პოლიტიკა • 1790799656

ირაკლი კირცხალია ბერა ივანიშვილის პოსტზე - რა თქმა უნდა, სწორი გადაწყვეტილებაა, ყველას უნდა გასცეს სამართლებრივი პასუხი

"ყველა შესაძლო გზითა და სცენარით უტევენ... რა თქმა უნდა, სწორი გადაწყვეტილებაა, ყველას უნდა გაეცეს სამართლებრივი პასუხი", - ამის შესახებ პარლამენტის ფრაქცია "ქართული ოცნების" თავმჯდომარემ "ღამის კურიერში" საუბრის დროს განაცხადა, რითაც ბერა ივანიშვილის პოსტს გამოეხმაურა.ირაკლი კირცხალიას თქმით, კონკრეტული ჯგუფები მუდმივად ცდილობენ, ბიძინა ივანიშვილისა და მისი ოჯახის სახელი შებღალონ."ბიძინა ივანიშვილისა და მისი ოჯახის სახელი უდიდესი პატივისცემითა და ავტორიტეტით სარგებლობენ და ისარგებლებენ ჩვენს ქვეყანაში იმიტომ, რომ საზოგადოება ყველაფერს კარგად ხედავს და ისტორია დაინახავს. ყველა შესაძლო გზითა და სცენარით უტევენ - შვილს, ქველმოქმედებას თანხის კეთებას არქმევენ.ერთი სიუჟეტი გაკეთდა, გამორჩეულად ვიხსენებ ამ სიუჟეტს, მისი ოჯახის წევრის ობიექტი იყო, სახლი თუ შენობა იდგა საბურთალოს რაიონში და მის გვერდით ადამიანს ჰქონდა თავის შენობა შემოღობილი, აქ მოხდა რაღაც ამბავი, ვიღაც დაჭრეს თუ დააკავეს. სიუჟეტი დაიწყო, რა მოხდა ბიძინა ივანიშვილის ოჯახის წევრის არსებულ ობიექტზეო - კატასტროფა. აბასთუმანი სამოთხეს დაემსგავსა და "ბელგიური შოკოლადისფრად" შეღებილ სახურავზე საუბრობენ - ავადმყოფობასთან გვაქვს საქმე. ვინ აკეთებს ამ ყველაფერს - "ფორმულა" ე.წ. ტელევიზიები, რომლებიც ვიცით, ვისი ფულიდან ფინანსდება. ვიცით, რა საქმეები აღძრული მათი დამფუძნებლისა და დამფინანსებლის წინააღმდეგ.რა თქმა უნდა, სწორი გადაწყვეტილებაა, ყველას უნდა გაეცეს სამართლებრივი პასუხი. ეს არის ავტორიტეტებთან ბრძოლა, ერთ-ერთი მეთოდი იმ ბინძური სცენარის, რომელიც არის ჩვენ ქვეყანაში, თუ როგორ გახადონ ჩვენი ქვეყანა მოწყვლადი, გაანადგურონ ყველაფერი რასაც საზოგადოება პატივს სცემს", - განაცხადა ირაკლი კირცხალიამ.

მსოფლიო • 1790711125

მერვე კლასის მოსწავლე თანაკლასელებს თავს დაესხა და მასწავლებელი მოკლა (სლოვაკეთი)

ტრაგედია დღეს დილით, 29 სექტემბერს, სლოვაკეთის ჩრდილოეთ ნაწილში, შტასკოვის სკოლაში მოხდა. სკოლის შენობაში მომხდარი თავდასხმის შედეგად ერთი მასწავლებელი დაიღუპა, კიდევ ორი ადამიანი კი მძიმედ დაშავდა.ადგილობრივი მედიის პირველადი ცნობების თანახმად, თავდამსხმელი იმავე სკოლის მოსწავლე იყო - საშუალო სკოლის მერვეკლასელი ბიჭი. ვარაუდობენ, რომ თავდასხმის დროს ახალგაზრდა ბასრი საგნით იყო შეიარაღებული.ინციდენტის გარემოებებს, ასევე იმ მიზეზებს, რომლებმაც თავდასხმამდე მიიყვანა, ხელისუფლება იძიებს.მასწავლებელი ადგილზე დაიღუპა61 წლის მასწავლებელმა მძიმე დაზიანებები მიიღო და, მიუხედავად საგანგებო სამსახურების თანამშრომლების ჩარევისა, თავდასხმის ადგილზე გარდაიცვალა.დაშავდა ორი ადამიანი. ერთ-ერთი მათგანი არასრულწლოვანია და მისი მდგომარეობა კრიტიკულად ფასდება. დაშავებული სამკურნალოდ ვერტმფრენით მარტინის საავადმყოფოში გადაიყვანეს.კიდევ ერთი დაზარალებული, 44 წლის ქალი, გულმკერდის არეში დანით დაჭრეს. მისი გადაყვანაც ვერტმფრენით გახდა საჭირო - ქალი ჟილინას საავადმყოფოში გადაიყვანეს.განგაშის სიგნალის მიღების შემდეგ სკოლის ტერიტორიაზე მრავალი სასწრაფო დახმარების მანქანა და სამართალდამცველი მივიდა. ისინი სკოლის უსაფრთხოების უზრუნველყოფასა და თავდასხმის პირველადი გამოძიების ჩატარებას შეუდგნენ.სლოვაკეთის ხელისუფლებამ დაადასტურა, რომ თავდამსხმელად, სავარაუდოდ, ამავე სკოლის მოსწავლე სახელდება.ამჟამად გამომძიებლები ცდილობენ, ზუსტად აღადგინონ მომხდარის სურათი და თავდასხმის თითოეული ეტაპი დაადგინონ.თავდასხმის მოტივი და ის, თუ რამ უბიძგა მოსწავლეს, მსხვერპლთა წინააღმდეგ თვითნაკეთი იარაღი გამოეყენებინა, ჯერჯერობით უცნობია.გამოძიება გრძელდება.

