საზოგადოება • 1779560174

თუ ყავის დალევის შემდეგ თავის ტკივილი გაწუხებთ - გიორგი ღოღობერიძის რეკომენდაცია

ყავას ხშირად სვამთ და თავის ტკივილი გაწუხებთ? - ექიმი გიორგი ღოღობერიძე განმარტავს, რატომ შეიძლება იყოს ამის მიზეზი სწორედ კოფეინი და რა ხდება ორგანიზმში მაშინ, როცა ყავის მიღებას წყვეტთ.„თუ თქვენ ხართ ყავის რეგულარული მომხმარებელი და პერიოდულად გაწუხებთ თავის ტკივილი, აი რა არის ამის საიდუმლო. ზოგადად ვინც ყავას სვამს ხშირად მათში კოფეინის დოზა საკმაოდ მაღალია. კოფეინი სისხლძარღვებს ავიწროებს, მათ შორის თავის ტვინის სისხლძარღვებს. მაგრამ ეს პრობლემა არ არის, სხეული ამასთან ადაპტირდება. და როცა სვამთ კოფეინს თავის ტვინის სისხლძარღვები რჩება შევიწროებული. როგორც კი თქვენ ყავას აღარ დალევთ, გავა თუ არა 12 საათი სისხლძარღვები დაიწყებს გაფართოებას. ამიტომ გაფართოვდება თუ არა სისხლძარღვები, ეს გამოიწვევს მფეთქავ, პულსირებად თავის ტკივილს“, - ამბობს ექიმი გიორგი ღოღობერიძე.

საზოგადოება • 1779486001

„ეს ხილი არასდროს მიირთვათ გაურეცხავი“ - გიორგი ღოღობერიძის გაფრთხილება

გიორგი ღოღობერიძე ვიდეომიმართვას ავრცელებს და ამბობს, რომ ბანანი გაურეცხავი არასდროს უნდა მიირთვათ. „ბანანი ყოველთვის კარგად გარეცხეთ და ისე მიირთვით. ბანანი არასდროს არ შეინახოთ სხვა ხილ-ბოსტნეულთან ერთად. სჯობს რომ ყუნწი კარგად დაუფაროთ“ნახეთ, ვიდეო:

რჩევები • 1779294049

VIDEO: რომელი მედიკამენტები იწვევს მეხსიერების გაუარესებას, შესაძლოა, მას ყოველდღიურად სვამთ - ექიმის რჩევა

ექიმი გიორგი ღოღობერიძე გადაცემაში "მთავარი დიაგნოზი" საუბრობს იმ მედიკამენტების შესახებ, რომელთა ხანგრძლივი დროის გამოყენების შემთხვევაში, შესაძლოა, მეხსიერება გაგიუარესდეთ:- ძალიან ბევრმა ადამიანმა არ იცის, რომ მეხსიერების გაუარესება არა მარტო დაავადებებით, არამედ იმ მედიკამენტებითაც შეიძლება იყოს გამოწვეული, რომელთაც ყოველდღე სვამთ. მაგრამ, არ გიფიქრიათ, რომ ეს მედიკამენტი შესაძლოა, სწორედ რომ მეხსიერების გაუარესების მიზეზი იყოს. ზოგადად, მეხსიერების გაუარესება ნებისმიერ წამალს შეუძლია, როცა ის ხანგრძლივი დროითა და მაღალი დოზებითაა გამოყენებული. მაგრამ, არის გარკვეული მედიკამენტები, რომლებიც მეხსიერების გაუარესების განსაკუთრებული უნარით ხასიათდებიან, როცა მათ ხანგრძლივი დროის განმავლობაში იყენებენ. 

