სპორტი • 1713966480

კვარაცხელიას აგენტს ნეაპოლში ელიან - მოლაპარაკებები დასკვნით ეტაპზე გადადის

„ნაპოლისთან“ დაახლოებული ტელევიზია Calcionapoli24 ხვიჩა კვარაცხელიას კონტრაქტთან დაკავშირებით ახალ ინფორმაციას ავრცელებს და აცხადებს, რომ უახლოეს დღეებში, ქართველი შემტევის აგენტი, მამუკა ჯუღელი ნეაპოლში ჩავა და კლუბის ხელმძღვანელებთან მოლაპარაკებების დასკვნით ეტაპს გამართავს.Calcionapoli24-ის ინფორმაციით, მხარეებმა სიტყვიერ შეთანხმებას მიაღწიეს, რომლის მიხედვითაც, ხვიჩას ანაზღაურება 4 მილიონ ევრომდე გაეზრდება და ხელშეკრულება 2028 წლის მაისის ბოლომდე გახანგრძლივდება.ნეაპოლური გუნდისთვის ამ ეტაპზე პრიორიტეტი ხვიჩა კვარაცხელიას შენარჩუნება იქნება და კლუბი მზადაა, რომ გარკვეულ დათმობებზე წავიდეს.ცნობისთვის, ამ დროის მონაცემებით, ქართველ ფეხბურთელს „ნაპოლისთან“ კონტრაქტი 2027 წლის მაისის ბოლომდე აკავშირებს და ანაზღაურების სახით 1.4 მილიონ ევროს გამოიმუშავებს.წყარო: CrystalSport

საზოგადოება • 1713774210

ვინ არის გარდაცვლილი ახალგაზრდა მამაკაცი, რომელსაც მთელი წალენჯიხა გლოვობს

ცოტა ხნის წინ ახალგაზრდა კაცი გარდაიცვალა. სამწუხარო ინფორმაცია სოციალურ ქსელში ვრცელდება. გარდაცვლილი ჯაბა კვარაცხელიაა.„ჯილდა კვარაცხელიასა და მის ოჯახს, ნათესავებს, ახლობლებს ვუსამძიმრებთ წალენჯიხა/ჯგალის თემის ღირსეული შვილის ჯაბა კვარაცხელიას გარდაცვალებას!უსამართლობაა დიდებული ადამიანების სიკვდილი, ჩვენს პატარა ქვეყანას დიდად სჭირდება თქვენნაირი ნიჭიერი და ერთგული პიროვნება, უფალს ებარებოდე!”ცნობისთვის, ადვოკატი ჯაბა კვარაცხელია მძიმე სენს ებრძოდა.

