პოლიტიკა • 1765354920

ვლადიმერ ბოჟაძე: თუ ადამიანების რაოდენობა ხელს უშლის სხვა ადამიანების გადაადგილებას და ხელოვნურად ხდება ქუჩის ან ტროტუარის ბლოკირება, პოლიციას აქვს გაფრთხილების, სხვა ადგილის და სხვა მარშრუტის შეთავაზების უფლება

თუ ადამიანების შესაბამისი რაოდენობა იქნება, ამას აქციის ორგანიზატორები და პოლიცია ერთად გადაწყვეტენ, გადაიკეტება ქუჩაც, გამზირიც, ტროტუარიც, მოედანიც, ამის პრობლემა არ არის, - განაცხადა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ვლადიმერ ბოჟაძემ.მისივე თქმით, თუ ადამიანების რაოდენობა ხელს უშლის სხვა ადამიანების გადაადგილებას და ხელოვნურად ხდება ბლოკირება ქუჩის ან ტროტუარის, პოლიციას აქვს უფლება გაფრთხილების, სხვა ადგილის და სხვა მარშრუტის შეთავაზების.„თუნდაც მსვლელობა, რომელიც დაიგეგმება რომელიმე უწყების მიმართულებით იყოს ისე, რომ არ ჰქონდეს შეზღუდვა სხვა ადამიანებს გადაადგილებისას“, - აღნიშნა ვლადიმერ ბოჟაძემ.„შეკრებებისა და მანიფესტაციების შესახებ“ კანონში შესატანი ცვლილებები პარლამენტმა დღეს დაჩქარებული წესით, მეორე მოსმენით განიხილა.

პოლიტიკა • 1765276628

ვლადიმერ ბოჟაძე „ევროპის ლიბერალთა და დემოკრატთა ალიანსზე“: არ დაგმეს, ძალადობა, არ დაგმეს ექსტრემიზმი და ახლა მათი მხარდამჭერები უკვე ტერორისტული აქტების ჩადენაზე გადავიდნენ

არ დაგმეს, ძალადობა, არ დაგმეს ექსტრემიზმი და ახლა უკვე ტერორისტული აქტების ჩადენაზე გადავიდნენ მათი მხარდამჭერები, - განაცხადა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ვლადიმერ ბოჟაძემ „ქრონიკასთან“ „ევროპის ლიბერალთა და დემოკრატთა ალიანსზე“ საუბრისას, რომლის წევრიც „ლელოა“.„დუმან, რადგან, როგორც ჩანს, მათი წახალისებულია ასეთი ქმედებები. მათ არ დაგმეს, ძალადობა, არ დაგმეს ექსტრემიზმი და ახლა უკვე ტერორისტული აქტების ჩადენაზე გადავიდნენ მათი მხარდამჭერები. თქვენ იცით, რომ „ალდეს“ ჯგუფში არის მათ შორის „ლელო“ და ალეკო ელისაშვილი იყო „ლელოს“ საარჩევნო ბლოკის ერთ-ერთი ლიდერი“, - აღნიშნა ბოჟაძემ.ალდე, იგივე „ევროპის ლიბერალთა და დემოკრატთა ალიანსი“ ჯერ ისევ დუმს და არაფერს ამბობს ალეკო ელისაშვილის მიერ ჩადენილ დანაშაულზე. ალდეს დუმილი პარლამენტის თავმჯდომარისთვის იმის აღიარებაა, რომ პოლიტიკური ალიანსი ტერორისტთან თანამშრომლობს.

პოლიტიკა • 1765265160

ვლადიმერ ბოჟაძე: სამწუხაროა, რომ იმ ქვეყნების ჩამონათვალში, რომლებიც სრულიად უსამართლოდ ექცევიან ჩვენს ქვეყანას, არის დიდი ბრიტანეთი

