თაკო ჩარკვიანი

VIDEO: „სიმღერა „ჩამოთოვა ისევ“ მამუკამ 15 წლის ასაკში დაწერა...“ – როგორ იწერებოდა სიმღერები, რომლებიც ქართველმა მსმენელმა უზომოდ შეიყვარა

20 აგვისტოს, ხანგრძლივი ავადმყოფობის შემდეგ, მუსიკოსი და ავტორშემსრულებელი მამუკა ჩარკვიანი 69 წლის ასაკში გარდაიცვალა. მამუკას გარდაცვალებამ უამრავ ადამიანს დასწყვიტა გული.მამუკას და, თაკო ჩარკვიანი გადაცემა „შუადღე Live“-ს სტუმრობდა, სადაც მამუკა ჩარკვიანი გაიხსენეს და ისაუბრეს, როგორ იწერებოდა სიმღერები, რომლებიც ქართველმა მსმენელმა უზომოდ შეიყვარა.„სიმღერა „ჩამოთოვა ისევ“ მამუკამ მაშინ დაწერა, როდესაც 15 წლის იყო. ამას როგორც მუსიკოსი ისე ვამბობ. ჯანსუღს ეს ლექსი 1969 წელს აქვს დაწერილი და 15 წლისამ ამან მიაგნო… სტრუქტურულადაც რომ ნახავ, ისეთი სიმღერაა… ასევე აქვს სიმღერა „თეა“ – 16 წლის ასაკში აქვს დაწერილი.ძალიან საინტერესო სტრუქტურის არის. ვიღაც გოგო შემოიყვანა სახლში, პატარა ვიყავი მაშინ… მზესავით გოგო იყო… მამაჩემმა უთხრა, ეს რა გაზაფხულივით გოგოა, რა გქვია შენო და – „თეაო“. ერთხელ ბიჭები იყვნენ ჩვენთან მოსულები… უკრავდნენ, რაღაცებს მღეროდნენ და საღამოს ჯანსუღმა მიაწოდა ეს ლექსი. და მამუკამ საღამოსვე დაწერა სიმღერა „გაზაფხულია თეა“. ძალიან ადრე დაიწყო სიმღერების წერა. არ მახსოვს გიტარის გარეშე. არაფერი არ ჰქონდა დამთავრებული. მიიყვანა დედამ მუსიკალურ სკოლაში, მაგრამ არ მიუღია. აბსოლუტური ყური ჰქონდა“, – ამბობს თაკო ჩარკვიანი.

საზოგადოება • 1756570753

„მამუკას გასვენების დროს, „იმისტების“ და „ამისტების“ ერთმანეთში აზელილი ცრემლი ვნახე, უთუოდ ნაღდი და ნამდვილი... იმ დღეს მხოლოდ სიყვარული იყო...“ - თაკო ჩარკვიანი

თაკო ჩარკვიანი სოციალურ ქსელში ემოციურ სტატუსს აქვეყნებს და ყველა ადამიანს, ვინც მისი ოჯახის მწუხარება გაიზიარა მადლობას უხდის.როგორც თაკო ჩარკვიანი აღნიშნავს, მამუკა ჩარკვიანის გარდაცვალება მას უამრავმა ოპონენტმა მიუსამძიმრა.„ძვირფასო ადამიანებომეგობრებო, ნაცნობებო, შორეულებო ,ახლობლებო, თითოეული კომენტარი ვნახე, ცრემლიანი სიტყვა, დატირება… მანამდე შემთხვევით არ გთხოვეთ დახმარება, თქვენი ენერგეტიკის მჯერა და მამუკას მიეშველეთ თქო( ასეც მოხდა, ერთი პირი მოიხედა კიდეც სამი კვირით ) გთხოვდით,რადგან სულ ვგრძნობდი დადებით ენერგიას თქვენგან. მე მჯერა კოსმოსური ენერგეტიკის , რომელიც ატრიალებს დედამიწას , მიზიდულობის ძალის ,რომელიც დადებითიც არის და უარყოფითიც- სიძულვილიც არის და სიყვარულიც, იმ დღეს მხოლოდ სიყვარული იყო, თითოეული სიტყვისთვის დიდი მადლობა, უცხო იქნება ეს თუ ნაცნობი, ციხიდან გამოგზავნილი წერილი იქნებაპოლიტპატიმრის ეს თუ ემიგრაციიდან მეგობრის თუ არამეგობრის, ვივამედიდან გამოგზავნილი იქნება პოლიტპატიმრის ეს თუ , ქაშუეთში და სახლში მოსული პოლიტ ოპონენტებისა, ჩემს ტელეფონზე შემოსული სამძიმრის ზარები, არც ერთი ზარი არ გამკვირვებია ,არც ოპონენტებისა , რადგან ვგრძნობდი ,რომ ზიზღი და სიძულვილი, არც მე მქონია ოპონენტის მიმართ და ალბათ იგივე გიბრუნდება. მოკლედ იმის თქმა მინდა ,რომ მამუკას გასვენების დროს, “იმისტების და ამისტების” ერთმანეთში შერეული ცრემლი ვნახე, უთუოდ ნაღდი და ნამდვილი.წამიერი სინამდვილე, შეიძლება, მაგრამ ნაღდი.ჰოდა, როგორც ჯანსუღი იტყოდა “წამია წუთისოფელი” და…..“ოღონდაც ფრთხილად ძვირფასებო,ფრთხილად ოღონდაც,ეს დედამიწა ალმაცერად გვიმზერს ბებერი,რადგან ჩვენს შემდეგ დაიწყება თქვენი გოლგოთადა აღარავინ არ იქნება მიმტევებელი!”მტრის ჯინაზე გაერთიანებულ საქართველოს მინდა, რომ ღმერთმა გაუმარჯოს !მტერი კი ერთადერთია, სადაოც კი არ არის, უხერხულიც კია ამაზე დავა, რომ ეს მტერი- საქართველოს ოკუპანტი რუსეთია.მამუკას სიტყვებით დავასრულებ , ჟურნალისტ ვანო პავლიაშვილთან ინტერვიუში ამბობს:”ჯოჯოხეთშიც კი ვერ წარმომიდგენია, რომ რუსეთის ორბიტაზე დაბრუნდეს საქართველოო”.აბა რა ….. ასე იქნება….ჩვენს პატარა ლამაზ სამოთხეს, გაერთიანებულ საქართველოს გაუმარჯვე ღმერთო“,- წერს თაკო ჩარკვიანი.

