საზოგადოება • 1710872428

წყალი შეწყდება - გადაამოწმეთ მისამართები

თბილისის ზოგიერთ ქუჩას წყალმომარაგება შეეზღუდება.გლდანის რაიონი, დღეს 19/03 მონადირის ქ. სატუმბო სადგურის მაგისტრალურ ქსელზე გადაერთებითი სამუშაოები ჩატარდება. წყალი შეწყდება 19/03 12:00-დან 20/03 08:00-მდე წყალმომარაგება შეუწყდება: ქერჩის, ილორის, ზარზმის, კაჭარავას, რევოლუციის, ხანძთის, ბაღნარის ქუჩებს; ხიზაბავრის ქუჩა და ჩიხები, იპოლიტოვ-ივანოვის ქუჩა ჩიხებით და შესახვევით, ჯანჯღავას ქუჩა შესახვევებით და ჩიხებით, ჩიქვანაიას ქუჩა და ჩიხებით, სოფ.გლდანში: 26 მაისის, ყაზბეგის, წერეთლის, თამარ მეფის, მრევლიშვილის, დარასელიას, დ.თავდადებულის ქუჩებს; გაზის დასახლებას, ავჭალა 2-ის დასახლებას; ცენტოლიტის დასახლებას; ხევძმარის N4, ანდრონიკაშვილის, ხიზანიშვილის, ხიზანბარელის, სკოლის, ბიჭვინთის, მანაგაძის, ჩოლოყაშვილის, აღმაშენებლის, გამარჯვების ქუჩებს; ანდრონიკაშვილის II შესახვევს. მუხიანის სამხედრო დასახლება იგივე ავჭალა 1-ში: გაბაშვილის, მარჯნის, ღვალაძის, ქობის, ბრონშტეინის ქუჩებს თავისი შესახვევებით და ჩიხებით, გობრონიძის N46, ავშნის დასახლებას,ავშნის ქუჩას, ნუშის ქუჩას და ანტონ მე-2 ქუჩას და მონადირის ქუჩას , ფირცხალავასქუჩას , ძმები ჭილაშვილების ქუჩას, ფრანგიშვილის ქუჩას, მუხიანის 1-ლ, მე-2, მე-3, მე-4 ა და მე-4 ბ მ/რ მთლიანად,  გობრონიძის ქუჩას ჩიხებით, ზღვის უბნის (თემქის) III მ/რ ყველა კვარტლებს (გარდა III მ/რ-ს I კვარტლის N1, 8, 9, 18, 19, 20, 21, 22 კორპუსებისა), მუხიანის აგარაგებს სრულად.გლდანის რაიონი, ომარ ხიზანიშვილი ქ.N30-თან წყალსადენის ქსელზე დაზიანების აღდგენითი სამუშაოების ჩატარების მიზნით  10:45-დან 14:00-მდე წყალმომარაგება შეუწყდება: გლდანის  ა მიკროს სრულად.გლდანის რაიონი, ივანე კაჭარავას ქ.N22-ში მოქალაქის კუთვნილ წყალსადენის ქსელზე დაზიანების აღდგენითი სამუშაოების ჩატარების მიზნით  11:00-დან 18:00-მდე წყალმომარაგება შეუწყდება: კაჭარავას ქუჩას სრულად.სამგორის რაიონი, იუმაშევის ქ. N 11 თან წყალსადენის ქსელზე დაზიანების აღდგენითი სამუშაოების ჩატარების მიზნით  12:00-დან 22:00-საათამდე წყალმომარაგება შეუწყდება:იუმაშევეის, რუსთაველის( მარიამ ორახელაშვილის) მიხეილ ღლონტის, ივანე ფრანგულიანის, ლილოს დასახლების მე-2 კვატლის #9,10,11,12 კორპუსებს, ბორის ბერიძის, სერგო გუჟეჟინის და ფადიკო გოგიტიძის ქუჩებს.საბურთალოს რაიონი, ბახტრიონის ქ.N39-ში კუთვნილ წყალსადენის ქსელზე დაზიანების აღდგენითი სამუშაოების ჩატარების მიზნით  12:00-დან 20:00-მდე წყალმომარაგება შეუწყდება:ცინცაძის ქუჩას და ბახტრიონის 9-55 კენტებს.სამგორის რაიონი, ზურაბ ბეგიაშვილის ქ.N60-თან წყალსადენის ქსელზე დაზიანების აღდგენითი სამუშაოების ჩატარების მიზნით  14:30-დან 22:00-მდე წყალმომარაგება შეუწყდება:ბეგიაშვილის, ზავრიევის, ქობულაძის, ალექსანდრე ჯანელიძის, კოპცოვის, ანდრონიკაშვილის, ტატიშვილის, ნავთლუღის დასახ. მე-2; მე-6; მე-7 ქუჩებს, ჯიქიას, იოსებ და ლეონ ორბელების, ხარაბაძის, ბუკისციხის, ანთიმოზ ივერიელის, იანქოშვილის (ნავთლუღის დასახლების მე-2 შეს.) აბულის ქუჩებს.ჩუღურეთის რაიონი, წყალი შეგიწყდათ ავრიულად გიორგი მაზნიაშვილი ქ.N49-თან წყალსადენის ქსელზე დაზიანების გამო, წყალმომარაგება აღდგება 20:00 საათზე წყალმომარაგება შეუწყდება:გიორგი მაზნიაშვილის ქუჩას.

საზოგადოება • 1703230046

თავდაცვის მინისტრმა კადეტთა სამხედრო ლიცეუმის ინფრასტრუქტურული სამუშაოები დაათვალიერა

თავდაცვის მინისტრმა ჯუანშერ ბურჭულაძემ, თავდაცვის ძალების მეთაურთან გენერალ-მაიორ გიორგი მათიაშვილთან ერთად, აღმოსავლეთ საქართველოში გენერალ გიორგი მაზნიაშვილის სახელობის კადეტთა სამხედრო ლიცეუმის ინფრასტრუქტურული სამუშაოები დაათვალიერა. თავდაცვის ძალების მეთაურმა თავდაცვის მინისტრს ლიცეუმის სამშენებლო და სარეაბილიტაციო სამუშაოების შესახებ დეტალური ინფორმაცია მიაწოდა. თავდაცვის სამინისტრომ თანამედროვე სტანდარტების შესაბამისი გენერალ გიორგი მაზნიაშვილის სახელობის კადეტთა სამხედრო ლიცეუმის მშენებლობა მიმდინარე წლის დასაწყისში დაიწყო.ლიცეუმის ტერიტორიაზე აშენდება ახალი ფუნქციური შენობები, ხოლო იქ არსებულ ობიექტებს სრული რეკონსტრუქცია ჩაუტარდება. 42 ჰექტარ ტერიტორიაზე დაგეგმილია 400 კადეტზე გათვლილი საცხოვრებელი და სასწავლო კორპუსების, სასადილოსა და ლაზარეთის შენობების, აგრეთვე საკონფერენციო დარბაზისა და ადმინისტრაციული კორპუსის სრული რეკონსტრუქცია. ასევე, აშენდება სიმულაციის ცენტრი, დახურული სპორტული დარბაზი, ინფრასტრუქტურის სამსახურის შენობა და საკონტროლო გამშვები პუნქტი. ტერიტორიაზე მოეწყობა ახალი ავტოსადგომი, საწვავგასამართი სადგური, ავტოსამრეცხაო და სატრანსპორტო საშუალებების სარემონტო უბანი. კადეტთა სამხედრო ლიცეუმის მშენებლობისთვის 40 მილიონ ლარამდეა გამოყოფილი.დასავლეთ საქართველოში, ქუთაისში წლებია წარმატებით ფუნქციონირებს გენერალ გიორგი კვინიტაძის სახელობის კადეტთა სამხედრო ლიცეუმი. ახალი ლიცეუმი დასავლეთ საქართველოს ლიცეუმის ანალოგი იქნება და აღმოსავლეთ საქართველოს დაფარავს.

კულტურა • 1679091276

EXCLUSIVE: „ვფიქრობ, სწორედ, ამ ადგილიდან დაიწყება მეორედ მოსვლა...“ - ლევან გოთუას აქამდე უცნობი ნაწარმოები და ღვთისმშობლის გამოცხადებით მიწაში ჩამარხული სალოცავის აღმოჩენა

