სამართალი • 1782029090

შინაგან საქმეთა მინისტრმა აჭარის რეგიონში სამუშაო შეხვედრები გამართა

შინაგან საქმეთა მინისტრმა სულხან თამაზაშვილმა, მოადგილეებთან გიორგი ბახუაშვილთან და ალექსანდრე დარახველიძესთან ერთად, აჭარის რეგიონში სამუშაო შეხვედრები გამართა.მინისტრმა აჭარის პოლიციის დეპარტამენტის, ასევე, საპატრულო პოლიციის დეპარტამენტის ხელმძღვანელ პირებთან სამუშაო შეხვედრა გამართა, სადაც რეგიონში არსებული ვითარება და ზაფხულის სეზონზე უსაფრთხოების უზრუნველყოფასთან დაკავშირებული საკითხები განიხილეს. შეხვედრაზე აღინიშნა, რომ ტურისტული სეზონის პერიოდში საპოლიციო დანაყოფები გაძლიერებული რესურსით სრულ მზადყოფნაში არიან.აღსანიშნავია, რომ საპატრულო პოლიციის დეპარტამენტის აჭარის მთავარი სამმართველოს ავტოპარკი განახლდა და 30-ზე მეტი ახალი ავტომობილი დაემატა, რაც რეგიონში საპოლიციო საქმიანობის ეფექტიანობისა და საზოგადოებრივიუსაფრთხოების კიდევ უფრო გაუმჯობესებას შეუწყობს ხელს.შინაგან საქმეთა მინისტრი აჭარის რეგიონში განთავსებულ სამინისტროს სხვა სტრუქტურულ დანაყოფებსაც ეწვია, თანამშრომლებს გაესაუბრა და სამუშაო სივრცეები, ასევე, აღჭურვილობა დაათვალიერა.სულხან თამაზაშვილი ბათუმის საერთაშორისო აეროპორტშიც იმყოფებოდა, სადაც უწყების იმ თანამშრომლებს შეხვდა, რომლებიც სახელმწიფო საზღვარზე უსაფრთხოებასა და მართლწესრიგს უზრუნველყოფენ.

რეგიონი • 1782025800

სულხან თამაზაშვილი სანაპირო დაცვის დეპარტამენტის ფოთის ბაზას ესტუმრა

შინაგან საქმეთა მინისტრი სულხან თამაზაშვილი სასაზღვრო პოლიციის სანაპირო დაცვის დეპარტამენტის ფოთის ბაზას ესტუმრა. შინაგან საქმეთა მინისტრმა, სასაზღვრო პოლიციის უფროსთან დავით თამაზაშვილთან და დეპარტამენტის ხელმძღვანელ პირებთან ერთად თანამშრომლების სამუშაო სივრცეები, სანაპირო დაცვის მცურავი საშუალებები და ფოთის ბაზაზე არსებული ინფრასტრუქტურა დაათვალიერა.სულხან თამაზაშვილმა სანაპირო დაცვის დეპარტამენტის თანამშრომლებს ეფექტიანი საქმიანობისთვის მადლობა გადაუხადა.

