პოლიტიკა • 1731943633

ლევან ნიკოლეიშვილი: ოპოზიცია ცდილობს დასავლეთს დაანახვოს, რომ მათი ყურმოჭრილი მონაა და მათ ნებისმიერ დავალებას შეასრულებს

ბორელი გადაიქცა ადამიანად, რომელმაც თავისი სიძულვილი ვერ დამალა საქართველოსთან მიმართებაში ერთი უბრალო მიზეზით - მან ნახა რომ საქართველოში ვერ დამყარდა ის მათთვის სასურველი ვასალური ხელისუფლება რომელსაც თავის ჭკუაზე ათამაშებენ, - განაცხადა „დღის ქრონიკაში“ „ერთიანი ნეიტრალური საქართველოს“ ერთ-ერთმა დამფუძნებელმა, ლევან ნიკოლეიშვილმა.მისი თქმით, ბალტიისპირეთის ქვეყნებიდან პოლიტიკოსები გადაიქცნენ სამარცხვინო მტრებად, რომლებიც საქართველოს ემტერებიან.„ერთი არგუმენტი, ფაქტი ხომ უნდა დაასახელოს ვიღაცამ, რატომ არ მოსწონთ არჩევნების შედეგები“, - აღნიშნა ლევან ნიკოლეიშვილმა.მისივე თქმით, ოპოზიცია ცდილობს დასავლეთს დაანახოს, რომ ის არის მათი ყურმოჭრილი მონა და მათ ნებისმიერ დავალებას შეასრულებს.„ვიცით, რომ ოპოზიციას არც ფაქტები, არც მტკიცებულებები არ გააჩნია და ტრაგი-კომიკურ სიტუაციაში ჩაიგდეს თავი. მათი არგუმენტი, რომ 300 ათასი ხმა მოჰპარეს, რას ჰქვია 300 ათასი ხმა მოჰპარეს, სად იყვნენ აქამდე, რას აკეთებდნენ მაშინ მათი წარმომადგენლები უბნებზე, რას აკეთებდნენ მათი წარმომადგენლები ცესკოში?! ეს არის აბსოლუტური სისულელე. როგორც ჩანს დონორებისგან მიღებული ფულის გაპრავება სჭირდებათ“, - აღნიშნა ლევან ნიკოლეიშვილმა.

პოლიტიკა • 1731941646

ლევან ნიკოლეიშვილი: ახლა სიტუაცია არის ისეთი, რომ ყველა ფიქრობს ომის დასრულებას. ფიქრობენ ბევრი მიზეზიდან გამომდინარე. ერთ-ერთი ის ენერგობერკეტები, რომელიც რუსეთს გააჩნია

ახლა სიტუაცია არის ისეთი, რომ ყველა ფიქრობს ომის დასრულებას. ფიქრობენ ბევრი მიზეზიდან გამომდინარე. ერთ-ერთი ის ენერგობერკეტები, რომელიც რუსეთს გააჩნია და ეს ორმხრივი ბერკეტია. ერთი, რომ მას შეუძლია უბრალოდ შეწყვიტოს გაზის მიწოდება ევროპულ ქვეყნებზე და მეორე ბერკეტია, რომ არ შეწყვიტოს, მაგრამ დაუწესოს ისეთი ფასი, რომელიც რაღაც ძალიან საშინელი და ძნელი გადასახდელი იქნება ევროპისთვის, - განაცხადა გადაცემა „დღის ქრონიკაში“ „ერთიანი ნეიტრალური საქართველოს“ წევრმა, ანალიტიკოსმა ლევან ნიკოლეიშვილმა.„ყველა ცდილობს, რომ დიდად არ გააღიზიანოს რუსეთი, მით უმეტეს, ხედავენ, რომ ომი დასასრულისკენ მიდის. საბოლოო ჯამში ამ ომის შედეგად ვინ იქნება გამარჯვებული, ეს უკვე ცალკე საკითხია. ამ ომმა მოიტანა ის დიდი საშინელება, რის წინაშეც ახლა ევროპა დგას.არ დაგვავიწყდეს, რომ ტრამპის დამოკიდებულება ნატოს მისამართით ცოტა არაერთგვაროვანი იყო მისი პირველი პრეზიდენტობის დროს და დარწმუნებული ვარ, რომ არც ახალა იქნება შერბილებული პოლიტიკის მატარებელი. შეერთებული შტატები არის ის ქვეყანა, რომელიც ყველაზე დიდ წილს იხდის ფინანსურად თუ ვიანგარიშებთ ნატოში გადასახადების მხრივ, დანარჩენები ნაკლებად. უბრალოდ იყენებენ მთლიანად ნატოს ფარს თავის დასაცავად.ბალტიისპირეთის ქვეყნებს სამხედრო პოტენციალი არ გააჩნიათ და არაფერსაც არ წარმოადგენენ ისინი ნატოში, უბრალოდ თავიდან ბოლომდე დამოკიდებულები არიან ამერიკელებზე. იმის შიშთ, რომ რუსეთთან მათ რამე გართულება არ ჰქონდეთ, ყოველთვის ფიქრობენ რამენაირად იქნებ გადატანილი იყოს ყურადღება სხვა ქვეყნებზე, მაგალითად საქართველოზე და ვიცით მათი ყოვლად ამორალური, ყოვლად მიუღებელი და მიკერძოებული განცხადებები საქართველოსთან მიმართებით“, - აღნიშნა ლევან ნიკოლეიშვილი. 