რეხა - წალკის რაიონული ცენტრიდან ყველაზე დაშორებული სოფელია, რომელიც ბორჯომის რაიონის საზღვართან მდებარეობს. მოსახლეობის რაოდენობა 445. ქართველები 86 %, ბერძნები 13 %. რეხადან ბორჯომის რაიონის უახლოეს სოფელ გუჯარეთამდე მანძილი, 13-15  კმ-ია.1795  წელს აღა-მაჰმად-ხანის მიერ ძველი თრიალეთის მთლიანად აოხრების  შემდეგ, რეხა იყო ერთადერთი გადარჩენილი ქართული სოფელი.რეხაში, გადმოცემით სოფლის გადარჩენის მიზეზიც იციან. გაუკაცრიელებული თრიალეთის უზარმაზარ ტერიტორიაზე, სადაც  მხოლოდ მგლებისა და  ტურების  ხმა ისმოდა,  მარტოდ დარჩენილი რეხის ქართველობა, სოფელს ტოვებდა და გადადიოდა უახლოეს  რაიონებში საცხოვრებლად.  გამოძიების მასალებიდან ირკვევა, რომ 1925 წლის ივლისში წალკის რაიონის სოფელ რეხაში დიდი სასწაული მოხდა - ღვთისმშობლის გამოცხადებით აქ აღმოაჩინეს მიწაში ჩამარხული სალოცავი, შიგ წმინდანთა უხრწნელი ცხედრებით.მათი ხილვისას, ძალიან ბევრი ადამიანი განიკურნა მაშინ - ისინიც კი, ვისაც თანდაყოლილი პათოლოგიები ჰქონდა - ყრუ, მუნჯი, უსინათლო, ხეიბარი და ასე შემდეგ.. ამ სასწაულების მხილველი რეხელები სალოცავთან ათენებდნენ და აღამებდნენ.მიუხედავად ყველაფრისა, სოფელში სიცოცხლე გრძელდებოდა. ხალხმა მაინც შეინარჩუნა ქართული ცნობიერება და ღვთის წყალობით, ამ  სოფელში, სიცოცხლე დღემდე გრძელდება.ბევრი მკვლევარი თვლიდა, რომ აღა-მაჰმად-ხანის შემოსევებს, ვერც რეხა გადაურჩა, მაგრამ უამრავი უტყუარი ფაქტია იმისა, რომ ამ სოფელში ცხოვრება არ  შეწყვეტილა, გამომდინარე  იმ მარტივი  მოსაზრებიდან, რომ გადმოცემით იცოდნენ ყველა მეზობელი ნასოფლარების ძველი სახელები და თითოეული სოფლის ეკლესიების შესახებ გარკვეული ინფორმაცია.რეხელების გარდა, სხვა სოფლებში, არავინ არაფერი იცის ძველი თრიალეთისა და მისი ნასოფლარების  შესახებ. უზარმაზარი ტერიტორიის გაუკაცრიელების გამო, ურთიერთობა ჰქონდათ ძირითადად, ბორჯომის, გორის და სამცხე - ჯავახეთის მოსახლეობასთან.„პრაიმტაიმი“ ამ სოფლის მკვიდრ, პროფესიით მათემატიკოს გულიკო საბაძეს დაუკავშირდა, რომელიც დღემდე იკვლევს მისი წინაპრების ისტორიას და რეხას შესახებ, საინტერესო ინტერვიუ ჩაწერა: ვერასდროს წარმოვიდგენდი, ასეთ თემებს თუ შევეხებოდი, მაგრამ მოხდა სასწაული, თვითონ მოვიდა ჩემთან. რომ იცოდეთ, ჩემ თავს რა სასწაულები ხდებოდა, რაც სხვათა შორის, დღემდე გრძელდება.ამ მასალების მოძიება, 2013 წლიდან დავიწყე, იმიტომ კი არა, რომ მინდოდა, მე ეს დამევალა.- მოგვიყევით, როგორ დაიწყო ყველაფერი...ამ თემაზე, 100 -გვერდიანი წერილი მაქვს დაწერილი, დოკუმენტური მასალებით და ინფორმაციებით, რაც მასალები რომ მოვიძიე, ერთ დღე-ღამეში დავასრულე, მიუხედავად იმისა, რომ არც ფილოლოგი ვარ და არც ისტორიკოსი, პროფესიით მათემატიკოსი ვარ.ბოლო ხანებია, ყველაფერს თავი დავანებე და ამ საქმით დავკავდი. უამრავი მასალა მაქვს, ადრე ჟურნალში „ფენომენი“ იბეჭდებოდა.მხოლოდ, რამდენიმე ხნის წინ გავიგე, რატომ ხდებოდა ჩემ თავს, ასეთი განსაცდელები. ჩვენ სოფელ რეხაში, უამრავი სალოცავია, დღემდე საიდუმლოებებით მოცული. ბევრმა, ისიც კი არ იცოდა, რომ წალკაში ქართველები ცხოვრობდნენ.დავიბადე წალკაში, სოფელ რეხაში, მაგრამ ამჟამად, თბილისში ვცხოვრობ. 80 -იან წლებში დავამთავრე უნივერსიტეტი და აქ გადმოვედი საცხოვრებლად. რაც დღეს ხდება და რა ინფორმაციებიც სოციალურ ქსელში არის გამოქვეყნებული, ადრე არ მჯეროდა.ეს ამბავი, 1925 წელს მოხდა. თომა საბაძე ჩემი დიდი  ბაბუა იყო, დედაჩემის  ბიძა. წალკაში ბევრჯერ მიმიწვიეს, აქ ჩამოსახლებული ქართველები არიან, რომლებმაც ამ კუთხის შესახებ, არაფერი იციან.მათ სოციალურ ქსელში, გვერდიც აქვთ, ვცდილობ, ინფორმაცია მივაწოდო და ხშირად, კომენტარებს ვწერ. ერთხელ მთხოვეს, ჩამოდი, ლექცია ჩაგვიტარეო. თავიდან უარი ვუთხარი, არ მაქვს გამოცდილება-მეთქი.სპეციალობით, პროგრამისტი ვარ და ისტორიულ თემაზე, გამიჭირდება-მეთქი.  ბოლოს დამითანხმეს, ბრწყინვალე ინტერვიუ გამოვიდა - 2 საათში მოქცეულია, მთელი სოფლის ისტორია.  თომა, გვარად საბაძე იყო.- საიდან მოდის ამ გვარის ისტორია?დარწმუნებული ვარ, არც გსმენიათ ედ გვარი. სასწაული ისტორია აქვს, მესხური გვარია. დოკუმენტები მოვიძიე და აღმოვაჩინე, რომ ჩვენი წინაპრები, სასულიერო პირები იყვნენ.თურქეთთან ახლოს ცხოვრობდნენ და ერთ ღამეში გაწყვიტეს. სამი ძმა გადარჩა და როგორც აღმოვაჩინე, იმ სამი ძმის შთამომავლები ვართ.ამ გადმოცემის და ჩემს მიერ მოძიებული მასალებით ირკვევა, რომ ჩვენ ვართ, სწორედ, იმ საბაძეების შთამომავლები, უფრო სწორად, იოანე საბანიძის. როგორც ვიცი, ხანძთადან ვართ, ერთ-ერთ მეცნიერს ველაპარაკე და მთხოვეს ლექცია წამეკითხა.ჩვენი წინაპრებიც, ხანძთადან არიან. არქივის მასალებში წერია, რომ თურქეთში მცხოვრები მართლმადიდებლები, შუა საუკუნეებში, ერთ ღამეში გაუწყვეტიათ.გადმოცემის თანახმად, სამი ძმა გადარჩა, რომელიც ბებიამ გადაარჩინა და ჩამოასახლა სოფელ ხეოთში, სადაც ააშენა ეკლესია, რომ გვარი გადაერჩინა. ახალციხის  რაიონის  ხეოთი - მეორე, ჩემი  წინაპრების  სამშობლოა.ფოტოზე  მონიშნული სოფელი - თურქეთის  ტერიტორიაზე მდებარე სოფელი ხეოთია.ასე გამრავლდა ეს გვარი და რამდენიმე ხანში, იქიდან სოფელ რეხაში გადმოსახლდა. ახლახან აღმოვაჩინე, რომ ძველ თრიალეთში არსებობდა ორი სოფელი, ორივეს სახელი - საბა.მოვიძიე, რომ სადაც სოფელი საბა არსებობდა, 1721 წლის აღწერით, ნამდვილად ცხოვრობდნენ საბაძეები, მაგრამ აღა-მაჰმად-ხანმა გაწყვიტა, როგორც გავარკვიე, ამ ხანძთელების შთამომავლები ვართ.წმინდა სალოცავებზე, რომელიც მიწაშია ჩამარხული, უამრავი მასალა მაქვს მოძიებული. გადმოცემით ვიცოდი, ვინ იყო თომა პაპა.სოფელში უხუცესი ადამიანები ჩავწერე, რომლებიც დაიკარგა და სამწუხაროდ, ამ მასალებს, დღემდე ვერ ვპოულობ. ძალიან საინტერესო ამბებს ჰყვებიან. ერთ-ერთი რესპონდენტია, თომა პაპას ბიძაშვილი, რომელიც ქიზიყში ცხოვრობდა, სრულიად შემთხვევით აღმოვაჩინე.ამ ქალბატონს, ყველაფერი ახსოვდა, თომა პაპას შესახებ. მის სალოცავზე, უამრავი მასალა აღმოვაჩინე არქივში. ამის შემდეგ დავიწყე ამ კუთხის შესახებ, ინფორმაციების მოძიება.ბევრი სასწაულები ხდებოდა ჩემ თავს. დავიწყე ძიება და სწორედ იმ დროს, ჩემ სახლში ისეთი სასწაული მოხდა, მივხვდი, რომ ეს დავალება, „ზევიდან“ იყო.ჩემი ოჯახი, ტრადიციულად, ძალიან მორწმუნეა, მასალები რომ მოვიძიე, სახლის კურთხევა გადავწყვიტე. დედაც ძალიან მორწმუნე ადამიანი იყო. მის ოჯახს, ძალიან დიდი ტრაგედია ჰქონდა გადატანილი. წერა-კითხვა არ იცოდა, თომა პაპას გამო, ძალიან დაისაჯა. სულ დევნიდნენ სკოლიდან, მაგრამ მთელი ბიბლია ზეპირად იცოდა.თომა პაპა ამბობდა, მე რომ მოვკვდები, თქვენ რა გეშველებათ, თორემ მე მეოთხე ცაზე ვიქნებიო. მართლაც სასწაული მოხდა, თომა პაპას საფლავი რომ გათხარეს, ცარიელი დახვდათ.მთელმა სოფელმა იცოდა ეს ამბავი, მე დიდხანს არ მჯეროდა. თომა პაპა, დედაჩემის ბიძა იყო. დედაჩემიც საბაძე იყო. მამაჩემის ბიძა ალექსანდრე საბაძე იყო, რეხაში თუ რამე ქართული ხდებოდა, მისი დამსახურებაა. სასულიერო პირი იყო.- გამოდის, რომ მშობლები ერთი გვარის იყვნენ...დიახ, ასე გამოდის. რეხაში, მხოლოდ ქართველები ცხოვრობდნენ, მათ შორის საბაძეების სამი შტოს წარმომადგენლები. ბოლშევიკები რომ შემოვიდნენ, სამცხე-ჯავახეთთან ურთიერთობა ჩაიკეტა.ხალხი თავისუფლად ვეღარ გადაადგილდებოდა, ამიტომ რეხაში რძალი, მხოლოდ ჯავახეთიდან მოჰყავდათ. გარშემო ცხოვრობდნენ ბერძნები, სომხები, თათრები, ოსები მაგრამ ქალი მხოლოდ ჯავახეთიდან მოჰყავდათ.ყველაზე მეტი რეხაში საბაძეები ცხოვრობდნენ. მამა გიორგი დარჩია, ათონის მთაზე მოღვაწე ბერი, პატრიარქმა ამბროსი ხელაიამ გაუშვა რეხაში. მამა გიორგიმ, ეკლესიაში არსებული ჩანაწერები შეისწავლა და თვითონ აკურთხა მიწა - ვის შორის შეიძლება ყოფილიყო ქორწინება, წიგნიც კი დაწერა ამაზე.ეს წიგნი, ბერძნებმა მოიპარეს და დაიკარგა. ამ სოფლიდან არის საბაძეების სამი შტო - ქიტესაანთ, საბოანთ და მაქსიმეანთ საბაძეები. მაქსიმეანთ საბაძეებს ჰქონდათ კურთხევა, ექორწინა ქიტესაანთ საბაძეებთან.ამ ეტაპზე, წალკის მერიც ილია საბაძეა, რომელიც მაქსიმეანთ საბაძის შტოდან არის, მეუღლე კი ქიტესაანთ საბაძიდან.  თომა პაპას სულ დევნიდნენ, მეტეხის ციხეშიც ჩააგდეს. მასთან ერთად, მსახურობდა მამა გიორგი დარჩია.  სოფელ რეხაზე ისტორია, რამდენიმე წლის წინ გამოქვეყნდა, რომელსაც დიდი გამოხმაურება მოჰყვა. საზღვარგარეთიდან ბევრი ქართველი ემიგრანტი გამოგვეხმაურა და ფონდის ჩამოყალიბებაც კი შემოგვთავაზა. სოფელ რეხაში, ძალიან ბევრი წმინდა ნაწილია მიწაში ჩამარხული.ერთ დღეს თომა პაპას ღვთისმშობელი გამოეცხადა, სადაც გლეხის საძოვრები იყო, ჩაეძინა და ხილვა ჰქონდა. ღვთისმშობელმა მინიშნება მისცა, ეს ადგილი გათხარეო. რომ გაიღვიძა, თავიდან ყურადღებას არ აქცევდა. რომ არ დაუჯერა, მეორედ გამოეცხადა და დასაჯა.უხუცესები იხსენებდნენ, რომ ბავშვობაში ძალიან ლამაზი ყოფილა, სანამ სახე დაეწვებოდა.- რაში მდგომარეობს, რომ დასაჯა...პირველად რომ არ მიაქცია ყურადღება, მეორედ გამოეცხადა ღვთისმშობელი  და უთქვამს, შენ დაისჯები და ნიშანი გექნება თავზეო. ეს ყველაფერი გაზეთ „კომუნისტში“ იბეჭდებოდა.მისი ჩვენება წავიკითხე - სახლში ვიჯექი, საჭმელი იხარშებოდა, ქვაბი აიწია და გადმომესხაო. ამის მერე, დედაჩემის მამამ, რამდენიმე კაცი შეკრიბა სოფლიდან და წავიდნენ იმ ადგილის გასათხრელად, სადაც ღვთისმშობელმა მიანიშნა. ვინც ეს ადგილი გათხარა, მათი სიაც კი მოვიძიე არქივის მასალებში.გათხრების დროსაც, ბევრი სასწაული ხდებოდა. ამის შესახებ, უამრავი ინფორმაცია და ვიდეო მასალები მაქვს. არ გეგონოთ, რომ მე ვეძებდი, თავისთავად მოდიოდა ყველაფერი.ამბობდნენ, გათხრების დროს, მიწის ქვეშიდან, ზარების ხმა ისმოდა. თავად ღვთისმშობელიც კი გამოეცხადა, თომა პაპა ეუბნებოდა თურმე, დაიჩოქეთ, ღვთისმშობელი მოდისო!ამ დროს ჯავახეთის მხრიდან, კაშკაშა შუქი მოდიოდა. ზოგჯერ, მიწაც კი ირყეოდა. ამ ყველაფერს დედაც მიყვებოდა-ხოლმე, მაგრამ არ მჯეროდა. რამდენიმე ხნის წინ, 96 წლის მოხუცის ქალიშვილს შევხვდი ახალციხეში სრულიად შემთხვევით, სუფრაზე ჩემ ნათესავთან.თვითონ გამიმხილა, რომ მამამისი ცოცხალია, ახალციხეში რეხადან გადასახლებულა 1944 წელს და ბევრი რამე ახსოვსო. კითხვები მე თვითონ დავუწერე და ვთხოვე, პასუხი ვიდეოთი გადაეღოთ და გამოეგზავნათ. მისი ნაამბობი, ვთხოვე შვილებს, ჩაწერეს და გამომიგზავნეს.ამბობს, რომ მამაჩემი, ამ გათხრების მონაწილე იყოო. ერთხელ თომა პაპა გამოვიდა, იმ ადგილიდან, სადაც ქვა ჯვარი აღმოაჩინეს და დაიყვირა, ხალხნო დაიჩოქეთ, ღვთისმშობელი მობრძანდებაო!ყველამ დაიჩოქა, სასწაული ხმები ისმოდა ზეციდან, ხალხი ვერ ხედავდა, მაგრამ ღვთისმშობელი, თავად თომა პაპას ელაპარაკებოდაო.ამიტომ ვფიქრობ, რომ ჩვენი ბედის მომავალზე, ყველა ქართველმა იმ ადგილას უნდა ილოცოს. როცა დავინტერესდი ამ ისტორიით, აღმოჩნდა, რომ თურმე ასეთი სასწაულები არა მარტო რეხაში, წალკის სხვა სოფლებშიც ხდებოდა.აღმოჩენილი იქნა, უხრწნელი გვამები, რომლის შეხებაზე ყველა იკურნებოდა. თომა პაპას ბიძაშვილი მიყვებოდა, ხალხი რომ მოდიოდა, იქვე იკურნებოდა, 80 წლის მოხუცსაც კი, რომელიც დაბადებიდან ბრმა იყო, იქვე აეხილა თვალი.ადამიანებს, თუ რამე სიმდიდრე ჰქონდათ, ყველაფერს ტოვებდნენ, უამრავი ოქრო-ვერცხლი. მამა გიორგის უთქვამს, შევაგროვოთ და დიდი მონასტერი ავაშენოთო. როგორც ვიცი, შეწირული  ძვირფასეულობა თომა  პაპას  ბიძაშვილის -  ელიზბარ საბაძის ოჯახში იმალებოდა.ეს მითხრა, სწორედ,  ქიზიყში მცხოვრებმა ელიზბარის ქალიშვილმა დარეჯან საბაძემ. ის დღესაც ცოცხალია, 96 წლის არის, მაგრამ უკვე არაფერი ახსოვს. მისი საუბარიც ჩაწერილი მაქვს. ეს ისეთი სიწმინდე იყო, ვერავინ მიეკარებოდა. სამწუხაროდ, კომუნისტებმა გაძარცვეს, ყველაფერი წაიღეს. დედაჩემი ამბობდა, რა მოხდებოდა, ერთი რაღაც მაინც შეგვენახა, ჩვენ თუ არა, ვინმეს მაინც დარჩებოდა სამომავლოდო.ამის შემდეგ, ეს ხალხი დააპატიმრეს და ფილიპე მახარაძეს მიუყვანეს, უნდა დაეხვრიტათ, მაგრამ სასწაული მოხდა, ვერ დახვრიტეს. მეტეხის ციხეში სასწაულები ხდებოდა.თომა პაპაც ვერ დახვრიტეს, გამოუშვეს, მაგრამ ხალხთან ურთიერთობა აუკრძალეს. ერთ-ერთი ნათესავი, სახლის სხვენში მალავდა. ყველასგან გარიყეს, სიცივეში და ყინვაში ცხოვრობდა, ამბობენ სალოსი იყოო.მამა გიორგის მთელი ისტორია მოვიძიე, გაზეთში წავიკითხე, რომ თომა პაპას უფლებას აძლევდა, წირვა ჩაეტარებინა. ამ კაცმა წერა-კითხვა არ იცოდა.მამა გიორგი დარჩია, ათონელი ბერი იყო. რეხაში, სულ მოგზავნილი მღვდლები მოღვაწეობდნენ, რომლებიც ქართულად საუბარს კრძალავდნენ, ბევრს გვარები გადაუკეთეს.