კობახიძე

ჯგუფურ ძალადობაში მონაწილეობის ბრალდებით დაკავებული ანდრო ჭიჭინაძე და ონისე ცხადაძე ირაკლი კობახიძის განცხადებას გამოეხმაურნენ

ჯგუფურ ძალადობაში მონაწილეობის ბრალდებით დაკავებული ანდრო ჭიჭინაძე და ონისე ცხადაძე პრემიერ-მინისტრის, ირაკლი კობახიძის განცხადებას გამოეხმაურნენ.მსახიობმა ანდრო ჭიჭინაძემ განაცხადა, რომ ირაკლი კობახიძის განცხადება სასამართლოზე ზეწოლას ახდენს და კონკრეტული განაჩენის გამოტანისკენ უბიძგებს.„უმაღლესი თანამდებობის პირი სასამართლო განხილვის პარალელურად როდესაც აკეთებს კომენტარებს, რომელიც შეიცავს უდანაშაულობის პრეზუმფციის დარღვევას, ეს არის პირდაპირი ზეწოლა სასამართლოს და ჩვენ მიმართ. ეს ნიშნავს იმას, რომ ის პირდაპირ აძლევს მოსამართლეს მითითებას, რომ ჩვენ მიმართ გამოიტანოს გამამტყუნებელი განაჩენი. საზოგადოებისთვის მინდა განვმარტო, თუ ვინმე დაზიანდა, მნიშვნელობა არ აქვს პოლიციელია თუ არა, ეს არის ძალიან ცუდი და ეს არავის უხარია. თუმცა, ის ადამიანები, რომლებიც აქ დაზარალებულის სტატუსით მიდიან და ამბობენ, რომ არ დავუნახივართ, არ უცინა, ვინ დააზიანა და ჩვენ მიმართ პრეტენზია არ აქვთ, – ასე არ დგინდება სამართალი. ის ადამიანები, რომლებიც პოლიციის ფირმით გოგოებს ურტყამდნენ, ისინი სად არიან, გაუგებარია რატომ არ არიან აქ? ეს არის პირდაპირი ზეწოლა სასამართლოზე და იმედი მაქვს, რომ აქ მარწუხებს გავუმკლავდებით“, – განაცხადა სასამართლო სხდომაზე ანდრო ჭიჭინაძემ.სასამართლო სხდომაზე ასევე სიტყვა ჰქონდა იუმორისტ ონისე ცხადაძეს, რომელმაც მაგალითად მოიყვანა აქციებზე დაკავებული სხვა ბრალდებულების გუშინდელი სასამართლო პროცესი, სადაც პროკურატურას მტკიცებულების სახით ვიდეო ჰქონდა წარმოდგენილი, თუმცა ვიდეოს ხმა არ ჰქონდა.„კობახიძე არის იურისტი, რომელმაც მგონი, იურიდიული საერთოდ არ იცის. ამბობს, რომ 1000 კაციდან 30 დავიჭირეთო, ანუ გამოდის, რომ ჩვენ პრევენციისთვის ვართ დაკავებული. პროკურორს ვეკითხები, თქვენც მიიჩნევთ, თუ არა რომ პრევენციის მიზნით ვართ დაკავებული?. გუშინ რა ფაქტიც, მოხდა მეორე სასამართლოზე, რა მტკიცებულებაც პროკურორმა მოიტანა, მაინტერესებს რა ვიდეოთი დავორგანიზდი მე? სულ მაინტერესებდა, რომელი ვიდეოთი დავორგანიზდი, რადგან სულ მეგონა, რომ ეს ვიდეო ტელევიზორში გავიდოდა და გავიგებდი, როგორ დავორგანიზდი” გავიგე, რომ ამ ვიდეოს არ ჰქონდა ხმა. მაგ დროს, როდესაც ვიდეოს არ ექნებოდა ხმა, კონკრეტულად ის პირი, ვინც წარადგინა ვიდეო მოსამართლემ უნდა დააჩაქუჩოს. ამბავი აქვთ ატეხილი გარეთ „ქოცებს“, რომ 2012 წლიდან რუსებს გვეძახდნენო. 2012 წლიდან კი არა, ბიძინა ივანიშვილი არის დაბადებიდან რუსი“, – განაცხადა ონისე ცხადაძემ.ცხადაძეს ამ სიტყვების წარმოთქმის შემდგომ მოსამართლე ნინო გალუსტაშვილმა სიტყვის დასრულებისკენ მოუწოდა და მოიხთოვა, რომ დარბაზში შემდეგი მოწმე შემოეყვანათ.პრემიერ-მინისტრმა, ირაკლი კობახიძემ აჭარის საზოგადოებრივი მაუწყებლის ეთერში განაცხადა, „დაკავებულია მხოლოდ 30 ადამიანი 1000-მდე ადამიანიდან. ეს აჩვენებს იმას, თუ რამდენად მაღალია გამოძიების სტანდარტი ჩვენს ქვეყანაში. თუ არ იყო უტყუარი მტკიცებულებები, თუ არ იყო იდენტიფიცირებადი ადამიანი და კონკრეტულად ძალადობრივი ქმედება, ამ შემთხვევაში არ ხდებოდა ადამიანის დაკავება“.ცნობისთვის, პარლამენტთან მიმდინარე საპროტესტო აქციების დროს, ჯგუფურ ძალადობაში მონაწილეობის ბრალდებით 11 პირი დააკავეს. დაკავებულებს – ანდრო ჭიჭინაძეს, ონისე ცხადაძეს, ჯანო არჩაიას, რუსლან სივაკოვს, ლუკა ჯაბუას, გურამ მირცხულავას, ვალერი თეთრაშვილს, გიორგი ტერიშვილს, ირაკლი ქერაშვილს, რევაზ კიკნაძესა და სერგეი კუხარჩუკს ბრალი საქართველოს სისხლის სამართლის კოდექსის 225-ე მუხლის მეორე ნაწილით წარედგინათ, რაც ჯგუფურ ძალადობაში მონაწილეობას გულისხმობს. აღნიშნული დანაშაული სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს.

