ტაბლოიდი • 1762007189

„გული მიჩერდება! ნეტა როდემდე ავარიდებ თავს შენთან მოსვლას...“ - ნანუკა გულუა

27 ოქტომბერს რესტორან „ქვევრის“ მფლობელი ლაშა ბასლანძე გარდაიცვალა. გარდაცვალების ზუსტი მიზეზი ჯერჯერობით უცნობია, თუმცა ახლობლები გულის შეტევაზე საუბრობენ.მისმა გარდაცვალებამ ბევრ ადამიანს დაწყვიტა გული და სოციალურ ქსელში მეგობრები ემშვიდობებიან, მათ შორის არის მსახიობი ნანუკა გულია, რომელიც ლაშა ბასლანძის მეუღლეს სალომე ბაკურაძეს მიმართავს:„რაღაცაზე რომ გადავერთვები მახსენდებიან და გული მიჩერდება! ნეტა როდემდე ავარიდებ თავს შენთან მოსვლას“, - წერს ნანუკა გულუა.ცნობისთვის, ლაშა ბასლანძე პროდიუსერი და რესტორან „ქვევრის“ მფლობელი გახლდათ, რომელიც 27 ოქტომბერს გარდაიცვალა. ლაშას პირველი ქორწინებიდან ერთი შვილი ელენე ჰყავს, რომელთან ერთადაც იტალიაში წინა დღეებში მოგზაურობდა. მისი მეუღლე მომღერალი სალომე ბაკურაძეა. წყვილი 2014 წელს დაქორწინდა. მათ ერთი საერთო შვილი, 9 წლის სანი ჰყავთ.

საზოგადოება • 1761890429

მიხეილ ყაველაშვილი, თელავის ვაჟა-ფშაველას სახელობის სახელმწიფო დრამატულ თეატრში, სპექტაკლის „ალუდა“ პრემიერას დაესწრო

საქართველოს პრეზიდენტი მიხეილ ყაველაშვილი, თელავის ვაჟა-ფშაველას სახელობის სახელმწიფო დრამატულ თეატრში სპექტაკლის „ალუდა“ პრემიერას შვილებთან ერთად დაესწრო. ღონისძიებას კახეთის მხარეში სახელმწიფო რწმუნებული გიორგი ალადაშვილი, საკანონმდებლო და ადგილობრივი ხელისუფლების წარმომადგენლები და სასულიერო პირები ესწრებოდნენ.სპექტაკლით „ალუდა“ თეატრის 131-ე სეზონი გაიხსნა, რომელიც ამავე თეატრის სამხატვრო ხელმძღვანელმა ნანუკა ხუსკივაძემ დადგა. საქართველოს პრეზიდენტმა დასს დადგმისთვის მადლობა გადაუხადა და წარმატებები უსურვა.„შთაბეჭდილების ქვეშ ვარ. მადლობა მინდა გადავუხადო მსახიობებს, მთლიანად დასს, სამხატვრო ხელმძღვანელს, რომ ასე საინტერესოდ იყო წარმოდგენილი ჩვენი გენიალური ვაჟა-ფშაველას პოემა „ალუდა ქეთელაური". დღევანდელ სპექტაკლს ბევრი ახალგაზრდა ესწრებოდა. თეატრი ძალიან დიდი ძალაა, სულიერ საზრდოს აძლევს ადამიანებს. კიდევ ერთხელ მადლობა, დასს ამ შესანიშნავი დადგმისთვის", - განაცხადა საქართველოს პრეზიდენტმა.

ტაბლოიდი • 1761543330

„ვეძებ ძმას, რომელიც 1977 წლის 30 აპრილს დაიბადა და გააშვილეს…“ – ნანუკა გულუა

ნანუკა გულუა თავის ძმას ეძებს. მომღერალი სოციალურ ქსელში პოსტს აქვეყნებს და საზოგადოებას მიმართავს.​„მეგობრებო, ვეძებ ძმას! რომელიც 1977 წლის 30 აპრილს დაიბადა… დაბადებიდან 1 კვირის შემდეგ გააშვილეს… მისი დაბადების სახელია ვიქ(კ)ტორი … გთხოვთ თუ გაქვთ ეჭვი, ან ყურმოკვრით გახსოვთ ჩემი ძმის გაშვილების შესახებ ნებისმიერი დეტალი, გამაგებინეთ… მილიონი პროცენტით დავიცავ თქვენს ანონიმურობას გეფიცებით შვილებს!“, – წერს ნანუკა გულუა.

