დაჭრეს

(უცხოეთი) სექსუალური ძალადობა 11 წლის გოგოზე და შემზარავი მკვლელობა - გამოძიების დეტალები, რის გამოც, ცნობილ რეპერს სიკვდილით დასჯა ემუქრება

ამერიკელი მომღერლისა და რეპერის, d4vd-ის, რომლის ნამდვილი სახელია დევიდ ენტონი ბურკი, წინააღმდეგ მიმდინარე სისხლის სამართლის საქმეში პროკურატურა მძიმე ბრალდებებს აყენებს. გამოძიების მიხედვით, მუსიკოსს 14 წლის სელესტა რივას ერნანდესის მკვლელობაში, არასრულწლოვანზე სექსუალურ ძალადობასა და ცხედრის შეურაცხყოფაში ედება ბრალი.საქმე 2025 წლის გაზაფხულზე დაიწყო, როდესაც სელესტა რივას ერნანდესი გაუჩინარდა. მისი ცხედარი კი რამდენიმე თვის შემდეგ, ლოს-ანჯელესში, საჯარიმო ავტოსადგომზე გადაყვანილი Tesla-ს ავტომობილის საბარგულში აღმოაჩინეს. ავტომობილი d4vd-ს ეკუთვნოდა.გამოძიების მიხედვით, გოგონას გარდაცვალების სავარაუდო დრო 2025 წლის 23 აპრილია. ცხედარი კი მხოლოდ რამდენიმე თვის შემდეგ იპოვეს. პოლიციამ ავტომობილის მიმართ მას შემდეგ დაინტერესდა, რაც ის ჰოლივუდის მთებში მიტოვებული და გაჩერების წესების დარღვევით დატოვებული აღმოაჩინეს. ავტომობილის საჯარიმო სადგომზე გადაყვანის შემდეგ თანამშრომლებმა მანქანიდან მძაფრი სუნი იგრძნეს და პოლიციას შეატყობინეს.სელესტას იდენტიფიცირება რთული აღმოჩნდა. მისი ცხედარი მძიმე მდგომარეობაში იყო, თუმცა გამომძიებლებმა გოგონას ამოცნობა რამდენიმე მახასიათებლის, მათ შორის ტატუების, საფუძველზე შეძლეს.საქმის ერთ-ერთი ყველაზე შემაშფოთებელი დეტალი სელესტასა და მუსიკოსის ურთიერთობას უკავშირდება. პროკურატურის მტკიცებით, დევიდ ბურკი გოგონას მაშინ შეხვდა, როდესაც ის მხოლოდ 11 წლის იყო. მოგვიანებით, როდესაც სელესტა 13 წლის გახდა, მათ შორის სექსუალური ურთიერთობა დაიწყო. იმ პერიოდში ბურკი 18 წლის იყო.გამოძიების თანახმად, სელესტა მუსიკოსს ერთ-ერთი კონცერტის შემდეგ გაეცნო. ამის შემდეგ გოგონა მასთან დაახლოებული გახდა და გარკვეული პერიოდის განმავლობაში შესაძლოა მუსიკოსის გასტროლებშიც მონაწილეობდა.სელესტას ოჯახი ამ ურთიერთობას ეწინააღმდეგებოდა. გოგონას დედის განცხადებით, ის ცდილობდა ქალიშვილისა და უფროსი მამაკაცის კონტაქტის შეზღუდვას, თუმცა გოგონა სახლიდან გაქცევით იმუქრებოდა და საბოლოოდ მართლაც გაუჩინარდა.პროკურატურის ვერსიით, სელესტას მკვლელობას წინ უძღოდა კონფლიქტი. გამოძიება ვარაუდობს, რომ გოგონა მუსიკოსს მათი ურთიერთობის გამჟღავნებით ემუქრებოდა, რასაც, ბრალდების მხარის თანახმად, შესაძლოა ბურკის კარიერისთვის სერიოზული ზიანი მიეყენებინა.სასამართლოში წარმოდგენილი მასალების მიხედვით, პროკურატურა ამტკიცებს, რომ სელესტა მუსიკოსის საცხოვრებელში სასიკვდილოდ დაჭრეს. ბრალდების მხარის ვერსიით, ბურკმა გოგონას დახმარება არ აღმოუჩინა და მოგვიანებით მისი ცხედრის დამალვა სცადა.გამომძიებლების განცხადებით, სელესტას გაუჩინარების შემდეგ ბურკმა სხვადასხვა ნივთი შეიძინა, რომლებიც, მათი ვარაუდით, შესაძლოა ცხედრის დამალვასა და კვალის დაფარვას უკავშირდებოდეს. საქმის მასალებში საუბარია სპეციალურ ჩანთებზე, ხელსაწყოებსა და სხვა ნივთებზე.გამოძიების ყურადღების ცენტრშია ასევე ციფრული მტკიცებულებები და სატელეფონო მიმოწერა. პროკურატურის მტკიცებით, საქმეში არსებული შეტყობინებები სელესტასა და ბურკის ურთიერთობის შესახებ მნიშვნელოვან ინფორმაციას შეიცავს.საქმეში კიდევ ერთი მძიმე გარემოება გამოიკვეთა. გამოძიება იკვლევს არასრულწლოვანთან სექსუალური ძალადობის შესაძლო ფაქტებს. ბურკს ამ ნაწილშიც აქვს წაყენებული ბრალი.დევიდ ენტონი ბურკი ბრალს არ აღიარებს. მისი დაცვის მხარე აცხადებს, რომ მუსიკოსს სელესტას სიკვდილთან კავშირი არ აქვს და სასამართლოში ბრალდების ვერსიის გასაჩივრებას აპირებს.საქმის განხილვისას პროკურატურამ სასამართლოს მრავალი მტკიცებულება წარუდგინა, მათ შორის ციფრული მასალები, სატელეფონო კომუნიკაცია და ნივთები, რომლებიც, გამოძიების შეფასებით, შესაძლოა მკვლელობის შემდეგ კვალის დაფარვას უკავშირდებოდეს.სასამართლო პროცესი გრძელდება. დევიდ ენტონი ბურკის საბოლოო დამნაშავედ ცნობა მხოლოდ სასამართლოს გადაწყვეტილებით იქნება შესაძლებელი.თუ მისი დანაშაული დამტკიცდა, მას განსაკუთრებით მძიმე სასჯელი ემუქრება, მათ შორის ხანგრძლივი ან უვადო პატიმრობა. პროკურატურა ასევე განიხილავს სიკვდილით დასჯის მოთხოვნის შესაძლებლობას.სელესტა რივას ერნანდესის ოჯახის წევრები ამ დრომდე სამართლიანობის აღსრულებას ელოდებიან. საქმის სასამართლო განხილვა კი შესაძლოა ერთ-ერთ ყველაზე გახმაურებულ სისხლის სამართლის პროცესად იქცეს, რომელიც ბოლო წლებში ამერიკის მუსიკალურ ინდუსტრიას უკავშირდება.

