საზოგადოება • 1775068035

„თვითმკურნალობა დაუშვებელია...“ - ზაზა თელიას გაფრთხილება პაციენტებს

დერმატო-ვენეროლოგის, მედიცინის დოქტორის, ზაზა თელია განცხადებით, მეჭეჭები ადამიანის პაპილომა ვირუსით არის გამოწვეული და კანის თითქმის ნებისმიერ უბანზე შეიძლება განვითარდეს — მათ შორის სახეზე, ხელებზე, ფეხებსა და ტერფებზე.სპეციალისტის თქმით, მეჭეჭები გადამდებია და მათი გადაცემა შესაძლებელია როგორც კანთან პირდაპირი კონტაქტით, ისე საერთო მოხმარების ნივთების, მაგალითად პირსახოცის გამოყენებით. განსაკუთრებით ხშირია ბავშვებში.„მეჭეჭებს გამრავლება ახასიათებს. თუ ადამიანს მტევანზე აქვს, თითების შეხებით შესაძლოა სხვა უბნებზეც გავრცელდეს. ზოგ შემთხვევაში ისინი ტკივილს იწვევს და გადაადგილებასაც კი ართულებს“, — განმარტავს ექიმი.ზაზა თელია ხაზს უსვამს, რომ მეჭეჭების თვითმკურნალობა, მათ შორის所谓 „ხალხური მეთოდების“ გამოყენება, კატეგორიულად დაუშვებელია. მისი თქმით, მსგავსი ჩარევა შეიძლება გამოიწვიოს გართულებები, მათ შორის — კელოიდური ნაწიბურების განვითარება, რომლის სრულად მოშორება პრაქტიკულად შეუძლებელია.ექიმი განმარტავს, რომ მეჭეჭები ხშირად თვითგანკურნებადია — გარკვეული პერიოდის შემდეგ იმუნური სისტემა მათ თავად უმკლავდება. თუმცა, თუ წარმონაქმნები პაციენტისთვის დისკომფორტის წყაროა ან დიდი ხნის განმავლობაში არ ქრება, შესაძლებელია მკურნალობის დაგეგმვა.მისივე თქმით, მეჭეჭების მკურნალობის „ოქროს სტანდარტად“ ითვლება კრიოთერაპია — თხევადი აზოტით მოყინვის მეთოდი, რომელიც ელექტროკოაგულაციას ჩაანაცვლებს. პროცედურა უნდა ჩატარდეს მხოლოდ დერმატოლოგის მიერ, შესაბამის სამედიცინო გარემოში.სპეციალისტი ასევე განმარტავს, რომ ხშირად მეჭეჭებში ერევათ სხვა ტიპის კანის წარმონაქმნი — აკროქორდონი, რომელიც პაპილომა ვირუსთან კავშირში არ არის. იგი, როგორც წესი, კისრისა და თვალის მიდამოში ჩნდება და მისი წარმოშობა დაკავშირებულია გენეტიკასთან, ჭარბ წონასთან, ინსულინრეზისტენტობასთან და კანის ხახუნთან.აკროქორდონის შემთხვევაში, მცირე ზომის წარმონაქმნის მოცილება შესაძლებელია მარტივი მეთოდებითაც, თუმცა აუცილებელია წინასწარ დადასტურდეს, რომ ეს ნამდვილად აკროქორდონია.ზაზა თელია აღნიშნავს, რომ ამ ეტაპზე არ არსებობს მედიკამენტი, რომელიც ადამიანის პაპილომა ვირუსს სრულად აღმოფხვრის, ამიტომ მნიშვნელოვანია სწორი რეკომენდაციების დაცვა და საჭიროების შემთხვევაში სპეციალისტთან დროული მიმართვა.