პოლიტიკა • 1731940320

ლევან ნიკოლეიშვილი: ძალიან სამწუხაროა, რომ ბაიდენის ადმინისტრაცია წასვლამდე მაინც ცდილობს, რომ სიტუაცია უფრო და უფრო გააფუჭოს რუსეთ-უკრაინის ფრონტზე

„ერთიანი ნეიტრალური საქართველოს“ ერთ-ერთი დამფუძნებელი, ლევან ნიკოლეიშვილი „დღის ქრონიკაში“ ბაიდენის ადმინისტრაციის გადაწყვეტილებას გამოეხმაურა.ნიკოლეიშვილის აზრით, ის, რომ ბაიდენის ადმინისტრაციამ უკრაინას შორ მანძილზე მოქმედი იარაღის რუსეთის ტერიტორიაზე გამოყენების ნებართვა მისცა, კარგს არაფერს მოუტანს არც უკრაინას და არც რუსეთს.„გადაწყვეტილების სისრულეში მოყვანა ტექნიკურად შესაძლებელია ბევრი მიზეზიდან გამომდინარე. ეს არ არის რთული, მაგრამ რამდენად ხელსაყრელია დღევანდელ სიტუაციაში ამის გაკეთება, ეს მეორე საკითხია. ძალიან სამწუხაროა, რომ ბაიდენის ადმინისტრაცია წასვლამდე მაინც ცდილობს, რომ სიტუაცია უფრო და უფრო გააფუჭოს რუსეთ-უკრაინის ფრონტზე. გაფუჭებაში იმას ვგულისხმობ, რომ მოგეხსენებათ, არჩეულმა პრეზიდენტმა ტრამპმა ძალიან მტკიცედ განაცხადა მზაობის შესახებ, რომ მას სურს, მშვიდობა დამყარდეს ფრონტის ხაზზე და შესაძლო მოლაპარაკებები დაიწყოს.როდესაც ტრამპი ამ მზაობას გამოთქვამს და მას როგორც ვიცი, ჰქონდა გარკვეული კომუნიკაცია უკრაინის პრეზიდენტ ზელენსკისთან, ამ დროს საომარი სიტუაციის უფრო და უფრო დაძაბვა ხელშემწყობი არ იქნება შემდგომში სამშვიდობო პროცესის დასაწყებად და პირიქით, შეიძლება გაუარესებისკენაც წავიდეს. როგორც ჩანს, დღევანდელ ადმინისტრაციას ამის სურვილი აქვს და მათ არ უნდათ ომის დასრულება, ან იმ ძალებს, რომლებიც უფრო ჩართულები არიან ამ ომის განხორციელებაში, რასაც ვხედავთ უკრაინაში, რაც ძალიან ცუდია. როგორ ფიქრობთ, თუ უკრაინა მკვეთრ დარტყმებს განახორციელებს რუსეთის მისამართით, რუსეთიც არ აკლებს ვიცით, ამას კარგი რა შეიძლება მოჰყვეს?! უფრო და უფრო გაიზრდება მსხვერპლი და პუტინიც შეიძლება ცოტა გაჯიქდეს მოლაპარაკებების დროს. უფრო მეტიც, შესაძლოა განსაკუთრებული პირობებიც დააყენოს“, - აღნიშნა ნიკოლეიშვილმა.

პოლიტიკა • 1731914214

ვაკელებო, ხომ აიღო ყველაზე მეტი ხმა ჩვენს უბანში მაჯლაჯუნების ამ "სბროდმა"? ჰოდა, დაეწვიეთ ახლა შუა ვარაზისხევში შემწვარ კარტოფილზე - ლევან ნიკოლეიშვილი ოპოზიციაზე

"ერთიანი ნეიტრალური საქართველოს" ერთ-ერთი დამფუძნებელი, ლევან ნიკოლეიშვილი, რადიკალური ოპოზიციის მიერ ჭავჭავაძის გამზირის და ვარაზისხევის პარალიზებას, სოციალურ ქსელში ეხმიანება.ის მიმართავს ვაკეში მაცხოვრებლებს, რომლებისგანაც ოპოზიციამ ყველაზე მეტი ხმა მიიღო, რადიკალებს ვარაზისხევში შემწვარ კარტოფილზე დაეწვიონ."ვაკელებო, ჯიგრებო, ხო  მიეცით ხმა ოპოზიციას? ხომ აიღო ყველაზე მეტი ხმა ჩვენს უბანში მაჯლაჯუნების ამ სბროდმა? ჰოდა დაეწვიეთ ახლა შუა ვარაზისხევში შემწვარ კარტოფილზე" - წერს ლევან ნიკოლეიშვილი.