პოლიტიკა • 1753345889

ირაკლი კობახიძე ისრაელის ელჩს შეხვდა

საქართველოს პრემიერ-მინისტრი ირაკლი კობახიძე ისრაელის საგანგებო და სრულუფლებიან ელჩს, ჰადას მეიცადს შეხვდა, რომელიც საქართველოში დიპლომატიურ მისიას ასრულებს.პრემიერ-მინისტრის პრესსამსახურის ცნობით, გამოსამშვიდობებელ შეხვედრაზე კიდევ ერთხელ გაესვა ხაზი საქართველოსა და ისრაელს შორის არსებულ მრავალსაუკუნოვან ურთიერთობებსა და განსაკუთრებულ მეგობრობას.„პრემიერ-მინისტრმა ელჩს ორმხრივი ურთიერთობების კიდევ უფრო განვითარებაში შეტანილი წვლილისთვის მადლობა გადაუხადა და სამომავლო საქმიანობაში წარმატებები უსურვა“, – აღნიშნულია პრემიერ-მინისტრის პრესსამსახურის მიერ გავრცელებულ ინფორმაციაში.მათივე ცნობით, შეხვედრისას ასევე ყურადღება დაეთმო ახლო აღმოსავლეთში ბოლო პერიოდში განვითარებულ მოვლენებს და ხაზი გაესვა დიპლომატიური ძალისხმევის მნიშვნელობას ხანგრძლივი მშვიდობისა და სტაბილურობის უზრუნველსაყოფად.

პოლიტიკა • 1753334440

ნანა კაკაბაძე ბარამიძეზე: როდესაც არგუმენტები არ ჰყოფნის ადამიანს, მაშინ მიმართავს წყევლა-კრულვას - კაცმა თავი გამოიდო, მე მოვიყვან ივანიშვილის პრორუსობის არგუმენტებსო, და ზიზღისა და სიძულვილის მეტი ვერაფერი თქვა