სპორტი • 1713677460

„შენ დღეს იტირებ, მაგრამ სხვა მიზეზით“ - ვის მიმართა ამ სიტყვებით ვილი სანიოლმა

კვეკვესკირს ვესაუბრე. ვუთხარი, რომ ნანახი მქონდა 3 წლის წინ ვიდეო, სადაც ის ტიროდა. „შენ დღეს იტირებ, მაგრამ სხვა მიზეზით“ - ეს იყო ჩემი სიტყვები. მე ეს საუბარი სულ თავში მიტრიალებდა 26-ში. სიის შედგენისას კვეკვესკირს ვუთხარი, რომ მეხუთე ყოფილიყო. თუ გაიტანდა, ჩვენ შევქმნიდით ისტორიას, ეს განცდა მქონდა. იმ ვიდეოს გაგრძელება იქნებოდა - იტირებდა ბედნიერებისგან. ფეხბურთი ასეთი ისტორიებისგან შედგება, - ამის შესახებ „იმედის კვირასთან“ ექსკლუზიურ ინტერვიუში, საქართველოს ეროვნული საფეხბურთო ნაკრების მწვრთნელმა, ვილი სანიოლმა განაცხადა.ვილი სანიოლის თქმით, საბერძნეთთან მატჩის დროს პენალტების სერია მისთვის ძალიან სასიამოვნო მომენტი იყო. მწვრთნელმა ასევე ისაუბრა ფეხბურთელთა შესაძლებლობებზე და თუ როგორ ემზადებოდნენ ისინი გადამწყვეტი მატჩისთვის.„ყველაზე ძნელი იყო, მიქსი გამეკეთებინა ახალგაზრდების, რომლებსაც ენერგია შემოაქვთ მოედანზე და გამოცდილი ფეხბურთელების. ავიღოთ საბერძნეთთან თამაში, ჩვენ რომ არ გვყოლოდა კაშია, კვირკველია, კვეკვესკირი, მაშინ მატჩს ვერ მოვიგებდით. გამოცდილებაა საჭირო და დავითაშვილისა და კვარაცხელიას ენერგია. სხვაგვარად ფიქრობ, როდესაც ხარ 32 და ასევე - 20 წლის.ოქტომბრის შემდეგ მივხვდით, რომ სწორ გზაზე ვიყავით. აგიხსნით - სექტემბერში გვქონდა საშინელი მატჩი ესპანეთის წინააღმდეგ. სამ დღეში თამაში იყო ნორვეგიასთან, სადაც ჩემმა ფეხბურთელებმა მაჩვენეს ისეთი დონის დისციპლინა, ძალისხმევა და თავდადება, რომ მე იმ დღეს მივხვდი - აი, მივედით სასურველ ეტაპამდე. 90%-ით ვიცოდი, რომ ეს იქნებოდა ის ნაკრები, რომელიც გავიდოდა ევროპაზე.დისციპლინის გარეშე არა თუ ფეხბურთში, არამედ ვერაფერში მიაღწევ წარმატებას. დისციპლინის გარეშე შენი ცხოვრება აურზაურია. ვიცი, ეს ბუდუმ გითხრათ, ის ძალიან საინტერესო ადამიანია. გოლების გატანამ მას თავდაჯერებულობა შემატა და აქვს საჭირო აგრესიაც. მოედანზე აგრესიაც საჭიროა. მე ბედნიერი ვარ მისი განვითარებით. მე ვამაყობ ჩემი ფეხბურთელებით.როდესაც პენალტების მომენტი დგება, ყველაზე მეტად რელაქსაციის დროა მწვრთნელისთვის, რადგან შენ უკვე არაფრის შეცვლა აღარ შეგიძლია. ვეღარ ეტყვი ფეხბურთელს, ამ მხარეს დაარტყას ბურთს თუ - მეორე მხარეს. პენალტების დროს აღარ ხარ მოქმედი მსახიობი, მხოლოდ მაყურებლად რჩები. პენალტები ჩემთვის იყო ძალიან სასიამოვნო მომენტი. როდესაც მივხვდი, რომ გოლის გატანას ვერ ვახერხებდით, უკვე პენალტებზე ვფიქრობდი. როდესაც ვერ იგებ, არ უნდა წააგო - ეს არის ჩემი ამოცანა.ყველა ყვიროდა: მე მინდა დავარტყა, მე მინდა დავარტყა, - ეს არის ყველაზე ამაღელვებელი წამი. ეს ნიშნავდა, რომ მათ არ ეშინოდათ. ისინი იყვნენ თავდაჯერებული. მათ სურდათ მთავარი გმირები ყოფილიყვნენ. ამაზე კარგი რა უნდა იყოს!“ - განაცხადა სანიოლმა.მან ისაუბრა, თუ რატომ აირჩია ქოჩორაშვილი პირველი პენალტის დასარტყმელად.„გეტყვით, რატომ ავირჩიე ქოჩორაშვილი ყოფილიყო პირველი. სექტემბრიდან რაც ის ჩვენთან ერთადაა, შეძლო ბევრი რამის გუნდში შეცვლა. მისი უნარებით, მუშაობით და ხარისხით, მისი პროფესიონალური თვისებებითაც. მას დიდი დრო აქვს ესპანეთში გატარებული და განსხვავებული ტაქტიკური კულტურა გამოიმუშავა. ბევრი პლუსი მოუტანა ნაკრებს. მან მითხრა, „მე ვიქნები პირველი და დავარტყამ“. ვუთხარი: „კარგი“, რადგან ძალიან ვენდობი. თუ მე მჯეროდა, რომ ამ ფეხბურთელს შეეძლო სწორი ბიძგის მიცემა, ეს ბევრს გადაწყვეტდა და ამიტომაც დავთანხმდი, ვუთხარი: „მიდი, ქოჩორაშვილი“, - აღნიშნა ეროვნული ნაკრების მწვრთნლმა.სანიოლმა ასევე ისაუბრა, თუ რატომ შეარჩია ბოლო პენალტის შემსრულებლად კვეკვესკირი.„როდესაც სიას აკეთებ, ყოველთვის ფიქრობ პირველზე და ბოლოზე. პირველმა პოზიტიური დინამიკა უნდა შექმნას, ბოლომ უნდა გადაწყვიტოს მატჩის ბედი. მატჩის დღეს, დილას კვეკვესკირს ვესაუბრე. ვუთხარი, რომ ნანახი მქონდა 3 წლის წინ ვიდეო, სადაც ის ტიროდა. „შენ დღეს იტირებ, მაგრამ სხვა მიზეზით“ - ეს იყო ჩემი სიტყვები. მე ეს საუბარი სულ თავში მიტრიალებდა 26-ში. სიის შედგენისას კვეკვესკირს ვუთხარი, რომ მეხუთე ყოფილიყო. თუ გაიტანდა, ჩვენ შევქმნიდით ისტორიას, ეს განცდა მქონდა. იმ ვიდეოს გაგრძელება იქნებოდა, იტირებდა ბედნიერებისგან. ფეხბურთი ასეთი ისტორიებისგან შედგება. კვეკეს უნდა დაერტყა და ყოფილიყო მეხუთე.იცით, რომ ბოლო გოლი კარგად არ მახსოვს? როგორც ყველა, ისე ვიყავი მეც. მე ვიყავი ბავშვი. ვტიროდი, ვხტუნაობდი, მახსოვს, უამრავი ადამიანი მეხუტებოდა. ეს იყო ბევრი კომპონენტის აკუმულაცია. ზოგჯერ ყველაფრის ახსნა შეუძლებელია. ეს იყო საქართველოს მომენტი. ჰაერში ტრიალებდა საქართველოს გამარჯვების განცდა და ეს იყო მთავარი!“, - განაცხადა სანიოლმა.26 მარტს, საქართველოს ნაკრებმა საბერძნეთის ნაკრები დაამარცხა და პირველად ისტორიაში ევროპის ჩემპიონატზე გავიდა. საქართველოს საფეხბურთო ნაკრები, ევროპის ჩემპიონატზე მატჩებს გერმანიაში, 18, 22 და 26 ივნისს გამართვას.