საზოგადოება • 1774992217

„ეს პროდუქტი საჭმელი ან კანფეტი არ გეგონოს“ - ზაზა თელია მოსახლეობას მნიშვნელოვან ინფორმაციას უზიარებს

ომეგა 3 ის პროდუქტია, რომლის დანამატის სახით მიღება, ბოლო დროს ძალიან პოპულარული გახდა არამარტო საქართველოში, არამედ მთელი მსოფლიოს მასშტაბით.გთავაზობთ დერმატოლოგი ზაზა თელია განმარტებას იმასთან დაკავშირებით, აქვს თუ არა ბიოლოგიური ეფექტი, ომეგა 3-ის დანამატის სახით მიღებას?„ყველაფერი დაიწყო ესკიმოსებიდან...“II მსოფლიო ომის შემდგომ, ესკიმოსების პოპულაციაზე დაკვირვების შედეგად გრენლანდიასა და ალასკაზე გულ-სისხლძარღვთა დაავადებების პრევალენტობა (ავადობა) ძალიან დაბალი იყო. ისინი რა თქმა უნდა მოიხმარდნენ დიდი რაოდენობით თევზეულს და სელაპის ხორცს.მას შემდეგ წლების განმავლობაში მრავალი კვლევა გამოქვეყნდა რომელიც ასკვნიდა, რომ ომეგა-3 ცხიმოვანი მჟავებს აქვს უნარი მოახდინოს გავლენა ჯანმრთელობაზე, დაავადებების მიმდინარეობაზე, ასევე შეუძლია პრევენციის მოხდენა ისეთი დაავადებების განვითარებისასა როგორებიცაა:• გულ-სისხლძარღვთა დაავადებები• ჰიპერლიპიდემია• ტიპი 2 დიაბეტი• სხვადასხვა სიმსივნეები• მენტალური პრობლემები• ალცჰაიმერის დაავადება• დეპრესია და შფოთი• გულის უკმარისობა• ხერხემლის დისკის პრობლემები• ყურადღების დეფიციტის დარღვევა• მენოპაუზა• რევმატოიდული ართრიტი• ასთმა• პერიოდონტიტი• ეპილეფსია• ქიმიოთერაპიის მიმართ ტოლერანტობა• პრემენსტრუალური სინდრომი• ღვიძლის არა-ალკოჰოლური ცხიმოვანი დაავადება... ეს იყო კვლევები, რომლებიც სწავლობდნენ ზემოთ ჩამოთვლილი დაავადებები ასოციაციას ომეგა-3 ცხიმოვანი მჟავების მოხმარებასთან დაკავშირებით, მაგრამ არა კავშირს...და შემდეგ ჩვენამდე მოაღწია რენდომიზირებულმა პლაცებო-კონტროლირებადმა კვლევებმა, ასევე ჩვენამდე მოაღწია ამ კვლევების მეტა-ანალიზმა,” - წერს ზაზა თელია.ექიმი დერმატოლოგი რამდენიმე კონკრეტულ კვლევას ასახელებს, რომლებმაც ხანგრძლივი დაკვირვების მიუხედავად, ომეგა3 -ის დადებითი ეფექტი სხვადასხვა დაავადებების, მათ შორის დეპრესიისა და შფოთვის, ასევე დემენციის პრევენციისა და მკურნალობის მიმართულებით ვერ აღმოაჩინა.ექიმი ასევე საუბრობს კვლევებზე, რომლებიც ამ პროდუქტის გვერდით ეფექტებს ადასტურებენ. „ეს პროდუქტი საჭმელი ან კანფეტი არ გეგონოს“.ჩვენამდე მოაღწია კვლევამ, რომლის მიხედვითაც, ომეგა-3 ცხიმოვანი მჟავების კონკრეტული დოზირების მიღების შემთხვევაში, იზრდება წინაგულთა ფიბრილაციის რისკი.2019 წელს ომეგა-3 გლობალურმა გაყიდვამ შეადგინა $4.1 მილიარდი. ეს მაჩვენებელი გაორმაგდა 2025 წლისთვის.რატომ? ალბათ იმიტომ რომ მოსახლეობას დედამიწაზე ძლიერ სჯერა რომ ის სასარგებლოა...მაგრამ წინაგულთა ფიბრილაციის რისკი ვის ანაღვლებს, D ვიტამინის არ იყოს. სუპერმენი კი სამწუხაროდ არ არსებობს,” - წერს ზაზა თელია.