მსოფლიო • 1785093423

მედიის ცნობით, ბერლინში, პრაიდის ღონისძიებაზე თავდასხმაში ეჭვმიტანილი პოლიციამ გაანეიტრალა

ბერლინში, პრაიდის ღონისძიებაზე ავტომობილით თავდასხმაში ეჭვმიტანილი პოლიციამ გაანეიტრალა.ამის შესახებ „სქაი ნიუსი“ ავრცელებს ინფორმაციას.მედიის ცნობით, 21 წლის აბდულ ბალუტი ბერლინის გარეუბან შპანდაუში თითქმის 24-საათიანი ძებნის შემდეგ სასიკვდილოდ დაჭრეს.ტერორისტულ აქტად შეფასებულ თავდასხმაში ეჭვმიტანილი ცივი იარაღით ხელში სამართალდამცველებისკენ გაიქცა, რის შემდეგაც პოლიციამ მის წინააღმდეგ ცეცხლსასროლი იარაღი გამოიყენა. ბერლინის სახანძრო-სამაშველო სამსახურმა მისი გადარჩენა რეანიმაციული პროცედურებით სცადა, თუმცა ეჭვმიტანილი ადგილზე დაიღუპა.პრაიდის ღონისძიებაზე თავდასხმის შემდეგ ეჭვმიტანილის დასაკავებლად მასშტაბური სამძებრო ოპერაცია მიმდინარეობდა, რომელშიც ასობით პოლიციელი იყო ჩართული. როგორც პოლიციაში განაცხადეს, გერმანიაში დაბადებული, ლიბანური წარმოშობის აბდულ ბალუტი, ბერლინის „ისლამისტურ წრეებს“ მიეკუთვნებოდა.ცნობისთვის, ბერლინში, ევროპის ერთ-ერთ ყველაზე მასშტაბურ პრაიდის ღონისძიებაზე ავტომობილი ხალხში შევარდა. ინციდენტი ქალაქის ცენტრალურ ნაწილში, ტიერგარტენის პარკის მიმდებარე ტერიტორიაზე მოხდა. თავდასხმის შედეგად ერთი ადამიანი დაიღუპა, ხოლო, სულ მცირე, 29 დაშავდა, მათგან რამდენიმე მძიმე მდგომარეობაშია.

