კატარ

აშშ-ის ეროვნული დაზვერვის სამმართველომ კრემლის მიერ შეკვეთილი მკვლელობების შესახებ მოხსენება გაასაჯაროვა - „ბლუმბერგი“

„ბლუმბერგის“ ცნობით, აშშ-ის ეროვნული დაზვერვის სამმართველომ ნაწილობრივ გაასაჯაროვა.დოკუმენტი რუსეთის პრეზიდენტის, ვლადიმირ პუტინის პოლიტიკური მოწინააღმდეგეების შეკვეთილი მკვლელობების შესახებ, რომელიც საზღვარგარეთ იყო ჩადენილი.დოკუმენტში სახელწოდებით „კრემლის შეკვეთით მკვლელობები საზღვარგარეთ, სავარაუდოდ, გაგრძელდება“ ჩამოთვლილია რუსეთის ხელისუფლებისთვის არასასურველი ადამიანების სიკვდილის შემთხვევები, რომლებიც, აშშ-ის ვერსიით, შეიძლება, ჩაედინა რუსეთის სპეცსამსახურებს 2000 წლის პირველი იანვრიდან 2016 წლის ივლისამდე.„შეფასების თანახმად, პუტინის მიერ საზღვარგარეთ მკვლელობის შეკვეთის პირველი აშკარა შემთხვევა” მოხდა 2004 წელს კატარში. იქ რუსეთის სამხედრო დაზვერვის რამდენიმე ოფიცერი გაასამართლეს ჩეჩენი ლიდერის ზელიმხან იანდარბიევის მკვლელობისთვის, რომელიც აშშ-მა და გაერო-მ ტერორისტად აღიარეს“, – ნათქვამია დოკუმენტში.„ბლუმბერგის“ მიხედვით, ჩეჩენი სეპარატისტისა და „იჩქერიის“ ერთ-ერთი ყოფილი ხელმძღვანელის მკვლელობისთვის რუსეთის დაზვერვის ოფიცრები ანატოლი ბელაშკოვი და ვასილი ბოგაჩევი გაასამართლეს. მოგვიანებით, ისინი რუსეთს გადასცეს, მაგრამ უკვე 2005 წელს სასჯელაღსრულების ფედერალურმა სამსახურმა განაცხადა, რომ მათი ადგილსამყოფელი უცნობია.„ბლუმბერგის“ მიერ მოპოვებულ ტექსტში ნახსენებია ლონდონში რუსეთის ფედერალური უსაფრთხოების სამსახურის ყოფილი თანამშრომლის ალექსანდრე ლიტვინენკოს რეზონანსული მკვლელობა, რომელიც აქტიურად აკრიტიკებდა პუტინს და აცხადებდა რუსეთის სპეცსამსახურების მონაწილეობის შესახებ 1999 წლის საცხოვრებელი სახლების აფეთქებებში. ბრიტანეთის ვერსიით, ლიტვინენკოს ჩაიში რადიოაქტიური პოლონიუმი შეურია სახელმწიფო დუმის დეპუტატმა, ანდრეი ლუგოვოიმ და ბიზნესმენმა დმიტრი კოვტუნმა, რომელიც წარსულში რუსეთს დაზვერვის თანამშრომელი იყო.აშშ-ის დაზვერვა დოკუმენტში ასევე ადასტურებს, რომ მკვლელობა კრემლის ბრძანებით იყო ჩადენილი.დოკუმენტში სახელობით ჩამოთვლილია სხვა მაღალჩინოსნებიც, რომელთა მკვლელობის ბრძანებაც სავარაუდოდ კრემლის მეთაურმა გასცა. მათ შორის არიან რუსი ბიზნესმენის ალექსანდრ პერეპილიჩნი, რომელიც გავრცელებული ცნობით, 2012 წელს დიდი ბრიტანეთში ბიოლოგიური ტოქსინით მოკლეს და უკრაინის ყოფილი პრეზიდენტი ვიქტორ იუშენკო, რომელიც 2004 წელს მოწამვლას ცოცხალი გადაურჩა.აშშ-ის ეროვნული დაზვერვა ვარაუდობს, რომ ასეთ მკვლელობები პუტინის მიერ პირადად არის სანქცირებული და ეს მომავალშიც გაგრძელდება. რუსეთის საელჩომ ვაშინგტონში ბლუმბერგთან აღნიშნულ ინფორმაციაზე კომენტარის არ გააკეთა.

