სპორტი • 1766001300

კვარას მორიგი ტიტული! - პსჟ საკონტინენტთაშორისო თასის გამარჯვებულია

ხვიჩა კვარაცხელიამ საკონტინენტთაშორისო თასის ფინალში „ფლამენგოს“ გაუტანა, რომელიც „პარი სენ-ჟერმენმა“ პენალტების სერიაში 2:1 დაამარცხა (ძირითადი დრო, 1:1).კატარის დედაქალაქ დოჰაში გამართულ დაპირისპირდებაში ქართველი თავდამსხმელი პსჟ-ს ძირითად შემადგენლობაში იყო და ანგარიში 38-ე წუთზე გახსნა. დეზირე დუეს ჩაწოდებული გადაცემა მეკარემ მოიგერია, კვარაცხელიამ კი დამატებაზე ანგარიში გახსნა და პირველ ტაიმში საუკეთესო შეფასება მიიღო – 8,1 ქულა.ქართველთან უხეშობისთვის მსაჯმა ბრაზილიური გუნდის სამი მოთამაშე გააფრთხილა. ძირითადი დროის შემდეგ კი კვარაცხელია შეცვალეს. ბრაზილიელებმა 62-ე წუთზე პენალტის დარტყმის უფლება მოიპოვეს, ჟორჟინიომ წონასწორობა აღადგინა. გამარჯვებული პენალტების სერიამ გამოავლინა, რომელიც უკეთ პსჟ-ს ფეხბურთელებმა შეასრულეს. პარიზელების მეკარე საფონოვმა 4 პენალტი მოიგერია.„პარი სენ-ჟერმენმა“ მიმდინარე სეზონში მეხუთე ტიტული მოიპოვა – მანამდე გუნდი გახდა საფრანგეთის ლიგა 1-ის, საფრანგეთის თასის, ჩემპიონთა თასის და ევროპის სუპერლიგის გამარჯვებული და ახლა ამ ჯილდოებს საკონტინენტთაშორისო თასიც დაემატა.ხვიჩა კვარაცხელია ისტორიის წერას განაგრძობს – გარდა იმისა, რომ პირველი ქართველი ფეხბურთელია, რომელმაც ჩემპიონთა ლიგის ფინალში გაიტანა, ასევე პირველი „ჯვაროსანია“, რომელმაც იგივე საკონტინენტთაშორისო თასის ფინალში მოახერხა. ამავე დროს, მეორე ქართველია კახა კალაძის შემდეგ, რომელიც ამ პრესტიჟული გამათამაშების გამარჯვეული გახდა.

პოლიტიკა • 1765880122

საქართველოს პრეზიდენტს 6 ქვეყნის რეზიდენტმა და არარეზიდენტმა ელჩებმა რწმუნებათა სიგელები გადასცეს

საქართველოს პრეზიდენტის სასახლეში რეზიდენტი და არარეზიდენტი ელჩების მიერ რწმუნებათა სიგელების გადაცემის ცერემონია გაიმართა.საქართველოს პრეზიდენტს, მიხეილ ყაველაშვილს რწმუნებათა სიგელები 6 ქვეყნის: ისლანდიის, ბრაზილიის ფედერაციული რესპუბლიკის, კატარის სახელმწიფოს, ქუვეითის სახელმწიფოს, პანამის რესპუბლიკის, ალჟირის სახალხო დემოკრატიული რესპუბლიკის რეზიდენტმა და არარეზიდენტმა ელჩებმა გადასცეს.რწმუნებათა სიგელების გადაცემის ოფიციალური ცერემონიის დასრულების შემდეგ, მიხეილ ყაველაშვილმა ელჩებს მომავალ საქმიანობაში წარმატებები უსურვა.ღონისძიებაში მონაწილეობა პრეზიდენტის ადმინისტრაციის უფროსმა, ქეთევან კვინიკაძემ და საგარეო საქმეთა მინისტრის მოადგილემ, ალექსანდრე ხვთისიაშვილმა მიიღეს. 