სამწუხაროა, რომ იმ ქვეყნების ჩამონათვალში, რომლებიც სრულიად უსამართლოდ ექცევიან ჩვენს ქვეყანას, არის დიდი ბრიტანეთი, - განაცხადა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ვლადიმერ ბოჟაძემ „ქრონიკასთან“.მისი თქმით, სამწუხაროდ უსამართლო დამოკიდებულება ამ ქვეყნიდან აშკარად და ღიად ჩანს.„არასდროს გადაგვიხვევია ევროინტეგრაციის გზიდან. ეს ძალიან კარგად იციან საქართველოს მოქალაქეებმა, მათ შორის სტუდენტებმა და ახალგაზრდებმა. სამწუხაროა, რომ იმ ქვეყნების ჩამონათვალში, რომლებიც სრულიად უსამართლოდ ექცევიან ჩვენს ქვეყანას, არის დიდი ბრიტანეთი. თქვენ გახსოვთ BBC-ის სრულიად ყალბი სიუჟეტი აქციების დაშლასთან დაკავშირებით, ახლა ელჩის განცხადება, მათი პარლამენტის წევრების, მინისტრების განცხადებები. სამწუხაროდ ეს უსამართლო დამოკიდებულება ამ ქვეყნიდან აშკარად და ღიად ჩანს“, - აღნიშნა ბოჟაძემ.

პოლიტიკა • 1764846846

ვლადიმერ ბოჟაძე გაეროს რეზოლუციაზე: მხარი დავუჭირეთ უკრაინის მოთხოვნას, განსხვავებით, მათ შორის ჩვენი მეზობელი სახელმწიფოებისგან, რადგან როგორც წესი, ასეთი კენჭისყრის დროს ყველა სახელმწიფო საკუთარი ინტერესებიდან გამოდის

საქართველო უკვე ათასამდე რეზოლუციას მიუერთდა, ერთ-ერთი იყო გუშინდელი კენჭისყრა, სადაც ჩვენ მხარი დავუჭირეთ უკრაინას და უკრაინის მოთხოვნას, - განუცხადა „ქრონიკას“ საპარლამენტო პოლიტიკური ჯგუფის „ევროპელი სოციალისტების“ თავმჯდომარემ, ვლადიმერ ბოჟაძემ.ბოჟაძის თქმით, „ეს აისახა კიდეც რეზოლუციაში, განსხვავებით, მათ შორის ჩვენი მეზობელი სახელმწიფოებისგან, რადგან, როგორც წესი, ასეთი კენჭისყრის დროს ყველა სახელმწიფო საკუთარი ინტერესებიდან გამოდის“.„ეს მათი გადასაწყვეტია, თუმცა ჩვენი მხარდაჭერა კიდევ ერთხელ დაფიქსირდა, რაც ადასტურებს ჩვენს სწორ პოლიტიკას რუსეთ-უკრაინის ომის ფონზე. განსაკუთრებულად, გუშინდელი რეზოლუციის კიდევ ერთი მხარდაჭერის ფონზე კიდევ ერთხელ დასტურდება უსამართლო დამოკიდებულება ევრობიუროკრატიის მხრიდან ჩვენს ქვეყანასთან მიმართებაში“, - აღნიშნა ვლადიმერ ბოჟაძემ.ცნობისთვის, გაეროს გენერალურმა ასამბლეამ რეზოლუცია მიიღო, რომელიც რუსეთისგან უკანონოდ დეპორტირებული უკრაინელი ბავშვების სამშობლოში დაბრუნებას მოითხოვს. დოკუმენტს მხარი 91-მა ქვეყანამ დაუჭირა, მათ შორის არის საქართველოც. 12 სახელმწიფო წინააღმდეგი იყო, 57-მა კი თავი შეიკავა.

პოლიტიკა • 1763989708

იურიდიულ საკითხთა კომიტეტმა „ადმინისტრაციულ სამართალდარღვევათა კოდექსში“ ცვლილება პირველი მოსმენით განიხილა