საზოგადოება • 1732273098

სასაზღვრო პოლიციის სანაპირო დაცვის დეპარტამენტის თანამშრომლებმა მრავალეროვნულ საზღვაო სწავლებაში - Phoenix Express 2024 მონაწილეობა პირველად მიიღეს

შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის თანამშრომლებმა ამერიკის შეერთებული შტატების სამხედრო-საზღვაო ძალების ევროპისა და აფრიკის სარდლობის (NAVEUR) მიერ ორგანიზებულ მრავალეროვნულ საზღვაო სწავლებაში - Phoenix Express 2024 მონაწილეობა მიიღეს. ინფორმაციას სასაზღვრო პოლიცია ავრცელებს.საზღვაო სწავლება, ტუნისის რესპუბლიკაში ქალაქ ბიზერტასა და ლა-გულეტში, ხმელთაშუა ზღვაზე 2 კვირის განმავლობაში მიმდინარეობდა.აღნიშნულ ღონისძიებაში, საქართველოს სასაზღვრო პოლიციის სანაპირო დაცვის დეპარტამენტის საზღვაო უსაფრთხოებისა და კანონაღსრულების ტაქტიკური ქვედანაყოფების, მყვინთავთა და მცირე კატარღების შემადგენლობის, ასევე, სწავლების შტაბში მივლენილი სულ ოცი თანამშრომელი მონაწილეობდა. სწავლებაში ქართული მხარის ჩართულობა საქართველოში ამერიკის შეერთებული შტატების საელჩოს თავდაცვის თანამშრომლობის ოფისის (ODC) მხარდაჭერითა და კოორდინაციით განხორციელდა.სწავლების დასრულების შემდეგ სასაზღვრო პოლიციის სანაპირო დაცვის დეპარტამენტის პირად შემადგენლობას შესაბამისი სერტიფიკატები გადაეცათ, ხოლო 5 მათგანი ტუნისის სამხედრო-საზღვაო ძალების სამკერდე ნიშნით დაჯილდოვდა. აღსანიშნავია, რომ მსგავს საზღვაო სწავლებაში ქართული მხარის ჩართულობა პირველად განხორციელდა.ღონისძიებაში 37 ქვეყნისა და საერთაშორისო ორგანიზაციების წარმომადგენლები მონაწილეობდნენ. საზღვაო სწავლების მიზანს წარმოადგენდა ამერიკის შეერთებული შტატებისა და პარტნიორი ქვეყნების სამხედრო საზღვაო ძალების შესაძლებლობების შეფასება, თანამშრომლობის გაღრმავება და გამოცდილების გაზიარება საზღვაო უსაფრთხოების ოპერაციების განხორციელების მიმართულებით.

პოლიტიკა • 1731947942

ევროპარლამენტარი კატარინა როთ ნევედალოვა: ვერ ვხედავ ვერანაირ საფუძველს, თუ რატომ უნდა ჩავატაროთ რაიმე სახის გამოძიება ან მსგავსი საერთაშორისო შეფასებები. ოპოზიციას შეუძლია, ეს მოითხოვოს, თუმცა ჩვენ ამ მოთხოვნებს არ უნდა ავყვეთ

