ზურა შევარდნაძე
faceამბები • 1772460420
„ყველა დარდი და სევდა გაქრება, კარგად ვიქნებით“ - რას წერს ზურა შევარდნაძე
„გარდენია შევარდნაძის“ დამფუძნებელი, ფლორისტი და მწერალი ზურა შევარდნაძე, სოციალურ ქსელში პოზიტიური პოსტით მიმართავს გამომწერებს:„გაზაფხული მოვიდა!!!ყველა ჩვენგანისთვის სიხრული მოეტანოს.ეს თოვლიც მალე წყლად იქცევა, ყველა დარდი და სევდა გაქრება. კარგად ვიქნებით!!!“,- წერს შევარდნაძე
faceამბები • 1772099105
„ნუ გვეჩხუბებით! არ გათავდა ჭკუის სწავლება და დარიგებები...“ - ზურა შევარდნაძე მიმართვას ავრცელებს
ქართველი ფლორისტი, მწერალი და ტელეწამყვანი, ზურა შევარდნაძე, რომელიც ცნობილია თავისი ყვავილებისადმი განსაკუთრებული სიყვარულითა და ბაღის მოვლისადმი მიძღვნილი შრომით, სოციალურ ქსელში ხშირად უზიარებს საზოგადოებას ამა თუ იმ რჩევებს და სახალისო ისტორიებს მისი წარსულიდან.ამჯერად ზურამ სოციალურ ქსელში მორიგი პოსტი გაავრცელა და ის მიზეზი დაასახელა, რის გამოც „გარდენიას“ საკურიერო მომსახურება არ აქვს:„არ გათავდა ჭკუს სჭავლება და დარიგებები: "აიყვანეთ კურიერი, უფრო მეტს გაყიდით.." "რა გაგიხდათ გაგზავნის სერვისის გაკეთება?!.." "გამოგზავნის სერვისით უფრო მეტ მოგებას ნახავთ.." "ფოსტით არ აგზავნით?!.." და ამის მსგავსი ბევრი. ზოგი პირდაპირ მოგვიწოდებს და გვავალებს..მართლა ვინმეს ჰგონია ნეტავ რომ ასე გამიჭირდებოდა კურიერის აყვანა ან გაგზავნის სერვისის დაორგანიზება?არსებობს მარტივი მიზეზი რატომ არ ვაგზავნით მცენრეებს, ნერგებს, მიწას და სასუქებს და მგონი მეათასედ ვამბობ და ვწერ :არაფერი გვრჩება გასაგზავნი!!!! იმას რასაც ვთესავთ ვრგავთ, ვამყნობთ, მოგვყავს ძვლივს ჰყოფნის ბაღში ან ბაღის ჭიშკართან დახლთან მოსულ სტუმრებს. რომ გავაგზავნოთ ბაღში ვინც მოდის იმას არაფერი დახვდება. ვერ ვააწარმოებთ მთელი საქათველოსთვის საკმარის ნერგს ჩითილს, თესლს ..... სხვამაც იშრომოს ყველაფერს გარდენია ვერ ეყოფა და არც უნდა ეყოს.ნუ გვწერთ შეურაცმყოფელ და დამრიგებლურ წერილიებს. " ააააა გინდათ 5 ლარი გადავიხადოთ ბაღში შესასვლელად და ამიტომ არ გვიგზავნით???" არავის ვაიძულებთ ბაღში გვესტუმროს, ბაღს საკმარისზე მერტი სტუმარი ჰყავს ისედაც. ნერგი, მიწა ჩითილი, თესლი სასუქი ბაღის გარეთ იყიდება, არ გჭირდებათ ბაღში შესასვლელი ბილეთი. ვერ გამოიცანით)))) ნუ გვეჩხუბებით ნუუუუ!!!! ჩვენ მადლიერი ვართ თქვენი, ძალიან მადლიერიც!!!!!1 მარტს გარდენია ოცდამეერთე საგაზაფხულო, სამებაღეო სეზონს გახსნის“,- ნათქვამია გავრცელებულ ინფორმაციაში.
