ზურაბიშვილმა

მიხეილ სააკაშვილი სალომე ზურაბიშვილზე: ჩემი სახელმწიფო ვიზიტების დროს, მოულოდნელად ტოვებდა ხოლმე დელეგაციას, თიშავდა ტელეფონს და იკარგებოდა მრავალი დღით

საქართველოს მესამე პრეზიდენტი, მსჯავრდებული მიხეილ სააკაშვილი სოციალურ ქსელში ეხმაურება საქართველოს მეხუთე პრეზიდენტის, სალომე ზურაბიშვილის გუშინდელ სატელევიზიო ეთერს, სადაც მან მიხეილ სააკაშვილზე ისაუბრა.სააკაშვილი ზურაბიშვილის საგარეო საქმეთა მინისტრობის პერიოდს იხსენებს და ამბობს, რომ ის„ აღმოჩნდა ყველაზე უარესი საგარეო მინისტრი, რომელიც საქართველოს როდისმე ჰყოლია“.სააკაშვილი წერს, რომ მისი სახელმწიფო ვიზიტების დროს, ზურაბიშვილი მოულოდნელად ტოვებდა დელეგაციას, თიშავდა ტელეფონს და იკარგებოდა მრავალი დღით.„სალომე ზურაბიშვილმა გუშინ კვლავ გაიმეორა ჩემზე „არა და არასდროს!“ვინ არის ეს ქალი? მას ჰქონდა საფრანგეთში კარგი დიპლომატიური კარიერა, მეც რევოლუციის შემდეგ გატაცებული ვიყავი იდეით, რომ ჩვენ, როგორც ბალტიის ქვეყნებს, დაგვებრუნებინა და ხელისუფლებაში გამოგვეყენებინა ჩვენი ემიგრანტები.ზურაბიშვილს ჰქონდა ძალიან კარგი ოჯახური წარმომავლობა. ჰყავდა ძალიან კარგი დედა. დღესაც პატივისცემით ვეპყრობი მის ძმას, ოთარ ზურაბიშვილს. სალომეს მეუღლე, ჯანრი კაშია დედაჩემის და ბიძაჩემის მეგობარი იყო. ამიტომ ძალიან მომეწონა აზრი, 2004 წელს, საბჭოთა გადმონაშთი თედო ჯაფარიძის ნაცვლად, მისი საგარეო მინისტრად დანიშვნის.მაშინ მე გამოვეკიდე ოცნებას. ამ საკადრო ცვლილების შემდეგ, ოცნება მწარე რეალობაში გადაიზარდა. სალომე აღმოჩნდა ყველაზე უარესი საგარეო მინისტრი, რომელიც საქართველოს როდისმე ჰყოლია.პირველივე დღიდან საერთოდ მიუშვა სამინისტროს ორგანიზაციული ნაწილი. ჩემი სახელმწიფო ვიზიტების დროს, მოულოდნელად ტოვებდა ხოლმე დელეგაციას, თიშავდა ტელეფონს და იკარგებოდა მრავალი დღით. სამკვდრო სასიცოცხლოდ გადაიკიდა ჩვენი ძალიან მნიშვნელოვანი მეზობლები, თურქეთი და აზერბაიჯანი, ისე რომ მაშინდელმა თურქეთის პრეზიდენტმა გიულმა, პირადად მომთხოვა მისი თურქული მიმართულებიდან ჩამოშორება და მას იმ პერიოდში ოფიციალურად აუკრძალეს თურქეთში შესვლა.სამინისტროს ხელმძღვანელობაში გაჩნდნენ სალომეს სრულიად საეჭვო ფავორიტები, რომელთაც პროფესიონალიზმთან საერთოდ არანაირი შეხება არ ჰქონდათ. ამ ყველაფრის შემყურე, პარლამენტში პრაქტიკულად დაიწყო ბუნტი სალომეს წინააღმდეგ და მე ის გადავაყენე. როდესაც ჩემი გადაწყვეტილება გავაცანი, სალომემ მითხრა ახლავე დაითხოვე პარლამენტი, დანიშნე არჩევნები და მე დამნიშნე პრემიერ მინისტრადო, მე ამაზე გამეცინა, მოკლედ მაშინ ასე დავშორდით.ეგრევე გადაეშვა ოპოზიციურ საქმიანობაში. ოღონდ ეს არ იყო ჩვეულებრივი ოპოზიცია, არამედ ნამდვილი ანტი-სახელმწიფოებრივი მავნებლური საქმიანობა.2007 წელს რუსულმა su -24 ტიპის ბომბდამშენებმა დაგვიბომბეს უკრაინაში ნაყიდი ბუკ-1m ტიპის საჰაერო დაცვის სისტემა სოფელ წითელუბანში, გორთან. ზურაბიშვილმა ეგრევე მოიწვია პრესკონფერენცია სადაც გამოაცხადა რომ სინამდვილეში ჩემი ბრძანებით გადავღებეთ ქართული თვითმფრინავი და დავბომბეთ საკუთარი თავი, რათა ეს რუსეთის დასადანაშაულებლად გამოგვეყენებინა. მოიქცა ზუსტად როგორც რუსეთის თავდაცვის მინისტრი გრაჩოვი 1993 წელს, როცა ქართველები დაადანაშაულა სოხუმის დაბომბვაში.2008 წლის შემდეგ მისმა კოლაბორაციონისტობამ საბოლოოდ გაშალა ფრთები. აშანშალებდა პოსტებს იმაზე თუ როგორ დავბომბე "მძინარე ცხინვალი" და ამაზე უნდა გავსამართლდე და ასევე დაწერა წიგნი "La tragédie géorgienne", რომელიც რუსეთმა წარადგინა ჰააგის სასამართლოში მტკიცებულებად ჩემი და ქართველი სამხედროების მიერ სამხედრო დანაშაულების ჩადენაზე.ამიტომ უბრალოდ დარწმუნებული ვარ, რომ რუსეთი ვერ იპოვიდა უფრო კარგ კანდიდატურას პრეზიდენტობის, რა არის უკეთესი საქართველოს ომში დამადანაშაულებელ საფრანგეთის ყოფილ ელჩზე და შესაბამისად დაავალეს ეს ივანიშვილს.2018 წლის არჩევნები უხეშად გაყალბდა, ძალადობით, მოსყიდვით მათ შორის დიახ სალომეს გაპრეზიდენტებას პირდაპირ შეეწირა ზუგდიდელი სკოლის დირექტორი, უკეთილშობილესი ია კერზაია, რომელიც სალომეს სახელით დააშანტაჟეს, ატერორეს და მისმა გულმა ამას ვერ გაუძლო.პრეზიდენტობის დროს ზურაბიშვილი კიევში შეხვდა ვლადიმერ ზელენსკის ერთადერთ საკითხით - ჩემი დაპატიმრების და საქართველოსთვის გადაცემის. ეს მომიყვა თვითონ ზელენსკიმ, რომლის რეფორმათა საბჭოს თავმჯდომარე ვიყავი. რა თქმა უნდა, უკრაინის პრეზიდენტმა ის ძალიან შორს გააგზავნა და როცა ომის დაწყების შემდეგ სალომემ რამდენჯერმე სცადა კიევში ჩასვლა და ზელენსკისთან სურათის გადაღება, ზელენსკის ადმინისტრაციის პასუხი იყო ყოველთვის ერთი და იგივე. "ჩვენ მას პიარის კეთების საშუალებას არ მივცემთ და მაინც თუ უნდა ჩამოსვლა, ჯერ გაუშვას სააკაშვილი".მთელი ეს ბოლო წლები ზურაბიშვილი სხვადასხვა დასავლეთის ტელეეთერებში ვრცლად ჰყვებოდა ჩემს მიერ ჩადენილ "დანაშაულებზე" ასაბუთებდა თუ რატომ უნდა ვიყო ციხეში.უკიდურესად უარყოფითი იყო ზურაბიშვილის როლი მასობრივი გამოსვლების დროს. მან არაერთხელ დაშალა რეჟიმის შესაცვლელად გამზადებული ხალხი. ამავე დროს ოპოზიციის ნაწილის დიდი შეცდომა იყო, სალომეს ერთადერთ ლეგიტიმურ ხელისუფლების ორგანოდ გამოცხადება, იმიტომ რომ გაყალბებით, ძალით მოყვანილი "პრეზიდენტი" თავიდანვე არ იყო ლეგიტიმური.სალომე ზურაბიშვილი, იმის მაგივრად რომ ბოდიშს იხდიდეს რომ ქვეყნის დანგრევის ნაწილი იყო, კიდევ უტიფრად და ურცხვად ამტკიცებს, რომ ყველაფერში მართალი იყო, ივანიშვილზე უფრო ამაზრზენია ასეთი ხალხი. ამას ყველაფერს იმიტომ ვწერ რომ უნდა ვისწავლოთ კარგის და ცუდის გარჩევა. უნდა მტერს დავუძახოთ მტერი და მოყვარეს მოყვარე. სხვანაირად სულ ერთ წრეზე ვივლით“, - წერს მიხეილ სააკაშვილი სოციალურ ქსელში.