ვერ ვხედავ ვერანაირ საფუძველს, თუ რატომ უნდა ჩავატაროთ რაიმე სახის გამოძიება ან მსგავსი საერთაშორისო შეფასებები. ოპოზიციას შეუძლია, ეს მოითხოვოს, თუმცა ჩვენ ამ მოთხოვნებს არ უნდა ავყვეთ, - განაცხადა „ქრონიკასთან“ ინტერვიუს დროს ევროპარლამენტარმა კატარინა როთ ნევედალოვამ.იგი საქართველოში 26 ოქტომბრის საპარლამენტო არჩევნების შედეგებთან დაკავშირებით გაკეთებულ განცხადებებს გამოეხმაურა და აღნიშნა, რომ ეუთო-ოდირის სადამკვირვებლო მისიის შეფასებას ეყრდნობა.„ერთია, როდესაც ოპოზიცია აყენებს კითხვის ნიშნის ქვეშ არჩევნების შედეგების ლეგიტიმურობას. თუმცა, მეორე მხრივ, არც ერთ საერთაშორისო ინსტიტუტს არ დაუყენებია ეჭვქვეშ არჩევნების შედეგები. მათ შორის, არც ეუთო/ოდირს, რომლის წარმომადგენლობაც ადგილზე იმყოფებოდა და არჩევნებს აკვირდებოდა.ანგარიშში ამ არჩევნების შედეგების ლეგიტიმურობაზეც არ დავობენ. ვერ ვხედავ ვერანაირ საფუძველს, თუ რატომ უნდა ჩავატაროთ რაიმე სახის გამოძიება ან მსგავსი საერთაშორისო შეფასებები. ოპოზიციას შეუძლია ეს მოითხოვოს, თუმცა ჩვენ ამ მოთხოვნებს არ უნდა ავყვეთ“, - განაცხადა კატერინა როთ ნევედალოვამ.

პოლიტიკა • 1731947100

ევროპარლამენტარი: პატივი უნდა ვცეთ არჩევნების შედეგებს და ვიმუშაოთ იმ მთავრობასთან, რომელიც საქართველოში კანონიერად აირჩიეს

ევროპელი ლიდერები ქართველი ხალხის მიერ დამოუკიდებლად მიღებულ გადაწყვეტილებებში არ უნდა ერეოდნენ, - ასე აფასებს ევროპარლამენტარი, კატარინა როთ ნევედალოვა მისი ზოგიერთი კოლეგის მიერ 26 ოქტომბრის საპარლამენტო არჩევნების შედეგებისადმი გაკეთებულ კრიტიკულ განცხადებებს.ევროპელი კანონმდებელი განმარტავს, რომ ქართველმა ხალხმა საკუთარი ხელისუფლება კანონიერად აირჩია და საერთაშორისო საზოგადოებამ ამ არჩევანს პატივი უნდა სცეს.„საქართველო არის დამოუკიდებელი სახელმწიფო და პატივი უნდა ვცეთ მას, ვინც ქართველმა ხალხმა ლიდერად აირჩია. პატივი უნდა ვცეთ თქვენს დამოუკიდებელ გადაწყვეტილებას. ეს არის საქართველოს უფლება. ამიტომ, როდესაც ჩვენ ვხედავთ თქვენ მიერ გაკეთებული არჩევანის შედეგებს საერთაშორისო საზოგადოებას მხოლოდ პატივისცემა გვმართებს და ასეთ გადაწყვეტილებებში არ უნდა ვერეოდეთ. ვნახეთ ეუთო/ოდირის დასკვნა, რომელიც ცოტა კრიტიკული იყო თუმცა ამ მისიასაც არ დაუყენებია კითხვის ნიშნის ქვეშ საპარლამენტო არჩევნების შედეგები. შესაბამისად პატივი უნდა ვცეთ არჩევნების შედეგებს და ვიმუშაოთ იმ მთავრობასთან, რომელიც საქართველოში კანონიერად აირჩიეს“, - აღნიშნა ევროპარლამენტარმა.

მსოფლიო • 1729241425

„ჰეზბოლას“ განცხადებით, „ჰამასის“ ლიდერის მკვლელობის შემდეგ ის ისრაელთან ომს გააძლიერებს

