საზოგადოება • 1789559395

„ტოიოტა ცენტრი თეგეტამ“ საქართველოში სრულად ელექტრო Toyota bZ4X წარადგინა

იაპონური ხარისხი და სანდოობა - „ტოიოტა ცენტრი თეგეტამ“ ბრენდის პირველი სრულად ელექტრო ავტომობილი Toyota bZ4X საქართველოს ბაზარზე ოფიციალურად წარადგინა. პრეზენტაცია თბილისში, ნინოშვილის ქუჩაზე მდებარე პადელის კორტებზე, „ჯიმ ბრიზზე“ გაიმართა და 300-მდე სტუმარს - კომპანიის მომხმარებლებსა და პარტნიორებს უმასპინძლა. ავტომობილის წარდგენა კომპანიამ სპორტულ აქტივობას დაუკავშირა.მარიამ მელიაშვილი, „ტოიოტა ცენტრი თეგეტას“ გენერალური დირექტორი: „bZ4X ჩვენი ბრენდის პირველი სრულად ელექტრო მოდელია, რომელიც საქართველოს ბაზარზე შემოვიდა - ავტომობილი, რომელშიც „ტოიოტასთვის“ დამახასიათებელ სანდოობასა და გამძლეობას ელექტრომობილის უპირატესობებთან აერთიანებს. ჩვენთვის მნიშვნელოვანი იყო, bZ4X-ის წარდგენა განსხვავებულ გარემოში გამართულიყო. სწორედ ამიტომ შევარჩიეთ პადელის კორტები და ჩვენი მომხმარებლებისთვის Toyota Center Tegeta-ს სპეციალური ტურნირი გავმართეთ. ამავდროულად სტუმრებს შესაძლებლობა ჰქონდათ, ადგილზე გამოეცადათ ახალი, სრულად ელექტრო bZ4X და თავად შეეგრძნოთ მისი მართვის გამოცდილება. გვინდოდა, შეგვექმნა გარემო, სადაც ახალი მოდელის გაცნობა, სპორტი და სასიამოვნო ემოციები ერთ გამოცდილებად გაერთიანდებოდა“.bZ4X საქართველოში სამი კომპლექტაციითაა წარმოდგენილი, მათ შორის, მხოლოდ წინა და ასევე ოთხივე წამყვანი თვლით. სრული დამუხტვით ავტომობილს 450-დან 500 კილომეტრამდე მანძილის დაფარვა შეუძლია, რაც მას იდეალურს ხდის როგორც ქალაქში ყოველდღიური გადაადგილებისთვის, ისე ქალაქგარეთ მოგზაურობისთვის. მოდელს დიდი სალონი და ტევადი საბარგული აქვს. bZ4X პირველი იაპონური ელექტრომობილია საქართველოში, რომელიც გამორჩეული იქნება გამძლეობითა და ხარისხით.ოფიციალურ წარდგენამდე ცოტა ხნით ადრე „ტოიოტა ცენტრი თეგეტამ“ ერთგულ მომხმარებლებს ავტომობილი ათ დღემდე ვადით სატესტოდ გადასცა და მათი შთაბეჭდილებები ვიდეორგოლის სახით გამოაქვეყნა.ანი თედიაშვილი, „ტოიოტა ცენტრი თეგეტას“ მარკეტინგის მენეჯერი: „პრეზენტაციამდე ჩვენს ერთგულ მომხმარებლებს bZ4X ერთი კვირით ან ათი დღით გადავეცით, რათა ავტომობილი ყოველდღიურ რეჟიმში, საკუთარ მარშრუტებზე გამოეცადათ. არანაირი სცენარი და მითითება არ გვქონია - შემდეგ უბრალოდ მათი რეალური შთაბეჭდილებები ჩავიწერეთ და თითქმის ყველა ერთსა და იმავეს ამბობდა: ავტომობილმა მოლოდინს გადააჭარბა. იგივე განწყობა იყო ღონისძიებაზეც - ტესტდრაივისა და ტურნირის პარალელურად სტუმრები ერთმანეთს სწორედ ამ გამოცდილებას უზიარებდნენ. პადელი ჯანსაღი ცხოვრების წესთან ასოცირდება, ელექტრომობილი კი - სუფთა გარემოსთან. ამ ორის გაერთიანება ბუნებრივი არჩევანი იყო და საშუალება მოგვცა, მოდელი ახალი აუდიტორიისთვისაც წარგვედგინა“.bZ4X-ის წარდგენის ოფიციალური ღონისძიების პარტნიორები იყვნენ: „სარაჯიშვილი“, „თიბისი დაზღვევა“, „თიბისი ლიზინგი“, „ალდაგი“, „ჯიპიაი ჰოლდინგი“ და „ვისოლი“.ახალი მოდელის გაყიდვები საქართველოში უკვე წარმატებით დაიწყო - ავტომობილი „ტოიოტა ცენტრი თეგეტას“ შოურუმშია წარმოდგენილი, შესაძლებელია ტესტდრაივის დაჯავშნაც. bZ4X-ს, „ტოიოტას“ სხვა მოდელების მსგავსად, 10-წლიანი გარანტია აქვს, ტექნიკურ მომსახურებას კი ავტომფლობელები „ტოიოტა ცენტრი თეგეტას“ სერვისცენტრში მიიღებენ.--„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „ტოიოტა ცენტრი თეგეტა" საქართველოს ბაზარზე 2014 წლიდან ოპერირებს. კომპანია მონობრენდულია და მისი მომსახურება სრულიად „ტოიოტას“ ავტომობილებზეა ფოკუსირებული. ამ ეტაპზე კომპანია მომხმარებელს სთავაზობს „ტოიოტას“ უახლესი მოდელების ავტომობილებს, მაღალი ხარისხის ორიგინალ ავტოსათადარიგო ნაწილებს, აქსესუარებსა და მომსახურებას. სერვისი აღჭურვილია თანამედროვე ავტორიზებული პროგრამებითა და კვალიფიციური პერსონალით.