როდესაც არგუმენტები არ ჰყოფნის ან საერთოდ არ გააჩნია ადამიანს, სწორედ მაშინ მიმართავს წყევლა-კრულვას, ლანძღვა-გინებას, ანთხევს ზიზღსა და სიძულვილს. სწორედ არგუმენტების არქონამ აქცია ეს ყველაფერი ნაცების სტილად, ერთგვარ ბრენდად, რისი კლასიკური ნიმუშიც გიორგი ბარამიძის ეს შეფასებებია, - წერს წერს "ერთიანი ნეიტრალური საქართველოს" წევრი, ნანა კაკაბაძე, სოციალურ ქსელში ბიძინა ივანიშვილის „პრორუსოების“ შესახებ გიორგი ბარამიძის მოსაზრებაზე.კაკაბაძე აღნიშნავს, რომ ბარამიძე თავისი ბრალდებების უსაფუძვლობის, უშინაარსობის გადასაფარად და შესავსებად მაქსიმალურად იყენებს მხოლოდ შეფასებებს.„ „პრორუსი“ ივანიშვილი და „პროევროპელი“ ბარამიძეყოველდღე იმეორებს ნაც-პუბლიკა მათთვის უდავოდ ქცეულ ჭეშმარიტებებს, რომ ბიძინა ივანიშვილი „რუსულ საქმეს აკეთებს“, „საქართველოს რუსეთის გუბერნიად აქცევს“, „ის რუსეთის მონაა“ და ამიტომ ყველა ქართველი პატრიოტის ვალია მისი ხელისუფლების დამხობა. როდესაც ეკითხები, რაში ჩანს ბიძინას და „ოცნების“ რუსეთუმეობაო, დამცინავად შემოგხედავენ და გეტყვიან, მაგას რა კითხვა უნდაო.რამდენიმე დღის წინ ირაკლი კობახიძემ კიდევ ერთხელ განაცხადა: „მიუხედავად იმისა, რომ მთელი ამ წლების მანძილზე გვესმის ბრალდებები ბიძინა ივანიშვილის პრორუსობისა და რუსული კავშირების შესახებ, დღემდე ამის დამადასტურებელი იოტისოდენა ფაქტიც კი არავის წარმოუდგენია საზოგადოებისთვის“-ო.და აი, ამ განცხადების მეორე დღეს, ძველი გვარდიის ნაც-ლიდერმა გიორგი ბარამიძემ იკადრა და ითავა იმის ახსნა, თუ რაში გამოიხატება ბიძინა ივანიშვილის რუსეთუმეობა. ბარამიძის ეს ახსნა-განმარტება იმდენად საინტერესოა, რომ გვინდა მაქსიმალურად ბევრი ხალხი გაეცნოს მის არგუმენტებს და ბოლოს და ბოლოს ყველამ გაიგოს, რას გულისხმობენ ნაცები ბიძინას „რუსეთუმეობაში“ და რა არგუმენტები მოჰყავთ ამის სამტკიცებლად. ბარამიძე წერს:1. „ამ ქართული გვარის მქონე ადამიანმა, მაგრამ რუსმა ოლიგარქმა მთელი თავისი მილიარდები სწორედ რუსეთში იშოვა“. (კახა ბენდუქიძის, თემურ ალასანიას, კობა ნაყოფიას, ელენე ხოშტარიას, პაატა ბურჭულაძის, ბუბა კიკაბიძის და სხვა ნაცების მიერ რუსეთში ნაშოვნ ფულს სუნი არ უდის და მარტო ბიძინას ფულია „ხიხია“).2. „მან თავისი სამშობლო დაადანაშაულა რუსეთთან ომში“ (მსგავსი ივანიშვილს არსად უთქვამს და როგორც ჩანს, ბარამიძემ ნაცების მიერ აღიარებული „პრეზიდენტ“ სალომე ზურაბიშვილის სიტყვები მიაწერა ბიძინა ივანიშვილს).3. „რუსული სპეცოპერციით მოიგო არჩევნები“ (ყოველგვარი არგუმენტების გარეშე 2012 წლის არჩევნებში ნაცების დამარცხებას უწოდებს „რუსულ სპეცოპერაციას“, რითაც კიდევ ერთხელ ჩანს, რომ ნაცებმა „ვერც ვერაფერი ისწავლეს და ვერც ვერაფერი დაივიწყეს“).4. „პოლიტპატიმრის სტატუსი მიანიჭა რუს ჯაშუშებს“ (ენას ძვალი არა აქვს - მთავარია, ვინმეს მიაწებოს ჯაშუშის იარლიყი და მერე ყველაფერი რწმენის ამბავია, ვის სჭირდება მტკიცებულება?).5. „სწორედ ამ ადამიანის დამსახურებაა, რომ რუსებმა მიიღეს თბილისის დაცვის ზღუდეების თაობაზე დეტალური ინფორმაცია“ (მხოლოდ ბრალდება და არავითარი მტკიცებულება!).6. „ამ მოღალატე რუსის დამსახურებაა, რომ რუსებმა მიიღეს 2008 წელს რუსეთის წინააღმდეგ მებრძოლი ქართველების სრული სია“ (მხოლოდ ბრალდება და არავითარი მტკიცებულება!).7. „ამ მოღალატე ადამიანის და მისი კრიმინალთა რუსული ბანდის დამსახურებაა, რომ ჩვენს ქვეყანაში არსებობს არალეგიტიმური პარლამენტი, რომელშიც არსებობს რაღაც სტრუქტურა ღალატის კომისიის სახით, რომელმაც რუსეთს უნდა ჩამობანოს სისხლიანი ხელები, გაამართლოს რუსეთის აგრესია და დაადანაშაულოს საკუთარი ქვეყნის ხელისუფლება“ (არჩევნებში საკუთარი პარტიის მარცხის გადაბრალება გამარჯვებული პარტიაზე, თითქოსდა არჩევნების გაყალბებაზე აპელირება და ისევ არავითარი მტკიცებულება! ისევ უსაფუძვლო წინასწარმეტყველება, რომ საპარლამენტო კომისია გაამართლებს რუსეთის აგრესიას და დაადანაშაულებს საკუთარი ქვეყნის ხელისუფლებას, რითაც რუსეთს ჩამობანს სისხლიან ხელებს).8. „ამ მოღალატე ადამიანის ბანდამ, ახლახან, ეუთო-ს საპარლამენტოა ასამბლეაზე ხმა არ მისცა სირიისადმი მოწოდებას, რომ სირიამ კვლავ აღიაროს საქართველოს ტერიტორიული მთლიანობა და უკან წაიღოს რუსეთის მიერ დროებით ოკუპირებული აფხაზეთისა და ცხინვალის ე.წ. აღიარება“ (ეს ისეთი აბსურდია ფაქტების თავდაყირა დაყენება და „მამალი ტყუილი“, რომ მის შეფასებაზე დროის დაკარგვაც არ ღირს).9. „რუსი ოლიგარქი“ ყველაფერს აკეთებს იმისთვის, რომ საქართველო იზოლირებული იყოს ყველა მისი ჭეშმარიტი მეგობრისგან. რა საშინელებას ლაპარაკობენ, თითქოს ევროკავშირს, აშშ-ს უნდათ, რომ საქართველო ომში ჩაითრიონ, აქ კაცი კაცი არ იყოს და ქალი ქალი არ იყოს (თურმე ევროკავშირი „წმინდა ძროხაა“ და მისი კრიტიკა „საშინელება“ ყოფილა. მხოლოდ ნაცები უარყოფენ საქართველოში მეორე ფრონტის გახსნის მოწოდებებსაც და ლგბტ პროპაგანდის თავისუფლად დაშვების კატეგორიული მოთხოვნების არსებობასაც).10. ბოლოს, გიორგი ბარამიძეს სჯერა, რომ განურჩევლად პარტიულობისა, ქართველი ხალხი გააგრძელებს თავის მშვიდობიან, არაძალადობრივ, მაგრამ პრინციპულ და თანმიმდევრულ ბრძოლას და „ამ მოღალატეთა და კრიმინალთა ბანდას, ამ ქართული გვარის მქონე რუსი ოლიგარქის მეთაურობით აუცილებლად დაამარცხებს“.თუ კარგად დავაკვირდებით, თავისი ბრალდებების უსაფუძვლობის, უშინაარსობის გადასაფარად და შესავსებად მაქსიმალურად იყენებს მხოლოდ შეფასებებს. ამ ნახევარდგვერდიანი „ნააზრევის“ ყველა წინადადებაში გვხვდება შეფასებები: „ქართული გვარის მქონე რუსი ოლიგარქი“, „რუსული სპეცოპერაცია“, „მოღალატე რუსი“, „მოღალატე ივანიშვილი და მისი კრიმინალთა რუსული ბანდა“, „ამ მოღალატე ადამიანის ბანდა“. „მოღალატეთა და კრიმინალთა ბანდას ქართული გვარის მქონე რუსი ოლიგარქის მეთაურობით“.აი, თურმე რაში გამოიხატება ბიძინა ივანიშვილის „პრორუსობა“. როდესაც არგუმენტები არ ჰყოფნის ან საერთოდ არ გააჩნია ადამიანს, სწორედ მაშინ მიმართავს წყევლა-კრულვას, ლანძღვა-გინებას, ანთხევს ზიზღსა და სიძულვილს. სწორედ არგუმენტების არქონამ აქცია ეს ყველაფერი ნაცების სტილად, ერთგვარ ბრენდად, რისი კლასიკური ნიმუშიც გიორგი ბარამიძის ეს შეფასებებია. კაცმა თავი გამოიდო, მე მოვიყვან ივანიშვილის პრორუსობის არგუმენტებსო, და ზიზღისა და სიძულვილის მეტი ვერაფერი თქვა!", - წერს ნანა კაკაბაძე.