პოლიტიკა • 1782205413

საკრებულოში ქალთა და ბავშვთა საკითხებზე მომუშავე მუნიციპალური საბჭოს სხდომა გაიმართა

თბილისის საკრებულოში ქალთა და ბავშვთა საკითხებზე მომუშავე მუნიციპალური საბჭოს სხდომა გაიმართა, რომელსაც საბჭოს თავმჯდომარე თინათინ ნიბლოშვილი უძღვებოდა. სხდომის ფარგლებში ბავშვის უფლებებზე დაფუძნებული ბიუჯეტირების საკითხები განიხილეს.საბჭოს სხდომაზე პრეზენტაციები წარმოადგინეს გაეროს ბავშვთა ფონდის სოციალური პოლიტიკის ოფიცერმა ნინო დავითაშვილმა, გაეროს ბავშვთა ფონდის კონსულტანტებმა შოთა მურღულიამ და ნინო ზურაბიშვილმა. პრეზენტაციებში განსაკუთრებული ყურადღება ჰქონდა დათმობილი ბავშვის უფლებებზე დაფუძნებული ბიუჯეტირების მეთოდოლოგიას, რომელიც მუნიციპალურ დონეზე ბავშვთან დაკავშირებული ხარჯების იდენტიფიცირებას, კლასიფიკაციასა და ანალიზს ითვალისწინებს.მონაწილეებმა იმსჯელეს UNICEF-ის ბავშვის უფლებათა ბიუჯეტირების ჩარჩოზე, ბავშვის უფლებათა კონვენციასთან მის კავშირზე და იმ პრაქტიკულ პრინციპებზე, რომლებიც მუნიციპალიტეტებს ეხმარება ბიუჯეტში უკეთ წარმოაჩინონ ბავშვების საჭიროებები, მათზე მიმართული რესურსები და მიღწეული შედეგები.ქალთა და ბავშვთა საკითხებზე მომუშავე მუნიციპალური საბჭოს თავმჯდომარემ, თინათინ ნიბლოშვილმა, შეხვედრაზე განაცხადა, რომ ქალთა და ბავშვთა უფლებების დაცვა, მათი ინტერესების გათვალისწინება და თანასწორი შესაძლებლობების უზრუნველყოფა მუნიციპალიტეტის ერთ-ერთი მთავარი პრიორიტეტია. მისი თქმით, მსგავსი შეხვედრები საერთაშორისო გამოცდილების გაზიარების კარგი შესაძლებლობაა.„დღეს საბჭოს სხდომაზე იუნისეფის წარმომადგენლებმა ქალთა და ბავშვთა უფლებებზე დაფუძნებული მიდგომების, საერთაშორისო სტანდარტებისა და საუკეთესო პრაქტიკის შესახებ ისაუბრეს და საკუთარი მოსაზრებები პრეზენტაციის სახით წარმოადგინეს. საბჭოსთვის განსაკუთრებულად მნიშვნელოვანია მსგავსი გამოცდილების გაზიარება, რადგან ეს ხელს უწყობს ჩვენი საქმიანობის კიდევ უფრო ეფექტიან დაგეგმვასა და განხორციელებას. დარწმუნებული ვარ, იუნისეფთან თანამშრომლობა მომავალშიც აქტიურად გაგრძელდება, რაც კიდევ უფრო შეუწყობს ხელს ქალთა და ბავშვთა უფლებების დაცვის მიმართულებით არსებული მექანიზმების გაძლიერებასა და ახალი ინიციატივების განხორციელებას“, - განაცხადა თინათინ ნიბლოშვილმა.შეხვედრა კითხვა-პასუხის რეჟიმში გაგრძელდა, საბჭოს წევრებმა და მოწვეულმა სტუმრებმა საკუთარი მოსაზრებები გაუზიარეს და სამომავლო თანამშრომლობის პერსპექტივებზე ისაუბრეს.

