გიორგი სუხიტაშ
ტაბლოიდი • 1732206841
„ჩემი პატარა ცმაცუნა დისშვილი დაიბადა“ - რა ფოტოს აქვეყნებს გიორგი სუხიტაშვილი
მომღერალ გიორგი სუხიტაშვილის და, ნინი სუხიტაშვილი დედა გახდა. სასიამოვნო სიახლე მან და მისმა მეუღლემ სოციალურ ქსელში გაავრცელეს. ახალშობილს ანდრია დაარქვეს.გახარებული ბიძა დისა და დისშვილის პირველ ფოტოს აქვეყნებს შემდეგი წარწერით: „ჩემი პატარა ცმაცუნა დისშვილი დაიბადა“მომღერალ ნინი სუხიტაშვილის რჩეული ჭიათურის მერობის ყოფილი კანდიდატი, ნოდარ ჩაჩანიძეა.
საზოგადოება • 1728661832
გადაცემაში „არტ ფმ“ გიორგი სუხიტაშვილმა ისაუბრა იმის შესახებ, რატომ დაინტერესდა სოფლის ცხოვრებით, ასევე გაიხსენა, როგორ დაიწყო პაპასთან ერთად ვიდეოების გადაღება.გთავაზობთ ამონარიდს ინტერვიუდან."2018 წელს, სოფელში პაპასთან ერთად გადავიღე რამდენიმე ვიდეო, რომელთაც მაყურებლის მოწონება დაიმსახურეს. რა თქმა უნდა, არც მიცდია მოხუცი პაპის ხარჯზე რეკლამის კეთება, მაგრამ ჩემმა ვიდეოებმა არა მხოლოდ მოწონება დაიმსახურეს, არამედ უამრავი ადამიანი დააბრუნეს სოფელში და აიძულეს საკუთარ მოხუცებზე ზრუნვა. ყველას ძალიან გვინდა ევროპელობა, ამიტომ ისიც უნდა გავითვალისწინოთ, რომ ევროპისგან განსხვავებით, საქართველოში ძალიან ბევრი მოუვლელი და უყურადღებოდ მიტოვებული მოხუცია. ბედნიერი ვარ, რომ შევძელი ჩემი საყვარელი პაპისთვის ბოლო წლების გალამაზება.მართალია, პაპა 2022 წელს გარდაიცვალა, მაგრამ მე მანამდე დავინტერესდი სოფლის ცხოვრებით, დავიწყე რაღაცების დარგვა, რათა კავშირი შემენარჩუნებინა მშობლიურ მიწასთან. ახლაც ძალიან ხშირად ჩავდივარ სოფელში და ზოგჯერ რამდენიმე დღით, ზოგჯერ დიდი ხნით ვრჩები, რადგან ძალიან მსიამოვნებს ბავშვობის გახსენება და წინაპრების მიწის პატრონობა. ჩვენმა რეგიონმა ორი ომი გამოიარა, ამიტომ განსაკუთრებით სჭირდება მოვლა და პატრონობა. სხვათა შორის, ქართლელების ჩაკეტილობა არა გენეტიკური ხასიათი, არამედ იმ სიდუხჭირის, ყაჩაღობების და ომების შედეგია, რომელიც ჩვენ გამოვიარეთ. ვფიქრობ, საჯარო ფიგურებს ბევრად მეტი პასუხისმგებლობა გვაქვს, რათა მაქსიმალურად გამოვიყენოთ ჩვენი რესურსი და პოპულარიზაცია გავუწიოთ მშობლიურ რეგიონებს. თქმა უნდა, ძალიან კარგია აგარაკი თბილისთან ახლოს, თუმცა ბევრად ფასეულია მამა-პაპის მიწა, რომლის შენარჩუნება ყველას ვალია.წლების წინ სოფელში პატარა ხის სახლი ავაშენე, რადგან ძალიან მინდოდა მცირე საფესტივალო სივრცის მოწყობა, სადაც მუსიკაც იქნებოდა, შეხვედრებიც და რეპეტიციებიც. პრაქტიკულად ახალი სიცოცხლე დაიწყო სახლის აშენებით, რადგან ყოველდღე ახალი იდეა, ინიციატივა და მუსიკა იბადება. იმედი მაქვს ერთ დღეს უცილობლად განვახორციელებ ჩანაფიქრს, თუმცა არ ვჩქარობ. არ მაქვს მკაცრად განსაზღვრული დრო და ვადები, რადგან არ მინდა გავხდე საკუთარი თავისთვის მიცემული პირობის ტყვე. მირჩევნია ყველაფერი ნელა ვაკეთო და კეთების პროცესითაც მივიღო სიამოვნება".