პოლიტიკა • 1753331592

ირაკლი კობახიძე: 2019 წელს სალომე ზურაბიშვილს ერთი თვის ინტერვალით დაუსაქმეს ორივე შვილი Deep State-ის ჩარევით, ამის შემდეგ შეიცვალა ჯერ რიტორიკა და 2022 წელს პირდაპირ ჩაერთო ომის რიტორიკაში

,,2019 წელს სალომე ზურაბიშვილს ერთი თვის ინტერვალით დაუსაქმეს ორივე შვილი Deep State-ის ჩარევით. ძალიან სწრაფი დაწინაურება მოხდა, ოჯახის როგორც ერთი, ისე მეორე წევრის", - ამის შესახებ საქართველოს პრემიერ-მინისტრმა ირაკლი კობახიძემ აჭარის საზოგადოებრივი მაუწყებლის გადაცემა "თავისუფალ სივრცეში" განაცხადა.როგორც პრემიერმა აღნიშნა, ამის შემდეგ სალომე ზურაბიშვილმა შეიცვალა ჯერ რიტორიკა და უკვე 2021 წელს სრულად გამოავლინა საკუთარი თავი."სალომე ზურაბიშვილის მხარდაჭერასთან დაკავშირებით 2018 წელს გუნდმა მიიღო გადაწყვეტილება. თავიდან დამოუკიდებლად მოქმედებდა სალომე ზურაბიშვილი, ყოველ შემთხვევაში, ასე ჩანდა. 2019 წელს მას ერთი თვის ინტერვალით დაუსაქმეს ორივე შვილი Deep State-ის ჩარევით. ძალიან სწრაფი დაწინაურება მოხდა, როგორც ერთი, ისე მეორე ოჯახის წევრის და ამის შემდეგ შეიცვალა ჯერ რიტორიკა და უკვე 2021 წელს სრულად გამოავლინა საკუთარი თავი სალომე ზურაბიშვილმა. პროცესები დაიწყო 2019 წლიდან. 2020 წელს იყო კოვიდი, ამიტომ მისი ჩართულობის ისეთი საჭიროება, როგორც ჩანს, არ იდგა, იქაც პასიურ რეჟიმში იყო სალომე ზურაბიშვილი და ინარჩუნებდა დამოუკიდებელი პოლიტიკოსის იმიჯს. თუმცა 2021 წლიდან, როცა დაიწყო ეს ცნობილი ე.წ. მიშელის მოლაპარაკებები, შემდეგ შეთანხმება და ა.შ. ყველას ახსოვს ეს პროცესები, მაშინ უკვე შეცვალა თავიდან ბოლომდე საკუთარი დამოკიდებულება, პირდაპირ გაჰყვა დირექტივებს, რომლებიც მოდიოდა Deep State-ის, "გლობალური ომის პარტიის" მხრიდან. ეს კიდევ უფრო მეტად გამძაფრდა 2022 წელს, პირდაპირ ჩაერთო ომის რიტორიკაში სალომე ზურაბიშვილი. კულუარული შეხვედრები როცა იმართებოდა, ისიც მხარს უჭერდა მებრძოლი მოხალისეების გაგზავნას, სანქციების დაწესებას და ა.შ. ამ ყველაფრის ღია მხარდამჭერი იყო", - განაცხადა პრემიერმა.მთავრობის მეთაურმა ასევე უპასუხა შეკითხვას, თუ რატომ დაუჭირა "ქართულმა ოცნებამ" მხარი სალომე ზურაბიშვილის კანდიდატურას არჩევნებზე."რეალურად არჩევნებამდე დარჩენილი იყო დაახლოებით 1 თვე, როდესაც გამოიკვეთა, რომ მის იმიჯს ექმნებოდა სერიოზული პრობლემა სხვადასხვა მიზეზის გამო, მათ შორის, მისი განცხადებების გამო. ამიტომ, იქ უკვე, რეალურად, ძალიან რთული იყო კანდიდატურის შეცვლა, ანუ მის მაგივრად სხვა კანდიდატისთვის მხარის დაჭერა. ბუნებრივია, ასე ვერ მოვიქცეოდით, წინააღმდეგ შემთხვევაში, უარი რომ გვეთქვა სალომე ზურაბიშვილის მხარდაჭერაზე პირდაპირ, ვაშაძე გახდებოდა პრეზიდენტი, ამას ვერ დავუშვებდით. დაგვიანებული იყო, როდესაც მან დაიწყო ასეთი დამაზიანებელი განცხადებების გაკეთება", - განაცხადა ირაკლი კობახიძემ.

პოლიტიკა • 1753294772

დღეს, პრაქტიკულად მკვდარია მთლიანად ექსტრემისტული ფლანგი. იკრიბება ყოველდღე 50-დან 100 კაცამდე, ეს არის და ეს, პირდაპირ საკუთარი თავის დისკრედიტებას ახდნენ ეს ადამიანები - ირაკლი კობახიძე

დღეს პრაქტიკულად მკვდარია მთლიანად ექსტრემისტული ფლანგი. იკრიბება ყოველდღე 50-დან 100 კაცამდე, ეს არის და ეს, პირდაპირ საკუთარი თავის დისკრედიტებას ახდნენ ეს ადამიანები - ამის შესახებ საქართველოს პრემიერ-მინისტრმა ირაკლი კობახიძემ აჭარის საზოგადოებრივი მაუწყებლის გადაცემა " ვახო ხუზმიაშვილის თავისუფალ სივრცეში" განაცხადა.

პოლიტიკა • 1753293021

ოპოზიცია არჩევნებზე ტოტალური მარცხისთვის არის განწირული, არავითარი შანსი არ აქვთ - როცა მმართველ პარტიას აქვს ამხელა რეიტინგი, არც ერთი კონფიგურაცია მათ არ უშველით - ირაკლი კობახიძე

ოპოზიცია არჩევნებზე ტოტალური მარცხისთვის არის განწირული, არავითარი შანსი არ აქვთ, - ამის შესახებ საქართველოს პრემიერ-მინისტრმა ირაკლი კობახიძემ აჭარის საზოგადოებრივი მაუწყებლის გადაცემა „ვახო ხუზმიაშვილის თავისუფალ სივრცეში“ განაცხადა.მთავრობის მეთაურის თქმით, როცა მმართველ პარტიას აქვს 55%-იანი რეიტინგი, არც ერთი კონფიგურაცია მათ არ უშველით.„არანაირი მნიშვნელობა არ აქვს, როგორ გადალაგდება. შესაკრებთა გადანაცვლებით ჯამი არ იცვლება. ჯამი არის ძალიან დაბალი. შესაბამისად, როგორც არ უნდა დაჯგუფდნენ, ოთხივე რომ გაერთიანდნენ, ის ორი რომ გაერთიანდეს, ერთი რომ დარჩეს, არც ერთი რომ არ დარჩეს, ასეც და ისეც ტოტალური მარცხისთვის არიან განწირულები. არავითარი შანსი არ აქვთ. როცა მმართველ პარტიას აქვს ამხელა რეიტინგი, 55%-ს ვართ გადაცილებულები, არც ერთი კონფიგურაცია მათ არ უშველით“, - განაცხადა პრემიერმა.

