პოლიტიკა • 1792581132

ირაკლი კობახიძე: ყველამ კეთილი უნდა ინებოს და პატივი სცეს მართლმსაჯულების დამოუკიდებლობას, ჯერ წაიკითხონ სარჩელი, შემდეგ გადაწყვეტილება და გააკეთონ კომენტარები შინაარსთან დაკავშირებით

ყველამ კეთილი უნდა ინებოს, წაიკითხოს სარჩელი და თუ სარჩელში რამე ხელოვნურს ხედავს, ამაზე გააკეთოს კომენტარი და რაც კიდევ უფრო მნიშვნელოვანია, წაიკითხონ შემდეგ უკვე საკონსტიტუციო სასამართლოს გადაწყვეტილება, როგორი შინაარსისაც არ უნდა იყოს და გააკეთონ კომენტარები გადაწყვეტილების შინაარსთან დაკავშირებით, – ამის შესახებ საქართველოს პრემიერ-მინისტრმა, ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა.პრემიერის თქმით, ყველამ პატივი უნდა სცეს მართლმსაჯულების დამოუკიდებლობას და თუ ვინმე დაინახავს სამართლებრივ უზუსტობებს ან გაუმართავ შინაარსს გადაწყვეტილების ტექსტში, ამ შემთხვევაში, შეუძლიათ, სამართლებრივი კომენტარები გააკეთონ.„ყველა უნდა მოერიდოს ჩარევას მართლმსაჯულების დამოუკიდებლობაში. დანარჩენი ჩვენთვის არ არის საინტერესო. ჩვენთვის საინტერესო არის მართლმსაჯულების დამოუკიდებლობა, სამართლის უზენაესობა და ამ მიმართულებით ვიქნებით მაქსიმალურად ყურადღებიანი. როდესაც არის მიმდინარე პროცესი, ამ პროცესთან დაკავშირებით განცხადებების გაკეთება, კონკრეტული კონტექსტის გათვალისწინებით, არის აშკარად ჩარევა, ბუნებრივია. სამართლებრივი პროცესია, მართლმსაჯულება განიხილავს ამ ყველაფერს და როდესაც საქმე ეხება მართლმსაჯულებას, ყველამ უნდა შეიკავოს თავი რაიმე წინასწარი კომენტარისგან. ყველას შეუძლია, როდესაც გამოქვეყნდება გადაწყვეტილება, წაიკითხოს გადაწყვეტილების შინაარსი, როგორი ფორმისაც არ უნდა იყოს და როგორი შინაარსისაც და კეთილი ინებონ და მერე გააკეთონ კომენტარები. ოღონდ აქაც კომენტარები გააკეთონ გადაწყვეტილების შინაარსთან დაკავშირებით და არა ზოგადად. ყველამ კეთილი უნდა ინებოს და როდესაც განიხილება სამართლებრივი საკითხი სასამართლოში, პატივი უნდა სცეს მართლმსაჯულების დამოუკიდებლობას, უნდა წაიკითხოს შინაარსი. სარჩელზე არავინ საუბრობს, იქნებ რა წერია, არ წაუკითხავთ ეს სარჩელი, სარჩელზე კი არ საუბრობენ, ზოგად განცხადებებს აკეთებენ. ზოგადი განცხადება არის აშკარა და უხეში პოლიტიკური ჩარევა მართლმსაჯულების დამოუკიდებლობაში. ადამიანის უფლებებში არსებობს ასეთი ტერმინები – უფლების შეზღუდვა და უფლების შელახვა. უფლების შეზღუდვა არის ნებისმიერი რამე. როდესაც ადამიანი კაცს მოკლავს და მას იჭერ, მას უზღუდავ თავისუფლების ძირითად უფლებას. მთავარია, არ უნდა შეელახოს უფლება. როდესაც ნებისმიერ ქვეყანაში პარტია იკრძალება, ეს არის კონკრეტული ძირითადი უფლების შეზღუდვა, მაგრამ შეზღუდვა შეიძლება, იყოს გამართლებული. შეზღუდვა თუ გამართლებულია, ამ შემთხვევაში კონსტიტუცია არის დაცული. ეს სახელმძღვანელოებში წერია, ასე ასწავლიან პირველ კურსზე ადამიანის უფლებებს საქართველოშიც და საზღვარგარეთაც. შუამდგომლობები ეხებოდა მოსამართლეების აცილებას. ისეთი მოუმზადებელი იყო „ნაცმოძრაობის“ წარმომადგენელი, რომ ბატონი თევდორაშვილი ეგონა მიხეილ ყაველაშვილის მიერ დანიშნული მოსამართლე, როდესაც სალომე ზურაბიშვილის მიერ იყო დანიშნული. სალომე ზურაბიშვილმა თან იმ დროს დანიშნა, როდესაც უკვე ლეგიტიმური იყო მათი გადმოსახედიდან, თორემ მანამდე ხომ არ იყო ლეგიტიმური და მერე გახდა ლეგიტიმური და როცა ლეგიტიმური იყო უკვე სალომე ზურაბიშვილი, მაშინ დანიშნა ბატონი თევდორაშვილი. ამიტომ, აქაც კი ნახეთ, რამხელა არაპროფესიონალიზმს და მოუმზადებლობას ავლენენ ეს ადამიანები“, – განაცხადა პრემიერმა.

