ლევან ნიკოლეიშვილი

ლევან ნიკოლეიშვილი: ჩვენ ევროკავშირში არც არავინ მიგვიღებს, არც არავინ გველოდება და რომც მიგვიღონ იქ ჩვენ არაფერი გვესაქმება. ევროკავშირი უკვე დაშლის პირასაა და თვითონ ლიდერებს შორის არის სერიოზული დაპირისპირება

ევროპა თავის დროზე მართლაც იყო ის ევროპა, რომლისკენაც ჩვენ მივისწრაფოდით, კონსტიტუციაშიც კი ჩავწერეთ ევროატლანტიკური მისწრაფებების შესახებ, - განაცხადა გადაცემაში „დღის ქრონიკა“ „ერთიანი ნეიტრალური საქართველოს“ წევრმა, ლევან ნიკოლეიშვილმა.მისივე თქმით, ეს მიზანი არ შეცვლილა, მაგრამ ახლა უკვე ილუზია და წარსულია.„მე, როგორც „ერთიანი ნეიტრალური საქართველოს“ წარმომადგენელი ამას ვაცხადებ, ვინაიდან ჩვენი ერთ-ერთი მთავარი მიზანი გახლავთ ის, რომ ამ ილუზიიდან გავიყვანოთ ჩვენი ქვეყანა და დავარწმუნოთ საზოგადოება, რომ ეს არის ფარსი. ჩვენ ევროკავშირში არც არავინ მიგვიღებს, არც არავინ გველოდება და რომც მიგვიღონ იქ ჩვენ არაფერი გვესაქმება. ევროკავშირი უკვე არის დაშლის პირას, თვითონ ლიდერებს შორის არის სერიოზული დაპირისპირება. ევროკავშირმა დაკარგა ეს ყველაფერი, შესაბამისად გარკვეული კრიზისია.წარმოიშვა ენერგო პრობლემები, ამას დაემატა უსაფრთხოების ქოლგაში საკმაოდ სერიოზული ნახვრეტების აღმოჩენა, რაც იმას ნიშნავს, რომ ეს ხალხი არ გრძნობს დაცულად თავს და ამ სიტუაციაში მათ აქვთ იმის უფლება, რომ გამოხატონ გარკვეული პროტესტი და იმედგაცრუება იმ ყველაფერზე, რაც მათ თავს ხდება.ჩვენ გვიწერია კონსტიტუციაში ევროატლანტიკური სივრცისკენ სწრაფვა, მაგრამ გამომდინარე იქიდან, რომ ეს არის ილუზია, რომ ჩვენ იქ არც გველოდებიან და არც არაფერი გვესაქმება, ვინაიდან იქ ვერ მივიღებთ სარგებელს, ჩვენ ამაზე უარი უნდა ვთქვათ. უნდა ვიფიქროთ იმაზე, რომ ქვეყანა იყოს სხვა განვითარების გზაზე და ერთ-ერთი გამოსავალი გახლავთ ნეიტრალური ქვეყნის სტატუსი, რომელიც ქვეყანას მისცემს საშუალებას ყველა მეზობელთან, ყველა ქვეყანასთან თანასწორუფლებიანი იყოს და ეკონომიკური განვითარების საწინდარიც ეს გახლავთ“, - აღნიშნა ლევან ნიკოლეიშვილმა.

პოლიტიკა • 1769524380

ლევან ნიკოლეიშვილი მაია სანდუს განცხადებაზე: მორალურადაც და ყველანაირად გაკოტრებული ადამიანია და შეიძლება ითქვას, რომ მან ეს კი არ თქვა, მას უთხრეს, რომ ეს უნდა ეთქვა, ეს უთხრა ვიღაც მეორე კლასის აგენტმა