მსოფლიო • 1790699198

სიკვდილმისჯილი, რომელიც კანონის აღსრულებას 41 წელიწადი ელოდა, გაათავისუფლეს

71 წლის დუგლას სტიუარტ კარტერმა თავისუფლება 41 წლის შემდეგ პირველად იგრძნო. მამაკაცი, რომელიც 1985 წელს ქალის მკვლელობისთვის გაასამართლეს და სიკვდილით დასჯა მიუსაჯეს, 28 სექტემბერს იუტის შტატში გირაოს სანაცვლოდ გაათავისუფლეს. გადაწყვეტილებას წინ უძღოდა ახალი გენეტიკური ექსპერტიზა, რომელმაც კარტერი დანაშაულის ადგილზე აღმოჩენილ მნიშვნელოვან ბიოლოგიურ კვალთან ვერ დააკავშირა.კარტერის საქმე წლების განმავლობაში ერთ-ერთ ყველაზე ხანგრძლივ სამართლებრივ პროცესად იქცა იუტაში. მას შემდეგ, რაც 2025 წელს შტატის უზენაესმა სასამართლომ მისი თავდაპირველი განაჩენი გააუქმა და ახალი სასამართლო პროცესი დანიშნა, საქმეში კიდევ ერთი მნიშვნელოვანი შემობრუნება მოხდა — ახალმა დნმ-ანალიზმა კარტერი რამდენიმე საკვანძო ნიმუშიდან გამორიცხა.მკვლელობა, რომელმაც კარტერის სიცოცხლე შეცვალა1985 წლის 27 თებერვალს 57 წლის ევა ოლეზენის ცხედარი მისმა მეუღლემ, ორლა ოლეზენმა, პროვოში, საკუთარ სახლში აღმოაჩინა.ქალს ხელები ზურგს უკან ჰქონდა შეკრული, ტანსაცმელი წელის ქვემოთ გახდილი, სხეულზე კი ათი ჭრილობა აღენიშნებოდა. მას ასევე ცეცხლსასროლი იარაღით თავის უკანა ნაწილში ესროლეს.გამომძიებლებმა დანაშაულის ადგილზე სხვადასხვა კვალი აღმოაჩინეს, მათ შორის თითის ანაბეჭდები, თმის ბოჭკო, ტყვიის ფრაგმენტი და სისხლიანი ბალიშიდან აღებული დენთის ნაწილაკი. თუმცა თავდაპირველი გამოძიების დროს არც ერთი ფიზიკური მტკიცებულება არ აკავშირებდა ამ მასალას უშუალოდ დუგლას კარტერთან.მიუხედავად ამისა, კარტერი ეჭვმიტანილთა შორის აღმოჩნდა. პოლიციამ მასთან დაკითხვა ჩაატარა, ხოლო მოგვიანებით მამაკაცმა მკვლელობასთან დაკავშირებული აღიარება გააკეთა.კარტერი დღემდე ამტკიცებს, რომ ეს აღიარება ზეწოლის შედეგად მისცა.ორი მოწმე, რომელთა ჩვენებებმაც საქმე შეცვალაკარტერის წინააღმდეგ მნიშვნელოვანი აღმოჩნდა ცოლ-ქმრის — ეპიფანიო და ლუსია ტოვარების — ჩვენებები.ისინი აცხადებდნენ, რომ კარტერმა მათ მკვლელობის შესახებ უამბო და დანაშაულის დეტალებიც აღწერა. სწორედ მისი აღიარება და ტოვარების ჩვენებები გახდა იმ საქმის მთავარი საფუძველი, რომლის შედეგადაც კარტერი 1985 წელს დამნაშავედ ცნეს და სიკვდილით დასჯა მიუსაჯეს.მოგვიანებით კი ამ ორი მოწმის ჩვენებების სანდოობას სერიოზული კითხვები გაუჩნდა.2011 წელს ტოვარებმა განაცხადეს, რომ გამოძიების პროცესში მათზე ზეწოლა ხორციელდებოდა. მათი თქმით, პოლიციამ მათ ფინანსური დახმარება გაუწია, აიძულა გარკვეული ინფორმაციის დამალვა და ემუქრებოდა დეპორტაციითა და შვილის დაკარგვით.იუტის უზენაესი სასამართლოს 2025 წლის გადაწყვეტილებაში დეტალურად არის აღწერილი, რომ ქვედა ინსტანციის სასამართლომ დაადგინა პოლიციისა და პროკურატურის მხრიდან მტკიცებულებების დამალვის, ცრუ ჩვენების ხელშეწყობისა და მოწმეებზე ზეწოლის ფაქტები. უზენაესმა სასამართლომ ეს შეფასებები ძალაში დატოვა და დაასკვნა, რომ დარღვევებმა კარტერის როგორც გასამართლებაზე, ისე სასჯელის განსაზღვრაზე იმოქმედა.უზენაესმა სასამართლომ განაჩენი გააუქმა2025 წლის მაისში იუტის უზენაესმა სასამართლომ კარტერის საქმე განიხილა და დაადგინა, რომ მის თავდაპირველ პროცესში არაერთი კონსტიტუციური დარღვევა იყო.სასამართლოს გადაწყვეტილების თანახმად, სახელმწიფომ დაცვისთვის ხელსაყრელი ინფორმაცია დამალა, პროკურორმა კი სასამართლოში წარმოდგენილი სულ მცირე ერთი მცდარი ჩვენების შესახებ იცოდა და მისი შესწორება არ უზრუნველყო.სასამართლომ ასევე აღნიშნა, რომ საქმის მასალებში გამოვლენილი დარღვევები იმდენად მნიშვნელოვანი იყო, რომ მათ გავლენა მოახდინეს როგორც კარტერის დამნაშავედ ცნობაზე, ისე მისთვის სიკვდილით დასჯის შეფარდებაზე.შედეგად, უზენაესმა სასამართლომ ძალაში დატოვა ქვედა სასამართლოს გადაწყვეტილება — კარტერის მსჯავრისა და სასჯელის გაუქმებისა და ახალი სასამართლო პროცესის ჩატარების შესახებ.