აღმოვაჩინე, რომ პაპაჩემის ძმა, ალექსანდრე საბაძე, გიორგი მაზნიაშვილის მეგობარი იყო, ახალქალაქი, ერთად გაათავისუფლეს.როცა ალექსანდრე რეხაში შემოვიდა, ტექსტი შეადგინა და საპატრიარქოს გაუგზავნა - გთხოვთ, ქართველი მღვდელი გამოგვიგზავნეთო! წერილს, 100 კომლი აწერდა ხელს.ძირითადად, სულ ბერძნები იყვნენ და ხალხი, ამის გამო ძალიან წუხდა. დამოუკიდებლობა რომ მოვიპოვეთ, ამბროსი ხელაიას ბრძანებით, რეხაში მამა გიორგი დარჩია გამოუგზავნიათ.მის მოღვაწეობაზე, მოკლე ბიოგრაფია მოვიძიე. ალექსანდრეს ძმა, პაპაჩემი, ვასილ მარკოზის ძე საბაძე, 1937 წელს დაუხვრეტიათ. ეს ინფორმაციაც, ახლახან მოვიძიე, გვეუბნებოდნენ, ციმბირში გადაასახლეს, რუსი ცოლი მოიყვანა და იქ დარჩა საცხოვრებლადო. თურმე ადგილზე დაუხვრეტიათ.- რეხაში მომხდარი სასწაულები...1998 წელს რეხიდან 5 კმ -ის დაშორებულ სოფელ ავრანლოში( ძველი ქართული სოფელი თეზი) ვიყავით წირვაზე მამა მირიანთან (ნარიმანიძე) და იქ შევხვდი ანა სოტიროვას, რომელმაც გაგვაცნო მათ მიერ აღმოჩენილი ჩამარხული სალოცავი. პეტრე-პავლობის მარხვა იყო. მოხდა ისე, რომ ვერ ვეზიარე. პარასკევი დღე იყო, ვიფიქრე, არა უშავს, კვირას მეზობელ სოფელ ავრანლოში ვეზიარები-მეთქი.  მე და ჩემი მეგობარი მერი სხირტლაძე მამა მირიანს ქართულად რომ ვესაუბრებოდით,  მოგვიახლოვდა  ერთ-ერთი ქალბატონი - ანა  სოტიროვა,  თბილისელი  ქართველები ვეგონეთ, არ გავუმხილე, რომ რეხელი ვიყავი და გვეუბნება - წამოდით  ერთი  სალოცავი  უნდა  გაჩვენოთ,  უძველესი ქართული სალოცავი, რომელიც ჩვენ აღვადგინეთო. თქვენ  ქართველები ხართ და სწორედ, თქვენი  მისახედიაო. მაშინ მოგვიყვა მისი ისტორია.ძველი ქართული სოფელია თეზი, სადაც 18 სალოცავია. წირვაზე რომ მივედით, ქართველი მღვდელი, მამა მირიანი დაგვხვდა. ძალიან გაუხარდა ჩემი დანახვა, დედაჩემი, მისი სულიერი შვილი იყო და სულ გვერდში ედგა.წირვის დასრულების შემდეგ, ერთი ქალი მოვიდა ჩემთან, ადგილობრივი ბერძენი ანა სოტიროვა, რომელიც ექთნად მუშაობდა. არ იცოდა ქართველები რომ ვიყავით, გვთხოვა, წამომყევით, რაღაც უნდა გაჩვენოთო.ერთ-ერთ სალოცავთან მიგვიყვანა, რომელიც მისი სახლის გვერდით იყო, ეს წმ. ნინოს სახელობის სალოცავიაო. აქ იყო ჩუქურთმიანი ქვები, წარწერები. სიზმარში ღვთისმშობელი გამოგვეცხადა და დაგვავალა, ეს ადგილი გათხარეთო. გათხრების შემდეგ აღმოვაჩინეთ, ეს წმინდა ნაწილებიო.სახლში რომ დავბრუნდი, დავინტერესდი და ერთ-ერთ მგალობელ ქალს ვთხოვე, თუ რამე ისტორია იცი, ჩვენ სოფელზე, დამიწერე და გამომიგზავნე-მეთქი. ერთ თვეში გამომიგზავნა, იმ ჩანაწერებს, ახლაც ვინახავ.- გაიხსენეთ, ბოლო დროის სასწაული...რამდენიმე წლის შემდეგ, დაახლოებით 2013 წელს, რეხაში კიდევ ერთი სასწაული მოხდა. 7 წლის ბავშვს, რომელსაც უამრავი ჯანმრთელობის პრობლემა ჰქონდა, ვერ მეტყველებდა, ვერც დადიოდა, მწოლიარე იყო, ერთ-ერთი მცხოვრების რჩევით, თომას სალოცავზე წაიყვანეს.თან მთელი სოფელი გაჰყვა. ორჯერ შემოატარეს ეკლესიას და მესამე შემოვლაზე, ბავშვმა ხმა ამოიღო, ამეტყველდა, პირველი წინადადება იყო - ნათლია მომიყვანეთო.ეს ყველაფერი, ხალხის თვალწინ ხდებოდა და უამრავი თვითმხილველი ჰყავს. სოფელში რომ ჩავედი, გადავწყვიტე ეს ოჯახი მომენახულებინა.ყველაფერი რაც მოხდა დამიდასტურეს და მას შემდეგ, კიდევ უფრო ვირწმუნე თომას სალოცავის ისტორია და გადავწყვიტე, ამ სალოცავის შესახებ, ყველანაირი ინფორმაცია მომეძიებინა.  ჩემი მშობლები სულ მიყვებოდნენ, მაგრამ არ მჯეროდა.მეორე დღეს, ჩემი სახლის უკანა მხარეს მდებარე გორაკზე ავედი, მიყვარს იქ ასვლა, ულამაზესი ხედებია. ვხედავ, რომ უამრავი ოჯახი, უკვე აღარ ცხოვრობს და გადასახლებულია. შემეშინდა, რადგან გაგებული მქონდა, რომ ლევან გოთუას, აქვს ნაწარმოები, რომელიც რეხას მიუძღვნა.- რა ნაწარმოებია...ეს ნაწარმოები, არ არის გამოქვეყნებული. მამასგან ვიცოდი, ამ ნაწარმოების შესახებ. მითხრა, რომ ალექსანდრე საბაძეს, მამამისს მიუძღვნა. მამა 1978 წელს გარდაიცვალა, ეს ამბავი სიკვდილის წინ გამიმხილა, იმ პერიოდში აკრძალული იყო გოთუას ნაწარმოებები.სულ ვეკითხებოდი ყველას ამ ნაწარმოების შესახებ, მაგრამ არავინ იცოდა. ვიფიქრე, რომ მამა ცდებოდა. 1990 წელს, ჟურნალ „მნათობში“ გამოქვეყნდა ლევან გოთუას და-ძმის, თამარ და ალექსანდრე გოთუების წერილები, ლევან გოთუას შესახებ, ბიოგრაფიული მონაცემები.პირველად, სწორედ ამ ჟურნალში წავიკითხე, რომ ლევან გოთუას წალკის სოფელ რეხაზე, დაწერილი ჰქონდა ნაწარმოები „ჩაძირული სოფელი“.- სად შეიძლება ამ ნაწარმოების ნახვა?არქივში მოვიძიე და მაქვს ეს ნაწარმოები, მაგრამ არსად არ არის გამოცემული. ნაწარმოების სათაურიდან გამომდინარე, დავინტერესდი ამ სოფლის ისტორიით. ყველაფერი ერთ დღეში მოხდა.დილით, 90 წლის ბიძაშვილი, მიშიკო მესტუმრა, რომელიც ძალიან მიყვარდა, ცოცხალი ენციკლოპედია იყო. საუკეთესო მოსაუბრე, საოცრად მეტყველებდა. აკაკი წერეთლის თორნიკე ერისთავი, ზეპირად იცოდა.რომ დამინახა, ტირილი დაიწყო - ნუთუ ისე უნდა გავიდე ამ ქვეყნიდან, პაპაჩემის ამბავი, ვერ გავარკვიოო. ეს იყო საყვედური, მისი მხრიდან, რას აკეთებ თბილისში რომ ხარ, ეს ამბავი არ უნდა გამოიკვლიოო? მეც ავტირდი და შევპირდი, მე ამ ამბავს გამოვიკვლევ-მეთქი.ჩემი ახლობლის მამა ძალოვან სტრუქტურაში მაღალჩინოსანი იყო. დავურეკე და ვთხოვე, პაპაჩემზე იქნებ რაიმე ინფორმაცია მოიძიო-მეთქი.რას ამბობ, მთელი საბუთები განადგურებულიაო. მეც დავუჯერე, მაგრამ მაინც გადავწყვიტე და დავიწყე საბუთების მოძიება. ეს მოხდა 2013 წელს. 6 სექტემბერს ჩამოვედი თბილისში და დავიწყე გამოძიება. გადავწყვიტე სახლის პრობლემები მომეგვარებინა და დალაგება გადავწყვიტე.11 სექტემბერს, იოანე ნათლისმცემლის თავის კვეთის დღეს, რომელსაც დედაჩემი სულ ინახავდა მარხვას, სულ ამბობდა, ამ დღეს ჩიტიც კი არ გაიფართხალებსო. ვიფიქრე, ტაძარში წავალ წირვაზე, ვეზიარები და ამ საქმის კურთხევას ავიღებ-მეთქი მოძღვართან.ისეთი რამე მოხდა, გაგიკვირდებათ, მამაოს მოვუყევი, დილით სანთელი ავიღე და კარებში რომ გავდიოდი, ფეხი გამიშეშდა და ვერ გადავდგი. ოფლმა დამასხა, ისეთი სისუსტე ვიგრძენი, სკამზე ჩამოვჯექი. ვერ წავედი, სანთელი ავანთე და უფალს პატიება ვთხოვე.სახლში წავიკითხე ლოცვები, ვიფიქრე ალბათ გადავიღალე-მეთქი და სავარძელში ჩავჯექი. ზურგით აღმოსავლეთისკენ. მეშვიდე სართულზე ვცხოვრობ, უცებ ოთხივე კედელი გაიხსნა და ღია ცის ქვეშ აღმოვჩნდი.ამ დროს, თავზე დამადგა უფლის უზარმაზარი ქანდაკება. ეს სასწაული, არასდროს დამავიწყდება. უცებ მარჯვენა ხელი მაღლა ასწია და ორი თითის კომბინაციით, რაღაც მიმანიშნა. თან თავიდან ბოლომდე, ბრწყინავი სამოსელი ეცვა.რომ ავიხედე და დავინახე, თავი დავხარე, ვერ ვბედავდი თავის აწევას და მხოლოდ უფლის კალთებს ვუყურებდი. უცებ ეს ქანდაკება დაიძრა და დიდი სისწრაფით წავიდა აღმოსავლეთისაკენ. მიქრის დიდი სისწრაფით და უცებ, აღმოვჩნდი უსასრულო სამყაროში, ჩრდილო-დასავლეთ ნაწილში, სადაც ვიდექი, ჩემ მეგობრებთან ერთად.ყველა გაკვირვებული ვუყურებდით, როგორ მიფრინავდა უფალი, აღმოსავლეთისკენ. ამ მეგობრებიდან, მხოლოდ დადა-შვილი დამამახსოვრდა, მარინა, რომელიც მორწმუნე ადამიანია, თავის შვილთან ერთად.უცებ 180 გრადუსით შემოტრიალდა, იმ ხელით, რომელიც აწეული ჰქონდა, მკვეთრად აამოძრავა და ჯვარი გადაგვსახა. ისე შემეშინდა, ფეხზე წამოვხტი, და ღმერთო ჩემო, ნეტავ ეს რას ნიშნავს-მეთქი.სწორედ, მარინა გახდა მიზეზი, რომ ლევან გოთუას ნაწარმოები -  „ჩაძირული სოფელი“ მომეძიებინა. 12 საათზე ტელეფონის ზარი გაისმა, ავიღე და ერთ-ერთი ჩემი ყოფილი მეზობელი, სქემ-მონაზონი დედა ანა (ერში გულიკო დათიაშვილი) შემრჩა, რომელიც ქარელის ერთ-ერთ მონასტერში მსახურობდა.დედა ანას ხმა რომ გავიგე, გამიხარდა, რაღაც უნდა გითხრათ-მეთქი. არც მომისმინა. მხოლოდ, ეს სიტყვები მითხრა - ბავშვო, დაწერე ყველაფერი შენ სოფელზე. უფალმა უკვე მოგცა კურთხევა, არსად არ წახვიდეო. მივხვდი, რაშიც იყო საქმე.მეორე დღესვე, უშიშროების არქივში წავედი, შევიტანე განცხადება, პაპაჩემის შესახებ მასალები რომ მომეძიებინა, მერე წავედი საჯარო ბიბლიოთეკაში და 1926 წლის ნოემბრის თვის გაზეთ „კომუნისტში“ დაბეჭდილი მასალა ამოვიღე.ამის შემდეგ, ლევან გოთუას ნაწარმოების ძებნა დავიწყე და ჟურნალ „საქართველოს ქალში“ დაბეჭდილი მასალა აღმოვაჩინე. მაინც სულ ეჭვებში ვიყავი, იქნებ, ეს ყველაფერი სიზმარი იყო და არ უნდა დავიჯერო-მეთქი.ჟურნალი რომ გამოვიტანე, სადაც ლევან გოთუას ნაწარმოებზე წერდნენ, ამ სტატიის გარდა, ჟურნალში შემთხვევით აღმოვაჩინე მიტროპოლიტ კონსტანტინე მელიქიძის წერილი სიზმრებზე - ეგრევე გამეცა პასუხი. წერდა, სიზმრები მხოლოდ ეშმაკის არ არისო.იმ პერიოდში, როცა ამ მასალებს ვეძებდი, აბსოლუტურად მართული ვიყავი, თითქოს, უფალი პირდაპირ მიკარნახებდა და სწორ გზაზე მაყენებდა.ერთ დღეს ქაშუეთის ეკლესიაში მივედი, ვიფიქრე, მოვილოცებ და მერე საჯარო ბიბლიოთეკაში წავალ-მეთქი. ტაძარში, ჩემი მეგობარი მარინა დამხვდა, რომელიც გამომეცხადა და უფალმა ჯვარი გადაგვსახა.რომ დამინახა, მთხოვა, არ წახვიდე საჯაროში, სკოლაში  დირექტორმა დამიბარა და მარტო წასვლა არ მინდაო. რომ მივედით, დირექტორი მასწავლებლებს, თავისი მოგზაურობის შესახებ ამბავს უყვებოდა.ეს მართლაც, სასწაული იყო. აღმოჩნდა, რომ ყოველ ზაფხულს, თავის მოსწავლეებს საქართველოში ამოგზაურებდა და კულტურულ ძეგლებს აცნობდა.ამჯერად, ახალციხის რაიონში ყოფილან. დავჯექი და მოსმენა დავიწყე. ჰყვება, რომ მოსწავლეები სოფელ ხეოთში ჰყავდა, რომელიც ჩემი წინაპრების სამშობლოა. იცით, ხეოთი ჩემი წინაპრების სამშობლოა-მეთი, ვუთხარი.რას ამბობ, ახლა სად ცხოვრობო. წალკის რაიონ სოფელ რეხაში მეთქი. წამოხტა ფეხზე  და მეუბნება, შენ იცი, რომ შენი თავი უფალმა გამომიგზავნაო. შენ იცი, რეხაში რა არის, შეგიძლია წამიყვანოო?რა თქმა უნდა-მეთქი, ვუპასუხე. მე ვუთხარი, თქვენ იცით, ლევან გოთუამ რეხას ნაწარმოები რომ მიუძღვნა „ჩაძირული სოფელი“-მეთქი? არაო მიპასუხა.ლევან გოთუა ჩემი ნათესავი იყო, თუ მართალია ეგ ინფორმაცია, აუცილებლად მოვიძიებ და მოგიტანო. სწორედ, ამ ქალბატონმა მომიტანა ეს ნაწარმოები. ეს, მართლაც სასწაული იყო, ოჯახს არ მოეპოვებოდა, არქივში მოიძია და მომიტანა.- სად არის ახალა ეს ნაწარმოები, არსებობს?რა თქმა უნდა არსებობს, მაგრამ საპატრიარქოს ტელევიზიას ვათხოვე და იქ დარჩა. რეხაზე უამრავი ინფორმაცია მოვიძიე - ბევრმა არ იცის, სამხრეთ საქართველოში, 1918 წელს, ფაქტობრივად რუსეთის ხელშეწყობით მოხდა, მართლმადიდებელი ქართველების გენოციდი. ეს არავინ იცის.პირველი მსოფლიო ომის დროს, როცა ლენინი ომიდან გამოვიდა, რუსის ჯარში ბოლშევიკები მოვიდნენ და წარმოიდგინეთ, რას უშვრებოდნენ რუსები იქ მცხოვრებ ქართველებს.საშინელი სისასტიკით ექცეოდნენ, ტერორი და გენოციდი მოუწყვეს, მერე ეს მაჰმადიანი ქართველები, მართლმადიდებელ ქართველებზე გაბრაზდნენ, რადგან მაშინ რუსეთის მხარეს წარმოვადგენდით. ამ დროს თურქეთიდან ძალიან ბევრი მართლმადიდებელი ქართველი წამოვიდა, რომელსაც გენოციდი მოუწყვეს.სამცხე ჯავახეთიდან 100 000 კაცი გამოიქცა, რომლებიც სოფელმა რეხამ შეიფარა.საპატრიარქოს ტელევიზიაში სასულიერო პირმა, მღვდელმა გიორგი მაჩურიშვილმა დამარეკინა, რომელიც ამ ეტაპზე, თიანეთში მოღვაწეობს.სწორედ, მაშინ მივიტანე ეს ნაწარმოები და დღემდე ვერ მოვახერხე გამოტანა. ძალიან ბევრი გვარია სამცხე-ჯავახეთიდან, ბევრმა არ იცის მისი გვარის წარმოშობის ისტორია.მაისურაძეები, კაპანაძეები მესხეთიდან გადასულები არიან, კაპანი ჯავახური სიტყვაა, ძირითადად,  იმერეთში გადასახლებულები არიან.რამდენიმე ხნის წინ, არქეოლოგი გოდერძი ნარიმანაშვილი დამეკონტაქტა, რომელმაც თრიალეთის შესახებ, წიგნი დაწერა, შემთხვევით დავეკონტაქტე და თომა პაპას და ავრალოს სალოცავების ისტორია გავაცანი.საშუალება რომ იყოს, ამ ადგილებს, აუცილებლად გავთხრიდიო, მითხრა. ეგ მართლაც გასათხრელია, რომ ამბობენ,- „დამარხულ არს ენაჲ ქართული დღემდე მეორედ მოსვლისა მისისა საწამებლად, რაჲთა ყოველსა ენასა ღმერთმა ამხილოს ამით ენითა“(იოანე ზოსიმე: ქებაჲ და დიდებაჲ ქართულისა ენისაჲ) ვფიქრობ, რომ სწორედ ამ ადგილიდან დაიწყება მეორედ მოსვლა.ძალიან საინტერესოა, სად წავიდა ის გვამები, რაც თომას სალოცავის გათხრის დროს ვერ აღმოაჩინეს. ბევრი კვლევის შემდეგ, დავადგინე ამის შესახებ, ზუსტი ინფორმაცია, რასაც შემდეგ მოგიყვებით, ამიტომ ძალიან მინდა, რომ ეს ადგილი ბევრმა ადამიანმა მოილოცოს, ეს მხოლოდ, მეასედი ნაწილია იმისა, რაც უკვე მოვიძიე. 

