მსოფლიო • 1730839810

ვინ არის გარეგნულად და ხასიათის თვისებებით ბრეჟნევას მსგავსი, მელაძის ახალი მუზა, რომელზედაც რუსული მედია საუბრობს

მომღერალ ვერა ბრეჟნევასთან დაშორების შემდეგ პროდიუსერ კონსტანტინე მელაძეს ახალი მუზა ჰყავს, რომელიც მასზე ბევრად უმცროსია. მელაძემ ცოტა ხნის წინ ძმასთან, ვალერისთან ერთად სიმღერა გამოუშვა ხანგრძლივი შემოქმედებითი პაუზის შემდეგ. ინტერნეტის ბევრ მომხმარებელს ეჭვი ეპარებოდა, რომ ეს იყო კომპოზიტორის ცხოვრებაში ახალი მუზის გაჩენის გამო. ზოგიერთი მიიჩნევს, რომ ახალი კომპოზიცია ბრეჟნევას ერთგვარი მესიჯია. დვორცოვმა მხარი დაუჭირა კომენტატორების აზრს და თქვა, რომ მუსიკოსმა მართლაც შეიძინა შემოქმედებითი შთაგონების ახალი ახალგაზრდა წყარო.„სინამდვილეში, კომპოზიტორები და შემოქმედი ადამიანები დიდხანს მარტო ვერ იქნებიან. ამიტომ, მას ახალი თანამგზავრი ჰყავს“, - განუცხადა წყარომ ჟურნალისტებს.- პროდიუსერის თქმით, მელაძის ახალი მუზა მასზე რამდენჯერმე უმცროსია, მაგრამ სტუდენტი აღარ არის. დვორცოვმა გამოთქვა მოსაზრება, რომ მუსიკოსის გატაცება იყო დამწყები მომღერალი, რომელიც გარეგნულად თუ ხასიათის თვისებებით ბრეჟნევას მსგავსია.ამავდროულად, პროდიუსერი თვლის, რომ ახალი სიმღერა შეიძლება იყოს მესიჯი მისი ყოფილი, ვერა ბრეჟნევასთვის. დარწმუნებულია, რომ მელაძეს ისევ უყვარს და მის დაბრუნებაზე ოცნებობს, მაგრამ მომღერალი ამ ურთიერთობის განახლებას არ აპირებს. ამ დროისთვის, იგი გატაცებულია შემოქმედებით და მისი პირადი ცხოვრებით.ვერა ბრეჟნევა კომპოზიტორ კონსტანტინე მელაძეზე რვა წელი იყო დაქორწინებული. მან პროდიუსერთან ქორწინებას შეცდომა უწოდა. წყვილი 2023 წლის შემოდგომაზე დაშორდა; სხვათა შორის, განქორწინების შემდეგ მელაძე კარგა ხანს ვერ მოვიდა გონს და შთაგონების ნაკლებობის გამო სიმღერების წერაც კი შეწყვიტა.

პოლიტიკა • 1729595004

Quincy Institute: საქართველოში ნამდვილი დემოკრატიული განვითარების ისტორია არსებობს, ამას ემატება მოქმედი მთავრობის სურვილი, ითანამშრომლოს დასავლეთთან და გახდეს ევროკავშირის წევრი