დაცვის ვერსიით, სხვა ეჭვმიტანილებიც არსებობდნენკარტერის ადვოკატები წლების განმავლობაში მიუთითებდნენ სხვა გარემოებებზეც, რომლებიც, მათი შეფასებით, სათანადოდ არ იქნა გამოძიებული.დაცვის მხარის განცხადებით, მკვლელობის ადგილიდან თეთრკანიანი მამაკაცი დაინახეს, რომელიც შემთხვევის ადგილს ტოვებდა.ადვოკატები ასევე ამტკიცებდნენ, რომ გამოძიებამ სათანადო ყურადღება არ მიაქცია ევა ოლეზენის მეუღლეს, ორლა ოლეზენს.კარტერის დაცვის მხარის ვერსიით, გამომძიებლებს გარკვეულ ეტაპზე ეჭვი ოლეზენის მეუღლეზეც ჰქონდათ, თუმცა პოლიციის ერთ-ერთმა თანამშრომელმა მისი დაკავებისგან თავი შეიკავა და განაცხადა, რომ გამოძიების გაგრძელება სურდა.ეს გარემოებები დაცვის მხარის არგუმენტებია და თავად არ წარმოადგენს სასამართლოს მიერ დადგენილ ფაქტს კარტერის უდანაშაულობის ან სხვა პირის ბრალეულობის შესახებ.ახალი დნმ-ტესტი — კიდევ ერთი გარდამტეხი მომენტისაქმეში ყველაზე ახალი მნიშვნელოვანი განვითარება 2026 წლის სექტემბერში მოხდა.იუტის შტატის კრიმინალისტიკის ლაბორატორიამ ძველი მტკიცებულებების ახალი გენეტიკური ანალიზი ჩაატარა. კვლევის შედეგად კარტერი გამოირიცხა, როგორც სისხლის შესაძლო წყარო, რომელიც დანაშაულის ადგილზე კარის სახელურზე იყო აღმოჩენილი.ასევე გამოიკვლიეს გენეტიკური მასალა დანაშაულის იარაღზე — დანით, რომლითაც ოლეზენი დაჭრეს. ამ ნიმუშშიც კარტერის შესაბამისობა არ აღმოჩნდა.ახალი მონაცემების მიღების შემდეგ იუტის ოლქის პროკურატურამ სასამართლოს აცნობა, რომ აღარ აპირებდა კარტერისთვის სიკვდილით დასჯის მოთხოვნას.თუმცა პროკურორმა ჯეფრი გრეიმ ხაზი გაუსვა, რომ დნმ-ის შედეგები ავტომატურად არ ნიშნავს კარტერის უდანაშაულობის დადგენას. მისი თქმით, გამოძიებამ საქმის სხვა მტკიცებულებები ხელახლა უნდა შეაფასოს. მათ შორის რჩება კარტერის მიერ ხელმოწერილი აღიარება, რომელსაც თავად კარტერი იძულებით მიღებულად მიიჩნევს.41 წლის შემდეგ — კარტერი ციხიდან გამოვიდა28 სექტემბერს დუგლას კარტერისთვის კიდევ ერთი ისტორიული დღე დადგა.იუტის მეოთხე ოლქის სასამართლოს მოსამართლე დერეკ პულანმა მისი გირაოს სანაცვლოდ გათავისუფლების გადაწყვეტილება მიიღო. კარტერს ელექტრონული მონიტორინგის მოწყობილობის — GPS-სამაჯურის — ტარება მოუწევს და მას ევა ოლეზენის ოჯახის წევრებთან კონტაქტი აეკრძალა.მოსამართლემ გადაწყვეტილების მიღებისას გაითვალისწინა როგორც კარტერის ხანგრძლივი პატიმრობა, ისე ახალი გენეტიკური მტკიცებულებები.ოლეზენის ოჯახი მის გათავისუფლებას ეწინააღმდეგებოდა და აცხადებდა, რომ ახალი DNA-შედეგები ჯერ კიდევ არ ნიშნავს, რომ კარტერი მკვლელობაში უდანაშაულოა. ოჯახისთვის ეს საქმე ოთხი ათწლეულის შემდეგ კვლავ გაურკვევლობისა და მძიმე ემოციური განცდების წყაროდ რჩება.კარტერი კი სასამართლოს გადაწყვეტილების შემდეგ ციხიდან გამოვიდა — ხელში თავისი ნივთებით სავსე ურიკა ეჭირა. მისი ადვოკატების თქმით, ამ ნივთებში შედიოდა ათწლეულების განმავლობაში დაგროვილი იურიდიული დოკუმენტებიც, რომლებიც კარტერის მცდელობებს ასახავს, დაემტკიცებინა, რომ მკვლელობა არ ჩაუდენია.სასამართლო ბრძოლა ჯერ არ დასრულებულაკარტერის გათავისუფლება საქმის დასასრულს არ ნიშნავს.ახალი სასამართლო პროცესი 2027 წლის ივლისშია დაგეგმილი და რვა კვირამდე გაგრძელება იგეგმება. ამასთან, პროკურატურამ უკვე მოხსნა სიკვდილით დასჯის მოთხოვნა და განაცხადა, რომ ახალი მტკიცებულებების ფონზე საქმეს ხელახლა აფასებს. ნოემბერში კი დაგეგმილია დამატებითი სასამართლო განხილვა, რომლის ფარგლებშიც საქმის შემდგომი ბედი უნდა გაირკვეს.ამრიგად, დუგლას კარტერის ისტორია ჯერ კიდევ არ დასრულებულა: მამაკაცი, რომელმაც 41 წელი გაატარა პატიმრობაში, მათ შორის ათწლეულები სიკვდილით დასჯის მოლოდინში, ახლა თავისუფალია, თუმცა სასამართლო პროცესი წინ ელის.დნმ-მა  დანაშაულის ადგილზე აღმოჩენილ რამდენიმე მნიშვნელოვან ბიოლოგიურ კვალს ვერ დაუკავშირა, მაგრამ საბოლოო პასუხი იმაზე, რა მოხდა ევა ოლეზენის მკვლელობის დღეს და ვინ არის პასუხისმგებელი მის სიკვდილზე, სასამართლოსა და გამოძიების წინაშე კვლავ ღია საკითხად რჩება.