საზოგადოება • 1791568241

აუდიო ჩანაწერი, რომელიც "კურიერმა" მოიპოვა, სავარაუდო კორუფციულ დანაშაულს ასახავს - საქართველოს ეროვნული ბანკის საბჭომ ნანა ყეინიშვილი საბჭოს საქმიანობას ერთხმად ჩამოაშორა

საქართველოს ეროვნული ბანკის საბჭომ განიხილა საბჭოს წევრის, ნანა ყეინიშვილის საბჭოს საქმიანობაში მონაწილეობიდან აცილების საკითხი და ის გადაწყვეტილებების შემუშავებისა და მიღების პროცესს ერთხმად ჩამოაშორა.ეროვნული ბანკის საბჭოს წევრი, ლიცენზიის გაცემის სანაცვლოდ, შპს "ბიტექს ჩეინჯის" ხელმძღვანელისგან ბიზნესის წილს ითხოვს. აუდიო ჩანაწერი, რომელიც "კურიერმა" მოიპოვა, სავარაუდო კორუფციულ დანაშაულს ასახავს. ყეინიშვილი ამ თანამდებობაზე სალომე ზურაბიშვილის კვოტით დაინიშნა. 2023 წელს, სწორედ ექსპრეზიდენტმა წარუდგინა პარლამენტს საბჭოს წევრად მისი კანდიდატურა. მაშინ ზურაბიშვილი ამტკიცებდა, რომ მიზანი ეროვნულ ბანკში მანკიერი პრაქტიკის ლუსტრაცია იყო. ყეინიშვილმა კი ეროვნულ ბანკში ხელი სავარაუდოდ არალეგალურ საქმიანობას მიჰყო და მანკიერი პრაქტიკის ლუსტრაციის მაგალითი თავად გახდა.სწორედ ეს აუდიო ჩანაწერი დაურთო "ბიტექსტ ჯგუფის" ხელმძღვანელობამ საჩივარს, რომელიც ყეინიშვილის წინააღმდეგ ეროვნულ ბანკში შევიდა. გავრცელებული განცხადებიდან ირკვევა, რომ სებმა საქმე დეტალურად მოიკვლია. გამოვლინდა, რომ გამოკვეთილი გარემოებები ეროვნული ბანკის კომპეტენციას სცილდებოდა, უწყებამ საქართველოს პროკურატურას მიმართა. "კორუფციის წინააღმდეგ ბრძოლის შესახებ“ საქართველოს კანონის თანახმად, საჯარო მოსამსახურეს არ აქვს სამეწარმეო საქმიანობის განხორციელების უფლება. ამავდროულად, ეროვნული ბანკის საბჭოს წევრს და მისი ოჯახის წევრებს არა აქვთ უფლება, იყვნენ საქართველოს საფინანსო სექტორის წარმომადგენლის, ან მასთან დაკავშირებული იურიდიული პირის პარტნიორი. უკვე დაიწყო გამოძიება 337-ე მუხლით, რაც სამეწარმეო საქმიანობაში უკანონო მონაწილეობას გულისხმობს.სალომე ზურაბიშვილის ხელდასმული საბჭოს წევრისგან, სავარაუდო არალეგალური საქმიანობა, არ გაჰკვირვებიათ მმართველ გუნდში. "ქართულ ოცნებაში" აცხადებენ, რომ ექსპრეზიდენტი გადაწყვეტილებებს არაკომპეტენტურად იღებდა.ვიდრე ნანა ყეინიშვილი მართლმსაჯულების წინაშე წარდგება, კითხვებზე კონკრეტულ პასუხს სალომე ზურაბიშვილისგან ითხოვს ოპოზიციაც. "ნაციონალურ მოძრაობა" ექსპრეზიდენტს დღეს ღიად დაუპირისპირდა. სააკაშვილის პარტიაში ამბობენ, რომ ზურაბიშვილმა ყეინიშვილის კორუფციისადმი მიდრეკილების შესახებ მაშინაც იცოდა, როცა ის კანდიდატად შეარჩია. გახარიას პარტიაში კი აინტერესებთ, რატომ წარადგინა 2023 წელს მაშინდელმა პრეზიდენტმა ზურაბიშვილმა, საეჭვო რეპუტაციის მქონე ადამიანი ეროვნული ბანკის საბჭოს წევრად.საპარლამენტო უმრავლესობაში აცხადებენ, რომ პრეზიდენტობის პერიოდში შეუსაბამო ქმედებებით სალომე ზურაბიშვილმა თავი არაერთგზის გამოიჩინა. მისი პროტეჟე ნანა ყეინიშვილის შესაძლო დანაშაულებრივი საქმიანობა კი ამის ერთ-ერთი ნათელი მაგალითია.გამოძიება ეროვნული ბანკის საბჭოს წევრის მხრიდან, შესაძლო კანონსაწინააღმდეგო საქმიანობის შესახებ ინტენსიურად გრძელდება. მიუხედავად არაერთი მცდელობისა, თავად ნანა ყეინიშვილი "კურიერის" სატელეფონო ზარებს ამ დრომდე არ პასუხობს.

პოლიტიკა • 1791543960

ირაკლი ჭეიშვილი ნანა ყეინიშვილზე: სალომე ზურაბიშვილს არაერთი მსგავსი თანამდებობის პირი ჰყავს თავის დროზე წარდგენილი... დაველოდოთ გამოძიების დასკვნას

ნანა ყეინიშვილის უკანონო სამეწარმეო საქმიანობის ინტერესი - როგორ ცდილობდა ზურაბიშვილის პროტეჟე ეროვნული ბანკის რეგულაციას დაქვემდებარებული საწარმოს წილში შესვლას და ამ გზით საკუთარი ბიზნესსაქმიანობის გაფართოებას.ეროვნული ბანკის საბჭოში ნანა ყეინიშვილის კანდიდატურა სწორედ სალომე ზურაბიშვილმა წარადგინა. ამის მიზეზად კი ეროვნულ ბანკში მანკიერი პროცესის ლუსტრაციის გამოვლენა დაასახელა.მმართველ გუნდში ზურაბიშვილის მიერ შერჩეული კადრისგან არაფერი უკვირთ, რადგან ექსპრეზიდენტი მუდმივად არაკვალიფიციურ გადაწყვეტილებებს იღებდა."სალომე ზურაბიშვილს არაერთი მსგავსი თანამდებობის პირი ჰყავს თავის დროზე წარდგენილი და მიუხედავად იმისა, რომ ჩვენ არაერთხელ განვაცხადეთ, არ არსებობს რეგალია, არ არსებობს თანამდებობა, არ არსებობს მოქმედი თუ ყოფილი თანამდებობის პირი, ვისაც ექნება გადაცდომა, აუცილებლად რეაგირება იქნება მკაცრი.შესაბამისად, არც ახლა აყოვნებს პროკურატურა და შესაბამისად მიმდინარეობს გამოძიება. დაველოდოთ გამოძიების დასკვნას. ზურაბიშვილის ფაქტორი ზოგადად პრობლემაა საქართველოსთვის და იყო თავის დროზეც და არა მხოლოდ ახლა. აქედან გამომდინარე, ახლა ზურაბიშვილის პროტეჟე იქნება ზუსტად მსგავსი ადამიანი, ვინც მსგავსი საქმიანობით იქნება დაკავებული", - განაცხადა პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის მოადგილე ირაკლი ჭეიშვილმა.