ისტორიები • 1677322114

„24 თებერვლისთვის, თბილისის დატოვებისას, ქალაქში მხოლოდ სამი მატარებელი იყო დარჩენილი...“ - მასალები არქივიდან

„თბილისს დამშვიდებით ეძინა, მას ჯერ არ გაეგო თავისი სიკვდილი...“ - ასე აღწერს 18 წლის მოხალისე ჯარისკაცი გივი ღამბაშიძე 1921 წლის 25 თებერვლის პირველ წუთებს, როცა ეს-ეს არის შეიტყო სარდლობის გადაწყვეტილება, თბილისის დატოვების შესახებ. ​ქართულმა ჯარმა თბილისი მართლაც მოულოდნელად დატოვა 24-25 თებერვლის სუსხიან ღამეს. მანამდე თბილისის დამცველებმა მოიგერიეს წითელი არმიის ორი იერიში და 23 თებერვლისთვის მტერი თბილისის მისადგომებიდან უკუაქციეს. სოღანლუღთან ბრძოლაში მოკლეს 530 და ტყვედ აიყვანეს 1600 მტრის ჯარისკაცი, შესაბამისად, საბრძოლო სულისკვეთება მაღალი იყო როგორც სამხედრო ნაწილებში, ასევე საზოგადოებაში, რაზეც მეტყველებს 25 თებერვალს გამოსულ გაზეთებში გამოქვეყნებული ოპტიმისტური სტატიები, ცნობები მობილიზაციისა და სასწავლო სროლების გაგრძელების შესახებ.„მოქალაქეთა საყურადღებოდ ცხადდება, რომ ახლად გაწვეულ ჯარისკაცთა შესასწავლად სანიმუშო სროლა ქ. ტფილისში გაგრძელდება 25, 26 თებერვალს“ - წერდა „საქართველოს რესპუბლიკა“.„რაც უნახავთ, ვერ ნახავენ“ - ამ სათაურით გამოაქვეყნა გაზეთმა „ერთობამ“ ცნობა მტრის „ჰაეროპლანის“ მიერ თბილისში ყუმბარების ჩამოყრის შესახებ.„ხმელეთზე ბრძოლით ვერაფერს გახდნენ, ვერ გამოიწვიეს აჯანყება. დამარცხებულები მაღლა აფრინდნენ და ზემოდან მშვიდობიან ხალხს დაუშინეს. ეს არის სასოწარკვეთილებით გამოწვეული ნაბიჯი- ამით უნდათ გვითხრან - დაგვნებდით, ბრძოლას თავი დაანებეთ, მაინც ვერ გაგვიძლებთ დიდხანსო, მაგრამ თბილისი არ შეკრთა. არ ეშინია მსხვერპლის არც ფრონტზე და არც მშვიდობიან ქუჩებში. საქართველოს დედაქალაქი არ კარგავს იმ სიდინჯეს, რომელსაც მოითხოვს მისგან დღევანდელი დღე. დამოუკიდებლობის დაცვა საქართველოსათვის სიკვდილ-სიცოცხლის საკითხია. მისი ნებით ბოლშევიკები ვერ შემოვლენ აქ. ქართველ ხალხს აქვს ისეთი სიმაგრე, რომელსაც ისინი ვერ მოერევიან ვერც ზარბაზნებით და ვერც ჰაეროპლანებით. ეს სიმაგრე მისი მკერდი, მისი სულიერი განწყობილებაა“, - წერდა „ერთობა“.„თბილისის პოზიციებზე დამარცხებულ მტრის მდევარმა, ჩვენი ჯარის მოწინავე რაზმმა, გუშინ საღამოს აიღო სოფელი კუმისი და წალასკური. კუმისთან ღამის ბრძოლაში ჩვენ ხელთ ვიგდეთ 8 ტყვიისმფრქველი, 3 ოფიცერი და 53 წითელარმიელი“, - ამგვარი შინაარსის ცნობა გაავრცელა საქართველოს შეიარაღებული ძალების გენერალურმა შტაბმა.საბრძოლო წარმატებებისა და მაღალი საბრძოლო სულისკვეთების მიუხედავად, საქართველოს მთავარსარდალმა, გენერალმა გიორგი კვინიტაძემ მაინც მიიღო თბილისის დატოვების გადაწყვეტილება.რა იყო ამის მიზეზი?გიორგი კვინიტაძე მოგონებების წიგნში წერს, რომ 24 თებერვალს დღის სამ საათზე მიიღო ცნობა, რომ წითელი ცხენოსნები გამოჩნდნენ ზურგში, ავჭალაში და, რომ მათ დაიკავეს მიმდებარე სოფლები.„ცხადია, ეს ის ცხენოსნები იყვნენ, რომლებმაც გვერდი აუარეს პოლკ. გედევანიშვილის ფლანგს. შესაბამისად, მოწინააღმდეგე აღმოჩნდა ჩვენს ზურგში და ხელში ჩაიგდო უკან დასახევად საჭირო რკინიგზის კვანძი. ჩემთვის გაუგებარია, რატომ დაუყოვნებლივ არ გამოიყვანა მწყობრიდან რკინიგზის ხაზი, ხელში არ ჩაიგდო სადგური, ტელეგრაფი და ა.შ. და ამგვარად, რატომ არ გაწყვიტა ჩვენი კავშირი დანარჩენ საქართველოსთან. ყველაფერი ეს შეეძლო მტერს და ჩვენ ხელს ვერ შევუშლიდით. საჭირო იყო დაუყოვნებლივ მოქმედება“, - წერს გიორგი კვინიტაძე, რომლის თქმითაც, ერთი დღით ადრე მტერი ასევე გამოჩნდა ნახშირგორასთან, საიდანაც თავისუფლად შეეძლო სოფელ დიღომის დაკავება, რაც ავჭალის აღების გათვალისწინებით, თბილისის სრულ ალყაში მოქცევას, მთელი ჯარისა და მთავრობის აპარატის დაღუპვას გამოიწვევდა.„ეს ნიშნავდა ომის დასრულებას!“ - შენიშნავს გიორგი კვინიტაძე.ისტორიკოსი დიმიტრი სილაქაძე მიიჩნევს, რომ კვინიტაძის სიფრთხილე უსაფუძვლო არ იყო.„მარცხენა ფლანგს უვლიდა წითელი არმიის ორი დივიზია. ამ ორ დივიზიაში 3-4 ათასამდე ცხენოსანი შედიოდა. თან რუსული ცხენოსანი დივიზიის სტრუქტურაში შედიოდნენ არა მხოლოდ ცხენოსნები, არამედ არტილერისტებიც. მარჯვენა მხრიდან გვივლიდა ერთი ცხენოსანი პოლკი და ერთი ბრიგადა, მთლიანობაში ორივე მხრიდან 4-5 ათასი ცხენოსანი გვაქცევდა ალყაში. კვინიტაძის ეს გადაწყვეტილება სადავო იყო, არის და მომავალშიც იქნება, მაგრამ ფაქტია, რომ სერიოზული ძალები აპირებდნენ თბილისის ალყაში მოქცევას. 24-ში მხოლოდ მცდელობა ჰქონდათ და მცირე ძალებით მოგვისინჯეს კბილი, თუ რამდენად გვქონდა დაცული და შესაძლებელი იყო თუ არა ამ ადგილებში ცხენოსანი ჯარის გავლა“, - ამბობს დიმიტრი სილაქაძე.გიორგი კვინიტაძის გადაწყვეტილების სისწორეში ეჭვი შეაქვს გენერალ გიორგი მაზნიაშვილს - თბილისის დაცვის ცენტრალური სექტორის სარდალს, რომლისთვისაც გამაოგნებელი მოულოდნელობა აღმოჩნდა 24 თებერვალს, 23.23 სთ-ზე ტელეფონით მიღებული მთავარსარდლის ბრძანება ტფილისიდან მცხეთაში უკან დახევის შესახებ.„ყველაზე მეტად ერთი გარემოება მაოცებდა: ტფილისის დაცვა ისეთი დიდი საკითხია, რომ მისი გადაწყვეტა ასე მოჩქარებით, ასე დაუფიქრებლად ვერაფრით ვერ ამეხსნა. იმ კრებაზე, რომელზედაც ეს გადამწყვეტი დადგენილება მიიღეს, არამც თუ არ მიგვიწვიეს ჩვენ, ფრონტის უფროსები, რომლებიც ფრონტს თვალით დავყურებდით, რომლებმაც კარგად ვიცოდით მოწინააღმდეგისა და ჩვენი ძალები, მათი და ჩვენი სულიერი განწყობილება, არამედ არც კი შეგვეკითხნენ, ჩვენი აზრის მოსმენა არც კი ინებეს“, - წერს გიორგი მაზნიაშვილი მოგონებებში.„24 თებერვლისთვის, თბილისის დატოვებისას, ქალაქში მხოლოდ სამი მატარებელი იყო დარჩენილი: დამფუძნებელი კრების, მთავრობის და მთავარსარდლის. სხვა ყველა უწყება ევაკუირებული იყო ქუთაისში“, - იხსენებს გიორგი კვინიტაძე და არც თუ სიამაყის გარეშე შენიშნავს, რომ მტრისთვის ერთი შაშხანაც კი არ დაუტოვებია.წყარო: რადიო თავისუფლება

პოლიტიკა • 1674725771

პრემიერიმა კრწანისში გენერალ გიორგი მაზნიაშვილის სახელობის კადეტთა სამხედრო ლიცეუმის მშენებლობას ჩაუყარა საფუძველი

საქართველოს პრემიერ-მინისტრმა ირაკლი ღარიბაშვილმა, თავდაცვის მინისტრთან ჯუანშერ ბურჭულაძესთან და თავდაცვის ძალების მეთაურთან გიორგი მათიაშვილთან ერთად, კრწანისში კადეტთა სამხედრო ლიცეუმის მშენებლობას ჩაუყარა საფუძველი, რომელსაც გენერალ გიორგი მაზნიაშვილის სახელი მიენიჭება.მთავრობის მეთაურმა, თავდაცვის სამინისტროს ხელმძღვანელებთან ერთად,  შენობის ფუნდამენტში კაფსულა ჩადო და მოისმინა დეტალური ინფორმაცია დაგეგმილი სამუშაოების შესახებ.თავდაცვის სამინისტრომ თანამედროვე სტანდარტების შესაბამისი კადეტთა სამხედრო ლიცეუმის მშენებლობა დაიწყო. ლიცეუმის ტერიტორიაზე აშენდება ახალი ფუნქციური შენობები, ხოლო იქ არსებულ ობიექტებს სრული რეკონსტრუქცია ჩაუტარდება. 42 ჰექტარ ტერიტორიაზე დაგეგმილია 400 კადეტზე გათვლილი საცხოვრებელი და სასწავლო კორპუსების, სასადილოსა და ლაზარეთის შენობების, აგრეთვე საკონფერენციო დარბაზისა და ადმინისტრაციული კორპუსის სრული რეკონსტრუქცია. ასევე, აშენდება სიმულაციის ცენტრი, დახურული სპორტული დარბაზი, ინფრასტრუქტურის სამსახურის შენობა და საკონტროლო გამშვები პუნქტი.ტერიტორიაზე მოეწყობა ახალი ავტოსადგომი, საწვავგასამართი სადგური, ავტოსამრეცხაო და სატრანსპორტო საშუალებების სარემონტო უბანი. კადეტთა სამხედრო ლიცეუმის მშენებლობისთვის 40 მილიონ ლარამდეა გამოყოფილი. დასავლეთ საქართველოში, ქუთაისში წლებია, წარმატებით ფუნქციონირებს გენერალ გიორგი კვინიტაძის სახელობის კადეტთა სამხედრო ლიცეუმი. ახალი ლიცეუმი დასავლეთ საქართველოს ლიცეუმის ანალოგი იქნება და აღმოსავლეთ საქართველოს დაფარავს.

საზოგადოება • 1667460813

რეზერვისტებმა და მოხალისეთა ჯგუფებმა კოორდინირებულ სწავლებაში მიიღეს მონაწილეობა

საქართველოს ეროვნული გვარდიის მე-20 კადრირებული ბრიგადის 204-ე კადრირებული ბატალიონის აქტიურ რეზერვში ჩართულმა სამხედრო მოსამსახურეებმა, „გენერალ გიორგი მაზნიაშვილის სახელობის ახალგაზრდული ლეგიონისა“ და საზოგადოებრივი ორგანიზაცია „აისის“ წარმომადგენლებმა პირველად საბაზისო სამედიცინო სწავლებაში მიიღეს მონაწილეობა.პირადმა შემადგენლობამ 2-დღიანი თეორიული და პრაქტიკული სწავლება გაიარა. სამედიცინო სწავლება დასრულდა საჩვენებელი ღონისძიებით, რომელშიც ჩართული იყო სასწრაფო სამედიცინო დახმარების მანქანა და ვერტმფრენი. სწავლება დაჭრილების ევაკუაციის სიმულაციური სცენარის მიხედვით წარიმართა. სამედიცინო სწავლება აშშ-ის სამხედრო-სამოქალაქო მხარდაჭერის ჯგუფის დახმარებით ჩატარდა.რეზერვში მიღება ნებაყოფლობითი და ანაზღაურებადია. რეზერვისტების ინტენსიური საბრძოლო მომზადება წლის განმავლობაში 45 დღემდე პერიოდს მოიცავს და თანაბრად ნაწილდება 12 თვეზე. მომზადების კურსის მთავარი მიზანია რეზერვისტებისთვის ქვედანაყოფის საველე შეკრებებზე რეალური საბრძოლო უნარების შესწავლა. ტერიტორიული რეზერვის გავლის პერიოდში რეზერვისტები უზრუნველყოფილნი არიან სოციალური და სამართლებრივი დაცვით. სტუდენტებს, სარეზერვო სამსახურის ერთი კონტრაქტის დასრულების შემდეგ სამხედრო სავალდებულო სამსახური გავლილად ეთვლებათ. ტერიტორიულ რეზერვში მიიღებიან თბილისის, მცხეთის, კახეთის, იმერეთის, სამეგრელოს, აჭარის, გურიის, ქვემო ქართლისა და სამცხე-ჯავახეთის რეგიონში მცხოვრები საქართველოს მოქალაქეები 18 - დან 51 წლის ჩათვლით, მათ შორის სტუდენტები, 18-დან 22 წლის ჩათვლით. ტერიტორიულ რეზერვში ჩარიცხულ მოქალაქეებს 4-წლიანი კონტრაქტი გაუფორმდებათ. მათი ანაზღაურება ყოველთვიურად წოდებრივი სარგოს 20% შეადგენს, ხოლო ქვედანაყოფში ყოფნისას ისინი ხელფასს სრულად აიღებენ. რეზერვში ჩარიცხული რეზერვისტის მინიმალური წლიური ანაზღაურება 2700 ლარს შეადგენს.