მსოფლიო • 1789290065

ამერიკელმა ქალმა საყვარელი ქათმის მკურნალობაზე 10 ათასი დოლარი დახარჯა

აშშ-ში, კოლორადოს შტატში მცხოვრებმა სელეტა ნოტნაგელმა თავისი საყვარელი ქათმის გულის ავადმყოფობისგან სამკურნალოდ 10 ათასი დოლარი დახარჯა. ამის შესახებ Yahoo იტყობინება.გამოცემის ინფორმაციით, ქათამი სახელად ბლიუ ქალის სახლში ცხოვრობს და ნოტნაგელის საწოლთან სძინავს. პატრონი მას თავის „მონათესავე სულს“ უწოდებს. გასული წლის მარტში ბლიუცუდად გახდა, ვეტერინარმა კი დაადგინა, რომ მას გულის სისხლძარღვებთან დაკავშირებული პრობლემები აქვს.ამ დეფექტის გამოსწორება ჩვეულებრივი პროცედურაა ძაღლებისა და კატებისთვის, მაგრამ ფრინველისთვის ის აქამდე არ ჩაუტარებიათ. სარისკო ოპერაცია 4 ათასი დოლარი ღირდა, მკურნალობის საერთო ხარჯმა კი 10 ათასი შეადგინა.„ეს დიდი თანხა, დაზღვევა მხოლოდ 2,5 ათასს ფარავს. მაგრამ თქვენი შვილებისთვის ან თქვენი ძაღლისთვის ამას ხომ გააკეთებდით. მაგრამ როცა ვამბობ, რომ თანხა ქათმის სამკურნალოდ დავხარჯე ხალხი ამბობს: „ამდენი ქათამზე დახარჯე? შეგეძლო უბრალოდ ქვაბში ჩაგედო“,- ამბობს ნოტნაგელი.

ფინანსები • 1789121940

ევროკავშირის მეთოდოლოგიით ინფლაციის დათვლის შედეგმა აგვისტოში 4.9 პროცენტი შეადგინა