იურიდიულ საკითხთა კომიტეტმა „ადმინისტრაციულ სამართალდარღვევათა კოდექსში“ ცვლილება პირველი მოსმენით განიხილა, რომელიც ზოგიერთი სამართალდარღვევისთვის პასუხისმგებლობის გამკაცრებას ითვალისწინებს.როგორც მომხსენებელმა, გარემოს დაცვისა და ბუნებრივი რესურსების კომიტეტის თავმჯდომარე მაია ბითაძემ განაცხადა, კანონპროექტით გათვალისწინებულია სანქციების ზრდა ხუთი ძირითადი მიმართულებით.პროექტით, მეორეული საბურავების, შავი და ფერადი ლითონების ჯართის, ექსპლუატაციიდან გამოსული სატრანსპორტო საშუალებებისა და მათი ნაწილების, ადვილად აალებადი, ფეთქებადი ან ამტვერებადი მასალის განთავსება ან/და რეალიზაცია ქალაქ თბილისის მუნიციპალიტეტის ტერიტორიაზე იმ ადგილებში, რომლებიც ქალაქ თბილისის მუნიციპალიტეტის საკრებულოს მიერ საამისოდ განსაზღვრული არ არის, გამოიწვევს ფიზიკური პირის დაჯარიმებას 2 500 ლარის ოდენობით, ხოლო იურიდიული პირის - 5 000 ლარით. იგივე ქმედება, ჩადენილი განმეორებით, გამოიწვევს ფიზიკური პირის დაჯარიმებას 5 000 ლარით, ხოლო იურიდიული პირის - 15 000 ლარით.კანონპროექტით, მეორეული საბურავების, შავი და ფერადი ლითონების ჯართის, ექსპლუატაციიდან გამოსული სატრანსპორტო საშუალებებისა და მათი ნაწილების, ადვილად აალებადი, ფეთქებადი ან ამტვერებადი მასალის ქალაქ თბილისის მუნიციპალიტეტის საკრებულოს მიერ დადგენილი წესის დარღვევით განთავსება ან/და რეალიზაცია ქალაქ თბილისის მუნიციპალიტეტის ტერიტორიაზე აღნიშნული მუნიციპალიტეტის საკრებულოს მიერ საამისოდ განსაზღვრულ ადგილებში, გამოიწვევს ფიზიკური პირის დაჯარიმებას 1 000 ლარით, იურიდიული პირის კი - 2 500 ლარით. იგივე ქმედება, ჩადენილი განმეორებით, გამოიწვევს ფიზიკური პირის დაჯარიმებას 2 500 ლარით, ხოლო იურიდიული პირის - 5 000 ლარით.სანქციები იზრდება ამტვერებადი მასალის სველი მეთოდის გარეშე ისეთი დამუშავებისთვის, რაც მტვერჩახშობას ვერ უზრუნველყოფს. კერძოდ, ასეთი ქმედება გამოიწვევს ფიზიკური პირის დაჯარიმებას 2 500 ლარით, ხოლო იურიდიული პირის − 5 000 ლარით. იგივე ქმედება, ჩადენილი განმეორებით, გამოიწვევს ფიზიკური პირის დაჯარიმებას 5 000 ლარით, ხოლო იურიდიული პირის − 10 000 ლარით.კანონპროექტი ამტვერებადი მასალის გადაუხურავი სატრანსპორტო საშუალებით ან/და არასათანადოდ გადახურული სატრანსპორტო საშუალებით გადაზიდვა, რაც ამ მასალისგან წარმოქმნილი მყარი ნაწილაკების გარემოში მოხვედრის თავიდან აცილებას ვერ უზრუნველყოფს, გამოიწვევს ფიზიკური პირის დაჯარიმებას 1 000 ლარით, ხოლო იურიდიული პირის − 2 500 ლარით. იგივე ქმედება, ჩადენილი განმეორებით, გამოიწვევს ფიზიკური პირის დაჯარიმებას 2 500 ლარით, ხოლო იურიდიული პირის − 5 000 ლარით.ამტვერებადი მასალის დატვირთვა-გადმოტვირთვის ტერიტორიიდან ან/და სამშენებლო მოედნიდან ძარაგაურეცხავი ან/და საბურავგაურეცხავი სატრანსპორტო საშუალების გადაადგილება, გამოიწვევს ფიზიკური პირის დაჯარიმებას 2 500 ლარით, ხოლო იურიდიული პირის − 5 000 ლარით. აღნიშნული ქმედება, ჩადენილი განმეორებით, გამოიწვევს ფიზიკური პირის დაჯარიმებას 5 000 ლარით, ხოლო იურიდიული პირის − 10 000 ლარით.სანქციები იზრდება ბეტონმზიდი მანქანის გადაადგილებისას ამ მანქანიდან ბეტონის გზის სავალ ნაწილზე დაღვრისთვის. აღნიშნული სამართალდარღვევა გამოიწვევს ფიზიკური პირის დაჯარიმებას 2 500 ლარით, ხოლო იურიდიული პირის - 5 000 ლარით. იგივე ქმედება, ჩადენილი განმეორებით, გამოიწვევს ფიზიკური პირის დაჯარიმებას 5 000 ლარით, ხოლო იურიდიული პირის - 10 000 ლარის ოდენობით.იურიდიულ საკითხთა კომიტეტმა მხარი დაუჭირა განხილულ კანონპროექტს.კანონპროექტის ავტორია ფრაქცია „ქართული ოცნების“ აპარატი, ხოლო ინიციატორები პარლამენტის წევრები: ირაკლი ქადაგიშვილი, მაია ბითაძე, შოთა ხაბარელი, დიმიტრი სამხარაძე, ნიკა ელისაშვილი, სალომე ჯინჯოლავა, ზურაბ რურუა, გიორგი ვოლსკი, დავით კაჭარავა, აკაკი ალადაშვილი, ირაკლი ხელაძე, ვლადიმერ ბოჟაძე, რიმა ბერაძე, ირმა ზავრადაშვილი, ნოდარ ტურძელაძე, ლევან მაჭავარიანი და ირაკლი ზარქუა.