ტაბლოიდი • 1716444780
VIDEO: „დააფასეთ დედები, სანამ გყავთ“ – გიორგი სუხიტაშვილის სიმღერამ დედაზე მაყურებელი აღაფრთოვანა
გიორგი სუხიტაშვილი „ავტოგრაფში“ გამოჩნდა და ტკბილი შესრულება შემოგვთავაზა, რომელიც დედას მიუძღვნა.ვაჟა აზარაშვილის სიმღერა დედაზე მან ორკესტრის თანხლებით შეასრულა.„ამატირა, გულიანი ნამღერია, დააფასეთ დედები, სანამ გყავთ…“; „დედა ყველას ცხოვრებაში შეუცვლელია ცოცხალიც და გარდაცვლილიც…. უფალმა დაგლოცოს…. დედა-შვილობის მადლი და ძალა გფარავდეს, სადაც უნდა იყოთ, საამაყო შვილი ბრძანდებით…“,-წერს მაყურებელი.
faceამბები • 1712007839
VIDEO: გიორგი სუხიტაშვილის ემოციური ნამღერი დედაზე: „მაფორიაქებს და სულ მეტირება…“
გიორი სუხიტაშვილი სოციალურ ქსელში დედაზე სიმღერას აზიარებს და აღნიშნავს, რომ ამ შესრულებას ემოციების გარეშე ვერ ისმენს.„ჩემი ცხოვრების ერთ-ერთი მთავარი და ძვირფასი სიმღერაა, რომელსაც მალე სრულად მოისმენთ.დედა ემოციის გარეშე ვერც ვიმღერე და ვერც ვისმენ.მაფორიაქებს და სულ მეტირება…როცა სრული ვერსია იქნება, იქ ვრცლად ვისაუბრებ ჩემი და ამ სიმღერის ისტორიაზე.დიდი მადლობა ამ გენიალური ვერსიისთვის ნიკა ნიკვაშვილს და ორკესტრს.ჩვენი ვაჟა ძია (ვაჟა აზარაშვილი), ის აქ არის.სამწუხაროდ, ვერ მოესწრო ამ სიმღერის ახალ ვერსიას, ამაზე ძალიან მწყდება გული…“
საზოგადოება • 1706204031
ხალხის ძალის” წევრი, თამთა მეგრელიშვილი, კეკელიძის ქუჩაზე მდებარე ბინიდან გამოსახლების დროს განვითარებულ მოვლენებს სოციალურ ქსელში ეხმაურება.მისი თქმით, მორალურად მძიმე მდგომარეობა არ ამართლებს კანონის უგულებელყოფას, ვინაიდან, სამართლებრივ სახელმწიფოში კანონი ყველასთვის ერთია.“აღსრულების პოლიციამ 23 იანვარს თბილისში, კეკელიძის N1-ში მდებარე ბინაში მყოფთ ბინის დატოვებისკენ მოუწოდა, წინააღმდეგობის გაწევის შემდეგ კი ისინი ბინიდან ძალის გამოყენებით გაიყვანა. ბინის ახალი მფლობელის, დარეჯან დვალის ადვოკატი გიორგი სუხიტაშვილი აცხადებს, რომ ყოფილ მფლობელთან, მარინა ხატიაშვილთან შეთანხმება შედგა და მას უძრავ ქონება გარკვეული პირობების სანაცვლოდ დაუბრუნდება. შეთანხმებაზე ხელმოწერა დაადასტურა ბინის ყოფილმა მფლობელმა მარინა ხატიაშვილმა. დოკუმენტი რომელიც მხარეებმა 24 იანვარს გააფორმეს ადასტურებს, რომ დარეჯან დვალი ქონებას ერთი თვის განმავლობაში არ გადაყიდის და ქონება იქნება დალუქული. კარგია, რომ მხარეთა შორის შეთანხმება ცივილური ფორმით მოხდა და იმედია ორივე მხარე საკითხის სრულად გადასაწყვეტად შეთანხმებისამებრ იმოქმედებს. საქართველოს პროკურატურამ გამოსახლების დროს ორ პირს, გიორგი ხასაიას და კაკო ჩიქობავას ბრალი სისხლის სამართლის კოდექსის 187-ე მუხლის (ნივთის დაზიანება ჯგუფურად) მე-2 ნაწილით წარუდგინეს.