საზოგადოება • 1774468828

დემენციის 5 ყველაზე საყურადღებო და ადრეული სიმპტომი - ზაზა თელია ასახელებს

ზაზა თელია დემენციის 5 ყველაზე საყურადღებო და ადრეული სიმპტომს ასახელებს:„დემენციის ყველაზე საყურადღებო სიმპტომები:1.მეხსიერების დაკარგვა - განსაკუთრებით ახალი ინფორმაციის ათვისების სირთულე;2. ორიენტაციის დარღვევა - ნაცნობ, ადგილებში გზის აბნევა ან დროის შეგრძნების დაკარგვა.3. კომუნიკაციის სირთულე - სიტყვების პოვნის გაძნელება ან საუბრის ძაფის გაწყვეტა.4. რთული ამოცანების შესრულების გაძნელება: მაგალითად, გადასახადების გადახდა ან კერძის მომზადება რეცეპტით.5. ფსიქოლოგიური ცვლილებები : დეპრესია, შფოთვა, აპათია ან პიროვნული თვისებების მკვეთრი ცვლილება".  

რჩევები • 1773523013

შედეგები საგანგაშოა... - ზაზა თელია მოსახლეობას მნიშვნელოვან ინფორმაციას უზიარებს

ექიმი დერმატოლოგი ზაზა თელია საკვები დანამატების შესახებ წერს.„არის თუ არა დანამატების მიღება უსაფრთხო? საკვების დანამატების ბაზარი არცერთ ქვეყანაში არ რეგულირდება სახელმწიფო სტრუქტურებიდან ისე როგორც ეს ხდება მედიკამენტებთან მიმართებაში, აქედან გამომდინარე ვერასდროს იქნები დარწმუნებული რომ დანამატის ეტიკეტირება ასახავს მის რეალურ შემადგენლობას ძალიან ხშირია არასწორი ეტიკეტირება ანუ - Mislabeling.სხვადასხვა ჩატარებულმა კვლევებმა არასწორი ეტიკეტირება დაადასტურეს.ერთ-ერთი კვლევის მიხედვით ინტერნეტით შეძენილი დანამატების 15% დაბინძურებული იყო აკრძალული ნივთიერებებით როგორებიცაა ანაბოლური სტეროიდები.გარკვეული რაოდენობა პროფესიონალი სპორტსმენებისა რომლებიც იღებდნენ დანამატებს, დოპინგ კონტროლის დროს აღმოჩნდნენ პოზიტიურები - მათ სისხლში ან შარდში აკრძალული ნივთიერება აღმოჩნდა.არასდროს ენდო დანამატის მწარმოებელს რომელიც ირწმუნება რომ ის დამოწმებულია UEFA-ს, FIFA-ს ან სხვა მსგავსი სპორტული ორგანიზაციების მხრიდან. ასეთი რამ არ არსებობს.იყავი ფრთხილად როდესაც ეტიკეტირება ირწმუნება რომ მას შეუძლია ენერგიის გაძლიერება, ტესტოსტერონის ბუსტირება ან სხვა. ამ შემთხვევაში ის დიდი ალბათობით შეიცავს აკრძალულ ნივთიერებას როგორიცაა სტეროიდი.მცენარეული და საკვები დანამატების გამოყენება დაკავშირებულია ღვიძლის დაზიანებასთან - მტკიცებულებების ხარისხი, რომლის მიხედვითაც მცენარეული და საკვები დანამატები არათუ სარგებელს იძლევა, არამედ ხშირ შემთხვევაში აზიანებს სხვადასხვა ორგანოებს და შესაბამისად უარყოფით გავლენას ახდენს ჯანმრთელობაზე.კვლევით დადგინდა რომ ქიმიური ნივთიერებებით გამოწვეული (chemical-induced) ღვიძლის დაზიანების 5 შემთხვევიდან 1-ში გამომწვევი სწორედ მცენარეული და საკვები დანამატები გახლდათ. მათ შორის ერთ-ერთი ყველაზე პოპულარული პროდუქტებია მწვანე ჩაი, ვიტამინები და საკვები დანამატები.Non-steroid supplements included green tea, mixtures labeled as "Chinese herbs," "Korean herbs," or "Ayurvedic medications," as well as vitamins and dietary supplements. https://www.medscape.com/viewarticle/869907?src=android&devicetype=android&osversion=9&appversion=6.0.1&&src=medscapeapp-android&ref=share FDA-ის მიერ ჩატარებული ანალიზის მიხედვით 776 დანამატი რომელიც შეისწავლეს 2007-2016 წლებში, ისინი შეიცავდნენ - Sildenafil, Sibutramine, Steroids და Fluoxetine.