პოლიტიკა • 1763385777

ბოჟაძე არარეზიდენტი მოქალაქეებისთვის ხმის მიცემის წესის შეცვლაზე: როდესაც ადამიანს წლებია საკუთარ ქვეყანასთან კომუნიკაცია არ ჰქონია, არ იცის რეალური მდგომარეობა, შესაძლებელია სწორად ინფორმირებული არჩევანი ვერ გააკეთოს

ჩვენ ყველანაირი პირობა გვაქვს იმისთვის, რომ მოქალაქეები დაბრუნდნენ და თან დაბრუნდნენ სამუდამოდ, ამიტომ შესაძლოა საარჩევნო ხმის გამოყენების უფლებაც იყოს მიზეზი და საშუალება, რომ ისინი საკუთარ ქვეყანაში დაბრუნდნენ, - განაცხადა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ, ვლადიმერ ბოჟაძემ, რითაც გამოეხმაურა არარეზიდენტი მოქალაქეებისთვის არჩევნებში ხმის მიცემის წესის შეცვლას.„რაც შეეხება გარე გავლენებს, სულ უფრო ხშირად საუბრობენ ამერიკის, ევროკავშირისა და სხვადასხვა ქვეყნის გარე ჩარევებზე და როდესაც საზღვარგარეთ იმყოფება ადამიანი და წლებია საკუთარ ქვეყანასთან კომუნიკაცია არ ჰქონია, არ იცის რეალური მდგომარეობა, შესაძლებელია მათ სწორად ინფორმირებული არჩევანი ვერ გააკეთონ“, - აღნიშნა ვლადიმერ ბოჟაძემ.შალვა პაპუაშვილის განცხადებით, პარლამენტი წლის ბოლომდე „საარჩევნო კოდექსის“ ფუნდამენტურ განახლებას გეგმავს. კოდექსის ერთ-ერთი მნიშვნელოვანი ცვლილება ეხება არარეზიდენტი მოქალაქეების - უცხოეთში მყოფი პირების - არჩევნებში ხმის მიცემის წესს. ინიციატივის მიხედვით, როგორც ადგილობრივი თვითმმართველობის არჩევნებზე, ისევე საქართველოს პარლამენტის არჩევნებზეც ხმის მიცემა შესაძლებელი იქნება მხოლოდ საქართველოს სახელმწიფო საზღვრებში.