ლიბანში მოქმედმა დაჯგუფება „ჰეზბოლამ“ განაცხადა, რომ ის ისრაელთან ომის ახალ ფაზაზე გადადის. ინფორმაციას Reuters-ი ავრცელებს.ამასთან ერთად, გაეროში ირანის დიპლომატიურმა წარმომადგენლობამ განცხადება გაავრცელა, რომლის თანახმადაც, „ჰამასის“ ლიდერის იაჰია სინვარის მკვლელობის შემდეგ „წინააღმდეგობის სული გაძლიერდება“.თავად „ჰამასს“ მომხდართან დაკავშირებით განცხადება არ გაუვრცელებია, თუმცა დაჯგუფების წევრები სინვარის სიკვდილს ადასტურებენ.დასავლური ქვეყნების ლიდერები ფიქრობენ, რომ სინვარის მკვლელობის შემდეგ კონფლიქტი ღაზის სექტორში დასასრულს მიუახლოვდა. ამ მიზნით აშშ-ის სახელმწიფო მდივანმა ენტონი ბლინკენმა სატელეფონო საუბრები გამართა მის კოლეგებთან კატარიდან და საუდის არაბეთიდან.თუმცა, სააგენტოს ინფორმაციით, ისრაელის პრემიერ-მინისტრი ბენიამინ ნეთანიაჰუ მიიჩნევს, რომ ომი გაგრძელდება მანამ, სანამ „ჰამასი“ 2023 წლის 7 ოქტომბერს გატაცებულ ყველა მძევალს არ გაათავისუფლებს.

პოლიტიკა • 1729110026

მწერალი კლოდ ჟანვიე: ფინანსური ოლიგარქიის ზეწოლის შედეგად ოჯახური ღირებულებების და კულტურის ფუნდამენტი დეგრადირდა - დასავლეთი ამ ანგლოსაქსური მომაკვდინებელი იდეოლოგიის ქვეშ არის მოქცეული

ვის უკან დგას და როგორ მოქმედებს ფინანსური ელიტა - მათ მიერ გამოყენებულ მეთოდებზე ჩემს წიგნშიც არის საუბარი. ისინი საკუთარ მიზნებს საკმაოდ მდიდარი და წარმატებული ადამიანების მეშვეობით აღწევენ, როგორიცაა მაგალითად ბილ გეითსი, ჯორჯ სოროსი, „გუგლის“, „ფეისბუქის“ და სხვა ტექნოლოგიური გიგანტების მფლობელები, - განაცხადა ფრანგმა მწერალმა კლოდ ჟანვიემ გადაცემა „იმედი LIVE“-თან ექსკლუზიურ ინტერვიუში, რითაც უპასუხა კითხვას - რა მეთოდებით და ინსტრუმენტებით ხერხდება სხვადასხვა ქვეყნის მმართველი ძალების კონტროლი?„მათ იყენებენ ჰეგემონიის შესანარჩუნებლად. მთელ დასავლურ საზოგადოებაში და ასევე აზიის რიგ ქვეყნებში ნერგავენ ჯანდაცვის, კლიმატის, საკვების, ან მაგალითად განათლების სასურველ პროგრამებს. ამგვარად აღმოჩნდა ევროპა ე.წ. დაღმავალ სპირალში. დღეს აღარ არსებობს ის საფრანგეთი, რომელიც მე მახსოვს ჯერ კიდევ 50 წლის წინ. კარგად მახსოვს ძლიერი განმანათლებლობის პერიოდი, საფრანგეთი მოწინავე იყო ტექნოლოგიების სფეროში, ისევე, როგორც კულტურაში. დღეს მე ძალიან განვიცდი ჩვენი ქვეყნის მდგომარეობას. ოჯახური ღირებულებები გადაგვარდა, დამახინჯდა, ფინანსური ოლიგარქიის ზეწოლის შედეგად, ოჯახური ღირებულებების და კულტურის ფუნდამენტი დეგრადირდა. ჩვენ მოვესწარით სექსუალური განათლების გაკვეთილებს 4 წლამდე ბავშვებისთვის. ამას აკეთებენ, რათა ჩვენი საზოგადოების ღირებულებები გაანადგურონ. დასავლეთი მთლიანად ამ ანგლოსაქსური მომაკვდინებელი იდეოლოგიის ქვეშ არის მოქცეული. ფინანსური ელიტის ეს იდეოლოგია თანხვედრაში მოდის პედოფილურ-კრიმინალური ქსელის ინტერესებთან, რომელსაც ჩვენს წიგნში ვამხელთ“, - განაცხადა კლოდ ჟანვიემ.მან ისაუბრა საქართველოს პარლამენტის მიერ მიღებულ ლგბტ პროპაგანდის საწინააღმდეგო კანონის მიმართ ევროკავშირის სხვადასხვა ინსტიტუტის კრიტიკის მიზეზებზე და აღნიშნა, რომ „ეს მათი მხრიდან აშკარა ზეწოლაა“.„უნდა გავაცნობიეროთ ის, თუ რამდენად გავლენიანია ეს ჯგუფი. მაგალითად მოგიყვანოთ ჯანმოს - ყველა მთავრობა ენდობა ამ ორგანიზაციას, მაგრამ თუ გავაანალიზებთ ვინ აფინანსებს მას, ვნახავთ, რომ ეს არის ბილ გეითსი თავისი ფონდით, ასევე სხვა ფონდები, რომლებიც ჯანმოს ბიუჯეტის ორ მესამედს ავსებენ. ეს ნიშნავს, რომ ორგანიზაცია დამოუკიდებელი აღარაა და ფინანსურ ოლიგარქიას ექვემდებარება. ეს ჯგუფი ცდილობს სხვადასხვა ქვეყნების მთავრობების მოსყიდვას. საბედნიეროდ ზოგიერთი სახელმწიფო ამ ზეწოლას წინააღმდეგობას უწევს. დღეს ჩვენ ძალიან მნიშვნელოვან, საკვანძო პერიოდს გავდივართ. შეერთებულ შტატებს ერთპოლუსიანი სამყაროს შენარჩუნება სურს. სამწუხაროდ, მას მხარს უჭერს ევროპა, რადგან მისი ვასალია, ასევე ისრაელი, კატარი, იაპონია და ის ქვეყნები, რომლებიც ე.წ. საერთო კეთილდღეობის ნაწილად ითვლებიან. ეს ჯგუფი მრავალპოლუსიან სამყაროს მოდელს უპირისპირდება, რომელსაც თავის მხრივ მხარს უჭერს ჩინეთი, ინდოეთი, რუსეთი, ირანი, ბრაზილია, სირია - ყველა ის, ვინც არ მიიჩნევა აშშ-ის პირდაპირ მოკავშირედ. ჩვენ მართლაც გარდამტეხ ეპოქაში ვცხოვრობთ. ვისურვებდი, რომ მრავალპოლუსიანმა სამყარომ გაიმარჯვოს, წინააღმდეგ შემთხვევაში უფსკრულისკენ მივექანებით და ეს საშინელებაა“, - აღნიშნა მწერალმა.