პოლიტიკა • 1782030300

მეცო-სოპრანო მზია ნიორაძე სალომე ზურაბიშვილს ტყუილში ამხელს - „2019 წლის 19 ივნისს საღამოს შენთან ვიყავი სახლში, შენს მეგობრებთან ერთად ილხენდი, სალომე, გავრილოვის ღამეს თბილისში იყავი და არა ბელარუსში, როგორც ამბობ და რაღაც არ მახსოვს, ხალხის ცემა და თვალების დათხრა მაშინ გაგეპროტესტებინოს“

მეცო-სოპრანო მზია ნიორაძე სალომე ზურაბიშვილს ტყუილში ამხელს. ნიორაძე იხსენებს 2019 წლის 19 ივნისს, როდესაც სალომე ზურაბიშვილს თბილისში, სახლში ეწვია, სადაც ის მეგობრებთან ერთად ილხენდა, ზურაბიშვილმა კი გუშინ, 20 ივნისს „ფორმულას“ ჟურნალისტს განუცხადა, რომ 7 წლის წინ, აღნიშნულ დროს, ბელარუსში იმყოფებოდა.„სალომე რატომ იტყუები? შენ გავრილოვის ღამეს თბილისში იყავი და არა - ბელარუსში, როგორც ამბობ და რაღაც არ მახსოვს, ხალხის ცემა და თვალების დათხრა მაშინ გაგეპროტესტებინოს“, - ამ სიტყვებით მეცო-სოპრანო ზურაბიშვილს მიმართავს.„დღეს „შაბათის ფორმულას“ ვუცქერ, 20 ივნისის 7 წლისთავი - ლიზა ციციშვილის რეპორტაჟი რუსთაველის გამზირიდან, კითხვას უსვამს სალომე ზურაბიშვილს, აქციაზე მისულს : - თქვენი ემოცია თუ გახსოვთ, შვიდი წლის წინ, როცა ნახეთ პარლამენტის წინ რაც ხდებოდა?.. სალომე ზურაბიშვილი: - მე მახსოვს ჩემი ემოცია, იმიტომ რომ რაღაც საერთაშორისო სპორტული ის იყო და ვიყავი ბელარუსში და იქიდან გამოვფრინდი... მე კარგად მახსოვს, სალომე! 19 ივნისს, საღამოს 7-დან -9-მდე ვიყავი შენთან სახლში, შენს მეგობრებთან ერთად ილხენდი. უკვე საკმაოდ იყავით შეზარხოშებულნი, როდესაც მოვედი. შემდეგ, სახლის ბანზე ახვედით და იქ გააგრძელეთ სმა! მე ადრე წამოვედი, ვინაიდან თქვენს საზეიმო განწყობას ვერ მოვერგე, არც „საბუტილნიცობა“ ვერ გაგიწიეთ მოქეიფეებს. რუსთაველზე სიტუაცია იძაბებოდა, ამიტომ სახლში ადრე დავბრუნდი. სალომე! შენგან დაბრუნებულმა, ტელევიზიის პირდაპირი ეთერით ვიხილე ხალხის დარბევა და დასახიჩრება. ის ღამე თეთრად გავათენე, ვინაიდან 20-მდე პოლიციის განყოფილება შემოვიარე და ვერსად ჩემი შვილი ვერ ვიპოვე. უამრავი ახალგაზრდა ხელბორკილდადებული და დასისხლიანებული ვნახე განყოფილებებში. უშედეგო ძებნის შემდეგ, შენ დაგირეკე ( თბილისში და არა ბელარუსში) პირველი შენი კითხვა იყო: - „ტყვიით ხომ არ დაშავებულა?“ მეორე კითხვა! ( მკაცრი ტონით) - რატომ გავიდა? რა უნდოდა იქა? სალომე რატომ იტყუები? შენ გავრილოვის ღამეს თბილისში იყავი და არა - ბელარუსში, როგორც ამბობ და რაღაც არ მახსოვს, ხალხის ცემა და თვალების დათხრა მაშინ გაგეპროტესტებინოს. „ტყუილს მოკლე ფეხი აქვს!“, - წერს მზია ნიორაძე.

პოლიტიკა • 1779892962

დავით ზურაბიშვილი ოპოზიციური ალიანსის ტაქტიკაზე: ეს სტრატეგია არის არსებითად მცდარი, 2003 წლის ვარდების რევოლუციის სტერეოტიპიდან ვერ ამოდის ეს ხალხი, რომ საკმარისია ხალხმა იხუვლოს და წალეკოს ხელისუფლება, უპრიმიტიულეს დონეზეა გაგება, ეს არ მოხდება