ორივე მათგანს ედავებიან აღსრულების ეროვნული ბიუროს ავტომობილის დაზიანებას რაც 3-დან 6 წლამდე თავისუფლების აღკვეთას ითვალისწინებს. დღეს გამართულ პროცესზე მოსამართლემ პატიმრობასთან დაკავშირებით, პროკურატურის შუამდგომლობა გაიზიარა. კითხვა რამდენად სამართლიანია ეს ყოველივე, უადგილოა, რადგან მორალურად მძიმე მდგომარეობა არ ამართლებს კანონის უგულებელყოფას. უნდა გვესმოდეს, რომ ჩვენ ვცხოვრობთ სამართლებრივ სახელმწიფოში სადაც კანონი ყველასთვის ერთი დავალებაა. კანონთან დაპირისპირება და აპელირება იმაზე, რომ მევახშეობა დიდი პრობლემაა (ეს საკითხი მართლაც მოსაწესრიგებელია) არ გვათავისუფლებს კანონისადმი პატივისცემისა და მისი დაცვის აუცილებლობისაგან. სამწუხაროდ სამართალი არ ცნობს ემოციებს! კანონი კრძალავს სხვისი ქონების დაზიანებას, ხელყოფას. კანონის დარღვევა იწვევს პასუხისმგებლობას განურჩევლად პირისა.” - წერს მეგრელიშვილი Facebook-ზე.
საზოგადოება • 1706162837
შეთანხმება შედგა - კეკელიძის პირველ ნომერში მდებარე ბინის ახალი პატრონი, დარეჯან დვალი თანახმაა, 90 000 დოლარის გადახდის შემთხვევაში, ხატიაშვილებს უძრავი ქონება დაუბრუნოს, იმ პირობით თუ - "ანგაჟირებული, აგრესიული ჯგუფები" შეწყვეტენ მის წინააღმდეგ მოქმედებას.ადვოკატის განმარტებით, არსებობს კიდევ ერთი პირობა - დარეჯან დვალს ერთი თვის განმავლობაში უძრავი ქონებით სარგებლობის უფლება უნდა ჰქონდეს."ქალბატონი დარეჯან დვალი, ახლანდელი მესაკუთრე და ყოფილი მესაკუთრე - მარინა ხატიაშვილი შეთანხმდნენ, რომ მარინა ხატიაშვილს ეძლევა 1 თვის ვადა, რომ გამოისყიდოს ეს უძრავი ქონება 90 000 აშშ დოლარად იმ პირობით, რომ ქალბატონი მარინა ხატიაშვილი და მისი მხარდამჭერები შეწყვეტენ მუქარას, ზეწოლას, ფსიქოლოგიურ შანტაჟს და ზემოქმედებას ქალბატონ დარეჯან დვალზე და, ასევე, თუ ამ ერთი თვის განმავლობაში ისინი მისცემენ დარეჯან დვალს საშუალებას, რომ თავისუფლად და დაუბრკოლებლად ისარგებლოს თავისი უძრავი ქონებით,"-აცხადებს ბინის ახალი მფლობელის ადვოკატი გიორგი სუხიტაშვილი.კეკელიძის ქუჩაზე მდებარე საცხოვრებელი ფართო საზოგადოების ყურადღების ცენტრში ორი დღის წინ მოექცა, როდესაც გამოსახლების ხმაურიანი პროცესი მიმდინარეობდა. დააკავეს 20 ადამიანი. ამ ყველაფერს კი წინ მრავალწლიანი დავა უძღოდა. ხატიაშვილები უარს აცხადებდნენ დარეჯან დვალის შეთავაზებაზე ქავთარაძის ქუჩაზე არსებული უძრავი ქონება საჩუქრად მიეღოთ და ირწმუნებოდნენ, რომ მსგავსი გარიგება რისკებს შეიცავს. დვალმა ბინა 2018 წელს საჯარო აუქციონზე შეიძინა.