პოლიტიკა • 1753292954

ჩვენ გვაქვს მარტივი მიზანი - 64-ვე მუნიციპალიტეტში მერის და საკრებულოს არჩევნების მოგება, ამას ვერაფერი ვერ დაუდგება წინ - ირაკლი კობახიძე

ჩვენ გვაქვს მარტივი მიზანი - 64-ვე მუნიციპალიტეტში მერის და საკრებულოს არჩევნების მოგება, ამას ვერაფერი ვერ დაუდგება წინ, - ამის შესახებ საქართველოს პრემიერ-მინისტრმა ირაკლი კობახიძემ ტაჭარის საზოგადოებრივი მაუწყებლის გადაცემა „ვახო ხუზმიაშვილის თავისუფალ სივრცეში“ განაცხადა.მთავრობის მეთაურის თქმით, ნებისმიერი კონფიგურაციით, „ქართული ოცნება“ მოვიგებთ როგორც მერის, ისე საკრებულოს არჩევნებს„ჩვენ ველოდებით უფრო მაღალ პროცენტს, ვიდრე გვქონდა წინა არჩევნებზე. მაშინ ქვეყანაში ავიღეთ 54,5% და ვფიქრობ, რომ დღევანდელი მოცემულობით მინიმუმ 2%-ით მეტის აღება შეგვიძლია. თუმცა დაიწყება საარჩევნო კამპანია და კიდევ უფრო მეტად არის შესაძლებელი შედეგის გაზრდა. ეს კონფიგურაციაზეც იქნება დამოკიდებული, თუმცა ეს კონფიგურაციას ვერავითარ არსებით ცვლილებას ვერ შეიტანს შედეგებში. ჩვენ გვაქვს მარტივი მიზანი - 64-ვე მუნიციპალიტეტში მერის და საკრებულოს არჩევნების მოგება. ამას ვერაფერი ვერ დაუდგება წინ. 64-ვე მუნიციპალიტეტში, ნებისმიერი კონფიგურაციით, მოვიგებთ როგორც მერის, ისე საკრებულოს არჩევნებს. საერთო რეიტინგიც იძლევა ამის თქმის საშუალებას", - განაცხადა პრემიერმა.

პოლიტიკა • 1753292668

გმირად რომ გვიცხადებ ადამიანს, რომელმაც პოლიციის უფროსს გაარტყა ხელი, სამარცხვინოა, უნდა აღიარონ, რომ ეს ქმედება იყო აბსოლუტურად ამორალური, დასაძრახი და მერე ვისაუბროთ ყველაფერ დანარჩენზე, პოლიციის დაკნინების უფლებას ვერავის მივცემთ - ირაკლი კობახიძე

გმირად რომ გვიცხადებ ადამიანს, რომელმაც პოლიციის უფროსს გაარტყა ხელი, ეს სამარცხვინოა, უნდა აღიარონ, რომ ეს ქმედება იყო აბსოლუტურად ამორალური, დასაძრახი და მერე ვისაუბროთ ყველაფერ დანარჩენზე, - ამის შესახებ საქართველოს პრემიერ-მინისტრმა ირაკლი კობახიძემ აჭარის საზოგადოებრივი მაუწყებლის გადაცემა "თავისუფალ სივრცეში" მზია ამაღლობელთან დაკავშირებით დასმული კითხვის საპასუხოდ განაცხადა.როგორც მთავრობის მეთაურმა აღნიშნა, როდესაც ვიღაც ასეთი ფორმით აყენებს შეურაცხყოფას პოლიციელს, ეს სისხლის სამართლის დანაშაულის დონის შესაბამისი ქმედებაა.„ჯერ შევთანხმდეთ იმაზე, ჩაიდინა თუ არა მზია ამაღლობელმა დანაშაული და მერე ვიმსჯელოთ კვალიფიკაციაზე. ამასაც აღიარებენ თუ არა, ამაზეც არ მომისმენია მათი აღიარება. პირველ რიგში ყველამ უნდა აღიაროს, რომ ძალიან მძიმე ქმედება იქნა ჩადენილი. დანაშაულის კვალიფიკაციას იძლევა შესაბამისი სტრუქტურა, სასამართლო, მაგრამ როდესაც ვიღაც გამოდის და პოლიტიკურ ბრალდებას გვიყენებს, მაშინ ისიც უნდა დაამტკიცოს, რომ იქ დანაშაული არ იყო ჩადენილი. ცალსახად შეიძლება ვთქვათ ის, რაც წერია სისხლის სამართლის კოდექსში, როდესაც ვიღაც ასეთი ფორმით აყენებს შეურაცხყოფას პოლიციელს, ეს არის ცალსახა, არა მარტო ფორმალურად, არამედ თავისი არსით სისხლის სამართლის დანაშაულის დონის შესაბამისი ქმედება, ეს უნდა აღიაროს ყველამ. ამას თუ არ აღიარებენ, მაშინ ცალსახად შეგვიძლია ვთქვათ, რომ ისმის პოლიტიკური ბრალდებები. აქაც იყო დაკვეთა. მე არ ვგულისხმობ კონკრეტული ადამიანის მიმართ დაკვეთას, დაკვეთა იყო ის, რომ უნდა დაეკნინებინათ უცხოელ აგენტებს ქართული პოლიცია და ქართველი პოლიციელი. სწორედ ამიტომ ვიხილეთ ის, რაც ვიხილეთ. კონკრეტულ შემთხვევაში სახეში გაარტყეს ხელი პოლიციის უფროსს. ეს მიზანმიმართული ქმედებები იყო“, - განაცხადა ირაკლი კობახიძემ.მისივე თქმით, გლობალური ომის პარტიის ერთ-ერთი მთავარი ხაზი არის სწორედ ძალოვანი სტრუქტურების დაკნინება, რადგან ყველამ იცის, რომ როგორც კი დასუსტდება პოლიცია, სახელმწიფო მოშლილია.„ამიტომ აკეთებდა გახარია იმას, რასაც აკეთებდა დავალებით. აიყვანა პანკისში პოლიციელები და გაალახინა პრაქტიკულად ადგილობრივ მოსახლეობას. ქვებს ესროდნენ და მოუწიათ უკან წამოსვლა. ეს იყო კონკრეტული დავალების შედეგი, რომელიც მაშინ შეასრულა შინაგან საქმეთა სამინისტროს ხელმძღვანელმა. იგივე ბასიანის შემთხვევა, გახსოვთ, როდესაც პოლიციელების მაგივრად ბოდიში მოიხადა მაშინდელმა მინისტრმა გახარიამ. ვინ ეკითხებოდა მას პოლიციელების მაგივრად ბოდიშის მოხდას და ა.შ. 20 ივნისს რაც გააკეთა, პირდაპირი მიზანი იყო პოლიციის დისკრედიტაცია, როდესაც საქმე მიიყვანა რეზინის ტყვიების სროლამდე და ამან მძიმე შედეგი დააყენა. ეს ყველაფერი არის ერთი ხაზით მართული - პოლიცია უნდა იყოს დაკნინებული. ამის უფლებას ვერავის მივცემთ. შესაბამისად, ჯერ პირველ რიგში ვისაუბრებ იმაზე, იყო თუ არა პირველ რიგში, ამორალური ქმედება ჩადენილი, კვალიფიკაციას აძლევს სასამართლო. რაც შეეხება სასჯელს, ჯერ სასჯელიც არ არის დამდგარი როცა ამაზე მიდის საუბარი, არის კონკრეტული მუხლით აღძრული საქმე, საბოლოო ჯამში სასამართლო იღებს გადაწყვეტილებას სასჯელთან დაკავშირებით. ჯერ დაველოდოთ სასჯელს, ვინ ეკითხება მათ კვალიფიკაციის განხილვას. ჯერ აღიარონ, რომ ძალიან მძიმე ქმედება იქნა ჩადენილი, გმირად რომ გვიცხადებ ადამიანს, რომელმაც პოლიციის უფროსს გაარტყა ხელი, ეს სამარცხვინოა. უნდა აღიარონ, რომ ეს ქმედება იყო აბსოლუტურად ამორალური, დასაძრახი და მერე ვისაუბროთ ყველაფერ დანარჩენზე“, - განაცხადა ირაკლი კობახიძემ.