პოლიტიკა • 1791538491

შალვა პაპუაშვილი ნანა ყეინიშვილის საქმეზე: მნიშვნელოვანია, რომ სახელმწიფო ამ საკითხზე რეაგირებს

მნიშვნელოვანია, რომ სახელმწიფო რეაგირებს ამ საკითხზე, - განცხადა საქართველოს პარლამენტის თავმჯდომარემ ეროვნული ბანკის საბჭოს წევრის ნანა ყეინიშვილის საქმეზე საუბრისას.შალვა პაპუაშვილი თქმით, მთავარი კითხვის ადრესატი ყოფილი პრეზიდენტი სალომე ზურაბიშვილია, თუ როგორ შეარჩია მან ნანა ყეინიშვილი სებ-ის საბჭოს წევრობის კანდიდატად.„ეს მას [სალომე ზურაბიშვილი] უნდა ჰკითხოთ, როგორ შეარჩია და რანაირად წარმოადგინა კანდიდატურები, ეს მისი პასუხისმგებლობაა. თუმცა, ეს კიდევ ერთხელ აჩვენებს, რომ მნიშვნელოვანია პარლამენტიც დეტალურად გარკვეულიყო ამ საკითხში, რაც შეეხება წევრების არჩევას“, - განაცხადა პარლამენტის თავმჯდომარემ.2023 წელს ეროვნული ბანკის საბჭოს წევრად ნანა ყეინიშვილის კანდიდატურა პარლამენტს სწორედ სალომე ზურაბიშვილმა წარუდგინა.როგორც ცნობილია, საქართველოს გენერალურმა პროკურატურამ ეროვნული ბანკიდან გადმოგზავნილი შპს ,,ბიტექსჩეინჯის“ ხელმძღვანელი პირების განცხადებების საფუძველზე, სისხლის სამართლის კოდექსის 337-ე მუხლით გამოძიება დაიწყო, რაც მოხელის ან მასთან გათანაბრებული პირის მიერ, სამეწარმეო საქმიანობაში უკანონო მონაწილეობას გულისხმობს.საქმეზე განცხადება გაავრცელა საქართველოს ეროვნულმა ბანკმაც. სებ-ი აცხადებს, რომ მასალები გადაეცა შესაბამისი უფლებამოსილების მქონე ორგანოებს, ამასთან, გამოძიების მიმდინარეობის პერიოდში ეროვნული ბანკის საბჭო უახლოეს სხდომაზე განიხილავს ნანა ყეინიშვილის დროებით აცილების საკითხს ეროვნული ბანკის საბჭოს სხდომებიდან.

პოლიტიკა • 1791538248

ყეინიშვილი წარდგება მართლმსაჯულების წინაშე და მიიღებს შესაბამის სასჯელს - თენგიზ შარმანაშვილი

ნანა ყეინიშვილის წინააღმდეგ დაწყებულ საგამოძიებო პროცესთან დაკავშირებით მედიასთან კომენტარი გააკეთა პარლამენტის თავდაცვისა და უსაფრთხოების კომიტეტის თავმჯდომარის პირველმა მოადგილემ.თენგიზ შარმანაშვილმა ყურადღება გაამახვილა საკადრო შეცდომაზე, იქიდან გამომდინარე, რომ ნანა ყეინიშვილი ეროვნული ბანკის საბჭოს წევრის პოსტზე, ყოფილმა პრეზიდენტმა, სალომე ზურაბიშვილმა 2023 წელს წარადგინა.როგორც შარმანაშვილი აღნიშნავს, ყეინიშვილის მართლმსაჯულების წინაშე წარდგება და შესაბამის სასჯელსაც მიიღებს."ნუ გაუსწრებთ მოვლენებს წინ, მაგრამ საერთოდ თვითონ საკადრო შეცდომა იყო ის ადამიანი, რომელიც საქართველოს პრეზიდენტი გახდა და ახლა საკადრო შეცდომის საკადრო შეცდომებზე საუბარი ნამეტანი გამოგვივა. რა თქმა უნდა, ის ვერავინ ვერავითარ ნორმალურ ადამიანს თეორიულად ვერ შეარჩევდა. დანარჩენი პროკურატურას ვაცალოთ, თუ იმ ბრალს წაუყენებენ და ეს ბრალი დადასტურდება, რა თქმა უნდა, ის წარდგება მართლმსაჯულების წინაშე და მიიღებს შესაბამის სასჯელს", - განაცხადა თენგიზ შარმანაშვილმა.ცნობისთვის, საქართველოს გენერალურმა პროკურატურამ ეროვნული ბანკის საბჭოს წევრის ნანა ყეინიშვილის წინააღმდეგ გამოძიება დაიწყო. გამოძიების საფუძველი ეროვნული ბანკიდან გადმოგზავნილი "ბიტექსჩეინჯის" ხელმძღვანელი პირების განცხადებები გახდა სამეწარმეო საქმიანობაში უკანონო მონაწილეობის შესახებ.პროკურატურის ინფორმაციით ეროვნული ბანკის საბჭოს წევრი ნანა ყეინიშვილი ჩართულია სამეწარმეო საქმიანობაში , უშუალოდ აკონტროლებს ეროვნული ბანკის რეგულირებას დაქვემდებარებული საწარმოების ქსელს, რომელთა წილებიც რეგისტრირებულია მისი ოჯახის წევრის და მასთან აფილირებული პირების სახელზე.გამოძიების მიხედვით ნანა ყეინიშვილი ცდილობდა ეროვნული ბანკის რეგულაციას დაქვემდებარებული საწარმოს წილში შესვლას და ამ გზით საკუთარი ბიზნეს საქმიანობის გაფართოებას."ბიტექსჩეინჯის" განცხადებებს დართული აქვს აუდიოჩანაწერიც. ნანა ყეინიშვილი ეროვნული ბანკის საბჭოს წევრად პარლამენტს სალომე ზურაბიშვილმა წარუდგინა. საკუთარ პროტეჟეზე ზურაბიშვილი ამტკიცებდა, რომ ის ეროვნულ ბანკში მანკიერი პროცესის ლუსტრაციის გამოსავლენად დაასახელა.

