მელია

ქუთაისის საერთაშორისო უნივერსიტეტის განცხადება

ქუთაისის საერთაშორისო უნივერსიტეტი (KIU) ეხმიანება ზოგიერთ მედია საშუალებაში გავრცელებულ ინფორმაციას და აცხადებს, რომ სიახლე, რომელიც ქუთაისის საერთაშორისო უნივერსიტეტში სტუდენტთა ხელშეწყობის მიზნით ინერგება, წარმოჩენილია დეზინფორმაციულ კონტექსტში, რაც სრულიად შეგნებულად, საზოგადოების შეცდომაში შეყვანას ისახავს მიზნად. საყოველთაოდ ცნობილია, რომ KIU მაღალი ხარისხის ევროპული განათლების ხელმისაწვდომობის უზრუნველყოფაზე და მუდმივად ორიენტირებულია ინფრასტრუქტურის, აკადემიური გარემოსა და სტუდენტური სერვისების გაუმჯობესებაზე. სწორედ განვითარების ნაწილია უნივერსიტეტში სტუდენტური საცხოვრებლის განახლებული საფასო პოლიტიკის დანერგვა, რომელიც მომავალ წელს, 2026 წლის გაზაფხულის სემესტრიდან ამოქმედდება. ცვლილებების ამოქმედებამდე, უნივერსიტეტის ადმინისტრაცია ღიაა დიალოგისთვის და მუდმივად მზად არის უპასუხოს სტუდენტთა თითოეულ შეკითხვას, მოისმინოს მათი მოსაზრებები და რეკომენდაციები, განიხილოს მათი საჭიროებები და იმუშაოს შესაძლო გადაწყვეტილებებზე, რომლებიც უკეთესი და მრავალფეროვანი სტუდენტური გამოცდილების შექმნას შეუწყობს ხელს. ხაზგასმით აღვნიშნავთ, ქუთაისის საერთაშორისო უნივერსიტეტის საცხოვრებელ კამპუსებში მოქმედი ტარიფები 5 წლის წინ , იმ დროისთვის არსებული საბაზრო ფასების ანალიზის საფუძველზე დადგინდა. ინფრასტრუქტურის გამართულად ფუნქციონირებისა და ხარისხიანი საცხოვრებელი გარემოს შენარჩუნებისთვის, ისევ და ისევ ბაზრის ანალიზზე დაყრდნობით შემუშავდა დაბალანსებული, ყველაზე ოპტიმალური ახალი საფასო მოდელი, რომელიც იმ მაღალი ხარისხის ინფრასტრუქტურასა და მომსახურებებს ისახავს მიზნად, რომელსაც სტუდენტები ყოველდღიურად იყენებენ. უმნიშვნელოვანესია ის გარემოება, რომ უნივერსიტეტში მოქმედებს „ბაკალავრიატის სტუდენტური გრანტების ფონდი“, რომლის ფარგლებში, სხვადასხვა კატეგორიაში გაიცემა სწავლისა და საცხოვრებლის სრული ან ნაწილობრივი დაფინანსება, ასევე ყოველთვიური სტიპენდიები. გრანტები მოიცავს როგორც აკადემიურ და სოციალურ მიმართულებებს, ასევე თანადაფინანსებისა და ინსტიტუციურ კატეგორიებს. მაღალი აკადემიური მოსწრების მქონე სტუდენტებისთვის ხელმისაწვდომია ასევე რექტორისა და აკადემიური სტიპენდიები. უნივერსიტეტი ყოველი ახალი სასწავლო წლისთვის უზრუნველყოფს საუნივერსიტეტო საგრანტო დაფინანსებას, რათა ყველა სტუდენტისთვის ხელმისაწვდომი იყოს „ბაკალავრიატის სტუდენტური გრანტების ფონდიდან“ გრანტის მიღება. ამასთან, გაიზარდა GPA-ს მოთხოვნა, რაც მიზნად ისახავს სტიპენდიების მინიჭებას განსაკუთრებით მაღალი აკადემიური მოსწრების მქონე სტუდენტებისთვის მათი მოტივაციის კიდევ უფრო მეტად გაზრდის და სწავლის ხარისხის ამაღლების მიზნით. ასევე ხაზგასასმელია, რომ KIU-ს ერთ-ერთი მთავარი უპირატესობა მისი საუნივერსიტეტო კამპუსია, რომელიც მოიცავს თანამედროვე სასწავლო და საცხოვრებელ კორპუსებს, ბიბლიოთეკას, საკონფერენციო სივრცეებს, კაფეტერიებს, სპორტულ მოედნებსა და რეკრეაციულ ზონებს. სტუდენტური საცხოვრებელი აღჭურვილია ერთი და ორადგილიანი ოთახებით, აუდიტორიებით, სპორტული დარბაზით, კინო და მუსიკალური ოთახებით, ჭადრაკის კლუბით, სარეცხი და საშრობი ზონებით. უნივერსიტეტში ფუნქციონირებს მენტალური ჯანმრთელობის ცენტრი და ექიმის კაბინეტი. ზემოჩამოთვლილი სერვისებით სარგებლობა KIU-ს ყველა სტუდენტისთვის უფასოა. ისინი გათავისუფლებულნი არიან ყველა კომუნალური გადასახადისგან და უზრუნველყოფილი არიან უფასო Wi-Fi-ით.