პრობლემა იმაში მდგომარეობს, რომ არც ერთ ქვეყანაში დანამატები არ კონტროლდება ისე ხვდება გაყიდვაში. ასევე ცალკე საკითხია ის, რომ არ არსებობს მტკიცებულება მათი ეფექტურობისა.A recent analysis of US Food and Drug Administration (FDA) warnings issued to manufacturers of 776 supplements from 2007 to 2016 found that they contained prescription drugs such as sildenafil, sibutramine, steroids, and fluoxetine.  https://www.medscape.com/viewarticle/903925…საკვები დანამატები, რეცეპტის გარეშე გასაცემი (OTC) მცენარეული მედიკამენტები და ვიტამინები - არაკონტროლირებადი და რისკის შემცველი.დღეისათვის საზოგადოებაში ძალზედ პოპულარულია სხვადასხვა სახის საკვები დანამატები, მცენარეული მედიკამენტები და ვიტამინები, რომლებსაც მოსახლეობა სისტემატიურად მოიხმარს ხშირად რჩევით და/ან ექიმის დანიშნულებით.სამწუხაროდ ზემოთ ჩამოთვლილი პროდუქტები ბაზარზე, გაყიდვაში ისე ხვდება, რომ სახელმწიფო სტრუქტურებიდან რეგულაციას არ საჭიროებს, ანუ არ ხდება მათი შემოწმება.მაგალითად მედიცინის დონით ყველაზე მაღლა მდგომ ქვეყანაში, აშშ-ში ეს პროდუქცია არ მოწმდება FDA-ს მიერ, ის მხოლოდ გამოსცემს რეკომენდაციებსა და გაფრთხილებას დანამატებთან მიმართებაში - "Buyer Beware"შედეგები საგანგაშოა: საკვები დანამატები, ვიტამინები და მცენარეული პროდუქცია ზრდის ღვიძლის დაზიანების რისკს.ასევე ძალზედ ხშირია ამ პროდუქციის არასწორი ეტიკეტირება (Mislabeling), რაც იმას ნიშნავს რომ ისინი შეიცავენ ისეთ ნივთიერებებს რაც ეტიკეტზე არ არის აღნიშნული.არასწორი ეტიკეტირება დაფიქსირდა: ჰორმონალურ პროდუქციაში - 80%; ვიტამინები - 54%; მცენარეული მედიკამენტები - 48%.ყველაზე ხშირად არასწორი ეტიკეტირება დადასტურდა: ბოდიბილდინგის პროდუქცია - 79%; წონის კლების პროდუქცია - 72%; ენერგეტიკები - 60%; ზოგადი ჯანმრთელობის/well- being პროდუქცია - 51%.2000-2001 წლებში ჩატარებული გამოძიების შედეგად (ჩატარდა საერთაშორისო ოლიმპიური კომიტეტის სამედიცინო კომისიის მიერ) ლაბორატორიულად შესწავლილ იქნა საცალო გაყიდვაში არსებული 215 ბრენდის (მწარმოებელი კომპანიის), 634 საკვები დანამატი, 14 სხვადასხვა ქვეყანაში, რომელმაც დაადასტურა რომ ნახევარზე მეტი 57% შეიცავდა ისეთ ნივთიერებებს, რომელიც არ იყო აღნიშნული ეტიკეტზე (ჰორმონებს/ სტეროიდებს, პროჰორმონებს, სტიმულანტებს და სხვა სახის აკრძალულ ნივთიერებებს).პროფესიონალ სპორტსმენებში სერიოზულია რისკი დოპინგ-კონტროლზე ჩავარდნისა, რადგან როგორც აღნიშნულია ამ პროდუქციის რეგულაცია/შემოწმება სამწუხაროდ არ ხდება, ისეთ ქვეყანაშიც კი როგორიც აშშ-ია.მრავალი ფაქტია დაფიქსირებული სპორტში როდესაც სპორტსმენი მოიხმარდა სხვადასხვა სახის საკვებ დანამატს და ის დოპინგზე ჩავარდა.შესაბამისად ისეთი ორგანიზაციები როგორებიცაა FIFA და UEFA გამოსცემენ სპორტსმენების განათლების დონის ასამაღლებელ ბუკლეტებს.არსებული სურათი სწორედ UEFA-ს მიერ გამოცემული ბუკლეტიდან არის მოყვანილი“ - წერს ექიმი სოციალურ ქსელში.