რეგიონი • 1663569647

ონში ეროვნული გვარდიის ინიციატივით, საგანგებო სიტუაციებზე რეაგირების უწყებათაშორისო სწავლება „რაჭა 2022“ გაიმართა

17-18 სექტემბერს ონის მუნიციპალიტეტში ეროვნული გვარდიის ინიციატივით, საგანგებო სიტუაციებზე რეაგირების უწყებათაშორისო სწავლება “რაჭა 2022” გაიმართა.სასწავლო პროცესში მონაწილეობდნენ თავდაცვის ძალების ეროვნული გვარდია, საგანგებო სიტუაციების მართვის სამსახური, ონის მუნიციპალიტეტი, ააიპ “გენერალ გიორგი მაზნიაშვილის სახელობის ახალგაზრდული ლეგიონი“, ააიპ “ლურჯი ფარის საქართველოს ეროვნული კომიტეტი“. ასევე, ამბროლაურის მუნიციპალიტეტი.აღნიშნული პროექტის ფარგლებში, თეორიული და სიტუაციური სწავლება ეროვნული გვარდიისა და საგანგებო სიტუაციების შესაბამისმა სპეციალისტებმა ჩაატარეს.თეორიული სწავლებისას სპეციალისტებმა ისაუბრეს, რეგიონისთვის დამახასიათებელი ბუნებრივი ფაქტორებით გამოწვეული საფრთხეების, საგანგებო სიტუაციებში მუნიციპალიტეტის მხარდამჭერი ღონისძიებებისა და სამოქალაქო უსაფრთხოების სისტემაში ეროვნული გვარდიის მნიშვნელობაზე.ინსცენირებული სიტუაციური სწავლება ღარის ადმინისტრაციულ ერთეულის მიმდებარე ტერიტორიაზე გაიმართა, სწავლების მიზანი საგანგებო სიტუაციის ზონაში ბუნებრივი კატასტროფის თავიდან აცილების მიზნით ხანძარსაწინააღმდეგო მოქმედებების ეფექტიანად განხორციელებას წარმოადგენდა.შეგახსენებთ, რომ პროექტი - “რაჭა 2022” საგანგებო სიტუაციებზე რეაგირების უწყებათაშორისო სწავლება, მიმდინარე წლის ივლისის თვეში მუნიციპალიტეტის ხელმძღვანელ პირებთან გამართულ საკოორდინაციო შეხვედრაზე დაიგეგმა, სადაც საქართველოს ეროვნული გვარდიის უფროსის მოადგილემ, პოლკოვნიკმა - ლევან გუგენიშვილმა დეტალურად განმარტა სწავლების მიზნები, მხარდაჭერისა და ინფორმაციული უზრუნველყოფის ცენტრის სქემა და მუნიციპალიტეტის ჩართულობის აუცილებლობა სხვადასხვა სტიქიური მოვლენების დროს.საველე სიტუაციური სწავლების დასასრულს, პროექტის ორგანიზატორებმა მადლობა გადაუხადეს მუნიციპალიტეტის მერს - სერგი ხიდეშელს პროექტის “რაჭა 2022” მხარდაჭერისა და მისი განხორციელების პროცესში თანადგომისთვის.ასევე, ონის მუნიციპალიტეტის მერმა - სერგი ხიდეშელმა, ზემოხსენებული სწავლების ორგანიზატორებს და თითოეულ მონაწილეს მადლობა გადაუხადა და აღნიშნა, რომ ცნობიერების ამაღლების მიზნით, უმნიშვნელოვანესია მსგავსი აქტივობების ჩატარება მუნიციპალიტეტში, რათა კრიზისების დროს მოხდეს სწორი კოორდინაცია და მათი უმოკლეს დროში აღმოფხვრა. აღნიშნულ სწავლებას ესწრებოდნენ, მოწვეული სტუმრები, SNGP-ის კრიზისების მართვის ინიციატივის ლიდერი პოლკოვნიკი - სუსან კრისტენსენი, საფრანგეთის ატაშე ვიცე-პოლკოვნიკი - ფრედერიკ კაპოსი, აშშ-ის თავდაცვის სფეროში თანამშრომლობის სამსახურის (ODC) ორმხრივი ურთიერთობების ოფიცერი მაიორი დანიელ სეკულა, აშშ-ის სპეციალური ოპერაციების წარმომადგენელი მაიორი - ზაქ ქასელი და აშშ-ის სამოქალაქო ურთიერთობების ჯგუფის ლიდერი კაპიტანი იან გრიფიტი.

რეგიონი • 1655107521

კოჯორში ახალგაზრდული ლეგიონის კურსდამთავრებულები დააჯილდოვეს

საქართველოს თავდაცვის მინისტრის მოადგილე დავით სუჯაშვილი, თავდაცვის ძალების მეთაური, გენერალ-მაიორი გიორგი მათიაშვილი და ეროვნული გვარდიის მეთაური, ბრიგადის გენერალი რომან ჯოხაძე იმყოფებოდნენ კოჯორში იუნკერთა მემორიალთან, სადაც ახალგაზრდული ლეგიონის კურსდამთავრებულების დაჯილდოების ცერემონიალი გაიმართა. დავით სუჯაშვილმა გენერალ გიორგი მაზნიაშვილის სახელობის ახალგაზრდული ლეგიონის წარმომადგენლებს სამხედრო საქმისადმი ინტერესის გამო მადლობა გადაუხადა. მან განსაკუთრებული ყურადღება დაუთმო ქვეყნისთვის მოხალისეთა ორგანიზაციების მნიშვნელობასა და მათ მიმართ სახელმწიფოს მხარდაჭერას. ახალგაზრდებს სიტყვით ეროვნული გვარდიის მეთაურმაც მიმართა.110 მსმენელს, რომლებმაც სამხედრო და სალაშქრო კურსი წარმატებით დაასრულეს, ახალგაზრდული ლეგიონის სამხრეები და სერთიფიკატები გადაეცათ. მათ 10-კვირიანი პროგრამის ფარგლებში, საბაზისო სამხედრო და სალაშქრო სწავლება გაიარეს. კურსის დასრულების შემდეგ, ახალგაზრდები ლეგიონში გაწევრიანდნენ. მოგვიანებით, ახალგაზრდული ლეგიონისა და საზოგადოებრივი ორგანიზაცია „აისის“ სამეთაურო შემადგენლობას საზოგადოებაში თავდაცვის სამინისტროს პოპულარიზაციისთვის, თავდაცვის მინისტრის ბრძანებით, უწყებრივი მედლები - „სამშობლოსთვის თავდადებული“ და „ღირსეული პარტნიორი“ გადაეცათ.ღონისძიებას ლეგიონერების ოჯახის წევრები და გულშემატკივრები დაესწრნენ.

პოლიტიკა • 1652683834

თავდაცვის მინისტრი დიდგორის მემორიალთან „აისის“ კურსდამთავრებულებს შეხვდა

საქართველოს თავდაცვის მინისტრი ჯუანშერ ბურჭულაძე დიდგორის ბრძოლის მემორიალთან იმყოფებოდა. თავდაცვის მინისტრი საზოგადოებრივი ორგანიზაცია „აისის“ კურსდამთავრებულებს შეხვდა. ინფორმაციას ამის შესახებ თავდაცვის სამინისტრო ავრცელებს. უწყების ცნობით, სამხედრო საქმით დაინტერესებულმა ახალგაზრდებმა საბაზისო სამხედრო და სალაშქრო კურსები გაიარეს. ნავიგაცია, ტოპოგრაფიის საფუძვლები, ადგილზე ორიენტირება, თვითგადარჩენის საშუალებები, პირველადი სამედიცინო დახმარება, იარაღის თეორიული შესწავლა, შეიარაღების ნომენკლატურა, სალაშქრო აღჭურვილობის სპეციფიკა, სალაშქრო საქმე - ეს ის საკითხებია, რაც ახალგაზრდებმა ორი თვის განმავლობაში შეისწავლეს. მათ სიტყვით თავდაცვის მინისტრმა მიმართა და მადლობა გადაუხადა აქტიურობისთვის. ჯუანშერ ბურჭულაძემ აღნიშნა, რომ საზოგადოებაში ჯარის პოპულარიზაცია მნიშვნელოვანია, შესაბამისად, სამხედრო საქმით დაინტერესებულ ახალგაზრდებს უწყება მომავალშიც მხარდაჭერას ჰპირდება.სამინისტროს ინფორმაციით, კურსის წარმატებით დასრულებისთვის 110 მოქალაქეს სერტიფიკატები და "აისის" სამხრეები გადაეცათ. მათგან 35 გამორჩეული წევრი კამუფლირებული სამხრეებით დაჯილდოვდა. თავდაცვის მინისტრმა და საქართველოს თავდაცვის ძალების მეთაურმა, გენერალ-მაიორმა გიორგი მათიაშვილმა ახალგაზრდებს ფასიანი საჩუქრები გადასცეს. შეხვედრის დასასრულს, თავდაცვის უწყებამ ახალგაზრდულ ორგანიზაციებს ახალი სამხედრო ფორმები და აღჭურვილობა გადასცა.ღონისძიებას თავდაცვის მინისტრის მოადგილეები, თავდაცვის ძალების მეთაურის მოადგილეები, ეროვნული გვარდიის წარმომადგენლები, „გენერალ გიორგი მაზნიაშვილის სახელობის ახალგაზრდული ლეგიონის“ წევრები, „აისის“ კურსდამთავრებულთა გულშემატკივრები, ასევე ბრიტანელი და ამერიკელი პარტნიორები დაესწრნენ.საზოგადოებრივ ორგანიზაცია „აისს“, ასევე „გენერალ გიორგი მაზნიაშვილის სახელობის ახალგაზრდულ ლეგიონს“ თავდაცვის სამინისტრო, გაფორმებული ურთიერთთანამშრომლობის მემორანდუმების ფარგლებში, ლოჯისტიკურ მხარდაჭერას უწევს. თანამშრომლობის მიზანი საქართველოს თავდაცვის ძალების საქმიანობის შესახებ საზოგადოების ცნობიერების ამაღლება და ახალგაზრდა თაობაში პატრიოტული სულისკვეთების გაღრმავებაა.

პოლიტიკა • 1649274730

ეროვნული ინტერესის დაცვა ურთულეს ვითარებაში უწევდა - კახა კალაძე

ეროვნული გმირის, გენერალ გიორგი მაზნიაშვილის დაბადების დღესთან დაკავშირებით, თბილისის მერი, კახა კლაძე სოციალურ ქსელში პოსტს აქვეყნებს.მისი თქმით, საბჭოთა რეჟიმმა სულით გაუტეხელი ადამიანები შეიწია.„დღეს ეროვნული გმირის, გიორგი მაზნიაშვილის დაბადების დღეა. ქართველი გენერალი, როგორც საკუთარ თავს უწოდებდა, სიცოცხლის ბოლომდე საქართველოსა და ქართული საქმის ერთგული დარჩა, იმის მიუხედავად, რომ ეროვნული ინტერესის დაცვა ურთულეს ვითარებაში უწევდა. სამწუხაროდ, ვერც ის გადაურჩა სასტიკ საბჭოთა რეპრესიებს, რაც მოსალოდნელიც იყო. საბჭოთა რეჟიმმა ხომ საუკეთესო ქართველები შეიწირა - სულით გაუტეხელი ადამიანები, რომლებიც მხოლოდ ტყვიით გააჩერეს. ჩვენ ამ ვაჟკაცების მემკვიდრეები ვართ. ჩვენი ვალია, კიდევ უფრო გავაძლიეროთ და წინ წამოვწიოთ ჩვენი ეროვნული ინტერესები, რადგან სწორედ ამისთვის იბრძოდნენ ისინი და მის დაცვას შეეწირნენ“, - წერს კახა კალაძე სოციალურ ქსელში.

პოლიტიკა • 1649227581

გიორგი მაზნიაშვილს განსაკუთრებული ადგილი უკავია საქართველოს ხანგრძლივ და სახელოვან სამხედრო ისტორიაში - პრემიერი

დღეს დიდი მხედართმთავრის, სამშობლოს ერთიანობისათვის თავდადებული მებრძოლის, საქართველოს ეროვნული გმირის გიორგი მაზნიაშვილის დაბადების დღეა, - ამის შესახებ საქართველოს პრემიერ-მინისტრის ირაკლი ღარიბაშვილის განცხადებაშია აღნიშნული.მთავრობის მეთაურის თქმით, გიორგი მაზნიაშვილს განსაკუთრებული ადგილი უკავია საქართველოს ხანგრძლივ და სახელოვან სამხედრო ისტორიაში.„თანამედროვე ქართული არმიის ერთ-ერთი შემოქმედი, სტრატეგიული ნიჭით გამორჩეული მთავარსარდალი იმავდროულად მამაცობისა და შეუპოვრობის მისაბაძი მაგალითი იყო თანამებრძოლებისათვის.„მე არც ბოლშევიკების გენერალი ვარ და არც მენშევიკების, მე საქართველოს გენერალი ვარ“ - მისი ეს სიტყვები ყველაზე კარგად აღწერს იმ ადამიანის ცხოვრებას, ვინც სამუდამოდ დაიმკვიდრა ღირსეული ადგილი საქართველოს დიდ მამულიშვილთა შორის.დაუმარცხებელი გენერლის უანგარო მსახურება სამშობლოსა და ხალხისადმი სახელმძღვანელოდ დარჩება თითოეული ჩვენგანისათვის, მომავალი თაობებისთვის” , - აღნიშნულია პრემიერ-მინისტრის განცხადებაში.