შეიძლება ვთქვათ და გასაკვირი არც არის, რომ საქართველოსი შურთ კიდეც, რომ შეინარჩუნა მშვიდობაც, სტაბილურობაც, ეკონომიკური აღმასვლაც. მთლიანობაში ეს ქვეყანა მიდის იქეთ, სადაც გარკვეული მიზნები გააჩნია, განსხვავებით ევროპისგან, - განაცხადა გადაცემაში „დღის ქრონიკა“ „ერთიანი ნეიტრალური საქართველოს“ პოლიტსაბჭოს წევრმა ლევან ნიკოლეიშვილმა ევროპის პოლიტიკაზე საუბრისას.მან საქართველოს შესახებ მოლდოვის პრეზიდენტის, მაია სანდუს განცხადებაზე და ევროპაში არსებულ სიტუაციაზე იმსჯელა. ნიკოლეიშვილის შეფასებით, ევროპაში პოლიტიკოსები, აბსოლუტურად გაკოტრებულები არიან და ევროპულ იდეას ვერ ინარჩუნებენ.„ვხედავთ, რომ აქვთ ეკონომიკური კრიზისი, ვხედავთ გამოსვლებს და ისეთ საოცარ რაღაცებს, რომლებიც შეიძლება ითქვას, რომ ევროპის დასარულისკენ მიმავალი გზაა. ყოველივე ამის გათვალისწინებით, შეიძლება ვთქვათ და გასაკვირი არც არის, რომ საქართველოსი შურთ კიდეც, რომ შეინარჩუნა მშვიდობაც, სტაბილურობაც, ეკონომიკური აღმასვლაც. მთლიანობაში ეს ქვეყანა მიდის იქეთ, სადაც გარკვეული მიზნები გააჩნია, განსხვავებით ევროპისგან.ევროპას ასევე აქვს სერიოზული პრობლემა, რაც არის ყველაზე მთავარ პარტნიორთან - შეერთებულ შტატებთან უთანხმოებები როგორ ეკონომიკურ, ასევე უსაფრთხოების საკითხებთან დაკავშირებით. ნატოს ერთი წევრი სახელმწიფო ემუქრება მეორე სახელმწიფოს ტერიტორიის წართმევით ემუქრება. შესაძლოა, ეს არ მოხდეს შეიარაღებული კონტინგენტის მეშვეობით, მაგრამ, მაგრამ შეიძლება მოხდეს ერთგვარი გარიგებით, ვაჭრობით“, - განაცხადა ლევან ნიკოლეიშვილმა.სანდუს შესახებ კი მან ხაზი გაუსვა, რომ ქვეყნის პრეზიდენტი ფიქრობს ქვეყნის სუვერენიტეტის დასამარებას, სხვა ქვეყნისთვის შეერთებას.„ასეთი რაღაცები მხოლოდ ომის ან კაპიტულაციის შემთხვევაში ხდება. სანდუ კი ამას აკეთებს იმიტომ, რომ ის არ არის მოლდოვის პრეზიდენტი, ის არის ხელდასმული მარიონეტი, აგენტი. ჩვენ ვიცით, როგორ ჩატარდა იქ რამდენჯერმე არჩევნები და ეჭვის ქვეშ დგებოდა, სანდუმ ნამდვილად გაიმარჯვა თუ არა. და ასეთი ადამიანი იცლის საქართველოსთვის. დიდი ბოდიში, მაგრამ კარგი იქნებოდა, თუ პირს გამოირეცხავენ, როცა საქართველოზე ლაპარაკობენ ასეთი ადამიანები ლაპარაკობენ.ის მორალურადაც და ყველანაირად გაკოტრებული ადამიანია და შეიძლება ითქვას, რომ მან ეს კი არ თქვა, მას უთხრეს, რომ ეს უნდა ეთქვა. მას ეს უთხრა ვიღაც მეორე კლასის აგენტმა, დაავალა, „საქართველოზე რაღაც ასეთი უნდა თქვა“, შეიძლება, არჩევანის საშუალებაც არ მისცა და დაწერილი ტექსტი მისცა. სანდუს რომ ჰკითხოთ, ზუსტად სად არის საქართველო, შეიძლება, აერიოს სამხრეთ კავკასიის რომელიმე ქვეყანაში.როცა ის საუბრობს, რომ რუმინეთთან უნდა შეერთება და პარალელურად ამბობს, რომ საქართველო რუსეთის ორბიტაზე აღმოჩნდა, უნდა დავუსვათ მას კითხვა - რუმინეთთან შეერთების შემთხვევაში რას უშვრება ის დნესტრისპირეთს - თან მიაქვს რუმინეთში თავისი რუსული ბაზებით, თუ დაუთმობს რუსეთს და კალინინგრადის მსგავსი ახალი ანკლავი წარმოიქმნება ევროპაში“, - აღნიშნა ლევან ნიკოლეიშვილმა.მოლდოვის პრეზიდენტმა, მაია სანდუმ ევროპის საბჭოს საპარლამენტო ასამბლეაში სიტყვით გამოსვლისას რუსეთის ჰიბრიდული ოპერაციების შესახებ ისაუბრა და თქვა, რომ რუსეთმა საქართველო საკუთარ ორბიტაზე ომის შიშის იარაღად გამოყენებით დააბრუნა.

პოლიტიკა • 1769523840

ლევან ნიკოლეიშვილი: ზელენსკი რომ მოულოდნელად თითქოს გონს მოეგო და მიხვდა, რომ საქართველოში ელჩი უნდა დაინიშნოს, ეს არ არის მისი იდეა, მას ეს დაავალეს

ზელენსკი, სანდუ და ასეთი მარიონეტები არ წარმოადგენენ რეალურ ლიდერებს, რეალურ პიროვნებებს, რომლებიც რაღაც პოლიტიკას ქმნიან თუნდაც თავიანთ ქვეყანაში, - განაცხადა გადაცემაში „დღის ქრონიკა“ „ერთიანი ნეიტრალური საქართველოს“ წევრმა, ლევან ნიკოლეიშვილმა.მისივე თქმით, ზელენსკის თავისი გაჭირვება ჰყოფნის და ალბათ მთავარი მისთვის არის, რომ უსაფრთხოების გარანტიები მიიღოს არა ქვეყნისთვის, არამედ საკუთარი პიროვნებისთვის.„ჩვენ ვნახეთ ტრამპის განცხადება იმის თაობაზე, რომ რუსეთ-უკრაინის კონფლიქტი არ არის ამერიკის პრობლემა და პუტინმა და ზელენსკიმ გადაწყვიტეს. პუტინმა და ზელენსკიმ რაც გადაწყვიტეს ჩვენ ვნახეთ და ომი მიმდინარეობს უკვე რამდენიმე წლის განმავლობაში. ზელენსკი რომ მოულოდნელად თითქოს გონს მოეგო და მიხვდა, რომ საქართველოში ელჩი უნდა დაინიშნოს, ეს არ არის მისი იდეა, მას ეს დაავალეს. მე ვისურვებდი, რომ ეს ელჩი იყოს კონსტრუქციული, ნორმალური თავისი დიპლომატიური მექანიზმებით აღჭურვილი და რომელიც საქართველოსთან ისე იმუშავებს, როგორც უნდა იმუშაოს სხვა ქვეყნის წარმომადგენელმა.რატომღაც მგონია, რომ ეს ელჩი არანაკლები იქნება ფიშერზე. ისიც დაიწყებს რადიკალურ ძალებთან საუბრებს, შეხვედრებს და ა.შ. ადამიანი, ვინც ის დანიშნა ელჩად, ანუ ქვეყნის მეთაური, რომელიც პასუხისმგებელია მისი ელჩის ქცევებზე, არ არის ადეკვატური, არ არის საქართველოს მიმართ კეთილგანწყობილი და ის არ არის ის პიროვნება, ვინც მართავს რამეს თუნდაც უკრაინაში. მას რასაც უბრძანებენ სხვადასხვა ძალები, აკეთებს იმას“, - აღნიშნა ლევან ნიკოლეიშვილმა.