სპორტი • 1713648838

„ჩემი კერპი მარადონა იყო, „ნაპოლისთან“ კონტრაქტის გაფორმებას ამიტომაც დავთანხმდით“ - ხვიჩა კვარაცხელიას მამა

„ხვიჩა კვარაცხელიას შეძენა „ინტერს“, „იუვენტუსს“, „სამპდორიასა“ და „რომას“ სურდათ, მაგრამ „ნაპოლიში“ მას თამაშის მეტი შანსი ექნებოდა და მასზე არჩევანი ამიტომ შეაჩერა“ – ამის შესახებ  წიგნში, „კვარადონა, ქართული სასწაული“, ფეხბურთელის მამა, ბადრი კვარაცხელია საუბრობს.„ხვიჩას ბევრი გუნდი აკვირდებოდა – „ინტერი“, „იუვენტუსი“, „სამპდორია“, „რომა“ და „ნაპოლი“, მაგრამ ნეპოლელთა თამაშის სტილიდან, ტაქტიკიდან და რეალობიდან გამომდინარე ჩანდა, რომ თამაშის შესაძლებლობა უფრო მეტად „ნაპოლიში“ ექნებოდა. ის რომ „იუვენტუსში“ წასულიყო, ანხელ დი მარიასთან მოუწევდა კონკურენცია და, შესაძლოა, ნაკლები სათამაშო დრო ჰქონოდა.ამიტომ თავიდანვე „ნაპოლიზე“ ვფიქრობდით. ამას გარდა ჩემი საფეხბურთო კერპი დიეგო მარადონა იყო და იდეა, რომ ჩემი შვილი მისი გუნდის მაისურით ითამაშებდა, ერთ-ერთი გადამწყვეტი ფაქტორი აღმოჩნდა და „ნაპოლის“ შეთავაზებას დავთანხმდით“, – ამბობს ბადრი კვარაცხელია.ამასობაში, იტალირი გამოცემა Corriere dello Sport-ი წერს, რომ მხარეებს ახალი კონტრაქტის თაობაზე ჯერ მოლაპარაკება არ დაუსრულებიათ. აქედან გამომდინარე, ნეაპოლში კვარაცხელიას მომავალი ჯერ კიდევ გაურკვეველია.„ზაფხულში „ნაპოლის“ ბევრი ფეხბურთელი დატოვებს და შემადგენლობა განახლდება. თუმცა წამსვლელთა შორის კვარაცხელია, სავარაუდოდ, არ იქნება. კლუბის მენეჯმენტის სურვილია, რომ ხვიჩას ხელფასი გაუზარდოს და ახალი გუნდი მის გარშემო ჩამოაყალიბოს. კვარაცხელია ორი წელია უმაღლეს დონეზე თამაშობს და მისთვის პირობების გაუმჯობესება დამსახურებული იქნება“, – წერს იტალიური გამოცემა.