საზოგადოება • 1784752203

როგორია ბათუმში დაჭრილი ახალგაზრდის მდგომარეობა

ბათუმში დაჭრილ ახალგაზრდა კაცს ოპერაცია ჩაუტარდა, მისი მდგომარეობა მძიმეა. კაცი რეანიმაციულ განყოფილებაში, მედიკოსების მეთვალყურეობის ქვეშ რჩება. ამის შესახებ ინფორმაციას „აჭარა თაიმსი“ ავრცელებს. „დასრულდა რამდენიმესაათიანი რთული ოპერაცია. პაციენტს მუცლის ღრუში სერიოზული დაზიანებები აღენიშნებოდა. ოპერაციის დასრულების შემდეგ მისი მდგომარეობა მძიმეა. კაცი რეანიმაციის განყოფილებაში გადაიყვანეს, სადაც ის მედიკოსების მეთვალყურეობის ქვეშ იმყოფება,“ – განაცხადეს კლინიკაში.ბათუმში, ფიროსმანის ქუჩაზე სროლის შედეგად 31 წლის კაცი დაჭრეს. მომხდარზე შინაგან საქმეთა სამინისტრომ გამოძიება სისხლის სამართლის კოდექსის 2 მუხლით დაიწყო - 19-108-ე (განზრახ მკვლელობის მცდელობა) და 108-236-ე (ცეცხლსასროლი იარაღის მართლსაწინააღმდეგო შეძენა-შენახვა-ტარება).

სამართალი • 1784739560

ბათუმში მომხდარზე შსს-მ გამოძიება დაიწყო

ბათუმში, ახალგაზრდა კაცის დაჭრის ფაქტზე, შინაგან საქმეთა სამინისტრომ გამოძიება სისხლის სამართლის კოდექსის 2 მუხლით დაიწყო - 19-108-ე (განზრახ მკვლელობის მცდელობა) და 108-236-ე (ცეცხლსასროლი იარაღის მართლსაწინააღმდეგო შეძენა-შენახვა-ტარება). ბათუმში, ფიროსმანის ქუჩაზე სროლის შედეგად 31 წლის კაცი დაჭრეს, რომელიც სასწრაფო სამედიცინო დახმარების ჯგუფმა კლინიკაში გადაიყვანა.თვითმხილველების თქმით, ახალგაზრდას უცნობმა პირმა, რომელიც მოპედით გადაადგილდებოდა, რამდენჯერმე ესროლა და გაიქცა.დაჭრილის მდგომარეობა ამ ეტაპზე უცნობია.