სამართალი • 1706040215
„საჭიროდ ვთვლით საზოგადოებას მივაწოდოთ სრული და ამომწურავი ინფორმაცია კეკელიძის ქუჩაზე დღეს ჩატარებული იძულებითი აღსრულების, ე.წ. გამოსახლების შესახებ.ჩემი დაცვის ქვეშ მყოფმა, ქალბატონმა დარეჯან დვალმა ზ.აღნიშნული ბინა საჯარო აუქციონზე შეიძინა 2018 წლის 19 თებერვალს. აღსანიშნავია, რომ დარეჯან დვალს წინა მესაკუთრის, მარინე ხატიაშვილის მიერ კერძო იპოთეკარისგან ნასესხები თანხა, 15 000 აშშ დოლარი გადმოჰყვა ვალდებულების სახით, რომელიც მან დამატებით გადაიხადა იმავე წლის მარტის თვეში.აღნიშნულის შემდგომ, ვინაიდან მარინე ხატიაშვილი ყოველგვარ მოლაპარაკებაზე სასტიკ უარს გვიცხადებდა, მივმართეთ სასამართლოს, მისი გამოსახლებისა და კანონიერი მესაკუთრისთვის სახლის თავისუფალ მდგომარეობაში გადაცემის მოთხოვნით.მოცემული პერიოდიდან დღევანდელ დღემდე დარეჯან დვალის და ასევე ჩემი, როგორც მისი ადვოკატის მიმართ, გამუდმებით მიმდინარეობდა ფსიქოლოგიური და მორალური ტერორი და მუქარა მარინე ხატიაშვილისა და მისი ე.წ. დამცველების მხრიდან, საზოგადოებას გამუდმებით აწვდიდნენ ყალბ ინფორმაციებს, თითქოს და მარინე ხატიაშვილს გადახდილი ჰქონდა თანხები დარეჯან დვალისთვის, თითქოს ის უსახლკაროდ რჩებოდა და ზ. აღნიშნული ბინა ვითომ წარმოადგენდა მის უკანასკნელ საცხოვრისს, რაც არის მცდარი ინფორმაცია.2018 წლიდან დღემდე აღსრულების ბიუროს მიერ 5-ჯერ მოხდა გამოსახლების გადადება და გადავადება, ჩვენ მიერ საბოლოო შეთავაზებას წარმოადგენდა, მარინე ხატიაშვილისთვის, იმ პირობით რომ ის ნებაყოფლობით გამოვიდოდა ბინიდან, მაშინ დარეჯან დვალი მას საკუთრებაში ჩუქების სახით აძლევდა თბილისში, ქავთარაძის ქუჩაზე მდებარე გარემონტებულ, კეთილმოწყობილ საცხოვრებელ სახლს, რაზედაც მან კვლავ უარი განაცხადა.და ბოლოს, ჩვენს მიერ კიდევ ერთხელ ხდება კეთილი ნების გამოვლენა და მარინე ხატიაშვილს ვთავაზობთ ზ. აღნიშნული სახლის ჩუქების საფუძველზე საკუთრებაში გადაცემას, იმ პირობით, თუ ის აიღებას პასუხისმგებლობას, რომ ის და მისი დამცველები მოგვცემენ პირობას, რომ სამომავლოდ არავითარი დაპირისპირება მხარეებს შორის აღარ იქნება. - დარეჯან დვალის ადვოკატის, გიორგი სუხიტაშვუილის განცხადებაში, ფეისბუკის გვერდზე.