პოლიტიკა • 1753292526

რეპრესიები არავის არ სჭირდება ამ ქვეყანაში, მაგრამ სამართლის აღსრულება მნიშვნელოვანია, სახელმწიფო ვერ იქნება მუდმივად პასიურ რეჟიმში და აუცილებელია რეაგირება ჩადენილ დანაშაულებზე - ირაკლი კობახიძე

დაკავებულია მხოლოდ 30 ადამიანი, 1000-მდე ადამიანიდან. ეს აჩვენებს იმას, თუ რამდენად მაღალია გამოძიების სტანდარტი ჩვენს ქვეყანაში, - ამის შესახებ საქართველოს პრემიერ-მინისტრმა ირაკლი კობახიძემ აჭარის საზოგადოებრივი მაუწყებლის გადაცემა "ვახო ხუზმიაშვილის თავისუფალ სივრცეში" განაცხადა.მთავრობის მეთაურის თქმით, თუ არ იყო უტყუარი მტკიცებულებები, თუ არ იყო იდენტიფიცირებადი ადამიანი და კონკრეტულად ძალადობრივი ქმედება, ამ შემთხვევაში არ ხდებოდა ადამიანის დაკავება.„სასიამოვნო არ არის არცერთი ადამიანის დაკავება, მით უმეტეს ახალგაზრდა ადამიანის და ა.შ. ამაზე ყველა ვთანხმდებით, ცალსახად ასეა. მაგრამ მე გეტყვით, რა არის მთავარი პრობლემა, თქვენ გახსოვთ, 2023 წელს იყო უმძიმესი პროცესები, რევოლუციის მცდელობა, ლამის გადაწვეს თბილისი, გახსოვთ, რა ხდებოდა ცენტრალურ უბნებში. მხოლოდ ერთი ადამიანი იყო მაშინ დაკავებული და ისიც შეწყალებით გაათავისუფლა სალომე ზურაბიშვილმა. შედეგად მივიღეთ რა, რომ გაჩნდა დაუსჯელობის განცდა. ზუსტად იგივე განმეორდა ერთი წლის თავზე, 2024 წლის გაზაფხულზე. იქ დაპატიმრებული იყო მგონი 6 ადამიანი, იქიდანაც ერთი შეიწყალა სალომე ზურაბიშვილმა, დანარჩენზე მიმდინარეობდა გამოძიება. ამანაც კიდევ ერთხელ გააჩინა დაუსჯელობის განცდა, ამიტომ, ჩვენ ნოემბერ-დეკემბერში მივიღეთ კიდევ ერთი მცდელობა. როდესაც ადამიანები ხედავენ, რომ შეუძლიათ ქალაქი გადაწვან, პარლამენტს ცეცხლი წაუკიდონ, პოლიციელს აგინო, აფურთხო, ქვები ესროლო, თვალის ჩინი დააკარგვინო და ა.შ. და შედეგს იღებ ნულს, რა თქმა უნდა, ეს ახალისებს დანაშაულს. მარტივი ლოგიკაა, დანაშაული არ ისჯება და ხდება მისი წახალისება. აქედან გამომდინარე, რა თქმა უნდა, სახელმწიფო ვერ იქნება მუდმივად პასიურ რეჟიმში და აუცილებელია რეაგირება ჩადენილ დანაშაულებზე. მართალია, დასანანია, მაგრამ აუცილებელი გახდა ძალოვანი სტრუქტურების მიერ დაახლოებით 30 ადამიანის დაკავება, პირველ რიგში, სწორედ პრევენციული მიზნებისთვის, რეპრესიები არავის არ სჭირდება ამ ქვეყანაში, მაგრამ პრევენციისთვის ძალიან მნიშვნელოვანი იყო ის, რომ სამართალი აღსრულებულიყო. თავიდან, შეგახსენებთ, თუ რამდენად მაღალი სტანდარტია. ჯამში ალბათ 1000-მდე ადამიანი იყო ჩართული ძალადობაში სხვადასხვა დღეს, რეგულარულად 500 კაცი მაინც ძალადობდა ყოველდღიურ რეჟიმში 5 დღის განმავლობაში, ჯამში იქნებოდა 1000-მდე ადამიანი უშუალოდ ძალადობაში ჩართული. დაკავებულია მხოლოდ 30 ადამიანი, 1000-მდე ადამიანიდან. ეს აჩვენებს იმას, თუ რამდენად მაღალია გამოძიების სტანდარტი ჩვენს ქვეყანაში. თუ არ იყო უტყუარი მტკიცებულებები, თუ არ იყო იდენტიფიცირებადი ადამიანი და კონკრეტულად ძალადობრივი ქმედება, ამ შემთხვევაში არ ხდებოდა ადამიანის დაკავება. ამის შედეგია, რომ 1000-დან 30 ადამიანია, დაახლოებით, დაკავებული. რეალურად, 3%-იან მაჩვენებელზეა საუბარი, როდესაც 1000-მდე ადამიანი ძალადობდა. სტანდარტი არის მაღალი და ამ სტანდარტის შესაბამისად უნდა გაგრძელდეს სამართლებრივი პროცესები, მაგრამ დაუსჯელობის განცდას ჩვენ ვერ დავტოვებთ ჩვენს ქვეყანაში“, - განაცხადა პრემიერ-მინისტრმა.