პოლიტიკა • 1768642678

ლევან ნიკოლეიშვილი გერმანიის ელჩის რადიკალებთან შეხვედრაზე: ფიშერს შეუძლია, ერთ პატაკში დაწეროს ანგარიში ოპერაციის დაგეგმვაზე, მეორეში კი – მის ვერ განხორციელებაზე, ქართველი სპეცსამსახურების ეფექტიანი მუშაობის გამო

15 იანვარს გერმანიის საელჩოში გაიმართა, როგორც შეიძლება ვივარაუდოთ, ფერადი ინტელექტუალური სპექტაკლი ოპოზიციის წარმომადგენლებსა და ელჩ პეტერ ფიშერს შორის. ელჩმა, თავისი უკვე კლასიკური „გონების ოლიმპიური სიმაღლით“ აღჭურვილმა, აქტივისტებს ნაზად აუხსნა საპროტესტო რადიკალიზაციის სტრატეგიული აუცილებლობა, - წერს “ერთიანი ნეიტრალური საქართველოს” წევრი, ლევან ნიკოლეიშვილი, სოციალურ ქსელში.მისი თქმით, ელჩის ყოველი მტრული ან აბსურდული ინიციატივა გამჭვირვალეა სამართალდამცავების თვალში; მისი მცდელობები რაიმე სახის „აეროკრიზისის“ შექმნაზე საქართველოში რეალურად მხოლოდ კომიკურ-ტრაგიკომიკურ სანახაობას ქმნის.„15 იანვარს გერმანიის საელჩოში გაიმართა, როგორც შეიძლება ვივარაუდოთ, ფერადი ინტელექტუალური სპექტაკლი ოპოზიციის წარმომადგენლებსა და ელჩ პეტერ ფიშერს შორის. ელჩმა, თავისი უკვე კლასიკური „გონების ოლიმპიური სიმაღლით“ აღჭურვილმა, აქტივისტებს ნაზად აუხსნა საპროტესტო რადიკალიზაციის სტრატეგიული აუცილებლობა და ირანის ისტორიულ გამოცდილებაზე აპლიკაციური ანალოგიებით მიუთითა, თითქოსდა მსოფლიო პოლიტიკა მხოლოდ მისი თვალით არის გასაგები. შეხვედრის დამსწრეთა ნომენკლატურა წააგავს საკულტო თეორიული სემინარის მონაწილეთა სიას: ლუკა მიშველაძე, მეგი ფერაძე, არჩილ გოჩიტაშვილი, დავით სეხნიაშვილი, სერგეი ყანჩელი, ნიკოლოზ ხოსროშვილი, ანნი ფრიდონაშვილი და დავით ქაშიაშვილი. აღსანიშნავია, რომ მომავალი დაფინანსების „პრინციპულ-სტრატეგიული კვანძი“ ლუკა მიშველაძეა, პარტია „გირჩი – მეტი თავისუფლების“ დამსახურებული წევრი.გენიალური „გეგმა-ინოვაცია“, რომლის ავტორიც ფიშერია, უკვე გამოჟონილია. დარწმუნებული ვარ, რომ შესაბამისი სახელმწიფო სამსახურები ზედმიწევნით ახორციელებენ მონიტორინგს. ელჩის ყოველი ვაბანკური, მტრული ან აბსურდული ინიციატივა გამჭვირვალეა სამართალდამცავების თვალში; მისი მცდელობები რაიმე სახის „აეროკრიზისის“ შექმნაზე საქართველოში რეალურად მხოლოდ კომიკურ-ტრაგიკომიკურ სანახაობას ქმნის. ბატონ ფიშერს შეუძლია, ცენტრისთვის განკუთვნილ ერთ პატაკში დაწეროს ანგარიში ოპერაციის დაგეგმაზე, მეორეში კი – მის ვერ განხორციელებაზე, ქართველი სპეცსამსახურებისა და სამართალდამცავი სტრუქტურების ეფექტიანი მუშაობის გამო. კიდევ ერთი საინტერესო კონტრასტი: ვინ უფრო სასაცილოდ გამოიყურება – მუდმივად ხელმოცარული გერმანიის ელჩი ფიშერი, თუ გრელანდიაზე ამერიკელების შესაძლო თავდასხმის მოგერიების მზადყოფნაში მყოფი გერმანელი ჯარისკაცი?” - წერს ნიკოლეიშვილი. შეყვანის ღილაკი

პოლიტიკა • 1768046846

იააკ მედისონის კრიტიკა აჩვენებს ევროპულ ლიბერალურ ისტებლიშმენტში არსებულ სისტემურ პრობლემებს - ლევან ნიკოლეიშვილი