ჩემი აზრით, ეს სტრატეგია არის არსებითად მცდარი, 2003 წლის ვარდების რევოლუციის სტერეოტიპიდან ვერ ამოდის ეს ხალხი, რომ საკმარისია ხალხმა იხუვლოს და წალეკოს ხელისუფლება. უპრიმიტიულეს დონეზეა გაგება, ეს არ მოხდება, - განაცხადა ოპოზიციონერმა პოლიტიკოსმა, დავით ზურაბიშვილმა, „დღის ამბებში“ ოპოზიციური ალიანსის სტრატეგიასთან დაკავშირებით საუბრისას. ზურაბიშვილი აკრიტიკებს ოპოზიციური ალიანსის სტრატეგიას და ასახელებს იმ ელემენტებს, რომელთა ერთობლიობის შემთხვევაშიც შესაძლებელი იქნება 2003 წლის რევოლუციის ანალოგის განხორციელება. ზურაბიშვილის თქმით, ოპოზიციას არასწორი ტაქტიკა აქვს არჩეული, რამდენადაც მხოლოდ ერთი მკვეთრი დარტყმით დღევანდელ ხელისუფლებას, რომელიც მყარად დგას, ვერაფერს დააკლებს და საჭიროა განსხვავებული მეთოდებით ბრძოლა, მათ შორის, მომხრეთა რიგების გაფართოება. „რა დიდი აქციაც არ უნდა ჩატარდეს, 2 წლის წინ 11 მაისს რომ იყო აქ აქცია იმაზე დიდი უბრალოდ ვერ ჩატარდება ერთ ქალაქში, შეუძლებელია ისეთი აქცია ჩატარდეს. ასე ხელისუფლება არ წაილეკება, თუ ჩვენ გვინდა ანალოგია 2003 წელთან, მაინცდამაინც, მაშინ ეს უნდა იყოს ასე, რომ მაშინ უნდა იყოს დანგრეული ეკონომიკა ქვეყანაში, პენსიებს ვერ უნდა იღებდეს ხალხი, ხელფასებს ვერ უნდა იღებდეს, კრიმინალი უნდა იყოს ახლა რომ არის იმაზე 10-ჯერ უფრო უარესი სიტუაცია და თვითონ ხელისუფლებაში შიგნით, ძალოვან სტრუქტურებში უნდა იყოს ........ ასეთ უბედურებას და აპოკალიფსს თუ წარმოვიდგენთ და 2003 წლის ნოემბერში ზუსტად ასეთი სიტუაცია იყო: უკიდურესი გაჭირვება, უკიდურესად მოშლილი სახელმწიფო სტრუქტურები და მე თვითონ რევოლუციის მონაწილე ვარ იმ მოვლენების და ქალაქის პოლიციის სამმართველო და უშიშროების სამინისტრო იყო რევოლუციის მხარეს და ახლა თუ ასე იქნა კი ჩამოაგდებ. მაგრამ ეს ასე იქნება?! თუ ხელისუფლება ფლობს ძალოვან სტრუქტურებს ასე თუ ისე და მატერიალურადაც ამარაგებს მათ, ასეთი ხელისუფლების დამარცხება ასე შუბლით შეჯახებით თითქმის არის შეუძლებელი. თუ ჩვენ გვინდა გამოვიწვიოთ ჩამოშლა, რასაც ესენი [ოპოზიცია] ცდილობენ ეს არ მოხდება ასეთი მკვეთრი დარტყმით. ეს მოხდება უფრო „მრავალპლანიანი“ დარტყმით. როცა საჭიროა მკვეთრად რომ უნდა დაარტყა, როცა საჭიროა ცოტა სხვა მეთოდები უნდა მოსინჯო, უნდა გააფართოო რაც შეიძლება მომხრეთა რიგები. ანუ უნდა იმუშაო იმ ხალხზე, ვინც არ არის აქტიურად ჩართული დღეს წინააღმდეგობის მოძრაობაში“,- განაცხადა დავით ზურაბიშვილმა.

პოლიტიკა • 1778657437

თენგიზ შარმანაშვილი: საფრანგეთის პარლამენტის ქვედა პალატის რეზოლუცია იმის გაგრძელებაა, რასაც ევროპარლამენტი აკეთებს, უკვე მივეჩვიეთ, რომ ყალბ ნარატივებზე დაყრდნობით რაღაც დასკვნები გამოაქვთ

საფრანგეთის პარლამენტის ქვედა პალატის რეზოლუცია იმის გაგრძელებაა, რასაც ევროპარლამენტი აკეთებს. უკვე მივეჩვიეთ, რომ ყალბ ნარატივებზე დაყრდნობით რაღაც დასკვნები გამოაქვთ, – ამის შესახებ „ქართული ოცნების“ წევრმა, თენგიზ შარმანაშვილმა განაცხადა.შარმანაშვილი საფრანგეთის პარლამენტის ქვედა პალატის მიერ საქართველოსთან დაკავშირებით მიღებულ რეზოლუციას გამოეხმაურა.„საფრანგეთის პარლამენტის ამ რეზოლუციას ხელი შეუწყო, თუ ინიციატორი არ იყო, საქართველოს ყოფილმა პრეზიდენტმა, სალომე ზურაბიშვილმა. კიდევ ერთხელ დაადასტურა, რომ როგორც პრეზიდენტის პოსტზე, ისე პოსტპრეზიდენტობის პერიოდში მთელი მისი საქმიანობა დაფუძნებულია ქართველი ერის საწინააღმდეგო ნაბიჯების გადადგმაზე. ეს ძალიან ცუდი, სამწუხაროა, მაგრამ ამასაც მივეჩვიეთ. საქართველოზე ზრუნვის სურვილი მათ არ აქვთ. ყველა ნარატივი, რომელიც რეზოლუციაში მოხვდა და რასაც ამბობენ სხვადასხვა სფეროში საქართველოს უკუსვლაზე, ერთი-ერთში იმეორებს ევროპარლამენტის რეზოლუციებს, სადაც ამ ნაწილში არანაირი მტკიცებულება არ აქვთ. უბრალოდ ამბობენ, ჩვენ ასე მიგვაჩნიაო. არგუმენტი არ გვაქვს, მაგრამ მაინც ამას ვიტყვითო“, – განაცხადა შარმანაშვილმა.