საქართველოს სტატისტიკის ეროვნული სამსახურის ცნობით, სამომხმარებლო ფასების ჰარმონიზებული ინდექსით, 2026 წლის აგვისტოში ინფლაციამ 4.9 პროცენტი შეადგინა, რაც 0.7 პროცენტით ნაკლებია ეროვნული მეთოდოლოგიით დაანგარიშებულ 5.6-პროცენტიან ინფლაციაზე.რაც შეეხება ცალკეულ კომპონენტებს, ევროკავშირის HICP მეთოდოლოგიით, პროცენტული ცვლილება 2025 წლის შესაბამის პერიოდთან შედარებით ასე ნაწილდება: სურსათი და უალკოჰოლო სასმელები – 4.8%; ალკოჰოლური სასმელები, თამბაქო – 5.0%; ტანსაცმელი და ფეხსაცმელი – -2.5%; საცხოვრებელი სახლი, წყალი, ელექტროენერგია, აირი და სათბობის სხვა სახეები – 8.5%; ავეჯი, საოჯახო ნივთები და მორთულობა, სახლის მოვლა-შეკეთება – -1.6%; ჯანმრთელობა – 5.2%; ტრანსპორტი – 15.8%; ინფორმაცია და კომუნიკაცია – -5.6%; დასვენება, სპორტი და კულტურა – 5.0%; განათლება – 2.5%; რესტორნები და ღამისთევის მომსახურება – 2.2%; დაზღვევა და საფინანსო მომსახურება – 2.4%; პირადი ჰიგიენა, სოციალური დაცვა და სხვადასხვა საქონელი – 9.8%.საქსტატმა ახალი ინდიკატორის, სამომხმარებლო ფასების ჰარმონიზებული ინდექსის გამოქვეყნება 2022 წლიდან დაიწყო.

პოლიტიკა • 1787560893

ლევან მაჭავარიანი: ლოგიკურია, რომ ბატონი ღარიბაშვილის წერილი კორუფციასთან დაკავშირებულ ბრალდებასთან დავაკავშიროთ. იგი თემის ხელოვნურად პოლიტიზებას ცდილობდა

ლოგიკურია, რომ ბატონი ღარიბაშვილის წერილი ამ [კორუფციასთან დაკავშირებულ] ბრალდებასთან დავაკავშიროთ. იგი თემის ხელოვნურად პოლიტიზებას ცდილობდა, - განუცხადა ჟურნალისტებს საპარლამენტო ფრაქცია „ქართული ოცნების“ თავმჯდომარის პირველმა მოადგილე ლევან მაჭავარიანმა.დეპუტატი ირაკლი ღარიბაშვილისთვის დიდი ოდენობით ქრთამის აღების ფაქტზე ბრალის წარდგენას ეხმაურება.„ლოგიკურია, რომ ბატონი ღარიბაშვილის წერილი ამ [კორუფციასთან დაკავშირებულ] ბრალდებასთან დავაკავშიროთ. იგი თემის ხელოვნურად პოლიტიზებას ცდილობდა, იქიდან გამომდინარე რომ იცოდა კონკრეტული ბრალის შესახებ. ლოგიკა გვკარნახობს, რომ ამ ყველაფრისგან თავის დაზღვევა უნდოდა. ჩვენ საქმით გვაქვს დამტკიცებული, რომ ჩვენთვის მნიშვნელობა არ აქვს მაღალი თანამდებობის პირია ადამიანი თუ არ არის, ჩვენი ამჟამინდელი გუნდის წევრია, თუ ყოფილი, აბსოლუტურად ყველასთან გვაქვს ერთნაირი მიდგომა - ჩვენ კორუფციას არ ვაპატიებთ არავის“, - აღნიშნა მაჭავარიანმა.

საზოგადოება • 1786366909

Volvo 365 - ერთი წელი ავტომობილის ფლობასთან დაკავშირებული ძირითადი ხარჯების გარეშე