ტექნოლოგიები • 1765744673

ასაკის მატებასთან ერთად ადამიანები უფრო ადრე იღვიძებენ - მეცნიერებმა ეს მოვლენა ახსნეს

ხშირად გაიგონებთ ფრაზას, რომ ხანდაზმული ადამიანები მზის ამოსვლამდე იღვიძებენ. თუმცა, როგორც აღნიშნულია huffpost.com-ის სტატიაში, ეს დიდწილად სიმართლეა. აღმოჩნდა, რომ სხეულის უნარი ბუნებრივად დაიძინოს და გაიღვიძოს მზის რიტმის შესაბამისად, გენეტიკისა და დაბერების ბუნებრივი პროცესის ნაწილია.ძილის ცვლილებების მთავარი ფაქტორი ასაკთან დაკავშირებული ფიზიოლოგიური ცვლილებებია. მიჩიგანის უნივერსიტეტის ფსიქოლოგიის პროფესორმა სინდი ლუსტიგმა და არიზონის სამედიცინო მეცნიერებათა უნივერსიტეტის ძილისა და ცირკადული მეცნიერებების ცენტრის დირექტორმა, დოქტორმა საირამ პართჰასარათიმ, ამ პროცესის ძირითადი მიზეზები განმარტეს.ასაკის მატებასთან ერთად ტვინი ნაკლებად მგრძნობიარე ხდება. ტვინი ვეღარ აღიქვამს ისე ეფექტურად ისეთ სიგნალებს, როგორიცაა მზის ჩასვლა და ამოსვლა, მზის შუქი, კვება, სოციალური ნიშნები და ფიზიკური აქტივობა, რომლებიც გვანიშნებს, დღის რომელ მონაკვეთში ვართ. ამ სიგნალებს „დროის მიმღემებს“ უწოდებენ, რადგან ისინი ტვინს ეხმარება გააცნობიეროს თავისი ადგილი 24-საათიან ციკლურ რიტმში.ამიტომ ახალგაზრდები უკვე საღამოს გრძნობენ, რომ რამდენიმე საათში დაძინება დასჭირდებათ. უფრო ასაკოვან ადამიანებს ეს უნარი ხშირად ეკარგებათ. დროის სიგნალების ასე აღქმის უუნარობა ერთ-ერთი მიზეზია, რის გამოც ხანდაზმული ადამიანები უფრო ადრე იღლებიან, ვიდრე მათი შვილები ან შვილიშვილები. შედეგად კი ისინი იღვიძებენ უფრო ადრე და ხშირად სრულად დასვენებულებიც არიან, ვიდრე დანარჩენი სამყარო.კიდევ ერთი მიზეზი — სინათლეასაკის მატებასთან ერთად მხედველობაში ცვლილებები ხდება, რაც ამცირებს იმ სინათლის ინტენსივობას, რომელსაც ტვინი იღებს. ეს კი მნიშვნელოვან როლს თამაშობს ცირკადული „საათის“ სწორი რიტმის შენარჩუნებაში.პართჰასარათიმ განმარტა, რომ ეს განსაკუთრებით ეხება კატარაქტის მქონე ადამიანებს - თვალის ფართოდ გავრცელებულ დაავადებას. კატარაქტა იწვევს მხედველობის დაბინდვას, ორმაგ ხედვას და ზოგად მხედველობით პრობლემებს, რაც კიდევ უფრო ართულებს ტვინის მიერ სინათლის სიგნალების სწორად აღქმას.

პოლიტიკა • 1765455070

დავით სონღულაშვილი გაეროს გარემოსდაცვითი ასამბლეის მეშვიდე სესიაზე (UNEA-7) სიტყვით გამოვიდა