რჩევები • 1779286740

თუ მწვადი ძალიან გიყვართ... - ექიმის ეს რეკომენდაცია ნახეთ

ექიმი გიორგი ღოღობერიძე საზოგადოებას მწვადთან დაკავშირებით სასარგებლო რჩევებს უზიარებს.„თუ მწვადი ძალიან გიყვართ, იცოდეთ რომ ეს ნაწილი არასდროს მიირთვათ. და თუ ხედავთ რომ სხვა მიირთმევთ აუცილებლად აუკრძალეთ. მწვადის დამწვარი ნაწილი არ მიირთვათ და აუცილებლად მოაცილეთ.მასში ძალიან ბევრია ჰეტეროციკლური ამინები. ყოველთვის მოაცილეთ ეს შავი ნაწილები, რადგან ისინი თქვენს ორგანიზმში მოხვედრისას იწვევენ მსხვილი ნაწლავის სიმსივნეს. მწვადი უნდა იყოს ბალანსირებულად შემწვარი“, – ამბობს გიორგი ღოღობერიძე.

საზოგადოება • 1779224371

„სამზარეულოს ეს ნივთი აზიანებს იმუნიტეტს, სისხლძარღვებს, ენდოკრინულ სისტემას" - გიორგი ღოღობერიძის გაფრთხილება

ექიმი, გიორგი ღოღობერიძე გადაცემაში, Medguide-მედგიდი ამბობს, რომ იმუნიტეტის გაუარესება შესაძლოა სხვა ფაქტორებთან ერთად გამოწვეული იყოს ე.წ. ტეფლონის ტაფის ხშირი გამოყენებით.„ამბობენ ამ ბოლო დროს იმუნიტეტი გამიუარესდა, ხალხი ვერ ხვდება, რომ იმუნიტეტის გაუარესება მათ შორის შეიძლება გამოწვეული იყოს „ტეფლონის“ტაფის ხშირი მოხმარებით. არა მხოლოდ იმუნიტეტს, ასევე აზიანებს სისხლძარღვებს, ენდოკრინულ სისტემას. ამ ტაფებისთვის დამახასიათებელია ისიც, რომ როგორც კი ცხელდება ეს ტაფები 260 გრადუსზე, ცხელდება ძალიან სწრაფად, ამ დროს „ტეფლონი“ იწყებს დაშლას. ცარიელი „ტეფლონის“ ტაფის გაცხელება არ შეიძლება...“ – ამბობს გიორგი ღოღობერიძე.  

რჩევები • 1778880837

„ძმარი პესტიციდებს არ მოაშორებს“ - ექიმი გვასწავლის, როგორ გავრეცხოთ ხილ-ბოსტნეული სწორად

ექიმი გიორგი ღოღობერიძე გვირჩევს, თუ როგორ გავრეცხოთ ხილი და ბოსტნეული ისე, რომ ზედაპირზე არსებული ჩვენი სხეულისთვის ტოქსიკური პესტიციდები მარტივად მოვაშოროთ:-აიღეთ ნებისმიერი ხილი და ბოსტნეული. ამ შემთხვევაში, მაგალითად, მარწყვი განვიხილოთ. წყლით სავსე ჭურჭელში ჩაყარეთ. ძმარს ნუ დაამატებთ. ძმარი პესტიციდებს არ მოაშორებს. დაამატეთ საკვები სოდა. 1 ლიტრს წყალზე 1 სუფრის კოვზი გამოიყენეთ. ამის შემდეგ ეს ყველაფერ კარგად მოურიეთ, დაახლოებით, 15 წუთი გააჩერეთ, შემდეგ სითხე გადაღვარეთ, გაავლეთ ჩვეულებრივ წყალში, გადმოიტანეთ თასიდან, გააშრეთ და მიირთვით. 

