იქნება იმის დამტკიცება, რომ სექტემბერში მიღწეული წარმატება შემთხვევითი არ იყო. გიორგი გულიაშვილი საინტერესო ფეხბურთელად მიმაჩნია და თუ ევროპის ჩემპიონატზე მისი გამოძახება ნაადრევად მიმაჩნდა, ახლა გოგლიჩიძის და ნონეკაშვილის მსგავსად დაამტკიცა, რომ ეროვნულ გუნდში სათამაშოდ მზადაა. გიორგი მიქაუტაძეს მართლაც რთული პერიოდი აქვს და მასზეა დამოკიდებული, ამ ყველაფერს როგორ გაუმკლავდება. ხვიჩა კვარაცხელიამ კონტეს მწვრთნელობის პერიოდში ფიზიკური მომზადების თვალსაზრისით აშკარად მოუმატა. რაც შეეხება ჩემს მომავალს, აქ ყოფნით ბედნიერი ვარ. კონტრაქტის გახანგრძლივებაზე ერთად ლიგის ჯგუფური ეტაპის შემდეგ დავილაპარაკებთ“, - განაცხადა სანიოლმა.ეროვნულ გუნდში მყოფი 23 ფეხბურთელიდან გიორგი გულიაშვილი ერთადერთი დებიუტანტია. ეროვნული ლიგიდან კი მხოლოდ ერთი მოთამაშე საბა კვერკველიაა გამოძახებული, რომელიც „დინამო თბილისში“ თამაშობს.საქართველოს ეროვნული გუნდი შეკრებას 7 ოქტომბერს პოლონეთში დაიწყებს. უკრაინა -საქართველოს მატჩს 11 ოქტომბერს ქალაქი პოზნანი უმასპინძლებს და თამაში თბილისის დროით 22:45 წუთზე დაიწყება. 14 ოქტომბერს საქართველო-ალბანეთის შეხვედრა კი მიხეილ მესხის სტადიონზე სტარტს 20:00 საათზე აიღებს.

რეგიონი • 1727003433

„ახალი ქალაქი დიდი ისტორიით“ - რუსთავში, „რუსთავქალაქობა“ მასშტაბური ღონისძიებებით აღნიშნეს

,,ახალი ქალაქი დიდი ისტორიით” - სწორედ ამ სლოგანით და ქალაქის ახალი ლოგოტიპით შეხვდნენ წლევანდელ ,რუსთავქალაქობას” რუსთავში. ქალაქის დღის აღსანიშნავი ღონისძიებები სამ სხვადასხვა ლოკაციაზე : ცენტრალურ პარკში, იპოდრომზე, ძველი და ახალი რუსთავის დამაკავშირებელ ხიდთან კოსტავას გამზირზე გაიმართა.,,რუსთავქალაქობას” ვულოცავ ჩვენს ქალაქს, მინდა ვისურვო ჩვენი ოჯახის და თითოეული ჩვენგანის ჯანმრთელობა, მშვიდობა ჩვენს ქალაქსა და ქვეყანაში, ასევე ძალიან დიდი მოტივაცია, რომ რუსთავი გახდეს უკეთესი და ამაში ყველამ საკუთარი წვლილი უნდა შევიტანოთ. წელს გავითვალისწინეთ ყველა სურვილი, რომელიც მოსახლეობას ჰქონდა და ღონისძიებები რომელიც ყველა ასაკის და გემოვნების ადამიანზე იყო მორგებული, სამ სხვადასხვა ლოკაციაზე გავმართეთ. “რუსთავქალაქობაზე” არ გვაქვს მოსაწვევები, რადგან ეს დღე ყველა რუსთაველის დღესასწაულია”, - განაცხადა რუსთავის მერმა ნინო ლაცაბიძემ.რუსთავის მერიის ორგანიზებით, ცენტრალური პარკი მთელი დღის განმავლობაში ბავშვთა გასართობი, შემეცნებითი და სპორტული აქტივობებით იყო დატვირთული, მოეწყო ანიმაციური ფილმების ჩვენება, ჩატარდა საბავშვო მუსიკალური წარმოდგენა, სხვადასხვა ლოკაციებზე გაიმართა ანიმატორებისა და ზღაპრის გმირების მსვლელობა, ასფალტზე ცარცით ხატვა, ილუზიონისტისა და საპნის ბუშტების შოუ. სამრეწველო და კულინარიულ ფესტივალს უმასპინძლა რუსთავის იპოდრომმა, სადაც რუსთაველ მეწარმეთა პროდუქციის გამოფენა-გაყიდვა და კულინარიული ფესტივალი გაიმართა.“რუსთავქალაქობის” ღონისძიებებს საქართველოს პარლამენტში რუსთავის მაჟორიტარი დეპუტატი ირაკლი შატაკიშვილი და პარლამენტარი ალექსანდრე დალაქიშვილი ესწრებოდნენ. “რუსთავქალაქობას”ვულოცავ ჩემს ქალაქს და თანაქალაქელებს, მინდა ვისურვო მშვიდობა, ჩვენი ქალაქისა და ქვეყნის განვითარება და წინსვლა. რაც შეეხება დღევანდელ დღეს, ჩვენს ,,ახალ ქალაქში დიდი ისტორიით”, ძალიან ლამაზი, მრავალფეროვანი და საინტერესო ღონისძიებებით სავსე დღე გვქონდა და ,,რუსთავქალაქობა” ყველამ ერთად ვიზეიმეთ”, - განაცხადა რუსთავის მაჟორიტარმა დეპუტატმა საქართველოს პარლამენტში ირაკლი შატაკიშვილმა.“რუსთავქალაქობის” კულმინაცია გალა- კონცერტი იყო. გალა- კონცერტზე რუსთავზე შექმნილი ოთხი სიმღერის პრემიერა შედგა, რომლებიც ლაშა ნოზაძემ, ჯგუფმა ,,მგზავრებმა”, ნეკა სებისკვერაძემ, ,,რეზო და ბავშვებმა” შეასრულეს. კლასიკური მუსიკის საღამოზე, რომელსაც ნიკოლოზ წულუკიძე უძღვებოდა, მუსიკალურად კი მაესტრო ნიკა ნიკვაშვილი და კამერული ორკესტრი აფორმებდა, სხვადასხვა პროფესიისა და სფეროს წარმომადგენლების დაჯილდოების ცერემონია გაიმართა. რუსთაველებს, რომლებიც ქალაქის დღევანდელობას ქმნიან და თანამედროვე რუსთავის განვითარებაში საკუთარი წვლილი შეაქვთ, მადლობა გადაუხადეს და სიმბოლური საჩუქარი გადასცეს. სადღესასწაულო საღამო, ჯგუფ ,,REGGAEON”-ის კონცერტით დასრულდა.