ახალი ავტომობილის შეძენისას არჩევანს მხოლოდ სასურველი მოდელის დიზაინი ან მართვის გამოცდილება არ განსაზღვრავს. მძღოლებისთვის არანაკლებ მნიშვნელოვანია,  რამდენად მარტივი, კომფორტული და პროგნოზირებადი იქნება მისი ფლობა მომავალში. ამ პროცესის გასამარტივებლად კომპანია „ვოლვო ქარ საქართველომ“ ახალი პროდუქტი - Volvo 365 შექმნა, რომელიც Volvo-ს მფლობელებს მისი შეძენიდან ერთი წლის განმავლობაში ფლობასთან დაკავშირებული ძირითადი ხარჯებისგან ათავისუფლებს და საშუალებას აძლევს, ავტომობილის მართვის გამოცდილებით სრულად ისიამოვნონ.Volvo 365-ის კონცეფცია იდეას - „360° + 5“ - ეფუძნება. 360° მომხმარებელზე სრულფასოვან ზრუნვას გამოხატავს, ხოლო 5 იმ ძირითად ბენეფიტებს აერთიანებს, რომლებსაც მომხმარებელი ავტომობილის შეძენისთანავე მიიღებს. ამასთანავე, 365 სიმბოლურად აღნიშნავს წლის ყველა დღეს, რომელთა განმავლობაშიც ახალი Volvo-ს მძღოლები განსაკუთრებული შეთავაზებით ისარგებლებენ.ნიკოლოზ ყოჩიაშვილი, „ვოლვო ქარ საქართველოს“ დირექტორი: „Volvo 365 ჩვენი მომხმარებლების საჭიროებების ანალიზის საფუძველზე შევქმენით. ვხედავდით, რომ ავტომობილის შეძენისას  მნიშვნელოვანი გამოწვევა მხოლოდ მისი არჩევა არ არის - ყოველდღიურ ფლობასთან დაკავშირებული ხარჯებიც არანაკლებ გასათვალისწინებელია. სწორედ ამიტომ შევთავაზეთ ბაზარს პროდუქტი, რომელიც პირველი წლის განმავლობაში მომხმარებელს ათავისუფლებს ისეთ მნიშვნელოვან ხარჯებზე ფიქრისგან, როგორებიცაა რეგულარული ტექნიკური მომსახურება, სეზონური საბურავები, საწვავი და დაზღვევა.Volvo 365 არ არის უბრალოდ სპეციალური შეთავაზება - ეს მომხმარებელზე ზრუნვის ახალი მიდგომაა. ჩვენი კონცეფცია „360° + 5“ სრულყოფილ ზრუნვას გამოხატავს: 360° ნიშნავს ყოვლისმომცველ გამოცდილებას, ხოლო 5 ბენეფიტი ამ დაპირებას პრაქტიკულ ღირებულებად აქცევს. შედეგად, მომხმარებელი პირველივე დღიდან იღებს ავტომობილის ფლობის სრულფასოვან გამოცდილებას და შეუძლია, ყურადღება მხოლოდ Volvo-ს მართვის სიამოვნებაზე გაამახვილოს“.Volvo 365-ის ფარგლებში მომხმარებელი ავტომობილის შეძენისთანავე მიიღებს  ბენეფიტებს, რომლებიც პირველი წლის განმავლობაში ფლობას კიდევ უფრო კომფორტულსა და ფინანსურად პროგნოზირებადს გახდის. შეთავაზება მოიცავს ორ რეგულარულ ტექნიკურ მომსახურებას - 10 000 და 20 000 კილომეტრზე, რაც ავტომობილის გამართულ მუშაობასა და შვედური ავტომწარმოებლის სტანდარტების შესაბამისად მოვლას უზრუნველყოფს.გარდა ამისა, მძღოლები, რომლებიც არჩევანს Volvo-ზე შეაჩერებენ,  სეზონური საბურავების კომპლექტს მიიღებენ. ეს მკაცრ მეტეოროლოგიურ პირობებში ახალი ავტომობილის მართვისას უსაფრთხოებასა და საიმედოობას ზრდის.Volvo 365-ის ბენეფიტები ასევე მოიცავს საწვავის 1,500-ლიტრიან პაკეტს, რაც საწვავზე გაწეულ ხარჯს მნიშვნელოვნად ამცირებს და მძღოლს საშუალებას აძლევს, ახალი Volvo-ს მართვით დამატებითი საზრუნავის გარეშე ისიამოვნოს.შეთავაზების ნაწილია „ალდაგის“ ერთწლიანი დაზღვევაც, რომელიც ავტომობილის მფლობელების გაუთვალისწინებელი ფინანსური ხარჯებისგან დაცვასა და სიმშვიდეს უზრუნველყოფს.Volvo 365-ის ბენეფიტებით სარგებლობა შეუძლია ყველა იმ მომხმარებელს, ვინც ახალ Volvo-ს შეიძენს. სპეციალური შეთავაზება შეზღუდული დროით იქნება ხელმისაწვდომი და მხოლოდ მიმდინარე წლის ოქტომბრის ბოლომდე შეძენილ ავტომობილებზე გავრცელდება.--თეგეტა ჰოლდინგის ერთ-ერთ მიმართულებაში, თეგეტა ქარსში შემავალი კომპანია ვოლვო ქარ საქართველო შვედურ ბრენდს საქართველოში 2019 წლიდან წარმოადგენს. კომპანია პრემიუმ კლასის ავტომობილების ოფიციალური იმპორტიორია. კომპანია მომხმარებელს SUV-ებს, სედანებსა და უნივერსალებს სთავაზობს, მათ შორის არის როგორც დამუხტვადი ჰიბრიდები, ისე შიგაწვის ძრავიანი უახლესი მოდელები. შოურუმის გარდა, მომხმარებელს შესაძლებლობა აქვს, კომპანიის ციფრული მაღაზიით ისარგებლოს, კომპანიის ვებგვერდზე ავტომობილი 360-გრადუსიანი სისტემით, დისტანციურად შეაფასოს და კონფიგურატორის დახმარებით, სასურველი კომპლექტაციის მოდელი საკუთარი გემოვნებით ააწყოს, რომლის ჩამოყვანასაც ვოლვო ქარ საქართველო უზრუნველყოფს.