პოლიტიკა • 1729065302

საუდის არაბეთის პრინცი ევროკავშირისა და სპარსეთის ყურის ქვეყნების თანამშრომლობის საბჭოს სამიტში მიიღებს მონაწილეობას

საუდის არაბეთის პრინცი მოჰამედ ბინ სალმანი ევროკავშირისა და სპარსეთის ყურის ქვეყნების ლიდერთა შეხვედრას დაესწრება, მონაწილეობას მიიღებს ევროკავშირისა და სპარსეთის ყურის თანამშრომლობის საბჭოს სამიტში.„პოლიტიკო“ წერს, რომ აღნიშნული ინფორმაცია ბრიუსელშიც დაადასტურეს„პოლიტიკო“ აღნიშნავს, რომ ევროკავშირის სამიტზე საუდის არაბეთის პრინცის დასწრება მნიშვნელოვანია, რადგანაც თავის დროზე მოჰამედ ბინ სალმანი დასავლეთში პერსონა ნონ გრატად იყო გამოცხადებული. ამის მიზეზი 2018 წელს ჟურნალისტ ჯამალ ხაშოგის გახმაურებული მკვლელობა იყო, რაც სავარაუდოდ, სალმანის მითითებით მოხდა.„პოლიტიკოს“ ცნობით, მოჰამედ ბინ სალმანს ევროკავშირის მაღალი თანამდებობის პირები შეხვდებიან, მათ შორის ევროპული საბჭოს პრეზიდენტი შარლ მიშელი.სამიტს ასევე დაესწრებიან ევროკომისიის პრეზიდენტი ურსულა ფონ დერ ლაიენი და საფრანგეთის პრეზიდენტი ემანუელ მაკრონი.სპარსეთის ყურის თანამშრომლობის საბჭოს წევრი ასევე არის არაბთა გაერთიანებული საამიროები, რომელიც სამიტზე წარმოდგენილი იქნება მხოლოდ ვიცე-პრემიერითა და ფინანსთა მინისტრით.„პოლიტიკოს“ ინფორმაციით, შეხვედრას ასევე დაესწრებიან ქუვეითისა და ბაჰრეინის მთავრობების მეთაურები და კატარის ემირი. ამასთან სამიტზე სავარაუდოდ, არ გემგზავრება გერმანიის კანცლერი ოლაფ შოლცი„პოლიტიკო“ წერს, რომ ბოლო წლებში ევროკავშირმა გააძლიერა კავშირები წიაღისეული საწვავით მდიდარ სპარსეთის ყურის რეგიონთან, განსაკუთრებით რუსეთის მიერ უკრაინაში სრულმასშტაბიანი შეჭრის შემდეგ. თუმცა, ურთიერთობას სერიოზული დაბრკოლებები შეხვდა-„კატარგეიტის“ სკანდალმა, რომლის ფარგლებშიც ევროპარლამენტის წევრები კატარის ინტერესების ლობირების სანაცვლოდ ქრთამის მიღებაში დაადანაშაულეს.ევროკავშირისა და სპარსეთის ყურის ქვეყნების ლიდერთა შეხვედრა დღეს გაიმართება.