პოლიტიკა • 1731597480

ლევან ნიკოლეიშვილი: ჩვენ ევროკავშირის სტრუქტურებისგან, განსაკუთრებით ევროპარლამენტისგან, უკვე სიმართლეც კი გვიკვირს, ვინაიდან ამას გადაგვაჩვიეს

ჩვენ ევროკავშირის სტრუქტურებისგან და განსაკუთრებით ევროპარლამენტისგან უკვე სიმართლეც კი გვიკვირს, ვინაიდან მათ ამას გადაგვაჩვიეს, - განაცხადა „დღის ქრონიკაში“ „ერთიანი ნეიტრალური საქართველოს“ წევრმა, ანალიტიკოსმა ლევან ნიკოლეიშვილმა.ნიკოლეიშვილი გამოეხმაურა ევროპარლამენტარ დევიდ მაკალისტერის გამოსვლას, რომელიც იყო საკმაოდ ხისტი და ეხებოდა საქართველოს. ნიკოლეიშვილმა მისი ასეთი პოზიცია დაუკავშირა მის ინტერესებს საქართველოში, კონკრეტულად ე.წ. რადიკალიზმის დაფინანსებას.ანალიტიკოსმა ასევე გამოყო იმ ევროპარლამენტარებისა და ევროკომისიის წევრების ნაწილი, რომლებმაც საქართველოში ჩატარებულ არჩევნებს დემოკრატიული უწოდა.„წარმოიდგინეთ, რა ხდება, რომ ჩვენ ევროკავშირის სტრუქტურებისგან, განსაკუთრებით ევროპარლამენტისგან უკვე სიმართლეც კი გვიკვირს, ვინაიდან ამას გადაგვაჩვიეს შეიძლება ითქვას, ვინაიდან ძირითადად მოდის ტყუილი, დეზინფორმაცია, შეკვეთილი რეზოლუციები, რომლებშიც შემდგომში აღმოჩნდა, რომ თურმე თანხები არის გადახდილი, თურმე ამას ყველაფერს ლობირებდა „ნაციონალური მოძრაობა“ და კოლექტიური „ნაცმოძრაობა“, პირადად სააკაშვილის ოჯახის წევრები და მილიონები არის ამაზე დახარჯული“, - განაცხადა ნიკოლეიშვილმა.მისი თქმით, ცხადია თუ რატომ უნდათ გარკვეულ ძალებს ე.წ. გამჭვირვალობის კანონის გაწვევა და რატომ არის ამის გამო შანტაჟი და ზეწოლა საქართველოს ხელისუფლებაზე. „მიზეზი მარტივია - სახსრები და ფინანსები არ არის გამჭვირვალე“, - აღნიშნა ნიკოლეიშვილმა და განმარტა, რომ სწორედ ამ თანხებით ხდება ოპოზიციის გარკვეული რადიკალური ჯგუფების დაფინანსება.„ჩვენ ამას ყველაფერს ხომ ვხედავთ და ვიცით რაში არის საქმე და რაზე გვედავებიან. ჩვენ მოვისმინეთ არაერთი განცხადება, ვთქვათ იგივე არჩევნებთან დაკავშირებით, როდესაც პირდაპირ ულტიმატუმი წაგვიყენეს და თან ცოტა სასაცილოდ: თუ გავიწვევდით ორ კანონს - ერთი ოჯახური სიწმინდის დაცვის კანონს და მეორე - გამჭვირვალობის კანონს, მაშინ არჩევნები ჩატარებულა უმაღლეს დონეზე“, - განაცხადა ნიკოლეიშვილმა.