პოლიტიკა • 1791538194

ანა წითლიძე ნანა ყეინიშვილის საქმეზე: ზურაბიშვილს რა მოტივაცია ჰქონდა, ეს ადამიანი კანდიდატად რომ წარადგინა, გრძნობს ამაზე პასუხისმგებლობას? აღიარებს საკუთარ შეცდომას?

სალომე ზურაბიშვილმა წარადგინა ყეინიშვილი, მისი კანდიდატი იყო და გადასარევად იცოდა მისი კორუმპირებულობის შესახებ, ზურაბიშვილს რა მოტივაცია ჰქონდა, ეს ადამიანი კანდიდატად რომ წარადგინა? გრძნობს ამაზე პასუხისმგებლობას? აღიარებს საკუთარ შეცდომას? - წერს „ნაციონალური მოძრაობის“ წევრი ანა წითლიძე სოციალურ ქსელში.„სალომე ზურაბიშვილმა წარადგინა — მისი კანდიდატი იყო და გადასარევად იცოდა მისი კორუმპირებულობის შესახებ. ქოცებს ახლა რაში დასჭირდათ მის წინააღმდეგ საქმის აღძვრა, არ ვიცი, მაგრამ ზურაბიშვილს რა მოტივაცია ჰქონდა, ეს ადამიანი კანდიდატად რომ წარადგინა? გრძნობს ამაზე პასუხისმგებლობას? აღიარებს საკუთარ შეცდომას?“- წერს ანა წითლიძე.როგორც ცნობილია, ეროვნული ბანკის საბჭოს წევრად ნანა ყეინიშვილი პარლამენტს სალომე ზურაბიშვილმა წარუდგინა. როგორც თავად ზურაბიშვილმა განმარტა, ყეინიშვილი და ხომერიკი მანკიერი პროცესის ლუსტრაციისთვის წარადგინა.

პოლიტიკა • 1790602531

ვოლსკი: ევრობიუროკრატიას საქართველოს მიმართ აქვს კონკრეტული ბნელი იდეები და გეგმა, რომელიც არანაირ მონაცემს არ ითვალისწინებს

ევრობიუროკრატია, კომისრები, გარკვეულ გეგმას მიჰყვებიან და მათთვის არანაირი მნიშვნელობა არ აქვს, რა სტატისტიკურ მონაცემებს ან რა კვლევებს აქვეყნებს, მათ შორის, ევროპული კვლევითი ორგანიზაციები იმის შესახებ, რომ საქართველო უსწრებს ყველა კანდიდატ, ასევე ევროკავშირის წევრ ქვეყნებს ბევრ მაჩვენებელში, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.რაც შეეხება ევროკავშირში გაწევრიანების საკითხს, გია ვოლსკის თქმით, ათწლეულებია, ქვეყნები კანდიდატებად ითვლებიან, იგივე თურქეთი ან ნებისმიერი სხვა ქვეყანა.„ახლა გამოაცხადეს, რომ ევროკავშირის წევრობა, რომელიც 2030 წელს შეიძლება, შეიცვალოს, იმას გულისხმობს, რომ ახალი წევრები ჩუმად უნდა იყვნენ და მათ ხმის უფლებაც არ უნდა ჰქონდეთ. ევროკავშირში გაწევრიანებას თემას ნეგატიურად თუ ვინმე იხილავს, ეს განცხადებები ბოლო პერიოდში ბრიუსელიდან თუ მოგვისმენია. ბრიუსელის სტრუქტურებსა და საქართველოს შორის დაპირისპირება არ არის განპირობებული იმით, აქვს თუ არა საქართველოს მონაცემი. საქართველო ყველანაირი მონაცემით წინაა, მაგრამ ინტერესი აბსოლუტურად სხვაა და ეს წევრობის თემას არ უკავშირდება“, – განაცხადა გია ვოლსკიმ.კითხვაზე, ევროკავშირს საქართველოს მიმართ ორმაგი სტანდარტი აქვს? ვიცე-სპიკერი პასუხობს, რომ „ამას ორმაგი სტანდარტი არ ჰქვია, ამას ჰქვია კონკრეტული ბნელი იდეები და გეგმა, რომელიც არანაირ მონაცემს არ ითვალისწინებს“.„საქართველო არის ქვეყანა, რომელიც საკვანძო პოზიციაზეა, მაშინ როდესაც დერეფნების და სატრანზიტო მიმოსვლის საკითხი მწვავედ დგას მსოფლიოში. ალტერნატიული გზები, ენერგორესურსების მიწოდები და ქვეყნებს შორის დაკავშირებადობა მინიმალურამდეა შეზღუდული. ჩვენ კარგდ ვიცით, რომ საქართველოში მართვის სადავეების ჩაგდების დიდი სურვილი და იმედია. რევოლიციური მცდელობებიც ამიტომ მოხდა და ეს განცხდებებიც ბოლო პერიოდშიც ამიტომ კეთდება. საქართველოს კანდიდატობაზე ამიტომ ეთქვა უარი, შემდეგ ვითომ სალომე ზურაბიშვილმა, რომ ჩააწყო საქმე. ამიტომ იყო უკვე დაგეგმილი, რომ მოლაპარაკების სტადიაზე გადასვლისთვის უარი ეთქვა, როდესაც პრევენციულმა განცხდებამ ასეთი ისტერიკა გამოიწვია. ყველაფერი ამიტომ ხდება. ეს არა თუ ორმაგი სტანდარტია, არამედ გარკვეული სტრატეგიული გეგმაა, რომელიც საქართველოს არანაირდ არ აწყობს“, – განაცხადა გია ვოლსკიმ.გამოცემა „პოლიტიკომ“ ევროკავშირში წყაროზე დაყრდნობით გამოაქვეყნდა სტატია იმის შესახებ, რომ ევროკავშირი ამზადებს წინადადებებს, რომლის მიხედვით, ბლოკში გაწევრიანებასთან ყველაზე ახლოს მყოფი ოთხი ქვეყანა – მონტენეგრო, უკრაინა, მოლდოვა და ალბანეთი ევროკავშირში გაწევრიანების მკაფიო, ეტაპობრივ გეგმას მიიღებენ.