საზოგადოება • 1755723049

მამუკა ჩარკვიანი გარდაიცვალა

მუსიკოსი და ავტორ-შემსრულებელი მამუკა ჩარკვიანი 69 წლის ასაკში გარდაიცვალა.სამწუხარო ინფორმაციას სოციალურ ქსელში მომღერლის და, თაკო ჩარკვიანი ავრცელებს.მამუკა ჩარკვიანის ჯანმრთელობის მდგომარეობა ცოტა ხნის წინ დამძიმდა, რის გამოც კლინიკაში იმყოფებოდა. მამუკა ჩარკვიანმა 1972 წელს დაამთავრა თბილისის 61-ე საშუალო სკოლა. 1977 წელს დაამთავრა თბილისის სახელმწიფო უნივერსიტეტის ფილოლოგიის ფაკულტეტი. 1977-1979 წლებში მუშაობდა მეტეხის თეატრის სამხატვრო ხელმძღვანელად. 1982-1992 წლებში გ. ლეონიძის სახელობის ლიტერატურის მუზეუმის დირექტორის მოადგილე იყო. 1992 წელს პრეზიდენტის აპარატის მრჩეველ-კონსულტანტად მუშაობდა. 1993 წლიდან გააგრძელა მუსიკალური კარიერა.1995 წლიდან ინტენსიურად გამოდიოდა ქართულ ესტრადაზე. ასრულებდა საკუთარ სიმღერებს ძირითადად მამის, ჯანსუღ ჩარკვიანის ლექსებზე. გამოცემული აქვს ალბომები. მიღებული აქვს სიმღერის ფესტივალ „ლიგას“ პირველი პრემია – ნომინაცია ქართული ტრადიციული სიმღერა – სიმღერისთვის „მწვანე რტოები“ (1996), XX საუკუნის საუკეთესო სიმღერის პრიზი სიმღერისთვის „მაღლა და მაღლა“ (1999), ოქროს დისკი ნომინაცია – „წლის საუკეთესო სიმღერა“ – სიმღერებისთვის: „ჩემი აღარა ხარ“, „გაზაფხული“, „აპრილი“ და „დედის ჯერი“.დაჯილდოებულია მსოფლიოს ქართველ და ებრაელ ქალთა ასოციაციის პრიზით, ჯაზ-ფესტივალის სპეციალური პრიზით სიმღერებისთვის: „ბლუზი“ და „ქალი სანაპიროზე“.2014 წლის 10 მაისს, ფილარმონიის დიდი საკონცერტო დარბაზის წინ გაიხსნა მამუკა ჩარკვიანის ვარსკვლავი.მამუკა ჩარკვიანი იყო ღირსების ორდენის კავალერი (2000), თბილისის საპატიო მოქალაქე (2023).