ანალიტიკოსმა აღნიშნა, რომ გუშინ ძალიან სერიოზული გარდატეხა მოხდა თვითონ ევროსტრუქტურებში. ევროპარლამენტის სხდომა ფაქტობრივად ცარიელი დარბაზის ფონზე ჩატარდა. ნიკოლეიშვილის თქმით, „ნაცაგენტურა“ საქართველოში ამ სხდომას ელოდებოდა ძალიან ანგაჟირებული და ძალიან დიდი მოლოდინით. მათ ეგონათ, რომ კვლავ გაისმებოდა მოწოდებები, რეზოლუციაში ისევ ასახავდნენ ხელისუფლების წარმომადგენლების დასანქცირებას, რუსეთისთვის სანქციების დაწესებას, მიხეილ სააკაშვილის გამოშვებას, ამ ორი კანონის გაწვევას და ჯამი იქნებოდა ის, რომ საქართველოში არჩევნები ჩატარდა ცუდად.„ძალიან საგულისხმო იყო, რომ ის ადამიანები, რომლებიც გამოვიდნენ და ისაუბრეს იმის თაობაზე, რომ თურმე საქართველოში არჩევნები გარკვეული ხარვეზებით ჩატარებულა, მათ არავითარი მტკიცებულება, არავითარი ფაქტები არ აქვთ ამის თაობაზე, მაგრამ სამაგიეროდ ჩვენ ვნახეთ ღირსეული ქვეყნების ღირსეული წარმომადგენლები, ევროპარლამენტარები, ადამიანები, რომლებიც უშუალოდ თავისი თვალით აკვირდებოდნენ საქართველოში მიმდინარე არჩევნებს და რომლებიც გამოვიდნენ თავიანთ სიტყვაში და ილაპარაკეს ძალიან მარტივად სიმართლე“, - აღნიშნა ნიკოლეიშვილმა.მისი თქმით, ადამიანების არც თუ ისე ცოტა ჯგუფი, რომლებმაც თავიანთი თვალით ნახეს საქართველოში მიმდინარე არჩევნები, იყვნენ დამკვირვებლები, გამოთქვეს ვარაუდები იმის თაობაზე, რომ ასეთი არჩევნები ელექტრონული სისტემით, თანამედროვე სისტემით ბევრ ევროპულ ქვეყანაშიც არ არის.როგორც ნიკოლეიშვილმა აღნიშნა, გარდა იმისა, რომ ამ ადამიანებმა დაინახეს რა მშვიდ მდგომარეობაში მიმდინარეობდა არჩევნები, მათ დაინახეს ისიც, რომ ევროკავშირის სტრუქტურების მხრიდან, ლობისტური აგენტურული ნაცების მიერ დაფინანსებული ადამიანების მხრიდან ხდებოდა ძირითადად საქართველოს შიდა საქმეებში ჩარევა იმის გამო, რომ მათ დაინახეს პირველი საფრთხე, რომ ვერ მიიღებდნენ საქართველოში მათთვის სასურველ მონურ ხელისუფლებას.მისი თქმით, ახლა, როდესაც არჩევნები დასრულებულია, კითხვის ნიშნები ფაქტობრივად აღარ არის, ოპოზიცია რაღაც გამოგონილი პერფორმანსებით ცდილობს რამეს მიაღწიოს, თუმცა ვერაფერს ვეღარ აკეთებს.„ამიტომ ეს ხალხი პირდაპირ მოუწოდებდა გუშინ იმ დანარჩენ სამარცხვინო ნაწილს, რომელიც ჯერ კიდევ არის, მაგრამ წამსვლელი პოლიტიკოსები არიან ევროპარლამენტში, რომ მათ კეთილი უნდა ინებონ და პირველი, რასაც ხაზი უნდა გაუსვან არის ის, რომ პატივი სცენ დამოუკიდებელ ქვეყანას, პატივი სცენ ამ ქვეყნის მოსახლეობის ძალიან დიდი ნაწილის - ჩვენ მილიონ ორასი ათას ადამიანზე ვლაპარაკობთ - გაკეთებულ არჩევანს და კეთილი ინებონ და შეეგუონ იმას, რომ ეს არის დამოუკიდებელი ქვეყანა თავისი კანონებით, თავისი ტრადიციებით, თავისი კულტურით", - აღნიშნა ნიკოლეიშვილმა.