მსოფლიო • 1790678932

დიდ ბრიტანეთში ფულის გათეთრების, ყალბი აღრიცხვისა და გადასახადებისგან თავის არიდების ბრალდებით 17 პირი დააკავეს

დიდ ბრიტანეთში ფულის გათეთრების, ყალბი აღრიცხვისა და გადასახადებისგან თავის არიდების ბრალდებით 17 პირი დააკავეს.გამოცემა „როიტერის“ ცნობით, მასშტაბურ ოპერაციაში მონაწილეობას 800 ოფიცერი და ფინანსური მარეგულირებელი ორგანო იღებდა.პოლიციის განცხადებით, რამდენიმეთვიანი გამოძიების ფარგლებში ფინანსური ორგანო შვიდი ფირმის წინააღმდეგ ზომებს იღებს, ამასთან, იძებნება 30 პირი.ჩხრეკა ლონდონში, სამხრეთ-აღმოსავლეთ და აღმოსავლეთ ინგლისში 29 სექტემბერს ჩატარდა.„სქაი ნიუსის“ ინფორმაციით, ოპერაციის დროს ერთი პოლიციელი ფეხში დაჭრეს.

კრიმინალი • 1790603394

ვითარება გრიგოლ რობაქიძის უნივერსიტეტთან, სადაც ახალგაზრდა დაჭრეს - ახალი დეტალები

თბილისში, ახალგაზრდა მამაკაცი დაჭრეს. შემთხვევა ირინა ენუქიძის ქუჩაზე, გრიგოლ რობაქიძის უნივერსიტეტის მიმდებარედ მოხდა.არსებული ინფორმაციით, დაშავებული სასწრაფო დახმარების ჯგუფმა კლინიკაში გადაიყვანა. მის სიცოცხლეს საფრთხე არ ემუქრება.როგორც სტუდენტები და უნივერსიტეტის ადმინისტრაცია აცხადებს, ფაქტი ძალიან სწრაფად მოხდა. როგორც ცნობილია დაზარალებულსა და ბრალდებულს შორის ჩხუბი გარეთ დაიწყო. დაჭრა მანამდე დაწყებულ კონფლიქტს უკავშირდება. ცნობილია ასევე, რომ დაჭრაში ბრალდებული უნივერსიტეტის სტუდენტი არაა. დაზარალებული კი ამ სასწავლებელში სწავლობს.მომხდარზე გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.

კრიმინალი • 1790601209

თბილისში ახალგაზრდა მამაკაცი დაჭრეს

თბილისში, ახალგაზრდა მამაკაცი დაჭრეს. ფაქტი გრიგოლ რობაქიძის უნივერსიტეტის მიმდებარედ მოხდა. არსებული ინფორმაციით, დაშავებული სასწრაფო დახმარების ჯგუფმა კლინიკაში გადაიყვანა.მომხდარზე გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.