საზოგადოება • 1753300619

როგორია მამუკა ჩარკვიანის ჯანმრთელობის მდგომარეობა

მამუკა ჩარკვიანის ჯანმრთელობა ცოტა ხნის წინ დამძიმდა, ის კლინიკაში გადაიყვანეს. ამჟამინდელი მისი ჯანმრთელობის მდგომარეობის შესახებ ახალი ინფორმაცია ვრცელდება. თაკო ჩარკვიანის თქმით, უკვე მესამე დღეა რაც სიცხემ იკლო. ,,უკვე მესამე დღეა რაც სიცხემ იკო. ექიმები იძახიან, რომ ეს ძალიან მნიშვნელოვანია. ამ ეტაპზე მესამე დილაა, რაც სიცხემ იკლო და ეს ძალიან კარგი დინამიკაა",-ამბობს თაკო ჩარკვიანი.

საზოგადოება • 1753127994

„იმედს ვეპოტინებით... მეორე დღეა, სიცხემ დაიწია...“ - როგორია მამუკა ჩარკვიანის ჯანმრთელობის მდგომარეობა

მამუკა ჩარკვიანის ჯანმრთელობა ცოტა ხნის წინ დამძიმდა, ის კლინიკაში გადაიყვანეს. ამჟამინდელი მისი ჯანმრთელობის მდგომარეობის შესახებ, „პრაიმტაიმთან“ თაკო ჩარკვიანი საუბრობს. „ვეპოტინებით და გვიხარია, რომ მეორე დღეა, სიცხემ დაიჭირა, როგორც იტყვიან. სეფსისს, როგორც სჩვევია, ერთი დღე ავარდებოდა ხოლმე სიცხე, მეორე დღეს ჰქონდა 36.6, უცებ ისევ 39-მდე აუწევდა.ახლა არ ვიცი, თქმა მეშინია — ოდნავ რაღაც გამოკრთა. როგორც ექიმები იტყვიან ხოლმე, დინამიკაში სტაბილურობაა და არა უარესობა. სიცხის გამო, შეუძლებელია ხოლმე კომუნიკაცია, არ არის ხოლმე კონტაქტური, მაგრამ როგორც კი ოდნავ გაუმჯობესდება, იმავე წამს ვეუბნები ხოლმე, რომ ბიჭებმა დარეკეს, ყველამ მოიკითხა, მთელი ესტრადა რეკავს და კითხულობს...“ – თქვა თაკო ჩარკვიანმა.

პოლიტიკა • 1751483678

VIDEO: გახარიასთან შეიძლებოდა და ამ კაცის იმედად შეიძლებოდა ბრძოლა ოპოზიციაში, კაცო?! კაცმა, რომელმაც თქვა, რომ ოპოზიცია შტურმით იღებდა პარლამენტსო - დიახ, იმიტომ დაგთხარეთ თვალებიო და მერე თქვა იგივეს გავაკეთებდიო... - თაკო ჩარკვიანი

„გახარიასთან შეიძლებოდა და ამ კაცის იმედად შეიძლებოდა ბრძოლა ოპოზიციაში კაცო?! კაცმა, რომელმაც თქვა, რომ ოპოზიცია შტურმით იღებდა პარლამენტსო, დიახ, იმიტომ დაგთხარეთ თვალებიო და მერე თქვა იგივეს გავაკეთებდიო... ლიდერად ვერასდროს ვერავინ ვერ დადგება საქართველოში, რომელმაც საკუთარ ხალხს დათხარა თვალები...“-, ამის შესახებ საქართველოს პარლამენტის წევრმა, პარტია „კანონი და სამართლის“ ლიდერმა, თაკო ჩარკვიანმა გადაცემა „ ვახო ხუზმიაშვილის თავისუფალი სივრცეში“ განაცხადა.

პოლიტიკა • 1751483305

VIDEO: ყველას სირცხვილია, ოპოზიციის სირცხვილიც არის, რადგან ის დიდი აქციები არ უნდა დაშლილიყო - თაკო ჩარკვიანი

„გაგრძელდა ეს უბედურება ამ ქვეყანაში, სირცხვილია ეს, ყველას სირცხვილია, ეს ოპოზიციის სირცხვილიც არის, რადგან ის დიდი აქციები არ უნდა დაშლილიყო... დიდი მრავალ ათასიანი აქციები ხშირად ზოგიერთი ლიდერის მიერ იშლება...“, - ამის შესახებ საქართველოს პარლამენტის წევრმა, პარტია „კანონი და სამართლის“ ლიდერმა, თაკო ჩარკვიანმა გადაცემა „ ვახო ხუზმიაშვილის თავისუფალი სივრცეში“ განაცხადა.