საზოგადოება • 1778706480

„პაციენტები ხშირად უჩივიან ხელებში დაბუჟების შეგრძნებას...“ - გიორგი ღოღობერიძე მიზეზს ასახელებს

ექიმი გიორგი, ღოღობერიძე ხელების დაბუჟების მიზეზს ასახელებს. „ბოლო დროს პაციენტები ხშირად უჩივიან ხელებში დაბუჟების შეგრძნებას, რასაც ხშირად მიაწერენ თრომბოზს. როგორ მივხვდეთ ხელებში დაბუჟების შეგრძნება მართლა თრომბოზს უკავშირდება თუ სხვა მიზეზითარის გამოწვეული და რა შემთხვევაში მივმართოთ ექიმს?როდესაც, პაციენტს აღენიშნება წვის, დაბუჟების, ჩხვლეტის, ქავილის შეგრძნება, ამ ყველაფერს ექიმები პარესთეზიას ვეძახით. პარესთეზია – ეს არის მგრძნობელობის დარღვევა, რომელიც შემთხვევათა უმეტეს ნაწილში ტრანზიტორული, ანუ გარდამავალია. აღსანიშნავია, რომ ამ დარღვევამ ძალიან იჩინა თავი კოვიდისდროს, ამიტომ პაციენტები ხშირად თრომბოზს მიაწერენ კიდურების დაბუჟებას.თუმცა, როგორც წესი, კიდურებში დაბუჟების შეგრძნება არის შედეგი მდგომარეობისა, რომელსაც ჰიპერვენტილაციის სინდრომი ჰქვია. როდესაც, თქვენ გიდგინდებათ კოვიდი, ნერვიულობის ფონზე გერთვებათ სიმპათიკური ნერვული სისტემა და გიხშირდებათ სუნთქვა. სუნთქვა როგორც კი გასცდება წუთში 20-ზემეტს, თქვენ ამ დროს ამოისუნთქავთ იმაზე მეტ CO2-ს ვიდრე ნორმალურ მდგომარეობაში. იმის გამო, რომ თქვენ ძალიან ბევრ CO2-ს ამოისუნთქავთ თქვენი სისხლი ძალიან ტუტიანდება, ამას ეწოდება რესპირატორული ალკალო. ასეთ დროს, სისხლში თავისუფალი კალციუმის რაოდენობა ქვეითდება და ზუსტად ეს იწვევს დაბუჟების შეგრძნებას.საპანიკო არაფერია, საკმარისია დამშვიდდეთ და თავისით ალაგდება რამდენიმე დღეში. იმ შემთხვევაში, თუ ხელებში დაბუჟების შეგრძნება ხანგრძლივი პერიოდის განმავლობაში გაქვთ, პირველ რიგში, უნდა გამორიცხოთ შაქრიანი დიაბეტი, რომელიც წამყვანი მიზეზია ხელების და ფეხების ქრონიკული დაბუჟების. ძალიან ბევრი გლუკოზა აზიანებს, როგორც ნერვულ ქსოვილს, ასევე მის გარშემო არსებულ უჯრედებსაც და როგორც წესი, ეს იწვევს დაბუჟების შეგრძნებას. შაქრიანი დიაბეტის შემდეგ უნდა გამორიცხოთ ჰიპოთირეოზი, როგორც კი ფარისებრი ჯირკვლის ფუნქცია დაითრგუნება, ასევე ვითარდება დაბუჟების შეგრძნება.