რეგიონი • 1781970278

ბათუმში ზაფხულის ტურისტული სეზონი ოფიციალურად გაიხსნა

ბათუმში, შინაგან საქმეთა სამინისტროს მიერ ტურისტული სეზონის გახსნისადმი მიძღვნილ ოფიციალურ ღონისძიებას აჭარის მთავრობის თავმჯდომარე ზურაბ პატარაძე უმაღლესი საბჭოს თავმჯდომარე ცოტნე ანანიძესთან, შინაგან საქმეთა სამინისტროს ხელმძღვანელ პირებთან, საკანონმდებლო და აღმასრულებელი ხელისუფლების, ასევე თვითმმართველობის წარმომადგენლებთან ერდათ დაესწრო.ზურაბ პატარაძემ სიტყვით გამოსვლისას აღნიშნა, რომ ქვეყნის პრაგმატული პოლიტიკა ეფუძნება სიძლიერეზე, უსაფრთხოებასა და განვითარებაზე ორიენტირებულ მიდგომას, სადაც განსაკუთრებული მნიშვნელობა ენიჭება შინაგან საქმეთა სამინისტროს ჩართულობასა და თითოეული თანამშრომლის როლს უსაფრთხოებისა და სტაბილურობის უზრუნველყოფაში ტურიზმის განვითარების პროცესში.„ბათუმი არის სრულად მზად საზაფხულო ტურისტული სეზონისთვის განახლებული ინფრასტრუქტურით, ახალი ტურისტული პროდუქტებით, განახლებული სერვისებით, შესაძლებლობებით და განსაკუთრებული სტუმართმასპინძლობით. ეს არის ჩვენი ქვეყნისა და ხელისუფლების პრაგმატული პოლიტიკა, რომელიც დაფუძნებულია ქვეყნის სიძლიერეზე, უსაფრთხოებაზე, წარმატებასა და ხვალინდელ დღეზე. ამ კონტექსტში განსაკუთრებით მინდა აღვნიშნო საქართველოს შინაგან საქმეთა სამინისტროს ჩართულობა.როდესაც ვსაუბრობთ უსაფრთხო ქვეყანაზე, ტურიზმის განვითარებაზე, ცნობადობის ამაღლებასა და პროგრესზე, თითოეული თანამშრომლის როლი არის განსაკუთრებული. მადლობას ვუხდი შინაგან საქმეთა სამინისტროს სრულ შემადგენლობას დაუღალავი შრომისთვის, ერთგულებისა და ქვეყნის განვითარების საქმეში შეტანილი წვლილისთვის. ჩვენი ერთიანობა და კოორდინირებული საქმიანობა ჩვენთვის ერთ-ერთი პრიორიტეტია“ - განაცხადა ზურაბ პატარაძემ.ღონისძიება შინაგან საქმეთა მინისტრმა სულხან თამაზაშვილმა გახსნა და ტურისტული სეზონის გახსნისთვის შესაბამისი სტრუქტურების სრულ მზადყოფნაზე ისაუბრა.ოფიციალური ცერემონიის დასრულების შემდეგ, ადგილზე მოეწყო წყალზე სამაშველო ოპერაციის სიმულაცია, რომელშიც სპეციალური ტექნიკა იყო ჩართული.

სამართალი • 1781945064

შინაგან საქმეთა სამინისტრო აჭარაში ტურისტულ სეზონს  სრული მზადყოფნით ხვდება - სულხან თამაზაშვილი

ბათუმში, შინაგან საქმეთა სამინისტროს მიერ ტურისტული სეზონის გახსნისადმი მიძღვნილი ოფიციალური ღონისძიება გაიმართა. ღონისძიების დამსწრეებს შინაგან საქმეთა მინისტრმა, სულხან თამაზაშვილმა და აჭარის ავტონომიური რესპუბლიკის მთავრობის თავმჯდომარემ ზურაბ პატარაძემ სიტყვით მიმართეს.სულხან თამაზაშვილმა განაცხადა, რომ  შინაგან საქმეთა სამინისტრო ტურისტულ სეზონს აჭარაში  სრული მზადყოფნით ხვდება.„აჭარაში შინაგან საქმეთა სამინისტრო ტურისტულ სეზონს ხვდება  სრული მზადყოფნით.  რეგიონში საზოგადოებრივი უსაფრთხოებისა და მართლწესრიგის დაცვისთვის დამატებით საპოლიციო და სამაშველო ძალები  უკვე მობილიზებულია.მიმდინარე ტურისტულ სეზონს შინაგან საქმეთა სამინისტრო  ხვდება განახლებული ტექნიკური საშუალებებითა და  თანამედროვე აღჭურვილობით, რაც მოგცემს შესაძლებლობას კიდევ უფრო მაღალი სტანდარტით უზრუნველვყოთ საზოგადოებრივი უსაფრთხოება.მოგეხსენებათ, განსაკუთრებით ზაფხულის სეზონზე, აჭარაში მილიონობით ვიზიტორი გვყავს. შესაბამისად, ჩვენთვის მთავარ პრიორიტეტს წარმოადგენს სწორედ  საზოგადოებრივი უსაფრთხოება.მინდა, მადლობა გადავუხადო შინაგან საქმეთა სამინისტროს თითოეულ თანამშრომელს, ადამიანებს რომლებიც 24 საათის განმავლობაში ზრუნავენ ჩვენი მოსახლეობისა და ვიზიტორების უსაფრთხოებაზე. სწორედ  მათი მაღალიპროფესიონალიზმი და  პასუხისმგებლობა უზრუნველყოფს, რომ  მსოფლიო რუქაზე ჩვენი ქვეყანა- საქართველო კვლავ რჩება, როგორც წამყვანი, უსაფრთხო და მიმზიდველი ტურისტული მიმართულება“, - განაცხადა სულხან თამაზაშვილმა.ღონისძიებას შინაგან საქმეთა სამინისტროს ხელმძღვანელი პირები, აჭარის ავტონომიური რესპუბლიკის უმაღლესი საბჭოს თავმჯდომარე, მთავრობის, ადგილობრივი ხელისუფლებისა და სხვადასხვა უწყების წარმომადგენლებიესწრებოდნენ.ღონისძიების ფარგლებში შინაგან საქმეთა სამინისტრომ უწყების აღჭურვილობა და ტექნიკა წარმოადგინა.