პოლიტიკა • 1763019069

ვლადიმერ ბოჟაძე ჰერჩინსკის განცხადებაზე: ეს არის კიდევ ერთი უსამართლო დამოკიდებულების გამოხატულება ჩვენი ქვეყნის მიმართ. რამდენად წინ არის ან უკრაინა, ამ მოლდოვა, ეს ადვილი შესაფასებელია ნებისმიერი კვლევით

ეს არის კიდევ ერთი უსამართლო დამოკიდებულების გამოხატულება ჩვენი ქვეყნის მიმართ, - ასე შეაფასა „ქრონიკასთან“ საუბრისას საპარლამენტო პოლიტიკური ჯგუფის „ევროპელი სოციალისტების“ თავმჯდომარემ, ვლადიმერ ბოჟაძემ ევროკავშირის ელჩის, პაველ ჰერჩინსკის განცხადება, რომ მოლდოვა და უკრაინა ევროკავშირის გაფართოების გზაზე საქართველოზე წინ არიან.ვლადიმერ ბოჟაძის თქმით, რამდენად წინ არის ან უკრაინა, ამ მოლდოვა, ეს ადვილი შესაფასებელია ნებისმიერი კვლევით.„ეს არის კიდევ ერთი უსამართლო დამოკიდებულების გამოხატულება ჩვენი ქვეყნის მიმართ. თქვენ იცით, რომ ნებისმიერი კვლევა, რომელიც საერთაშორისო ორგანიზაციების მიერ ჩატარებულა, თავად ევროკომისიის დასკვნები ადასტურებს, რომ საქართველო არა მხოლოდ ყველა კანდიდატ ქვეყანას შორის, მათ შორის ევროკავშირის წევრ ქვეყნებთან მიმართებაში, ბევრი პარამეტრით წინ არის.ისინი ცდილობენ დაისაჯოს ჩვენი ქვეყანა ერთადერთი მიზეზის გამო, რომ ყველაფერს ვაკეთებთ იმისათვის, რათა ქვეყანაში მშვიდობა იყოს და ვიცავთ ქვეყნის, ხალხის ინტერესებს. რაც შეეხება რამდენად წინ არის ან უკრაინა, ამ მოლდოვა რამეში, ეს ადვილი შესაფასებელია ნებისმიერი კვლევით და იმით, რაც ხდება ახლა მოლდოვაში, რაც ხდება ახლა უკრაინაში“, - აღნიშნა ვლადიმერ ბოჟაძემ.

პოლიტიკა • 1760610582

ვლადიმერ ბოჟაძე: საუბარია იმაზე, რომ „ნაციონალური მოძრაობა“ და შემდგომ მისგან შექმნილი ყველა პოლიტიკური პარტია აიკრძალოს და რა თქმა უნდა ასევე, დადგეს მათი პიროვნული პასუხისმგებლობის საკითხი

საუბარია იმაზე, რომ „ნაციონალური მოძრაობა“ და შემდგომ მისგან შექმნილი ყველა პოლიტიკური პარტია აიკრძალოს და რა თქმა უნდა ასევე, დადგეს მათი პიროვნული პასუხისმგებლობის საკითხი, - განაცხადა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ, ვლადიმერ ბოჟაძემ, „საქართველოს საკონსტიტუციო სასამართლოს შესახებ“ კანონში შესატან ცვლილებებთან დაკავშირებით.მისი თქმით, მნიშვნელოვანია, რომ საქართველოს კონსტიტუციის პრინციპების დამრღვევ პარტიასთან კავშირში მყოფი ადამიანები ვეღარ იყრიან კენჭს საპარლამენტო თუ ადგილობრივ არჩევნებში.„პირველ რიგში უნდა დაველოდოთ საკონსტიტუციო სარჩელის შინაარსს. აქ არის საუბარი იმაზე, რომ „ნაციონალური მოძრაობა“ და შემდგომ მისგან შექმნილი ყველა პოლიტიკური პარტია აიკრძალოს და რა თქმა უნდა ასევე, დადგეს მათი პიროვნული პასუხისმგებლობის საკითხი. რაც გულისხმობს იმას, რომ მათ აეკრძალოთ პასიური საარჩევნო უფლება. კონკურენციის თვალსაზრისით ბუნებრივია ეს ჩვენთვის მნიშვნელოვანია, რომ პოლიტიკურ პარტიებს მიეცეთ საშუალება გაძლიერდნენ. ეს არ ეხება მხოლოდ ჩვენს პოლიტიკურ ჯგუფს“, - განაცხადა ვლადიმერ ბოჯაძემ.პარლამენტმა 84 ხმით, მეორე მოსმენით მიიღო „საქართველოს საკონსტიტუციო სასამართლოს შესახებ“ კანონში შესატანი ცვლილებები.ცვლილებების თანახმად საქართველოს კონსტიტუციის პრინციპების დამრღვევ პარტიასთან კავშირში მყოფი ადამიანები ვეღარ იყრიან კენჭს საპარლამენტო თუ ადგილობრივ არჩევნებში, ვერ მიიღებენ პოლიტიკურ თანამდებობასა და აეკრძალებათ პოლიტიკური პარტიის შექმნა.