ტაბლოიდი • 1753274974

აშშ-ში მოლაშქრეების ფეხსაცმელების ქურდ მელაზე ძებნა გამოცხადდა

„იძებნება დიდი რაოდენობით ფეხსაცმლის მოპარვისთვის", - რას იფიქრებდით, ასეთი წარწერა და პირში კედებგაჩრილი მელას სურათი რომ დაგენახათ პარკში ლაშქრობისას? არა, სულაც არაა სახუმაროდ საქმე — ყოველ შემთხვევაში, გრანდ-ტეტონის ეროვნული პარკის ვიზიტორებისთვის.აშშ-ში, უაიომინგის შტატში, ერთი ონავარი მელა ივნისიდან მოყოლებული იპარავს ტურისტების ფეხსაცმელებს. საქმე იქამდეც მივიდა, რომ ეროვნული პარკის ხელმძღვანელობამ პოსტერები ამობეჭდა და ძელებზე გააკრა.პოსტერის მიხედვით, "კედების ტაციად" და "მელია-პარიად" ცნობილ დამნაშავეს ბრალად ედება კონკრეტულად მარცხენა ფეხსაცმელების წაღება (როგორც ჩანს, უფრო გემრიელიაო) და მოლაშქრეებისთვის მყუდროების დარღვევა. ქურდბაცაცა ცხოველს უკვე 19 ფეხსაცმელი მოუპარავს. ბოლოს დანაშაულის ადგილი ცალი კედით და სინდისის ქენჯნის გარეშე დატოვაო, წერია განცხადებაში.პოსტერის დაბლა პატარა დაფაცაა განთავსებული: "მელას ბოლო ქურდობიდან გასულია 0 დღე". პარკის ხელმძღვანელობა ტურისტებს ამ რიცხვის გაზრდას სთხოვს და მოუწოდებს, ფეხსაცმელები თავიანთ ტრანსპორტშივე ან კარვებში შეინახონ. მით უფრო, რომ განცხადების განთავსებიდან ინსტაგრამზე პოსტის დადებამდე მოპარული ფეხსაცმელების რაოდენობა 32-მდე გაზრდილა..."რისთვის სჭირდება მელას ფეხსაცმელები? ეს ჯერ კიდევ არ ვიცით", — ნათქვამია პოსტში, — "შეიძლება სათამაშოა, შეიძლება კოლექცია აქვს სოროში, შეიძლება მოდის მიმდევარია". View this post on Instagram A post shared by Grand Teton National Park (@grandtetonnps) ამ სახალისო განცხადებით კი პარკის ადმინისტრაციას სერიოზულ საკითხზე სურდა ყურადღების გამახვილება; გარეული ცხოველების გამოკვება ან მათ მისაზიდად სხვა ხერხის გამოყენება, თუნდაც უნებლიედ, ადამიანებს და თავად ცხოველებსაც საფრთხის ქვეშ აყენებს. ინსტაგრამპოსტში ნათქვამია, რომ ამ გზით ველური ცხოველები ადამიანებს "შესაძლებლობად" აღიქვამენ, შედეგად კი, შესაძლოა, საბინადროც შეიცვალონ.უაიომინგის ველური ბუნების მხარდამჭერთა ასოციაციის დირექტორი, კრისტინ ქომბსი, ამბობს, რომ მელიები ძაღლების მსგავსად ჭკვიანი და ონავარი ცხოველები არიან, თუმცა, კონკრეტული მიზეზი, რატომ შეიძლება ფეხსაცმელი მოიპარონ, მაინც უცნობია; შესაძლო ვარიანტებს შორისაა სუნის — მაგალითად, ტყავის ფეხსაცმლის — მოწონება ან ტერიტორიის მოსანიშნად გამოყენება.ადამიანების სამოსახლოსთან გაშინაურებული მელიები განსაკუთრებულ საფრთხეს არ წარმოადგენენო, ხსნის ქომბსი, მაგრამ თუკი მოლაშქრეები საკვებით დაინტერესებული ცხოველების მოფერებას შეეცდებიან, შეიძლება უკბინონ; ამ გზით კი არაერთი დაავადება, მათ შორის, ცოფი ვრცელდება.თუმცა, ამ კონკრეტულ შემთხვევაში საფრთხის ქვეშ თავად მელია-პარია უფროა. თუკი მისი ქცევა თანდათან უფრო აგრესიული გახდება, პარკის ხელმძღვანელობას ცხოველის მოკვლა მოუწევს.