რეგიონი • 1703429997
ოზურგეთში ცენტრალურ მოედანზე ქალაქის მთავარი ნაძვის ხე საზეიმოდ აინთო
ოზურგეთში ცენტრალურ მოედანზე ქალაქის მთავარი ნაძვის ხე საზეიმოდ აინთო. საახალწლო ღონისძიება, რომელიც მთავრობის ადმინისტრაციის ორგანიზებით გაიმართა თეატრალიზებული წარმოდგენით დაიწყო. მუსიკალური და გასართობი პროგრამის შემდეგ ჩატარდა კონცერტი, რომელშიც მონაწილეობა ზვიად ბოლქვაძემ, სოფო გელოვანმა, გიორგი სუხიტაშვილმა, ნეკა სებისკვერაძემ, ნოდიკო ტატიშვილმა, ანი კეკუამ და ჯგუფმა „ირიაომ“ მიიღო.ღონისძიებას გურიის მხარისა და ადგილობრივი ხელისუფლების წარმომადგენლები, მოქალაქეებთან ერთად დაესწრნენ.ცენტრალურ მოედანზე შეკრებილ ადამიანებს დამდეგი შობა-ახალი წელი ოზურგეთის მერმა, ავთანდილ თალაკვაძემ მიულოცა.“უამინდობის მიუხედავად მადლობა ყველას, რომ მიიღეთ ჩვენი მოწვევა და მობრძანდით. მინდა, გისურვოთ ჯანმრთელობა, კეთილდღეობა და წარმატებები! ჩვენმა ქვეყანამ დამსახურებულად მიიღო ევროკავშირის წევრობის კანდიდატის სტატუსი. გილოცავთ ამ ისტორიულ მიღწევას, რომელიც „ქართული ოცნების“ ძლიერი გუნდის და თქვენი, თითოეული მოქალაქის, დამსახურებაა. საკმაოდ დატვირთული წელი გვქონდა ოზურგეთში - ქალაქსა და სოფლებში არაერთი მნიშვნელოვანი პროექტი განვახორციელეთ. მომავალი წელი იქნება კიდევ უფრო მეტი აღმშენებლობის და კეთილდღეობის მომტანი. გპირდებით, კვლავ გვექნება პოზიტიური სიახლეები და განვაგრძობთ ოზურგეთის განვითარებას და განახლებას. კიდევ ერთხელ, მადლობას ვუხდი საქართველოს პრემიერ მინისტრს, მთავრობას და საქართველოს პარლამენტს, ჩვენი მუნიციპალიტეტის მხარდაჭერისთვის! გილოცავთ დამდეგ 2024 წელს!,“- აღნიშნა ოზურგეთის მერმა ავთანდილ თალაკვაძემ.საღამო გრანდიოზული ფოიერვერკით დასრულდა.
რეგიონი • 1696751400
რუსთავში „რუსთავქალაქობისთვის“ მზადება მიმდინარეობს
რუსთავში, დღეს ,,რუსთავქალაქობას“ აღნიშნავენ. ქალაქის დღესასწაულისადმი მიძღვნილი საღამო 19:00 საათზე, თავისუფლების მოედანზე გაიმართება, სადაც მზადება დილიდან მიმდინარეობს.„რუსთავქალაქობა 2023“-ის მთავარი თემა, უძველესი და მე-20 საუკუნის რუსთავის ისტორიაა.„დღეს რუსთავში აღვნიშნავთ ჩვენი ქალაქის დღეს. საღამოს 7 საათზე, ქალაქის მთავარ მოედანზე ძალიან სასიამოვნო კონცერტი დაიწყება. ველოდებით ყველას, მთელ რუსთავს, ღონისძიებაზე არ გვაქვს არცერთი პერსონალური მოსაწვევი. მე დარწმუნებული ვარ, დღევანდელი საღამო თითოეული რუსთაველისთვის იქნება დაუვიწყარი“, - განაცხადა რუსთავის მერმა ნინო ლაცაბიძემ.