საზოგადოება • 1773469860

VIDEO: „მყავდა პაციენტი, რომელიც პროფილაქტიკის მიზნით 2 წლის განმავლობაში უწყვეტად იღებდა D ვიტამინს და ქვემო კიდურის სისხლძარღვებში დაემართა კალციფიკატები…“ -  ზაზა თელია

პოდკასტში „სფერო“ ექიმი ზაზა თელია საუბრობს დე ვიტამინის მავნე მოხმარების პრაქტიკაზე, რომელსაც თავადაც შეხვედრია და მის დამანგრეველ შედეგებზე:„მყოლია პაციენტი, რომელიც პროფილაქტიკის მიზნით, ორი წლის განმავლობაში, უწყვეტად იღებდა დე ვიტამინს. ამის გამო ქვემო კიდურების სისხლძარღვებში დაემართა კალციფიკატები, ეს არის ქვასავით ჩანართები. დე ვიტამინის დაგროვებამ ორგანიზმში შეიძლება განაპირობოს ჰიპერკალცემია…“ 

საზოგადოება • 1773240353

„გასახდომი საშუალებების შეწყვეტის შემდეგ წონა იმატებს" - ზაზა თელია საუბრობს რა საფრთხეს შეიცავს ისინი

 ექიმი დერმატოლოგი ზაზა თელია „დილა მშვიდობისა საქართველოსთან“ გასახდომი ინიექციების პრობლემური მხარეების შესახებ საუბრობს:„შედეგიანია, მაგრამ გაჩერების შემდეგ, წონა იმატებს. ეს არ არის გასაღები იმისა, რომ  ადამიანმა ამით წონა დაიკლო და თავი ქუდში აქვს. ეს აჩვენა ამ კვლევამ. ჭარბი რაოდენობით საკვების მიღება არის ადამიანების მკვლელი, რომელიც მეორე ადგილზე  დგას თამბაქოს შემდეგ".  

საზოგადოება • 1773149160

„არ უნდა იყოს ზეთოვანი, ბზინვარე, ბრჭყვიალა...“ - ზაზა თელიას გაფრთხილება მოზარდებს

მოზარდობის ასაკში ბევრი გოგონა იწყებს კოსმეტიკური საშუალებების გამოყენებას. სურვილი, რომ მოუარონ საკუთარ თავს და მაკიაჟით გაილამაზონ სახე, სრულიად ბუნებრივია, თუმცა სპეციალისტები ამბობენ, რომ კოსმეტიკის შერჩევისას განსაკუთრებული სიფრთხილეა საჭირო.დერმატო-ვენეროლოგი ზაზა თელია განმარტავს, რომ არასწორად შერჩეულმა ან უხარისხო კოსმეტიკურმა პროდუქტებმა შესაძლოა კანის პრობლემები გამოიწვიოს. მისი თქმით, პირველ რიგში აუცილებელია პროდუქტის შემადგენლობის ყურადღებით გადამოწმება.ექიმის განმარტებით, ინგრედიენტების სიაში პირველ პოზიციებზე მითითებული ნივთიერებები ყველაზე მაღალი კონცენტრაციით არის წარმოდგენილი. განსაკუთრებით კომეტოგენურ ნივთიერებებს შორის სახელდება ეთილ-ჰექსილ-პალმიტატი, ნატრიუმის ლაურილ სულფატი და ნატრიუმის ქლორიდი, რომლებიც შესაძლოა ფორების დახშობას და კანის პრობლემებს იწვევდეს.სპეციალისტი მოზარდებს ურჩევს, დეკორატიული კოსმეტიკა რაც შეიძლება იშვიათად და მოკლე დროით გამოიყენონ. ასევე მნიშვნელოვანია, რომ მაკიაჟით არასოდეს დაიძინონ — დღის ბოლოს აუცილებელია სახის გაწმენდა და დატენიანება.მისივე თქმით, რეკომენდებული არ არის მძიმე, ბზინვარე ან ზეთოვანი მაკიაჟის ხშირი გამოყენება. გარდა ამისა, არ უნდა გაიზიარონ სამაკიაჟო ფუნჯები სხვა ადამიანებთან და აუცილებელია მათი რეგულარული ჰიგიენა — დაახლოებით ყოველ 4-5 გამოყენებაში ერთხელ ფუნჯები უნდა გაირეცხოს და კარგად გაშრეს.დერმატოლოგის განმარტებით, კოსმეტიკური საშუალებების ხშირი გამოყენება ზოგ შემთხვევაში აკნეს განვითარებასაც უწყობს ხელს, განსაკუთრებით მაშინ, როცა პროდუქტი კომეტოგენურ ინგრედიენტებს შეიცავს. სწორედ ამიტომ სპეციალისტები მოზარდებს ურჩევენ, კანის მოვლის საშუალებების არჩევისას განსაკუთრებული ყურადღება გამოიჩინონ.წყარო