გარემოს დაცვისა და სოფლის მეურნეობის მინისტრი დავით სონღულაშვილი კენიის რესპუბლიკაში, ქალაქ ნაირობიში, გაეროს გარემოსდაცვითი ასამბლეის მეშვიდე სესიაზე (UNEA-7) სიტყვით გამოვიდა, - ინფორმაციას გარემოს დაცვისა და სოფლის მეურნეობის სამინისტრო ავრცელებს.უწყების ცნობით, სესია 8-13 დეკემბერს, გაეროს გარემოსდაცვითი პროგრამის (UNEP) სათავო ოფისში მიმდინარეობს და მისი მთავარი გზავნილია - „მდგრადი გადაწყვეტილებები უკეთესი პლანეტისთვის“.„UNEA-7-ს ესწრება 50-მდე ქვეყნის გარემოსდაცვითი და კლიმატის მიმართულების მინისტრი, მათ შორის, ბელგიის, ფინეთის, ნორვეგიის, სლოვენიის, ნიდერლანდების, უნგრეთის, დანიის, თურქეთის, სომხეთის, დიდი ბრიტანეთის, იორდანიის, კატარის, არაბთა გაერთიანებული ემირატების, ყაზახეთისა და სხვა ქვეყნების წარმომადგენლები და 130 ქვეყნისა და საერთაშორისო ორგანიზაციების წარმომადგენლები.სესიის გახსნას გაეროს გენერალური მდივანი ანტონიუ გუტერეში და კენიის პრეზიდენტი უილიამ სამოი რუტო მიესალმნენ.დავით სონღულაშვილმა, ლიდერთა პანელზე სიტყვით გამოსვლის დროს, საქართველოს გარემოსდაცვითი პოლიტიკის პრიორიტეტებზე, მიღწეულ პროგრესსა და იმ მნიშვნელოვან როლზე ისაუბრა, რომელსაც ქვეყანა გლობალური მდგრადი განვითარების პროცესებში ასრულებს.მინისტრმა ყურადღება რეგიონში მშვიდობისა და სტაბილურობის მნიშვნელობაზე გაამახვილა, რაც აუცილებელი წინაპირობაა მდგრადი განვითარების მიზნების შესრულებისთვის. მისივე სიტყვებით, საქართველოს სტრატეგიული არჩევანი კვლავაც მშვიდობაა - როგორც მუდმივი პასუხისმგებლობა და განვითარების ფუნდამენტური საფუძველი.დავით სონღულაშვილმა სესიის მონაწილეებს საქართველოს მიერ გარემოსდაცვითი მმართველობის, კლიმატის ცვლილებასთან ბრძოლისა და მწვანე განვითარების მიმართულებით მიღწეული მნიშვნელოვანი შედეგები გააცნო და ყურადღება გაამახვილა: 2026 წლის იანვრიდან ერთჯერადი პლასტმასისა და გაფართოებული პოლისტიროლის (EPS) ნაწარმის აკრძალვაზე; წყლის რესურსების ახალი მართვის კანონის მიღებაზე, რომელიც ევროკავშირის დირექტივებთან სრულ თანხვედრაშია; ასევე, სათბური გაზების გამონაბოლქვის 2035 წლისთვის 50%-ით შემცირებაზე და 2050 წლისთვის ნახშირბად ნეიტრალობის მიღწევაზე.მინისტრმა განსაკუთრებული ყურადღება დაცული ტერიტორიების გაფართოების მნიშვნელობაზე გაამახვილა და აღნიშნა, რომ ბოლო ათწლეულის განმავლობაში დაცული ტერიტორიების ფართობის გაორმაგება და 2035 წლისთვის ქვეყნის ტერიტორიების მინიმუმ 30%-ის დაცვით უზრუნველყოფის გეგმა წარმატებით ხორციელდება.როგორც დავით სონღულაშვილმა აღნიშნა, საქართველოს გამოცდილება ადასტურებს, რომ მცირე ქვეყანასაც შეუძლია ანგარიშგასაწევი წვლილის შეტანა გლობალურ პროცესებში, თუ მდგრად პოლიტიკას საერთაშორისო პარტნიორობა და ძლიერი პოლიტიკური ნება განსაზღვრავს.სესიის გახსნას, მინისტრ დავით სონღულაშვილთან ერთად, მინისტრის პირველი მოადგილე ნინო თანდილაშვილი და საქართველოს საგანგებო და სრულუფლებიანი ელჩი ეთიოპიაში და აფრიკის კავშირში მუდმივი წარმომადგენელი გია მაჭარაძე ესწრებოდნენ, -აღნიშნულია გავრცელებულ ინფორმაციაში.