პოლიტიკა • 1778182291

ლევან მაჭავარიანი: ადამიანი როდესაც დანაშაულზე მიდის, უნდა ჰქონდეს წარმოდგენილი, რა ტიპის პასუხისმგებლობა შეიძლება დაუდგეს. დამხობა სცადე - არ გამოგივიდა, აბა გამოსვლოდათ - ერთმანეთს შეასწრებდნენ პრეზიდენტის სასახლეში

არავის ციხეში ჯდომა არავის უხარია, მაგრამ ადამიანი როდესაც დანაშაულზე მიდის, უნდა ჰქონდეს წარმოდგენილი, რა ტიპის პასუხისმგებლობა შეიძლება დაუდგეს. დამხობა სცადე - არ გამოგივიდა, აბა გამოსვლოდათ - ერთმანეთს შეასწრებდნენ პრეზიდენტის სასახლეში, - განაცხადა საპარლამენტო ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა გადაცემაში „იმედი LIVE“.წამყვანმა მას კითხვა 4 ოქტომბრის საქმესთან დაკავშირებით დაუსვა.„მთელი საქართველო პირდაპირ ეთერში ვუყურებდით რა იგეგმებოდა, რა მოწოდებები და რისი მცდელობა იყო. ამაზე მყარი მტკიცებულება ჩემთვის წარმოუდგენელია. ეს ყველაფერი თვეებით ადრე მზადდებოდა და გვესმოდა მუქარა ხელისუფლების მიმართ - დაგამხობთო. მერე შეცვალეს მუქარა და ამბობდნენ - მშვიდობიანად დაგამხობთო. არავის ციხეში ჯდომა არავის უხარია, მაგრამ ადამიანი როდესაც დანაშაულზე მიდის, უნდა ჰქონდეს წარმოდგენილი, რა ტიპის პასუხისმგებლობა შეიძლება დაუდგეს. დამხობა სცადე - არ გამოგივიდა, აბა გამოსვლოდათ - ერთმანეთს შეასწრებდნენ პრეზიდენტის სასახლეში ვინ დაჯდებოდა ამა, თუ იმ ადგილას. არ გამოუვიდათ და შეცვალეს „მესიჯ ბოქსი“.სალომე ზურაბიშვილმა, არ მაინტერესებდა არაფერი, ისე ვიდექი იქო. პირველი იდგა. აბა გამოსვლოდათ და პირველი შევიდოდა იმ პრეზიდენტის სასახლეში, ვერავინ დაასწრებდა. ინდულგენცია არაა პოლიტიკოსობა. ხელისუფლებაში ვარ და პირდაპირ მაგალითებით ვსაუბრობთ. ჩვენი გუნდის მოქმედი წევრები იყვნენ, თუ წასულები, ვინც რამე დააშავა, ყველა აგებს პასუხს. ჩვენ ეს საქმით გვაქვს დამტკიცებული.იუველირული სიზუსტით ჩაატარა ეს ღონისძიება [გამოძიება] ჩვენმა ძალოვანმა უწყებებმა და დეფაქტოდ მამუკა მდინარაძემ შეასრულა ის როლი და მოვალეობა, რაც დღეს მას დე იურედ თავისი თანამდებობიდან გამომდინარე“, - აღნიშნა მაჭავარიანმა.სასამართლომ 4 ოქტომბრის საქმეზე ბრალდებულებს - პაატა ბურჭულაძეს, მურთაზ ზოდელავას, ირაკლი ნადირაძესა და პაატა მანჯგალაძეს შვიდ-შვიდი წლით პატიმრობა მიუსაჯა.

პოლიტიკა • 1777978145

ანა დოლიძე ზურაბიშვილის წინააღმდეგ: მერამდენე მცდარი ნაბიჯი გადადგა, უკვე სათვალავი მერევა

პარტია „ხალხისთვის" ლიდერი, ანა დოლიძე, სალომე ზურაბიშვილს უპირისპირდება და აცხადებს, რომ ყოფილმა პრეზიდენტმა მორიგი მცდარი ნაბიჯი გადადგა.როგორც დოლიძე აღნიშნავს, ზურაბიშვილმა შეცდომა დაუშვა, როდესაც პოლიტიკოსებს ალიანსში გაწევრიანებისკენ მოუწოდებდა, ვინაიდან, ნათლად ჩანს, რომ ეს არ არის სერიოზული და გრძელვადიანი ერთობა.„სალომე ზურაბიშვილმა, ასევე, მორიგი მცდარი ნაბიჯი გადადგა, მერამდენე უკვე სათვალავი მერევა, როდესაც ცოტა ხნის წინ პოლიტიკოსებს ალიანსში გაწევრიანებისკენ მოგვიწოდებდა და ამ ბზარებიან შენობაში შესვლას მიიჩნევდა საუკეთესო გზად. ღიად დაუჭირა მხარი რამდენჯერმე იმ ჯგუფს, რომლის პრობლემები კარგად ჩანდა ისედაც. თუმცა, ახლა ღიად ჩანს ის, რასაც მე თავიდანვე ვამბობდი, ეს არ არის სერიოზული და გრძელვადიანი ერთობა. მიუხედავად ზეწოლისა, ამ საკითხთან მიმართებაშიც მე და ჩვენმა მხარდამჭერებმა ბრძნული გადაწყვეტილება მივიღეთ და არ გავერთიანდით“, - წერს ანა დოლიძე სოციალურ ქსელში.