საზოგადოება • 1761394193

ნანუკა ჟორჟოლიანის მიერ ნახსენები მცირეწლოვანი ბავშვის მშობელი პარლამენტის თავმჯდომარის მოადგილეს, ნინო წილოსანს დახმარებისთვის მადლობას უხდის და მის მიმართ პატივისცემას გამოხატავს

 ნანუკა ჟორჟოლიანის მიერ ვიდეოში ნახსენები ბავშვის მშობელი, მარიამ შამათავა „ქართული ოცნების“ დეპუტატს, პარლამენტის თავმჯდომარის მოადგილეს, ნინო წილოსანს დახმარებისთვის მადლობას უხდის და მისი და მისი ოჯახის სახელით პატივისცემას გამოხატავს.„მინდა ძალიან დიდი მადლობა გადავუხადო ქალბატონ ნინო წილოსანს ჩემი შვილის გვერდში დგომისთვის. უდიდესი პატივისცემა ჩემი და ჩემი ოჯახიდან მას“- წერს მარიამ შამათავა.მანამდე ნანუკა ჟორჟოლიანს პარლამენტის თავმჯდომარის მოადგილესთან, ნინო წილოსანთან დაკავშირებით გაკეთებული განცხადების შესახებ იმ ჯგუფის ორგანიზატორმა უპასუხა, ვინც ბავშვის სამკურნალოდ თანხა შეაგროვა.ლუი ორაგველიძე, ამბობს, რომ ნინო წილოსანისთვის კონკრეტულად ამ ბავშვის დასახმარებლად თხოვნით არ მიუმართავთ და აქვე, განმარტა, რომ დეპუტატს მათთვის არაერთი სიკეთე აქვს გაკეთებული. ლუი ორაგველიძე პოსტშივე აღნიშნავს, რომ ნინო წილოსანმა პირადად მათ სამ საქველმოქმედო საღამოზე სოლიდური თანხა დარიცხა.

საზოგადოება • 1761382933

ნანუკა ჟორჟოლიანს ნინო წილოსანთან დაკავშირებით იმ ჯგუფის ორგანიზატორი პასუხობს, ვინც ბავშვის სამკურნალოდ თანხა შეაგროვა და აცხადებს, რომ წილოსანს მათ საქველმოქმედო საღამოზე არა ერთხელ აქვს სოლიდური თანხა გაღებული

ნანუკა ჟორჟოლიანს პარლამენტის თავმჯდომარის მოადგილის, ნინო წილოსანთან დაკავშირებით გაკეთებული განცხადების შესახებ იმ ჯგუფის ორგანიზატორი პასუხობს, ვინც ბავშვის სამკურნალოდ თანხა შეაგროვა. საუბარია, ჟორჟოლიანის მიერ ნახსენებ გურულ ბავშვზე, რომელსაც დახმარება სჭირდება.ლუი ორაგველიძე, რომელიც ლანჩხუთის ჯგუფის ორგანიზატორია, სოციალურ ქსელში პოსტს აქვეყნებს, სადაც ამბობს, რომ ნინო წილოსანისთვის კონკრეტულად ამ ბავშვის დასახმარებლად თხოვნით არ მიუმართავთ და აქვე, განმარტა, რომ დეპუტატს მათთვის არა ერთი სიკეთე აქვს გაკეთებული.ლუი ორაგველიძე პოსტშივე აღნიშნავს, რომ ნინო წილოსანმა პირადად მათ სამ საქველმოქმედო საღამოზე სოლიდური თანხა დარიცხა. აღსანიშნავია, რომ ორაგველიძის პოსტს აზიარებს ვიდეოში ნახსენები ბავშვის მშობელიც. ცნობისთვის, ნანუკა ჟორჟოლიანმა სოციალურ ქსელში ვიდეო გამოაქვეყნა, სადაც კორუფციაზე საუბრისას ნინო წილოსანის გვარსაც ახსენებს და მიმართავს, რომ მანაც დადგას შოუ და გურული ბავშვი გადაარჩინოს. ასევე მიმართავს დედებს, რომ მილიონერ ქოცებს მოსთხოვონ თავიანთი შვილების გადასარჩენი ფული. 