საზეიმო კონცერტში თბილისის ოპერისა და ბალეტის თეატრის ორკესტრი და ნიკა ნიკვაშვილი, ანსამბლი ,,ქართული ხმები", ნატო მეტონიძე, ნუკრი კაპანაძე, ზვიად ბოლქვაძე, ნატალია ქუთათელაძე, ნეკა სებისკვერაძე, გიორგი სუხიტაშვილი და მიხეილ ჯავახიშვილი მიიღებენ მონაწილეობას.„რუსთავქალაქობის" საზეიმო საღამოს მუსიკოსი და რეჟისორი ლაშა ნოზაძე წარუძღვება.„სამზადისი აქტიურ ფაზაშია, წელს აქცენტს ვაკეთებთ ქალაქის ორ სიცოცხლეზე, ძველ და განახლებულ რუსთავზე, რაღა თქმა უნდა, იმ ადამიანებზე, ვინც ეს ქალაქი შექმნა და ვინც ფაქტობრივად ამ ქალაქის ბედი დაწერა. ვინც ჩვენი თანამედროვეა და ჩვენს გვერდითაა, დღეს სტუმრად გვეყოლება და მოვეფერებით, ვინც სამწუხაროდ დაგვტოვა, მათ ღვაწლს გავაცნობთ ახალ თაობას და გავიხსენებთ. ველით ყველას, ვისთვისაც ეს ქალაქი ძალიან მნიშვნელოვანია და უყვარს“, - განაცხადა ლაშა ნოზაძემ.ქალაქის დღესასწაულს, რუსთაველები ყოველი წლის შემოდგომაზე, ტრადიციულად უკვე 25 წელია, რაც აღნიშნავენ.
პოლიტიკა • 1690708256
რუსთავში, ახალგაზრდობის პარკში, მთავრობის ადმინისტრაციის ორგანიზებით, „მუსიკალური საღამო“ გაიმართა
პრემიერის ინიციატივითა და მთავრობის ადმინისტრაციის ორგანიზებით, რუსთავში, ახალგაზრდობის პარკში, „მუსიკალური საღამოს“ ფარგლებში, ღონისძიებები გაიმართა.პარკის ტერიტრიაზე მოწყობილ სივრცეებში, სხვადასხვა გასართობი და შემეცნებითი ღონისძიებები მოეწყო, გაიმართა ადგილობრვი მეწარმეების ნამუშევრების გამოფენა-გაყიდვა, საღამო კი ქართველი შემსრულებლების კონცერტით დასრულდა.ღონისძიებას რუსთავის მერი ნინო ლაცაბიძე, ქვემო ქართლში სახელმწიფო რწმუნებული გიორგი დოხტურიშვილი, ქალაქის საკრებულოს ფრაქცია '"ქართული ოცნების,,, წევრები და ადგილობრივი ხელისუფლების სხვა წარმომადგენლები დაესწრნენ.,,პრემიერის ინიციატივით დაგეგმილი "მუსიკალური საღამოები", დღეს რუსთავშია. მიუხედავად იმისა, რომ ზაფხულის ცხელი დღეებია,, მე დარწმუნებული ვარ, რომ რუსთაველებმა ძალიან კარგი საღამო გაატარეს. ღონისძიება გათვლილი იყო ყველა ასაკის ადამიანზე. მე ვფიქრობ, რომ ასეთი ღონისძიებით ჩვენი ქალაქი კიდევ უფრო გახალისდება და მადლობა ამისთვის პრემიერს", - განაცხადა რუსთავის მერმა ნინო ლაცაბიძემ.ქვემო ქართლში სახელმწიფო რწმუნებულის გიორგი დოხტურიშვილის განცხადებით, ,,მუსიკალურ საღამოები" მხარის შვიდივე მუნიციპალიტეტში გაიმართა."საქართველოს პრემიერ მინისტრის ინიციატივით და მთავრობის ადმინისტრაციის ორგანიზებით, ქვეყნის თითქმის ყველა მუნიციპალიტეტში ჩატარდა ,,მუსიკალური საღამოები". ქვემო ქართლის რეგიონის შვიდივე მუნიციპალიტეტში გაიმართა ძალიან კარგი ღონისძიებები და დღეს დასკვნითი ღონისძიებები იყო რუსთავში, რომელმაც ძალიან კარგად ჩაიარა", - განაცხადა ქვემო ქართლში სახელმწიფო რწმუნებულმა გიორგი დოხტურიშვილმა.