საზოგადოება • 1753264295

„ტოიოტა ცენტრი თეგეტა“ პრესტიჟული ჯილდოების – Toyota Ichiban 2025-ისა და Going Beyond-ის მფლობელი გახდა

Ichiban იაპონურად „ნომერ პირველს“ ნიშნავს - სწორედ ეს სიტყვა ასახავს ჯილდოს მთავარ არსს და ენიჭებათ მხოლოდ იმ დილერებს, რომლებიც მომხმარებელს სთავაზობენ უფრო მეტს, ვიდრე სერვისია. Toyota Ichiban 2025-ის მფლობელი„ტოიოტა ცენტრი თეგეტა“ გახდა. ქართული კომპანია 2 500 დილერს შორის გამოარჩიეს და საუკეთესო 46-ეულს შორის დაიმკვიდრა ადგილი.ჯილდოს გადაცემის ცერემონია 24-26 ივნისს იტალიის ქალაქ ბოლონიაში, ე.წ. Motor Valley-ში გაიმართა – რეგიონში, რომელიც გამორჩეულია საავტომობილო მემკვიდრეობით. წლევანდელი ღონისძიება შთაგონებული იყო სარბოლო ტრასის სულისკვეთებით, სადაც წარმატებას განსაზღვრავს სიზუსტე, დისციპლინა და გუნდური მუშაობა.Toyota Motor Europe-ის პრეზიდენტმა და გენერალურმა დირექტორმა იოშიჰირო ნაკატამ ჯილდოს გადაცემისას აღნიშნა, რომ „Ichiban-ის გამარჯვებულებმა ეს ჯილდო სიღრმისეული ზრუნვით, თანმიმდევრულობითა და ადამიანების რეალური საჭიროებების გათვალისწინებით დაიმსახურეს. ისინი გვახსენებენ, რომ მომხმარებლისთვის შესანიშნავი გამოცდილების შექმნა იწყება ერთი ადამიანით, ერთი ჩამორთმეული ხელით. მომავალი ევროპაში სწორედ ახლა იწერება და გამარჯვებული დილერები მისი თანაავტორები არიან – ისინი ქმნიან ნდობაზე დაფუძნებულ, ხანგრძლივ ურთიერთობებს“.მომხმარებლის კმაყოფილების ინდექსი, მომსახურების სისწრაფე და უწყვეტი ინოვაციების დანერგვა - სწორედ ამ მიდგომამ და „ტოიოტა ცენტრი თეგეტას“ გუნდურმა ძალისხმევამ განაპირობა, რომ კომპანია არა მხოლოდ „ტოიოტას“ გლობალურ ქსელში წარმატებული დილერი, არამედ მასშტაბური ცვლილებების მაგალითი გამხდარიყო მთელი რეგიონისთვის.მარიამ მელიაშვილი, „ტოიოტა ცენტრი თეგეტას“ გენერალური დირექტორი: „ჩვენი გამარჯვება ერთმნიშვნელოვნად ეფუძნება იმ კულტურას, რომელიც მომხმარებელზე ზრუნვასა და პროცესების უწყვეტ გაუმჯობესებას გულისხმობს.ეს ჯილდო არის არა მხოლოდ ჩვენი პროფესიონალი გუნდის შრომის აღიარება, არამედ ჩვენი მომხმარებლების ნდობის შედეგიც – სწორედ მათთან ურთიერთობის ხარისხმაგანაპირობა ჩვენი წარმატება. Ichiban-ის მფლობელობა,აღიარებასთან ერთად, გვაკისრებს პასუხისმგებლობას - გავამართლოთ მომხმარებლის მოლოდინი და ვიყოთ „პირველი“.Ichiban-ის ჯილდოს გარდა, „ტოიოტა ცენტრი თეგეტას“ პოზიცია ევროპულ ბიზნესსცენაზე წელს კიდევ ერთმა პრესტიჟულმა აღიარებამ გაამყარა – კომპანიამ Going Beyond-ის სპეციალური ჯილდოც დაიმსახურა, კერძოდ, Brand & Communication-ის კატეგორიაში.