პოლიტიკა • 1788940476

შალვა პაპუაშვილი: შხამიანი თესლიდან კეთილშობილი ნაყოფი ვერ აღმოცენდება – ეს არის, რასაც ოპოზიციაში ვაკვირდებით, ის, რაც ძირშივე მოწამლულია, იქიდან კარგი არაფერი გამოვა

შხამიანი თესლიდან კეთილშობილი ნაყოფი ვერ აღმოცენდება – ეს არის, რასაც ოპოზიციაში ვაკვირდებით. ის, რაც ძირშივე მოწამლულია, იქიდან კარგი არაფერი გამოვა, – ამის შესახებ საქართველოს პარლამენტის თავმჯდომარემ, შალვა პაპუაშვილმა ჟურნალისტებს ოპოზიციასთან დაკავშირებით დასმული კითხვის პასუხად განუცხადა.პაპუაშვილის თქმით, მმართველი გუნდი „გულშემატკივრობს ამ პროცესს, რადგან საზოგადოება ბევრ ისეთ რაღაცას იგებს, რაც შეიძლება, საჯაროდ არ ჩანდა“.„მაგალითად, რაც შეეხებოდა საარჩევნო კამპანიის დაფინანსებას, ვამბობდით, რომ უცხოეთიდან სხვადასხვა არხის გამოყენებით პარტიებში ფულის შემოდინება ხდებოდა. ახლა 40 მილიონსა და გილაურზე საუბრობენ, რა გგონიათ, მისი ფული იყო? ასე გამოიყენებოდა სხვადასხვა ადამიანის არხი, რათა უცხოეთიდან ფული შემოსულიყო და საქართველოს არჩევნებში ჩარევა მომხდარიყო. კარგია, რომ 40 მილიონის საკითხი ასე განიხილება და ყველაფერი ნელ-ნელა ცხადი ხდება. თავად ადასტურებენ, რომ მათ საარჩევნო კამპანიაში „შავი ფული“ ტრიალებდა. ასევე ადასტურებენ, რომ საქმე არადეკლარირებულ შემოსავლებთან გვაქვს. ეს ყველაფერი ადასტურებს, რაზეც ჩვენ ვსაუბრობდით, რომ ფიქტიური ჩარიცხვები, ადამიანების და სხვა არხების გამოყენება ხდებოდა უცხო ქვეყნის სპეცსამსახურებიდან ფულის შემოდინებისთვის. ფული რისთვის შემოდიოდა, 2024 წელს ვნახეთ. გვარამია სალომე ზურაბიშვილს შეაწყალებინეს. ერთ-ერთ ევროპარლამენტარს, ვიოლა ფონ კრამონს წამოსცდა, რომ ნიკა გვარამიას შეწყალება ბრიუსელში წინასწარ იყო შეთანხმებული. მან თქვა, რომ ვიცოდით, სალომე ზურაბიშვილი ნიკა გვარამიას იწყალებდაო. ქართველმა ხალხმა და ხელისუფლებამ არაფერი ვიცოდით და ეს ყველაფერი ზურაბიშვილმა ბრიუსელს შეუთანხმა. გვარამია იმისთვის გამოუშვეს, რომ შემოდგომაზე, არჩევნების შემდეგ ამრევი ჰყოლოდათ. ამ ყველაფრის შემდეგ რომ ბრიუსელი კიდევ აქეთ გვედავება, როცა კანდიდატ ქვეყანას ასეთ რაღაცებს გაუკეთებ, მის არჩევნებში ღიად ჩაერევი, მათ შორის საკუთარი ელჩის მეშვეობით, როცა მისი არჩევნების დაფინანსებას „შავი ფულით“ ცდილობ, როდესაც ახალისებ ძალადობრივ ჯგუფებს, დეზინფორმაციას, გაქვს აგრესიული რიტორიკა ქართველი ხალხის მიერ არჩეული ხელისუფლების მიმართ და ამის შემდეგ კიდევ აქეთ ედავებიან ქართველ ხალხს, ეს ამორალურია“, – განაცხადა შალვა პაპუაშვილმა.

საზოგადოება • 1784799380

რეგიონებში პატრონიან ძაღლებს სტერილიზაცია და ჩიპირება უფასოდ უტარდებათ

ძაღლების ჰიპერპოპულაციის მართვის პროგრამის ფარგლებში,  პატრონიანი ძუ ძაღლების სტერილიზაციის ,იდენტიფიკაციის (ჩიპირება)  და ელექტრონულ ბაზაში რეგისტრაციის პროცესი აქტიურად მიმდინარეობს. ღონისძიებებს, ტენდერით გამოვლენილი კერძო ვეტერინარული დაწესებულებები ახორციელებენ.აღსანიშნავია, რომ ვეტერინარული მანიპულაციები ტარდება, როგორც სტაციონარულ , ასევე მობილურ კლინიკებსა და საველე პირობებში. სურსათის ეროვნული სააგენტოს ვეტერინარები მუდმივად აკვირდებიან პროცესს, რათა პროცედურები,  სტანდარტების სრული დაცვით და სტერილური პირობებში  ჩატარდეს. რეგიონებში ღონისძიებების მიმდინარეობას სურსათის ეროვნული სააგენტოს უფროსის მოადგილე ალექსანდრე ზურაბიშვილი ადგილზე გაეცნო და აღნიშნა რომ პროცესი ყველა რეგიონს მოიცავს და  ეფექტიანად მიმდინარეობს.„აღნიშნული ღონისძიებები მიზნად ისახავს ცხოველთა უკონტროლო გამრავლების პრევენციას, ცხოველთა დაავადებების გავრცელების შემცირებას, ცხოველთა კეთილდღეობის გაუმჯობესებასა და საზოგადოებისთვის უსაფრთხო გარემოს შექმნას“ -აღნიშნა ალექსანდრე ზურაბიშვილმა.აღსანიშნავია, რომ პროგრამის მაქსიმალური ხელმისაწვდომობის უზრუნველყოფის მიზნით,ღონისძიებების ჩატარების განრიგი წინასწარ ქვეყნდება  ფეისბუკ-პლატფორმაზე:(https://www.facebook.com/profile.php?id=61580338640226&locale=ka_GE) .  ასევე ცხოველების მეპატრონეებს და დაინტერესებულმა პირებს შეუძლიათ მიმართონ  ადგილობრივი მუნიციპალიტეტებს.