ახალგაზრდობის პარკში მოწყობილ სივრცეებში ბავშვებისთვის ანიმატორების და საპნის ბუშტების შოუ, თითების თეატრი გაიმართა, ჩატარდა ყვავილების გვირგვინების დამზადების მასტერკლასი. პარკში მისულ პატარებს ბამბის ნაყინითა და პოპკორნით გაუმასპინძლდნენ. 20:00 საათზე კი საკონცერტო პროგრამა დაიწყო. ,,მუსიკალურ საღამოში“ ნუკრი კაპანაძე, მაია ჯაბუა, მანანა თოდაძე, ნეკა სებისკვერაძე, გიორგი სუხიტაშვილი, ნათია პერანიძე, დათუნა სირბილაძე, ლიკა დოლიძე, ანსამბლი „ჰერიო", ანსამბლი „ქართული ხმები", ჯგუფი „ლაიქ ბენდი" და ნინო გულიაშვილი იღებდნენ მონაწილეობას. საღამოს ნანიკო ხაზარაძე უძღვებოდა..„მუსიკალური საღამოები“ მთელი ქვეყნის მასშტაბით 63 მუნიციპალიტეტში და დაბა ბაკურიანში ყოველ შაბათ-კვირას, საქართველოს მთავრობის ადმინისტრაციის ორგანიზებით იმართება.
საზოგადოება • 1690637333
რუსთავში, ახალგაზრდობის პარკში, „მუსიკალური საღამო“ გაიმართება
,,მუსიკალური საღამოსთვის“ მზადება პარკის ტერიტორიაზე უკვე დაწყებულია, დასრულდა სცენის, ღია დახლებისა და სხვადასხვა გასართობი პავილიონების მონტაჟი. ,,პრემიერის ინიციატივითა და მთავრობის ადმინისტრაციის ორგანიზებით, საქართველოს მასშტაბით დაწყებულ ,,მუსიკალურ საღამოს“, დღეს რუსთავში ვმასპინძლობთ. ღონისძიებები 17:00 საათზე დაიწყება, მოეწყობა სხვადასხვა გასართობი და შემეცნებითი აქტივობები ბავშვებისთვის, ჩატარდება კონცერტი ქართველი შემსრულებლების მონაწილეობით. საღამოს, ყველა რუსთაველს ველოდებით ახალგაზრდობის პარკში, აქ მათ საკმაოდ მრავალფეროვანი და საინტერესო ღონისძიებები ელოდებათ“, - განაცხადა რუსთავის მერმა ნინო ლაცაბიძემ,,მუსიკალური საღამოების“ ფარგლებში, რუსთავში, ახალგაზრდობის პარკში გასართობი და შემეცნებითი ღონისძიებები, 19:00 საათზე დაიწყება. გაიმართება ადგილობრივი მეწარმეების პროდუქციის გამოფენა-გაყიდვა, ბავშვებისთვის ანიმატორების და საპნის ბუშტების შოუ, თითების თეატრი, ჩატარდება ყვავილების გვირგვინების დამზადების მასტერკლასი. პარკში მისულ პატარებს ბამბის ნაყინით და პოპკორნით გაუმასპინძლდებიან. 20:00 საათზე კი საკონცერტო პროგრამა დაიწყება. ,,მუსიკალურ საღამოში“ მონაწილეობას ნუკრი კაპანაძე, მაია ჯაბუა, მანანა თოდაძე, ნეკა სებისკვერაძე, გიორგი სუხიტაშვილი, ნათია პერანიძე, დათუნა სირბილაძე, ლიკა დოლიძე, ანსამბლი „ჰერიო", ანსამბლი „ქართული ხმები", ჯგუფი „ლაიქ ბენდი" და ნინო გულიაშვილი მიიღებენ. კონცერტის წამყვანი ნანიკო ხაზარაძე იქნება.