ფინანსები • 1786353773

ევროკავშირის მეთოდოლოგიით ინფლაციის დათვლის შედეგმა ივნისში 5.2 პროცენტი შეადგინა

საქართველოს სტატისტიკის ეროვნული სამსახურის ცნობით, სამომხმარებლო ფასების ჰარმონიზებული ინდექსით, 2026 წლის ივნისში ინფლაციამ 5.2 პროცენტი შეადგინა, რაც 0.3 პროცენტით ნაკლებია ეროვნული მეთოდოლოგიით დაანგარიშებულ 5.5-პროცენტიან ინფლაციაზე.რაც შეეხება ცალკეულ კომპონენტებს, ევროკავშირის HICP მეთოდოლოგიით, პროცენტული ცვლილება 2025 წლის შესაბამის პერიოდთან შედარებით ასე ნაწილდება: სურსათი და უალკოჰოლო სასმელები – 4.9%; ალკოჰოლური სასმელები, თამბაქო – 5.0%; ტანსაცმელი და ფეხსაცმელი – -1.6%; საცხოვრებელი სახლი, წყალი, ელექტროენერგია, აირი და სათბობის სხვა სახეები – 8.3%; ავეჯი, საოჯახო ნივთები და მორთულობა, სახლის მოვლა-შეკეთება – -2.0%; ჯანმრთელობა – 4.7%; ტრანსპორტი – 14.7%; ინფორმაცია და კომუნიკაცია – -5.3%; დასვენება, სპორტი და კულტურა – 4.6%; განათლება – 2.5%; რესტორნები და ღამისთევის მომსახურება – 5.7%; დაზღვევა და საფინანსო მომსახურება – 2.4%; პირადი ჰიგიენა, სოციალური დაცვა და სხვადასხვა საქონელი – 10.4%.საქსტატმა ახალი ინდიკატორის, სამომხმარებლო ფასების ჰარმონიზებული ინდექსის გამოქვეყნება 2022 წლიდან დაიწყო.

საზოგადოება • 1784361672

“განადგურებულები ვართ, რა გვეშველება არ ვიცით…" - ქუთაისში, ჭავჭავაძის გამზირზე სავაჭრო ჯიხურები დაიწვა

ქუთაისში, ჭავჭავაძის გამზირზე სავაჭრო ჯიხურები დაიწვა.დაზარალებულების თქმით, დამწვარია 13 ჯიხური, პროდუქცია კი 100%-ით განადგურებულია.როგორც ისინი "ინფო იმერეთთან"აცხადებენ, ცეცხლი გამთენიას გაჩნდა."ღამის 4-ის წუთები იყო, როცა ხანძარი შესახებ გავიგეთ, როდესაც ადგილზე მოვედით, ცეცხლში იყო ყველაფერი გახვეული, დამწვარი და განადგურებულია 100% პროდუქცია, 13 ჯიხურია დამწვარი, დაზღვევა არ გვაქვს, არ ვიცი რა გვეშველება", - აცხადებს ერთ-ერთი დაზარალებული.ხანძრის გამომწვევი მიზეზები ჯერჯერობით უცნობია.