პოლიტიკა • 1765282461

დავით სონღულაშვილი ქ. ნაირობიში, გაეროს გარემოსდაცვითი ასამბლეის მეშვიდე სესიაში (UNEA - 7) მონაწილეობს

კენიის რესპუბლიკაში, ქ. ნაირობიში გაეროს გარემოსდაცვითი ასამბლეის მეშვიდე სესია გაიმართება, რომლის თემაა „მდგრადი გადაწყვეტილებები უკეთესი პლანეტისთვის“. სესიაზე, რომელიც გაეროს გარემოსდაცვითი პროგრამის სათაო ოფისში (UNEP) ჩატარდება, 11 დეკემბერს, გარემოს დაცვისა და სოფლის მეურნეობის მინისტრი დავით სონღულაშვილი UNEA – 7 - ის ლიდერთა პანელზე სიტყვით გამოვა.ღონისძიებას დაესწრება 44 ქვეყნის შესაბამისი დარგის მინისტრი, მათ შორის, ბელგიის, ფინეთის, ნორვეგიის, სლოვენიის, ნიდერლანდების, უნგრეთის, დანიის, თურქეთის, სომხეთის, დიდი ბრიტანეთის, იორდანიის, კატარის, არაბთა გაერთიანებული ემირატების, ყაზახეთის და სხვა, ასევე 30- ზე მეტი მაღალი რანგის წარმომადგენელი.ვიზიტის ფარგლებში, დავით სონღულაშვილი ორმხრივ შეხვედრებს გამართავს გაეროს ევროპის ეკონომიკური კომიტეტის (UNECE) აღმასრულებელ მდივან ტატიანა მოლკეანთან, გაეროს გარემოსდაცვითი პროგრამის აღმასრულებელ დირექტორ ინგერ ანდერსენთან, ბელგიის სამეფოს მობილობის, კლიმატის და ეკოლოგიის მინისტრ ჟან ლუკ კრიუკესთან და უნგრეთის ენერგეტიკის სამინისტროს გარემოსდაცვითი მიმართულებით სახელმწიფო მდივან ანიკო რაისზისთან, ასევე შეხვედრები გაიმართება სხვადასხვა ქვეყნის კოლეგა მინისტრებთან.ინფორმაციას გარემოს დაცვისა და სოფლის მეურნეობის სამინისტრო ავრცელებს.

ტექნოლოგიები • 1765007760

FDA-ის დამტკიცებული სათვალე ბავშვებში ახლომხედველობის პროგრესირების შენელებას გვპირდება

ბავშვების არცთუ ისე მცირე ნაწილს უწევს სათვალის ტარება… და რა მოხდება, თუ ეს ლინზები მათ მხედველობის შენარჩუნებაში დაეხმარება და მოზარდობაში თვალის უფრო სერიოზულ პრობლემებს აარიდებს თავიდან? სწორედ ეს კითხვა დასვეს მკვლევრებმა, რომლებიც დღეს საზოგადოებას ახალი ტიპის ლინზას აცნობენ და რომლებმაც უკვე მოიპოვეს FDA-ის ნდობა. თუ ადრე მიოპიის, ანუ ახლომხედველობის სამართავად მხოლოდ ერთი ვარიანტი არსებობდა, მთელი ცხოვრება სათვალის ტარება, ახლა საკმაოდ მაღალი პოტენციალის მქონე ალტერნატივა ჩნდება — სპეციალიზებული სათვალე Essilor Stellest-ის ბრენდის სახელით იყიდება და ამტკიცებს, რომ ახლომხედველობის შემცირება შეუძლია 6-დან 12 წლამდე ბავშვებში.კიდევ უფრო სანდოდ კი ამ ამბავს FDA აქცევს, რომელმაც ლინზების პრაქტიკაში გამოყენება კომპანიის მონაცემების საფუძველზე გახადა შესაძლებელი: ბავშვებში 2 წლის შემდეგ მიოპიის პროგრესირება 70%-ით შემცირდა!ახალი ლინზები 11 კონცენტრულ რგოლს იყენებს, რომლებიც სავსეა პატარა წერტილებით, რათა სინათლე ბადურაზე გადაამისამართოს იმ გზით, რომლითაც ფიქრობენ, რომ მხედველობის გაუარესებას შეაფერხებს. ფაქტია მუშაობს კიდეც, რადგან კომპანიის კვლევის თანახმად, ბავშვები, რომელთაც ლინზები 2 წლის მანძილზე ეკეთათ, მხედველობის გაუარესების მაჩვენებელი 50%-ით შეუმცირდათ. პარალელურად კი კვლევები მრავალ ქვეყანაში გრძელდება, რის შედეგადაც მომავალში კიდევ უფრო სანდო ინფორმაციებს გავიგებთ…ოღონდ ამ ახალი ლინზების სარგებელი მხოლოდ სათვალის ტარებაზე უარის თქმის კომფორტით არ მთავრდება და ისეთი შედეგების თავიდან არიდებასაც მოიცავს, რომლებიც მძიმე მიოპიას უკავშირდება, იქნება ეს კატარაქტა, გლაუკომა თუ ბადურის დაშლა, რამაც სიბრმავე შეიძლება, გამოიწვიოს.შემოთავაზებული ფასი 450 დოლარია. ხელმისაწვდომია ევროპაში, აზიაში და ახლა უკვე ამერიკაშიც…