პოლიტიკა • 1731595800

ლევან ნიკოლეიშვილი: სწორედ ასეთი ევროპა გვინდა ჩვენ და ისეთი ადამიანები, რომლებიც რეალობას ხედავენ საქართველოში და არა ბორელი და ფონ დერ ლაიენი, რომლებიც ათას კორუფციულ სქემაში არიან უკვე მხილებულები

ის მოსაზრება, რომ მზადდება საქართველოს იზოლაცია არის კიდევ ერთი ფარსი, რადგან ევროპამ ძალიან კარგად გამოიღვიძა, - განაცხადა „ერთიანი ნეიტრალური საქართველოს“ ერთ-ერთმა დამფუძნებელმა ლევან ნიკოლეიშვილმა გადაცემაში „დღის ქრონიკა“.„სწორედ ასეთი ევროპა გვინდა ჩვენ და ისეთი ადამიანები, რომლებიც რეალობას ხედავენ საქართველოში და არა ბორელი და ფონ დერ ლაიენი, რომლებიც ათას კორუფციულ სქემაში არიან უკვე მხილებულები. ოპოზიციის ხავსზე მოჭიდება არაფრის მომცემი არ არის. ჩვენ ვნახეთ, რომ ამდენი რეზოლუცია მიიღეს და რამდენად სამარცხვინოდ გამოიყურებოდა ეს რეზოლუცია საქართველოს მოსახლეობის თვალში.მათგან ასეთმა დამოკიდებულებამ ჩვენი მოსახლეობა უფრო კარგად გამოაღვიძა იმისთვის, რომ შეეხედათ რა არის სინამდვილე და ვის მიჰყავს ქვეყანა მშვიდობის, სტაბილურობის და ეკონომიკური განვითარებისკენ და ვინ შეიძლება უბიძგოს უფსკრულისკენ, რომელსაც ჰქვია ომი. ამ ომში გვითრევდნენ ჩვენ რეალურად და ვნახეთ ამის თაობაზე არაერთი რეზოლუცია. დღეს რომ თვალებს ხუჭავენ და ვითომ არაფერ შუაში არ იყვნენ.ჩვენ ხომ ვნახეთ, სწორედ ასეთმა ყალბმა დამოკიდებულებამ რა შედეგი მოიტანა აშშ -ს არჩევანში.ვხედავთ აშშ-ს ახლად არჩეულ პრეზიდენტს რა გეგმები აქვს თუნდაც ომთან დაკავშირებით. ის აპირებს, რომ ომი შეწყდეს უკრაინაში და მშვიდობა დამყარდეს. განსაკუთრებით ხაზგასმით აღნიშნავს იმას, რომ ქალი არის ქალი და კაცი არის კაცი. ეს საპირისპიროა იმისა, რასაც ჩვენ გვთავაზობდნენ, რომ ლგბტ პროპაგანდა ყოფილა თურმე აუცილებელი.ჩვენ ასევე ვნახეთ ტრამპის განცხადებები იმის თაობაზე, რომ ის ძალიან მკაცრად შეხედავს ამერიკელი გადასახადის გადამხდელების მიერ დახარჯულ ფინანსებს. სად მიდის ეს ფული, რას ხმარდება, ვინ ფინანსდება, რატომ ფინანსდება და როგორ ხდება ეს საკითხები, ყოველივე იმ დროს, როდესაც ყველა ქვეყანას თავისი პირადი ეროვნული ინტერესები გააჩნია.ეს ე.წ. მანიპულაცია ოპოზიციის მხრიდან, რომ ჩვენ დასავლეთი მხარს გვიჭერს, ნელ-ნელა ქრება და იფერფლება. ჩვენ ასევე ვხედავთ გარკვეული პოლიტიკოსების მცდელობას, რომლებიც ჩვენ რაღაცებს მოგვიწოდებენ და თავიანთ ქვეყანაში აქვთ პრობლემები. მაგალითად გერმანიას დაეშალა სამთავრობო კოალიცია და ვადამდელი არჩევნებისკენ მიდიან. ისინი პოლიტიკური პარტიების აკრძალვას აპირებენ და მხარს უჭერენ ისეთ ქვეყნებს, როგორიც უკრაინა და მოლდოვაა, სადაც პოლიტიკური პარტიები დიდი ხანია აიკრძალა.ამ ულტიმატუმებს ჯობია თავიანთ პოლიტიკურ სივრცეს მიხედონ, ვინაიდან მათმა არასწორმა პოლიტიკამ შექმნა ის გარემო გერმანიაში, რომ ახლა პოლიტიკური კრიზისია და ვადამდელი არჩევნები ინიშნება.ევროპა მალე სულ სხვანაირი იქნება და სულს სხვანაირად შეხედავს იმ რეალურ ღირებულებებს, რითაც ჩვენ მოგვწონდა ევროპა და ყველამ უნდა შეიგნოს, რომ საქართველო არის დამოუკიდებელი ქვეყანა, რომელიც იქცევა ისე, როგორიც არის ხალხის შეკვეთა. ჩვენ გვაქვს ჩვენი ტრადიციები, ჩვენი კულტურა, ჩვენი მენტალიტეტი, ჩვენი ქრისტიანული მრწამსი და ვიქცევით ამის მიხედვით. საქართველოში განსხვავებულ აზრს არავინ არ ებრძვის, მაგრამ ლგბტ პროპაგანდა მიუღებელია და ის ჩვენს ქვეყანაში ვერასოდეს ვერ განხორციელდება“, - აღნიშნა ლევან ნიკოლეიშვილმა.

პოლიტიკა • 1731571977

EED ის ბორდის თავმჯდომარე, რომელიც გუშინ განსაკუთრებული აგრესიით გამოირჩეოდა საქართველოს მიმართ, დევიდ მაკალისტერია. ეს ის ფონდია, რომელიც საქართველოში რადიკალურ დაჯგუფებებს აფინანსებს და ამ ფინანსებს არ ასაჯაროებს. კითხვები დარჩა? - ლევან ნიკოლეიშვილი

„ერთიანი ნეიტრალური საქართველოს“ წევრი  ლევან ნიკოლეიშვილი ევროპარლამენტის პლენარულ სხდომაზე ევროპარლამენტარის, დევიდ მაკალისტერის გამოსვლას ეხმიანება, რომელიც განსაკუთრებული აგრესიით გამოირჩეოდა საქართველოს მიმართ.როგორც ნიკოლეიშვილი აღნიშნავს,  დევიდ მაკალისტერი ევროპის დემოკრატიის ფონდის (EED) ბორდის თავმჯდომარეა, ხოლო ეს ის ფონდია რომელიც საქართველოში რადიკალურ დაჯგუფებებს აფინანსებს და ამ ფინანსებს არ ასაჯაროებს, შესაბამისად კითხვები აღარ რჩება მის გამოსვლასთან დაკავშირებით.„EED ის ბორდის თავმჯდომარე, რომელიც გუშინ განსაკუთრებული აგრესიით გამოირჩეოდა საქართველოს მიმართ, დევიდ მაკალისტერია. ეს ის ფონდია, რომელიც საქართველოში რადიკალურ დაჯგუფებებს აფინანსებს და ამ ფინანსებს არ ასაჯაროებს. კითხვები დარჩა?“, - წერს ლევან ნიკოლეიშვილი.