ქართული დემოკრატია მხოლოდ დაზარალდება, თუ დასავლეთი არჩევნების შედეგებს უარყოფს, მისთვის არადამაკმაყოფილებელი შედეგის გამო; იმის მტკიცება, რომ საქართველოს ხელისუფლებამ რუსეთისთვის დამახასიათებელი ავტორიტარული მმართველობის სტილი გადმოიღო, ან რუსეთის გავლენის ქვეშ მოექცა, გაზვიადებულია, ნათქვამია ვაშინგტონში განთავსებული კვლევითი ორგანიზაცია Quincy Institute-ის მიერ საქართველოს შესახებ მომზადებულ პოლიტიკური ხედვის დოკუმენტში.დოკუმენტში სიღრმისეულად არის მიმოხილული დამოუკიდებლობის აღდგენიდან დღემდე ქართული სახელმწიფოს განვითარების ეტაპები; საქართველოს წინაშე მდგარი გამოწვევები; საქართველოს ურთიერთობები დასავლეთთან; მთავრობის პოზიციონირება უკრაინაში მიმდინარე ომთან დაკავშირებით, ქვეყანაში არსებული წინასაარჩევნო გარემო და ბოლო პერიოდში განვითარებული მოვლენები.დოკუმენტის ავტორები, ამერიკელი მკვლევრები ანატოლ ლივენი, არტინ დერსიმონიანი და ალმუტ რიჩოვანსკი აღნიშნავენ, რომ საქართველოს შესახებ სწორი და დაბალანსებული წარმოდგენის შესაქმნელად სიღრმისეული კვლევაა საჭირო და არა ზედაპირული, რომელიც რადიკალურ, შავ-თეთრ პერსპექტივაში წარმოაჩენს ქართულ პოლიტიკასა და მოახლოებულ არჩევნებს. მათი თქმით, იმის მტკიცება, რომ საქართველოს ხელისუფლებამ რუსეთისთვის დამახასიათებელი ავტორიტარული მმართველობის სტილი გადმოიღო, ან რუსეთის გავლენის ქვეშ მოექცა - ძალზედ გაზვიადებულია. საქართველოში ნამდვილი დემოკრატიული განვითარების ისტორია არსებობს. ამას ემატება მოქმედი მთავრობის სურვილი, ითანამშრომლოს დასავლეთთან და გახდეს ევროკავშირის წევრი. „ქართული დემოკრატია მხოლოდ დაზარალდება, თუ დასავლეთი არჩევნების შედეგებს უარყოფს, მისთვის არადამაკმაყოფილებელი შედეგის გამო“, - ნათქვამია დოკუმენტში.ისტორიული კონტექსტის უკეთ გასააზრებლად დოკუმენტი საქართველოს უახლესი ისტორიის ისეთ მნიშვნელოვან მოვლენებს ეხმაურება, როგორებიცაა პოსტსაბჭოთა გარდამავალი პერიოდი; სამოქალაქო დაპირისპირება; ქვეყნის დემოკრატიული განვითარება და კანონის უზენაესობის განმტკიცება. ავტორთა აზრით, დასავლეთმა საქართველოს მიერ განვლილი რთული გზის გათვალისწინებით, თავი უნდა შეიკავოს ისეთი ქმედებებისგან, რაც ქვეყანაში არასტაბილური გარემოს დაბრუნებას შეუწყობს ხელს.დოკუმენტის ავტორები საქართველოს საგარეო პოლიტიკას განიხილავენ და განმარტავენ, რომ საქართველოსა და დასავლეთს შორის მზარდი დაძაბულობა რუსეთ-უკრაინის დაპირისპირების კონტექსტში უნდა განვიხილოთ. მათი თქმით, საქართველოზე დასავლეთიდან მომდინარე წნეხი გაიზარდა.ავტორთა შეფასებით, „ქართული ოცნების“ მთავრობამ რუსეთის აგრესია ღიად დაგმო, ის არ მიერთებია ევროკავშირის ეკონომიკურ სანქციებსა და დასავლეთის მიერ დაწესებულ სხვა მკაცრ ზომებს, ასევე, უარი თქვა უკრაინისთვის იარაღის მიწოდებაზე. აღნიშნულის გამო, დასავლური მედიისა და კომენტატორების დიდმა ნაწილმა ქართული ოპოზიციის ნარატივი გაიზიარა, რომელიც „ქართული ოცნების“ მთავრობას მოსკოვის აგენტებად წარმოაჩენს.