პოლიტიკა • 1760524860

ბოჟაძე ფინეთის საგარეო საქმეთა მინისტრთან შეხვედრის გაუქმებაზე: მინდა პრემიერ-მინისტრს მადლობა გადავუხადო იმ ღირსეული საქციელისთვის, რასაც მასთან შეხვედრის გაუქმება ჰქვია

მინდა ვკითხო ქალბატონ ელინას, იგივე ნაბიჯი რომ გადაედგათ გერმანიაში, საფრანგეთში, ესპანეთსა სხვა ევროკავშირის წევრ სახელმწიფოებში, რა რეაქცია ექნებოდათ იქაურ სახელმწიფოებს. მინდა პრემიერ-მინისტრს მადლობა გადავუხადო იმ ღირსეული საქციელისთვის, რასაც მასთან შეხვედრის გაუქმება ჰქვია, - განაცხადა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ვლადიმერ ბოჟაძემ ფინეთის საგარეო საქმეთა მინისტრთან შეხვედრის გაუქმებაზე საუბრისას.მანვე აღნიშნა, რომ საქართველოსთან დაკავშირებული გადაწყვეტილებები მიღებული იქნება მხოლოდ საქართველოში.„მინდა მოვუწოდო ქალბატონ ელინას და საქართველოს შიდა და გარე მტრებს, რომლებსაც არ ასვენებთ ფიქრი იმაზე, თუ რატომ არის ჩვენს ქვეყანაში მშვიდობა და სტაბილურობა, რატომ აგრძელებს ქვეყანა წინსვლას და განვითარებას, საქართველოსთან დაკავშირებული გადაწყვეტილებები მიღებული იქნება მხოლოდ საქართველოში“, - აღნიშნა ვლადიმერ ბოჟაძემ.საქართველოს პრემიერ-მინისტრმა ფინეთის საგარეო საქმეთა მინისტრთან დაგეგმილი შეხვედრა გააუქმა.საქართველოში ვიზიტით მყოფი ეუთოს მოქმედი თავმჯდომარე, ფინეთის საგარეო საქმეთა მინისტრი ელინა ვალტონენი რუსთაველის გამზირზე აქციის მონაწილეებთან მივიდა და პარლამენტთან შეკრებილებს გაესაუბრა. მან სოციალურ ქსელში რადიკალების მხარდამჭერი პოსტი გამოაქვეყნა და თქვა, რომ „მშვიდობიანი დემონსტრანტები შეკრებილები არიან, რათა შეშფოთება გამოხატონ ქვეყნის რეპრესიული კურსის მიმართ“.

პოლიტიკა • 1760524620

ვლადიმერ ბოჟაძე: საქართველოს ბედი აღარასდროს გადაწყდება ქუჩაში და ეს კიდევ ერთხელ დაადასტურეს საქართველოს მოქალაქეებმა 4 ოქტომბრის არჩევნებზე