პოლიტიკა • 1751482958

VIDEO: ელენე ხოშტარიამ, ძალიან გააზრებული ნაბიჯი გააკეთა, თამამი და მისასალმებელი და მე ვუთხრა, რომ მოდი შეწყვიტე შიმშილობა, რაღაცა არ მიმაჩნდა სწორად, მან მიიღო ეს გადაწყვეტილება და მანვე მიიღო შეწყვეტის გადაწყვეტილებაც... - თაკო ჩარკვიანი

„ელენე ხოშტარიამ, ძალიან გააზრებული ნაბიჯი გააკეთა, თამამი და მისასალმებელი და მე ვუთხრა, რომ მოდი შეწყვიტე შიმშილობა, რაღაცა არ მიმაჩნდა სწორად, მან მიიღო ეს გადაწყვეტილება და მანვე მიიღო შეწყვეტის გადაწყვეტილებაც...“, - ამის შესახებ საქართველოს პარლამენტის წევრმა, პარტია „კანონი და სამართლის“ ლიდერმა, თაკო ჩარკვიანმა გადაცემა „ ვახო ხუზმიაშვილის თავისუფალი სივრცეში“ განაცხადა.

პოლიტიკა • 1749132047

ოპოზიცია არსებობს საგარეო ჩარევის ხარჯზე - ქვეყნის გარედან შეკვეთებსა და ინსტრუქციებზე არიან მიბმულები - ირაკლი ქადაგიშვილი

ოპოზიცია არსებობს საგარეო ჩარევის ხარჯზე, - განაცხადა რეგიონული პოლიტიკისა და თვითმმართველობის კომიტეტის თავმჯდომარემ, საპარლამენტო უმრავლესობის წევრმა, ირაკლი ქადაგიშვილმა ოპოზიციის რამდენიმე წარმომადგენლის დიდი ბრიტანეთის საელჩოში გამართულ შეხვედრაში მონაწილეობაზე.„ოპოზიცია არსებობს საგარეო ჩარევის ხარჯზე. ამას უკვე საქართველოს მოქალაქეები ხედავენ, რომ მათი ინტერესი და მამოძრავებელი არ არის ქვეყნის შიგნით - არის ქვეყნის გარედან და ბუნებრივია, რომ ქვეყნის გარედან შეკვეთებსა და ინსტრუქციებზე არიან მიბმულები“, - განაცხადა ქადაგიშვილმა.ოპოზიციის რამდენიმე წარმომადგენელი დიდი ბრიტანეთის საელჩოში შეხვედრაზე იმყოფებოდა. „ქრონიკასთან“ სატელეფონო საუბრისას „ნაციონალური მოძრაობის“ თავმჯდომარემ, თინა ბოკუჩავამ ბრიტანეთის საელჩოში მისი ყოფნის შესახებ ინფორმაცია უარყო, თუმცა ფაქტს ადასტურებს თაკო ჩარკვიანი.

პოლიტიკა • 1748893035

VIDEO: „ნაციონალურ მოძრაობას“, ძალიან თანმიმდევრული და კეთილსინდისიერი ამომრჩეველი ჰყავს... - თაკო ჩარკვიანი

„ნაციონალურ მოძრაობას“, ძალიან თანმიმდევრული და კეთილსინდისიერი ამომრჩეველი ჰყავს...“ - განაცხადა „კანონი და სამართლის“ ლიდერმა, თაკო ჩარკვიანმა გადაცემაში „ვახო ხუზმიაშვილის თავისუფალ სივრცე“.

პოლიტიკა • 1748892263

VIDEO: განა პოლიტიკურ არენაზე გახარია და „ლელო“ რომ არ იყო, საქართველო არ სუნთქავდა თუ რა ხდება?! ჩაირეცხებიან ჩვეულებრივად... - თაკო ჩარკვიანი

„განა პოლიტიკურ არენაზე გახარია და „ლელო“ რომ არ იყო, საქართველო არ სუნთქავდა თუ რა ხდება?! ჩაირეცხებიან ჩვეულებრივად...“ - განაცხადა „კანონი და სამართლის“ ლიდერმა, თაკო ჩარკვიანმა გადაცემაში „ვახო ხუზმიაშვილის თავისუფალ სივრცე“.

პოლიტიკა • 1748891988

VIDEO: ხაზარაძემ თბილისი როგორ უნდა წაართვას ვინმეს?! მაგას შეუძლია მხოლოდ თბილისელებისთვის სახლების და ბინების წართმევა... - თაკო ჩარკვიანი

ხაზარაძემ თბილისი როგორ უნდა წაართვას ვინმეს?! მაგას შეუძლია მხოლოდ თბილისელებისთვის სახლების და ბინების წართმევა... - განაცხადა „კანონი და სამართლის“ ლიდერმა, თაკო ჩარკვიანმა გადაცემაში „ვახო ხუზმიაშვილის თავისუფალ სივრცე“. „თბილისის არჩევნების წართმევა არავის შეუძლია, თუკი ჩვენ ვართ დარწმუნებულები, რომ მიტაცებულია ეს არჩევნები და მიტაცებულია სახელმწიფო. ჩემთვის სახელმწიფო ბერკეტი მიტაცებულია“, - განაცხადა თაკო ჩარკვიანმა.