საზოგადოება • 1713644656

პეტრე კოლხი სამწუხარო ინფორმაციას ავრცელებს

მამა პეტრე სოციალურ ქსელში ბიძაშვილის გარდაცვალების შესახებ სამწუხარო ინფორმაციას ავრცელებს:„ჩემო გულო, ჩემი ბავშვობის ყველაზე თეთრო, სპეტაკო და უზარმაზარო წერტილო, დამთავრდა ბავშვობა, რომელიც ჩვენს ოდაბადეში, წალენჯიხის ულამაზეს სოფელ ჯგალში, ჩვენს საკვარაცხელიოში დაიწყო…უხერხულია ბიძაშვილი, მამის ძმისშვილი გიწოდო, ჩემი უფროსი ძმა იყავი… საამაყო, საიმედო, არძოში უჯგუში ჯიმა…ჩვენი პატარა სახლის პარმაღზე, მზის ჩასვლისას მივეწყობოდით ერთმანეთს და იწყებოდა მითთა ჟამის ისტორიების გახსენება… ერთმანეთს ვასწრებდით… მერე მზის უკანასკნელი სხივებით აფერადებულ ეგრისის ქედს გავხედავდით და ვაგრძელებდით ცოდნის გადამოწმებას…პაატა, აბა იმ მთის წვერს რატომ ჰქვია ცაში კიბული, ან რომელი ქედია გრანელის სახელობის, მკითხავდი…ჩვენ ერთად გავიკვალეთ გზა ჭანისწყლისკენ, ჩვენი ბაბუის ნაქონი ყანებისკენ, სოფლის ანკარა წყაროებისკენ, სანუკვარი ბებიის საფლავისკენ… მდუმარედ ნათქვამი, ,,ყებურის” პირას მოსაყოლი ამბებისკენ…ერთმანეთს ვურჩევდით წიგნებს, ავტორებს, ნაწარმოებებს…შენ კი ჩემი ცხოვრების ყველაზე მთავარი წიგნი იყავი, ჩემი ჯაბუტია…ვერ იტანდი შექებას, არც ბევრ მოკითხვას პასუხობდი… შენზე თითქმის არ ვიცოდით, რა გტკიოდა, რას განიცდიდი, ჩვენ კი პირველი შენთან გამოვრბოდით… არადა, თურმე რამდენი გტკიოდა, თურმე რამდენს უძლებდი…სიცოცხლეში არასდროს მითქვამს, როგორ მიყვარდი, არ მიიღებდი, გაბრაზდებოდი… ახლა თამამად ვამბობ, ჩემო კოჩანიერო კოჩო…როგორ დამასწარი ჩვენი მონატრებული სოფლის მიწის გულში ჩახუტება…მთელი პლანეტა მოვლილი გქონდა… ისწავლე ინგლისში, გერმანიაში, წარჩინებით დაამთავრე დედა უნივერსიტეტი, მაგრამ ბოლოს მაინც, ძალიან ადრე მიაშურე ჯგალის, წინაპრების ძვლებით გაპოხიერებულ მიწას, რომელიც იქ ყოფნის დროსაც გენატრებოდა…ჩემზე მეტად, ჩემს შვილს-დაჩის გაუჭირდება უშენობა… შვილი რომ მყოლოდა, დაჩიზე მეტად არ მეყვარებოდაო, იტყოდი… ასე ნაადრევად დაადგა ცაში კიბულის აღმართს და სამუდამოდ შეერწყა ეგრისის იდუმალ ქედებს იქ, სადაც მიწა მთავრდება და ღმერთი იწყება… ჩემი საამაყო ჯაბა კვარაცხელია!“ - წერს მოძღვარი.