პოლიტიკა • 1761158686

ზაზა დობორჯგინიძე ნანუკა ჟორჟოლიანზე- თვითონ არც პრეზიდენტის რეზიდენციაში შეიჭრება, არც ქუჩას გადაკეტავს, საციხოდ არ გაიხდის საქმეს, მაგრამ აქებს ადამიანების საციხოდ გაწირვას და მერე წავა პარიზში დასასვენებლად

პოლიტიკის ექსპერტი ზაზა დობორჯგინიძე ნანუკა ჟორჟოლიანის ფეისბუქ პოსტს ეხმიანება, რომელიც აქციის მონაწილე ქალბატონზე, რომელიც  პოლიციის ავტომანქანაზე ავიდა, წერს, რომ „დაუმორჩილებელი გოგო ყველაზე ლამაზია“.როგორც დობორჯგინიძე აღნიშნავს, თავად ნანუკა საციხოდ საქმეს არ გაიხდის, თუმცა ისიც და სხვებიც აქებენ ადამიანების საციხოდ გაწირვას.„თვითონ არც პრეზიდენტის რეზიდენციაში შეიჭრება, არც ქუჩას გადაკეტავს, არც ფოერვერკს ისვრის, საციხოდ არ გაიხდის საქმეს,  მაგრამ ეს (და სხვებიც) აქეზებენ, არომანტიზებენ, აქებენ ადამიანების საციხოდ გაწირვას და მერე წავა პარიზში დასასვენებლად“- წერს დობორჯგინიძე.

საზოგადოება • 1761113648

„ვერ ვხვდები, მის გარეშე როგორ ვიყავი...“ - ნანუკა გულუა

ნანუკა გულუა ესტუმრა თაკო ჩხეიძის რუბრიკას „იმედის“ ეთერში და ისაუბრა იმის შესახებ, თუ როგორია 41 წლის ასაკში სამი შვილის დედობა.ის საუბრობს თავისი მეორე ნახევრის შესახებ და ამბობს, რომ მის გარეშე ცხოვრება ვერ წარმოუდგენია:„კახა არის ყველაფერში, მეც ვარ კახას ყველაფერში. ზუგდიდში იყო წასული, სახლში სარემონტო სამუშაოები წამოიწყო, რვაფეხაა ჩემსავით, ჩემი ბიძაშვილი ეხმარებოდა და იქიდან მეუბნება, ჩემმა ცოლმა ამდენჯერ რომ დამირეკეოს, არარსებული ვარიანტიაო. სულ მინდა, რომ დავურეკო, ყველაფერი ვუთხრა, რაღაცნაირად ჩემი ადამიანია და ჩემი მთელია, ვერ ვხვდები, მის გარეშე როგორ ვიყავი…“- ამბობს ნანუკა. 

პოლიტიკა • 1760352664

თენგიზ შარმანაშვილი სტრასბურგში დაგეგმილ შეხვედრებზე: ეს არის დესტრუქციული ელემენტების თავყრილობა, რომლებიც დაიწყებენ ახალი დესტრუქციული საქმიანობისთვის მსჯელობას საქართველოში და შეიძლება სხვა ქვეყნებში

თავდაცვისა და უშიშროების საპარლამენტო კომიტეტის თავმჯდომარის პირველი მოადგილე თენგიზ შარმანაშვილი სტრასბურგში დაგეგმილ შეხვედრას ეხმიანება, რომელზეც სპიკერების როლში ნანუკა ჟორჟოლიანი, გიორგი ახობაძე, ნინო დოლიძე, შოთა დიღმელაშვილი და ანა ფოტიგა წარდგებიან. დეპუტატი აცხადებს, რომ მისთვის არ იქნება გასაკვირი, თუ გაირკვევა, რომ ამ შეხვედრებს ევროკავშირი აფინანსებს.„იდეა, რომელსაც ისინი ხმამაღლა აცხადებენ, ხიდების მშენებლობაა საზოგადოებაში და დასახელებულია ისეთი გვარები, რომლებიც მთელი თავიანთი უახლესი პოლიტიკური ისტორიის განმავლობაში ხიდების ნგრევითა და სიძულვილის ენის გაღვივებით იყვნენ დაკავებულები. არავითარ ხიდების მშენებლობაზე იქ საუბარი არ იქნება. ეს არის დესტრუქციული ელემენტების თავყრილობა, რომლებიც დაიწყებენ ახალი დესტრუქციული საქმიანობისთვის მსჯელობას საქართველოში და შეიძლება სხვა ქვეყნებში. ყველაფერი დაუფინანსებიათ და ყველაფრისთვის მხარი დაუჭერიათ, თუ რაიმე დესტრუქციული მოხდა საქართველოში და ახლა ეს დესტრუქციული თავყრილობაც თუ დააფინანსეს, რა გასაკვირი იქნება?“, - ამბობს შარმანაშვილი.შეხვედრები სტრასბურგში 20-23 ოქტომბერს გაიმართება. „ქრონიკამ“ ევროკავშირის საელჩოს კითხვით მიმართა, აფინანსებს თუ არა ევროკავშირი სტრასბურგში დაგეგმილ შეხვედრებს და პასუხს ამ დრომდე ელის.