პოლიტიკა • 1781872843

სულხან თამაზაშვილი საქართველოში თურქმენეთის ელჩს, დოვლეტმირატ სეიტმამედოვს შეხვდა

საქართველოს შინაგან საქმეთა მინისტრმა, სულხან თამაზაშვილმა გაცნობითი ხასიათის შეხვედრა გამართა საქართველოში თურქმენეთის საგანგებო და სრულუფლებიან ელჩთან, დოვლეტმირატ სეიტმამედოვთან.შეხვედრის ფარგლებში, მხარეებმა მიმოიხილეს ორ ქვეყანას შორის არსებული პარტნიორული ურთიერთობები და ხაზი გაუსვეს არსებული თანამშრომლობის კიდევ უფრო გაღრმავების მნიშვნელობას.შინაგან საქმეთა მინისტრმა განსაკუთრებული ყურადღება გაამახვილა საქართველოსა და თურქმენეთის სამართალდამცავ უწყებებს შორის არსებულ კავშირებზე და აღნიშნა, რომ სამართალდაცვით სფეროში მხარეთა შორის ჩამოყალიბებულია ინტენსიური და ეფექტიანი თანამშრომლობა. მხარეებმა ასევე ისაუბრეს სამომავლო გეგმებზე, რაც ხელს შეუწყობს ორმხრივი ურთიერთობების კიდევ უფრო გაფართოებასა და განმტკიცებას.დასასრულს, შეხვედრის მონაწილეებმა ხაზი გაუსვეს მხარეთა მზაობას, აქტიურად გააგრძელონ ერთობლივი მუშაობა, ორ ქვეყანას შორის არსებული თანამშრომლობისა და ორმხრივი მეგობრული კავშირების გაღრმავების მიზნით.

პოლიტიკა • 1781864456

სულხან თამაზაშვილმა საქართველოში გაეროს ლტოლვილთა უმაღლესი კომისარიატის ახლად დანიშნულ წარმომადგენელთან გაცნობითი შეხვედრა გამართა

საქართველოს შინაგან საქმეთა მინისტრმა სულხან თამაზაშვილმა, საქართველოში გაეროს ლტოლვილთა უმაღლესი კომისარიატის (UNHCR) ახლად დანიშნულ წარმომადგენელთან, ანა რიჩთან, გაცნობითი ხასიათის შეხვედრა გამართა. ინფორმაციას შინაგან საქმეთა სამინისტრო ავრცელებს.უწყების ცნობით, სულხან თამაზაშვილმა ანა რიჩს ახალ პოზიციაზე დანიშვნა მიულოცა და მომავალ საქმიანობაში წარმატება უსურვა.შეხვედრაზე მხარეებმა საქართველოში არსებული საერთაშორისო დაცვის სისტემა და მიმდინარე აქტუალური საკითხები განიხილეს. ყურადღება მიგრაციის მართვის და თავშესაფრის კანონმდებლობაში ბოლო პერიოდში განხორციელებულ ცვლილებებზე, გამოწვევებზე და მიღწეულ შედეგებზე გამახვილდა.შეხვედრის დასასრულს, შინაგან საქმეთა მინისტრმა გაეროს ლტოლვილთა უმაღლესი კომისარიატის (UNHCR) წარმომადგენელს მადლობა გადაუხადა წლების განმავლობაში სამინისტროს შესაძლებლობების განვითარებაში შეტანილი წვლილისა და გაწეული დახმარებისთვის და იმედი გამოთქვა, რომ არსებული თანამშრომლობა ერთობლივი ძალისხმევით კიდევ უფრო გაღრმავდება.