პოლიტიკა • 1777287907

მიხეილ სააკაშვილი: ვინც ფეხზე დავაყენე და ჩავაცვი, იმან გამხადა, ჩემი დაკნინების ხარჯზე თვითდამკვიდრება შედეგს არავის მოუტანს, ყველაზე მეტი ამომრჩეველი მე მყავს

თბილისის საქალაქო სასამართლოში 7 ნოემბრის საქმეზე საქართველოს ყოფილი პრეზიდენტის, მიხეილ სააკაშვილის სასამართლო პროცესი მიმდინარეობს. სხდომას ესწრება თავად მიხეილ სააკაშვილი.როგორც მან სხდომაზე აღნიშნა, ოპოზიციის მთავარი პრობლემა ის არის, რომ რეაგირებს პროცესებზე, ნაცვლად იმისა, რომ პროცესების შემქმნელი იყოს.„გაგდებით თუ გემუქრებიან, მაშინ პროცესზე დასწრების აზრს ვერ ვხედავ. მე აქ თქვენთვის მოვდივარ. ჩვენი მთავარი პრობლემა იმაშია, რომ ჩვენი ოპოზიციაც შეცდომას უშვებს – რეაგირებს პროცესებზე, ნაცვლად იმისა, რომ პროცესების შემქმნელი იყოს. ივანიშვილი უნდა პასუხობდეს მათ და არა პირიქით. ოპოზიციამ უნდა გადოს ხიდი ხალხთან, ჩაეხუტოს და უკან მოიტოვოს ისინი, ვისაც ეს ხალხი ეზიზღება. ჩვენს დროს სახელმწიფო ხალხის გვერდით იდგა, ფასები იყო კონტროლირებადი. წლების განმავლობაში გვატყუებდნენ, რომ ბენზინის ფასი დაიწევდა, მათ კი გააძვირეს, რაც აისახა სხვა პროდუქტებზეც. ჩვენი ამოცანაა, ვაიძულოთ საწვავზე აქციზის განახევრება. დენის ტარიფი გაიზარდა იმიტომ, რომ კორუფციაში ვიხდით. ნოღაიდელი, რომელიც წინა პროცესზე აქ ყელყელაობდა, რუსეთიდან დენის იმპორტში ფულს იპარავს.გამიხარდება, თუ ოპოზიცია იქნება აქტიური და შემტევი, მაგრამ თვითდამკვიდრება ჩემი დაკნინების ხარჯზე შედეგს არავის მოუტანს. რამდენიც არ უნდა იძახოთ, რომ სააკაშვილი წარსულის პოლიტიკოსია – თქვენ ხომ ხართ მომავლის პოლიტიკოსები. ვინც მე მაკრიტიკებს, მათი 90 პროცენტი ჩემს დროსაც აქტიურად იყო პოლიტიკაში, ზოგი – მთავრობაშიც. როგორ გამოდის, რომ სააკაშვილი წარსულის პოლიტიკოსია და ისინი – მომავლის? არის ხალხი, ვინც მე ფეხზე დავაყენე, ჩავაცვი და იმან გამხადა, მაგრამ უმეტესობა ძალიან კარგი ხალხია. საჭიროა გაერთიანება, ერთობლივი ბრძოლა და პიროვნული ამბიციების გვერდზე გადადება. ბევრმა გადადო თავი, ციხეში მოხვდა, მათ პატივს ვცემ და ეს უნდა გვესმოდეს.ნოღაიდელს ელექტროგამანაწილებელი კომპანია აქვს და დენის ფასს ზრდის. აქ იმიტომ მოვიდა, რომ ბოლომდე ჩაეხუტა „ქოცებს“. სიმბოლურად სჭირდებათ, დაგვანახონ, რამხელა არსება ყოფილა მათ გვერდით. დღეს ბურჯანაძის მოყვანის შეეშინდათ, ისე „გაუფარჩაკდათ“ ის მოწმე. მინდა, ყველას გავუწოდოთ ხელი, დავუდგეთ გვერდით და ვიყოთ ხალხზე ორიენტირებული. საკუთარი მხრებით უნდა მივაღწიოთ ამ შედეგს. როდესაც ამბობენ, რომ სააკაშვილი ვერ აიღებს „ქოცების“ ხმებს – 2018 და 2021 წლებში ავიღეთ „ქოცების“ ხმები. ეს მხოლოდ ჩვენი მხარდამჭერების ხმები არ ყოფილა“, – აღნიშნა სააკაშვილმა.ამასთან, მიხეილ სააკაშვილმა სალომე ზურაბიშვილს მიმართა და განაცხადა, რომ კარგი იქნებოდა, ერთი სიტყვით მაინც ეთქვა ზურაბიშვილს, რომ მაშინდელი პოზიციები მცდარი იყო.„ყველაზე მეტი ამომრჩეველი მე მყავს და მეც არჩევნები მინდა. მინდა, სალომე ზურაბიშვილს ვუთხრა: კარგი იქნებოდა, ეთქვა, რომ მისი წარსული პოზიციები იყო ღრმად მცდარი. 2007 წელს რუსეთმა დაბომბა ჩვენი საჰაერო სისტემა. გრაჩოვის სიტყვები გაიმეორა ზურაბიშვილმა – არ შეიძლება, საკუთარი ქვეყანა საკუთარი თავის დაბომბვაში დაადანაშაულო. 20 ივნისს, როცა ბავშვებს თვალები დასთხარეს, სალომე ლობიოს ჭამდა. ქალბატონო სალომე, მე თქვენ მიმართ ცუდად განწყობილი არ ვარ, მაგრამ კარგი იქნებოდა, ერთი სიტყვით მაინც გეთქვათ, რომ მაშინდელი თქვენი პოზიციები მცდარი იყო“, – განაცხადა სააკაშვილმა.სააკაშვილის თქმით, „ოპოზიციის ამოცანაა, გადავდოთ გვერდზე ყველანაირი ბოღმა და ერთმანეთის არგატანა“.„სანაიამ კარგად ახსნა ჩემი გორში წაქცევის და ტრამპის შემთხვევა. ამბობენ, სააკაშვილი გორში მიწაზე ფორთხიალობდა და ტრამპი რომ ფორთხიალობდა, ეგ არაფერი. ჩემს ხარჯზე თვითდამკვიდრებას და ქულების დაწერას ვინც გააგრძელებს, მას არანაირი მომავალი არ აქვს“, – განაცხადა სააკაშვილმა.ცნობისთვის, პროკურატურა მიხეილ სააკაშვილს 2007 წლის 7 ნოემბერს მომიტინგეთა მასობრივად დარბევას, ტელეკომპანია „იმედში“ შეჭრასა და ბადრი პატარკაციშვილის კუთვნილი ქონების დანაშაულებრივად ხელში ჩაგდებას ედავება. ამავე საქმეში სააკაშვილთან ერთად ბრალდებულები არიან ვანო მერაბიშვილი, ზურაბ ადეიშვილი, დავით კეზერაშვილი და გიგი უგულავა.