„რუსეთის უკრაინაში შეჭრამდე, როგორც ამერიკისთვის, ისე ევროკავშირისთვის მისაღები იყო, რომ საქართველოსთან პარტნიორული ურთიერთობა რუსეთთან მისი გამოსწორებული ურთიერთობების პარალელურად განვითარებულიყო. წლების მანძილზე ასეთი მულტივექტორული პოლიტიკა კარგად მუშაობდა“, - ნათქვამია დოკუმენტში. ავტორები ხაზს უსვამენ, რომ შუალედური პოზიციის დაკავება რეგიონში უცხო არ არის და პოსტსაბჭოთა და ცენტრალური აზიის რეგიონში ამ ხერხს მრავალი ქვეყანა მიმართავს. აღნიშნულ ქვეყნებს დასავლეთთან პარტნიორული ურთიერთობების შენარჩუნება სურთ. თუმცა ისე, რომ ამან რუსეთთან და ჩინეთთან დაპირისპირება არ გამოიწვიოს. ასევე ნათქვამია, რომ საქართველო არ არის ის ერთადერთი ქვეყანა, ვინც მოკავშირეების მხრიდან რუსეთისთვის დაწესებულ სანქციებს არ მიერთებია. მათი თქმით, ასეთი თვალსაჩინო მაგალითი თურქეთია, რომელმაც უკრაინის ომთან მიმართებით ნეიტრალური პოზიცია დაიკავა.„საქართველომ, ისევე როგორც უნგრეთის, სლოვაკეთისა და პოლონეთის მთავრობებმა, სუვერენიტეტის დაცვაზე ორიენტირებული რიტორიკა აირჩია. „ამით საქართველოს მთავრობამ ხაზი გაუსვა დამოუკიდებელი ერის უფლებას, თავად განსაზღვროს საკუთარი პოლიტიკა, დაიცვას ქვეყნის ინტერესები და შეინარჩუნოს ეროვნული კულტურა. ეს ყველაფერი კი დასავლეთში წარმოჩენილია, როგორც „ქართული ოცნების“ მოსკოვთან მოკავშირეობა. იდეოლოგიის ჭრილში რომ განვიხილოთ, საქართველოს მთავრობის პოლიტიკას თანაბრად შეიძლება ეწოდოს ამერიკის რესპუბლიკურ პარტიასთან დაჯგუფების მცდელობა“ - ნათქვამია დოკუმენტში.პოლიტიკის დოკუმენტი ყურადღებას ამახვილებს რუსეთისთვის დაკისრებული სანქციების თავის არიდების თემაზეც. ავტორები აღნიშნავენ, რომ საქართველომ ეფექტურად შეძლო, აღეკვეთა საკუთარი ტერიტორიის გავლით სანქციებისთვის თავის არიდების მცდელობები, რაც საქართველოში ვიზიტისას თავად დაადასტურა სანქციების საკითხებში ევროკავშირის სპეციალურმა წარმომადგენელმა დევიდ ო’სალივანმა.დოკუმენტში ხაზგასმულია საქართველოს მოსახლეობის განწყობები ქვეყნის ევროკავშირში ინტეგრაციასთან მიმართებით, რომელიც მეტწილად პოზიტიურია და აიხსნება ეკონომიკური და მიგრაციასთან დაკავშირებული სარგებლის მიღების პოტენციალით. ასევე, აღნიშნულია, რომ ქართულ კულტურაში ევროპასთან მიკუთვნებულობის იდეა ღრმად არის გამჯდარი.დოკუმენტში ასევე განხილულია 2022 წელს საქართველოსთვის ევროკავშირის კანდიდატის სტატუსის მინიჭებაზე უარის თქმის მიზეზები. ავტორები ხაზს უსვამენ, რომ თავად ევროკავშირის შეფასებითვე, საქართველო მოლდოვაზეც და უკრაინაზეც წინ იყო ტექნიკური პროგრესის ნაწილში. გარდა ამისა, ატლანტიკური საბჭოს მიერ გამოქვეყნებულ ინდექსში (freedom score) საქართველო თავისუფალ ქვეყნად არის მიჩნეული და უსწრებს არა მხოლოდ დანარჩენ კანდიდატებს, არამედ ევროკავშირის მოქმედ წევრებსაც, კერძოდ პოლონეთს და უნგრეთს. ამასთან, 2023 წელს გამოქვეყნებულ კორუფციის აღქმის ინდექსში საქართველო ევროკავშირის წევრებზე, საბერძნეთზე, რუმინეთსა და ბულგარეთზე წინ დგას.დოკუმენტის მომზადებაზე ინსტიტუტის ევრაზიის პროგრამის მკვლევრები, ანატოლ ლივენი, არტინ დერსიმონიანი და ალმუტ როჩოვანსკი მუშაობდნენ. მომზადების პროცესში მკვლევართა ჯგუფი 2024 წლის ზაფხულში საქართველოში იმყოფებოდა. Quincy Institute 2019 წელს, ვაშინგტონში დაფუძნდა. ინსტიტუტის საქმიანობა დაკავშირებულია ამერიკის შეერთებული შტატების საგარეო პოლიტიკის კვლევასა და ანალიზთან, ადვოკატირებს რეალიზმსა და თავშეკავებულ მიდგომებს საგარეო პოლიტიკაში. ბოლო პერიოდში ინსტიტუტი აქტიურად ინტერესდება საქართველოსა და რეგიონში მიმდინარე მოვლენებით.