განსაკუთრებული მადლობა მინდა გადავუხადო ჩვენი ქვეყნის მილიონ 438 ათას 136 მოქალაქეს. იმ ადამიანებს, ამომრჩევლებს, რომლებიც მოვიდნენ უშუალოდ კენჭისყრის დღეს, მონაწილეობა მიიღეს არჩევნებში და საკუთარი ძალაუფლება კიდევ ერთხელ დაუბრუნეს კონკრეტულ პოლიტიკურ პარტიებს, რომლებსაც ანდეს საკუთარი მუნიციპალიტეტის ბედი. სწორედ არჩევნებში მონაწილეობა არის დემოკრატიის მთავარი მანიშნებელი. ეს იყო 4 ოქტომბრის დღის ნათელი მხარე, - განაცხადა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ვლადიმერ ბოჟაძემ პარლამენტის პლენარულ სხდომაზე.მისივე განცხადებით, გარდა იმისა, რომ რადიკალურმა ოპოზიციამ არჩევნებში თავად არ მიიღო მონაწილეობა, მათ საკუთარ მხარდამჭერებსაც აუკრძალეს კონსტიტუციური უფლების გამოყენება, რომ არჩევნებზე მისულიყვნენ და მოუწოდეს - 4 ოქტომბერს, 4 საათზე მოსულიყვნენ არადემოკრატიული პროცესის ე.წ. მშვიდობიანი დამხობის და სახელმწიფო გადატრიალებისთვის.„მინდა მადლობა გადავუხადო შინაგან საქმეთა სამინისტროს, სახელმწიფო უსაფრთხოების სამსახურს იმისთვის, რომ ის გეგმა, რომელიც ისახავდა ქვეყანაში არეულობას, დესტაბილიზაციას, სახელმწიფო გადატრიალებას - ვერ განხორციელდა. შესაძლოა, მცხეთაში ნაპოვნი იარაღი თავისუფლების მოედანზე აღმოჩენილიყო, ის ასაფეთქებელი, რომელიც უკრაინელმა მეგობრებმა გამოგიგზავნეს - სადმე სახელმწიფო შენობასთან ახლოს აფეთქებულიყო. მადლობა, რომ ეს ყველაფერი ასე არ დასრულდა“, -განაცხადა ვლადიმერ ბოჟაძემ.მისი თქმით, 4 ოქტომბერს ჩვენმა ქვეყანამ ძალიან დიდი საფრთხე აიცილა, თუმცა ეს საფრთხე კვლავაც რეალურია და ქვეყანაში გადატრიალების გეგმა კვლავ არსებობს.მისივე შეფასებით, როგორც ჩანს, ასეთი გეგმის თაობაზე ახალი თარიღი უახლოეს პერიოდში ხელახლა იქნება გაცხადებული და ამის დასტურია მათ შორის, ქალბატონ ელინას ყოფნა უკანონოდ გადაკეტილ ცარიელ რუსთაველზე, საკუთარ ელჩთან ერთად, რაც ერთი მხრივ, იყო კიდევ ერთი არადიპლომატიური ნაბიჯი და მეორე მხრივ, ქვეყნის შიდა საქმეში ჩარევა და ქვეყნის სუვერენიტეტის უდიდესი უპატივცემულობა.„მინდა მოვუწოდო ქალბატონ ელინას და საქართველოს შიდა და გარე მტრებს, რომლებსაც არ ასვენებთ დღედაღამ ფიქრი იმაზე, რატომ არის ჩვენს ქვეყანაში მშვიდობა, სტაბილურობა, რატომ აგრძელებს ქვეყანა წინსვლას და განვითარებას?! საქართველოსთან დაკავშირებული გადაწყვეტილები მიღებული იქნება მხოლოდ საქართველოში! საქართველოს ბედი გადაწყდება მხოლოდ მისი აღმატებულება ქართველი ხალხის გადაწყვეტილებით! საქართველოს ხელისუფლების ბედი გადაწყდება მისი აღმატებულება საქართველოს ამომრჩევლების გადაწყვეტილებით და რაც ყველაზე მთავარია, საქართველოს ბედი აღარასდროს გადაწყდება ქუჩაში და ეს გადაწყვეტილება კიდევ ერთხელ დაადასტურეს საქართველოს მოქალაქეებმა 4 ოქტომბრის არჩევნებზე“, - განაცხადა ვლადიმერ ბოჟაძემ.