სამართალი • 1781766038

სულხან თამაზაშვილმა მიგრაციის დეპარტამენტში ხელმძღვანელ პირებთან სამუშაო თათბირი გამართა

შინაგან საქმეთა მინისტრი სულხან თამაზაშვილი, მოადგილესთან ალექსანდრე დარახველიძესთან ერთად მიგრაციის დეპარტამენტს ეწვია. ინფორმაციას შსს ავრცელებს.სულხან თამაზაშვილმა, დეპარტამენტის ხელმძღვანელ პირებთან სამუშაო თათბირი გამართა და დანაყოფში განხორციელებულ რეფორმებზე ისაუბრა. შინაგან საქმეთა მინისტრმა ხაზგასმით აღნიშნა, რომ უკანონო მიგრაციის წინააღმდეგ ბრძოლა კვლავ რჩება საქართველოს მთავრობის ერთ-ერთ პრიორიტეტულ მიმართულებად. შეხვედრაზე ასევე აღინიშნა, რომ გაძლიერებულმა საკანონმდებლო ჩარჩომ და განახლებულმა ინფრასტრუქტურამ უკანონო მიგრაციასთან ბრძოლა კიდევ უფრო ეფექტიანი გახადა.ვიზიტის ფარგლებში, შინაგან საქმეთა მინისტრმა მიგრაციის დეპარტამენტის ახალი ადმინისტრაციული შენობა და განახლებული ავტოპარკი დაათვალიერა.სულხან თამაზაშვილმა დეპარტამენტის თანამშრომლებს შედეგზე ორიენტირებული საქმიანობისთვის მადლობა გადაუხადა.

პოლიტიკა • 1781681278

სულხან თამაზაშვილმა სამეგრელოს რეგიონში სამინისტროს სტრუქტურული დანაყოფების თანამშრომლებთან სამუშაო შეხვედრები გამართა

საქართველოს შინაგან საქმეთა მინისტრმა, სულხან თამაზაშვილმა, პირველ მოადგილე რონი მესხთან და მოადგილე შალვა თადუმაძესთან ერთად, სამეგრელოს რეგიონში, სამინისტროს სტრუქტურულ დანაყოფებში სამუშაო შეხვედრები გამართა.უწყების ინფორმაციით, მინისტრმა თანამშრომლების სამუშაო სივრცეები, ტექნიკა და აღჭურვილობა დაათვალიერა.სამინისტროს ცნობით, სულხან თამაზაშვილი, ასევე, იმყოფებოდა აფხაზეთის საოკუპაციო ხაზთან, ენგურის ხიდთან, სადაც შინაგან საქმეთა სამინისტროს დანაყოფების იმ თანამშრომლებს შეხვდა, რომლებიც საოკუპაციო ხაზის მიმდებარე ტერიტორიაზე სამსახურებრივ მოვალეობას ასრულებენ და მოქალაქეების უსაფრთხოებას იცავენ.„თანამშრომლებთან შეხვედრებზე სულხან თამაზაშვილმა ყურადღება სამინისტროს პრიორიტეტულ მიმართულებებზე გაამახვილა და აღნიშნა, რომ უწყება კვლავაცაქტიურად განაგრძობს პოლიციელებისთვის როგორც სოციალური, ისე სამუშაო პირობების გაუმჯობესებას.შინაგან საქმეთა მინისტრმა თანამშრომლებს გაწეული ეფექტიანი სამსახურისთვის მადლობა გადაუხადა“, – ნათქვამია შსს-ს ინფორმაციაში.

პოლიტიკა • 1781593766

სულხან თამაზაშვილმა მესტიაში სამინისტროს სტრუქტურულ დანაყოფებში სამუშაო შეხვედრები გამართა