„ტოიოტა ცენტრი თეგეტას“ მარკეტინგულმა გუნდმაგამარჯვება მოიპოვა ინოვაციური ხედვისდამსახურებით. მათი მიზანი იყო ისეთიკამპანიების შექმნა, რომლებიც სცილდებოდასტანდარტულ მარკეტინგულ ჩარჩოებს დამომხმარებელთან ემოციურ კავშირს ამყარებდა. განსაკუთრებული აქცენტი გაკეთდა ქართულაუდიტორიაზე – მათი ცხოვრების სტილზე, ღირებულებებსა და მოლოდინებზე, რომლებსაციაპონური ფილოსოფიის ელემენტები ორგანულადშეერწყა.ამ ორ კულტურას შორის დამაკავშირებელი ხაზიკარგად გამოჩნდა როგორც ციფრულ კამპანიებში, ისე სადილერო სივრცეში მომხმარებლისთვისშექმნილ გამოცდილებაში. ყოველი აქტივობადეტალურად იყო მორგებული მომხმარებელზე, რაცბრენდის მიმართ ნდობის გაღრმავებასა დაძლიერი ემოციური კავშირის ჩამოყალიბებასემსახურებოდა.ანი თედიაშვილი, „ტოიოტა ცენტრი თეგეტას“მარკეტინგის მენეჯერი: „Going Beyond“ ჯილდოსმიღება ბრენდისა და კომუნიკაციისკატეგორიაში ჩვენთვის იყო ერთდროულადმოულოდნელი და ძალზე ამაღელვებელი. მთელი წლის განმავლობაში ჩვენიკომუნიკაცია ეყრდნობოდა ერთ ძირითადიდეას – როგორ დავუკავშიროთ იაპონურიდა ქართული კულტურა „ტოიოტას“ბრენდის კონტექსტს და როგორ ვაქციოთ ესკავშირი იდენტობის განმსაზღვრელელემენტად. თითოეული კამპანია – იქნება ესსერვისზე ორიენტირებული, გაყიდვებისმხარდამჭერი თუ ბრენდის იმიჯზეკონცენტრირებული – ვითარდებოდა ერთითანმიმდევრული ნარატივის ფარგლებში. სწორედ ამ გზავნილის გაზიარება გვინდოდა„ტოიოტას“ გლობალური ოჯახისათვის – რომ კულტურათა ინტეგრაცია შეიძლებაიქცეს ბრენდის სიძლიერედ და იდენტობისხერხემლად“.Toyota Ichiban-ის ჯილდო ყოველწლიურად გადაეცემა ევროპაში საუკეთესო დილერებს, რომლებიც ლიდერობენ მომხმარებელთა კმაყოფილების მაღალი მაჩვენებლებით, მომსახურების ხარისხის უწყვეტი გაუმჯობესებითა და თანამშრომლების აქტიური ჩართულობით. „ტოიოტა ცენტრი თეგეტასთვის“ ეს წარმატება წარმოადგენს არამხოლოდ ადგილობრივ, არამედ რეგიონულ ბაზარზე ლიდერობის კიდევ ერთ დადასტურებას და აჩვენებს, რომ ხარისხი, ინოვაცია და მომხმარებელზე ზრუნვა კვლავ ბრენდის ძირითად ღირებულებებად რჩება. ---„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „ტოიოტა ცენტრი თეგეტა"საქართველოს ბაზარზე 2014 წლიდან ოპერირებს. კომპანია მონობრენდულია და მისი მომსახურება სრულიად ტოიოტას ავტომობილებზეა ფოკუსირებული. ამ ეტაპზე კომპანია მომხმარებელს სთავაზობს ტოიოტას უახლესი მოდელების ავტომობილებს, მაღალი ხარისხის ორიგინალ ავტოსათადარიგო ნაწილებს, აქსესუარებსა და მომსახურებას. სერვისი აღჭურვილია თანამედროვე ავტორიზებული პროგრამებითა და კვალიფიციური პერსონალით.