პოლიტიკა • 1760352527

დავით მათიკაშვილი: „შულავერის კომიტეტის“ გასვლითი სხდომა ეწყობა სტრასბურგში. სამწუხაროდ, ამ ყველაფერს როგორც ჩანს აფინანსებს ევროკავშირი და მასში აქტიურად მონაწილეობს

როგორც ჩანს, „შულავერის კომიტეტის“ გასვლითი სხდომა ეწყობა სტრასბურგში, - განუცხადა ჟურნალისტებს საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილმა სტრასბურგში დაგეგმილ შეხვედრებთან დაკავშირებით.მისივე თქმით, „სამწუხაროდ, ამ ყველაფერს როგორც ჩანს აფინანსებს ევროკავშირი და მასში აქტიურად მონაწილეობს“.„მიუხედავად იმისა, რომ ძალადობისა და ანტისახელმწიფოებრივი ქმედებისთვის ყველას სათანადოდ პასუხი აუცილებლად გაეცემა, არ ისვენებენ ჩვენი ქვეყნისადმი მტრულად განწყობილი ძალები ხალხზე, სახელმწიფოზე მოახდინონ ძალადობა, ხელში ჩაიგდონ ხელისუფლება, დააბრუნონ აგენტურა“, - აღნიშნა მან.ცნობისთვის, აფინანსებს თუ არა ევროკავშირი სტრასბურგში დაგეგმილ შეხვედრებს, „ქრონიკამ“ ევროკავშირის საელჩოს კითხვით მიმართა და პასუხს ამ დრომდე ელოდება. 20-23 ოქტომბრის პერიოდში გაიმართება შეხვედრები, სპიკერები კი არიან, მაგალითად, ნანუკა ჟორჟოლიანი, გიორგი ახობაძე, ნინო დოლიძე, შოთა დიღმელაშვილი და ანა ფოტიგა. დაგეგმილი დისკუსია უკვე შეფასდა სიძულვილისა და რადიკალიზაციის ღონისძიებად.

ტაბლოიდი • 1760216489

ნანუკა გულუა შვილების, კირას და ნინას ფოტოებს გვიზიარებს

ნანუკა გულუა შვილების, კირას და ნინას ფოტოებს გვიზიარებს. პატარა გოგონების ფოტოებს მსახიობი სოციალურ ქსელში აქვეყნებს.„ორი მზე“„ორი თოჯინა“„სასწაულები გყავს ნანუკა“„სილამაზე ბავშვები“ – უწერენ ნანუკას.

პოლიტიკა • 1760027760

ზურაბ ქადაგიძე: ნუ გვექნება იმის ილუზია, რომ როგორც სირიაში დაატრიალეს ტერორისტების ხელით ის უბედურება, რაც დაატრიალეს, იგივე არ მოხდებოდა საქართველოში ქართველი რადიკალების ხელით