კრიმინალი • 1789367665

ზუგდიდში ახალგაზრდა ბიჭი დაჭრეს - რა დეტალებია ცნობილი

ზუგდიდის მუნიციპალიტეტის სოფელ ინგირში, ერთ-ერთი რესტორნის მიმდებარე ტერიტორიაზე  ადგილობრივებს შორის შელაპარაკება სისხლიან დაპირისპირებაში გადაიზარდა.არსებული ინფორმაციით, ერთ-ერთმა ახალგაზრდამ მეორეს ჭრილობები მიაყენა.ახალგაზრდა მამაკაცს ჭრილობები სავარაუდოდ,  დანით აქვს მიყენებული.იგი კლინიკაშია გადაყვანილი.როგორც პრაიმტაიმს  შსს-ში განუცხადეს, ფაქტზე გამოძიება სსკ-ის 19-108-ე მუხლით დაიწყო, რაც განზრახ მკვლელობის მცდელობას გულისხმობს.უწყების ცნობით, სამართალდამცავების მიერ  მიმდინარეობს აქტიური საგამოძიებო მოქმედებები.

მსოფლიო • 1788787620

„ახალშობილს 15 ჭრილობა ჰქონდა“ - 20 წლის დედა და მისი შყვარებულის ოჯახი ჩვილის მკვლელობისთვის გაასამართლეს

დიდ ბრიტანეთში, შეფილდში, ახალშობილი გოგონას მკვლელობის საქმეზე ოთხ ადამიანს, მათ შორის ბავშვის დედასა და მისი შეყვარებულის მშობლებს, ბრალი წაუყენეს.ბავშვი, რომლის ვინაობაც იურიდიული მიზეზების გამო არ სახელდება და სასამართლო დოკუმენტებში მხოლოდ „ბეიბი ს.“-დ არის მოხსენიებული, 30 აგვისტოს, დილის დაახლოებით 6 საათზე, ქალაქის ვინკობანკის რაიონში მდებარე ერთ-ერთ სახლში გარდაცვლილი იპოვეს.გამოძიების ინფორმაციით, ახალშობილი გოგონა აბაზანაში დანით დაახლოებით 15-ჯერ დაჭრეს. შემდეგ ბავშვის ცხედარი პირსახოცში გაახვიეს, ლურჯ ჩანთაში მოათავსეს და დამხმარე შენობაში, სარეცხ მანქანაზე დატოვეს.ბავშვის დედას, 20 წლის ანდრეა სკოპოვას, ჩვილის მკვლელობაში ედება ბრალი. იმავე ბრალდებით სასამართლოს წინაშე წარდგნენ 19 წლის პიტერ ჰორვატ უმცროსი, მისი 37 წლის დედა ნინა ჰორვატოვა და 38 წლის მამა პიტერ ჰორვატ უფროსი.ოთხივე მათგანს ასევე ბრალი ედება ბავშვის სიკვდილის გამოწვევაში ან დაშვებაში, ასევე მართლმსაჯულებისთვის ხელის შეშლაში. კერძოდ, დანაშაულის კვალისა და შემთხვევის ადგილის დამალვაში.სასამართლოში ასევე წარდგა 15 წლის გოგონა, რომლის ვინაობაც ასაკისა და სამართლებრივი დაცვის გამო არ სახელდება. მას მართლმსაჯულებისთვის ხელის შეშლის ბრალდება წაუყენეს.სასამართლოზე ცნობილი გახდა, რომ ყველა ბრალდებული სლოვაკეთის მოქალაქეა და მათ თარჯიმნის დახმარება დასჭირდათ. სასამართლომ ოთხივე ძირითადი ბრალდებული წინასწარ პატიმრობაში დატოვა.პროკურორ ჰოპკინსონის განცხადებით, ბავშვი 30 აგვისტოს, გამთენიისას, ჰოლიველ ჰაითსის რაიონში დაიბადა.მისივე თქმით, სკოპოვამ ორსულობის 37-ე კვირაზე იმშობიარა, რის შემდეგაც იგი საავადმყოფოში გადაიყვანეს.სამედიცინო პერსონალმა პოლიციას დილის 5 საათის შემდეგ შეატყობინა, რომ ახალგაზრდა ქალი სამშობიარო კლინიკაში ბავშვის გარეშე მივიდა. სამართალდამცველები მითითებულ მისამართზე მივიდნენ, თუმცა ჩვილი იქ ვერ იპოვეს. ამის შემდეგ პოლიციამ ჰოლიველ ჰაითსში მდებარე სხვა მისამართის შემოწმება გადაწყვიტა.„როდესაც პოლიცია მივიდა, მათ ბავშვი დამხმარე შენობაში, სარეცხ მანქანაზე იპოვეს. ჩვილი პირსახოცში იყო გახვეული და ლურჯ ჩანთაში მოთავსებული. ბავშვი გარდაცვლილი იყო“,- განაცხადა ჰოპკინსონმა სასამართლოზე.საქმეზე გამოძიება გრძელდება. მკვლელობაში ეჭვმიტანილი კიდევ ორი ქალი, 26 და 37 წლის, ამ ეტაპზე გირაოს საფუძველზე გაათავისუფლეს.