საზოგადოება • 1783419005

თიბისი IT აკადემია ბლოკჩეინის ტექნოლოგიების შესწავლის ახალ შესაძლებლობას ქმნის

თიბისი აგრძელებს ტექნოლოგიური განათლების ხელშეწყობას და ქმნის შესაძლებლობებს მათთვის, ვისაც, პროფესიული განვითარება და თანამედროვე ტექნოლოგიების შესწავლა სურს. ამჯერად, თიბისი IT აკადემია ბლოკჩეინის მიმართულებით ახალ სასწავლო პროგრამას Blockchain Technologies იწყებს.კურსი იმ პროფესიონალებისა და ტექნოლოგიებით დაინტერესებული ადამიანებისთვისაა განკუთვნილი, ვისაც ბლოკჩეინ ტექნოლოგიის სიღრმისეული შესწავლა და მისი პრაქტიკული გამოყენების გაცნობა უნდა თანამედროვე ბიზნესში.კურსის ფარგლებში მონაწილეები შეისწავლიან ბლოკჩეინის მუშაობის პრინციპებს, Smart Contract-ებს, უსაფრთხოების მექანიზმებს, ტოკენებსა და ციფრულ აქტივებს, ასევე ტექნოლოგიის გამოყენებას ბანკინგში, FinTech-ში, დაზღვევაში, უძრავი ქონებისა და სხვა ინდუსტრიებში. პროგრამა მოიცავს რეალური ბიზნესქეისების ანალიზს, რეგულაციებსა და ბლოკჩეინ პროექტების დაგეგმვის პრაქტიკულ ასპექტებს.პროგრამა განსაკუთრებით საინტერესო იქნება ბიზნესისა და IT სფეროს წარმომადგენლებისთვის, პროექტებისა და პროდუქტების მენეჯერებისთვის, რისკისა და Compliance-ის სპეციალისტებისთვის, ასევე ყველა იმ ადამიანისთვის, ვისაც ბლოკჩეინის შესაძლებლობების პრაქტიკაში გამოყენება სურს.„ბლოკჩეინი ერთ-ერთი ყველაზე სწრაფად განვითარებადი ტექნოლოგიაა, რომელიც უკვე მნიშვნელოვნად ცვლის ფინანსურ და არაერთ სხვა ინდუსტრიას. IT აკადემიის მიზანია, მონაწილეებს მივცეთ არა მხოლოდ ტექნოლოგიური ცოდნა, არამედ პრაქტიკული ხედვა იმის შესახებ, თუ როგორ შეიძლება ბლოკჩეინის გამოყენება რეალური ბიზნესპროცესების გასაუმჯობესებლად. ამასთან, Tether-თან თანამშრომლობა პროგრამას საერთაშორისო გამოცდილებასა და ინდუსტრიაში დაგროვებულ საუკეთესო პრაქტიკაზე დაფუძნებულ დამატებით ღირებულებას სძენს“- თათა ანჯაფარიძე, თიბისი IT აკადემიის ლიდი.თიბისი IT აკადემიამ პროგრამა Tether-თან თანამშრომლობით მოამზადა. Tether მსოფლიოში ყველაზე დიდი სტეიბლქოინის USDT-ის გამომშვებია და კრიპტოინდუსტრიის ერთ-ერთი წამყვანი კომპანიაა.თუ გჯერა, რომ შენი მომავალი ტექნოლოგიებშია და გსურს კარიერის დაწყება ერთ-ერთ ყველაზე მოთხოვნად სფეროში 7-დან 19 ივლისის ჩათვლით დარეგისტრირდი IT აკადემიის პროგრამებზე.

პოლიტიკა • 1782902715

მამუკა მდინარაძე: ანტიკორუფციული ღონისძიებების ნაწილში, რეალურ დროში მონიტორინგი არის ახალი მიდგომა, ყოველთვის იქნება კორუფციის რაღაც ხარისხი, მაგრამ ის მინიმუმამდე უნდა იყოს დაყვანილი