ტაბლოიდი • 1771252200
VIDEO: „აი წითელი ფხალი რაფერი მწვანეა...“ - ზურა შევარდნაძის ვიდეო ნახვების რეკორდს ხსნის
გადაცემაში „შაბათ-კვირის დილა“ ზურა შევარდნაძე თავისი საოცარი ისტორიებით დაბრუნდა.ნინო კვაჭანტირაძესთან ერთად მაყურებლისთვის სხვადასხვა კერძები მოამზადეს საინტერესო ამბების თანხლებით...ერთ-ერთი ასეთი ვიდეო ნახვების რეკორდს ხსნის
faceამბები • 1771188137
ლამპრობის ტრადიცია გურიაში - რა ამბავს იხსენებს ზურა შევარდნაძე
მებაღე ზურაბ შევარდნაძე სოციალურ ქსელში გურიაში ლამპრობის ტრადიციაზე წერს.„15 თებერვლის ღამეს ბავშვობაში ძალიან ველოდებოდით.ეს ღამე განსაკუთრებული ღამეა გურიაში, გურულები ლამპარს ანთებენ და ამ რიტუალს ჩვეულებრივად ლამპრობას ვეძახით.ბაბუა დილიდან ჩაალბობდა ნავთიან გობში საგანგებოდ ამ დღისთვის გადანახულ, მსხვილ ნაგულებს, აკაციის გრძელ ღჯას კანს გააცლიდა და ნავთით გაჟღენთილ ნაგულებს თავბოლოშექცევით , მჭიდროდ, რამდენიმე წყებად მიამაგრებდა სარზე.ძალიან ველოდით დაბნელებას, და თუ კი ფერდებზე შეფენილი ეზოებიდან, რომელიმე მეზობელი დაგვასწრებდა ანთებას, ბაბუას მოსვენებას არ ვაძლევდით. ბაბუა დინჯად გამოიტანდა ლამპარს აანთებდა, ეზოს გადაღმა გადმოგვიყვანდა და აგუზგუზებულ სარს თოვლში ჩაარჭობდა, საზღვარი არ ქონდა ჩვენს სიხარულს… ვიჭაჭებოდით და ბოლო ხმაზე ვყვიროდით, ლამპარი, ალური კუდიანებსა.. ლამპარიიიიიი..ოჯახი არ დარჩებოდა გურიაში, ვინც ლამპარს არ აანთებდა. ბავშვიანი ოჯახები განსაკუთრებით მოინდომებდნენ, მოხუცები მოკრძალებულ და მგლოვიარე ოჯახი არ შეიმჩნევდა და არ გამოიტანდა ლამპარს.ბებიას ჯეროდა, რომ ჭინკები, ეშმაკები და უჟმურები, რომლებიც ღელეებში და ღარდებში ცხოვრობდნენ ამ ღამეს სოფელ, სოფელ დადიან და “თუ დეინახეს, რომე არ ანთია ცეხლი, მეივლიენ და დაბუდდებიენ შინ. ჩვენი მტრისას და დამაწყევარისას დაბუდდა უხილავი. თუ დეინახავს ცეცხლს გეიარს და წავა ნენა, დაბრუნდება მის ღარდაში…”ზოგჯერ ბაბუა ზაფხულიდან გადანახულ შამბალას ქერხებს გაურევდა ნაგულებში, ასეთი ლამპარი ნაპერწკლებს ისვრის და ოიიიი ამ ნაპერწკლების საშინლად ეშინიათ თურმე ჭინკებს.თუ ვინმე ძველ რეზინის ჩექმას ან კალოშს დაწვავდა ჭინკების დასაფრთხობად ბრაზობდა ბაბუა ” ააქოთეს, წაპილწეს აქოურობაო”…მინელდებოდა ლამპარი და ჩვენ გულდაწყვეტილი ვბრუნდებოდით შინ, რომ ეს ნანატრი ამბავი ასე უცბად მორჩა.ბებია გახურებულ ბუხარს დაგვახვედრებდა, კეცს არეკავდა, მზისფერ ჭადს შქერის ფოთოლს გააცლიდა, დერგიდან აგვისტოს ყველს ამოიღებდა, კუხე პამიდორის თხილიან მჟავეს დიდი ჯამით დადგამდა და გვავახშმებდა.მერე ფეხებს დაგვითბილავდნენ, სველი პირსახოცით ლამპრობის მურს გაგვაცლიდნენ სახიდან და გახამებულ ლოგინებში ჩაგვაწვენდნენ. შუბლზე გვაკოცებდნენ და დაგლოცავდნენ. ” ვეფერი დაგაკლოს ეშმაკმა და უხილავმა ნენა, შუუმჩეველი დარჩით წრომანდელ წელს უჟმურიზა და ჭინკიზა, გამიხაროს და გამიძლიეროს თქვენი თავი გამჩენელმა…ალური კუდიანებს”ვიწექით და გვჯეროდა, რომ ვეფერი ვერ მოგერევა წელს…არვიცი, მართლა არვიცი მაგრამ ვიცი ერთი, რომ ლამპრობა სანამ ვარ სულ ასე ტბილად მემახსოვრება.ნეტა წელს თუ დაანთეს ლამპარი გურიაში..“ - წერს ზურა შევარდნაძე.