საზოგადოება • 1784357605

შინაგან საქმეთა სამინისტრო განცხადებას ავრცელებს

შინაგან საქმეთა სამინისტრო განცხადებას ავრცელებს. "გვსურს, გამოვეხმაუროთ ტელეკომპანია „პირველის“ გადაცემის ანონსში გავრცელებულ ინფორმაციას, რომელიც დუშეთის მუნიციპალიტეტში მომხდარ დაჭრის ფაქტს შეეხება.სიუჟეტში გაჟღერებული ინფორმაცია, თითქოს სამართალდამცველებმა უდანაშაულო პირს ძალის გამოყენებით აღიარებინეს დანაშაული, არ შეესაბამება სიმართლეს.საზოგადოების სრულყოფილად ინფორმირების მიზნით, განვმარტავთ საქმის ფაქტობრივ გარემოებებს:მიმდინარე წლის აპრილში, დუშეთის მუნიციპალიტეტში, ახალგაზრდა მამაკაცი ცივი იარაღის გამოყენებით დაჭრეს.აღნიშნულ სისხლის სამართლის საქმეზე მიმდინარე საგამოძიებო მოქმედებების ფარგლებში, დანაშაულის ადგილიდან დაახლოებით ორ კილომეტრში, პოლიციელებმა შეაჩერეს ნასვამ მდგომარეობაში მყოფი პირი, რომლის პირადი ჩხრეკის შედეგად ნივთმტკიცებად ამოიღეს დანა.აღნიშნული პირი პოლიციის განყოფილებაში გადაიყვანეს, სადაც მან დანაშაულის ჩადენა აღიარა. მის მიმართ გატარდა კანონით გათვალისწინებული საპროცესო ღონისძიებები, იგი ბრალდებულის სახით დააკავეს, ხოლო ამოღებულ ცივ იარაღზე დაინიშნა შესაბამისი ექსპერტიზა და გაგრძელდა საგამოძიებო მოქმედებები.გამოძიების მიმდინარეობისას, დაჭრის ფაქტიდან მეორე დღეს, დუშეთის პოლიციის სამმართველოში გამოცხადდა დაკავებული პირის ნაცნობი, რომელმაც განაცხადა, რომ აღნიშნული დანაშაული თავად ჩაიდინა. მან სამართალდამცველებს ასევე მიუთითა დანაშაულის ჩადენის იარაღის ადგილმდებარეობა.აღნიშნული პირის მიმართაც დაიწყო შესაბამისი საგამოძიებო მოქმედებები, მათ შორის დაინიშნა საჭირო ექსპერტიზები.ანონსში გაჟღერებული ინფორმაცია, თითქოს ექსპერტიზის დასკვნის მიუხედავად თავდაპირველად დაკავებული პირი კვლავ პატიმრობაში იმყოფებოდა, არ შეესაბამება სიმართლეს.საქმეზე დანიშნულ ექსპერტიზებზე დასკვნები ივლისის თვეში იქნა მიღებული, კერძოდ:1. ბიოლოგიური ექსპერტიზის დასკვნა (მათ შორის, ცივი იარაღის კვლევა) - 09.07.2026;2. მასალათა, ნაკეთობათა და მცენარეთა ექსპერტიზის დასკვნა (ტანსაცმელი, მიკრონაწილაკები) - 07.07.2026;3. დაზარალებულის სამედიცინო ექსპერტიზის დასკვნა - 03.07.2026.დანაშაულის ჩადენის იარაღზე - დანაზე - ჩატარებული ექსპერტიზის დასკვნის საფუძველზე, მოსამართლის განჩინებით, მეორე პირი ბრალდებულის სახით დააკავეს.ხაზგასმით აღვნიშნავთ, რომ საპროცესო ღონისძიებებისა და საგამოძიებო მოქმედებების მიმდინარეობისას სამართალდამცველების მხრიდან თავდაპირველად დაკავებული პირის მიმართ ძალადობას, იძულებას ან სხვა კანონსაწინააღმდეგო ქმედებას ადგილი არ ჰქონია. იგი თანამშრომლობდა გამოძიებასთან, სამართალდამცველების მიმართ რაიმე სახის პრეტენზია არ გამოუთქვამს და დანაშაულის ჩადენა სასამართლო პროცესზეც დაადასტურა. სწორედ აღნიშნული გარემოებების საფუძველზე, მის მიმართ დაიწყო სისხლისსამართლებრივი დევნა ცრუ ინფორმაციის მიწოდების ფაქტზე. შემდგომ, მხარეებს შორის გაფორმდა საპროცესო შეთანხმება, რის საფუძველზეც მან პენიტენციური დაწესებულება დატოვა.ასევე, განვმარტავთ, რომ თავდაპირველად მან უარი განაცხადა ადვოკატის მომსახურებაზე, ხოლო მისი ინტერესების დაცვა ადვოკატმა მხოლოდ ივნისის თვიდან დაიწყო",- ნათქვამია განცხადებაში.