მსოფლიო • 1788546060

ტენესიში კრისტა პაიკის სიკვდილით დასჯისთვის ემზადებიან - ეს შტატში ქალის სიკვდილით დასჯის პირველი შემთხვევა იქნება 1819 წლის შემდეგ

ტენესი 1819 წლის შემდეგ პირველი ქალის, კრისტა პაიკის სიკვდილით დასჯისთვის ემზადება. სექტემბრის ბოლოს აშშ-ის შტატი, ტენესი, კრისტა პაიკისთვის სიკვდილით დასჯის განაჩენის აღსრულებას გეგმავს. ეს შტატში ქალის სიკვდილით დასჯის პირველი შემთხვევა იქნება 1819 წლის შემდეგ.მისმა საქმემ ადამიანის უფლებათა დამცველებისა და ექსპერტების ყურადღება მიიპყრო, რომლებიც ამას ამერიკული სასამართლო სისტემის ხარვეზების ნიშნად მიიჩნევენ.პაიკს 1996 წელს სიკვდილით დასჯა მიესაჯა 19 წლის კოლინ სლემერის სასტიკი მკვლელობისთვის, რომელიც ერთი წლით ადრე ჩაიდინა. დანაშაულის ჩადენის დროს ის 18 წლის იყო. მან და მისმა თანამზრახველებმა მსხვერპლი ტყეში შეიტყუეს, სადაც ნახევარი საათის განმავლობაში სცემეს და დანით დაჭრეს. მოგვიანებით პაიკმა მსხვერპლის თავის ქალის ფრაგმენტი ტროფეად შეინახა.პაიკის ადვოკატებმა გუბერნატორ ბილ ლისთან შეწყალების შუამდგომლობა შეიტანეს, მოთხოვნით, რომ მისი სიკვდილით დასჯა სამუდამო პატიმრობით შეეცვალათ. დაცვის მხარის მთავარი არგუმენტია მსჯავრდადებულის რთული ბავშვობა, რომელიც სავსე იყო სექსუალური და ფიზიკური ძალადობით და დიაგნოზირებული ფსიქიკური აშლილობით. ფსიქოლოგები ამტკიცებენ, რომ მისი ტვინი 18 წლის ასაკში ჯერ კიდევ არ იყო სრულად განვითარებული და ტრავმულმა გამოცდილებამ ის უკიდურესად დაუცველი გახადა.გარდა ამისა, იურიდიული ჯგუფი მიუთითებს პროცედურულ დარღვევებზე მისი პირველი სასამართლო პროცესის დროს: მისმა ადვოკატმა ვერ წარმოადგინა შემამსუბუქებელი გარემოებები, რომლებსაც შეეძლოთ გავლენა მოეხდინათ მის სასჯელზე.პაიკი ამტკიცებს, რომ მხოლოდ მამაკაცებისგან შემდგარი სასჯელაღსრულების რაზმის მიერ სიკვდილით დასჯამ შესაძლოა მისთვის დამატებითი ტანჯვა გამოიწვიოს ბავშვობაში განცდილი ძალადობის გამო.

პოლიტიკა • 1787558146

დავით ქართველიშვილი: ჰარვარდის ქართველოლოგიის პროგრამა და სამეცნიერო კვლევები გარე ლობისტების მიერ ძალაუფლებისთვის ბრძოლაში “სახარჯ მასალად“ იქნა გამოყენებული