საზოგადოება • 1768325267
გურული დალოცვა კალანდობის ღამეს - „გასათხოვი გაგვათხუებიე, მოსაყვანს მუაყვანიე. გვაშორე დარდი“
ბიოლოგი, მებაღე ზურა შევარდნაძე საზოგადოებას ახალ წელს სოციალურ ქსელში ულოცავს და 40 წლის წინ ბებია-ბაბუასგან კალანდობას მოსმენილ და დამახსოვრებულ „გალოცვას” უზიარებს.„40 წლის წინ ბებიასგან და ბაბუასგან კალანდობას მოსმენილი და დამახსოვრებული “გალოცვაა”, უფრო მარტივი და უკეთესი არ ვიცი.„გამჩენო მამაზეციერო, უხვი წელი მოგვეცი, გვიმყოფე ყველა მთელი ჯანით და მხიარული გულით. გასათხოვი გაგვათხუებიე, მოსაყვანს მუაყვანიე, წამსლელი მშვიდად წეიყვანე იმქვეყანას. გვაშორე დარდი, ოხი მიეცი ყველა გაჭივრებულს და უქონელს. გაგვიმსე სახლი ბაღნებით, გული სიკეთით და სიხარულით, ეზო ფრინველით, საყოლით და საკლავით.ბეღელი მარცვლით და ბარაქით. არ მოგვაკლო სტუმარი, მოკეთე და მოყვარე. ყველა ჩვენიანს კაის მსურველს გძელი დღეი მიე. ავს, ეშმაკს და უხილავს დუუფსე თვალი, დააყრუე და დაქციე. ჩვენი გულის სატკივარი აღმა ქარს მიქონდეს, დაღმა წყალს.წრომანდელი ნაშრომი ტკბილად შეგვაჭამე, მოგვახმარე და შეგვარგე, მომვალ წელს შრომის ძალა და ხალისი მოგვეცი.”ყველას გვჯეროდა, რომ ამფერი “გალოცვის”, ფერხვის და კაი ფეხადის გარეშე წახდებოდა საქმე და არ გათენდებოდა კალანდა”, – წერს ზურა შევარდნაძე.
ტაბლოიდი • 1764955253
რუსთავი2-ის გადაცემაში „შაბათ-კვირის დილა“ ბიოლოგი, ზურა შევარდნაძე მაყურებელს საინტერესო რჩევებს უზიარებს. ორი საათის მანძილზე, მაყურებელი ეცნობა ბაღის მოვლის წესებსა და გურულ კულინარიას.ამ ყველაფერს გურული იუმორით ახალისებს და ზურა შევარდნაძისა და ნინო კვაჭანტირაძის დუეტი.ზურასა და პროდიუსერის „დაპირისპირება“ უკვე სოციალურ ქსელებს იპყრობს. მაყურებელი ხალისით ელოდება მორიგ პაექრობას, ნაწილი ზურას გულშემატკივრობს, ნაწილი პროდიუსერს ამხნევებს და ასე ელოდებიან მორიგ ვიდეოს, რომელიც „შაბათ-კვირის დილის“ ფეისბუქ-გვერდზე ქვეყნდება.ჩანს ზურას გადაცემის პროდიუსერმა რამდენიმე დავალება მისცა, რომელსაც წამყვანები ნაწილობრივ აპროტესტებენ.
