ტაბლოიდი • 1757188199
გიორგი ფხაკაძისა და ნუკი კოშკელიშვილის დაპირისპირება გრძელდება
Nuki Cosmetics-ის დამფუძნებელი ნუკი კოშკელიშვილი ხმაურიან დაპირისპირებას საზოგადოებრივი ჯანდაცვის ექსპერტ, გიორგი ფხაკაძესთან საჯაროდ გამოეხმაურა.ფხაკაძემ ცოტა ხნის წინ კომპანია ცრუ ინფორმაციის გავრცელებასა და რეპუტაციის შელახვაში დაადანაშაულა, თუმცა კოშკელიშვილი პასუხად ამბობს, რომ გიორგი ფხაკაძე უსაფუძვლო ბრალდებებს ავრცელებს:„არის ვიღაც, ვითომ ექიმი, რომელმაც პანდემიის დროს სულ ყველა მოგვკლა… გადამეკიდა, პირადში მწერს და წერს, თითქოს FDA არ ამოწმებს პროდუქტებს. ეს სრული აბსურდია. საზღვარზე ყოველ შემოსვლაზე FDA ამოწმებს წამლებს და კოსმეტიკას. ქარხანა უნდა იყოს დარეგისტრირებული, რომ ეს ლიცენზია გქონდეს. მე არ ვაკეთებ ამ ვიტამინს, ამას უშუალოდ ფარმაცევტული კომპანია აწარმოებს, რომელსაც FDA-ს კონტროლი გავლილი აქვს“, – ამბობს Nuki Cosmetics-ის დამფუძნებელი.კოშკელიშვილი ასევე მიუთითებს, რომ საქართველოში მოქმედებს საზღვრის მკაცრი კონტროლი და პროდუქციის იმპორტი შესაბამისი წესების გარეშე შეუძლებელია: „ელემენტარულს გეტყვით ბატონო გიორგი – სასაზღვრო შემოწმება არსებობს საქართველოშიც. არ გაქვთ უფლება, რომ რაც გინდათ, შემოიტანოთ და გაყიდოთ. თუ პრობლემა გაქვთ, ინტერნეტში ყბედობის ნაცვლად მიჩივლეთ. იქ წარვადგენ ყველა საბუთს, რასაც ითხოვთ. სირცხვილია, ამხელა კაცი ასე რომ იქცევით. უკვე შემაწუხეთ კიდეც“, – ამბობს ნუკი კოშკელიშვილი.