პარტია „ხალხის ძალის“ წევრი დავით ქართველიშვილი სოციალური ქსელით ეხმიანება ჰარვარდის უნივერსიტეტის დეივისის ცენტრში არსებული ქართველოლოგიის პროგრამის საქართველოს განათლების სამინისტროს მხრიდან დაპაუზებას და დეტალურად განმარტავს, თუ რა გახდა ამ პროგრამის დაპაუზების მიზეზი.მისი თქმით, ჰარვარდის უნივერსიტეტის დეივისის ცენტრში არსებული ქართველოლოგიის პროგრამა, რადიკალური ოპოზიციის და მათი ლობისტების საკურატორო პატრონაჟით, იქცა ჰიბრიდული მორიგი ზეწოლის საზღვარგარეთულ ფორპოსტად, რომელიც მმართველი პარტიის სისტემურ დელეგიტიმაციაზე მუშაობდა.„არ მინდა შეუმჩნეველი დარჩეს რადიკალური ოპოზიციის ეს მორიგი სპეცოპერაცია მოქმედი ხელისუფლების წინააღმდეგ. მართალია, ის თითქმის შეუმჩნეველი დარჩა ფართო საზოგადოებისთვის, მიუხედავად ილიაუნის ცალკეული წარმომადგენლების მცდელობისა, რეზონანსული ხასიათი მიცემოდა ამ ყველაფერს, მაგრამ ჩვენ მაინც ვუპასუხოთ ამ ბრალდებებს. საუბარი მიდის ჰარვარდის უნივერსიტეტში ქართველოლოგიის პროგრამის „დაპაუზებაზე“. მოვლენის არსში გასარკვევად საჭიროა მოკლე ისტორიული ექსკურსი: ჰარვარდის უნივერსიტეტის დევისის ცენტრში ქართველოლოგიის კვლევითი პროგრამა 2022 წლის დასაწყისში, საქართველოს მთავრობის ინიციატივითა და სახელმწიფო ბიუჯეტიდან დაახლოებით 2,3 მილიონი დოლარის გამოყოფით ამოქმედდა. თუმცა, მისი არსებობის რამდენიმე წლის განმავლობაში, პლატფორმის აკადემიური შინაარსი და ექსპერტული ანალიტიკა სრულად (!) აღმოჩნდა საქართველოს რადიკალურ ოპოზიციასთან და მის გარე ლობისტებთან აფილირებული სტრუქტურებისა და სპიკერების კონტროლქვეშ. ეს არის უტყუარი ფაქტი, რომლის უარყოფა ყველაზე ანგაჟირებულ სკეპტიკოსსაც გაუჭირდება.ფაქტობრივად, სახელმწიფო სახსრებით, რადიკალური ოპოზიციის და მათი ლობისტების საკურატორო პატრონაჟით, შეიქმნა ჰიბრიდული მორიგი ზეწოლის საზღვარგარეთული ფორპოსტი, რომელიც „დამოუკიდებელი ამერიკული მეცნიერების“ აბრის ქვეშ მმართველი პარტიის სისტემურ დელეგიტიმაციაზე მუშაობდა. 2026 წელს პროგრამის შეჩერება ამ ძალების მიერ დაგეგმილი საინფორმაციო სპეცოპერაციის ფინალური ფაზა გახდა. პროგრამის ხელმძღვანელობა და მის ზურგს უკან მდგომი ლობისტური ჯგუფები დაგეგმილ და მიზანმიმართულ დემარშზე შეგნებულად წავიდნენ: მათ დემონსტრაციულად უგულებელყვეს საქართველოს განათლების სამინისტროს კანონიერი მოთხოვნები დეტალური ფინანსური ანგარიშგებისა და ხარჯთაღრიცხვის წარდგენის შესახებ.ამერიკული მხარის განზრახ მოუქნელობამ და ვადების ხელოვნურმა გაჭიანურებამ შექმნა იურიდიული ჩიხი, რის გამოც თბილისის სახელმწიფო სტრუქტურები, საბიუჯეტო კანონმდებლობიდან გამომდინარე, იძულებულნი გახდნენ, ტრანშები გაეყინათ. ამ ტაქტიკის მიზანმიმართულობა საქართველოს ხელისუფლებისთვის ხელოვნური მახის შექმნაში მდგომარეობდა. დაფინანსებაზე კანონიერი უარის პროვოცირებით, ლობისტურმა ქსელმა მომენტალურად სინქრონიზაცია გაუკეთა ოპოზიციურ მედიარესურსებს და დეზინფორმაციის ტალღა ააგორა, პროცედურული შეჩერება წარმოაჩინა, როგორც „თბილისის თავდასხმა ჰარვარდზე“ და „აშშ-სთან ურთიერთობების გაფუჭება“.ფაქტობრივად კი, ამ პროგრამას აიძულეს „კამიკაძის“ როლი შეესრულებინა: ის გამიზნულად და ცივი გონებით გაწირეს, რათა საერთაშორისო ასპარეზზე მთავრობის დისკრედიტაციისთვის ხმაურიანი საინფორმაციო საბაბი მიეღოთ. შედეგად, რადიკალურმა ოპოზიციამ და მისმა კურატორებმა ორმაგი ამოცანა გადაჭრეს. ერთი მხრივ, მათ თბილისი საინფორმაციო ორჭოფობაში მოაქციეს და საკუთარი საბიუჯეტო სამართლის დაცვის გამო თავისმართლების რეჟიმში ჩააყენეს, ხოლო მეორე მხრივ, შექმნეს მორიგი ხელოვნური საბაბი ბრალდებებისთვის, თითქოს ხდება „საქართველოს თვითიზოლაცია“. სამეცნიერო კვლევები და ქართველოლოგიის ინტერესები მსოფლიოს წამყვან უნივერსიტეტში გარე ლობისტების მიერ ძალაუფლებისთვის ბრძოლაში უბრალოდ სახარჯ მასალად იქნა გამოყენებული.ასე რომ, ყოველ მორიგ ჯერზე, ქვეყნის წინააღმდეგ მიმდინარე ჰიბრიდული ომის ფარგლებში გახსნილ ახალ ფრონტზე, როგორც მინიმუმ, ბრძოლის მიმდინარეობის კომფორტულ პირობებზე იმედი ნურავის ნუ ექნება: საკუთარ დაგებულ ნაღმზე თვითაფეთქების გარანტიას ვიძლევით ის ძალები, რომლებიც ობიექტურად ერკვევიან ნებისმიერ, რთულად გამოჩენილ ვითარებაში. დეზინფორმაციის ძირითადი მიზანი: ეს ხელისუფლება ქართველოლოგიის კვლევებს აჩერებს და, შესაბამისად, „რუსები“ არიან, ხოლო მეცენატი ივანიშვილი პროგრამას „არ აფინანსებს“ და, შესაბამისად, „რუსია“, შეუნახეთ თქვენს ერთუჯრედიან „ბაბლს“. გამოდით, „დაგასტუკეთ“ - ბუჩქებიდან ყურები გიჩანთ,“ - წერს დავით ქართველიშვილი.