პოლიტიკა • 1776426684

დავით ზურაბიშვილი: ჩვენ უფრო უნგრული ავტორიტარიზმი გვაქვს, ვიდრე ბელარუსული, ან რუსული, სადაც აბსოლუტური დიქტატურაა. მედიის თვალსაზრისით, უნგრეთში ოპოზიციისთვის უფრო მძიმე სიტუაცია იყო, ვიდრე ჩვენთან არის და სხვა პარამეტრებითაც არანაკლებ მძიმე სიტუაციაა

პრაქტიკულად ოპოზიციის „მეინსტრიმი“, ძირითადი ძალები - „ალიანსი“, „რუსთაველის პროტესტი“ გვეუბნებიან, რომ პოლიტიკა ქვეყანაში მოკვდა და უნდა ვიომოთ. ხელისუფლებას უნდა გავუმართოთ ომი. ამათ უნდათ ლენინი. ამას მადიარი და პოლიტიკოსი კი არ სჭირდება, აქ საჭიროა ლენინი, ტროცკი, ჩეგევარა და ვიღაც ასეთი- ამის შესახებ დავით ზურაბიშვილმა „ტვ პირველის“ ეთერში ისაუბრა.ზურაბიშვილი საუბრობს, რომ საქართველოში პოლიტიკური ვითარება მძიმეა და ავტორიტარიზმის ნიშნები მკვეთრად ჩანს, თუმცა ამბობს, რომ არ არის ისეთი დიქტატურა, როგორიც მაგალითად რუსეთში ან ბელარუსში. ის მიიჩნევს, რომ ამ მხრივ უნგრეთში გაცილებით რთული სიტუაციაა„აბა, ასეთი დამოკიდებულებით პოლიტიკურ პროცესთან... ახლა მეორე საკითხია ეს რამდენად სწორი აღქმაა. ჩემი აზრით, არ არის სწორი აღქმა. კი, საქართველოში სერიოზულ დონეზეა ავტორიტარიზმი ფეხგამდგარი, მაგრამ ეს მაინც ჯერ არის ელექტორალური ავტორიტარიზმი, ანუ, ავტორიტარიზმი, რომელიც ეყრდნობა ხალხის მხარდაჭერას და არჩევნებს, ეს მაინც ასეთია მიუხედავად თავისი სიმძიმისა, როგორიც იყო უნგრეთში. ჩვენ უფრო უნგრული ავტორიტარიზმი გვაქვს, ვიდრე ბელარუსული, ან რუსული, სადაც აბსოლუტური დიქტატურაა და ოპოზიცია არც არსებობს იქ, არათუ ოპოზიციური ტელევიზია და მედია არ არსებობს, საერთოდ ოპოზიციაც აღარ არის იმიტომ, რომ თუ ოპოზიციონერი ხარ, უკვე ხარ ციხეში.მედიის თვალსაზრისით, უნგრეთში ოპოზიციისთვის უფრო მძიმე სიტუაცია იყო, ვიდრე ჩვენთან არის და კიდევ სხვა პარამეტრებითაც არანაკლებ მძიმე სიტუაციაა. საარჩევნო კანონმდებლობა იქ ბევრად უარესი არის, ვიდრე ჩვენთან. მადიარმა რითაც მოიგო, ეს საარჩევნო კანონმდებლობა, დაწყებული კომისიების დაკომპლექტების წესის, დამთავრებული ხმების დათვლით, საარჩევნო კომისიის არჩევით, მთლიანად ხელისუფლების ხელშია ფორმალურადაც და არაფორმალურადაც. ამიტომ, ასეც არ არის, რომ იქ ადვილი პირობები იყო, ევროპაა და ადვილი გასეირნება იყო. ადვილი გასეირნება არ ყოფილა, პირიქით ძალიან მძიმე პირობებში მოუწიათ“-განაცხადა დავით ზურაბიშვილმა.

პოლიტიკა • 1775731680

ლევან მაჭავარიანი: სალომე ზურაბიშვილი ვერ ეგუება იმას, რომ თამაშგარე მდგომარეობაშია დარჩენილი, მას არანაირი წონა არ გააჩნია

სალომე ზურაბიშვილმა აქტუალობა დაკარგა, როცა მის გარშემო გარე კარნახით რადიკალები გააერთიანეს. მაშინ ის ფორმალურად საქართველოს პრეზიდენტი იყო და აწყობდათ ზურაბიშვილი, როგორც პოლიტიკური მოთამაშე ამ სცენარში, – ამის შესახებ „ქართული ოცნების“ წევრმა, ლევან მაჭავარიანმა საქართველოს პირველ არხს განუცხადა.მაჭავარიანს კითხვა დაუსვეს საქართველოს ყოფილი პრეზიდენტის, სალომე ზურაბიშვილის პოსტზე, რომლის მიხედვითაც, „ახალი პარტიები უნდა გამოჩნდნენ, საზოგადოებაში ამის მოთხოვნაა“.მისი თქმით, ახლა ზურაბიშვილი მხოლოდ სტიპენდიანტია, შესაბამისად, მას არანაირი წონა არ გააჩნია.„მას გარშემო რადიკალური ოპოზიცია მთლიანად შემოეცალა და მის ლანძღვაზე არიან გადასულები. ზურაბიშვილი ვერ ეგუება იმას, რომ თამაშგარე მდგომარეობაშია დარჩენილი. შესაბამისად, იდეებს ახმოვანებს, რომ თითქოს რაღაც ტიპის პროცესებში მონაწილეობას. რეალურად, ის არანაირ პროცესში არ მონაწილეობს“, – განაცხადა მაჭავარიანმა.