რჩევები • 1753191420

რომელია ზაფხულში აკრძალული პროცედურები

ზაფხულის დადგომასთან ერთად, სულ უფრო მეტ დროს ვატარებთ მზის ქვეშ, თუმცა, სწორედ ამ პერიოდში ელის კანს სერიოზული გამოწვევა: მაღალმა ტემპერატურამ, აქტიურმა მზემ და მომატებულმა ტენიანობამ შეიძლება უარყოფითად იმოქმედოს მის მდგომარეობაზე. ამ შემთხვევაში, თქვენ არა მხოლოდ უნდა გადახედოთ სახის მოვლის რუტინას, არამედ მეტი პასუხისმგებლობით მიუდგეთ მას - გაითვალისწინეთ, ყველა მანიპულაცია არ არის დაშვებული გაზაფხულ-ზაფხულის სეზონზე.1. პროცედურები ფრაქციული ლაზერის გამოყენებით (CO2, ერბიუმი)ასეთი პროცედურები მოიცავს ლაზერულ გაახალგაზრდავებას და სისხლძარღვების ან პიგმენტაციის მოცილებას. ფაქტია, რომ ფრაქციული ლაზერი იწვევს კანზე მიკროდაზიანებას და ანთებას, ხოლო მზის ზემოქმედება დაზიანებულ ეპიდერმისზე, თავის მხრივ, აძლიერებს ანთებით პროცესებს. ამან შეიძლება გამოიწვიოს გართულებები, რომელთა შედეგების სწრაფად გამოსწორება შეუძლებელია.ყველაზე გავრცელებული გართულებაა კანის ჰიპერპიგმენტაციაა, ულტრაიისფერი სინათლე განსაკუთრებით აქტიურად ასტიმულირებს მელანინის გამომუშავებას იმ ადგილებში, სადაც კანი ჯერ არ გამოჯანმრთელებულა, შედეგად, მასზე მუქი ლაქები წარმოიქმნება, რომლებიც შეიძლება თვეების განმავლობაში გაგრძელდეს.თუ პროცედურა თავდაპირველად პიგმენტთან საბრძოლველად ჩატარდა, მაშინ მზის სხივების ზემოქმედებით ის შეიძლება კიდევ უფრო კაშკაშა გახდეს, ეფექტი კი მოსალოდნლელისგან აბსოლუტურად საპირისპირო იქნება.ასევე არსებობს ერითემის - კანის გაწითლების რისკი. ლაზერის გამოყენების შემდეგ, ის შეიძლება რამდენიმე კვირის განმავლობაში დარჩეს ვარდისფერი ან წითელი. ულტრაიისფერი გამოსხივების გამო, ეს პროცესები შეიძლება მხოლოდ გაძლიერდეს და გადაიზარდოს ქრონიკულ ერითროზში, ან როზაცეაში.არ დაგავიწყდეთ, ულტრაიისფერი გამოსხივება ანელებს რეგენერაციას, შეიძლება გამოიწვიოს მიკროანთება, რაც არღვევს კანის ნორმალური აღდგენის პროცესს, ეს კი თავის მხრივ ზრდის ნაწიბურების გაჩენის რისკს.2. საშუალო და ღრმა პილინგიპილინგი ათხელებს კანის რქოვანა ფენას და ფაქტიურად მზის სხივების ზემოქმედების ქვეშაა. იმ მომენტში, როდესაც ეპიდერმისი აქტიურად აღდგება პროცედურის შემდეგ, ულტრაიისფერმა დასხივებამ შეიძლება გამოიწვიოს მელანინის გამომუშავების გაზრდა.შედეგად, იმ ადგილებში, სადაც მანიპულაცია ჩატარდა, ჩნდება პიგმენტური ლაქები, რომელიც შეიძლება თვეების განმავლობაში გაგრძელდეს და ძალიან მდგრადი იყოს. მზეზე ხანმოკლე ყოფნამაც კი (ან ჩრდილში, მაგრამ SPF-ის გამოყენების გარეშე) შეიძლება გამოიწვიოს დამწვრობა, სიწითლე და აქერცვლა. გლუვი და მოვლილი კანის ნაცვლად, თქვენ მიიღებთ უხეშ, არათანაბარ რელიეფს.გარდა ამისა, პილინგის შემდეგ ულტრაიისფერმა სინათლემ შეიძლება გამოიწვიოს კაპილარების გაფართოება. ეს შეიძლება განსაკუთრებით აისახოს მგრძნობიარე და სიწითლისკენ მიდრეკილ კანზე.3. BBL თერაპიაBBL (ფართოზოლოვანი სინათლის) პროცედურა, რომელსაც ხშირად ფართოზოლოვან ფოტოთერაპიასაც უწოდებენ, აქტიურად გამოიყენება კოსმეტოლოგიაში პიგმენტაციისა და სისხლძარღვთა ქსელის წინააღმდეგ საბრძოლველად. ეს მოწყობილობა განსაკუთრებით პოპულარულია, რადგან მისი გამოყენება მთელი წლის განმავლობაშია შესაძლებელი. ზოგიერთი პროგრამის შედეგი არანაირად არ არის დამოკიდებული იმაზე, თუ რამდენად კაშკაშაა მზე. განაგრძეთ კითხვა

საზოგადოება • 1753106334

22-23 ივლისს საჯავახო-ჩოხატაური-ოზურგეთი-ქობულეთის გზის კმ0-კმ7 მონაკვეთზე ავტოტრანსპორტის მოძრაობა დროებით შეიზღუდება

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის საჯავახო-ჩოხატაური-ოზურგეთი-ქობულეთის საავტომობილო გზის კმ0-კმ7 მონაკვეთზე მიმდინარე სარეაბილიტაციო სამუშაოების პროცესში, დაგეგმილია ასფალტ-ბეტონის საფარის მოწყობის სამუშაოების წარმოება.რის გამოც, 2025 წლის 22 და 23 ივლისს 08:00 სთ-დან 23:00 სთ-მდე, გზის აღნიშნულ მონაკვეთზე იზღუდება მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო მსუბუქი ავტოტრანსპორტის გადაადგილება თავისუფალია.