საზოგადოება • 1713470935

როგორია კვარაცხელიას ჯანმრთელობის მდგომარეობა გასტროენტერიტის დიაგნოზის დასმის შემდეგ - „ნაპოლის“ განცხადება

„ნაპოლიმ“ ხვიჩა კვარაცხელიას ჯანმრთელობის მდგომარეობაზე ახალი ინფორმაცია გაავრცელა.„ნაპოლიმ პირველ მოედანზე ივარჯიშა. პარტენოპეი ემპოლისთან გასამართი მატჩისთვის ემზადება, რომელიც შაბათს არის ჩანიშნული. ფეხბურთელებმა პატარა მოედანზე მატჩი გამართეს და ვარჯიში ტაქტიკურ საკითხებზე მუშაობით დახურეს.ხვიჩა კვარაცხელიამ და ჟუან ჟეზუსმა გუნდთან ერთად ივარჯიშეს“, - წერია „ნაპოლის“ განცხადებაში.ცნობისთვის, გუშინ გავრცელდა ინფორმაცია, რომ ხვიჩა კვარაცხელიას ვირუსული ინფექცია, კერძოდ,  გასტროენტერიტი დაუდგინდა, რის გამოც, ვარჯიში გამოტოვა. ვირუსული გასტროენტერიტი არის ნაწლავების ინფექცია, რომელსაც ახასიათებს წყლიანი ხასიათის ფაღარათი, მუცლის კრუნჩხვები, გულისრევა, პირღებინება და ხანდახან ტემპერატურის მომატება.ავტორი: ირაკლი გოგვაძე

საზოგადოება • 1713442080

რისი დიაგნოზი დაუსვეს ხვიჩა კვარაცხელიას

ხვიჩა კვარაცხელიამ  გუნდთან ერთად ოთხშაბათის ვარჯიში გამოტოვა.იტალიური მედია წერს, რომ ქართველ ფეხბურთელს ჯანმრთელობის პრობლემა აქვს, მას გასტროენტერიტის დიაგნოზი დაუსვეს.რა არის  გასტროენტერიტი: გასტროენტერიტი ხშირი მდგომარეობაა, როდესაც კუჭი და ნაწლავები ხდება ანთებითი. ეს ძირითადად გამოწვეულია ვირუსული ან ბაქტერიული ინფექციებით.მისი ყველაზე ხშირი სიმპტომია ღებინება.გამოტოვებს თუ არა კვარაცხელია 20 აპრილს, ემოპლისთან მატჩს, ჯერჯერობით, გაურკვეველია.

სპორტი • 1713425099

კვარაცხელიას გასტროენტერიტის დიაგნოზი დაუსვეს - როგორია ქართველი ფეხბურთელის მდგომარეობა

ხვიჩა კვარაცხელიამ  გუნდთან ერთად ოთხშაბათის ვარჯიში გამოტოვა. იტალიური მედია წერს, რომ ქართველ ფეხბურთელს ჯანმრთელობის პრობლემა აქვს, მას გასტროენტერიტის დიაგნოზი დაუსვეს.გამოტოვებს თუ არა კვარაცხელია 20 აპრილს, ემოპლისთან მატჩს, ჯერჯერობით, გაურკვეველია.