საზოგადოება • 1685623231
„ვეღარ ვიხუმრებთ და ვიცინებთ ერთად... გული მაქვს შეკუმშული“ - სუხიტა სამწუხარო ინფორმაციას ავრცელებს
მომღერალი გიორგი სუხიტაშვილი სოციალურ ქსელში სამწუხარო ინფორმაციას ავრცელებს და ამბობს, რომ მისი მეგობარი გარდაიცვალა. „თბილისში, შეშელიძის 49 ნომერში ერთი პატარა ვულკანიზაციაა, სადაც ერთი კარგი კაცი მუშაობს, ჩვენ სამეგობრო მას ძიას ვეძახით.მართლა კარგი ადამიანია ჩვენი ძია, პატიოსნად შრომობს, არ ეშლება დიდი და პატარა, ყველას ეხმარება, პატივს სცემს, კარგი მეოჯახეა, სულ თავის ოჯახსე და შვილიშვილებზე გვესაუბრება, გვაჩვენებს ფოტოებს და ვიდეოებს. უყვარს თავისი კუთხე და სოფელი.მისი ნათესავია ჩვენი ნაკრების და ფრანგული მეცის ფეხბურთელი გიორგი (ჟორჟი) მოქაუტაძე, იცის რომ სპორტი მიყვარს და როცა მივდივარ თან საქმეს აკეთებს და ისე მეუბნებახოლმე სიამაყით და სითბოთი გაჟღენთილი ღიმილით, ნახე რა ქნა ჩვენმა ბიჭმა ორი გოლი გაიტანა, თვის საუკეთესო გახდაო.თავის პატარა საქმისგან დამტვერილ ოთახში სულ ცდილობს წესრიგი ჰქონდეს მოკაუჭებულ მავთულებზე მისთვის საჭირო რამეები აქვს ჩამოკონწიალებული, იქით ძველი მაგნიტოფონი უდევს რომელიც მხოლოდ რადიოს ფუნქციას ინარჩუნებს, უამრავი საბურავი და დისკი აქვს მიწყობილი.ყოველთვის კარგ ფიზიკურ ფორმაშია, ხშირად ჟორჟის ნაჩუქარი საფეხბურთო კლუბ "მეცი"-ს სპორტული ფორმა აცვია ხოლმე, მეც მივადგები და ვეუბნები, ძია როდის უნდა მაჩუქო ეგ ფორმა რო გაცვდებათქო?არა ძია შენ ამას როგორ გაკადრებ, აი ჩვენი გიორგი რო ჩამოვა ჩამოვატანინებ შენთვისო. თან რაღაცნაირო კეთილი ღიმილი აქვს და თვალები სულ უციმციმებდა.დღეს 1-ლი ივნისია, ჩემმა მეგობარმა ირაკლი შარაშენიძემ ჩვენი სამეგობროს საერთო ჩატში ერთი მესიჯი დაწერა,"ბიჭებო სანდრო ძია დაიღუპა"ამ მესიჯის წაკითხვიდან თითქმის ორი საათი გავიდა, გული მაქვს შეკუმშული, ჩვენი საყვარელი მოხევე ძია აღარ არის იქ შეშელიძის 49-ში.მანქანას რომ გავაჩერებ აღარ გამოვა მეცის სპორტულით მაჯებაკეცილი, ცივ სასმელს რომ შევაწოდებ აღარ მეტყვის უხერხულ მადლობას, ვეღარ ვიხუმრებთ და ვიცინებთ ერთად. ძია იყო უბრალო მაგრამ ძალიან მნიშვნელოვანი ადამიანი. გთხოვთ სიცოცხლეში ყველას აგრძნობინეთ რომ მნიშვნელოვანია.ბედნიერი ვარ რომ მე და ჩემმა ბიჭებმა ეს გავაკეთეთ და ვუთხარით ბევრჯერ.ვწუხვარ რომ ძიას ვერ დავემშვიდობები პირადად, ძალიან ვწუხვარ რომ ასე ნაადრევად წავიდა ჩვენგან. ჩვენი ძია“,- წერს გიორგი სუხიტაშვილი.