პოლიტიკა • 1774345460

სალომე ზურაბიშვილმა გლოვის დღეებში ცილი დასწამა ქართულ ეკლესიას, შემდეგ კითხვები უჩნდება, სად იყო და სად - არა - შალვა პაპუაშვილი

როგორ შეიძლება, ეკლესიის მმართველებს ეგზარქოსი უწოდო და იმ რიგში იდგე? როგორ შეიძლება, პატრიარქს პრორუსი უწოდო და იმ რიგში იდგე? როგორ შეიძლება, ეკლესიას ბნელი უწოდო და იმ რიგში იდგე? ეს არის ხალხი, რომელმაც „ენა, მამული, სარწმუნოებიდან“ სარწმუნოება ამოიღო და სხვა სიტყვა ჩასვა. ისიც ვერ მოითმინეს, რამდენიმე დღე გაჩუმებულიყვნენ. ამ დღეებშიც იმავეს იმეორებდნენ, – ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა.შალვა პაპუაშვილს ჟურნალისტმა კითხვა დაუსვა: „თქვენ თქვით, პროტესტში მყოფი ადამიანები სულიერად დაცემულები არიანო. ფიქრობთ, რომ ამ რამდენიმე დღის განმავლობაში ვინც რიგში იდგა, იმ ხალხს შორის არ იყვნენ ისეთი ადამიანები, რომლებიც ქვეყანაში რაიმე მოვლენას აპროტესტებენ?“, რაზეც პაპუაშვილმა უპასუხა:„როგორ შეიძლება, გვარამია ყოფილიყო რიგში? მათ ერთი იდეოლოგია აქვთ. როგორ შეიძლება, ის ადამიანები მდგარიყვნენ რიგში, რომელთაც გახსოვთ, სამების ეკლესიის ხატზე რა პანიკა მოაწყვეს ეკლესიის წინააღმდეგ, კანდელაკის და მათი თანამოაზრეების ხელით. მაშინ, ერთი მწუხარე განცხადება მოისმინეთ? „ენჯეოები“, რომლებიც წლების განმავლობაში დაკავებული იყვნენ ქართული ეკლესიის, პატრიარქისა და მისი თანამოსაყდრის დისკრედიტაციით, როგორ შეიძლება, ისინი ამ რიგში გვეხილა? რა თქმა უნდა, იქ არ და ვერ იქნებოდნენ. უპირველეს ყოვლისა, საკუთარ თავს შეეწინააღმდეგონ, როცა ეკლესიის ლანძღვით არიან დაკავებული. კითხვა გიჩნდებათ, რატომ ვამბობთ, რომ ქართველობადაკარგულები არიან? იქ ვიყავით მრევლის წევრები, მაგრამ ასევე, როგორც ქართველი ხალხის წარმომადგენლები, პარლამენტის წევრები. იქ ვიყავით არა მხოლოდ უმრავლესობის წარმომადგენლები, არამედ მთლიანად პარლამენტი, უმრავლესობაც და ოპოზიციაც. ყველა იყო მიწვეული, რადგან ეს იყო ქართველი ხალხის წარმომადგენლობა. ისევე როგორც იქ ელჩები იყვნენ არა როგორც ინდივიდუალური პირები, არამედ საკუთარი ქვეყნის წარმომადგენლებად. საკუთარ ქვეყანას, ეკლესიას ზურგი აქციეს და ახლა ფარისევლობაა იმაზე წუწუნი, სად იყვნენ და სად – არა. ისინი იყვნენ პარლამენტის წევრები და მანდატები დახიეს. პარლამენტის წევრობა ქვეყნის ცხოვრების სხვადასხვა მომენტში წარმომადგენლობას გულისხმობს. პარლამენტში ყოფილიყვნენ და რა თქმა უნდა, იქნებოდნენ წარმოდგენილი, მათ შორის წირვის დროს.რაც შეეხება სალომე ზურაბიშვილს, ფარისევლობის პიკია, რასაც ამ ადამიანისგან ვხედავთ. ადამიანი, რომელიც სიტყვებს არ იშურებს, რათა ეკლესიას თავს დაესხას, გლოვის დღეებში ცილი დასწამა ქართულ ეკლესიას. მან თქვა, თითქოს მსოფლიო პატრიარქს სურდა წირვის ჩატარება და ქართულმა ეკლესიამ უარი უთხრა. ეს აბსოლუტური ტყუილია, დადასტურებული ტყუილია. სალომე ზურაბიშვილმა მძიმე გლოვისას ცილი დასწამა ქართულ ეკლესიას, შემდეგ კითხვები უჩნდება, სად იყო და სად – არა. ეს ადამიანი ყოველდღე საშუალებას არ უშვებდა ხელიდან, თავს დასხმოდა ქართულ ეკლესიას, მის ხელმძღვანელებს, ეპისკოპოსებს და მათ, ვინც ამ დღეებში გადაწყვეტილებებს იღებდა. ამ ადამიანმა ისიც არ იცის, რომ კვირაობით ყველა ეკლესიაში წირვა ტარდება. იმ თავდასხმების შემდეგ, რაც გლოვის დროს სალომე ზურაბიშვილმა იკადრა ეკლესიის წინააღმდეგ, როდესაც ცილი დასწამა ეკლესიას, კითხვები რომ უჩნდება, სად იდგა და სად – არა, ეს მის არაადეკვატურობას აჩვენებს“, – განაცხადა პაპუაშვილმა.

სამართალი • 1773740880

ბათუმში, ძმები ფირუზ და რეზო წულუკიძეები დააკავეს

ბათუმში, სპეცოპერაციის ფარგლებში, „ქურდული სამყაროსთან“ კავშირის ბრალდებით, ელდარ ანთაძე, ძმები ფირუზ და რეზო წულუკიძეები დააკავეს. გამთენიისას, აჭარაში სპეცოპერაციის ფარგლებში 80-მდე პირი დააკავეს.ცნობისთვის, ძმები რეზო და ფირუზ წულუკიძეები სალომე ზურაბიშვილმა 2024 წელს შეიწყალა. მათ 2021 წელს, ქუთაისის საქალაქო სასამართლომ, "ნამახვანჰესის" მშენებლობის წინააღმდეგ გამართულ აქციაზე მომხდარი დაპირისპირების გამო, 5-5 წლით თავისუფლების აღკვეთა მიუსაჯა.