შინაგან საქმეთა მინისტრმა, სულხან თამაზაშვილმა, პირველ მოადგილე რონი მესხთან ერთად, მესტიის პოლიციის რაიონულ სამმართველოში სამუშაო შეხვედრა გამართა. შეხვედრას სამეგრელო-ზემო სვანეთის პოლიციის დეპარტამენტის დირექტორი, ირაკლი ფიფია და ხელმძღვანელი პირები ესწრებოდნენ.შინაგან საქმეთა სამინისტროს ცნობით, სულხან თამაზაშვილმა თანამშრომლებისგან დანაშაულთან ბრძოლისა და საპოლიციო პრევენციული ღონისძიებების შესახებ დეტალური ინფორმაცია მოისმინა. საუბარი ასევე შეეხო სამართალდამცველების მიერ ენერგორესურსით სარგებლობის წესების დარღვევის ფაქტებზე დაწყებული გამოძიების მიმდინარეობას, რომლის შედეგადაც, ჯამში, ამოღებულია 330 ე.წ. მაინერი.შინაგან საქმეთა მინისტრმა აღნიშნა, რომ ამ მიმართულებით საპოლიციო ღონისძიებები მომავალშიც აქტიურად გაგრძელდება, რათა გამოვლინდნენ დანაშაულში მონაწილე სხვა პირები და მათ მიმართ შესაბამისი სამართლებრივი ზომები გატარდეს.ზემო სვანეთში ვიზიტის ფარგლებში, სულხან თამაზაშვილი განსაკუთრებულ დავალებათა დეპარტამენტის სპეცდანიშნულების სამმართველოს, სახანძრო-სამაშველო განყოფილებასა და სასაზღვრო პოლიციის სამმართველოს ეწვია. მინისტრი ადგილზე გაეცნო არსებულ ინფრასტრუქტურას და თანამშრომელთა სამუშაო პირობებს. ასევე, შეხვდა დაცვის პოლიციისა და საპატრულო პოლიციის დეპარტამენტის იმ თანამშრომლებს, რომლებიც სამსახურებრივ მოვალეობას მესტიის მუნიციპალიტეტში ასრულებენ.შინაგან საქმეთა მინისტრმა დანაყოფების თანამშრომლებს გაწეული სამსახურისთვის მადლობა გადაუხადა.

სამართალი • 1781506348

სულხან თამაზაშვილი სასაზღვრო პოლიციას ეწვია

შინაგან საქმეთა მინისტრი სულხან თამაზაშვილი თბილისში, სასაზღვრო პოლიციის სტრუქტურულ დანაყოფებს ეწვია. ინფორმაცია შსს ავრცელებს.სასაზღვრო პოლიციის უფროსმა დავით თამაზაშვილმა შინაგან საქმეთა მინისტრს სასაზღვრო პოლიციის სწრაფი რეაგირების მთავარი სამმართველოს სამუშაო სივრცე და აღჭურვილობა დაათვალიერებინა. მინისტრი, ასევე, დაესწრო ტაქტიკური მომზადების საჩვენებელ სწავლებას, რომელიც მოიცავდა ტაქტიკური, საცეცხლე და სამთო მომზადების სხვადასხვა კომპონენტებს.სულხან თამაზაშვილმა სწრაფი რეაგირების მთავარი სამმართველოს ხელმძღვანელი პირებისგან დანაყოფის საქმიანობის ძირითადი მიმართულებების შესახებ დეტალური ინფორმაცია მიიღო.მინისტრმა, ასევე, დაათვალიერა კინოლოგიური სამმართველოს ინფრასტრუქტურა, მათ შორის სასამსახურე ძაღლების განთავსების პირობები და ძაღლების წვრთნის პროცესს დაესწრო.შინაგან საქმეთა მინისტრმა სასაზღვრო პოლიციის თანამშრომლებს გაწეული საქმიანობისთვის მადლობა გადაუხადა და მხარდაჭერა აღუთქვა.

საზოგადოება • 1781272559

სულხან თამაზაშვილი მეხანძრე-მაშველებს: გილოცავთ პროფესიულ დღეს, სწორედ თქვენ ხართ ადამიანები, რომლებიც ყოველდღიურად მზად ხართ გასწიროთ საკუთარი სიცოცხლე სხვისი სიცოცხლის გადასარჩენად