მსოფლიო • 1787552950

საბერძნეთში, თავშესაფრის მაძიებელთა ცენტრში არეულობა მოხდა, დაკავებულია 17 ადამიანი

საბერძნეთის მუნიციპალიტეტ სინტიკის თავშესაფრის მაძიებელთა დროებით განთავსების ცენტრში მიგრანტებსა და პოლიციას შორის შეტაკება მოხდა, რის შედეგადაც ხუთი ადამიანი დაშავდა. ამის შესახებ ბერძნული მედია იუწყება.ინციდენტი სინტიკის მუნიციპალიტეტში მდებარე თავშესაფრის მაძიებელთა დროებით განთავსების დახურულ ცენტრში მოხდა. გავრცელებული ინფორმაციით, მიგრანტების ჯგუფმა პოლიციელებს ქვები დაუშინა. შემდეგ მათ მავთულხლართების ღობე გადაჭრეს და გაქცევა სცადეს. სამი ადამიანი ადგილზე, დაუყოვნებლივ დააკავეს. კიდევ 14 პირი ცოტა მოგვიანებით, იმავე რაიონში აღმოაჩინეს. ისინი ცენტრში დააბრუნეს.არეულობის დროს დაზიანდა ცენტრის შენობა და პოლიციის სამსახურებრივი ავტომობილი. დაშავდა ხუთი ადამიანი, მათგან სამი საავადმყოფოში გადაიყვანეს.ცნობისთვის, მანამდე საბერძნეთის პრემიერ-მინისტრმა, კირიაკოს მიცოტაკისმა ევროკავშირს მოუწოდა, კიდევ უფრო გაამკაცროს მიგრაციული პოლიტიკა და შემოიღოს „საგანგებო რეჟიმი“ მასობრივი მიგრაციული ზეწოლის შემთხვევებისთვის, როგორიცაა ესპანეთის ავტონომიურ ქალაქ სეუტაში განვითარებული ბოლო მოვლენები.

მსოფლიო • 1787256420

„ჯერ ესროლეს, შემდეგ მანქანაში ჩასვეს და ცეცხლი წაუკიდეს…“ - საქმეზე 3 ადამიანი დააკავეს (უცხოეთი)

აშშ-ში, ჯორჯიის შტატში, 36 წლის მამაკაცის მკვლელობის საქმე პოლიციამ მას შემდეგ გახსნა, რაც გზის პირას ცეცხლმოკიდებულ ავტომობილში მისი ცხედარი აღმოაჩინეს. თავდაპირველად სამართალდამცველები მხოლოდ დამწვარი მანქანის შესახებ შეტყობინებაზე მივიდნენ, თუმცა ადგილზე მისულებს ბევრად უფრო მძიმე სურათი დახვდათ.შემთხვევა 24 ივლისს მოხდა. თავდაპირველად შეიძლებოდა ეფიქრათ, რომ მამაკაცი ხანძარს ემსხვერპლა, თუმცა გამოძიებამ მალევე საპირისპირო აჩვენა.ჩატარებულმა გაკვეთამ დაადგინა, რომ მამაკაცი ცეცხლში არ დაღუპულა - მას ცეცხლის გაჩენამდე ცეცხლსასროლი იარაღით ესროლეს.გამოძიების ერთ-ერთი ყველაზე მნიშვნელოვანი მიმართულება სწორედ ავტომობილის დაწვას უკავშირდება. საქმის ფარგლებში ეჭვმიტანილებს ბრალი წაუყენეს, მათ შორის, მეორე ხარისხის განზრახ ცეცხლის წაკიდებაში, მტკიცებულებების ხელყოფასა და ადამიანის ნეშტის არასათანადო მოპყრობაში. ეს გარემოებები გამომძიებლებს აძლევს საფუძველს ივარაუდონ, რომ მანქანის დაწვა შესაძლოა მკვლელობის კვალის დასაფარად იყო გამოყენებული.საქმეში სამი ადამიანი ფიგურირებდა. ერთ-ერთი გაქცეული ეჭვმიტანილი საბოლოოდ პოლიციაში თავად მივიდა.რატომ მოკლეს მამაკაცი? - ეს კითხვა ამ ეტაპზე პასუხგაუცემელია.გამომძიებლებს ჯერ არ გაუსაჯაროებიათ მკვლელობის სავარაუდო მოტივი და არც ის დეტალები, თუ რა ურთიერთობა ჰქონდათ მამაკაცსა და საქმეში ბრალდებულ პირებს. ასევე უცნობია, ზუსტად როგორ განვითარდა მოვლენები იმ მომენტიდან, როდესაც მამაკაცი ცეცხლსასროლი იარაღით დაჭრეს, ავტომობილში მოათავსეს და მანქანას ცეცხლი წაუკიდეს.ერთი რამ კი უკვე დადასტურებულია - ხანძარი შემთხვევითი ტრაგედია არ ყოფილა.ამ დროისთვის სამივე ეჭვმიტანილი დაკავებულია, თუმცა საქმე ჯერ კიდევ აქტიური გამოძიების ეტაპზეა. საბოლოო გადაწყვეტილებას სასამართლო მიიღებს და ბრალდებულთა დამნაშავეობა სასამართლოს განაჩენამდე დადასტურებულად არ ითვლება.