პარტია „ხალხის ძალის“ წევრი ზურაბ ქადაგიძე სოციალურ ქსელში რადიკალებს შორის დაპირისპირებას მედიასთან ეხმიანება. ექსპერტი საუბრობს ემიგრანტების მიერ ჩარიცხულ თანხებზე და განმარტავს, რომ სისხლის ღვრაში მონაწილეობა მორალური პასუხისმგებლობაა, ქართველმა რადიკალებმა კი ემიგრანტები „სასარგებლო იდიოტებად“ გამოიყენეს. ზურაბ ქადაგიძე აღნიშნავს, რომ საზოგადოებას არ უნდა ჰქონდეს იმის ილუზია, რომ ამ რადიკალების ხელით საქართველოში არ დატრიალდებოდა იგივე მოვლენები, რაც ახლა სირიაში ვითარდება.„გუშინ დავით ქართველიშვილმა დადო ძალიან საინტერესო პოსტი და დაურთო დოკუმენტებიც - როგორ რიცხავენ ემიგრანტები თანხებს და წარმოდგენილია მათი სია. ყველაზე სასაცილო ის არის, რომ ეს ადამიანები ვერ ხვდებიან როგორ გამოიყენეს „სასარგებლო იდიოტებად“ ჩვენმა "რევოლუციურმა კომიტეტმა". ნანუკა ჟორჟოლიანის და ვინმე სანდერსების დონეზე საკუთარ ოჯახებს მოაკლეს თანხები და ამ პოტენციურ სისხლის ღვრაში მიიღეს მონაწილეობა.ეს უფრო მორალური პასუხისმგებლობაა, რომელსაც ვერც ემიგრაცია და ვერც მიამიტობა ვერ გაამართლებს. ეს არის სამწუხარო ფაქტი, რაც შედგა. მე რასაც ვუყურებ, ცოტა შეცოდების გრძნობაც მიჩნდება იმიტომ, რომ ძალიან პირადულ ლანძღვა-გინებაზე გადავიდნენ და პირადი მიმოწერების გასაჯაროებაზე. წარმოიდგინეთ ეს ადამიანები რომ ხელისუფლებაში მობრუნებულიყვნენ, რაზე წამსვლელები იქნებოდნენ. ამიტომ ვამბობ, ნუ გვექნება იმის ილუზია, რომ როგორც სირიაში დაატრიალეს ტერორისტების ხელით ის უბედურება, რაც დაატრიალეს და რაც ახლა ტრიალებს, იგივე არ მოხდებოდა საქართველოში ამ ადამიანების ხელით,“- განაცხადა ზურაბ ქადაგიძემ.

პოლიტიკა • 1759899208

,,გამოძიებით დგინდება, რომ ჯგუფი "დაიტოვე" სხვადასხვა ტიპის წინააღმდეგობისთვის არის გამოყენებული და ამ ჯგუფის საშუალებით ხდება სხვადასხვა წინააღმდეგობისთვის საჭირო ნივთებისა და თუ თანხის მობილიზება" - პროკურორი

გამოძიების შეკითხვებს, მაგისტრანტი მოსამართლით თანდასწრებით, საქალაქო სასამართლოში ჯგუფ "დაიტოვეს" ხელმძღვანელმა, ილია ღლონტმა უპასუხა. გამოკითხვის შემდეგ, მედიასთან კომენტარი გააკეთა პროკურორმა.ანი ხუბეჯაშვილი აცხადებს, რომ გამოძიებით დგინდება, რომ ჯგუფი სხვადასხვა ტიპის წინააღმდეგობისთვის არის გამოყენებული და ამ მისი საშუალებით ხდება სხვადასხვა წინააღმდეგობისათვის საჭირო ნივთებისა და თუ თანხის მობილიზება და მოძიება."მას დაესვა კითხვები უშუალოდ ამ ჯგუფში, რომელსაც ჰყავს 200 ათასზე მეტი აუდიტორია, გამოქვეყნებული გარკვეული პოსტების შესახებ. მათ შორის, ჯარიმებისთვის გადასახდელი თანხის მობილიზების კონტექსტში და მან განმარტა, რომ ზოგადად, შეიძლება რომ ვინმე კონკრეტული პირის ჯარიმა ყოფილიყო მოთხოვნილი და ამას არ ჰქონდა ორგანიზებული ხასიათი მისი მხრიდან. გარდა აღნიშნულისა, მან დაადასტურა ის, რომ რამდენიმე აქციის ორგანიზატორი თავად იყო. გამოძიებით დგინდება, რომ ჯგუფი სხვადასხვა ტიპის წინააღმდეგობისთვის არის გამოყენებული და ამ ჯგუფის საშუალებით ხდება სხვადასხვა წინააღმდეგობისთვის საჭირო ნივთებისა და თუ თანხის მობილიზება და მოძიება. ასევე, ნანუკას ფონდისგან ფიქსირდებოდა გარკვეული თანხის ჩარიცხვა უშუალოდ ილია ღლონტის პირად ანგარიშზე და მან როგორც განგვიმარტა, ეს თანხა გამოიყენა მან მისი პირადი ჯარიმის გადასახდელად," - აცხადებს ანი ხუბეჯაშვილი.