„ერთიანი ნეიტრალური საქართველოს“ წევრი ლევან ნიკოლეიშვილი ესტონელი ევროპარლამენტარის, იააკ მედისონის განცხადებას სოციალურ ქსელში გამოეხმაურა, რომელშიც მედისონი აღნიშნავს, რომ „ ALDE ფუნქციონირებს როგორც იდეოლოგიური დისციპლინის მექანიზმი - სტრუქტურა, რომელიც წევრი ქვეყნების პარტიებს მორალურ ლექციებს უკითხავს და ფაქტობრივად აცხადებს, რომ არჩევნების შედეგებსა და ამომრჩევლის ნებას მნიშვნელობა არ აქვს, თუ ისინი არ ჯდება მის იდეოლოგიურ ჩარჩოში.“ნიკოლეიშვილის შეფასებით, როცა ასეთ განცხადებებს ესტონელი ევროპარლამენტარი იააკ მედისონი აკეთებს, ირონიული ღიმილი უნებლიედ გეპარება, განსაკუთრებით იმ ფონზე, როცა ესტონელი პოლიტიკოსები ბოლო პერიოდში ძირითადად სხვისი დემოკრატიის ხარისხის შეფასებითა და მორალიზებით არიან დაკავებული. „განა რამე განსაკუთრებული ხდება, მაგრამ როცა ასეთ განცხადებებს ესტონელი ევროპარლამენტარი იააკ მედისონი აკეთებს, ირონიული ღიმილი უნებლიედ გეპარება. განსაკუთრებით იმ ფონზე, როცა ესტონელი პოლიტიკოსები ბოლო პერიოდში ძირითადად სხვისი დემოკრატიის ხარისხის შეფასებითა და მორალიზებით არიან დაკავებული. ბატონი მედისონი მკაცრ და სისტემურ კრიტიკას უპირისპირებს როგორც ევროპულ ლიბერალურ ისტებლიშმენტს, ისე მედიასივრცეში დამკვიდრებულ დომინანტურ ნარატივს.მისი შეფასებით, ALDE არ წარმოადგენს პლურალიზმისა და დემოკრატიული პროცესების დამცველ პოლიტიკურ ჯგუფს; იგი ფუნქციონირებს როგორც იდეოლოგიური დისციპლინის მექანიზმი - სტრუქტურა, რომელიც წევრი ქვეყნების პარტიებს მორალურ ლექციებს უკითხავს და ფაქტობრივად აცხადებს, რომ არჩევნების შედეგებსა და ამომრჩევლის ნებას მნიშვნელობა არ აქვს, თუ ისინი არ ჯდება მის იდეოლოგიურ ჩარჩოში. ამასთან, მედისონი სვამს ფუნდამენტურ კითხვას მედიის როლთან დაკავშირებით: რამდენად შესაძლებელია ჟურნალისტური ნეიტრალიტეტი გარემოში, სადაც პოლიტიკური სიმპათიები აღარ იმალება და ხშირად ღიად დემონსტრირდება? როგორ შეიძლება პროფესიულ ეთიკაზე პრეტენზიის მქონე ჟურნალისტმა ან მედიასაშუალებამ სრულიად სერიოზულად „ულტრამემარჯვენე“ იარლიყი მიაკრას პოლიტიკურ ძალას, რომელსაც საზოგადოების თითქმის ნახევარი უჭერს მხარს? ეს უკვე აღარ არის განსხვავებული მოსაზრებების საკითხი, ეს არის დემოკრატიული ლეგიტიმაციის გაუფასურების, მედიის პასუხისმგებლობის ეროზიისა და პოლიტიკური რეალობის მიზანმიმართული დეფორმაციის პრობლემა.“ - წერს ნიკოლეიშვილი.

პოლიტიკა • 1767947953

ლევან ნიკოლეიშვილი: რუსეთ - უკრაინის დაუსრულებელი ომის ფონზე ევროკავშირი ვერ უზრუნველყოფს სტაბილურობას. პირიქით, ის თვითონ ხდება კრიზისების გამწვავების აქტორი. ეს ორმაგ სტანდარტებზე დაფუძნებული მმართველობის შედეგია

დღევანდელი ევროპა, ევროკავშირის ფრთის ქვეშ, კატასტროფის ზღვრამდეა მიყვანილი. პოლიტიკური თვალსაზრისით, წევრი ქვეყნების მდგომარეობა მკვეთრად განსხვავდება, თუმცა აშკარად იზრდება სურვილი დამოუკიდებლობისა და სუვერენიტეტის დასაცავად. ეკონომიკური და სოციალური კრიზისები სისტემურ ხასიათს ატარებს: უმუშევრობა მაღალ ნიშნულზე რჩება, სოციალური დაზღვევის მექანიზმები არა მხოლოდ არასაკმარისია, არამედ ბევრ ქვეყანაში მოსახლეობის ძირითადი მოთხოვნებს ვერ პასუხობს - წერს სოციალურ ქსელში, „ერთიანი ნეიტრალური საქართველოს“ წევრი ლევან ნიკოლეიშვილი.როგორც ნიკოლეიშვილი აღნიშნავს, საინფორმაციო კამპანია ლოზუნგით „უკრაინა იგებს, რუსეთი მარცხდება“ ევროპელების გადასახადის გადამხდელთა მილიარდებს შთანთქავს, მაშინ როცა მოქალაქეები ყოველდღიურად ხედავენ ომის შედეგებს.„ნამდვილად არ მსურს ნეგატიური პათოსი, მაგრამ რეალობას ვერ გავექცევით. დღევანდელი ევროპა, ევროკავშირის ფრთის ქვეშ, კატასტროფის ზღვრამდეა მიყვანილი. პოლიტიკური თვალსაზრისით, წევრი ქვეყნების მდგომარეობა მკვეთრად განსხვავდება, თუმცა აშკარად იზრდება სურვილი დამოუკიდებლობისა და სუვერენიტეტის დასაცავად. ეკონომიკური და სოციალური კრიზისები სისტემურ ხასიათს ატარებს: უმუშევრობა მაღალ ნიშნულზე რჩება, სოციალური დაზღვევის მექანიზმები არა მხოლოდ არასაკმარისია, არამედ ბევრ ქვეყანაში მოსახლეობის ძირითადი მოთხოვნებს ვერ პასუხობს.ზამთრის დადგომასთან ერთად ამ პრობლემები კიდევ უფრო მძიმდება: ენერგორესურსების სერიოზული დეფიციტი, გათბობის მაღალი საფასური და ბიუჯეტური შეზღუდვები ფართო მოსახლეობას პირდაპირ საფრთხეს უქმნის, განსაკუთრებით სოციალურად დაუცველ ჯგუფებს. ეს რეალობა არა მხოლოდ ეკონომიკურ სტაბილურობას აზიანებს, არამედ სახელმწიფოებრიობის ელემენტურ ფუნქციონირებასაც უქმნის რისკს.უსაფრთხოების კუთხით სურათი შემაშფოთებელია. რუსეთ-უკრაინის დაუსრულებელი ომის ფონზე ევროკავშირი ვერ უზრუნველყოფს სტაბილურობას; პირიქით, ის თვითონ ხდება კრიზისების გამწვავების აქტორი. ყველაფერი ევროკავშირის ორმაგ სტანდარტებზე დაფუძნებული მმართველობის შედეგია - სისტემატურად არასწორი პოლიტიკა, რომელიც ორგანიზაციას კატასტროფის ზღვრამდე მიჰყავს.რუსეთზე სანქციების დაწესება პარალელურად ენერგორესურსების და სტრატეგიული პროდუქციის გაცვლა-ვაჭრობასთან ერთად წარმოუდგენელ წინააღმდეგობრივ სიტუაციას ქმნის. შექმნილი ილუზია და საინფორმაციო ომი ლოზუნგით „უკრაინა იგებს, რუსეთი მარცხდება“ ევროპელების გადასახადის გადამხდელთა მილიარდებს ყლაპავს, ხოლო მოსახლეობა თავიანთ ქვეყნებში უშუალოდ ხედავს საომარი მოქმედებების დამაზიანებელ გავლენას სამუშაო ადგილების სტაბილურობაზე და სოციალურ ფასეულობებზე.ევროპის ლიდერებმა მიაღწიეს იმას, რომ არა მხოლოდ კომფრომტაციაში არიან სტრატეგიულ პარტნიორ აშშ-თან, არამედ ევროპის მთავარი კოლექტიური უსაფრთხოების ორგანიზაცია, ნატო, ფაქტობრივად კარგავს ფუნქციას. რეალური სტაბილურობა კი მხოლოდ იმ ქვეყნებშია, რომლებიც არც სამხედრო, არც ეკონომიკურ ბლოკებს არ ეკუთვნიან და დამოუკიდებლად განაგებენ თავიანთ პოლიტიკურ, ეკონომიკურ და ენერგეტიკულ მომავალს“, - წერს ნიკოლეიშვილი.