საზოგადოება • 1763823086
,,გარდენია შევარდნაძის“ მფლობელი ზურა შევარდნაძე სოციალურ ქსელში ვიდეოს აქვეყნებს და ამბობს, რომ პატარძალმა ჯვრისწერა ჩაშალა. მისი თქმით, მასთან ეს უკვე მეოთხე შემთხვევაა. ,,დღეს უნდა დაეწერათ ჯვარი და ჩემთან უნდა მოსულიყვნენ ხელის მოსაწერად. ეს უკვე მეოთხედ ხდება ჩემთან. გოგომ, თინიკომ თქვა უარი... დილის მერე ვაწყობ, ვარიგებ ამ ყვავილებს, არ გათავდა. ძალიან გული მწყდება, ისეთი საყვარლები იყვნენ, იმედი მაქვს, რომ შერიგდებიან. ახლა არ გამოვიდა, მაგრამ მერე გამოვა...“, - ამბობს ზურა შევარდნაძე ვიდეოში.
faceამბები • 1763720453
,,აბდალია ყველა ის ვისაც ჰგონია, რომ ვჩხუბობთ…” - ზურა შევარდნაძე
,,გარდენია შევარდნაძის" დამფუძნებელი, ზურა შევარდნაძე, სოციალურ ქსელში პოსტს აქვეყნებს: ,,აბდალია ყველა ის ვისაც ჰგონია რომ ვჩხუბობთ. ან საჩხუბარი რა გვაქვს ან გასაყოფი. სულს ვუბერავთ ერთმანეთს, ვეფერებით და ვეფოფინებით. ვზრუნავთ და გული შეგვტკივა, ბევრი საფიქრალი და არის საერთო. ერთგული მეგობრობის და მეგობრობის ფასი ვინც არ იცის იგიც აბდალია!!!“- წერს ზურა შევარდნაძე.
საზოგადოება • 1763240356
ფლორისტი და ტელეწამყვანი ზურა შევარდნაძე სოციალურ ქსელში ძველი შეხედულებებს და ტრადიციებს დღევანდელს ადარებს და წერს, რომ რაც ადრე გვაოცებდა და უჩვეოლოდ მიგვაჩნდა, დღეს ის ჩვეულებრივი ამბავია.„ოცი წლის წინ გერმანიიდან დაბრუნებული რომ ამბებს ვყვებოდი საარაკოდ, დღეს აგერ ჩვენ თვალწინ ხდება ზუსტად ისე, მგონი იმაზე მეტიც რაც მაშინ ასე გვაოცებდა, დღეს ჩვენთანაც ჩვეულებრივია.მახსოვს როგორ გაკვირვებული ვყვებოდი რომ დაურეკავად ვერსად ვერ მიხვალ სტუმრად და წინასწარ თუარ შეუთანხმდი ისე ვერავისთან წახვალ. როდის შეიარეთ ისე უბრალოდ ვინმესთან ბოლოს?ვყვებოდი რომ მამის გასვენებას არ ესწრებოდა შვილი, საზღვარგვარეთ იყო და ვერ ჩამოვიდა არ ეცალა. რამდენი ახლობელი გავაცილე ამ ბოლოს იმქვეყნად ისე რომ შვილები არ ყოფილან გასვენებაში ზოგი იტალიაშია და ზოგი ამერიკაში ზის ტრაილერზე.ვყებოდი რომ არსებობს მდიდრების და ღარიბების მაღაზიები, რომ ღარიბი მდიდრის მაღაზიაში ვერ იყიდის ძვირია. ისე ყველაფერი კარგი აგიხდეთ..ვყვებოდი მაშინ, სტუმრად რომ მიხვალ ჩაის ან ყავას შემოგთავაზებენ. ისეთი სადილი ჩემი ბებია რომ გვიშლიდა, მაშინ ჩვეულებრივად რომ ითვლებოდა დღეს ათასი ლარი ჯდება. მიდი და გაუშალე ყველა სტუმარს თუ ვაჟკაცი ხარ.ესეც მაშინდელია, გასვენებაში არც თავზე ეხურათ არც ტიროდა ვინმე... აგერ მიიხედ-მოიხედე, ვინ ტირის, გლოვობს ან იხოკავს კოყებს? მაშინ მიკვირდა, ახლა ასე მირჩევნია.შეყვარებულები არიან და ერთად ცხოვრობენო რომ გავიგე მეგონა ქვეყანა დაიქცა.. ახლა ჩემს ირგვლივ ბევრი ახალგაზრდაა ასე და ეს უფრო სწორი მგონია..გაოცებას არ ვიყავი რომ გავიგონე თანამშრომელს ვერ ვშოულობ, რამდენი ხანია ვეძებო. ახლა აგერ დღეა არ გავა ვინმემ არ მომწეროს ამის და ამის გამკეთებელს ვეძებ ხომ არ იცი ვინმეო.დანარჩენი თქვენ დაამატეთ რაში ვიყოჩაღეთ, დავეწიეთ და გავასწარით ევროპას...“ - წერს ზურა შევარდნაძე.