სპორტი • 1727190274

ო'მალის სჯერა, რომ მერაბს მოუგო - „პირველ, მესამე და მეხუთე რაუნდებს კომენტარის გარეშე უყურეთ“

შონ ო'მალიმ საკუთარ პოდკასტში მერაბ დვალიშვილთან გამართულ ჩხუბზე ისაუბრა.  „შუგა“ პოზიციას არ ცვლის და აცხადებს, რომ მსაჯებმა არასწორი გადაწყვეტილება მიიღეს. მისი აზრით, „მანქანამ“ პირველი, მესამე და მეხუთე რაუნდები წააგო და გამარჯვება მას არ უნდა დარჩენოდა.„სასაცილოა, როცა ამბობენ, რომ ჩემ გარშემო მყავს ადამიანები, რომლებიც ყველაფერში მეთანხმებიან. პირველ, მესამე და მეხუთე რაუნდებს ახლიდან, ყურადღებით, კომენტატორების ხმის გარეშე უყურეთ და მიხვდებით, რომ ყველა მოვიგე.  განაგრძეთ კითხვაცნობისთვის, საქართველოს UFC-ის 2 ჩემპიონი ჰყავს - ილია თოფურია და მერაბ დვალიშვილი!

სპორტი • 1719088159

VIDEO: „მთავარია შენ ცოცხალი ხარ“ – კომენტატორების ემოციები ევროპის ჩემპიონატზე გასულ პირველ ქართულ გოლზე

პირველი არხის სპორტის გვერდი სოციალურ ქსელში კომენტატორების გიგა გვენცაძისა და გიორგი თვალაბეიშვილის ვიდეოს გვიზიარებს.ვიდეო ევროპის ჩემპიონატზე გასულ პირველ ქართულ გოლთან დაკავშირებით კომენტატორების ემოციურ საუბარს ეხება.შეგახსენებთ, საქართველოს ეროვნულმა ნაკრებმა ევროპის ჩემპიონატზე პირველი მატჩი თურქეთის ნაკრების წინააღმდეგ გამართა.მატჩი მეტოქის გამარჯვებით, 3:1 დასრულდა.ევროპის ჩემპიონატის ისტორიაში საქართველოს სახელით გატანილი სადებიუტო გოლის ავტორი 32-ე წუთზე გიორგი მიქაუტაძე გახდა.

პოლიტიკა • 1706642189

სოზარ სუბარი: ამ ურთულეს პერიოდში, ირაკლი ღარიბაშვილმა არა მხოლოდ ომში ჩართვას გადაარჩინა ჩვენი სამშობლო, არამედ შეძლო, სამი წლის განმავლობაში გაეორმაგებინა ქვეყნის ეკონომიკა და დღეს ჩვენ ერთ-ერთი ყველაზე სწრაფად განვითარებადი ეკონომიკა გვაქვს მსოფლიოში