პოლიტიკა • 1767867173

ლევან ნიკოლეიშვილი: ვენეციის კომისია დატოვა აშშ-მა, როგორ პოზიციას დაიკავებს ქართული ოპოზიციური სპექტრი, გააგრძელებს ვენეციის კომისიის უპირობო ავტორიტეტად წარმოჩენას, თუ კვლავ დუმილს ამჯობინებს?

ვენეციის კომისიის „ორმაგ სტანდარტებზე“ საქართველოს ხელისუფლება უკვე წლებია საუბრობს და ამ კრიტიკას არაერთი მაგალითიც ახლავს. ახლა ცნობილი გახდა, რომ აღნიშნული ორგანიზაცია დატოვა ამერიკის შეერთებულმა შტატებმაც, რაც თავისთავად მნიშვნელოვნად ცვლის დისკუსიის კონტექსტს, - წერს „ერთიანი ნეიტრალური საქართველოს“ წევრი, ლევან ნიკოლეიშვილი, სოციალურ ქსელში.მისი განცხადებით, ამ ფონზე, ლოგიკურია კითხვა, თუ როგორ პოზიციას დაიკავებს ქართული ოპოზიციური სპექტრი, გააგრძელებს ვენეციის კომისიის უპირობო ავტორიტეტად წარმოჩენას, საკუთარი პოლიტიკური დღის წესრიგის ფორმირებას ევროპელი მფარველებისგან მიღებულ ინსტრუქციებს დაუქვემდებარებს. ნიკოლეიშვილი აღნიშნავს, რომ აქ იკვეთება პრობლემა, რომელიც საერთაშორისო ინსტიტუტების შეფასებების შერჩევითად გამოყენებას გულისხმობს, მხოლოდ მაშინ, როცა ისინი კონკრეტულ შიდა პოლიტიკურ მიზნებს ემსახურება.„ვენეციის კომისიის „ორმაგ სტანდარტებზე“ საქართველოს ხელისუფლება უკვე წლებია საუბრობს და ამ კრიტიკას არაერთი მაგალითიც ახლავს. ახლა ცნობილი გახდა, რომ აღნიშნული ორგანიზაცია დატოვა ამერიკის შეერთებულმა შტატებმაც, რაც თავისთავად მნიშვნელოვნად ცვლის დისკუსიის კონტექსტს. უფრო მეტიც, აშშ-ის პრეზიდენტმა დონალდ ტრამპმა ვენეციის კომისია საჯაროდ შეაფასა, როგორც უსარგებლო და პოლიტიკურად მიკერძოებული სტრუქტურა.ამ ფონზე ლოგიკურია კითხვა: როგორ პოზიციას დაიკავებს ქართული ოპოზიციური სპექტრი? გააგრძელებს თუ არა ის ვენეციის კომისიის უპირობო ავტორიტეტად წარმოჩენას, თუ კვლავ დუმილს ამჯობინებს და საკუთარი პოლიტიკური დღის წესრიგის ფორმირებას ევროპელი მფარველებისგან მიღებულ ინსტრუქციებს დაუქვემდებარებს?სწორედ აქ იკვეთება პრობლემა - როდესაც საერთაშორისო ინსტიტუტების შეფასებები გამოიყენება არა სამართლებრივი ან აკადემიური ანალიზის საფუძველზე, არამედ შერჩევითად, მხოლოდ მაშინ, როცა ისინი კონკრეტულ შიდა პოლიტიკურ მიზნებს ემსახურება. ასეთ პირობებში ოპოზიციის მხრიდან ვენეციის კომისიის მიმართ „კრიტიკული ერთგულება“ სულ უფრო მეტად ჰგავს არა პრინციპულ პოზიციას, არამედ გარე პოლიტიკური ცენტრებისადმი ლოიალობის დემონსტრირებას, რაც დამოუკიდებელი პოლიტიკური აზროვნების დეფიციტზე მიუთითებს“, - წერს ნიკოლეიშვილი.