მსოფლიო • 1728992166

ისრაელმა განზრახ აირჩია, გაეფართოებინა აგრესია, რათა მდინარე იორდანეს დასავლეთ ნაპირსა და ლიბანში თავისი გეგმები განეხორციელებინა - კატარის ემირი

ისრაელმა განზრახ აირჩია, გაეფართოებინა თავისი აგრესია, რათა განეხორციელებინა წინასწარ მომზადებული გეგმები მდინარე იორდანეს დასავლეთ ნაპირსა და ლიბანში, – ამის შესახებ კატარის ემირმა, შეიხ ტამიმ ბინ ჰამად ალ-ტანიმ განაცხადა.დოჰაში კატარის შურას საბჭოს გახსნისას ალ-ტანიმ აღნიშნა, რომ ლიბანის საზღვარზე ესკალაციის შესაჩერებლად ყველაზე მარტივი და უსაფრთხო გზა არის ომის შეჩერება ღაზაში.„განადგურება არ იმუშავებს გამძლე პალესტინელ ხალხთან, რომელიც იცავს თავის ლეგიტიმურ უფლებებს“, – განაცხადა კატარის ემირმა.კატარი მთავარი შუამავალია ღაზაში ცეცხლის შეწყვეტისა და მძევლებთან დაკავშირებით შეთანხმების მიღწევის მცდელობებში.

მსოფლიო • 1728634313

სპარსეთის ყურის ქვეყნები აშშ-ს სთხოვენ ისრაელს ირანის ნავთობის ობიექტების დაბომბვაზე უარი ათქმევინოს

სპარსეთის ყურის ქვეყნები თხოვნით მიმართავენ აშშ-ს ისრაელს ირანის ნავთობის ობიექტების დაბომბვაზე უარი ათქმევინოს. ინფორმაციას Reuters-ი ავრცელებს.მათი შეშფოთების მთავარ საგანს ის წარმოადგენს, რომ თუ ისრაელი ირანის ნავთობის ობიექტებს დაარტყამს, თეირანის საპასუხო იერიშის დროს შესაძლოა სპარსეთის ყურის სხვა ქვეყნების ნავთობის ობიექტები დაზარალდნენ.კონფლიქტში ჩარევისგან თავიდან აცილების მიზნით საუდის არაბეთმა, გაერთიანებულმა არაბთა საამირომ და კატარმა ისრაელს ირანზე თავდასხმისთვის საკუთარი საჰაერო სივრცით სარგებლობაზე უარი განუცხადეს. საკუთარი გადაწყვეტილების შესახებ მათ ვაშინგტონს აცნობეს.როგორც სააგენტო იუწყება, სპარსეთის ყურის ქვეყნებმა ვაშინგტონზე ზეწოლა ირანის თხოვნით გააძლიერეს, ვინაიდან თეირანი შიშობს, რომ ისრაელმა შესაძლოა მართლა დაბომბოს მისი ნავთობის ობიექტები.როგორც Reuters-ს ერთ-ერთმა ირანელმა დიპლომატმა განუცხადა, ირანსა და საუდის არაბეთს შორის ამ კვირას შემდგარი მოლაპარაკებების დროს თეირანმა ერ-რიადი გააფრთხილა, რომ ის ვერანაირად ვერ უზრუნველყოფს მათი ნავთობის ობიექტების უსაფრთხოებას, თუ ისინი ისრაელს შეტევის განხორციელებაში დახმარებას გაუწევენ.