 „ირაკლი ღარიბაშვილი გუნდის ერთ-ერთი გამორჩეული ლიდერია 2011 წლიდან, მას შემდეგ, რაც ბიძინა ივანიშვილმა პირველად განაცხადა პოლიტიკაში მოსვლის შესახებ,“ - ამის შესახებ „ხალხის ძალის“ ერთ-ერთმა ლიდერმა სოზარ სუბარმა განაცხადა.მისი თქმით, ირაკლი ღარიბაშვილის პრემიერობის პერიოდში საქართველომ ევროინტეგრაციის გზაზე მნიშვნელოვანი ნაბიჯები გადადგა.„პირველ რიგში, ოპოზიციის ჟივილ-ხივილზე გავაკეთებ პატარა რეპლიკას - მათ კიდევ დიდხანს მოუწევთ კომენტატორების როლში ყოფნა თემაზე, თუ რატომ ხდება ესა თუ ის გადაადგილება მმართველ გუნდში. თვითონ ვეღარასდროს ეღირსებიან ქვეყნის სათავეში მოსვლას და მოუწევთ, რომ კომენტატორის როლს დასჯერდნენ. ზოგადად, მმართველ გუნდში თანამდებობრივი გადაადგილებები ჩვეულებრივი პროცესია. ირაკლი ღარიბაშვილი გუნდის ერთ-ერთი გამორჩეული ლიდერია 2011 წლიდან, მას შემდეგ, რაც ბიძინა ივანიშვილმა პირველად განაცხადა პოლიტიკაში მოსვლის შესახებ. იგი, საბოლოო ჯამში, 5 წელი იყო საქართველოს პრემიერ-მინისტრი, 1 წელი იყო შინაგან საქმეთა მინისტრი, 2 წელი კი - თავდაცვის მინისტრი. ურთულეს პერიოდებში იმუშავა ურთულეს პოსტებზე, ყველგან თავისი კაცური სიტყვა თქვა და თავისი კვალი დააჩნია ქვეყნის წინსვლას.სწორედ მისი ხელმძღვანელობით, მისი პირველი პრემიერ-მინისტრობის დროს, საქართველომ ევროკავშირთან გააფორმა ასოცირების ხელშეკრულება, თავისუფალი ვაჭრობისა და უვიზო მიმოსვლის ხელშეკრულებები. მეორე ვადით პრემიერობის დროს კი, ეს ყველაფერი დააგვირგვინა საქართველოსთვის ევროკავშირის წევრობის კანდიდატის სტატუსით,“ - განაცხადა სუბარმა.მან ასევე აღნიშნა, რომ საქართველოს ეკონომიკის განვითარებაში ირაკლი ღარიბაშვილმა დიდი როლი ითამაშა. „ევროკავშირში გაწევრიანება ჩვენი მთავარი მიმართულებაა, თუმცა, ამის პარალელურად ძალიან მნიშვნელოვანია როგორც სავაჭრო-ეკონომიკური, ისე პოლიტიკური ურთიერთობების დივერსიფიკაცია როგორც მეზობელ, ისე უფრო შორეულ ქვეყნებთან. არაბული ქვეყნები, ჩინეთი, ინდოეთი ის მიმართულებაა, რომლებთან ურთიერთობის ინტესიფიკაცია დიდ როლს თამაშობს საქართველოს ეკონომიკის სწრაფ ზრდაში. ირაკლი ღარიბაშივლის მიერ ჩინეთთან დადებული სტრატეგიული პარტნიორობის ხელშეკრულება უაღრესად მნიშვნელოვანია არა მხოლოდ ეკონომიკური, არამედ პოლიტიკური თვალსაზრისითაც. ჩინეთი, როგორც მსოფლიოს უდიდესი ეკონომიკა და გაეროს უშიშროების საბჭოს მუდმივი წევრი ქვეყანა, დიდ როლს თამაშობს როგორც არაღიარების პოლიტიკის წარმატებაში, ისე, მომავალში, დარწმუნებული ვარ, სერიოზულ როლს შეასრულებს საქართველოს ტერიტორიული მთლიანობის აღდგენის საქმეშიც,“ - აღნიშნა სოზარ სუბარმა.მანვე ხაზი გაუსვა იმ გარემოებას, რომ საქართველომ, ირაკლი ღარიბაშვილის მეთაურობით შუამავლის როლი იკისრა აზეერბაიჯანსა და სომხეთს შორის მოლაპარაკებებში. „ცალკე უნდა აღინიშნოს შუამავლის ის მნიშვნელოვანი როლი, რაც საქართველომ და პირადად ირაკლი ღარიბაშვილმა იტვირთა აზერბაიჯანსა და სომხეთს შორის ურთიერთობებში. 2022-23 წლები, უკრაინაში რუსეთის შეჭრის პერიოდი, უმძიმესი დრო იყო (და დღესაც არის) საქართველოსთვისაც. ჩვენზე იყო უზარმაზარი ზეწოლა, რომ საქართველოს გაეხსნა მეორე ფრონტი რუსეთის წინააღმდეგ. ირაკლი ღარიბაშვილის ძალიან მტკიცე და პატრიოტულმა პოზიციამ განსაკუთრებული როლი ითამაშა, რომ საქართველოს ამ ზეწოლისთვის გაეძლო. პირდაპირ ვიტყვი - ომის დაწყების მეორე დღეს, 25 თებერვალს მის მიერ ნათქვამმა ოთხმა სიტყვამ, რომ საქართველო სანქციებს არ შეუერთდებოდა, საქართველო გადაარჩინა ომს. ამ 4 სიტყვისთვის მას წარმოუდგენელი შეურაცხყოფებისა და თავდასხმების ატანა მოუხდა, მაგრამ ქვეყანა გადარჩა და ამ სიმტკიცისთვის მას მადლობა ეკუთვნის საქართველოს თითოეული მოქალაქისგან, ყველასგან, ვისაც უყვარს საქართველო და ვინც არ არის უცხო ქვეყნის აგენტი. უფრო მეტიც, ამ ურთულეს პერიოდში, მან არა მხოლოდ ომში ჩართვას გადაარჩინა ჩვენი სამშობლო, არამედ შეძლო, სამი წლის განმავლობაში გაეორმაგებინა ქვეყნის ეკონომიკა და დღეს ჩვენ ერთ-ერთი ყველაზე სწრაფად განვითარებადი ეკონომიკა გვაქვს მსოფლიოში. ზრდის ამ ტემპით საქართველო განვითარებადი ქვეყნის სტატუსიდან მალე გადავა განვითარებული ქვეყნების ლიგაში, რაც თითოეული მოქალაქის კეთილდღეობაზეც აისახება,“ - განაცხადა სუბარმა.