პოლიტიკა • 1782482969

მიხეილ სააკაშვილი სალომე ზურაბიშვილზე: ჩემი სახელმწიფო ვიზიტების დროს, მოულოდნელად ტოვებდა ხოლმე დელეგაციას, თიშავდა ტელეფონს და იკარგებოდა მრავალი დღით

საქართველოს მესამე პრეზიდენტი, მსჯავრდებული მიხეილ სააკაშვილი სოციალურ ქსელში ეხმაურება საქართველოს მეხუთე პრეზიდენტის, სალომე ზურაბიშვილის გუშინდელ სატელევიზიო ეთერს, სადაც მან მიხეილ სააკაშვილზე ისაუბრა.სააკაშვილი ზურაბიშვილის საგარეო საქმეთა მინისტრობის პერიოდს იხსენებს და ამბობს, რომ ის„ აღმოჩნდა ყველაზე უარესი საგარეო მინისტრი, რომელიც საქართველოს როდისმე ჰყოლია“.სააკაშვილი წერს, რომ მისი სახელმწიფო ვიზიტების დროს, ზურაბიშვილი მოულოდნელად ტოვებდა დელეგაციას, თიშავდა ტელეფონს და იკარგებოდა მრავალი დღით.„სალომე ზურაბიშვილმა გუშინ კვლავ გაიმეორა ჩემზე „არა და არასდროს!“ვინ არის ეს ქალი? მას ჰქონდა საფრანგეთში კარგი დიპლომატიური კარიერა, მეც რევოლუციის შემდეგ გატაცებული ვიყავი იდეით, რომ ჩვენ, როგორც ბალტიის ქვეყნებს, დაგვებრუნებინა და ხელისუფლებაში გამოგვეყენებინა ჩვენი ემიგრანტები.ზურაბიშვილს ჰქონდა ძალიან კარგი ოჯახური წარმომავლობა. ჰყავდა ძალიან კარგი დედა. დღესაც პატივისცემით ვეპყრობი მის ძმას, ოთარ ზურაბიშვილს. სალომეს მეუღლე, ჯანრი კაშია დედაჩემის და ბიძაჩემის მეგობარი იყო. ამიტომ ძალიან მომეწონა აზრი, 2004 წელს, საბჭოთა გადმონაშთი თედო ჯაფარიძის ნაცვლად, მისი საგარეო მინისტრად დანიშვნის.მაშინ მე გამოვეკიდე ოცნებას. ამ საკადრო ცვლილების შემდეგ, ოცნება მწარე რეალობაში გადაიზარდა. სალომე აღმოჩნდა ყველაზე უარესი საგარეო მინისტრი, რომელიც საქართველოს როდისმე ჰყოლია.პირველივე დღიდან საერთოდ მიუშვა სამინისტროს ორგანიზაციული ნაწილი. ჩემი სახელმწიფო ვიზიტების დროს, მოულოდნელად ტოვებდა ხოლმე დელეგაციას, თიშავდა ტელეფონს და იკარგებოდა მრავალი დღით. სამკვდრო სასიცოცხლოდ გადაიკიდა ჩვენი ძალიან მნიშვნელოვანი მეზობლები, თურქეთი და აზერბაიჯანი, ისე რომ მაშინდელმა თურქეთის პრეზიდენტმა გიულმა, პირადად მომთხოვა მისი თურქული მიმართულებიდან ჩამოშორება და მას იმ პერიოდში ოფიციალურად აუკრძალეს თურქეთში შესვლა.სამინისტროს ხელმძღვანელობაში გაჩნდნენ სალომეს სრულიად საეჭვო ფავორიტები, რომელთაც პროფესიონალიზმთან საერთოდ არანაირი შეხება არ ჰქონდათ. ამ ყველაფრის შემყურე, პარლამენტში პრაქტიკულად დაიწყო ბუნტი სალომეს წინააღმდეგ და მე ის გადავაყენე. როდესაც ჩემი გადაწყვეტილება გავაცანი, სალომემ მითხრა ახლავე დაითხოვე პარლამენტი, დანიშნე არჩევნები და მე დამნიშნე პრემიერ მინისტრადო, მე ამაზე გამეცინა, მოკლედ მაშინ ასე დავშორდით.