საზოგადოება • 1764839385

დაცული ტერიტორიების სააგენტომ კატარის სახელმწიფო დედაქალაქ დოჰაში, საერთაშორისო გამოფენაში Qatar Travel Mart 2025 მიიღო მონაწილეობა

გამოფენის მონაწილეები და დამთვალიერებლები საქართველოს დაცული ტერიტორიების ეკოტურისტულ და სათავგადასავლო მიმართულებებს გაეცნენ.გამოფენის ფარგლებში გაიმართა პრეზენტაციები, პანელური დისკუსიები, B2C და B2B შეხვედრები. საერთაშორისო გამოფენა Qatar Travel Mart ტურიზმისა და სტუმარ-მასპინძლობის სფეროში ერთ-ერთ ყველაზე მნიშვნელოვან პლატფორმად ითვლება, რომელიც ყოველწლიურად აერთიანებს 60-ზე მეტ ქვეყანას, 300-ზე მეტ საერთაშორისო ორგანიზაციას და მას დაახლოებით 12 000 ვიზიტორი ესწრება.ღონისძიება ტრადიციულად დოჰაში ტარდება და მიზნად ისახავს ტურისტული მიმართულებების პოპულარიზაციას, ახალი საქმიანი ურთიერთობების ჩამოყალიებებას, ინოვაციების გაზიარებასა და საერთაშორისო თანამშრომლობის გაძლიერებას. აღსანიშნავია, რომ სპარსეთის ყურის ქვეყნებიდან საქართველოში ვიზიტორების რაოდენობა ყოველწლიურად იზრდება. საქართველოს უნიკალური ბუნება და კულტურა ვიზიტორებში განსაკუთრებულ ინტერესს იწვევს. დაცული ტერიტორიების სააგენტოს მონაწილეობა კატარის ტურისტულ გამოფენაში ხელს შეუწყობს ეროვნული პარკების ცნობადობის მეტად გაზრდას და საქართველოს ბუნების პოტენციალით დაინტერესებული ვიზიტორების მოზიდვას.

Crystalsport • 1764682054

„მხოლოდ მაშინ იწევს, როცა 20 კაცთან ერთადაა“ | პიმბლეტისა და ილიას შეხვედრა

პედი პიმბლეტმა საკუთარ Youtube არხზე ვიდეო გამოაქვეყნა. ინგლისელმა მებრძოლმა მაყურებელს კატარში გატარებული პერიოდის ამსახველი კადრები გაუზიარა, კამერებმა კი მისი და ილია თოფურიას შეხვედრაც გადაიღეს.თოფურიამ და პიმბლეტმა ერთმანეთი შორიდან დაინახეს და UFC-ის დაცვამ მათ მიახლოების საშუალება არ მისცა. „რა ხდება ძმაო? დღეს როგორ ხარ? ყველაფერი კარგადაა?“ - უთხრა ილიამ, რის საპასუხოდაც „ბედიმ“ მასზე კომენტარი გააკეთა.„სასაცილოა ის, რომ მხოლოდ მაშინ ცდილობს რაღაც გააკეთოს, როცა 20 კაცთან ერთად არის, მე კი მარტო ვარ. ახლა არაფერი უცდია, უბრალოდ ჩემკენ წამოვიდა“, - აღნიშნა პიმბლეტმა.განაგრძე კითხვა Crystalsport-ზე