ანტიკორუფციული ღონისძიებების ნაწილში, რეალურ დროში მონიტორინგი არის სახელმწიფოს ახალი და თანამედროვე მიდგომა,- ამის შესახებ საქართველოს ვიცე-პრემიერმა, სამართალდამცავი ორგანოების კოორდინაციის საკითხებში სახელმწიფო მინისტრმა მამუკა მდინარაძემ განაცხადა.მისივე თქმით, საქართველო უნდა იყოს მსოფლიოში წამყვანი ქვეყანა კორუფციის სიმცირის თვალსაზრისით.„ანტიკორუფციული ღონისძიებების ნაწილში, რეალურ დროში მონიტორინგი არის სახელმწიფოს ახალი და თანამედროვე მიდგომა. ჩვენ მიჩვეული ვიყავით, რომ აუდიტის სამსახური, სხვადასხვა უწყებები – შსს-ს დახმარებით სუს-ი, პროკურატურა, ფინანსური პოლიცია, ყველა ეს სამართალდამცავი უწყება მუშაობდა წარსულზე, ანუ თუ წარსულში ადამიანს ჰქონდა დანაშაული ჩადენილი, ამის გამოვლენაზე, მაგრამ აუდიტის სამსახურიდან დაწყებული ყველა სამართალდამცავ უწყებას მიეცა რეკომენდაცია, რომლის შესრულება და აღსრულება უკვე წარმატებით არის დაწყებული ბოლო 2-3 თვეა, განსაკუთრებით და ისინი ახორციელებენ მონიტორინგს რეალურ დროში. მაგალითად, უწყებები კი არ მუშაობენ მხოლოდ ადრე, წინა თვეში, წინა დღეს თუ წინა წელს ჩატარებულ ღონისძიებაზე, ტენდერზე, სახელმწიფო შესყიდვაზე და ა.შ. არამედ რეალურ დროში ამოწმებენ, რამდენად რელევანტურია ფასი, რამდენად რელევანტურია მიდგომა, სატენდერო პირობები და ასე შემდეგ, რომ გამოირიცხოს მაქსიმალურად კორუფციის ნიშნები. კორუფციის აბსოლუტური აღმოფხვრა – მსოფლიო ისტორიას ასეთი პრეცედენტი არ ახსოვს, რომ რომელიმე ქვეყანას დაეკვეხნოს, ჩვენ კორუფცია აღარ გვაქვს ქვეყანაშიო. კორუფციის არქონა პირობითად შეიძლება, ნიშნავდეს კორუფციის ყველაზე დაბალ დონეს და ხარისხს. ასევე, ვერც საქართველო, სამწუხაროდ, ვერ დაიტრაბახებს იმით, რომ კორუფცია აღარ არის ქვეყანაში და შეიძლება 10 წლის მერეც ასე იყოს, მაგრამ ჩვენი მიზანია, რაც მეტი წელი, დღე და თვე გავა, მით ნაკლები კორუფცია გვქონდეს. ყოველთვის იქნება კორუფციის რაღაც ხარისხი, მაგრამ ის პრაქტიკულ მინიმუმამდე უნდა იქნას დაყვანილი და ჩვენ მსოფლიოში წამყვანი ქვეყანა უნდა ვიყოთ, ამის ამბიცია გვაქვს და გვიჩნდება გატარებული ღონისძიებების შედეგადაც“, – განაცხადა მდინარაძემ.მისი თქმით, არსებობს პოლიტიკური ნება, არსებობს გატარებული ღონისძიებები, რომ მთავრობამ ამაზე სერიოზულად იმუშაოს, რათა საქართველო ერთ-ერთი წამყვანი ქვეყანა იყოს მსოფლიოში კორუფციის დაბალი დონით.„ამიტომ რეალურ დროში მონიტორინგი ხელს შეუწყობს კორუფციასთან ბრძოლას ამ მიმართულებითაც. კორუფცია, რა თქმა უნდა, კვლავ არის, რა თქმა უნდა, კვლავ ხდება კორუფციული ფაქტების გამოვლენა, მაგრამ დაზღვევა და არა შემდგომში გამოვლენა იქნება ერთ-ერთი საკვანძო, ახალი და თანამედროვე მიდგომა ჩვენი სახელმწიფოსი კორუფციასთან მიმართებაში,“- აღნიშნა მამუკა მდინარაძემ.

მსოფლიო • 1782586814

გარდაიცვალა 7 წლის ბიჭი, რომელიც 116 კილოგრამს იწონიდა - შვილის სიმსუქნის გამო ბრალი მშობლებს წაუყენეს

მიჩიგანის შტატში ცოლ-ქმარს მეორე ხარისხის მკვლელობის ბრალდება წარედგინა. სამართლებრივი დევნის საფუძველი მათი შვიდი წლის შვილის გარდაცვალება გახდა, რომელიც სიმსუქნით იტანჯებოდა. ბრალდების მხარე ამტკიცებს, რომ ბიჭუნა წლების განმავლობაში ელემენტარულ სამედიცინო დახმარებასაც კი არ იღებდა. ამის შესახებ New York Post წერს.დემიენ და ჯესიკა ო'ბრაიენებს ბრალი უკვე წაუყენეს.  პროკურატურა მომხდარს ახასიათებს, როგორც მშობლის მოვალეობების განსაკუთრებული და საშინელი უგულებელყოფის შედეგს. გამოძიებამ დაადგინა, რომ ბიჭი თავისი ხანმოკლე სიცოცხლის განმავლობაში ექიმთან მხოლოდ ერთხელ იყო, მიუხედავად იმისა, რომ ოჯახს სამედიცინო დაზღვევა ჰქონდა. ბავშვს სკოლაშიც არასდროს უვლია.გვამის გაკვეთამ აჩვენა, რომ სიკვდილის მიზეზი გახდა დილატაციური კარდიომიოპათია, გულის კუნთის დაავადება. ექსპერტების დასკვნით, მის განვითარებას ხელი შეუწყო მძიმე ფორმის სიმსუქნემ. გარდაცვალების მომენტში ბავშვი 116 კილოგრამს იწონიდა, მისი სიმაღლე კი დაახლოებით 127 სანტიმეტრი იყო. შედარებისთვის, ამ ასაკისა და სიმაღლისთვის ნორმად 23-დან 33 კილოგრამამდე წონა ითვლება. საქმეზე გამოძიება გრძელდება.