ეგრევე გადაეშვა ოპოზიციურ საქმიანობაში. ოღონდ ეს არ იყო ჩვეულებრივი ოპოზიცია, არამედ ნამდვილი ანტი-სახელმწიფოებრივი მავნებლური საქმიანობა.2007 წელს რუსულმა su -24 ტიპის ბომბდამშენებმა დაგვიბომბეს უკრაინაში ნაყიდი ბუკ-1m ტიპის საჰაერო დაცვის სისტემა სოფელ წითელუბანში, გორთან. ზურაბიშვილმა ეგრევე მოიწვია პრესკონფერენცია სადაც გამოაცხადა რომ სინამდვილეში ჩემი ბრძანებით გადავღებეთ ქართული თვითმფრინავი და დავბომბეთ საკუთარი თავი, რათა ეს რუსეთის დასადანაშაულებლად გამოგვეყენებინა. მოიქცა ზუსტად როგორც რუსეთის თავდაცვის მინისტრი გრაჩოვი 1993 წელს, როცა ქართველები დაადანაშაულა სოხუმის დაბომბვაში.2008 წლის შემდეგ მისმა კოლაბორაციონისტობამ საბოლოოდ გაშალა ფრთები. აშანშალებდა პოსტებს იმაზე თუ როგორ დავბომბე "მძინარე ცხინვალი" და ამაზე უნდა გავსამართლდე და ასევე დაწერა წიგნი "La tragédie géorgienne", რომელიც რუსეთმა წარადგინა ჰააგის სასამართლოში მტკიცებულებად ჩემი და ქართველი სამხედროების მიერ სამხედრო დანაშაულების ჩადენაზე.ამიტომ უბრალოდ დარწმუნებული ვარ, რომ რუსეთი ვერ იპოვიდა უფრო კარგ კანდიდატურას პრეზიდენტობის, რა არის უკეთესი საქართველოს ომში დამადანაშაულებელ საფრანგეთის ყოფილ ელჩზე და შესაბამისად დაავალეს ეს ივანიშვილს.2018 წლის არჩევნები უხეშად გაყალბდა, ძალადობით, მოსყიდვით მათ შორის დიახ სალომეს გაპრეზიდენტებას პირდაპირ შეეწირა ზუგდიდელი სკოლის დირექტორი, უკეთილშობილესი ია კერზაია, რომელიც სალომეს სახელით დააშანტაჟეს, ატერორეს და მისმა გულმა ამას ვერ გაუძლო.პრეზიდენტობის დროს ზურაბიშვილი კიევში შეხვდა ვლადიმერ ზელენსკის ერთადერთ საკითხით - ჩემი დაპატიმრების და საქართველოსთვის გადაცემის. ეს მომიყვა თვითონ ზელენსკიმ, რომლის რეფორმათა საბჭოს თავმჯდომარე ვიყავი. რა თქმა უნდა, უკრაინის პრეზიდენტმა ის ძალიან შორს გააგზავნა და როცა ომის დაწყების შემდეგ სალომემ რამდენჯერმე სცადა კიევში ჩასვლა და ზელენსკისთან სურათის გადაღება, ზელენსკის ადმინისტრაციის პასუხი იყო ყოველთვის ერთი და იგივე. "ჩვენ მას პიარის კეთების საშუალებას არ მივცემთ და მაინც თუ უნდა ჩამოსვლა, ჯერ გაუშვას სააკაშვილი".მთელი ეს ბოლო წლები ზურაბიშვილი სხვადასხვა დასავლეთის ტელეეთერებში ვრცლად ჰყვებოდა ჩემს მიერ ჩადენილ "დანაშაულებზე" ასაბუთებდა თუ რატომ უნდა ვიყო ციხეში.უკიდურესად უარყოფითი იყო ზურაბიშვილის როლი მასობრივი გამოსვლების დროს. მან არაერთხელ დაშალა რეჟიმის შესაცვლელად გამზადებული ხალხი. ამავე დროს ოპოზიციის ნაწილის დიდი შეცდომა იყო, სალომეს ერთადერთ ლეგიტიმურ ხელისუფლების ორგანოდ გამოცხადება, იმიტომ რომ გაყალბებით, ძალით მოყვანილი "პრეზიდენტი" თავიდანვე არ იყო ლეგიტიმური.სალომე ზურაბიშვილი, იმის მაგივრად რომ ბოდიშს იხდიდეს რომ ქვეყნის დანგრევის ნაწილი იყო, კიდევ უტიფრად და ურცხვად ამტკიცებს, რომ ყველაფერში მართალი იყო, ივანიშვილზე უფრო ამაზრზენია ასეთი ხალხი. ამას ყველაფერს იმიტომ ვწერ რომ უნდა ვისწავლოთ კარგის და ცუდის გარჩევა. უნდა მტერს დავუძახოთ მტერი და მოყვარეს მოყვარე. სხვანაირად სულ ერთ წრეზე ვივლით“, - წერს მიხეილ სააკაშვილი სოციალურ ქსელში. 