სპორტი • 1753070409

გიორგი მელია უნგრეთის სარეიტინგო ტურნირის ჩემპიონია

უნგრეთში სარეიტინგო ტურნირი დასრულდა. ჩემპიონობა იზეიმა ბერძნულ-რომაული სტილით მოჭიდავე გიორგი მელიამ (97 კგ). ფინალში მან სომეხი ჰაიკ ხლოიანი ანგარიშით 3:1 დაამარცხა.სპორტის სამინისტროს ინფორმაციით, საქართველოს ბერძნულ-რომაული სტილით მოჭიდავეთა ნაკრებმა ტურნირი ხუთი მოპოვებული მედლით დაასრულა. ჩემპიონები ჯონი ხეცურიანი (67 კგ) და იური ლომაძე (72 კგ) გახდნენ. ბრინჯაოს მედალებს კი ლერი აბულაძე (67 კგ) და ოთარ აბულაძე (72 კგ) დასჯერდნენ.ქართველი მოჭიდავეები ჩემპიონატზე საქართველოს სპორტის სამინისტროს მხარდაჭერით იმყოფებოდნენ.

რჩევები • 1753029925

რომელია ყველაზე უსაფრთხო ადგილი თვითმფრინავში

ფრენის დაჯავშნისას გიფიქრიათ იმაზე, თუ რომელი სავარძელი დაგიცავთ ყველაზე მეტად საგანგებო სიტუაციებში? ალბათ არა. ადამიანების უმეტესობა სკამებს კომფორტისთვის არჩევს - ზოგისთვის მოსახერხებელი ფანჯარასთან ჯდომაა, ზოგისთვის გასასვლელთან და ა.შ. არავის სურს ბოლო რიგში ერთ-ერთი შუა ადგილი დაიკავოს.აშშ-ს უსაფრთხოების ეროვნული საბჭოს ანალიზის მიხედვით, თვითმფრინავში სიკვდილის ალბათობა 205,552-ში დაახლოებით ერთია.TIME-ის კვლევამ აჩვენა, რომ თვითმფრინავის შუა უკანა სავარძლებში ყოფნის დროს სიკვდილიანობის რისკი ყველაზე დაბალი - 28%-ი იყო. მაშინ, როდესაც შუა (წინა რიგებში) სავარძლებში სიკვდილიანობის რისკი 48%-ი იყო.თვითმფრინავში უსაფრთხო ადგილებად ასევე საგანგებო გასასვლელებთან არსებული სავარძლები მიიჩნევა.

საზოგადოება • 1753003114

სად ვერ გადაადგილდებით... - გაფრთხილება მძღოლებს

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, ძლიერი წვიმის შედეგად, შიდასახელმწიფოებრივი მნიშვნელობის ქუთაისი (წყალტუბოს გადასახვევი)-წყალტუბო-ცაგერი-ლენტეხი-ლასდილის საავტომობილო გზის 98-ე კმ-ზე (სოფელი საყდარი), ადიდებულმა მდინარემ დააზიანა სახიდე გადასასვლელი, რის გამოც, გზის აღნიშნულ მონაკვეთზე დროებით იზღუდება მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია.

მსოფლიო • 1752840783

აშშ-ის პოლიციამ დააპატიმრა მამაკაცი, რომელიც წარმომადგენელთა პალატის წევრს, მარჯორი ტეილორ გრინსა და მის ოჯახს ემუქრებოდა

ამერიკის შეერთებული შტატების კაპიტოლიუმის პოლიციამ დააპატიმრა მამაკაცი, რომელიც წარმომადგენელთა პალატის წევრს, მარჯორი ტეილორ გრინსა და მის ოჯახს, წლების განმავლობაში მუქარის შემცველ შეტყობინებებს უგზავნიდა.ვაშინგტონის პროკურორის, ჯანინ პიროს განცხადებით, საუბარია 64 წლის სეთ ჯეისონზე, რომელიც „ამერიკის ხმის“ ყოფილი თანამშრომელია და კონგრესმენს მუქარის შემცველ შეტყობინებებს სწორედ „ამერიკის ხმის“ კუთვნილი სამსახურებრივი მოწყობილობებიდან უგზავნიდა.პროკურორმა აღნიშნა, რომ პოლიტიკური მაღალჩინოსნებისადმი მუქარა სისხლის სამართლის დანაშაულია.„ჩვენ მკაცრად წინ აღვუდგებით იმ პირებს, რომლებიც მაღალჩინოსნებს ემუქრებიან ან მათ შევიწროებას ცდილობენ. დაკავებულია 64 წლის სეთ ჯეისონი. ჩხრეკის შედეგად ამოღებულია ლეპტოპი და სხვადასხვა ელექტრო მოწყობილობები. მას ბრალად ედება კანონმდებლის, მარჯორი ტეილორ გრინისა და მისი ოჯახის მისამართით მუქარა. ჩემი დღევანდელი გზავნილი იქნება მკაფიო: ასეთი ქმედება არის სისხლის სამართლის დანაშაული. როდესაც საჯარო პირს დაემუქრებით, კანონის უმკაცრესი წესით დაისჯებით. არ იქნება არანაირი დანდობა“, - თქვა პირომ.