საზოგადოება • 1764075775

გერმანული სამოგზაურო გამოცემა Reisereporter მკითხველს საქართველოში მოგზაურობას ურჩევს

ცნობილი გერმანულ სამოგზაურო პლატფორმა Reisereporter საქართველოს ტურისტული პონტენციალის შესახებ სტატიას აქვეყნებს სათაურით „ყველაზე შთამბეჭდავი ადგილები საქართველოში მოგზაურობისთვის“.გამოცემის ჟურნალისტი  ლენა კატარინა სტავსკი საქართველოში ტურიზმის ეროვნული ადმინისტრაციის მედია ტურის ფარგლებში იმყოფებოდა.  „საქართველომ ყოველ ნაბიჯზე გამაოცა, თავისი ბუნებით, ისტორიითა და ავთენტური კულტურით. ძნელად მოიძებნება სხვა ქვეყანა, სადაც ასეთ მცირე ტერიტორიაზე ამდენი მრავალფეროვნებაა თავმოყრილი“.სტატიაში აღწერილია თბილისი, ფარავნის ტბა, ვარძია, ქუთაისი, ჟინვალის წყალსაცავი, ასურეთი, კახეთი, საქართველოს გასტრო ტურისტული მრავალფეროვნება და ქართული ღვინო.„თბილისი კონტრასტების ქალაქია, სადაც ერთმანეთთან შეუფერხებლად თანაარსებობს თანამედროვე არქიტექტურა, უძველესი ისტორია და ცოცხალი ქუჩის კულტურა, კახეთი კი ღვინისა და ტრადიციების ნამდვილი აკვანია, რომელიც მოგზაურებს ადგილობრივ კულტურასთან  მჭიდრო კავშირს აგრძნობინებს. ვარძია ეს არის გამოქვაბული ქალაქი, რომელიც საქართველოს ერთ-ერთი ყველაზე მომხიბვლელი ადგილია და ქვეყნის ერთ-ერთი უდიდესი ტურისტული ღირსშესანიშნაობაა. კლდეში ნაკვეთი ქალაქი 600-ზე მეტ სივრცეს მოიცავს: სამლოცველოებს, სამრეკლოს, სატრაპეზოებს, ღვინის მარნებსა და ბერების კელიებს“,-წერს Reisereporter-ის ჟურნალისტი.https://www.reisereporter.de/reiseziele/europa/georgien/rundreise-durch-georgien-das-sind-die-spektakulaersten-orte-des-landes-HVBXAJFNJVEJLBHNFCBZ4ZJW7Q.html 

მსოფლიო • 1764053180

პაკისტანის თავდასხმის შედეგად ავღანეთში, სულ მცირე, 10 ადამიანი დაიღუპა

პაკისტანმა ავღანეთზე თავდასხმა განახორციელა, – ამის შესახებ „როიტერი“ წერს.სააგენტოს ინფორმაციით ავღანეთში, ხოსტის პროვინციაში თავდასხმას, სულ მცირე, 10 ადამიანი ემსხვერპლა, მათგან ცხრა ბავშვია.„თალიბანის“ ოფიციალური წარმომადგენლის, ზაბიჰულა მუჯაჰიდის განცხადებით, პაკისტანს ასევე სამხედრო რეიდი ჰქონდა კუნარისა და პაქტიკას პროვინციებში, სადაც ოთხი მოქალაქე დაშავდა.„როიტერი“ წერს, რომ ერთი დღით ადრე პაკისტანის ქალაქ პეშავარში ორმა ტერორისტმა თავი აიფეთქა, რასაც სამი სამხედრო ემსხვერპლა.შეგახსენებთ, რომ პაკისტანსა და ავღანეთს შორის შეტაკებები 11 ოქტომბერს დაიწყო. საუდის არაბეთისა და კატარის შუამავლობით დაპირისპირება დროებით შეწყდა, თუმცა ქვეყნებს შორის ყველა სასაზღვრო-გამშვები პუნქტი დაიხურა. დაპირისპირება 15 ოქტომბერს განახლდა, რასაც, სულ მცირე, ათი ადამიანი ემსხვერპლა. ამის შემდეგ პაკისტანი და ავღანეთი ჯერ – 48-საათიან, ხოლო მოგვიანებით დოჰაში ცეცხლის დაუყოვნებლივ შეწყვეტაზე შეთანხმდნენ.