დაბუჟების გამომწვევი მიზეზი, ასევე შეიძლება იყოს ჰიპოპარათირეოზი. ჩვენ ფარისებრიჯირკვლის უკან გვაქვს 4 ჯირკვალი, 2 ზევით და 2 ქვევით, რომლებიც არეგულირებენ კალციუმის რაოდენობას სხეულში. თუ ეს ჯირკვლები თავის ფუნქციას ვერ შეასრულებენ, კალციუმის რაოდენობის შემცირებისას გამოხატულიიქნება დაბუჟება. დაბუჟების შეგრძნება შეიძლება გამოწვეული იყოს მედიკამენტების მიერ, მაგალითად: წნევის დამწევი საშუალებები, ხველის საწინააღმდეგო პრეპარატები, ტკივილგამაყუჩებლები. აღსანიშნავია, ანტიბიოტიკებიც, რომლებიც არიან ფტორქინოლონები. დაბუჟების შეგრძნებას, ასევე იწვევს B12 და B6ვიტამინების ნაკლებობა. ორივეს შევსება ძალიან მარტივად, ნორმალური კვებით შეიძლება. B12 ძალიან ბევრია ხორცში, B6 მცენარეებში. დაბუჟების გამომწვევი სხვა მიზეზები შეიძლება იყოს მძიმე მეტალები და ისეთი დაავადებები, როგორებიცაა: გაფანტული სკლეროზი, სპინალური სტენოზი, თიაქრები და სხვა…როგორ ამოვიცნოთ თრომბოზი? როგორც წესი, შემთხვევათა 90%-ში თრომბოზივითარდება ქვედა კიდურებში, ანუ ფეხებში და უმეტესად არის ცალმხრივი, ანუ აზიანებს მხოლოდ ერთ კიდურს. აღსანიშნავია, რომ კოვიდ პაციენტების მხოლოდ 3%-ს უვითარდება თრომბოზი. თუ თქვენ ეჭვობთ, რომ გაქვთ თრომბოზი ყურადღება დაბუჟებაზე კი არ უნდა გაამახვილოთ, არამედ კიდურები უნდაშეადაროთ ერთმანეთს. რადგანაც, ვიზუალურად გამოხატული იქნება, კიდურისდასივება.შეშუპებასთან ერთად შეცვლილი იქნება ფერი. ახასიათებს, წითელი ან იისფერი შეფერილობა. გარდა ამისა, იქნება მტკივნეული. ასევე, კიდური შეხებისას საკმაოდ თბილი იქნება. ყურადღება უნდა მიაქციოთ შემდეგ ნიშნებს: სუნთქვის გაძნელება, ტკივილი გულ-მკერდის არეში, თავბრუს ხვევა, გულისცემის ან სუნთქვისაჩქარება, სისხლიანი ხველა. ეს არის ნიშნები, რომლის მიხედვითაც სახლის პირობებში, არასამედიცინო პირმა შეიძლება იეჭვოს თრომბოზზე, და ასეთ დროს, დაუყოვნებლივ უნდა მიმართოთ ექიმს, რადგან, თრომბი შეიძლება გადაადგილდეს და განვითარდეს პულმონალური ემბოლია“- ამბობს გიორგი ღოღობერიძე.