სამართალი • 1784269714

თბილისში ორი ადამიანი დაჭრეს - რა ინფორმაციას აქვეყნებს შსს

შინაგან საქმეთა სამინისტროს თბილისის პოლიციის დეპარტამენტის ისანი-სამგორის მთავარი სამმართველოს თანამშრომლებმა, ორი პირის მიმართ ჩადენილი ჯანმრთელობის განზრახ მძიმე დაზიანების ბრალდებით, ერთი პირი დააკავეს.უწყების ცნობით, გამოძიებით დადგინდა, რომ წარსულში არსებული კონფლიქტის ნიადაგზე დაწყებული ურთიერთშელაპარაკებისას, ბრალდებულმა ცივი იარაღის გამოყენებით ორი პირი დაჭრა და შემთხვევის ადგილიდან მიიმალა.„დაშავებულები შესაბამისი სამედიცინო დახმარების გაწევის მიზნით კლინიკაში გადაიყვანეს.სამართალდამცველებმა, ცხელ კვალზე ჩატარებული საგამოძიებო მოქმედებების შედეგად, დანაშაულის ჩამდენი პირი ბრალდებულის სახით დააკავეს. პოლიციამ დანაშაულის ჩადენის იარაღი - დანა, ნივთმტკიცებად ამოიღო.გამოძიება სისხლის სამართლის კოდექსის 117-ე მუხლის მე-3 ნაწილით მიმდინარეობს, რაც 13 წლამდე ვადით თავისუფლების აღკვეთას ითვალისწინებს", - აღნიშნულია უწყების მიერ გავრცელებულ განცხადებაში.

კრიმინალი • 1783770258

თელავში 17 წლის ბიჭი დაჭრეს

თელავში 17 წლის არასრულწლოვანი დაჭრესშემთხვევა გვიან ღამით, ალაზნის გამზირზე მოხდა.ადგილობრივების ინფორმაციით, კონფლიქტი საცხოვრებელი კორპუსის სადარბაზოში დაიწყო.დაპირისპირებდე, კორპუსის ერთ- ერთმა მცხოვრებმა ახალგაზრდებს შენიშვნა მისცა, რასაც ჯერ სიტყვიერი შელაპარაკება და შემდეგ ფიზიკური დაპირისპირება მოჰყვა.ინციდენტის დროს ერთ-ერთმა პირმა მეორე ცივი იარაღით, ყელის არეში დაჭრა.არასრულწლოვანი თელავის რეფერალურ საავადმყოფოში გადაიყვანეს, სადაც მას შესაბამისი სამედიცინო დახმარება გაეწია. გამოძიება სისხლის სამართლის კოდექსის 118-ე და 126-ე მუხლებით მიმდინარეობს, რაც ოთხ წლამდე ვადით თავისუფლების აღკვეთას ითვალისწინებს.

სამართალი • 1783235603

დაჭრა ვაშლიჯვარში - 2 ადამიანი კლინიკაშია გადაყვანილი

ვაშლიჯვარში ორი ადამიანი დაჭრეს. გავრცელებული ინფორმაციით, ისინი გადაყვანილი არიან კლინიკაში და მათ სიცოცხლეს საფრთხე არ ემუქრება.გამოძიება სისხლის სამართლის კოდექსის 117-ე და 236-ე მუხლებით მიმდინარეობს, რაც ჯანმრთელობის განზრახ მძიმე დაზიანებასა და ცეცხლსასროლი იარაღის მართლსაწინააღმდეგოი შეძენა-შენახვა-ტარებას გულისხმობს. დანაშაული 13 წლამდწ პატიმრობას ითვალისწინებს.

სამართალი • 1781613420

„კარგი ადამიანი იყო, კონფლიქტური არ ყოფილა” - მეზობლები თბილისში, ქურდიანის ქუჩაზე მომხდარი მკვლელობის შესახებ საუბრობენ

თბილისში, ქურდიანის ქუჩაზე ერთი ადამიანი მოკლეს და ერთი დაჭრეს. არსებული ინფორმაციით, დაღუპული ახალგაზრდა მამაკაცი, მეშვიდე სართულიდან გადმოაგდეს.მეზობლების თქმით, რამდენიმე გასროლის ხმა გაიგეს. მათი ინფორმაციით, მკვლელობა გარდაცვლილი ახალგაზრდა კაცის სახლში მოხდა.დაჭრილია გარდაცვლილის მეგობარი, რომელიც ველიჯანაშვილი გლობალმედის კლინიკაში გულ-მკერდისა და ფეხის არეში, 2 ცეცხლნასროლი ჭრილობით შეიყვანეს. მას ოპერაცია ჩაუტარდა.ადგილობრივების თქმით, გარდაცვლილი კარგი პიროვნება იყო და მანამდე არავისთან ჰქონია კონფლიქტი.„ჩხუბის ხმა ისმოდა, რის გამოც ხალხი იყო გამოსული...”, - განაცხადა ერთ-ერთმა მეზობელმა.შსს-მ გამოძიება 236-ე და 19-109-ე მუხლებით დაიწყო, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებასა და ორი ან მეტი პირის მიმართ დამამძიმებელ გარემოებებში ჩადენილი განზრახ მკვლელობის მცდელობას გულისხმობს.როგორც უწყებაში განმარტავენ, სამართალდამცველების მიერ ინციდენტში მონაწილე ყველა პირი იდენტიფიცირებულია და პოლიციის განყოფილებაში იმყოფება.