საზოგადოება • 1713384658

ხვიჩა კვარაცხელიას ვირუსული ინფექცია დაუდგინდა

ხვიჩა კვარაცხელიამ „ნაპოლის“ დღევანდელი ვარჯიში გამოტოვა. ამის შესახებ ინფორმაციას „პარტენოპეის“ ოფიციალური გვერდი ავრცელებს.კლუბის ცნობით, მას ვირუსული ინფექცია აქვს, რის გამოც დღევანდელ საწვრთნელ პროცესში მონაწილეობა ვერ მიიღო.„ნაპოლიმ“ დღეს დილით Konami-ს საწვრთნელ ბაზაზე ივარჯიშა. გუნდი სერია A-ს 33-ე ტურის მატჩისთვის ემზადება, რომელიც შაბათს, „ემპოლის“ წინააღმდეგ უნდა გაიმართოს. გუნდმა ვარჯიში მსუბუქი პროგრამით, მოთელვით დაიწყო, შემდეგ კი ორ ნაწილად გაიყო და პირველ და მეორე მოედნებზე ერთმანეთს ეტაპობრივად ეცვლებოდნენ. სესია მცირეხნიანი მატჩით დაიხურა. დღეს მატიას ოლივეირამ ინდივიდუალური პროგრამით ივარჯიშა, ხვიჩა კვარაცხელიამ კი სესია გასტროენტერიტის გამო გამოტოვა“, - ვკითხულობთ განცხადებაში.ვირუსული გასტროენტერიტი არის ნაწლავების ინფექცია, რომელსაც ახასიათებს წყლიანი ხასიათის ფაღარათი, მუცლის კრუნჩხვები, გულისრევა, პირღებინება და ხანდახან ტემპერატურის მომატება.ავტორი: ირაკლი გოგვაძე

პოლიტიკა • 1713366693

კოლექტიური „ნაცმოძრაობის“ პოლიტიკურ სიბინძურეში სპორტსმენების გასვრის მცდელობა არის უმდაბლესი საქციელი - ირაკლი კობახიძე

ჩვენ ვიდგებით ჩვენი ფეხბურთელების გვერდით, როცა ისინი გავლენ ჯგუფიდან ევროპის ჩემპიონატზე და ასევე ისინი იდგებიან ჩვენს გვერდით, როცა ჩვენ, ყველა ერთად, გავხდებით ევროკავშირის წევრი ქვეყანა, - ამის შესახებ პრემიერ-მინისტრმა დღევანდელ პრესკონფერენციაზე განაცხადა.მთავრობის მეთაურის თქმით, სპორტსმენებზე ზეწოლას ახორციელებდნენ იგივე ადამიანები, ვინც ორიოდე წლის წინ თორნიკე შენგელია და ხვიჩა კვარაცხელია მოღალატეებად შერაცხეს.„ორი სიტყვა მინდა ვთქვა ჩვენი საამაყო სპორტსმენების შესახებ, რომლებიც, ამ ორი დღის განმავლობაში, განსაკუთრებულ ზეწოლას განიცდიდნენ. ამ ზეწოლას ახორციელებდნენ, უხეშ ტერმინს გამოვიყენებ, იგივე უსამშობლო ადამიანები, რომლებმაც სულ რაღაც ორიოდე წლის წინ თორნიკე შენგელია და ხვიჩა კვარაცხელია მოღალატეებად შერაცხეს, ზუსტად იგივე ადამიანები. შეგვიძლია, ამოვიღოთ „ფეისბუქის“ „სქრინები“, რას აკეთებდნენ და ამბობდნენ მაშინ და როგორ ზეწოლას ახორციელებდნენ ახლა. თქვენ გახსოვთ, თორნიკე შენგელიას და ხვიჩა კვარაცხელიას წინააღმდეგ აგორებული კამპანიები, პირდაპირ მოღალატეებად შერაცხეს ეს ჩვენი ორი საამაყო სპორტსმენი. ზუსტად იგივე ადამიანები, მტკიცებულებები გვაქვს, რომ ზუსტად იგივე ადამიანები არიან, ახლა, ამ ორი დღის განმავლობაში ახორციელებდნენ ზეწოლას ამ ორ სპორტსმენზე და სხვა სპორტსმენებზე მათთან ერთად. მე ვპირდები თითოეულ სპორტსმენს, რომ საქართველოს მთავრობა იდგება მათ გვერდით ყველა შემთხვევაში და ყველა ვითარებაში. ჩვენ ვიდგებით ჩვენი ფეხბურთელების გვერდით, როცა ისინი გავლენ ჯგუფიდან ევროპის ჩემპიონატზე და ასევე ისინი იდგებიან ჩვენს გვერდით, როცა ჩვენ, ყველა ერთად, გავხდებით ევროკავშირის წევრი ქვეყანა. კიდევ ერთხელ მინდა, გამოვხატო განსაკუთრებული პატივისცემა თითოეული ჩვენი საამაყო სპორტსმენის მიმართ.კიდევ ერთხელ გავიმეორებ, რომ კოლექტიური „ნაცმოძრაობის“ პოლიტიკურ სიბინძურეში სპორტსმენების გასვრის მცდელობა არის უმდაბლესი საქციელი, რაც ამ ადამიანებს ძალიან ზუსტად ახასიათებთ,“- აღნიშნა პრემიერმა.