ტაბლოიდი • 1695933023

ვინ მიართვა თაიას ყვავილები ,,პრაიმ ჰაუსში" და რა წერილი მიიღო

,,პრაიმ ჰაუსში" თაიას ყვავილები შეუგზავნეს.პროექტის მონაწილე სიურპრიზმა ძალიან გაახარა და წერილიც, რომელიც თაიგულს ახლდა, საჯაროდ წაიკითხა.,,შენ ხარ ჩემი ყველაზე ძლიერი გოგო, მიყვარხარ, წარმატებები ჩემო ციმციმა, შენი ჩოქუ", - ეწერა ბარათში.ასევე ნახეთ:VIDEO: ,,დროა, ზღაპრის ახალი თავი გადავფურცლოთ! არსად, შორს არ მიდიან არტისტები!" - კომენტატორების ემოციური შეძახილები,,საცოდაობა ტრიალებს... მზე, სიკეთის ბიჭი მოგვიკლეს..." - გურიაში მოკლული ახალგაზრდის ვინაობა ცნობილიარა ემართება სულს, გარდაცვალებიდან მესამე, მეცხრე და მეორმოცე დღეს - სასულიერო პირების მოსაზრება

საზოგადოება • 1695929991

,,საცოდაობა ტრიალებს... მზე, სიკეთის ბიჭი მოგვიკლეს..." - გურიაში მოკლული ახალგაზრდის ვინაობა ცნობილია

გურიაში, ჩოხატაურის რაიონის სოფელ გოგოლესუბანში 23 წლის ბიჭი მოკლეს. ახალგაზრდის შესახებ სოციალურ ქსელში შოთო სიხარულიძე წერს და ფოტოს ავრცელებს. მისი ინფორმაციითვე, მოკლული ბიჭი ავთო სიხარულიძეა.,,გლოვობს ჩემი ჩოხატაური, გოგოლესუბანი. მოკლულია 23 წლის ათუკა ავთო სიხარულიძე.  მიწამ როგორ უნდა მიგიღოს. მზე, სიკეთის ბიჭი მოგვიკლეს.დავმუნჯდი მე... ხალხო, ისეთი საცოდაობა ტრიალებს, ცრემლებით, გაცრეცილი, სასოწარკვეთილი სახეებით ჯერ ვერ დაჯერებული და ვერ გააზრებული ტრაგედიითა და ტკივილით სავსეები", - წერს შოთო სიხარულიძე სოციალურ ქსელში.ასევე ნახეთ:VIDEO: ,,დროა, ზღაპრის ახალი თავი გადავფურცლოთ! არსად, შორს არ მიდიან არტისტები!" - კომენტატორების ემოციური შეძახილებიVIDEO: ,,მთელი საქართველო დასცინოდა, იმიტომ შემოვიდა პროექტში" - მწვავე დაპირისპირება ,,პრაიმ ჰაუსში"„ყველას, ვინც ნახა და მოეწონა, ან არ მოეწონა „იარე ლიზა“ - ნანა ჯანელიძე, ფილმის შესახებ. 