ტაბლოიდი • 1761236258
რუსთავი2-ის გადაცემაში „შაბათ-კვირის დილა“ ბიოლოგი ზურა შევარდნაძე მაყურებელს საინტერესო რჩევებს უზიარებს. ორი საათის მანძილზე, მაყურებელი ეცნობა ბაღის მოვლის წესებსა და გურულ კულინარიას.ამ ყველაფერს გურული იუმორით ახალისებს და ზურა შევარდნაძისა და ნინო კვაჭანტირაძის დუეტი.როგორც ჩანს ზურას გადაცემის პროდიუსერმა რამდენიმე დავალება მისცა, რომელსაც წამყვანები ნაწილობრივ აპროტესტებენ. გადაცემის წამყვანები პროდიუსერის წინააღმდეგ - ასე დაასათაურეს ვიდეო სოციალურ ქსელში, რომელსაც დიდი გამოხმაურება მოჰყვა.
საზოგადოება • 1760552549
ზურა შევარდნაძე სასარგებლო რჩევებს გვიზიარებს: „უფრო სასარგებლო პროდუქტი, ვიდრე ქართული მშრალი ნუში და ქიშმიშია არ არსებობს. მე არ მიყვარს სამედიცინო რჩევების მიცემა, მაგრამ აქ ზუსტად ვარ დარწმუნებული რასაც გეუბნებით. საკუთარ კანზე და სხეულზე გამომიცდია, ამიტომ სიამოვნებით გიზიარებთ ამ არაჩვეულებრივ რეცეპტს. 5 ცალი ნუში და 10 ცალი ქიშმიში ჩაყარეთ ჭიქაში და დაასხით გაციებული გადადუღებული წყალი. შემდეგ ასე დატოვეთ მთელი ღამით. დილას მოურევთ და დალევთ. მთელს სხეულს შეავსებს ენერგიით, არაჩვეულებრივი საშუალებაა კუჭნაწლავისთვის“, - ამბობს ზურა შევარდნაძე. ნახეთ, ვიდეო: @vachiberadzejuice გარდენია შევარდნაძე. #ნუში ♬ оригинальный звук - zura vachiberadze
რჩევები • 1759179097
"ბევრმა იცის 72%-იანი სარეცხის საპნის სიკეთეები, მებაღეობა კი ამ საპნის გარეშე არ არსებობს. მე სულ მაქვს, ამის ბევრი მიზეზი არსებობს, ბევრ რამეში ვიყენებ.პირველი - ძალიან კარგად იცავს ფრჩხილებს. თუ მიწასთან მუშაობამდე ამ საპნით ამოივსებთ ფრჩხილებს, აღარ გაგიშავდებათ. ძველი მეთოდია, ძველი მებაღეები იყენებდნენ.მეორე - გარდა იმისა რომ იცავს, ძალიან კარგად ასუფთავებს ხელებს. თბილ წყალში სარეცხის საპნით რომ დაიბანთ ხელს, შემდეგ ამ წყლით შეგიძლიათ გაწმინდოთ ლიმონის ფოთლები, რომელიც ძალიან მარტივად ავადდება ქოთანში. ჩვენ ლიმონს სხვას არაფერს ვუკეთებთ, მხოლოდ ასე ვწმენდთ.მესამე - უებარი საშუალებაა ნაცართან ერთად ქვაბების გასათეთრებლად, ემალისა და ალუმინის ჭურჭლისთვის.ვჭრი პატარა კუბიკებად და ვაწყობ ქილებში, ვადა არ გასდის არასდროს, წლობით ვინახავ ასე. გახსოვდეთ ეს საშუალება და სულ ახლოს გქონდეთ", - ამბობს ყველასთვის კარგად ნაცნობი და საყვარელი მებაღე, ზურა შევარდნაძე ვიდეოში, რომელსაც საკუთარ გვერდზე აქვეყნებს.