პოლიტიკა • 1731501038

ოპოზიციის სასოწარკვეთილება ყოველდღიურად იზრდება, მათი ყველა ე.წ. არგუმენტი არაფრის მომცემია, ოპოზიციამ იცის, რომ მათ რადიკალიზმსაც და მხარდაჭერასაც ეწურება ვადა, ესაა მათი გააფთრებული გაფართხალების მიზეზიც - ლევან ნიკოლეიშვილი

ოპოზიციის სასოწარკვეთილება ყოველდღიურად იზრდება, თან ამას ემატება ისიც, რომ ყველა ე.წ. არგუმენტი მათი მხრიდან - ხან არა ბრენდირებულ მარკერებზე აპელირება და ხანაც გენდერული დისბალანსის "აღმოჩენები", არაფრის მომცემია, - წერს "ერთიანი ნეიტრალური საქართველოს" წევრი, ლევან ნიკოლეიშვილი, სოციალურ ქსელში.მისი განცხადებით, ოპოზიციის მიერ თითიდან გამოწოვილი საკითხები, არჩევნების ლეგიტიმაციაზე გავლენას რომ ვერ მოახდენდა, ეს თავადაც იციან, თუმცა, ოპოზიციამ ისიც იცის, რომ მათ მხარდაჭერასა და რადიკალიზმს მალე ვადა ეწურება, რაც რადიკალების მხრიდან "გააფთრებული გაფართხალების" მიზეზია.„ოპოზიციის სასოწარკვეთილება ყოველდღიურად იზრდება, თან ამას ემატება ისიც, რომ ყველა ე.წ. არგუმენტი მათი მხრიდან - ხან არა ბრენდირებულ მარკერებზე აპელირება და ხანაც გენდერული დისბალანსის "აღმოჩენები", არაფრის მომცემია. ეს თითიდან გამოწოვილი საკითხები, ვერანაირად ვერ იქონიებდა გავლენას არჩევნების საბოლოო შედეგებზე და შესაბამისად მის ლეგიტიმაციაზე. ოპოზიციამ ეს იცის, მაგრამ ისიც იცის, რომ მათ რადიკალიზმსაც და მხარდაჭერასაც ძალიან მალე ეწურება ვადა, სწორედ ეს გახლავთ მათი გააფთრებული გაფართხალების მიზეზიც“, - წერს ნიკოლეიშვილი.

პოლიტიკა • 1731144135

ლევან ნიკოლეიშვილი „გამჭვირვალობის კანონის“ სტრასბურგში გასაჩივრებაზე: ვინ, თუ არა საიამ და მისმა თავმჯდომარემ მშვენივრად იციან, რომ ამ სარჩელს წარმატება არ ელის, ვერანაირად ამტკიცებენ, რა არის ამ კანონში მიუღებელი ან რუსული

საიას არა თუ არ გაუგზავნია სტრასბურგის ადამიანის უფლებათა დაცვის სასამართლოში „გამჭვირვალობის კანონის“ შესახებ სარჩელი, არამედ არც გაგზავნიან. ვინ, თუ არა საიამ და მისმა თავმჯდომარემ მშვენივრად იციან, რომ ამ სარჩელს წარმატება არ ელის, ვერანაირად ამტკიცებენ, რა არის ამ კანონში მიუღებელი ან რუსული, - წერს „ერთიანი ნეიტრალური საქართველოს“ წევრი ლევან ნიკოლეიშვილი.მისივე თქმით, მტკიცებულებებისა და ფაქტების გარეშე გაგზავნილი სარჩელს შოლტის ეფექტი მოჰყვებოდა სტრასბურგის სასამართლოდან, შესაბამისად საიას ურჩევნია აქ ივიშვიშოს, ვიდრე ევროპული სასამართლოდან გაიცამტვეროს ისედაც შებღალული რეპუტაცია.საიას არა თუ არ გაუგზავნია სტრასბურგის ადამიანის უფლებათა დაცვის სასამართლოში „გამჭვირვალობის კანონის" შესახებ სარჩელი, არამედ არც გაგზავნიან. ვინ, თუ არა საიამ და მისმა თავმჯდომარემ მშვენივრად იციან, რომ ამ სარჩელს წარმატება არ ელის, ვერანაირად ამტკიცებენ, რა არის ამ კანონში მიუღებელი ან რუსული. ახლა კი წარმოვიდგინოთ მტკიცებულებებისა და ფაქტების გარეშე გაგზავნილი სარჩელს, როგორ შოლტის ეფექტი მოჰყვებოდა სტრასბურგის სასამართლოდან. შესაბამისად, საიას ურჩევნია აქ ივიშვიშოს, ვიდრე ამჯერად ევროპული სასამართლოდან გაიცამტვეროს ისედაც შებღალული რეპუტაცია“, - წერს ლევან ნიკოლეიშვილი.

პოლიტიკა • 1730981264

თავიანთი ჭკუით აღმოჩენა გააკეთეს, ფარულობა ირღვეოდაო. დარბიან სასამართლოებში ატარებენ ექსპერიმენტებს ასე უნდა შეაცურონ ბიულეტენი თუ ისე, ზომავენ კონვერტებს, მაგრამ არაფერი არ გამოსდით კრახი კრახზე აქვთ - ლევან ნიკოლეიშვილი ოპოზიციაზე