საზოგადოება • 1772647963

ომეგა 3 არ ამცირებს სიმსივნის, დიაბეტის ან გულ-სისხლძარღვთა დაავადებების რისკს - ზაზა თელია

ექიმი დერმატოლოგი, ზაზა თელია პოდკასტს „სფეროს" სტუმრობდა, სადაც არაერთ საინტერესო თემას შეეხო, მათ შორის ომეგა 3-ის მოხმარებას. „კვლევებმა ვერცერთი მიმართულებით ვერ აჩვენა, რომ ომეგა 3 დაავადებების რისკებს ამცირებს. როგორიცაა გულ-სისხლძარღვთა დაავადებები, სიმსივნე, დიაბეტი და სხვა დაავადებები და პრობლემები",- ამბობს ზაზა თელია.  

ჯანდაცვა • 1771778237

ზაზა თელია ომეგა 3-ის შესახებ გავრცელებულ მითს არღვევს

ექიმი დერმატოლოგი ზაზა თელია პოდკასტში ომეგა  3 შესახებ საუბრობს და ამბობს, რომ ბოლო დროინდელმა ყველაზე სანდო კვლევებმა ამ დანამატის განსაკუთრებული სარგებელი ვერ დაამტკიცა.„ომეგა 3-ის ისტორია ესკიმოსებზე დაკვირვებიდან მოდის. ისინი უპირატესად თევზს და შესაბამისად, ომეგა 3 მოიხმარდნენ. ზედაპირული დაკვირვება მოახდინეს, რომ რაღაც ტიპის დაავადებები მათთან ნაკლებად იყო გავრცელებული. აქედან დაასკვნეს, რომ ესე იგი ამაში კარგი გაგებით „დამნაშავე“ ომეგა 3 იყო. თუმცა ბოლოდროინდელმა კვლევებმა ვერცერთი მიმართულებით ვერ აჩვენა, რომ ომეგა 3 დაავადებების რისკებს ამცირებს. როგორიცაა გულ-სისხლძარღვთა დაავადებები, სიმსივნე, დიაბეტი და სხვა დაავადებები“  - ამბობს ექიმი.

საზოგადოება • 1771527706

ამ ორი ნივთიერების კომბინაციამ შესაძლოა გამოიწვიოს ფატალური შედეგი… – ზაზა თელიას გაფრთხილება

ექიმი-დერმატოლოგი ზაზა თელია სოციალურ ქსელში მორიგ სასარგებლო რჩევას გვიზიარებს, რომელიც ორი ნივთიერების ურთიერთქმედების დროს მოსალოდნელ შედეგებს ეხება.პოსტს უცვლელად გთავაზობთ:„Chromium (ქრომი) - ერთ-ერთი მიკროელემენტი რომელიც უხშირესად გვხვდება საკვებ დანამატებში და პოლივიტამინებში.საკვებ დანამატებს ხშირად ისე იღებენ, რომ არც აკვირდებიან შემადგენლობას, რომელიც ისედაც შესაძლებელია იყოს არაზუსტი, არასწორი (mislabeled)სამეცნიერულ მტკიცებულების სწრაფი მიმოხილვა:ქრომს არ აქვს ეფექტი სხეულის კომპოზიციაზე, აღნაგობაზე როდესაც ის მიღებულია დანამატის სახით.ანუ წონის კლების მიზნით როცა გინიშნავენ არაეფექტურია.გარდა ამისა არსებობს სერიოზული შეშფოთება მისი ორგანიზმში დაგროვების გამო პოტენციური გვერდითი ეფექტების გამოწვევის მხრივ, განსაკუთრებით ხანგრძლივი მოხმარების დროს.გვერდითი ეფექტები: ხელს უშლის რკინის მეტაბოლიზმს და თუთიის შეთვისებას, ხანგრძლივი მოხმარება დაკავშირებულია სერიოზულ გვერდით ეფექტებთან, მათ შორის - ანემია, ქრომოსომული დაზიანება, კოგნიტური უნარის გაუარესება, ინტერსტიციალური ნეფრიტი, კუჭ-ნაწლავის გაღიზიანება, კანკალი, უძილობა.კომერციულად აკრძალულია მისი წარმოება ეფედრინთან ერთად, რადგან კომბინირებულად მიღებულმა დაბალმა დოზებმაც კი შესაძლოა გამოიწვიოს ჰიპერტენზია, ინსულტი და სიკვდილი.  სხვა სიტყვებით რომ ვთქვათ - მაგალითად ადამიანი რომელიც იღებს რომელიღაც სტიმულანტს, ენერგიის გასაუმჯობესებელ საშუალებას - მასში შესაძლოა შედიოდეს ეფედრინი და თუ ის ამის გარდა კიდევ იღებს რომელიმე სხვა დანამატს ან ვიტამინებს - მათში შეიძლება ასევე შედიოდეს ქრომი.  ამ ორი ნივთიერების კომბინაციამ გამოიწვიოს სიკვდილი“.- წერს ზაზა თელია.