პოლიტიკა • 1752840600

ირაკლი ზარქუა: გახარიამ ჯერ აქ იძველბიჭა, გულზე მჯიღს იცემდა, ვითომ პატრიოტია, მაგრამ როცა კომისიაზე დავიბარეთ, გაიქცა, მისი ინტერესია, უსამშობლოებთან ერთად ქვეყანა არიოს

რა ქნას, გიორგი გახარიამ, ჯერ აქ იძველბიჭა და გულზე მჯიღს იცემდა, ვითომ მაგარი ბიჭი, პატრიოტია, მაგრამ როცა დროებითი საგამოძიებო კომისიის სხდომაზე დავიბარეთ, გაიქცა და ონლაინ ჩართვებით ევროპიდან გველაპარაკება, – ამის შესახებ პარლამენტის დიასპორის საკითხთა კომიტეტის თავმჯდომარემ, ირაკლი ზარქუამ ჟურნალისტებს განუცხადა.მისი თქმით, „გახარიას ინტერესია, უსამშობლოებთან ერთად ქვეყანა არიოს“.„გახარიას თავისი ინტერესები აქვს, რომ უსამშობლოებთან ერთად კოალიციაში ქვეყანა არიოს. მისი ამოცანა ესაა. ვწუხვარ, რადგან მასზე სულ სხვა წარმოდგენა მქონდა. უმრავლესობის სხდომაზე გვიმტკიცებდა, მელია უნდა დავიჭიროთო და მეორე დღეს გადადგა, ვერ დავიჭერო. აღმოჩნდა, რომ საელჩოდან დააშინეს. დასრულებულია მისი იმიჯი, როგორც პოლიტიკოსის. დანარჩენი, იქით-აქეთ ირბინოს“, – განაცხადა ზარქუამ.

პოლიტიკა • 1752824344

ირაკლი კობახიძე: 20 ივნისის საქმეზე ევროპული და ამერიკული ბიუროკრატია იცავდა როგორც მელიას, ისე გახარიას, სტრასბურგის სასამართლომ მოითხოვა გამოძიების ბოლომდე მიყვანა, პასუხისმგებლობით ვიმოქმედებთ

20 ივნისის საქმეზე მაშინდელი ევროპული და ამერიკული ბიუროკრატია იცავდა როგორც მელიას, ისე გახარიას, ერთგულად, გულმხურვალედ იცავდნენ როგორც ხელისუფლების დამხობის მცდელობის ავტორებს, ასევე იმ ქმედებების ავტორებს, რომლებმაც მძიმე შედეგამდე მიიყვანა მაშინ პროცესები. ეს ძალიან საინტერესოა, ესეც უნდა შეაფასოს ქართულმა საზოგადოებამ, – ამის შესახებ პრემიერ-მინისტრმა, ირაკლი კობახიძემ განაცხადა.მისი თქმით, კარგია, რომ სტრასბურგის სასამართლომ მოითხოვა გამოძიების ბოლომდე მიყვანა და საქართველოს მთავრობას პასუხისმგებლობით იმოქმედებს.„20 ივნისის ღამეს რაც შეეხება, ამ ღამეს ჰყავდა ორი მთავარი მოქმედი პირი, ერთ მხარეს იყო, პირობითად მელია და მეორე მხარეს იყო გახარია. ერთ მხარეს იყო შტურმი პარლამენტის შენობის წინააღმდეგ, სახელმწიფო ინსტიტუტის წინააღმდეგ, რაც იყო უმძიმესი დანაშაული და თქვენ გახსოვთ, მაშინაც, იგივე ევროპული ბიუროკრატია ძალიან აქტიურად ესარჩლებოდა ამ შტურმის ავტორებს, ხელისუფლების დამხობის მცდელობის ავტორებს და მეორე მხრივ, რაც ასევე კიდევ უფრო საინტერესოა, მაშინდელი ევროპული ბიუროკრატია გამოექომაგა იმ ადამიანს, რომლის ქმედებებმაც მიიყვანა მაშინდელი პროცესები მძიმე შედეგამდე, უამრავმა ადამიანმა მიიღო დაზიანება, მათ შორის შვიდ ადამიანს მძიმე კვალი დააჩნდა ჯაბმრთელობაზე. ორივე მიმართულებით მაშინდელმა ევროპულმა ბიუროკრატიამ და ყოფილმა ამერიკულმა ბიუროკრატიამ მოგვთხოვა ამნისტიის კანონის მიღება, ანუ ისინი იცავდნენ ერთგულად, გულმხურვალედ როგორც მელიას, ისე გახარიას, როგორც ხელისუფლების დამხობის მცდელობის ავტორებს, ასევე იმ ქმედებების ავტორებს, რომლებმაც მძიმე შედეგამდე მიიყვანა მაშინ პროცესები. ეს ძალიან საინტერესოა. ბუნებრივია, ესეც უნდა შეაფასოს ქართულმა საზოგადოებამ. თავისთავად კარგია, რომ სტრასბურგის სასამართლომ მოითხოვა გამოძიების ბოლომდე მიყვანა და, რა თქმა უნდა, ამ პასუხისმგებლობით ვიმოქმედებთ“, – განაცხადა ირაკლი კობახიძემ.