ომი უკრაინაში • 1727328677

აშშ-მა უკრაინას 375 მილიონი დოლარის ოდენობის დახმარების ახალი პაკეტი გამოუყო

აშშ-ის მთავრობამ უკრაინას სამხედრო დახმარების მორიგი პაკეტი გამოუყო, რომლის საერთო ღირებულება 375 მილიონ დოლარს შეადგენს. ინფორმაციას პენტაგონი ავრცელებს.დახმარების ახალ პაკეტში შედის: „ხმელეთი - ჰაერის“ კლასის ჭურვები, HIMARS-ის ტიპის საარტილერიო ჭურვები, 155 და 105 მილიმეტრიანი საარტილერიო ჭურვები, TOW ტიპის რაკეტები, ტანკსაწინააღმდეგო სისტემები Javelin და AT-4, შეჯავშნილი მანქანები M1117, ნაღმების, თავდასხმისა და ჩასაფრებისგან დაცული MRAP ტიპის ავტომობილები, მსუბუქი ტაქტიკური მანქანები, შეჯავშნილი სახიდე სისტემები, ცეცხლსასროლი იარაღი, საპატრულო კატარღები, განაღმვითი ტექნიკა და აღჭურვილობა, სათადარიგო ნაწილები, დამხმარე აღჭურვილობა.პენტაგონში განმარტავენ, რომ ეს უკვე დახმარების 66 პაკეტია, რომელიც უკრაინას 2021 წლიდან მიეწოდება.“შეერთებული შტატები გააგრძელებს თანამშრომლობას დაახლოებით 50 მოკავშირესა და პარტნიორთან უკრაინის თავდაცვის საკონტაქტო ჯგუფის ფარგლებში, რათა უკრაინა უზრუნველყოფილი იყოს სამხედრო პოტენციალით, მხარდაჭერით, რომელიც საჭიროა, რომ მან ომში გაიმარჯვოს“, - აღნიშნეს აშშ-ის თავდაცვის დეპარტამენტში.

მსოფლიო • 1727328112

მოკავშირეები ისრაელსა და „ჰეზბოლას“ დროებითი ზავისკენ მოუწოდებენ

მოკავშირეები, მათ შორის აშშ და ევროკავშირი, ისრაელს ლიბანში ცეცხლის დროებითი შეწყვეტისკენ მოუწოდებენ.BBC-ს ცნობით, 12-მა სახელმწიფომ მხარეებს 21-დღიანი პაუზის გაკეთებისკენ მოუწოდა, რათა გახსნან სივრცე დიპლომატიისთვის. ერთობლივ განცხადებაში ისინი აღნიშნავენ, რომ ისრაელის „ჰეზბოლასთან“ დაპირისპირება წარმოადგენს „უფრო ფართო რეგიონული ესკალაციის მიუღებელ რისკს“, რაც არ შედის არც ისრაელელი, არც ლიბანელი ხალხის ინტერესებში.განცხადებას ხელი მოაწერეს: აშშ-მა, ავსტრალიამ, კანადამ, ევროკავშირმა, საფრანგეთმა, გერმანიამ, იტალიამ, იაპონიამ, საუდის არაბეთმა, არაბთა გაერთიანებულმა საამიროებმა, დიდმა ბრიტანეთმა და კატარმა.