რეგიონი • 1726840889

რუსთავში „რუსთავქალაქობისთვის” ემზადებიან

რუსთავში, ქალაქის დღის აღსანიშნავად მზადება მიმდინარეობს. წელს, ,,რუსთავქალაქობა” მასშტაბური და მრავალფეროვანი ღონისძიებებით იქნება დატვირთული. წლევანდელ დღესასწაულს ქალაქი უკვე ახალი ლოგოტიპით და სლოგანით - ,,ახალი ქალაქი დიდი ისტორიით" ხვდება. სწორედ ამ სლოგანზე იქნება აგებული მთავარი დღესასწაულის შინაარსი.რუსთავის მერიის ორგანიზებით, რუსთავქალაქობის" ღონისძიებები 21 სექტემბერს სამ სხვადასხვა ლოკაციაზე გაიმართება.ცენტრალურ პარკში 10:00 საათიდან 18:00 საათამდე, ბავშვთა გასართობი და სპორტული აქტივობები ჩატარდება. პარკის ტერიტორიაზე სხვადასხვა ლოკაციებზე ანიმატორებისა და ზღაპრის გმირების მსვლელობა, ასფალტზე ცარცით ხატვა, ილუზიონისტისა და საპნის ბუშტების შოუ გაიმართება, მოეწყობა საბავშვო-შემეცნებითი კუთხე. ბავშვებისთვის საბავშვო მუსიკალური წარმოდგენა გაიმართება, ამფითეატრში კი ანიმაციების ჩვენება.11:00 საათიდან, სამრეწველო და კულინარიული ფესტივალი დაიწყება, რომელსაც რუსთავის იპოდრომი უმასპინძლებს. იპოდრომის ტერიტორიაზე რუსთაველ მეწარმეთა პროდუქციის გამოფენა-გაყიდვა და კულინარიული ფესტივალი ჩატარდება.20:00 საათიდან კი კოსტავას გამზირზე, გალა-კონცერტი დაიწყება. რუსთავის ცენტრალურ გამზირზე, ძველი და ახალი რუსთავის დამაკავშირებელი ხიდთან არსებულ მოედანზე, ორი სცენაა მოწყობილი. გალა-კონცერტზე სხვადასხვა პროფესიისა და სფეროს წარმომადგენლების დაჯილდოების ცერემონია გაიმართება. რუსთაველებს, რომლებიც ქალაქის დღევანდელობას ქმნიან და თანამედროვე რუსთავის განვითარებაში საკუთარი წვლილი შეაქვთ, მადლობას გადაუხდიან.საზეიმო ღონისძიებას ნიკოლოზ წულუკიძე წარუძღვება და მუსიკალურად კამერული ორკესტრი ნიკა ნიკვაშვილის ხელმძღვანელობით გააფორმებს. სცენაზე რუსთავზე შექმნილი სიმღერებს ნეკა სებისკვერაძე, ჯგუფი ,,რეზო და ბავშვები” და ჯგუფი ,,REGGAEON”-ი შეასრულებენ. საღამო ჯგუფ ,,REGGAEON”-ის კონცერტით დასრულდება.