სამართალი • 1766942205

რა კავშირია გრიგოლ ლილუაშვილსა და ლევან ხაბეიშვილს შორის - სუს-ის ყოფილი ხელმძღვანელის წინააღმდეგ აღძრული სისხლის სამართლის საქმე 4 ეპიზოდისგან შედგება

23 დეკემბერი. 10 საათი და 45 წუთი. სახელმწიფო უსაფრთხოების სამსახურის ყოფილი ხელმძღვანელი პროკურატურაში გამოკითხვაზე მიდის. საგამოძიებო უწყება გრიგოლ ლილუაშვილს ჩვენების მისაცემად იბარებს, ეს მას შემდეგ, რაც მისი გარემოცვის წევრებს აკავებენ, ლილუაშვილის სახლში კი ჩხრეკა ტარდება.გამოკითხვაზე მისული, პროკურატურიდან პატიმრის სტატუსით, ზაჰესის წინასწარი მოთავსების იზოლატორში მიჰყავთ - სუსის ყოფილ ხელმძღვანელს ხელბორკილს კორუფციისა და დანაშაულებრივი საქმიანობის მფარველობის ბრალდებით ადებენ. 4 ეპიზოდი და კვალი, რომელიც ყოფილ მაღალჩინოსნამდე მივიდა, გენერალური პროკურორი საზოგადოებას გამოძიების დეტალებს აცნობს.თაღლითური ქოლცენტრების მფარველობა და სიჩუმის სანაცვლოდ ოპოზიციის მედია საშუალებების დაფინანსება - გრიგოლ ლილუაშვილის საქმე ამ ეპიზოდსაც მოიცავს.იყო თუ არა "ნაციონალური მოძრაობის" ყოფილი თავმჯდომარე ლევან ხაბეიშვილი, გრიგოლ ლილუაშვილის მოკავშირე კანონსაწინააღმდეგო ქმედებებში? - გამოძიება ვერსიაზე მუშაობს, "ნეიტრალური საქართველო" კი სქემაზე საუბრობს. ლევან ნიკოლეიშვილის თქმით, ქოლცენტრებიდან დაფინანსებული მედიებით, სუსის ყოფილ უფროსზე ხელოვნური თავდასხმები მთავარი პრობლემიდან ყურადღების გადასატანად ხდებოდა, ორივე მხარის ინტერესების გათვალისწინებით კი, რეალური თაღლითური ქოლცენტრები ხელშეუხებელი რჩებოდა. "ნეიტრალური საქართველოს" წევრი წარსულს იხსნებებს, მაშინ, როცა ლილუაშვილმა ტელევიზიებს სასამართლოში უჩივლა და პროცესი მოიგო. ნიკოლეიშვილის თქმით, გამარჯვების მიზეზი ის ფაქტი გახდა, რომ მედიები ქოლცენტრების არასწორ მისამართებს მიზანმიმართულად ავრცელებდნენ.ქოლცენტრების თემა ლევან ხაბეიშვილს უყვარდა. სწორედ "ნაციონალური მოძრაობის" თავმჯდომარე აქტიურობდა ამ საკითხით მედიაში. არქივი არაერთ ვიდეოს ინახავს, მათ შორის, ხაბეიშვილის მიერ გაჟღერებულ უმისამართო მისამართებსაც.ხაბეიშვილი-ლილუაშვილის გარიგების "ნაციონალურ მოძრაობას" არ სჯერა. არგუმენტად მათი ყოფილი თავმჯდომარის წარსული აქტიურობა და აქტივობები მოჰყავთ. წარდგენილ ბრალს არ ეთანხმება არც სუსის ყოფილი ხელმძღვანელი, რომელსაც სასამართლომ წინასწარი პატიმრობა შეუფარდა. სხდომას თავად არ დაესწრო და სათქმელი წერილით ადვოკატს გამოატანა.იყო თუ არა რეიდები დადგმული ქოლცენტრების ცრუ მისამართებზე და რა კავშირი აქვთ ლილუაშვილ-ხაბეიშვილს? მმართველი გუნდი გამოძიების შედეგების მოლოდინშია. "ქართულ ოცნებაში" აცხადებენ, რომ ყველა დანაშაულს პაუსხს კანონი გასცემს. კანონის წინაშე კი ყველა თანასწორია.კორუფციასთან უკომპრომისო ბრძოლა ხელისუფლების გაცხადებული პოლიტიკაა. მთავრობის მეთაური, "ქართული ოცნების" დამფუძნებლის და საპატიო თავმჯდომარის 2023 წლის განცხადებას იხსენებს. ირაკლი კობახიძის თქმით, მას შემდეგ, რაც კორუფციასთან მიმართებით ეჭვები გაჩნდა, ხელისუფლებამ დანაშაულის აღმოფხვრის ზომები მიიღო.საბავშვო ბაღების ტენდერები, ქრთამის აღება, ბიზნესის ლობირება და ქოლცენტრების მფარველობა - საგამოძიებო უწყების ინფორმაციით, გრიგოლ ლილუაშვილის წინააღმდეგ აღძრული სისხლის სამართლის საქმე 4 ეპიზოდისგან შედგება. ბრალის დამტკიცების შემთხვევაში, სუსის ყოფილ უფროსს 11-დან 15 წლამდე პატიმრობა მოუწევს.

პოლიტიკა • 1766920751

პრემიერ-მინისტრის მიერ ფასების რეგულირების მიმართულებით წამოწყებულმა ინიციატივამ საბოლოოდ მოხსნა ნიღაბი და წარმოაჩინა ოპოზიციური ჯგუფების ნამდვილი ზრახვები - ლევან ნიკოლეიშვილი