საზოგადოება • 1778701043

„ამ საკვების გამოყენებამ, შესაძლოა, ინფარქტამდე მიგვიყვანოს" - გიორგი ღოღობერიძის გაფრთხილება

გიორგი ღოღობერიძე პოდკასტს „მედგიდს" სტუმრობდა, სადაც არაერთ საინტერესო თემაზე ისაუბრა. კითხვაზე,  იწვევს თუ არა მარგარინი და სპრედი გულ-სისხლძარღვთა დაავადებებს, ღოღობერიძე ასე პასუხობს:„პირდაპირი მნიშვნელობით იწვევს. ოღონდ ეს არ ხდება ერთ ან ორ წელიწადში. ეს ხდება წლების მანძილზე. ვიღაცამ შეიძლება მითხრას „გიორგი, მე სულ არ მოვიხმარ მარგარინს", მაგრამ იძახებს ხოლმე სწრაფი კვების ობიექტებიდან კერძებს. სწორედ ეს მარგარინია გამოყენებული იმ კერძებში. დროთა განმავლობაში, წლების შემდეგ, მისმა გამოყენებამ შეიძლება ინფარქტამდეც მიგვიყვანოს".  

საზოგადოება • 1778699859

საფრთხისშემცველი ნივთები, რომლებიც სამზარეულოში გვაქვს

 ექიმი გიორგი ღოღობერიძე გადაცემაში "მედგიდი" სამზარეულოში არსებულ იმ ნივთებზე საუბრობს, რომლებიც ჩვენს ჯანმრთელობას ყოველდღიურად, შეუმჩნევლად აზიანებს. ,,ტეფლონთან ჩვენი შეხება ძალიან ხანგრძლივია. ჩემს ბავშვობაში ოჯახში სულ იმის ოცნება იყო, რომ ტეფლონის ტაფა გვქონოდა. წლების წინ, როცა ის თავიდან გამოჩნდა, ამ ინოვაციას ისეთი განცდით შევხვდით, რომ ის უფრო უსაფრთხო, თანამედროვე და კარგი იყო. გვეგონა, პროგრესს არ უნდა ჩამოვრჩენოდით, მაგრამ აღმოჩნდა, რომ რეალობა სულ სხვა ყოფილა. ტეფლონის ტაფები ჩვენი სხეულისთვის, ალბათ, ერთ-ერთი ყველაზე ცუდი ნივთია, ამიტომ ისინი სამზარეულოდან ეგრევე უნდა გავიტანოთ. ამ ტაფებისთვის ძალიან დამახასიათებელია ის, რომ გაცხელებისთანავე (ისინი 230 გრადუსზე ძალიან სწრაფად ცხელდებიან) დაშლის პროცესი იწყება. ტეფლონი თავისთავად პოლიმერს - პოლიტეტრაფტორეთილენს წარმოადგენს. ეს იმას ნიშნავს, რომ გაცხელებისას ის მაშინვე ფრაგმენტებად იშლება.ადრე ასეთი თვისება მქონდა: ჯერ ტაფას გავაცხელებდი და მასზე მუშაობას მერე ვიწყებდი. ეს ძალიან ცუდი იდეაა, რადგან ცარიელი ტაფა 260 გრადუსზე მაღალ ტემპერატურაზე ძალიან მალე ცხელდება და სწორედ ეს ტემპერატურა ტეფლონის დაშლას იწვევს. ამ დროს ტაფას გარეგნულად შეიძლება არაფერი ეტყობოდეს, მაგრამ ორთქლი მაინც გამოიყოფა. პოლიმერის დაშლით მიღებული ეს ორთქლი საკვებში იჟღინთება. ჩვენ ბუნებრივია, ვერც მის გემოს, ვერც ფერს და ვერც სუნს ვერ ვცნობთ. მერე ამას ვიღებთ და რა ხდება? ეს პოლიმერი ჩვენს სხეულში რჩება. მის სრულად გამოსვლას ორგანიზმიდან ათეულობით წელი სჭირდება, თუმცა ბოლომდე მაინც ვერ გამოდის.რა თქმა უნდა, ამ ტაფაზე ერთხელ მომზადებული კერძი ჩვენს ორგანიზმს ვერაფერს დაუშავებს, მაგრამ როცა ეს ყოველდღიურად, კვირაში რამდენჯერმე და წლების განმავლობაში ხდება, ის იმდენი გროვდება, რომ ჩვენს იმუნიტეტს საბოლოო ჯამში აზიანებს. ხშირად წერენ ხოლმე, რომ ბოლო პერიოდში იმუნიტეტი გაუუარესდათ. ხალხი ვერ ხვდება, რომ ეს პრობლემა, მათ შორის, ტეფლონის ტაფის ხშირი მოხმარებითაც შეიძლება იყოს გამოწვეული. მისი ორთქლი საკვებში ხვდება, ჩვენს სხეულს არ ტოვებს და იმუნიტეტს ეტაპობრივად აზიანებს. გარდა იმუნიტეტისა, ის სისხლძარღვებსა და ენდოკრინულ სისტემასაც ვნებს. სწორედ ამიტომ არის, რომ ასაკთან ერთად ექიმს უფრო ხშირად მიმართავთ.