პოლიტიკა • 1782205413

საკრებულოში ქალთა და ბავშვთა საკითხებზე მომუშავე მუნიციპალური საბჭოს სხდომა გაიმართა

თბილისის საკრებულოში ქალთა და ბავშვთა საკითხებზე მომუშავე მუნიციპალური საბჭოს სხდომა გაიმართა, რომელსაც საბჭოს თავმჯდომარე  თინათინ ნიბლოშვილი უძღვებოდა. სხდომის ფარგლებში  ბავშვის უფლებებზე დაფუძნებული ბიუჯეტირების საკითხები განიხილეს.საბჭოს სხდომაზე  პრეზენტაციები წარმოადგინეს გაეროს ბავშვთა ფონდის სოციალური პოლიტიკის ოფიცერმა ნინო დავითაშვილმა, გაეროს ბავშვთა ფონდის კონსულტანტებმა შოთა მურღულიამ და ნინო ზურაბიშვილმა.  პრეზენტაციებში განსაკუთრებული ყურადღება ჰქონდა დათმობილი  ბავშვის უფლებებზე დაფუძნებული ბიუჯეტირების მეთოდოლოგიას, რომელიც მუნიციპალურ დონეზე ბავშვთან დაკავშირებული ხარჯების იდენტიფიცირებას, კლასიფიკაციასა და ანალიზს ითვალისწინებს.მონაწილეებმა იმსჯელეს UNICEF-ის ბავშვის უფლებათა ბიუჯეტირების ჩარჩოზე, ბავშვის უფლებათა კონვენციასთან მის კავშირზე და იმ პრაქტიკულ პრინციპებზე, რომლებიც მუნიციპალიტეტებს ეხმარება ბიუჯეტში უკეთ წარმოაჩინონ ბავშვების საჭიროებები, მათზე მიმართული რესურსები და მიღწეული შედეგები.ქალთა და ბავშვთა საკითხებზე მომუშავე მუნიციპალური  საბჭოს  თავმჯდომარემ, თინათინ ნიბლოშვილმა, შეხვედრაზე განაცხადა, რომ ქალთა და ბავშვთა უფლებების დაცვა, მათი ინტერესების გათვალისწინება და თანასწორი შესაძლებლობების უზრუნველყოფა  მუნიციპალიტეტის ერთ-ერთი მთავარი პრიორიტეტია. მისი თქმით, მსგავსი შეხვედრები  საერთაშორისო გამოცდილების გაზიარების კარგი შესაძლებლობაა.„დღეს საბჭოს სხდომაზე იუნისეფის წარმომადგენლებმა ქალთა და ბავშვთა უფლებებზე დაფუძნებული მიდგომების, საერთაშორისო სტანდარტებისა და საუკეთესო პრაქტიკის შესახებ ისაუბრეს და საკუთარი მოსაზრებები პრეზენტაციის სახით წარმოადგინეს.  საბჭოსთვის განსაკუთრებულად მნიშვნელოვანია მსგავსი გამოცდილების გაზიარება, რადგან ეს ხელს უწყობს ჩვენი საქმიანობის კიდევ უფრო ეფექტიან დაგეგმვასა და განხორციელებას. დარწმუნებული ვარ, იუნისეფთან თანამშრომლობა მომავალშიც აქტიურად გაგრძელდება, რაც კიდევ უფრო შეუწყობს ხელს ქალთა და ბავშვთა უფლებების დაცვის მიმართულებით არსებული მექანიზმების გაძლიერებასა და ახალი ინიციატივების განხორციელებას“, - განაცხადა თინათინ ნიბლოშვილმა.შეხვედრა კითხვა-პასუხის რეჟიმში გაგრძელდა,  საბჭოს წევრებმა და მოწვეულმა სტუმრებმა საკუთარი მოსაზრებები გაუზიარეს და სამომავლო თანამშრომლობის პერსპექტივებზე ისაუბრეს. 

პოლიტიკა • 1782030300

მეცო-სოპრანო მზია ნიორაძე სალომე ზურაბიშვილს ტყუილში ამხელს - „2019 წლის 19 ივნისს საღამოს შენთან ვიყავი სახლში, შენს მეგობრებთან ერთად ილხენდი, სალომე, გავრილოვის ღამეს თბილისში იყავი და არა ბელარუსში, როგორც ამბობ და რაღაც არ მახსოვს, ხალხის ცემა და თვალების დათხრა მაშინ გაგეპროტესტებინოს“

მეცო-სოპრანო მზია ნიორაძე სალომე ზურაბიშვილს ტყუილში ამხელს. ნიორაძე იხსენებს 2019 წლის 19 ივნისს, როდესაც სალომე ზურაბიშვილს თბილისში, სახლში ეწვია, სადაც ის მეგობრებთან ერთად ილხენდა, ზურაბიშვილმა კი გუშინ, 20 ივნისს „ფორმულას“ ჟურნალისტს განუცხადა, რომ 7 წლის წინ, აღნიშნულ დროს, ბელარუსში იმყოფებოდა.„სალომე რატომ იტყუები? შენ გავრილოვის ღამეს თბილისში იყავი და არა - ბელარუსში, როგორც ამბობ და რაღაც არ მახსოვს, ხალხის ცემა და თვალების დათხრა მაშინ გაგეპროტესტებინოს“, - ამ სიტყვებით მეცო-სოპრანო ზურაბიშვილს მიმართავს.„დღეს „შაბათის ფორმულას“ ვუცქერ, 20 ივნისის 7 წლისთავი - ლიზა ციციშვილის რეპორტაჟი რუსთაველის გამზირიდან, კითხვას უსვამს სალომე ზურაბიშვილს, აქციაზე მისულს : - თქვენი ემოცია თუ გახსოვთ, შვიდი წლის წინ, როცა ნახეთ პარლამენტის წინ რაც ხდებოდა?.. სალომე ზურაბიშვილი: - მე მახსოვს ჩემი ემოცია, იმიტომ რომ რაღაც საერთაშორისო სპორტული ის იყო და ვიყავი ბელარუსში და იქიდან გამოვფრინდი... მე კარგად მახსოვს, სალომე! 19 ივნისს, საღამოს 7-დან -9-მდე ვიყავი შენთან სახლში, შენს მეგობრებთან ერთად ილხენდი. უკვე საკმაოდ იყავით შეზარხოშებულნი, როდესაც მოვედი. შემდეგ, სახლის ბანზე ახვედით და იქ გააგრძელეთ სმა! მე ადრე წამოვედი, ვინაიდან თქვენს საზეიმო განწყობას ვერ მოვერგე, არც „საბუტილნიცობა“ ვერ გაგიწიეთ მოქეიფეებს. რუსთაველზე სიტუაცია იძაბებოდა, ამიტომ სახლში ადრე დავბრუნდი. სალომე! შენგან დაბრუნებულმა, ტელევიზიის პირდაპირი ეთერით ვიხილე ხალხის დარბევა და დასახიჩრება. ის ღამე თეთრად გავათენე, ვინაიდან 20-მდე პოლიციის განყოფილება შემოვიარე და ვერსად ჩემი შვილი ვერ ვიპოვე. უამრავი ახალგაზრდა ხელბორკილდადებული და დასისხლიანებული ვნახე განყოფილებებში. უშედეგო ძებნის შემდეგ, შენ დაგირეკე ( თბილისში და არა ბელარუსში) პირველი შენი კითხვა იყო: - „ტყვიით ხომ არ დაშავებულა?“ მეორე კითხვა! ( მკაცრი ტონით) - რატომ გავიდა? რა უნდოდა იქა? სალომე რატომ იტყუები? შენ გავრილოვის ღამეს თბილისში იყავი და არა - ბელარუსში, როგორც ამბობ და რაღაც არ მახსოვს, ხალხის ცემა და თვალების დათხრა მაშინ გაგეპროტესტებინოს. „ტყუილს მოკლე ფეხი აქვს!“, - წერს მზია ნიორაძე.