პოლიტიკა • 1753292387

გუნდი არის ერთიანი და ძლიერი როგორც არასდროს, გუნდს ჰყავს ლიდერი ბიძინა ივანიშვილი, ყველაფერი შეკრულია საერთო იდეის და იმ პრინციპების გარშემო, რომლებიც პარტიას დაფუძნების მომენტიდან დაუდო საფუძვლად ბიძინა ივანიშვილმა - ირაკლი კობახიძე

გუნდი არის ერთიანი და ძლიერი როგორც არასდროს, ამ გუნდს ჰყავს ლიდერი ბიძინა ივანიშვილი, ჩვენი პარტიის დამფუძნებელი და საპატიო თავმჯდომარე, ყველაფერი არის შეკრული საერთო იდეის და იმ პრინციპების გარშემო, რომლებიც საფუძვლად დაუდო ბიძინა ივანიშვილმა პარტიას დაფუძნების მომენტიდან, - ამის შესახებ საქართველოს პრემიერ-მინისტრმა ირაკლი კობახიძემ აჭარის საზოგადოებრივი მაუწყებლის გადაცემა "ვახო ხუზმიაშვილი თავისუფალ სივრცეში" განაცხადა.როგორც მთავრობის მეთაურმა აღნიშნა, საპარლამენტო გუნდი არის ერთიანი, როგორც არასდროს, ბევრი ცვლილება განხორციელდა სამთავრობო გუნდში და არის ერთიანი და ჯანსაღი, როგორც არასდროს, მათ შორის კორუფციისგან სისუფთავის თვალსაზრისით.„ძალოვანი სტრუქტურები არის ერთიანი, ძლიერი, კონსოლიდირებული როგორც არასდროს. ეს არის დღევანდელი რეალობა. შეგვიძლია, გავყვეთ თითოეულ სახელსა და გვარს, თითოეულ ორგანოს, თითოეულ სუბიექტს. გუნდი არის ერთიანი და ძლიერი როგორც არასდროს. ამ გუნდს ჰყავს ლიდერი ბიძინა ივანიშვილი, ჩვენი პარტიის დამფუძნებელი და საპატიო თავმჯდომარე, ყველაფერი არის შეკრული საერთო იდეის და იმ პრინციპების გარშემო, რომლებიც საფუძვლად დაუდო ბიძინა ივანიშვილმა პარტიას დაფუძნების მომენტიდან. შესაბამისად, ყველა ხედავს, რომ გუნდი არის ძლიერი და უფრო მეტიც, ეს ყველაფერი საბოლოო ჯამში აისახება ქვეყნის განვითარებაზე სხვადასხვა მიმართულებით. ერთი პოლიტიკური კუთხით - ოპოზიცია რომ არის მთლიანად დაშლილი, ეს არის ჩვენი პოლიტიკური გუნდის სიძლიერის ერთ-ერთი გამოხატულება. ის, რომ ეკონომიკა იზრდება უპრეცედენტოდ, გასული 4 წლის განმავლობაში პირველ ადგილზე გავიდა ევროპაში და ფართო რეგიონში ეკონომიკური ზრდის თვალსაზრისით გვაქვს უპრეცედენტო ზრდა. ჩვენი ეკონომიკა იყო დაახლოებით 4 300 დოლარი 2020 წელს და ახლა 9 000 დოლარს გადააჭარბა და 10 000 დოლარს გადავცდებით, პირველად ისტორიაში, ამ წლის ბოლოს. ძალიან სწრაფი ტემპით იზრდება ეკონომიკა, ვითარდება ყველა დარგი, ყველა მიმართულება, ძალიან ამბიციური რეფორმები გვაქვს დაგეგმილი. პოლიტიკური კუთხით, ოპოზიცია პრაქტიკულად ჩამოვშალეთ, მთელი ეს რადიკალური ფრთა. ძალიან ძლიერია გუნდი ყველა მიმართულებით და რაც ჩვენთვის განსაკუთრებით მთავარია, ეფექტურად ვზრუნავთ ქვეყნის, ეკონომიკის და სხვადასხვა დარგის განვითარებაზე“, - განაცხადა ირაკლი კობახიძემ.