საზოგადოება • 1778618776

სამზარეულოს ეს ნივთი იწვევს სალმონელას - გიორგი ღოღობერიძის გაფრთხილება

გიორგი ღოღობერიძე პოდკასტს „მედგიდს სტუმრობა", სადაც არაერთ საინტერესო თემაზე ისაუბრა, მათ შორის ჭურჭლის სარეცხი ღრუბლის გამოყენებაზე. „ჭურჭლის სარეცხი ღრუბელი პირდაპირი ბუდეა ბაქტერიების. სარეცხს ღრუბელს აქვს ფორები, იმ ფორებში გროვდება ტენიანობა. ჩვენ როცა ვიღებთ ღრუბელს, მოვატარებთ მას ჭურჭელზე - შემდეგ ვწურავთ. ასე ვერ გამოშრება ღრუბელი. მერე იმ ფორებში ჯდება საკვების ნარჩენები. ტენიან გარემოში, ამ ნარჩენებში სოკოები და ბაქტერიები მრავლდებიან. და ეს ღრუბელი ხდება მიკრობიოლოგიური სპეციალური ეკოსისტება, რომელიც პირდაპირი წყაროა უამრავი ინფექციისა, მათ შორის სალმონელასი",- ამბობს ღოღობერიძე.   

საზოგადოება • 1778618592

„პირდაპირი ბილეთია უშვილობის" - გიორგი ღოღობერიძის გაფრთხილება

ექიმი, გიორგი ღოღობერიძე პოდკასტში „მედგიდი“ ამბობს, რომ პლასტმასის ჭიქით ცხელი ყავის დალევა ჯანმრთელობისთვის საზიანოა.„მინახავს ხოლმე, პლასტმასის ჭიქაში ჩაისხამენ ცხელ ყავას და სვამენ, ეს ძალიან ცუდი რაღაცაა. ეს პირდაპირი ბილეთია ერთის მხრივ უშვილობისა, მეორე მხრივ ენდოკრინული დაავადებებისა და სიმსივნეებისა. ცხელთან შეხება არ შეიძლება…“, – ამბობს გიორგი ღოღობერიძე. 

საზოგადოება • 1778530495

„შეუძლია გამოიწვიოს უშვილობა, სიმსივნე…“ – ექიმი, გიორგი ღოღობერიძე საზოგადოებას აფრთხილებს

ექიმი გიორგი ღოღობერიძე გადაცემაში „მედგიდი“ ამბობს, რომ პლასტმასის ჭურჭლის ხშირი გამოყენება ადამიანის ჯანმრთელობას მკვეთრად აზიანებს. „პლასტმასაში არსებული ნივთიერებები გადმოდის ბავშვის სხეულში და რას იწვევს ბავშვის სხეულში ეს ნივთიერებები?- პირველ რიგში შეიძლება გამოიწვიოს საკვერცხის პოლიკისტოზი დროთა განმავლობაში, საკვერცხის პოლიკისტოზი გოგონებში ალბათ ერთ-ერთი ყველაზე გავრცელებული ენდოკრინულიდაავადებაა, უკავშირდება ასევე ჭარბ წონასაც.მეორე, ასევე შეუძლია გამოიწვიოს უშვილობა. ეს არ მოხდება 1-2 წელიწადში, ეს ხდება წლების განმავლობაში. ასაკთან ერთად, თუ ეს ხდება ძალიან ხშირად და აქვს ყოველდღიური ხასიათი, შეიძლება ხელი შეუწყოს სიმსივნეების განვითარებას, განსაკუთრებით ჰორმონმგრძნობიარე, მათ შორის სარძევე ჯირკვლის, საკვერცხეების სიმსივნეებიც. ასე რომ პლასტმასასთან რაც უფრო ნაკლებად ვიქნებით კონტაქტში, მით უფრო უკეთესი. ეს იქნება პლასტმასის ნებისმიერი რამ, ერთჯერადი ჭიქები, ბოთლები, თუ რამე სხვა და თუ მაინც გვიწევს გამოყენება, ტემპერატურა უნდა იყოს დაბალი…“ – ამბობს გიორგი ღოღობერიძე.