კულტურა • 1779709685

ეიფელის კოშკის ნაწილი აუქციონზე გაიყიდა

ეიფელის კოშკის ნაწილი აუქციონზე თითქმის 450 ათას ევროდ გაიყიდა. საუბარია კოშკის ისტორიული კიბის ფრაგმენტზე -14-საფეხურიან სექციაზე, რომლის სიმაღლე დაახლოებით 2,7 მეტრია, ხოლო წონა თითქმის 1,4 ტონას შეადგენს. ეს ნაწილი ნაგებობის მეორე და მესამე დონეებს აკავშირებდა. სწორედ ამ კიბით ადიოდნენ 1889 წლის მსოფლიო გამოფენის სტუმრები, რომლისთვისაც ინჟინერმა გუსტავ ეიფელმა თავისი კოშკი დააპროექტა, რაც მოგვიანებით პარიზის სიმბოლოდ იქცა.1983 წელს კოშკის მეორე და მესამე დონეებს შორის არსებული კიბის დემონტაჟი განახორციელეს, რადგან ის ზედმეტად სახიფათოდ მიიჩნიეს და თანამედროვე ლიფტებით შეცვალეს. ამის შემდეგ კონსტრუქცია 24 ნაწილად დაჭრეს. დღეს მისი ცალკეული ფრაგმენტები ნიუ-იორკში თავისუფლების ქანდაკებასთან, იაპონიის მუზეუმებსა და კერძო ბაღებში, ხოლო ერთ-ერთი მათგანი - დისნეილენდში ინახება.

სამართალი • 1778771772

აფხაზეთის თვითგამოცხადებული რესპუბლიკის მთავრობის აპარატის უფროსის მოადგილე დაჭრეს

აფხაზეთის თვითგამოცხადებული რესპუბლიკის მთავრობის აპარატის უფროსის მოადგილე კრისტიან ბჟანია ცეცხლსასროლი იარაღით დაჭრეს.Telegram-არხების ცნობით, დაშავებული სოხუმის რესპუბლიკურ საავადმყოფოში გადაიყვანეს.მომხდართან დაკავშირებით შესაბამის უწყებებს ოფიციალური განცხადება ამ დროისთვის არ გაუვრცელებიათ.

სამართალი • 1778759148

გორში კაცი დაჭრეს - შსს განცხადებას ავრცელებს

შინაგან საქმეთა სამინისტროს შიდა ქართლის პოლიციის დეპარტამენტის გორის რაიონული სამმართველოს თანამშრომლებმა, ჯანმრთელობის განზრახ მძიმე დაზიანების ბრალდებით ერთი პირი დააკავეს. უწყების ცნობით, გამოძიებით დადგინდა, რომ ბრალდებულმა ურთიერთშელაპარაკების ნიადაგზე დაწყებული კონფლიქტის შედეგად, ქალაქ გორში მოქალაქეს ცივი იარაღით მუცლის არეში დაზიანებები მიაყენა. „დაჭრილი მამაკაცი შესაბამისი სამედიცინო დახმარების გაწევის მიზნით კლინიკაშია გადაყვანილი. სამართალდამცველებმა, ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, დანაშაულის ჩამდენი პირი ბრალდებულის სახით დააკავეს. დანაშაულის ჩადენის იარაღი - დანა, ნივთმტკიცებადაა ამოღებული. მომხდარზე გამოძიება სისხლის სამართლის კოდექსის 117-ე მუხლით მიმდინარეობს, რაც 7 წლამდე ვადით თავისუფლების აღკვეთას ითვალისწინებს“, - აღნიშნულია შინაგან საქმეთა სამინისტროს მიერ გავრცელებულ ინფორმაციაში ინფორმაციაში.