კულტურა • 1726726021

კულტურის სამინისტროს მხარდაჭერით, გოგი ცაბაძის 100 წლის იუბილესადმი მიძღვნილი საღამო გაიმართა

კულტურისა და სპორტის სამინისტროს მხარდაჭერით, თბილისის სახელმწიფო საკონცერტო დარბაზში გაიმართა გიორგი ცაბაძის 100 წლის იუბილესადმი მიძღვნილი გალაკონცერტი."საღამოს საქველმოქმედო ფონდ "ქართუს" დამფუძნებელი და ქართული კულტურის დიდი მოამაგე ბიძინა ივანიშვილი მეუღლესთან ერთად, კულტურისა და სპორტის მინისტრი თეა წულუკიანი, საქართველოს პარლამენტის წევრი ბექა ოდიშარია, ცნობილი ხელოვანები, გოგი ცაბაძის ოჯახის წევრები, კოლეგები, მეგობრები და სხვა მოწვეული სტუმრები ესწრებოდნენ.გალაკონცერტის თემა იყო "გიორგი ცაბაძე თეატრსა და კინოში" და მასში მონაწილეობდა თეატრისა და კინოს ყველასათვის საყვარელი არაერთი წარმომადგენელი. საქართველოს ქალთა კამერული ორკესტრისა და დავით მაზანაშვილის ბენდის თანხლებით საკონცერტო დარბაზის სცენაზე გაჟღერდა კომპოზიციები და გაცოცხლდა სცენები ცნობილი მიუზიკლებიდან, კინოსა თუ სპექტაკლებიდან. სტუმრებმა ასევე მოისმინეს უცნობი ამბები კომპოზიტორის ცხოვრებიდან", - აღნიშნულია უწყების მიერ გავრცელებულ ინფორმაციაში.ღონისძიებაში მონაწილეობდნენ: მურმან ჯინორია, რეზო ჩხიკვიშვილი, ნანული სარაჯიშვილი, ალექსანდრე ბეგალიშვილი, ეკა მამალაძე, მაია ჯაბუა, თამარ გვერდწითელი, ნეკა სებისკვერაძე, აჩიკო სოლოღაშვილი, აჩიკო გოგიტიძე, ოთარ ჯორჯიკია, მარიკო ებრალიძე, ნუცა ბუზალაძე, სოფო ხალვაში; "დუეტი ჯორჯია"; "ალილო"; "თეატრალური კვარტეტი"; "ფორტე"; "გორის ქალთა გუნდი"; "მურო გაგოშიძის ცეკვის ლაბორატორია".ღონისძიების სამხატვრო ხელმძღვანელი დავით მაზანაშვილი, ხოლო სცენარის ავტორი და საღამოს წამყვანი ნიკოლოზ წულუკიძე გახლდათ.როგორც ცნობილია, 24 აგვისტოს კომპოზიტორის დაბადებიდან 100 წელი შესრულდა. საიუბილეო წელთან დაკავშირებით შეიქმნა ფესტივალი, რომლის ფარგლებშიც ოთხ დიდ ქალაქში - ბათუმში, ქუთაისში, თელავსა და თბილისში - გალაკონცერტები გაიმართა. ღონისძიებებში მონაწილეობდა არაერთი ცნობილი მომღერალი და მსახიობი, კონცერტები ერთმანეთისგან სრულიად განსხვავებული იყო, როგორც რეპერტუარით, ასევე მონაწილეებით, საღამოები დატვირთული იყო ახლებური ვერსიების პრემიერებითა და თეატრალური დადგმებით.პროექტის მხარდამჭერები არიან საქართველოს კულტურისა და სპორტის სამინისტრო, თბილისის მერია.