პრემიერ-მინისტრის მიერ ფასების რეგულირების მიმართულებით წამოწყებულმა ინიციატივამ საბოლოოდ მოხსნა ნიღაბი და სრულად წარმოაჩინა მათი ნამდვილი ზრახვები - ასე ეხმიანება სოციალურ ქსელში, „ერთიანი ნეიტრალური საქართველოს“ წევრი ლევან ნიკოლეიშვილი „ტვ პირველზე“ გასულ სიუჟეტს.ნიკოლეიშვილის შეფასებით, აუცილებელია ყველაფერს დაერქვას თავისი სახელი: ეს ჯგუფები, თავიანთი მედია-რესურსების ჩათვლით, აღარ წარმოადგენენ ოპოზიციას კლასიკური თუ დემოკრატიული გაგებით. ისინი ჩამოყალიბდნენ ბოროტი და მავნებლური ინტერესების მქონე დაჯგუფებებად, რომელთა მთავარი სამიზნე ქართველი ხალხია.„მსოფლიო პოლიტიკურ პრაქტიკაში ძნელად მოიძებნება პრეცედენტი, რომელიც საქართველოს პოლიტიკურ ველს შეედრება. დემოკრატიულ სისტემაში ოპოზიციის ფუნქცია ხელისუფლების საქმიანობის კრიტიკული შეფასებაა იმ შემთხვევაში, როდესაც იგი ვერ ან არ მოქმედებს სახელმწიფოსა და საზოგადოების ინტერესების შესაბამისად; ამასთან, ოპოზიცია ვალდებულია საზოგადოებას შესთავაზოს რეალისტური, უკეთესი ალტერნატივები, სტრატეგიები და პროგრამული ხედვები.საქართველოს რეალობაში კი საქმე გვაქვს სრულიად საპირისპირო ფენომენთან. „ოპოზიცია“ ხელისუფლებას აკრიტიკებს არა ჩავარდნების, არამედ წარმატებების გამო — სვამს კითხვას არა „რატომ ვერ გააკეთეთ“, არამედ „რატომ აკეთებთ კარგს“. მათი პოლიტიკური ქცევა არ ეფუძნება სახელმწიფოებრივ აზროვნებას; პირიქით, იგი სისტემატურად მიმართულია დესტრუქციისკენ, რაც თავადაც ღიად ახარებთ. მათ უხაროდათ ქვეყანაში კორონავირუსის გავრცელება; აღიზიანებთ ის ფაქტი, რომ საქართველო ომში არ არის ჩათრეული; მისასალმებლად მიაჩნიათ უცხო ძალების ჩარევა ქვეყნის შიდა საქმეებში; დადებით მოვლენად აღიქვამენ საერთაშორისო სანქციებს.პრემიერ-მინისტრის მიერ ფასების რეგულირების მიმართულებით წამოწყებულმა ინიციატივამ საბოლოოდ მოხსნა ნიღაბი და სრულად წარმოაჩინა მათი ნამდვილი ზრახვები. მათი რეაქცია არსობრივად შემდეგ ლოგიკას ემორჩილება: თუ ხალხს ცხოვრების პირობები გაუუმჯობესდება, მაშინ როგორ შენარჩუნდება ჩვენი პოლიტიკური არსებობა? ეს უკვე აღარ არის პოლიტიკური დებატი — ეს არის საზოგადოებრივი კეთილდღეობის მიმართ მტრული დამოკიდებულება.სწორედ ამიტომ, აუცილებელია ყველაფერს დაერქვას თავისი ნამდვილი სახელი: ეს ჯგუფები, თავიანთი მედია-რესურსების ჩათვლით, აღარ წარმოადგენენ ოპოზიციას კლასიკური თუ დემოკრატიული გაგებით. ისინი ჩამოყალიბდნენ ბოროტი და მავნებლური ინტერესების მქონე დაჯგუფებებად, რომელთა მთავარი სამიზნე, საბოლოო ანგარიშით, თავად ქართველი ხალხია.“ - წერს ნიკოლეიშვილი.

პოლიტიკა • 1766760840

ლევან ნიკოლეიშვილი გრიგოლ ლილუაშვილზე: როგორ შეიძლება სუს-ის უფროსმა ვერ გათვალო, ქვეყანა საით მიდის და წახვიდე საპირისპირო მიმართულებით, შენი ქვეყნის წინააღმდეგ

როგორ შეიძლება სუს-ის უფროსმა ვერ გათვალო, ქვეყანა საით მიდის და წახვიდე საპირისპირო მიმართულებით, შენი ქვეყნის წინააღმდეგ, - განაცხადა „დღის ქრონიკაში“ „ერთიანი ნეიტრალური საქართველოს“ წევრმა ლევან ნიკოლეიშვილმა სუს-ის ყოფილი უფროსის, გრიგოლ ლილუაშვილის დაკავების ფაქტზე საუბრისას.„როგორც ჩანს, ადამიანებს სძლიათ ცდუნებამ, თავიანთი სულსწრაფი ბუნებიდან გამომდინარე და ასევე, არაპროფესიონალიზმმა, როდესაც გადაწყვიტეს ხომალდის ადრე დატოვება და ხომალდიდან გაქცევა. მათ არ ჰქონდათ გააზრებული, რომ ეს ხომალდი კი არ იძირება, წინ მიდის. ეს იყო ძირითადი უბედურება, რაც მათ დაემართათ. ამის შედეგებს იმკიან.როგორ შეიძლება სუს-ის უფროსმა ვერ გათვალო, ქვეყანა საით მიდის და წახვიდე საპირისპირო მიმართულებით, შენი ქვეყნის წინააღმდეგ. ანუ, იმ სამსახურის უფროსმა, ვისაც ევალება უშუალოდ, პირიქით, ასეთი საქმეების გამოვლენა, დაიჭირო სხვა მხარე, ვადამდე, იმის მიუხედავად, რომ დარწმუნებული არ ხარ, მაგრამ როგორც ჩანს, მას სჯეროდა იმისა, რომ ხომალდი იძირებოდა და ხომალდი არა თუ ჩაიძირა, არამედ წინ მიდის“, - განაცხადა ნიკოლეიშვილმა.მისივე თქმით, გამოძიების ბოლოს შესაძლოა, კიდევ გამოჩნდნენ სხვა სახეებიც და იგი ასევე არ გამორიცხავს უცხოელების ჩარევას.პროკურატურის განცხადებით, გრიგოლ ლილუაშვილის დაკავების საქმესთან დაკავშირებული ერთ-ერთი ეპიზოდი ე.წ. ქოლცენტრების საქმეს ეხება.