დედაქალაქი • 1695927724

გაფრთხილება! წყალი 7 საათით შეწყდება - გადაამოწმეთ თქვენი მისამართი

,,ჯორჯიან უოთერ ენდ ფაუერი" განცხადებას ავრცელებს და მოსახლეობას წყალმომარაგების შეზღუდვის შესახებ აფრთხილებს.,,29 სექტემბერს ჯორჯიან უოთერ ენდ ფაუერი ვაკის რაიონში, სოფ.თხინვალას წყლის რეზერვუარზე წყალმომარაგების სტაბილურობისთვის აუცილებელ ტექნიკურ სამუშაოებს ჩაატარებს.კომპანიის ტექნიკური ჯგუფები გადაუდებელ  სამუშაოებს ინტენსიურ რეჟიმში შეასრულებენ. აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც 29 სექტემბერს 11:00 საათიდან 29 სექტემბრის 18:00 საათამდე წყალმომარაგება შეეზღუდება:ვაკის  რაიონში:სოფ თხინვალა :ვარაზის, კვაჭაძის , ავალიანის , თხინვალას ,  ვისრსალაძის , მარიამ ჯამბაკურ ორბელიანის ქუჩებს ( ჩიხებით და შესახვევებით ).ჯორჯიან უოთერ ენდ ფაუერი ბოდიშს უხდის მომხმარებლებს დისკომფორტისთვის", - ნათქვამია ინფორმაციაში.ასევე ნახეთ:VIDEO: ,,სტადიო დიეგო არმანდო მარადონა" ისევ კვარას სახელს სკანდირებს - ამაღელვებელი წუთებიVIDEO: ,,დროა, ზღაპრის ახალი თავი გადავფურცლოთ! არსად, შორს არ მიდიან არტისტები!" - კომენტატორების ემოციური შეძახილებიVIDEO: ,,მთელი საქართველო დასცინოდა, იმიტომ შემოვიდა პროექტში" - მწვავე დაპირისპირება ,,პრაიმ ჰაუსში"

მსოფლიო • 1695922784

VIDEO: ძლიერი აფეთქება სტამბოლში - ვრცელდება კადრები

სტამბოლში ძლიერი აფეთქება მოხდა. CNN-ის თურქული ბიუროს ინფორმაციით, მომხდარის შედეგად ორი ადამიანი დაიღუპა, ოთხი დაშავდა.წინასწარი ინფორმაციით, საცხოვრებელ კორპუსში აფეთქების მიზეზი გაზის გაჟონვა გახდა.ასევე ნახეთ:VIDEO: ,,დროა, ზღაპრის ახალი თავი გადავფურცლოთ! არსად, შორს არ მიდიან არტისტები!" - კომენტატორების ემოციური შეძახილებიVIDEO: ,,მთელი საქართველო დასცინოდა, იმიტომ შემოვიდა პროექტში" - მწვავე დაპირისპირება ,,პრაიმ ჰაუსში"დოლარის და ევროს ფასი შეიცვალა - ნახეთ ახალი კურსი

რეგიონი • 1695918300

გზების დეპარტამენტი მძღოლებს აფრთხილებს

 საავტომობილო გზების დეპარტამენტი მძღოლებს გზებზე დაწესებული აკრძალვების შესახებ აფრთხილებს.,,შიდასახელმწიფოებრივი მნიშვნელობის ჟინვალი-ბარისახო-შატილის საავტომობილო გზის 59-ე კმ-ზე, სოფელ გუდანთან, კლდის მასის ჩამოშლის გამო, დროებით აკრძალულია ყველა სახის ავტოტრანსპორტის მოძრაობა", - ნათქვამია ინფორმაციაში. ასევე ნახეთ:VIDEO: ,,სტადიო დიეგო არმანდო მარადონა" ისევ კვარას სახელს სკანდირებს - ამაღელვებელი წუთებიდოლარის და ევროს ფასი შეიცვალა - ნახეთ ახალი კურსიVIDEO: ,,დროა, ზღაპრის ახალი თავი გადავფურცლოთ! არსად, შორს არ მიდიან არტისტები!" - კომენტატორების ემოციური შეძახილებიVIDEO: ,,მთელი საქართველო დასცინოდა, იმიტომ შემოვიდა პროექტში" - მწვავე დაპირისპირება ,,პრაიმ ჰაუსში"