პოლიტიკა • 1763127883

საქართველოს პრეზიდენტი მიხეილ ყაველაშვილი, NATO-სთან საქართველოს ახლად დანიშნულ წარმომადგენელსა და კატარის სახელმწიფოში საქართველოს ახლადდანიშნულ საგანგებო და სრულუფლებიან ელჩს შეხვდა

საქართველოს პრეზიდენტი მიხეილ ყაველაშვილი, ნატო-სთან საქართველოს ახლადდანიშნულ წარმომადგენელსა და კატარის სახელმწიფოში საქართველოს ახლადდანიშნულ საგანგებო და სრულუფლებიან ელჩს შეხვდა.მიხეილ ყაველაშვილმა ქართველ დიპლომატებს თანამდებობის დაკავება მიულოცა და მათ სამომავლო საქმიანობაში წარმატება უსურვა.ნატო-სთან საქართველოს წარმომადგენლად ირაკლი ბერაია, ხოლო კატარის სახელმწიფოში საქართველოს საგანგებო და სრულუფლებიან ელჩად, ვარლამ ავალიანი დაინიშნნენ.შეხვედრა პრეზიდენტის სასახლეში გაიმართა.

პოლიტიკა • 1762958675

პრემიერ-მინისტრი ნატოსთან საქართველოს ახლად დანიშნულ წარმომადგენელ ირაკლი ბერაიასა და კატარის სახელმწიფოში საქართველოს ახლად დანიშნულ ელჩს ვარლამ ავალიანს შეხვდა

საქართველოს პრემიერ-მინისტრი ირაკლი კობახიძე ნატოსთან საქართველოს წარმომადგენელ ირაკლი ბერაიასა და კატარის სახელმწიფოში საქართველოს საგანგებო და სრულუფლებიან ელჩს ვარლამ ავალიანს შეხვდა.მთავრობის მეთაურმა დიპლომატებს თანამდებობებზე დანიშვნა მიულოცა და წარმატებები უსურვა.ირაკლი ბერაია წლების განმავლობაში იყო საქართველოს პარლამენტში თავდაცვისა და უშიშროების კომიტეტის და საგარეო ურთიერთობათა კომიტეტის თავმჯდომარე, ასევე - საპარლამენტო დელეგაციის ხელმძღვანელი ნატოს საპარლამენტო ასამბლეაში. სხვადასხვა პერიოდში ირაკლი ბერაია ეკონომიკის და მდგრადი განვითარების სამინისტროს ეროვნული საინვესტიციო სააგენტოს დირექტორისა და შინაგან საქმეთა სამინისტროს რეფორმებისა და განვითარების სააგენტოს დირექტორის თანამდებობებზე მუშაობდა.ვარლამ ავალიანი 2021-2025 წლებში მედიაჰოლდინგის გენერალური დირექტორი იყო, რომელიც ტელეკომპანია „რუსთავი 2“-ს და რამდენიმე მედია პლატფორმას აერთიანებს, ასევე, 2019-2021 წლებში იყო „სტუდია მაესტრო“-ს აღმასრულებელი დირექტორი. ის 2014-2018 წლებში მუშაობდა საკონსულტაციო კომპანიებში კომუნიკაციების კონსულტანტად, ხოლო 2012-2014 წლებში იკავებდა საქართველოს თავდაცვის მინისტრის მრჩევლისა და მოადგილის თანამდებობებს. ვარლამ ავალიანი 1999-2013 წლებში იყო ჟურნალისტი სხვადასხვა ტელეკომპანიაში.