საზოგადოება • 1643641939

რა ნომრებით ჩანაცვლდა მიკროვატობუსები და რომელი სად გაივლის 1-ლი თებერვლიდან

1-ლი თებერვლიდან თბილისში აღარ ივლის ე.წ. ყვითელი მარშრუტკები. მათ "ლურჯი მიკროავტობუსები" შეცვლის.  ნახეთი მარშრუტი, სადაც „ლურჯი მიკროავტობუსები" გაივლიან. N5-ს ჩაანაცვლებს N535 - ბ. ჭიჭინაძის ქუჩიდან გადაადგილდება მეტროსადგურ „სამგორამდე“; N6-ს ჩაანაცვლებს N536 - იმოძრავებს გუდიაშვილის ქუჩიდან ლუბლიანას ქუჩისკენ, გივი ჟვანიას სახელობის პედიატრიულ კლინიკამდე; N11-ს ჩაანაცვლებს N431 - ბიჭვინთის ქუჩიდან იონა ვაკელის ქუჩამდე (აკადემიკოს ნ. ყიფშიძის სახელობის საუნივერსიტეტო კლინიკამდე) იმოძრავებს და უკუმიმართულებით, ბუდაპეშტის ქუჩას, პეკინის გამზირსა და კანდელაკის ქუჩას მოიცავს; N16-ს ჩაანაცვლებს N416 - აღნიშნული მარშრუტი წრიული იქნება. მიკროავტობუსი სადგურის მოედნიდან ნ. გოგოლის ქუჩის გავლით, გიორგი ჩუბინაშვილის ქუჩის მიმართულებით იმოძრავებს და კვლავ სადგურის მოედანს დაუკავშირდება; N28-ს ჩაანაცვლებს N428 - მეტროსადგურ „ისნიდან“ ყვარლისა და თეოდორ უშაკოვის ქუჩების გადაკვეთამდე გადაადგილდება; N33-ს ჩაანაცვლებს N533 - იმოძრავებს წრიულად. აღნიშნული მიკროავტობუსი გადაადგილდება გადასასვლელი ხიდიდან შ. ცინცაძის ქუჩის მიმართულებით, რის შემდეგაც, სვლას კვლავ გადასასვლელი ხიდისკენ განაგრძობს; N34-ს ჩაანაცვლებს N534 - გივი ჟვანიას სახელობის პედიატრიული კლინიკის მიმდებარე ტერიტორიიდან იმოძრავებს ვარკეთილის მე-4 მიკრორაიონისკენ; N41-ს ჩაანაცვლებს N541 - დიდი დიღმის მე-4 მიკრორაიონიდან გადაადგილდება ამაღლების ქუჩის მიმართულებით; N42-ს ჩაანაცვლებს N442 - მგზავრებს მეტროსადგურ „დიდუბიდან“ დიდ დიღომში, არჩილ მეფის ქუჩამდე, მე-4 მიკრორაიონის N6 კორპუსამდე მოემსახურება; N43-ს ჩაანაცვლებს N543 - მგზავრებს მეტროსადგურ „ახმეტელის თეატრიდან“ მეტროსადგურ „სარაჯიშვილამდე“ გადაიყვანს; N48-ს ჩაანაცვლებს N475 - ზაჰესის ტერიტორიიდან (ავჭალის ქ. N86) გადაადგილდება მეტროსადგურ „სარაჯიშვილამდე“; N51-ს ჩაანაცვლებს N551 - დავით აღმაშენებლის ხეივნიდან („თბილისი მოლის“ მიმდებარე ტერიტორია) პოლიტკოვკსკაიას ქუჩის მიმართულებით იმოძრავებს; N52-ს ჩაანაცვლებს N452 - გადაადგილდება ელვერ კუპატაძის გასასვლელიდან მეტროსადურ „სარაჯიშვილამდე“; N55-ს ჩაანაცვლებს N455 - მგზავრთა მომსახურებას ვაზისუბნის მეორე ა მიკრორაიონიდან (კორპუსი N23 მიმდებარედ) მეტროსადგურ „ვარკეთილამდე“ შეძლებს; N60-ს ჩაანაცვლებს N460 - გადაადგილდება დიდი დიღმის მე-4 მიკრორაიონის N6-დან „თბილისი მოლის“ მიმდებარე ტერიტორიამდე; N62-ს ჩაანაცვლებს N462 - სავაჭრო ცენტრ „თბილისის ზღვის პლაზას“ მიმდებარე ტერიტორიიდან მეტროსადგურ „სადგურის მოედანი 1-მდე“ გადაადგილდება; N68-ს ჩაანაცვლებს N528 - ნაკადულის ქუჩიდან იმოძრავებს მეტროსადგურ „სადგურის მოედანი 1-ის“ მიმდებარე ტერიტორიამდე; N70-ს ჩაანაცვლებს N470 - მგზავრებს ვარკეთილის მე-4 მიკრორაიონიდან მეტროსადგურ „ვარკეთილამდე“ მოემსახურება; N71-ს ჩაანაცვლებს N471 - ვარკეთილი 3-ის პირველი მიკრორაიონიდან (N25 კორპუსის მიმდებარედ) გადაადგილდება მეტროსადგურ „სამგორამდე“ (მეველის ქუჩისა და ქეთევან დედოფლის გამზირის კვეთამდე); N77-ს ჩაანაცვლებს N517 - ო. ხიზანიშვილისა და კ. ლესელიძის ქუჩების კვეთიდან გადაადგილდება მეტროსადგურ „სადგურის მოედანი 1-ის“ მიმდებარე ტერიტორიამდე; N78-ს ჩაანაცვლებს N518 - დიდი დიღმის მე-4 მიკრორაიონიდან მგზავრებს მეტროსადგურ „ახმეტელის თეატრამდე“ გადაიყვანს; N84-ს ჩაანაცვლებს N544 - ემირ ბურჯანაძის ქუჩიდან გადაადგილდება მეტროსადგურ „სამგორის“ მიმართულებით; N87-ს ჩაანაცვლებს N527 - ზაჰესის ტერიტორიიდან (ავჭალის ქ. N62) გადაადგილდება მეტროსადგურ „დიდუბემდე“; N91-ს ჩაანაცვლებს N491 - მარშრუტი წრიული იქნება და მეველის ქუჩიდან მოსკოვის გამზირის, ჯავახეთის, ლორთქიფანიძის, მეტრეველის ქუჩების გავლით, კვლავ მეველის ქუჩას დაუკავშირდება; N95-ს ჩაანაცვლებს N495 - ვარკეთილის მეურნეობის ტერიტორიიდან გადაადგილდება მეტროსადგურ „ვარკეთილამდე“; N99-ს ჩაანაცვლებს N499 - მუხიანის აგარაკების ტერიტორიიდან მეტროსადგურ „ახმეტელის თეატრამდე“ იმოძრავებს; N103-ს ჩაანაცვლებს N520 - იმოძრავებს წმინდა ბარბარეს უბნიდან მეტროსადგურ „ვარკეთილამდე“; N105-ს ჩაანაცვლებს N545 - იმოძრავებს ბოგდან ხმელინცკის ქუჩიდან აწყურის ქუჩის მიმართულებით; N108-ს ჩაანაცვლებს N538 - მგზავრებს მეტროსადგურ „დიდუბის“ მიმდებარე ტეროტორიიდან ორთაჭალის ავტოსადგურის მიმართულებით გადაიყვანს; N116-ს ჩაანაცვლებს N500 - გადასასვლელი ხიდიდან გადაადგილდება დავით აღმაშენებლის ხეივნისკენ, „თბილისი მოლის“ მიმდებარე ტერიტორიამდე; N119-ს ჩაანაცვლებს N519 - სავაჭრო ცენტრი „ისთ ფოინთიდან“ გადაადგილდება ქეთევან დედოფლის გამზირის N91-მდე; N124-ს ჩაანაცვლებს N497 - ვ. წულუკიძის ქუჩიდან იმოძრავებს პეკინის გამზირისა და ბახტრიონის ქუჩის კვეთამდე (ბუკიას ბაღის ტერიტორიამდე); N128-ს ჩაანაცვლებს N531 - იმოძრავებს ო. ხიზანიშვილისა და კ. ლესელიძის ქუჩების კვეთიდან ზ. ფალიაშვილის ქუჩამდე (N33-ს პირდაპირ); N139-ს ჩაანაცვლებს N439 - იმოძრავებს რომან ჭელიძის ქუჩიდან მეტროსადგურ „ახმეტელის თეატრამდე“; N145-ს ჩაანაცვლებს N532 - ნ. დუმბაძის გამზირიდან გადაადგილდება გობრონიძის ქუჩაზე, ხიზანიშვილისა და შეშელიძის ქუჩებით, გურამიშვილის გამზირს დაუკავშირდება, ერისთავის ქუჩიდან წერეთლის გამზირზე გადაინაცვლებს, საიდანაც სააკაძის მოედანსა და პეკინის გამზირზე მოხვდება. შემდეგ, მიკროავტობუსი ვარაზისხევის გავლით, გადაინაცვლებს რუსთაველის გამზირზე და თავისუფლების მოედნიდან ჯავახიშვილის, მარჯანიშვილის, კონსტიტუციისა და წინამძღვრიშვილის ქუჩების გავლით, კვლავ წერეთლის გამზირზე მოხვდება, შემდგომ კი, სვლას დუმბაძის გამზირისკენ განაგრძობს; N148-ს ჩაანაცვლებს N548 - მგზავრებს ზაჰესის ტერიტორიიდან (წინამძღვრიშვილისა და კეცხოველის ქუჩების კვეთიდან) მეტროსადგურ „ახმეტელის თეატრამდე“ მოემსახურება; N150-ს ჩაანაცვლებს N550 - ვარკეთილი 3-ის პირველი მიკრორაიონიდან გადაადგილდება კ. ჩაჩავას ქუჩის მიმართულებით; N156-ს ჩაანაცვლებს N546 - მეტროსადგურ „ვარკეთილის“ მიმდებარე ტერიტორიიდან გადაადგილდება ბ. ჭიჭინაძის ქუჩის მიმართულებით; N165-ს ჩაანაცვლებს N537 - გადაადგილდება მეტროსადგურ „ვარკეთილიდან“ „ლილო მოლის“ მიმდებარე ტერიტორიამდე; N170-ს ჩაანაცვლებს N540 - სავაჭრო ცენტრ „ისთ ფოინთიდან“ ილია ჭავჭავაძის გამზირის (კუს ტბის ასახვევამდე) მიმართულებით იმოძრავებს; N182-ს ჩაანაცვლებს N501 - მარშრუტი წრიული იქნება. აღნიშნული მიკროავტობუსი იმოძრავებს გადასასვლელი ხიდიდან ც. დადიანის, ზაზიაშვილის, აგარის, აფხაზეთის ქუჩებზე და კვლავ გადასასვლელ ხიდს დაუკავშირდება; N185-ს ჩაანაცვლებს N506 - ლილოს დასახლებიდან „ლილო მოლამდე“ იმოძრავებს; N187-ს ჩაანაცვლებს N467 - მუხიანის აგარაკებიდან გადაადგილდება მეტროსადგურ „ახმეტელის თეატრამდე“; N189-ს ჩაანაცვლებს N489 - მეტროსადგურ „სამგორიდან“ გადაადგილდება სავაჭრო ცენტრ „ისთ ფოინთამდე“; N190-ს ჩაანაცვლებს N530 - სასტუმრო „ჰუალინგ თბილისის“ მიმდებარე ტერიტორიიდან მეტროსადგურ „ვარკეთილამდე“ გადაადგილდება; N191-ს ჩაანაცვლებს N521 - მეტროსადგურ „ვარკეთილიდან“ გადაადგილდება ლიზა ნაკაშიძე-ბოლქვაძის ქუჩის მიმართულებით და კვლავ მეტროსადგურ „ვარკეთილს“ დაუკავშირება; N193-ს ჩაანაცვლებს N539 - გადაადგილდება მეტროსადგურ „სადგურის მოედნიდან“ დიდი დიღმის მე-4 მიკრორაიონის მიმართულებით; N194-ს ჩაანაცვლებს N456 - მეტროსადგურ „სამგორიდან“ კახეთის გზატკეცილის გავლით, „ლილო მოლამდე“ იმოძრავებს; N197-ს ჩაანაცვლებს N507 - გადაადგილდება ზღვის უბნის მე-4 მიკრორაიონიდან მეტროსადგურ „სადგურის მოედანი 1-ის“ მიმდებარე ტერიტორიამდე; N199-ს ჩაანაცვლებს N523 - ვარკეთილი 3-ის მე-3 მიკრორაიონიდან გადაადგილდება მეტროსადგურ „სამგორამდე“; N202-ს ჩაანაცვლებს N512 - გლდანის მე-4 მიკრორაიონიდან ილია ჭავჭავაძის გამზირის მიმართულებით იმოძრავებს; N440 - გ. გედევანის ქუჩიდან გადაადგილდება მეტროსადგურ „ავლაბრის“ მიმართულებით; N458 - აღნიშნული მიკროავტობუსის მარშრუტი მეტროსადგურ „დიდუბიდან“ სადგურის მოედნამდე განისაზღვრა; N461 - მეტროსადგურ „ახმეტელის თეატრიდან“ იმოძრავებს ვარდისუბნისა და რაჭისუბნის ქუჩების გადაკვეთამდე; N465 - ვიქტორ დოლიძის ქუჩიდან სადგურის მოედნის მიმართულებით, „თბილისი ცენტრალის“ მიმდებარე ტერიტორიამდე იმოძრავებს; N469 - იმოძრავებს მეტროსადგურ „დიდუბიდან“ მუხათგვერდის ქუჩამდე, სასაფლაოების მიმდებარე ტერიტორიამდე; N472 - იმოძრავებს ვლადიმერ ლობჟანიძის ქუჩიდან თბილისის ივანე ჯავახიშვილის სახელობის სახელმწიფო უნივერსიტეტის მე-10 კორპუსამდე; N474 - გადაადგილდება ელვერ კუპატაძის გასასვლელიდან მეტროსადგურ „სარაჯიშვილამდე“; N477 - მგზავრებს სადგურის მოედნიდან სამშვილდის ქუჩის მიმართულებით გადაიყვანს; N488 - იმოძრავებს წრიულად. მიკროავტობუსი მეტროსადგურ „ახმეტელის თეატრიდან“ გობრონიძის, ნოზაძისა და მუხიანის აგარაკებზე არსებულ ქუჩებზე გადაადგილდება და კვლავ მეტროსადგურ „ახმეტელის თეატრს“ დაუკავშირდება; N492 - გობრონიძისა და ვეკუას ქუჩების კვეთიდან გადაადგილდება ნოზაძის, ბოჭორიშვილის, კეცხოველის, ფარსმან II-ის, ხევისპირის ქუჩებზე და მგზავრებს კვლავ გობრონიძისა და ვეკუას ქუჩების კვეთამდე მიიყავს; N498 - გადაადგილდება ოდიშელის ქუჩიდან ჭილაძის ქუჩამდე; N432 - გადაადგილდება მეტროსადგურ „სარაჯიშვილიდან“ ნუგზარ შანავას ქუჩამდე; N502 - მახათას მთის ტერიტორიიდან გადაადგილდება გადასასვლელ ხიდამდე; N503 - წყნეთში, რუსთაველის ქუჩიდან (მაია წყნეთელის ძეგლის მიმდებარე ტეროტორია) ბეთანიამდე (სალბიერის ქუჩისა და სალბიერის პირველი შესახვევის მიმდებარედ) იმოძრავებს; N505 - მეტროსაგურ „დელისიდან“ გადაადგილდება ლ. ჩარკვიანის ქუჩამდე (ონკოლოგიურ ცენტრამდე); N513 - სვანეთის ქუჩისა და სვანეთის პირველი შესახვევის კვეთიდან გადაადგილდება ლიბანის ქუჩამდე; N514 - ი. ჭავჭავაძის ქუჩისა და სვანეთის მე-2 შესახვევის კვეთიდან იმოძრავებს ლიბანის ქუჩამდე; N515 - სულხან საბა ორბელიანის ქუჩიდან გადაადგილდება წყაროს ქუჩამდე; N522 - თ. მუჯირიშვილის ქუჩიდან იმოძრავებს სადგურის მოედნის მიმართულებით („თბილისი ცენტრალის“ მიმდებარე ტერიტორია); N526 - მოემსახურება სოფელ ზურგოვანას (მ. კოსტავას ქუჩიდან) მოსახლეობას და მათ მეტროსადგურ „დიდუბემდე“ მიიყვანს; N542 - იმოძრავებს დარკვეთის ქუჩიდან გადასასვლელი ხიდის მიმართულებით; N557 - გადაადგილდება კრწანისის ქუჩიდან სამგორის ქუჩის მიმართულებით; N567 - ყვარლისა და თევდორე უშაკოვის ქუჩების კვეთიდან იმოძრავებს სამგორის ქუჩის მიმართულებით; N580 - კრწანისის ქუჩიდან გადაადგილდება ბარათაშვილის ქუჩის მიმართულებით. უკვე მოქმედი ხაზები: N401 - მ/ს "სახელმწიფო უნივერსიტეტი" (მიმდებარე ტერიტორია) - ზურაბ ანჯაფარიძის ქ. -ელიზბარ მინდელის ქ. - ანა პოლიტკოვსკაიას ქ. - ალექსანდრე (საშა) იოსელიანის IV შესახვევი - ალექსანდრე (საშა) იოსელიანის IV შესახვევის და გიორგი დანელიას I გასასვლელის გადაკვეთის მიდებარედ; N402 (წრიული) - ნიკოლოზ ყიფშიძის ქუჩა (კორპუსი #8-10-ის მიმდებარედ) - ილია ჭავჭავაძის გამზირი - მიხეილ თამარაშვილის გამზირი - გიორგი წერეთლის ქ. - ილია ჭავჭავაძის გამზირი - არჩილ მიშველაძის ქ. - ირაკლი აბაშიძის ქ. - დარიალის ქ. - ტიციან ტაბიძის ქ. - მცხეთის ქ. - მრგვალი ბაღის მოედანი - რაფიელ ერისთავის ქ. - ზაქარია ფალიაშვილის ქ. - ბაზალეთის ქ. - ილია ჭავჭავაძის გამზირი - ნიკოლოზ ყიფშიძის ქ. - ლევან მიქელაძის ქ. - ილია ჭავჭავაძის I შესახვევი - ნიკოლოზ ყიფშიძის ქუჩა (კორპუსი #8-10-ის მიმდებარედ); N403 - ვარკეთილის II მ/რ (კორპუსი #25-ის მიმდებარედ) - ვახტანგ და ბადრი გზირიშვილების ქ. - სესილია თაყაიშვილის ქ. - ილია სუხიშვილის ქ. - ჯავახეთის ქ. - მ/ს "ვარკეთილი" (მიმდებარედ); N404 - მ/ს "სახელმწიფო უნივერსიტეტი" (მიმდებარე ტერიტორია) - ზურაბ ანჯაფარიძის ქ. - უნივერსიტეტის ქ. (ნაფეტვრების მიმართულებით კლუბამდე); N405 - შალვა ნუცუბიძის V მ/რ (კორპუსი #11-ის მიდებარედ) - ბესარიონ ჟღენტის ქ. - შალვა ნუცუბიძის ქ. - ფერდინანდ თავაძის ქ. - სერგო ზაქარიაძის ქ. - ვაჟა-ფშაველას ჩიხი - მ/ს "დელისი"(ვაჟა-ფშაველას გამზირი); N406 - ვარკეთილის IV მიკრორაიონი, II რიგი (#15 კორპუსის მიმდებარედ) - გიორგი მელიქიშვილის ქ. (ვარკეთილის IV მიკრორაიონი, II რიგი #14,7,5,4,1 კორპუსების გავლით) - ჯავახეთის ქ. - მ/ს "ვარკეთილი" (მიმდებარედ); N407 - შოთა ნადირაშვილის ქ. (დირსი) - ბოგდან ხმელნიცკის ქუჩა - ბოგდან ხმელნიცკის I შესახვევი - სერგი წულაძის ქ. - ციხისძირის ქ. - მეველეს ქ. - მ/ს „სამგორის“ მიმდებარედ; N408 - აეროპორტის დასახლება (სანდრო შანშიაშვილის ქ., №28 კორპუსის მოპირდაპირედ) – აეროპორტის დასახლება (სანდრო შანშიაშვილის ქ. – შალვა ჭანკოტაძის ხეივანი – ვერა ბარდაველიძის ქ. – ლუი ბლერიოს ქ. – ჯიმშერ მაისურაძის ქ. (მობრუნება კორპუსი №34-თან – ლუი ბლერიოს ქ.) – ვერა ბარდაველიძის ქ. – ალექსეევკის დასახლება (იაკობ ხვედელიანის ქ. – ბესარიონ ქებურიას დასახლების III ქ. – ბესარიონ ქებურიას დასახლების I ქ.) – კახეთის გზატკეცილი – ევროპის ქ. (მობრუნება ევროპის ქუჩაზე მონუმენტის მიმდებარედ) – კახეთის გზატკეცილი – ჯავახეთის ქ. – მოსკოვის გამზირი – ქეთევან დედოფლის გამზირი – მ/ს „ისანი“ (ქეთევან დედოფლის გამზირი №67 “ა“-ს მოპირდაპირედ); N409 (წრიული) - სოფელი ქვ. ფონიჭალა (ბათუმის ქუჩის გადაკვეთის მიმდებარედ) - დავით აღმაშენებლის ქ. - რუსთავის გზატკეცილი - ვაგზლის ქ. - ზემო და ქვემო ფონიჭალის დამაკავშირებელი გვირაბი - ზემო ფონიჭალის დას. (კორპ.2, 28, 14, 15, 17, 23ა, 20 გავლით) - მარნეულის გზატკეცილი - ვახტანგ და ამირან კაპანაძეების ქ. - ლევან ღოღობერიძის ქ. - ზემო და ქვემო ფონიჭალის დამაკავშირებელი გვირაბი - ვაგზლის ქ. - რუსთავის გზატკეცილი - დავით აღმაშენებლის ქ. - სოფელი ქვ. ფონიჭალა (ბათუმის ქუჩის გადაკვეთის მიმდებარედ); N410 (წრიული) - ლევან ღოღობერიძის ქ. (№67ბ-ის მიმდებარედ) - ლევან ღოღობერიძის ქ. - ზემო და ქვემო ფონიჭალის დამაკავშირებელი გვირაბი - ვაგზლის ქ. - რუსთავის გზატკეცილი - კონსტანტინე გამსახურდიას ქ. - თავისუფლების ქ. - რუსთავის გზატკეცილი - ვაგზლის ქ. - ზემო და ქვემო ფონიჭალის დამაკავშირებელი გვირაბი - ლევან ღოღობერიძის ქ. - ლევან ღოღობერიძის ქ. (№67ბ-ის მიმდებარედ); N411 - ევსტათი მცხეთელის ქ. - ცოტნე დადიანის I შესახვევი - რუსთავის გზატკეცილი - მარნეულის ქ. - მარნეულის ქ. (№37-ის მიმდებარედ); N412 (წრიული) - რუსთავის გზატკეცილი (ქვემო ფონიჭალა, კორპუსი #19-ის მიმდებარედ) - რუსთავის გზატკეცილი - აფხაზეთის ქ. - აფხაზეთის II შესახვევი - გურამ პატარაიას ქ. - დავით აღმაშენებლის ქ.- რუსთავის გზატკეცილი (ქვემო ფონიჭალა, კორპუსი #19-ის მიმდებარედ); N413 - მ/ს "ვარკეთილი" (მიმდებარედ) - ჯავახეთის ქ. (მობრუნება ჯავახეთის ქ. #3 "ა"-ს მიმდებარედ) - საქართველოს ერთიანობისთვის მებრძოლთა ქუჩა - დიმიტრი ალექსიძის ქ. - ვარკეთილის II მ/რ (#4,5,8,25,26,27 კორპუსების გავლით) - მიხეილ გახოკიძის ქ. - სესილია თაყაიშვილის ქ. - ვახტანგ და ბადრი გზირიშვილების ქ. (ვარკეთილის II მ/რ, კორპუსი #20-ის მიმდებარედ); N414 - რკინიგზის გადასასვლელი ხიდი - ნიკოლოზ ხუდადოვის ქ. - მიხეილ მესხის ქ. - გრიგორ ბიჩინაშვილის ქ. - რეზო ინანიშვილის ქ. - ოთარ ღუდუშაურის ქ. - ძმობის II ქუჩა; N415 - ევხიტი ჟვანიას ქ. №25--ის მიმდებარედ - ევხიტი ჟვანიას ქ. - ქიზიყის ქ. - ეკატერინე ბაღდავაძის ქ. (მობრუნება ეკატერინე ბაღდავაძის I შესახვევთან) - ქიზიყის ქ. - კახეთის გზატკეცილი - ჯავახეთის ქ. - მ/ს "ვარკეთილი"; N417 - მ/ს " ახმეტელის თეატრი" (მიმდებარედ) - ომარ ხიზანიშვილის ქ. (გლდანის II-IV-VI-VIII მ/რაიონის გავლით) - ომარ ხიზანიშვილის ქ. - დავით აღმაშენებლის ქ. (#100-ის მიმდებარედ)(გიორგი წმინდას სააგარაკო დასახლება); N418 - რკინიგზის გადასასვლელი ხიდი - ნიკოლოზ ხუდადოვის ქ. - ნიკოლოზ აგიაშვილის ქ. - ბარაკონის ქ. - მინადორა ორჯონიკიძე-ტოროშელიძის ქ. - მერი შერვაშიძის ქ. (ნიკოლოზ ხუდადოვის ქუჩის გადაკვეთა); N419 - სოფელი აგარაკები (წმინდაწყლის ქ. - კოსტა მოისურაძის ქ. - შუა მინდვრის ქ. - აგარაკის ქ.) - ავთანდილ ვარაზის ქ. - ბესარიონ ჟღენტის ქ. - შალვა ნუცუბიძის ქ. - ზურაბ ანჯაფარიძის ქ. - მ/ს "სახელმწიფო უნივერსიტეტი"(მიმდებარე ტერიტორია); N420 (წრიული) - მ/ს „ვარკეთილი“-ის მიმდებარედ - რომანოზ ხომლელის ქ. - გიორგი აბაშვილის ქ. - ზაზა ფანასკერტელ-ციციშვილის ქ. -თრიალეთის ქ. - კალოუბნის ქ. - ჯავახეთის ქ. (ხომლელის ქუჩის გადაკვეთა); N422 - მ/ს "დიდუბე" (ქვედა გასასვლელი) - აკაკი წერეთლის გამზირი - შოთა შალიკაშვილის ხიდი - გრიგოლ რობაქიძის გამზირი - დავით აღმაშენებლის ხეივანი (მობრუნება "ტოიოტას" ცენტრის მიმდებარე ტერიტორიასთან) - დავით აღმაშენებლის ხეივანი - ლუარსაბ ანდრონიკაშვილის ქ. - როსტევანის ქ. - ცამეტი ასურელი მამის ქ. - თინათინის ქ. - მირიან მეფის ქ. - ნესტან დარეჯანის ქ. (№40-ის მიმდებარედ); N423 (წრიული) - მ/ს "ვარკეთილი" (რომანოზ ხომლელისა და ჯავახეთის ქუჩის გადაკვეთა) - რომანოზ ხომლელის ქ. - ვარკეთილის ზემო პლატოს II მ/რ - საქართველოს ერთიანობისთვის მებრძოლთა ქ. - რომანოზ ხომლელის ქ. - აეროდრომის დასახლების XI ქ. - კალოუბნის ქ. - ჯავახეთის ქ. - მ/ს "ვარკეთილი" (რომანოზ ხომლელისა და ჯავახეთის ქუჩის გადაკვეთა); N424 (წრიული) - მ/ს "ვარკეთილი" (მიმდებარედ) - ჯავახეთის ქ. (მობრუნება ჯავახეთის ხიდებთან) - შუამთის ქ. - თრიალეთის ქ. - საცხენისის ქ. - წნორისწყლის ქ. - შუამთის ქ. - გიორგი აბაშვილის ქ. - კალოუბნის ქ. - 17 შინდისელი გმირის ქ. - ლიზა ნაკაშიძე-ბოლქვაძის ქ. -მ/ს "ვარკეთილი" (მიმდებარედ); N425 - მ/ს " ახმეტელის თეატრი" (მიმდებარედ) - ომარ ხიზანიშვილის ქ. - ილია ვეკუას ქ. (გადასვლა ომარ ხიზანიშვილის ქ. #17-ის მიმდებარე ტერიტორიიდან) - ვლადიმერ ნანეიშვილის ქ. - დავით ჯაბიძის ქ. (გლდანის V-VII მ/რ-ის გამყოფი გზა, გლდანის V მ/რ, #19 კორპუსის მიმდებარედ); N426 (წრიული) - მ/ს "ახმეტელის თეატრი" (მიმდებარედ) - ომარ ხიზანიშვილის ქ. - ილია ვეკუას ქუჩა (გადასვლა ომარ ხიზანიშვილის ქ. #17-ის მიმდებარე ტერიტორიიდან) - ომარ ხიზანიშვილის ქ. (გადასვლა გლდანის III მ/რაიონი, კორპუსი #68"ბ"-ს მოპირდაპირედ) - სამამულო ომის გმირების ქ. (გლდანის IV მ/რ) - გლდანის IV მ/რ (#96,96"ბ",101,111,110,105 კორპუსების გავლით) - დემნა შენგელაიას ქ. - ომარ ხიზანიშვილის ქ. - ილია ვეკუას ქ. (გადასვლა ომარ ხიზანიშვილის ქ. #40-ს მხრიდან) - მ/ს "ახმეტელის თეატრი" (მიმდებარედ); N427 - იოსებ გრიშაშვილის ქ. (გერცელ ბააზოვის ქუჩის გადაკვეთა)- ვახტანგ გორგასალის ქ. (მობრუნება დიმიტრი გულიას მოედანზე) - ვახტანგ გორგასლის ქ. (№30-ის მიმდებარედ); N429 - მ/ს "ახმეტელის თეატრი"(მიმდებარედ) - ალეკო გობრონიძის ქ. - მუხიანის IV ბ მ/რ კორპუსი #42-ს მიმდებარედ; N430 (წრიული) - პეტრე სარაჯიშვილის ქ. - მარშალ არჩილ გელოვანის გამზირი - დავით აღმაშენებლის ქ. - მოციქულთა სწორი ნინოს ქ. - მოციქულთა სწორი ნინოს I შესახვევი - გიორგი ბრწყინვალეს ქ. - დავით აღმაშენებლის ქ. - კვირაცხოვლის ქ. - მუხრან მაჭავარიანის ქ. - ვაჟა ფშაველას ქ. - კვირაცხოვლის ქ. - დავით აღმაშენებლის ქ. - გიორგი ბრწყინვალეს ქ. - მოციქულთა სწორი ნინოს I შესახვევი - მოციქულთა სწორი ნინოს ქ. - დავით აღმაშენებლის ქ. - თეთრი დუქანის ქ. - პეტრე სარაჯიშვილის ქ.; N433 - აკაკი კვანტალიანის ქ. (№97-ის მიმდებარედ) - აკაკი კვანტალიანის ქ. - ვასო გოძიაშვილის III შესახვევი - ვასო გოძიაშვილის ქ. - მარშალ არჩილ გელოვანის გამზირი - გრიგოლ რობაქიძის გამზირი - შოთა შალიკაშვილის ხიდი - აკაკი წერეთლის გამზირი - მ/ს "დიდუბე" (ქვედა გასასვლელის მიმდებარე ტერიტორია); N434 - მ/ს ,,ავლაბარი" (მიმდებარედ) - ჰამლეტ გონაშვილის ქ. - ვახტანგ VI-ს ქ. - ლადო მესხიშვილის ქ. - სამრეკლოს ქ. - გუმბრის ქ. - საინგილოს ქ. - ნიაბის I შესახვევი (#39-ის მიმდებარედ); N435 - რკინიგზის გადასასვლელი ხიდი - ცოტნე დადიანის ქ. - რევაზ ურიდიას ქ. - ნიკოლოზ ხუდადოვის ქ. - გარეჯის ქ. - დავით იოსელიანის ქ. (კორპუსი #205-ის მიმდებარედ); N436 - ჯავის ქ. (#75-ის მიმდებარედ) - ჯავის ქ. - ცოტნე დადიანის ქ. - ნიკო ფიროსმანის მოედანი - გიორგი ჩიტაიას ქ. - დავით კლდიაშვილის ქ. - ივანე ჯავახიშვილის ქ. - კონსტიტუციის ქ. - მიხეილ წინამძღვრიშვილის ქ. - თამარ მეფის გამზირი - სადგურის მოედანი (წრე); N437 - სამღერეთის ქ. (ხერთვისის გადაკვეთაზე) - ეფრემ ზაქარიაძის ქ. - ვასილ თამარაშვილის ქ. - ლიკანის ქ. - ჩაქვის ქ. - ცოტნე დადიანის ქ. - ვახტანგ მახალდიანის ქ. - რკინიგზის ქ. - რკინიგზის გადასასვლელი ხიდი (მიმდებარედ); N438 - სადგური ველი - გარდაბნის გზატკეცილი - ქინძმარაულის ქ. - ბესარიონ ჭიჭინაძის ქ. - გუმათჰესის ქ. - ბესარიონ ჭიჭინაძის ქ. (კორპუსი #27-ის მოპირდაპირედ); N444 - მუხიანის III მ/რ (#5"ა" კორპუსის მიმდებარედ) - ნოდარ დუმბაძის გამზირი - ალეკო გობრონიძის ქ. - მ/ს "ახმეტელის თეატრი"; N445 - მუხიანის I მ/რ (#16 კორპუსის მიმდებარედ) - იოსებ ნონეშვილის ქ. - ალეკო გობრონიძის ქ. - მ/ს "ახმეტელის თეატრი" (ალეკო გობრონიძისა და ილია ვეკუას ქუჩების გადაკვეთის მიმდებარედ); N447 (წრიული) - ილია აბულაძის ქ. (#24-ის მიმდებარედ) - კამანის ქ. - გაზაფხულის ქ. - ფერდინანდ თავაძის ქ. - ვაჟა ფშაველას გამზირი -ალექსანდრე ყაზბეგის გამზირი - ოთარ ჩხეიძის ქ. - გიორგი გეგეჭკორის ქ. - მარიკა ბარათაშვილის ქ. - ედიშერ მაღალაშვილის ქ. - ოთარ ჩხეიძის ქ. - ალექსანდე ყაზბეგის გამზირი - მიხეილ თამარაშვილის გამზირი - ვაჟა ფშაველას გამზირი - ფერდინად თავაძის ქ. - გაზაფხულის ქ. - კამანის ქ. - ილია აბულაძის ქ. (#24-ს მიმდებარედ; N448 - გომარეთის ქ. (#1-3-ის მიმდებარედ) - გომარეთის ქ. - დიმიტრი ჟღენტის ქ. - სამღერეთის ქ. - ნიკოლოზ ხუდადოვის ქ. - რკინიგზის გადასასვლელი ხიდი; N449 (წრიული) - ილია ჭავჭავაძის გამზირი #83-ის მიმდებარედ - წყნეთის გზატკეცილი - ილია ჭავჭავაძის გამზირი (მობრუნება ვაკის პარკთან) - მიხეილ თამარაშვილის გამზირი - გიორგი წერეთლის გასასვლელი - ილია ჭავჭავაძის გამზირი - წყნეთის გზატკეცილი - ილია ჭავჭავაძის გამზირი #83-ის მიმდებარედ; N450 - ივანე მაჩაბლის ქ.№2-ის მოპირდაპირედ (წყნეთის გზატკეცილის გადაკვეთა) - ივანე მაჩაბლის ქ. - ირაკლი უჩანეიშვილის ქ. - წყნეთის გზატკეცილი - ილია ჭავჭავაძის გამზირი (მობრუნება ვაკის პარკთან) - მიხეილ თამარაშვილის ქ. - გიორგი წერეთლის გასასვლელი - ილია ჭავჭავაძის გამზირი - წყნეთის გზატკეცილი - ირაკლი უჩანეიშვილის ქ. - ივანე მაჩაბლის ქ. - ივანე მაჩაბლის ქ.№2-ის მოპირდაპირედ (წყნეთის გზატკეცილის გადაკვეთა); N451 (წრიული) - მ/ს "მარჯანიშვილის"( მიმდებარედ). - კოტე მარჯანიშვილის ქ. - ივანე ჯავახიშვილის ქ. - კიტა აბაშიძის ქ. - გიორგი ჩიტაიას მოედანი - ტერენტი გრანელის ქ. - წმინდა მეფე ვახტანგ III-ის ქ. - ლამის ქ. - რამაზ დავითაშვილის ქ. - პაატა სააკაძის ქ. - პეტრე ბაგრატიონის ქ. - რამაზ დავითაშვილის ქ. - ლამის ქ. - წმინდა მეფე ვახტანგ III-ის ქ. - ტერენტი გრანელის ქ. - გიორგი ჩიტაიას მოედანი - გიორგი მაზნიაშვილის ქ. - კიევის ქ. - დავით აღმაშენებლის გამზ. - კოტე მარჯანიშვილის მოედანი - კოტე მარჯანიშვილის ქ. - მ/ს "მარჯანიშვილის"( მიმდებარედ); N453 - აბაის ქ. - გიორგი ბოთერაშვილის ქ. - ზღვის უბნის IV მ/რ (#4,2,1,6,36 კორპუსების გავლით) - ზღვის უბნის III მ/რ, IV კვ (#59,60,58 კორპუსების გავლით) - ზღვის უბნის III მ/რ, III კვ (#48,47,46 კორპუსების გავლით, ლევან რჩეულიშვილის ქ.) - ავეტიკ ისააკიანის ქ. - ალეკო გობრონიძის ქ. - მ/ს ,, ახმეტელის თეატრი" (ალეკო გობრონიძისა და თენგიზ შეშელიძის ქუჩების გადაკვეთის მიმდებარედ); N457 - სულხან საბას ბაღი - ბესიკის ქ. - ვახტანგ კოტეტიშვილის ქ. - არსენას ქ. - ბესიკის ქ. - ალექსანდრე გრიბოედოვის ქ. - შოთა რუსთაველის გამზირი (მობრუნება ზეთისხილის ხესთან) - მიხეილ ჯავახიშვილის ქ. - გალაკტიონ ტაბიძის ხიდი - კოტე მარჯანიშვილის ქ. - ივანე ჯავახიშვილის ქ. - კონსტიტუციის ქ. - მიხეილ წინამძღვრიშვილის ქ. - აბასთუმნის ქ. - მ/ს "სადგურის მოედანი 1"-ს წინამდებარე ტერიტორია (წრე); N459 - მ/ს "სარაჯიშვილი" - დავით სარაჯიშვილის გამზირი - (მობრუნება ქერჩის ქუჩასთან) - თენგიზ შეშლიძის ქ. - გიორგი მინდელის ხიდი - ჯორჯ ბალანჩინის ქ. - ბობ უოლშის ქ. (კორპუსებთან); N463 - მშვიდობის ქ. #14 (მიმდებარე ტერიტორია) - შალვა აფხაიძის მე-3 ჩიხი - მშვიდობის ქ. - სვიმონ შოთაძის ქ. - ავჭალის ქ. - ჭიჭინაძის ქ. - თავისუფლების ქ. - გოჩა ცქიტიშვილის ქ. (სხვიტორის ქუჩის გადაკვეთა); N464 (წრიული) - ლეოპოლდ ბილფელდის ქ. (სახლი #15-13-ს მიმდებარედ) - ჭაბუა ამირეჯიბის გზატკეცილი - სიმონ ჩიქოვანის ქ. (მობრუნება #101-ს მიმდებარედ) - მერაბ კოსტავას ქ. - გმირთა მოედანი - მერაბ კოსტავას ქ. - გიორგი სააკაძის მოედანი - მერაბ კოსტავას ქ. - გიორგი მიროტაძის ქ. - პეკინის გამზირი - სიმონ ჩიქოვანის ქ. (მობრუნება #101-ს მიმდებარედ) - ჭაბუა ამირეჯიბის გზატკეცილი - ლეოპოლდ ბილფელდის ქ. (სახლი #15-13-ს მიმდებარედ); N466 - გიორგი შატბერაშვილის ქ. (#70-ს მიმდებარედ) - იოველ ქუთათელაძის ქ. - მრგვალი ბაღი - რაფიელ ერისთავის ქ. - ზაქარია ფალიაშვილის ქ. - ბაზალეთის ქ. - ილია ჭავჭავაძის გამზირი - პეტრე მელიქიშვილის ქ. - მერაბ კოსტავას ქ. - გმირთა მოედანი - თამარ მეფის გამზირი - მ/ს "სადგურის მოედანი 1"-ს წინამდებარე ტერიტორია (წრე); N468 - სადგურის მოედანი - თამარ მეფის გამზირი - გმირთა მოედანი - ვარაზისხევის ქ. - კორნელი კეკელიძის ქ. - ნინო ჟვანიას ქ. (ნიკოლოზ ღოღობერიძის II გას. გადაკვეთა); N473 - იონა მეუნარგიას ქ. (#72-ის მიმდებარედ) - იონა მეუნარგიას ქ. - სოლომონ ქურდიანის ქ. - ნიკოლოზ ხუდადოვის ქ. - რკინიგზის გადასასვლელი ხიდი (მიმდებარედ); N476 - ნიაბის ქ. (#55-ს მიმდებარედ) - ნიაბის ქ. - სომხეთის ქ. - ერისთავის ქ. - განთიადის ქ. - გალავნის ქ. - შილდას ქ. - ახალუბნის ქ. - საინგილოს ქ. - გუმბრის ქ. - სამრეკლოს ქ. - ლადო მესხიშვილის ქ. - მ/ს "ავლაბარი" (მიმდებარედ); N478 - მ/ს ,,ავლაბარი" (მიმდებარედ) - ჰამლეტ გონაშვილის ქ. - ვახტანგ VI-ს ქ. - ლადო მესხიშვილის ქ. - სამრეკლოს ქ. - გუმბრის ქ. - საინგილოს ქ. - ახალუბნის ქ. - შილდას ქ. - სომხეთის ქ. - ნიაბის ქ. - აბულის ქ. - ნიაბის I შესახვევი - ბათლომე ხუციშვილის ქ. - რომან გვენცაძის ქ. - გუჯარეთის I ქ. - მელაანის I შესახვევი - ჯორჯ ბუშის ქ. - ვაჟა ჩაჩავას ქ. - აწყურის ქ. - კახეთის შესახვევი - ქეთევან დედოფლის გამზირი - ნავთლუღის ქ. - ვლადიმერ ლობჟანიძის ქ. - სოლომონ დოდაშვილის ქ. - სერგი წულაძის ქ. - ციხისძირის ქ. - მეველეს ქ; N479 - ბეღლეთისა და მიხეილ მრევლიშვილის ქუჩების გადაკვეთა - მიხეილ მრევლიშვილის ქ. - თამაზ მუჯირიშვილის ქუჩა - ახალუბნის ქუჩა - გუმბრის ქუჩა - სამრეკლოს ქ. - ლადო მესხიშვილის ქუჩა - ავლაბრის მოედანი (მ/ს "ავლაბარსა" და კორპუსი #2-ს შორის ) - ნიკიფორე ირბახის ქ. - ალექსანდრე წურწუმიას ქუჩა - ავლიპი ზურაბაშვილის ქუჩა - კასპის ქუჩა - აწყურის ქ. - კახეთის შესახვევი - ვაჟა ჩაჩავას ქ. (მ/ს "ისანი"); N480 - მ/ს "ახმეტელის თეატრი" (მიმდებარედ) - ომარ ხიზანიშვილის ქ. - ილია ვეკუას ქ. (მობრუნება გლდანის მე-8 მ/რაიონი, კორპუსი #1-ს მიმდებარედ) - დავით ჯაბიძის ქ. - ზურაბ მირაქიშვილის ქ. - ომარ ხიზანიშვილის ქ. - ხოჭოს ტბის ქ. (ნასერალის ქედის ქუჩის გადაკვეთის მიმდებარედ); N481 - კიკეთი ( 9 ძმა ხერხეულიძის და აკაკი წერეთლის ქუჩების გადაკვეთა ) - კიკეთი (9 ძმა ხერხეულიძის ქ. - ექვთიმე თაყაიშვილის ქ.) - სოფელი დიდება (დიდების ქ. (მობრუნება დიდგორის ქუჩის გადაკვეთის მიმდებარედ) - ექვთიმე თაყაიშვილის ქ. - ვალიკო ჯუღელის გზატკეცილი - შოთა რუსთაველის ქ. - შოთა რუსთაველის ქ. (მაია წყნეთელის ძეგლთან)(წყნეთი); N482 - სოფ. ახალდაბა - ახალდაბის ქ. - დაბა წყნეთი (აფხაზეთის ქ. - რუსთაველის ქ.) - წყნეთი (შოთა რუსთაველის და დავით აღმაშენებლის ქუჩების გადაკვეთის მიმდებარე ტერიტორია); N483 - წყნეთი (მაია წყნეთელის ქუჩისა და მაია წყნეთელის I შესახვევის გადაკვეთის მიმდებარედ) - წყნეთი (მაია წყნეთელის ქ. - თამარ მეფის ქ. - შოთა რუსთაველის ქ.) - წყნეთი (შოთა რუსთაველის და დავით აღმაშენებლის ქუჩების გადაკვეთის მიმდებარე ტერიტორია); N484 (წრიული) - დიმიტრი ამილახვრის ქ. (დ. ამილახვრის III ჩიხის გადაკვეთა) - დიმიტრი ამილახვრის ქ. - დავით აღმაშენებლის ქ. - შოთა რუსთაველის ქ. - ილია ჭავჭავაძის ქ. - არსენას ქ. - არსენას ქ-ს და ილია ჭავჭავაძის I შესახვევის მიმდებარედ; N485 - შოთა რუსთაველის ქ. (მაია წყნეთელის ძეგლთან)(წყნეთი) - დავით აღმაშენებლის ქ. - დიმიტრი ამილახვრის ქ. - საირმის ქ. №19ა-ს მიმდებარედ; N486 (წრიული) - მ/ს "ახმეტელის თეატრი" (მიმდებარედ) - ომარ ხიზანიშვილის ქ. - აკაკი ვასაძის ქ. - ქერჩის ქ. - მიხეილ იპოლიტოვ-ივანოვის ქ. - დავით სარაჯიშვილის გამზირი - პატარა გლდანი (ივანე კაჭარავას ქ. - ვლადიმერ ჯანჯღავას III შესახვევი - ვლადიმერ ჯანჯღავას ქ.) - დავით სარაჯიშვილის გამზირი - მიხეილ იპოლიტოვ-ივანოვის ქ. - ქერჩის ქ. - აკაკი ვასაძის ქ. - ილია ვეკუას ქ. - მ/ს "ახმეტელის თეატრი" (მიმდებარედ); N487 (წრიული) - დაბა წყნეთი (იოსებ გრიშაშვილის ქ. №49-ს მიმდებარედ) - იოსებ გრიშაშვილის ქ. - დავით აღმაშენებლის ქ. - დიმიტრი ამილახვრის ქ. - მერაბ კოსტავას ქ. - მიხეილ ჯავახიშვილის ქ. - ქეთევან წამებულის I შესახვევი - ქაქუცა ჩოლოყაშვილის ქ. - შოთა რუსთაველის ქ. - იოსებ გრიშაშვილის ქ. - დაბა წყნეთი (იოსებ გრიშაშვილის ქ. №49-ს მიმდებარედ);