ბევრი იწვალა ოპოზიციამ და ყველაზე გაუმჭვირვალე, მარლაც და-ფარულმა არასამთავრობოებმა და სხვა რომ ვერაფერი მოიფიქრეს, თავიანთი ჭკუით აღმოჩენა გააკეთეს, ფარულობა ირღვეოდაო. ვერც ამას ამტკიცებენ დარბიან სასამართლოებში ატარებენ ექსპერიმენტებს ასე უნდა შეაცურონ თუ ბიულეტენი თუ ისე, ზომავენ კონვერტებს, მაგრამ არაფერი არ გამოსდით კრახი კრახზე აქვთ, - წერს „ერთიანი ნეიტრალური საქართველოს“ წევრი ლევან ნიკოლეიშვილი.მისივე თქმით, ზოგადად თუ გავიხსენებთ, როგორ მიდიოდა ხმის მიცემა, ვინმემ თუ რამე არ იცოდა, საარჩევნო უბანზე ყველას უხსნიდნენ მარტივად, მაგრამ თუ მაინც ვინმემ დაარღვია ფარულობის პრინციპი მხოლოდ სამი ვარიანტი განიხილება: 1. მართლა შემთხვევით მოუვიდა შეცდომა. 2. დეგენერატი იყო და ვერ გაიგო რა უნდა ექნა. 3. პროვოკატორი იყო და სპეციალურად აკეთებდა ამას.„ბევრი იწვალა ოპოზიციამ და ყველაზე გაუმჭვირვალე, მარლაც და-ფარულმა არასამთავრობოებმა და სხვა რომ ვერაფერი მოიფიქრეს, თავიანთი ჭკუით აღმოჩენა გააკეთეს, ფარულობა ირღვეოდაო. ვერც ამას ამტკიცებენ დარბიან სასამართლოებში ატარებენ ექსპერიმენტებს ასე უნდა შეაცურონ თუ ბიულეტენი თუ ისე, ზომავენ კონვერტებს, მაგრამ არაფერი არ გამოსდით კრახი კრახზე აქვთ. თეთრი წყაროს შემთხვევამ კი გაახარა, მაგრამ იქ დაირღვა ფარულობა თუ დაირღვა, მოსამართლე ვლადიმერ ხუჭუა თურმე ელზა გურგენიძეზე ყოფილა გათხოვილი, პირწავარდნილ ნაც აქტივისტზე, შესაბამისად გათხოვილმა კაცმა მბრძანებელ ქმარ-ქალს ვერ უღალატა და ფარულობა დაირღვაო, ამოიკვნესა. ზოგადად კი, თუ გავიხსენებთ, როგორ მიდიოდა ხმის მიცემა და ვინმემ რამე თუ არ იცოდა, საარჩევნო უბანზე ყველას უხსნიდნენ მარტივად, მაგრამ თუ მაინც ვინმემ დაარღვია ფარულობის პრინციპი მხოლოდ სამი ვარიანტი განიხილება: 1. მართლა შემთხვევით მოუვიდა შეცდომა. 2. დეგენერატი იყო და ვერ გაიგო რა უნდა ექნა. 3. პროვოკატორი იყო და სპეციალურად აკეთებდა ამას. ახლა თქვენ თვითონ ამოირჩიეთ დაირღვა თუ არა ფარულობა და რასთან გვაქვს სინამდვილეში საქმე“, - წერს ლევან ნიკოლეიშვილი.

პოლიტიკა • 1730798895

თეთრიწყაროს სასამართლოს მიკერძოებული გადაწყვეტილება, ფაქტობრივად არა მოსამართლის, არამედ, მისი მეუღლის, აქტიური რადიკალის ელზა გურგენიძის გადაწყვეტილებაა, რომელიც გასაჩივრდება სააპელაციო სასამართლოში - ლევან ნიკოლეიშვილი