შინაგან საქმეთა მინისტრმა, სულხან თამაზაშვილმა, მეხანძრე-მაშველებს პროფესიული დღე მიულოცა. საზეიმო ღონისძიებაზე მინისტრმა განსაკუთრებული მამაცობისა და თავდადებისთვის მეხანძრე-მაშველები დააჯილდოვა.სულხან თამაზაშვილმა მეხანძრე-მაშველებს სიტყვით მიმართა.„გილოცავთ პროფესიულ დღეს, სწორედ თქვენ ხართ ადამიანები, რომლებიც ყოველდღიურად მზად ხართ გასწიროთ საკუთარი სიცოცხლე სხვისი სიცოცხლის გადასარჩენად - ეს არის გმირობა. თქვენი პროფესია მოითხოვს განსაკუთრებულპროფესიონალიზმს, სიმამაცეს, თავდადებას, მინდა, მადლობა გადაგიხადოთ ამ ერთგულებისთვის და თავდადებისთვის რასაც თქვენი ქვეყნისთვის, სამშობლოსთვის გასცემთ. რა თქმა უნდა, მადლობა უნდა გადავუხადო თქვენი ოჯახის წევრებს, რომლებიც თქვენთან ერთად იზიარებენ იმ სირთულეებს რაც თქვენს ყოველდღიურ საქმიანობას თან სდევს. როგორც შინაგან საქმეთა მინისტრი გაძლევთ პირობას, რომ ყველაფერს გავაკეთებ იმისთვის, რომ გქონდეთ ღირსეული სამუშაო პირობები და დაფასებული იყოს ის შრომა, თავდადება, თავგანწირვა, რასაც ყოველდღიურად გასცემთ თქვენი ქვეყნისათვის. კიდევ ერთხელ გილოცავთ პროფესიულ დღეს, მადლობას გიხდით და წარმატებებს გისურვებთ“, - განაცხადა სულხან თამაზაშვილმა.მეხანძრე-მაშველებს სიტყვით, ასევე, მიმართა და მათ პროფესიული დღე მიულოცა საგანგებო სიტუაციების მართვის სამსახურის უფროსმა თემურ მღებრიშვილმა.მეხანძრე-მაშველის პროფესიული დღისადმი მიძღვნილი ღონისძიება სამსახურის განსაკუთრებულ სიტუაციებზე რეაგირების მთავარი სამმართველოს ბაზაზე გაიმართა. საგანგებო სიტუაციების მართვის სამსახურის სხვადასხვა სტრუქტურული დანაყოფის პირადი შემადგენლობა მინისტრის წინაშე სახანძრო-სამაშველო ტექნიკითა და სპეციალური აღჭურვილობით წარსდგა.ღონისძიების ფარგლებში სახანძრო-სამაშველო სიმულაციური მოქმედებები ჩატარდა, რომელიც ურბანულ ხანძრებზე რეაგირებას, ქიმიურ, ბიოლოგიურ, რადიაციულ და ბირთვულ (ქბრბ) ინციდენტებზე მოქმედებებს, დაშავებულისევაკუაციასა და სხვადასხვა სახის სამაშველო ოპერაციებს მოიცავდა.ასევე, მოეწყო საგანგებო სიტუაციების მართვის სამსახურის გაეროს საერთაშორისო საძიებო-სამაშველო საკონსულტაციო ჯგუფის (INSARAG) შტაბისა და სპეციალური ტექნიკის გამოფენა, სადაც წარმოდგენილი იყო ის შესაძლებლობები და აღჭურვილობა, რომელსაც სამსახური საჭიროების შემთხვევაში საერთაშორისო სახანძრო-სამაშველო ოპერაციებში იყენებს.

პოლიტიკა • 1781161850

შინაგან საქმეთა მინისტრმა დაცვის პოლიციის დეპარტამენტში სამუშაო შეხვედრა გამართა და განახლებული ავტოპარკი დაათვალიერა

შინაგან საქმეთა მინისტრმა სულხან თამაზაშვილმა დაცვის პოლიციის დეპარტამენტში სამუშაო შეხვედრა გამართა და განახლებული ავტოპარკი დაათვალიერა.დაცვის პოლიციის დეპარტამენტის ავტოპარკი 40 ახალი ავტომობილით განახლდა, რაც კიდევ უფრო შეუწყობს ხელს თანამშრომლების ეფექტიან მუშაობას და ოპერატიულ რეაგირებას.შეხვედრაზე მინისტრს დეპარტამენტის თავმჯდომარემ გიორგი ალადაშვილმა მიმდინარე და სამომავლო პროექტები გააცნო.სულხან თამაზაშვილი დეპარტამენტის ხელმძღვანელ პირებთან ერთად ცენტრალური მართვის განყოფილებისა და ცხელი ხაზის მუშაობის სპეციფიკასაც გაეცნო. მინისტრმა დეტალური ინფორმაცია მიიღო მოქალაქეთა შეტყობინებების მიღების, დამუშავებისა და შესაბამის ეკიპაჟებზე ოპერატიულად გადამისამართების პროცესის შესახებ.