პოლიტიკა • 1759727617

ვლადიმერ ბოჟაძე: კიდევ ერთხელ დადასტურდა, რომ სახელმწიფო დგას მოწოდების სიმაღლეზე და ყველამ იცოდეს, რომ ამ ქვეყნის ბედი ქუჩაში აღარასოდეს გადაწყდება

გუშინ კიდევ ერთხელ დადასტურდა, რომ სახელმწიფო დგას მოწოდების სიმაღლეზე და ყველამ იცოდეს, რომ ამ ქვეყნის ბედი ქუჩაში აღარასოდეს გადაწყდება, - განაცხადა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ ვლადიმერ ბოჟაძემ.დეპუტატი დივერსიული აქტებთან დაკავშირებით სუს-ის განცხადებას ეხმაურება.„გახსოვთ, მანამდე აღმოაჩინეს ასაფეთქებელი ნივთიერება ჰექსოგენი, რომელიც როგორც ჩანს, ასევე ოთხი ოქტომბრისთვის იყო გათვლილი და ის პროცესები, რომელიც დღეს ჩვენ ვნახეთ, გულისხმობდა იმას, რომ თუ წარმატებული იქნებოდა პრეზიდენტი სასახლის შტურმი ან სხვა ადმინისტრაციული შენობების, მერე როგორც ჩანს, გამოყენებული იქნებოდა შეიარაღება და კონფლიქტი იქნებოდა კიდევ უფრო ღრმა ვიდრე ჩვენ წარმოგვიდგენია. თუმცა გუშინ კიდევ ერთხელ დადასტურდა, რომ სახელმწიფო დგას მოწოდების სიმაღლეზე და ყველამ იცოდეს, რომ ამ ქვეყნის ბედი ქუჩაში აღარასოდეს გადაწყდება“, - აღნიშნა ბოჟაძემ.სუს-ში გამართულ ბრიფინგზე განაცხადეს, რომ „სახელმწიფო უსაფრთხოების სამსახურის მიერ ოპერატიული ინფორმაციის საფუძველზე ჩატარებული საგამოძიებო მოქმედებების შედეგად აღმოჩენილია დიდი რაოდენობით ცეცხლსასროლი იარაღი, საბრძოლო მასალა და ასაფეთქებელი ნივთიერებები დეტონატორით“.

საზოგადოება • 1758276426

პარლამენტის წევრებმა ახალციხის მუნიციპალიტეტის საჯარო სკოლების მასწავლებლები და მოსწავლეები დააჯილდოვეს

განათლების, მეცნიერებისა და ახალგაზრდულ საქმეთა კომიტეტის წევრებმა ახალციხის მუნიციპალიტეტის საჯარო სკოლების მასწავლებლები და წარმატებული მოსწავლეები დააჯილდოვეს.დეპუტატებმა მასწავლებლებს გაწეული შრომისთვის და პედაგოგიური საქმიანობისთვის მადლობა გადაუხადეს და სიმბოლური საჩუქრები გადასცეს. ამასთან, გასული სასწავლო წლის წარჩინებულ კურსდამთავრებულებს ოქროს და ვერცხლის მედლები გადასცეს. პარლამენტის წევრებმა მოსწავლეებს მიღწეული შედეგები მიულოცეს და წარმატებები უსურვეს.მოსწავლეებს და პედაგოგებს სიტყვით მიმართეს განათლების, მეცნიერებისა და ახალგაზრდულ საქმეთა კომიტეტის თავმჯდომარემ მარიამ ლაშხმა, ახალციხის, ბორჯომის, ადიგენისა და ასპინძის მუნიციპალიტეტების დელეგატმა ანტონ ობოლაშვილმა, საპარლამენტო პოლიტიკური ჯგუფის "ევროპელი სოციალისტები" თავმჯდომარემ ვლადიმერ ბოჟაძემ, სახელმწიფო რწმუნებულმა სამცხე-ჯავახეთის მხარეში ზაალ გელაშვილმა, ახალციხის მერმა ირაკლი ლაზარაშვილმა და ახალციხის მუნიციპალიტეტის საკრებულოს თავმჯდომარემ დავით ლომიძემ.ღონისძიება ახალციხის საგანმანათლებლო რესურსცენტრის ორგანიზებით ახალციხის ციხის ტერიტორიაზე გაიმართა.დაჯილდოების ღონისძიებას ზოგადსაგანმანათლებლო დაწესებულებების წარმომადგენლები ესწრებოდნენ.