პოლიტიკა • 1752824210

ირაკლი კობახიძე: დღეს ევროკავშირის წევრი ქვეყნების ხელმძღვანელთა მხრიდან იმდენად მძაფრია ომის რიტორიკა, რომ საომარ დაპირისპირებას არათუ დასასრული არ უჩანს, ყველაფერი კეთდება მისი გახანგრძლივებისათვის

რაც შეეხება ომის საფრთხეს - არავითარი ღრმა ანალიზი არ სჭირდება იმის დანახვას, რომ ეს საფრთხე არსად წასულა. გლობალური ომის პარტია ყველაფერს აკეთებს, რომ უკრაინის საკითხი თავიდან ბოლომდე ევროპის კისერზე ჩამოკიდოს, რითაც ეცდება ორი კურდღელი დაიჭიროს - ერთდროულად დაანგრიოს ევროპაც და რუსეთიც. ამ გეგმაში კი, საქართველოში მეორე ფრონტის გახსნის აუცილებლობა ზუსტად ისეთივე აქტუალურია, როგორც ეს ომის დაწყების მომენტში იყო, - ამის შესახებ „ქართული ოცნების“ თავმჯდომარემ და პრემიერ-მინისტრმა, ირაკლი კობახიძემ მმართველი პარტიის ოფისში გამართულ ბრიფინგზე განაცხადა.პარტიის თავმჯდომარის თქმით, „ამ უმძიმეს პირობებში გვმართებს უკიდურესი სიფრთხილე, რათა საზოგადოება არ დაჰყვეს ევროპული ბიუროკრატიის მხრიდან წამოსულ შანტაჟს და პროვოკაციებს და არ გადადგას ისეთი ნაბიჯი, რომელიც ჩვენ ქვეყანას უპირობო განადგურებას უქადის“.„უფრო მეტიც, შესაძლოა ეს საკითხი ახლა კიდევ უფრო პრინციპულია გლობალური ომის პარტიისთვის. დღეს ევროკავშირის წევრი ქვეყნების ხელმძღვანელთა მხრიდან იმდენად მძაფრია ომის რიტორიკა, რომ საომარ დაპირისპირებას არათუ დასასრული არ უჩანს, ყველაფერი კეთდება მისი გახანგრძლივებისათვის. უკრაინის მაქსიმალური შეიარაღება, შორ მანძილზე მოქმედი იარაღის მიწოდება, სანქციების დამძიმება რუსეთისთვის, გადამდგარი გენერლების განცხადებები, რომ უახლოეს პერიოდში ისინი ემზადებიან რუსეთთან ომისთვის - ეს ყველაფერი ნათლად აჩვენებს გლობალური ომის პარტიის გეგმას, რუსეთ-უკრაინის ომი ევროპის ხარჯზე გაგრძელდეს და გაძლიერდეს, ის პროცესები, რომლებიც დაკავშირებულია ერთი მხრივ, ევროპის და მეორე მხრივ, რუსეთის დასუსტებასთან, რა თქმა უნდა, ეს პროცესები ასეთი შედეგით დასრულდება. ასევე ხაზგასასმელია ევროკავშირის წევრი ქვეყნების გადაწყვეტილება, რომლის მიხედვითაც სამომავლოდ შეიარაღებაზე მშპ-ს 5% დაიხარჯება, რაც ამ ქვეყნების ბიუჯეტის 15%-ს აღემატება. გლობალური ომის პარტიის მიერ ნაკარნახევი ეს ნაბიჯი ევროპულ ქვეყნებს მილიტარისტულ ქვეყნებად აქცევს, რაც ერთი მხრივ კიდევ უფრო ზრდის კონტინეტზე საომარი ესკალაციის საფრთხეებს, ხოლო მეორე მხრივ სამხედრო ხარჯების გაზრდა კიდევ უფრო დაამძიმებს ევროკავშირის ეკონომიკის მდგომარეობას და სოციალურ ფონს. ამ უმძიმეს პირობებში გვმართებს უკიდურესი სიფრთხილე, რათა საზოგადოება არ დაჰყვეს ევროპული ბიუროკრატიის მხრიდან წამოსულ შანტაჟს და პროვოკაციებს და არ გადადგას ისეთი ნაბიჯი, რომელიც ჩვენ ქვეყანას უპირობო განადგურებას უქადის.“-განაცხადა ირაკლი კობახიძემ.