პოლიტიკა • 1727273709

ბაჩო ოდიშარია ბაიდენის ადმინისტრაციის მხრიდან მიწვევის გაუქმებაზე - რა ანტიდემოკრატიულ რიტორიკაზეა საუბარი, როცა წინა წელს კატარს ტერორისტულ სახელმწიფოს ეძახდნენ და წელს მიწვევა მათთვის არ გაუუქმებიათ

„არაფერი პირადული, მხოლოდ ბიზნესი” - უსტილოდ, მაგრამ ზუსტად გამოიხატა დღეს საქართველოს პრემიერის ჯერ დაპატიჟებასა და შემდეგ მოწვევის გაუქმებაშივ- ამის შესახებ ეროვნული კინოცენტრის ფილმწარმოების დეპარტამენტის უფროსი ბაჩო ოდიშარია სოციალურ ქსელში წერს.როგორც ოდიშარია აღნიშნავს, რა ანტიდემოკრატიულ რიტორიკაზეა საუბარი, როცა წინა წელს კატარს ტერორისტულ სახელმწიფოს ეძახდნენ და წელს მიწვევა მათთვის არ გაუუქმებიათ.მისივე თქმით, ირაკლი კობახიძე აშშ-ში „პერსონალური ვიზიტით არ იმყოფება, ის საქართველოს წარმოადგენს, ამიტომ “არაფერი პირადული, მხოლოდ ბიზნესი” ჩვენ მოგვემართება, როგორც ქვეყანას, რომელიც მხარს უჭერს მშვიდობის პოლიტიკას და ლეგიტიმაციას აძლევს ხელისუფლებას“.„განგსტერული წიაღიდან წამოსული პოსტულატი, რომელიც უკვე კაი ხანია ამერიკული ბიზნესურთიერთობების კრედოა - “არაფერი პირადული, მხოლოდ ბიზნესი” - უსტილოდ, მაგრამ ზუსტად გამოიხატა დღეს საქართველოს პრემიერის ჯერ დაპატიჟებასა და შემდეგ მოწვევის გაუქმებაში. ამერიკის არსებული მმართველი ელიტა (რასაკვირველია აქ ვერ იგულისხმება “სლიფი ჯო”), ვერ ეგუება იმ ფაქტს, რომ ჩვენთან საომარი ბიზნესი ვერ წამოიწყეს, რომ მათთვის ათწლეულებით ნაჩვევი დაჩმორებული ქვეყნის ნაცვლად, სუვერენული ქვეყნის, ურთიერთპატივისცემაზე და ორმხრივ თანამშრომლობაზე ორიენტირებული ხელისუფლება შერჩათ ხელთ. შესაბამისად, იქცევიან ჰორმონებს აყოლილი ბულერი უფროსკლასელივით, რომლის ბოლოც ყოველთვის სინანულში ჩავარდნაა. თუმცა მგონი უფრო ეს გაბუტული შეყვარებულის ქცევას ჰგავს, რომელიც რაციონალიზმს კარგავს და ემოციების მიხედვით, პანიკურად მოქმედებს ახალ მოცემულობასთან - რომ საქართველო ვასალი ქვეყანა აღარაა - ვერ შეგუების გამო.აბა რა ანტიდემოკრატიულ რიტორიკაზეა საუბარი, როცა წინა წელს ყატარს ტერორისტულ სახელმწიფოს ეძახდნენ და წელს მიწვევა მათთვის არ გაუუქმებიათ. ირაკლი კობახიძე იქ პერსონალური ვიზიტით არ იმყოფება, ის საქართველოს წარმოადგენს, ამიტომ “არაფერი პირადული, მხოლოდ ბიზნესი” ჩვენ მოგვემართება, როგორც ქვეყანას, რომელიც მხარს უჭერს მშვიდობის პოლიტიკას და ლეგიტიმაციას აძლევს ხელისუფლებას. მოკლედ, ეს იქით იყოს და ვულოცავ ირაკლი კობახიძეს დაბადების დღეს, დარწმუნებული ვარ ვენტრილოკვისტის თოჯინად გადაქცეულ პრეზიდენტთან მიღებაზე ბევრად საინტერესოდ და ნაყოფიერად გაატარებს დღეს.“-წერს ბაჩო ოდიშარია.