ის, რომ გაკოტრებული ოპოზიცია, თავის ყველაზე გაუმჭვირვალე არასამთავრობო სექტორით ცდილობს რამენაირად ისეთი სურათის წარმოჩენას თითქოს არჩევნების დროს მართლაც სერიოზული დარღვევები იყო, უკვე მართლაც სასაცილოა, - წერს „ერთიანი ნეიტრალური საქართველოს" ერთ-ერთი დამფუძნებელი, ლევან ნიკოლეიშვილი, სოციალურ ქსელში.მისი განცხადებით, არჩევნების დღეს, ხმის ფარულობის დარღვევასთან დაკავშირებით, მხოლოდ 7 საჩივარი იყო დაწერილი, ხოლო, არჩევნებიდან რამდენიმე დღის შემდეგ 2000-მდე საჩივარი დაწერეს, თუმცა, რეალური ფაქტებით და მტკიცებულებებით ვერ გაამყარეს.ნიკოლეიშვილი გამოეხმაურა თეთრიწყაროს სასამართლოს მოსამართლის, ვლადიმერ ხუჭუას გადაწყვეტილებასაც 12 უბნის ბათილობაზე და აღნიშნული, არა თავად მოსამართლის, არამედ მისი ოპოზიციონერი აქტივისტი ცოლის გადაწყვეტილებად შეაფასა."ის, რომ გაკოტრებული ოპოზიცია, თავის ყველაზე გაუმჭვირვალე არასამთავრობო სექტორით ცდილობს რამენაირად ისეთი სურათის წარმოჩენას თითქოს არჩევნების დროს მართლაც სერიოზული დარღვევები იყო, უკვე მართლაც სასაცილოა. დავიწყოთ იმით, რომ ფარულობის დარღვევაზე მსჯელობისას უბრალოდ შევადაროთ როგორი ფარულობაა, მაგალითად ისეთ ქვეყნებში, როგორიცაა პოლონეთი, გამოიყენება გამჭვირვალე ყუთები, ბიულეტენები კონვერტში არ თავსდება. ბულგარეთშიც გამჭვირვალე ყუთია, ბიულეტენები კონვერტში აქაც არ თავსდება, ჩანს ამომრჩევლის არჩევანი. ლიეტუვაშიც ნახევრად გამჭვირვალე ყუთია, კონვერტში არ თავსდება და ჩაგდების მომენტში მშვენივრად ჩანს ამომრჩევლის მიერ გამოხატული ნება. მოლდოვაში, რომლის შედეგები არჩევნების მეორე დღეს საუკეთესოდ აღიარეს ჩვენმა „დაუძინებელმა უცხოელმა მეგობრებმა,“ ბიულეტენები არ თავსდება კონვერტში, ამომრჩევლის გამოხატული შემოხაზული ნომერი საკმაოდ კარგად ჩანს. არ დაგვავიწყდეს არც ერთ ზემოთ ჩამოთვლი ქვეყნებში არჩევნები ჩვენგან განსხვავებით ელექტრონულად არ ტარდება! ხმის ფარულობის დარღვევის შესახებ, არჩევნების დღეს მხოლოდ 7 საჩივარი დაიწერა, თუმცა არჩევნებიდან მე-5 დღეს თითქოს გამოიღვიძესო თუ თავში ხელი წამოკრესო და სასწრაფოდ, 2000-ზე მეტი საჩივარი დაიწერა, რეალური ფაქტები და მტკიცებულებები არ გააჩნიათ, თუმცა დეზინფორმაცია ფარულობის დარღვევის შესახებ ასევე აქტიურად შუქდება ოპოზიციის პარტიული ტელევიზიების მიერაც. და ერთი განმარტებაც თეთრიწყაროს სასამართლოს მიკერძოებულ გადაწყვეტილებასთან დაკავშირებით, რომელიც ფაქტობრივად არა მოსამართლის, არამედ, მისი მეუღლის, ოპოზიციის აქტიური რადიკალის ელზა გურგენიძის გადაწყვეტილებაა, გასაჩივრდება სააპელაციო სასამართლოში და სიმართლეც გაირკვევა." - წერს ნიკოლეიშვილი.

პოლიტიკა • 1730731469

ვის შეუძლია ისაუბრო იმაზე, რომ ეს ხელისუფლება თითქოს და, ოკუპირებულ ტერიტორიებს ვერ ხედავს, რომელიც უკვე ამდენი წლის განმავლობაში ეწევა საკმაოდ პრაგმატულ პოლიტიკას - ლევან ნიკოლეიშვილი

ვის შეუძლია ისაუბრო იმაზე, რომ ეს ხელისუფლება თითქოს და, ოკუპირებულ ტერიტორიებს ვერ ხედავს, რომელიც უკვე ამდენი წლის განმავლობაში ეწევა საკმაოდ პრაგმატულ პოლიტიკას, - განაცხადა „დღის ქრონიკის“ ეთერში „ერთიანი ნეიტრალური საქართველოს“ ერთ-ერთმა დამფუძნებელმა, ლევან ნიკოლეიშვილმა, რომელიც საქართველოს რუკასთან დაკავშირებით ოპოზიციის მიერ გაკეთებულ სპეკულაციებს გამოეხმაურა.„ეს კიდევ ერთი მტკიცებულებაა იმისა, თუ რას ემსახურება დესტრუქციული ძალები და მათი ე.წ. ტელევიზიები. ეს არის დეზინფორმაციის შეფუთვა, იმისთვის, რომ თითქოსდა ადამიანები გააბრაზონ. თავად ოპოზიციამ დააანონსა, რომ მათ სურთ, ადამიანების გაბრაზება, განრისხება. თუკი ეს ხდება ხელოვნურად, რომელიც ძალიან მალე გამოაშკარავდება, როგორც წესი, ძალიან მალე უკუშედეგს მიიღებენ.ვის შეუძლია ისაუბრო იმაზე, რომ ეს ხელისუფლება თითქოს და, ოკუპირებულ ტერიტორიებს ვერ ხედავს, რომელიც უკვე ამდენი წლის განმავლობაში ეწევა საკმაოდ პრაგმატულ პოლიტიკას. მაქსიმალურს აკეთებს იმისთვის, რომ ამ ქვეყანაში იყოს მშვიდობა, განსხვავებით იმ ძალებისგან, რომლებიც მანამდე იყვნენ ხელისუფლებაში და რეალურად რუსეთს ხონჩით მიართვეს ეს ტერიტორიები, რათა ოკუპაცია განხორციელებულიყო“, - განაცხადა ნიკოლეიშვილმა.პარლამენტის თავმჯდომარემ, შალვა პაპუაშვილმა ბრიფინგზე წარმოადგინა პრეზენტაცია, ერთ-ერთ სლაიდზე გამოყენებულ საქართველოს რუკასთან დაკავშირებით კი რადიკალური ოპოზიციის წარმომადგენლებმა სპეკულაციური განცხადებები გააკეთეს.