კრიმინალი • 1695916979

გურიაში 23 წლის ბიჭი მოკლეს

გურიაში, ჩოხატაურის რაიონის სოფელ გოგოლესუბანში მკვლელობა მოხდა. მოკლულია 23 წლის ბიჭი. ,,პრაიმტაიმის" ინფორმაციით, პოლიციას სავარაუდო დამნაშავე უკვე იდენტიფიცირებული ჰყავს.მომხდარზე შსს-მ გამოძიება სსკ-ის 108-ე მუხლით დაიწყო, რაც განზრახ მკვლელობას გულისხმობს.ამ დროისთვის დეტალები უცნობია.ასევე ნახეთ:VIDEO: ,,სტადიო დიეგო არმანდო მარადონა" ისევ კვარას სახელს სკანდირებს - ამაღელვებელი წუთებიდოლარის და ევროს ფასი შეიცვალა - ნახეთ ახალი კურსიVIDEO: ,,დროა, ზღაპრის ახალი თავი გადავფურცლოთ! არსად, შორს არ მიდიან არტისტები!" - კომენტატორების ემოციური შეძახილებიVIDEO: ,,მთელი საქართველო დასცინოდა, იმიტომ შემოვიდა პროექტში" - მწვავე დაპირისპირება ,,პრაიმ ჰაუსში"

დედაქალაქი • 1695914731

თბილისის მერია განცხადებას ავრცელებს

„თბილისობის“ ფარგლებში დაგეგმილი ღონისძიებების გამო, გარკვეულ ქუჩებზე ავტომობილების გადაადგილება დროებით შეიზღუდება, - ამის შესახებ განცხადებას თბილისის მერია ავრცელებს.„თბილისობა 2023“-თან დაკავშირებით დაგეგმილი ღონისძიებების გამო, 28 სექტემბრის 23:00 საათიდან 3 ოქტომბრის 08:00 საათამდე, დედაქალაქის გარკვეულ ქუჩებზე ტრანსპორტის გადაადგილება შეიზღუდება.კერძოდ, დროის აღნიშნულ მონაკვეთში, სატრანსპორტო საშუალებები გადაადგილებას ვერ შეძლებენ მშრალი ხიდიდან გრიგოლ ორბელიანის მოედნის მიმართულებით. მტკვრის მარჯვენა სანაპიროზე, ვირსალაძის ქუჩისკენ მიმავალი ავტომობილები იმოძრავებენ ათონელის ქუჩამდე, შემდეგ კი მარჯვნივ მოხვევით, ჭანტურიას ქუჩას დაუკავშირდებიან.სატრანსპორტო საშუალებებისთვის გადაადგილება შეიზღუდება აბანოს ქუჩიდან გრიშაშვილის ქუჩის მიმართულებითაც, გრიშაშვილის ქუჩაზე მოხვედრა კი შესაძლებელი იქნება ფირდოუსისა და ისფაჰანლის ქუჩების საშუალებით.ამასთან, 29 სექტემბრის 12:00 საათიდან პირველი ოქტომბრის 00:00 საათამდე, მოძრაობა აიკრძალება ხეთაგუროვის ქუჩაზე, N6-დან N40-მდე არსებულ საგზაო მონაკვეთში, რის გამოც, ტრანსპორტი გადაადგილდება მტკვრის მარცხენა სანაპიროს გამოყენებით.რაც შეეხება საზოგადოებრივ ტრანსპორტს, N320, N323 ავტობუსები და N536 მიკროავტობუსი, ბარათაშვილის ქუჩის მიმართულებით მოძრაობისას, ზაარბრიუკენის მოედნიდან ტოლსტოის ქუჩისკენ გადაადგილდებიან, შემდეგ კი ხეთაგუროვისა და ბარათაშვილის ხიდის გავლით, ბარათაშვილის ქუჩას დაუკავშირდებიან.უკუმიმართულებისას, აღნიშნული ავტობუსები და მიკროავტობუსი ბარათაშვილის ქუჩიდან მოძრაობას გააგრძელებენ ბარათაშვილის ხიდის მიმართულებით, დაუკავშირდებიან მტკვრის მარცხენა სანაპიროს, რის შემდეგაც, N323 ხეთაგუროვის ქუჩაზე გადაინაცვლებს და მგზავრებს დადგენილი სქემით მოემსახურება, ხოლო N320 და N536 ზაარბრიუკენის მოედნიდან უკვე არსებული მარშრუტით იხელმძღვანელებენ", - ნათქვამია განცხადებაში.ასევე ნახეთ:დოლარის და ევროს ფასი შეიცვალა - ნახეთ ახალი კურსიVIDEO: ,,დროა, ზღაპრის ახალი თავი გადავფურცლოთ! არსად, შორს არ მიდიან არტისტები!" - კომენტატორების ემოციური შეძახილებიVIDEO: ,,მთელი საქართველო დასცინოდა, იმიტომ შემოვიდა პროექტში" - მწვავე დაპირისპირება ,,პრაიმ ჰაუსში"