პოლიტიკა • 1753292225

კორუფცია დაბრკოლებას უქმნის სახელმწიფოს განვითარებას და ჩვენ ვიქნებით აბსოლუტურად უკომპრომისოები და შეურიგებლები კორუფციის მიმართ - პრემიერი

ჩვენ უნდა ვიყოთ ძალიან პრინციპულები კორუფციის მიმართ , - ამის შესახებ საქართველოს პრემიერ-მინისტრმა ირაკლი კობახიძემ ტაჭარის საზოგადოებრივი მაუწყებლის გადაცემა "ვახო ხუზმიაშვილის თავისუფალ სივრცეში" განაცხადა.მთავრობის მეთაურის თქმით, კორუფცია ჭამს სახელმწიფოს და უქმნის დაბრკოლებას სახელმწიფოს განვითარებას.„ჩვენ უნდა ვიყოთ ძალიან პრინციპულები კორუფციის მიმართ. თუ სადმე არის ეჭვი კორუფციასთან მიმართებით, სახელმწიფომ უნდა დაიჭიროს ძალიან პრინციპული პოზიცია, იმიტომ, რომ კორუფცია ჭამს სახელმწიფოს და უქმნის დაბრკოლებას სახელმწიფოს განვითარებას. ამიტომ, ჩვენ ვიქნებით აბსოლუტურად უკომპრომისოები და შეურიგებლები კორუფციის მიმართ რაც შეეხება კონკრეტულ ფაქტებს, ეს გამოძიების საქმეა“, - განაცხადა პრემიერმა.

პოლიტიკა • 1753292169

2019 წელს სალომე ზურაბიშვილს ერთი თვის ინტერვალით დაუსაქმეს ორივე შვილი Deep State-ის ჩარევით, ამის შემდეგ შეიცვალა ჯერ რიტორიკა, 2021 წელს სრულად გამოავლინა საკუთარი თავი და 2022 წელს პირდაპირ ჩაერთო ომის რიტორიკაში - ირაკლი კობახიძე

2019 წელს სალომე ზურაბიშვილს ერთი თვის ინტერვალით დაუსაქმეს ორივე შვილი Deep State-ის ჩარევით. ძალიან სწრაფი დაწინაურება მოხდა, ოჯახის როგორც ერთი, ისე მეორე წევრის, - ამის შესახებ საქართველოს პრემიერ-მინისტრმა ირაკლი კობახიძემ აჭარის საზოგადოებრივი მაუწყებლის გადაცემა „ვახო ხუზმიაშვილის თავისუფალ სივრცეში" განაცხადა.როგორც პრემიერმა აღნიშნა, ამის შემდეგ სალომე ზურაბიშვილმა შეიცვალა ჯერ რიტორიკა და უკვე 2021 წელს სრულად გამოავლინა საკუთარი თავი.„სალომე ზურაბიშვილის მხარდაჭერასთან დაკავშირებით 2018 წელს გუნდმა მიიღო გადაწყვეტილება. თავიდან დამოუკიდებლად მოქმედებდა სალომე ზურაბიშვილი, ყოველ შემთხვევაში, ასე ჩანდა. 2019 წელს მას ერთი თვის ინტერვალით დაუსაქმეს ორივე შვილი Deep State-ის ჩარევით. ძალიან სწრაფი დაწინაურება მოხდა, როგორც ერთი, ისე მეორე ოჯახის წევრის და ამის შემდეგ შეიცვალა ჯერ რიტორიკა და უკვე 2021 წელს სრულად გამოავლინა საკუთარი თავი სალომე ზურაბიშვილმა. პროცესები დაიწყო 2019 წლიდან. 2020 წელს იყო კოვიდი, ამიტომ მისი ჩართულობის ისეთი საჭიროება, როგორც ჩანს, არ იდგა, იქაც პასიურ რეჟიმში იყო სალომე ზურაბიშვილი და ინარჩუნებდა დამოუკიდებელი პოლიტიკოსის იმიჯს. თუმცა 2021 წლიდან, როცა დაიწყო ეს ცნობილი .ე.წ. მიშელის მოლაპარაკებები, შემდეგ შეთანხმება და ა.შ. ყველას ახსოვს ეს პროცესები, მაშინ უკვე შეცვალა თავიდან ბოლომდე საკუთარი დამოკიდებულება, პირდაპირ გაჰყვა დირექტივებს, რომლებიც მოდიოდა Deep State-ის, „გლობალური ომის პარტიის“ მხრიდან. ეს კიდევ უფრო მეტად გამძაფრდა 2022 წელს, პირდაპირ ჩაერთო ომის რიტორიკაში სალომე ზურაბიშვილი. კულუარული შეხვედრები როცა იმართებოდა, ისიც მხარს უჭერდა მებრძოლი მოხალისეების გაგზავნას, სანქციების დაწესებას და ა.შ. ამ ყველაფრის ღია მხარდამჭერი იყო“, - განაცხადა პრემიერმა.მთავრობის მეთაურმა ასევე უპასუხა შეკითხვას, თუ რატომ დაუჭირა „ქართულმა ოცნებამ“ მხარი სალომე ზურაბიშვილის კანდიდატურას არჩევნებზე.„რეალურად არჩევნებამდე დარჩენილი იყო დაახლოებით 1 თვე, როდესაც გამოიკვეთა, რომ მის იმიჯს ექმნებოდა სერიოზული პრობლემა სხვადასხვა მიზეზის გამო, მათ შორის, მისი განცხადებების გამო. ამიტომ, იქ უკვე, რეალურად, ძალიან რთული იყო კანდიდატურის შეცვლა, ანუ მის მაგივრად სხვა კანდიდატისთვის მხარის დაჭერა. ბუნებრივია, ასე ვერ მოვიქცეოდით, წინააღმდეგ შემთხვევაში, უარი რომ გვეთქვა სალომე ზურაბიშვილის მხარდაჭერაზე პირდაპირ, ვაშაძე გახდებოდა პრეზიდენტი, ამას ვერ დავუშვებდით. დაგვიანებული იყო, როდესაც მან დაიწყო ასეთი დამაზიანებელი განცხადებების გაკეთება“, - განაცხადა ირაკლი კობახიძემ.