პოლიტიკა • 1766758740

ლევან ნიკოლეიშვილი: რაც ბაჩო ახალაიას დაპატიმრებით მოხდა, ეს არის პასუხი იმაზე, რა მდგომარეობაშია ოპოზიცია გამომდინარე იქიდან, რომ ბაჩო ახალაიასაც არ მოეხსნა რეალობის აღქმის ვერ შეგრძნება, რაც სჭირს ოპოზიციას

რაც ბაჩო ახალაიას დაპატიმრებით მოხდა, ეს არის ზუსტად პასუხი იმაზე, რა მდგომარეობაში არის ოპოზიცია. გამომდინარე იმ უბრალოდ მიზეზიდან, რომ ბაჩო ახალაიასაც არ მოეხსნა რეალობის აღქმის ვერ შეგრძნება, რაც სჭირს ოპოზიციას“, - განაცხადა „დღის ქრონიკასთან“ „ერთიანი ნეიტრალური საქართველოს“ წევრმა ლევან ნიკოლეიშვილმა.მისი თქმით, რეალობას მოწყვეტილი რადიკალები ვერ აცნობიერებენ, რომ შენობებში შევარდნებით ხელისუფლების დამხობა ვერ მოხდება.„რეალობა არის სულ სხვა. დღეს ვინმეს თუ უნდა სახელმწიფო გადატრიალება მოახდინოს, მას უნდა ჰქონდეს საკმაოდ სერიოზული მიზეზები ამისთვის და უნდა ჰქონდეს მხარდაჭერა. მათ საზოგადოებისგან მხარდაჭერა არ გააჩნიათ. მეორე, რეალობა სხვაგვარია - სახელმწიფო შემდგარია, სისტემა სხვაგვარად მუშაობს. და ადამიანების გონებაში თუ ისევ არის ჩარჩენილი ქუჩის პროცესები, სადმე შევარდნებით რომ შეიძლება შეიცვალოს ხელისუფლება, ძალიან მწარედ ცდებიან. მესამე და ყველაზე მთავარი არის ის, რომ ეს ადამიანები გადატრიალებას, რევოლუციას და სხვა ასეთი ქმედებების განხორციელებას რისთვის ფიქრობენ - იმისთვის, რომ უკან დაბრუნდნენ და უკან დააბრუნონ სახელმწიფო ისეთ მდგომარეობაში, რაც იყო 2012 წლამდე“, - განაცხადა ლევან ნიკოლეიშვილმა.მისი თქმით, რადიკალებს ჰქონდათ იმედი, რომ უცხოეთიდან ექნებოდათ მხარდაჭერა და ეს დასტურდება იმითაც, რომ არავის დაუგმია 4 ოქტომბრის მოვლენები.

პოლიტიკა • 1766517086

ლევან ნიკოლეიშვილი: ლილუაშვილის გოიმურად და ვითომ ჩეკისტურად დალაგებული სქემა ხაბეიშვილის ფაქტორით იშიფრება!

როცა ნაცმედიები ლილუაშვილს ქოლცენტრებთან კავშირში “ამხელდნენ”, მათი ე. წ. “ნიუსპოვოდი” და ლილუაშვილის მთავარი მამხილებელი იცით ვინ იყო? ვინ “ებრძოდა” მას თავგამოდებით და ვის ციტირებდნენ ნაცმედიები? ვინ იყო ის ერთადერთი ყველაზე შეუპოვარი პოლიტიკოსი, ვინც ბოლომდე ჩაჰყვა ლილუაშვილს?! - თავად ლილუაშვილის დახელფასებული აგენტი, ლევან ანიტა ხაბეიშვილი - წერს „ერთიანი ნეიტრალური საქართველოს“ წევრი ლევან ნიკოლეიშვილი სოციალურ ქსელში.როგორც ნიკოლეიშვილი აღნიშნავს, გასკდა ამბავი, რომ ნაცების მედიები ქოლცენტრებიდან ფინანსდებოდა და ლილუაშვილსაც ჰქონდა თავისი “პაიოკი”.„ლილუაშვილის გოიმურად და ვითომ ჩეკისტურად დალაგებული სქემა ხაბეიშვილის ფაქტორით იშიფრება! გასკდა ამბავი, რომ ნაცების მედიები ქოლცენტრებიდან ფინანსდებოდა და ლილუაშვილსაც ჰქონდა თავისი “პაიოკი”. დაზღვევის მიზნით ლილუაშვილმა დაალაგა და ნაცების ტელევიზიები მას “ამხელდნენ” იქ, სადაც არაფერი ხდებოდა - თავს ესხმოდნენ არასწორ მისამართებზე, რეალური ქოლცენტრები კი გუგუნებდა, არც მაშინდელი სუსი იყო მომკითხავი და არც “კრიტიკული მედია”.მეტი დამაჯერებლობისთვის ლილუაშვილმა ნაცმედიას უჩივლა და პროცესიც მოიგო. მაგრამ ჰოლივუდური კვანძი ერთი სასაცილო ამბით იხსნება: როცა ნაცმედიები ლილუაშვილს ქოლცენტრებთან კავშირში “ამხელდნენ”, მათი ე. წ. “ნიუსპოვოდი” და ლილუაშვილის მთავარი მამხილებელი იცით ვინ იყო? ვინ “ებრძოდა” მას თავგამოდებით და ვის ციტირებდნენ ნაცმედიები? ვინ იყო ის ერთადერთი ყველაზე შეუპოვარი პოლიტიკოსი, ვინც ბოლომდე ჩაჰყვა ლილუაშვილს?! - თავად ლილუაშვილის დახელფასებული აგენტი ლევან ანიტა ხაბეიშვილი… მთავარ როლებში: გრიგოლ და სანდრო ლილუაშვილები ანიტა ხაბეიშვილი ნოდარ მელაძე დავიდ კეზერაშვილი გიორგი თარგამაძე დები ქაჯაიები და სხვები კოსწიუმების მხატვარი ნიკა გვარამია მუსიკა ნიკა მემანიშვილი“ - წერს ნიკოლეიშვილი.