პოლიტიკა • 1713351315

ჩვენი მთლიანი მხარდაჭერა, ქართულ პოლიციას, ქართულ სახელმწიფოს, ქართულ სუვერენიტეტს, საქართველოს ჭეშმარიტ ევროპულობას - მამუკა მდინარაძე

პოლიციელზე კი არ ლაპარაკობენ [ოპოზიციონერები], სახეში აგური რატომ მოხვდაო, რომელიმემ ახსენა? ჩვენი მთლიანი მხარდაჭერა, ქართულ პოლიციას, ქართულ სახელმწიფოს, ქართულ სუვერენიტეტს, საქართველოს ჭეშმარიტ ევროპულობას! - ამის შესახებ საპარლამენტო უმრავლესობის ლიდერმა, მამუკა მდინარაძემ, პარლამენტის პლენარულ სხდომაზე სიტყვით გამოსვლისას განაცხადა.მან ასევე ისაუბრა ფეხბურთელების მიერ გაკეთებულ გზავნილებზე და აღნიშნა, რომ "ნაციონალური მოძრაობის" არხებმა, ხვიჩა კვარაცხელიას და ზურიკო დავითაშვილის განცხადებები გააყალბეს და მათი გზავნილებიდან სიტყვა "მშვიდობა" ამოიღეს, რადგან, ეს სიტყვა "ქართულ ოცნებასთან" ასოცირდება."ნამდვილ ევროპულობას ჩვენი მხარდაჭერა, მართლაც, ბიჭებმა რომ დაწერეს, ფეხბურთელებმა - აბა რა უნდა ქნან?! აღარ იციან საიდან შეუტიონ, ნუ ჩარევთ მეთქი, ყველას გვიყვარს, ყველასია, ჩვენია, საერთო ღირებულებებია, საერთო ეროვნული ინტერესია - არა, უტევენ ამ დღეების განმავლობაში და ამ ბიჭებმა დაწერეს მართლა. რა ქნეს? მაგალითად, რა ქნა "ნაცმოძრაობის" არხმა? - ხვიჩა კვარაცხელიას და ზურიკო დავითაშვილს სიტყვა "მშვიდობა" ამოუღეს, წარმოიდგინეთ რა თეორიებში არიან, რა ეჭვებში და ავადმყოფობაში არიან - სიტყვა "მშვიდობას" ხშირად "ქართული ოცნება" ახსენებს, მათი დამსახურებაა და ამ ბიჭებმა ახლა რომ ახსენეს ეს, დანარჩენი საერთო ტრენდში ჩაჯდა, მაგრამ აქ არ ვარგაო და გაუყალბეს, წარმოიდგინეთ." - განაცხადა მამუკა მდინარაძემ.

საზოგადოება • 1713344643

„საქართველოს გზა ევროპაშია... ევროპული გზა გვაერთიანებს“ - ხვიჩა კვარაცხელია

საქართველოს ეროვნული ნაკრების ფეხბურთელი, ხვიჩა კვარაცხელია „ინსტაგრამ“ გვერდზე პოსტს აქვეყნებს:„საქართველოს გზა ევროპაშია  ევროპული გზა გვაერთიანებს!! წინ ევროპისკენ!! მშვიდობა საქართველოს“,- წერს ხვიჩა კვარაცხელია.