მსოფლიო • 1782140940

აშშ-მა ირანულ ნავთობზე სანქციები ორი თვით შეამსუბუქა

აშშ-ის სახაზინო დეპარტამენტის განცხადებით, შეერთებულმა შტატებმა ირანულ ნავთობზე დაწესებული სანქციები ორი თვით, 21 აგვისტომდე შეამსუბუქა.მედიის ცნობით, დეპარტამენტმა შესაბამისი ლიცენზია უკვე გამოსცა, რომლის ფარგლებშიც ირანი ნავთობის ექსპორტის განხორციელებას შეძლებს. როგორც ცნობილია, გენერალური ლიცენზია ნედლი ნავთობისა და ნავთობპროდუქტების აშშ-ში იმპორტს მოიცავს.„შვეიცარიაში მიმდინარე პროდუქტიული მოლაპარაკებების შესაბამისად, ირანმა უზრუნველყო ჰორმუზის სრუტეში თავისუფალი და ღია ტრანზიტი. ამასთან, ის დაუშვებს საერთაშორისო ატომური ენერგიის სააგენტოს (IAEA) ინსპექტორების ქვეყანაში შესვლას. ამ ჩარჩოს ფარგლებში, ფინანსთა სამინისტრომ გასცა დროებითი, 60-დღიანი ზოგადი ლიცენზია, რომელიც ირანული ნავთობის წარმოების, მიწოდებისა და გაყიდვის ავტორიზაციას ახდენს“, – განაცხადა აშშ-ის სახაზინო მდივანმა, სკოტ ბესენტმა.გასულ კვირას ვაშინგტონსა და თეირანს შორის ხელმოწერილი ურთიერთგაგების მემორანდუმის თანახმად, შეერთებული შტატები დათანხმდა ირანული ნედლი ნავთობის, ნავთობპროდუქტებისა და ნაწარმის ექსპორტზე, ასევე, ყველა მასთან დაკავშირებულ მომსახურებაზე, მათ შორის საბანკო ტრანზაქციებზე, დაზღვევასა და ტრანსპორტირების ექსპორტზე შეღავათების გაცემას.

მსოფლიო • 1781883590

ირანი აცხადებს, რომ ჰორმუზის სრუტეში გამავალმა გემებმა რეგისტრაცია უნდა გაიარონ უსაფრთხო გადაადგილების უზრუნველსაყოფად

ირანმა გააფრთხილა ჰორმუზის სრუტეში გამავალი ყველა გემის მფლობელი და კაპიტანი, რომ სრუტეში შესვლამდე მათ უნდა გაიარონ რეგისტრაცია, მიიღონ ნებართვა და დააზღვიონ გემები. ინფორმაციას ამის შესახებ ტელეკომპანია CNN ავრცელებს.თეირანის მიერ ახლად შექმნილმა სპარსეთის ყურის სრუტის ადმინისტრაციამ (PGSA) პარასკევს განაცხადა, რომ ყველა გემმა უნდა დაიცვას მისი პირობები „კომერციული გემების უსაფრთხო გადაადგილების“ უზრუნველსაყოფად.რეგისტრაცია და დაზღვევა უფასო იქნება 60-დღიანი პერიოდის განმავლობაში, რომელიც გათვალისწინებულია აშშ-სა და ირანს შორის ამ კვირის დასაწყისში ხელმოწერილი ურთიერთგაგების მემორანდუმით. თუმცა, ირანმა მიანიშნა, რომ ამ პერიოდის შემდეგ შესაძლოა მოსაკრებლები დააწესოს.„60-დღიანი პერიოდის განმავლობაში უსაფრთხოების, დაცვისა და გარემოსდაცვითი მომსახურების ტარიფები, ისევე როგორც ირანული დაზღვევის ხარჯები, გემების მფლობელებისგან არ აიკრიფება და მას ირანის ისლამური რესპუბლიკის მთავრობა დაფარავს“, - ნათქვამია განცხადებაში.