საზოგადოება • 1771522855

რატომ იმატებენ წყვილები ქორწინების შემდეგ წონაში - ექიმის განმარტება

დერმატო-ვენეროლოგი, მედიცინის დოქტორი ზაზა თელია გადაცემაში „დილა მშვიდობისა საქართველო“ ქორწინების შემდეგ წონაში მომატების შესაძლო მიზეზებზე საუბრობს.მისი თქმით, ერთ-ერთი მთავარი ფაქტორი ცხოვრების წესის ცვლილებაა. ქორწინებას ხშირად მოაქვს სტაბილურობისა და კომფორტის შეგრძნება, რაც ზოგ შემთხვევაში ფიზიკური აქტივობის შემცირებას და ფიტნეს-რუტინის დარღვევას იწვევს. ასევე მნიშვნელოვანია გაზიარებული კვების ჩვევები — განსაკუთრებით საღამოს საათებში საკვების მიღება და უმოძრაო ცხოვრების წესი.ზაზა თელია ყურადღებას ამახვილებს სოციალურ ფაქტორებზეც: ახალდაქორწინებულ წყვილებს ხშირად აქვთ სტუმრობა და სოციალური შეკრებები, რაც საკვებისა და ალკოჰოლის მიღების ზრდასთან არის დაკავშირებული და, შესაბამისად, წონაზეც აისახება. მისივე შეფასებით, მამაკაცები ნაკლებად ამახვილებენ ყურადღებას ფიზიკური ფორმის შენარჩუნებაზე, მაშინ როცა ქალები უფრო მეტად ცდილობენ მიმზიდველობის შენარჩუნებას.ექიმი ასევე საუბრობს ჰორმონალურ და ფსიქოლოგიურ ფაქტორებზე. ე.წ. „ბედნიერი წონა“ — როდესაც ქორწინებასთან დაკავშირებული კმაყოფილება და ემოციური სიმშვიდე წონის მატებას უწყობს ხელს — ერთ-ერთი შესაძლო ახსნაა. სტრესის შემცირებაც შესაძლოა გავლენიანი იყოს, რადგან სტრესი ზოგ შემთხვევაში წონის კლებასთან ასოცირდება. 

რჩევები • 1771348078

ზაზა თელიას საგანგებო გაფრთხილება - „სათესლე ჯირკვლის კიბოს განვითარების რისკიც იზრდება“

„კრეატინი არ არის დანამატი, რომელიც არის უსაფრთხო“– ამის შესახებ პოდკასტში Sphero-სფერო, ექიმმა-დერმატოლოგმა, ზაზა თელიამ განაცხადა.ექიმი ინტერვიუს სოციალურ ქსელში თავის გამომწერებს უზიარებს და წერს:„არამარტო თირკმლის და ღვიძლის დაავადებების რისკი მატულობს, არამედ სათესლე ჯირკვლის კიბოს განვითარების რისკიც, შესაბამისად ვერ იქნება უსაფრთხო დანამატი კრეატინი, იმის მიუხედავად რომ მეთოდოლოგიურად გაუმართავი ერთი მეტა-ანალიზი მის უსაფრთხოებას ირწმუნება“ – წერს ზაზა თელია.