გიორგი ვაშაძე

„მეგობარი აქტის“ მიხედვით, სავარაუდო სანქცირებულთა სიაშია ცესკო-ს თავმჯდომარე, ეს ხალხი თუ რჩება ცესკო-ში, ვინმე ფიქრობს, რომ არჩევნებში მონაწილეობას აზრი აქვს? - გიორგი ვაშაძე

„მეგობარი აქტის“ მიხედვით, სავარაუდო სანქცირებულთა სიაშია ცესკო-ს თავმჯდომარე, რანაირად წარმოგიდგენიათ ამ პირობებში არჩევნებში მონაწილეობა? ეს ხალხი თუ რჩება ცენტრალურ საარჩევნო კომისიაში, ვინმე ფიქრობს, რომ არჩევნებში მონაწილეობას აზრი აქვს?, – ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა.ვაშაძის თქმით, წინააღმდეგობის ხაზს აქვს ძალიან დიდი მნიშვნელობა.„ძალიან ცალსახაა, მითუმეტეს „მეგობარი აქტის“ მიღების შემდეგ, რომ ჩვენს წინააღმდეგობის ხაზს აქვს ძალიან დიდი მნიშვნელობა. პრეზიდენტ სალომე ზურაბიშვილთან ერთად, გვაქვს წინააღმდეგობის პლატფორმა, სადაც გადაწყვეტილებებს ვიღებთ ერთობლივად. კონკრეტულ კითხვას გისვამთ. „მეგობარი აქტის“ მიხედვით სავარაუდო სანქცირებულთა სიაში მყოფია ცესკო-ს თავმჯდომარე და მეორე გაუგებარი ადამიანი რომ არის, ყველაფრის გამყალბებელი ცენტრალურ საარჩევნო კომისიაში, მათ პირობებში როგორ შეიძლება, არჩევნები ჩატარდეს და ვინმემ მიიღოს მონაწილეობა. კითხვას ვუსვამ ნებისმიერს, ვინც ფიქრობს ამ არჩევნებში მონაწილეობაზე. „მეგობარ აქტში“, სიაში პირდაპირ წერია, რომ კალანდარიშვილი და ჯავახიშვილი უნდა დასანქცირდნენ. ეს ხალხი მართავს საარჩევნო ადმინისტრაციას, რანაირად წარმოგიდგენიათ ამ პირობებში არჩევნებში მონაწილეობა? ეს ხალხი თუ რჩება ცენტრალურ საარჩევნო კომისიაში, ვინმე ფიქრობს, რომ არჩევნებში მონაწილეობას აზრი აქვს?“, – აღნიშნა გიორგი ვაშაძემ.

პოლიტიკა • 1746608029

გიორგი ვაშაძე - „მეგობარმა აქტმა“ დაადასტურა საქართველოში უმძიმესი პოლიტიკური კრიზისი, გამოსავალი არის ახალი, ეროვნული არჩევნები ახალი წესებითა და პირობებით

„მეგობარი აქტის“ მიღების შემდეგ აბსოლუტურად სხვა რეალობაში ვართ. „მეგობარმა აქტმა“ დაადასტურა საქართველოში არსებული უმძიმესი პოლიტიკური კრიზისი. გამოსავალი არის ახალი, საერთო, ეროვნული არჩევნები ახალი წესებითა და ახალი პირობებით, – ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა.ვაშაძის თქმით, „მეგობარმა აქტმა“ მთლიანად შეცვალა და კიდევ ერთხელ ცხადი გახადა ის რეალობა, რაც არის საქართველოში.„იმ ადამიანებით, ვინც სანქცირებულთა სიაში არის, ცესკო-ს თავმჯდომარეს რომ ეძახის თავს, მის პირობებში როგორ უნდა ჩატარდეს არჩევნები? ან ანტიკორუფციულის ხელმძღვანელს რომ უწოდებს თავს, სანქცირებულთა სიაში რომ არის, მან როგორ უნდა ჩაატაროს არჩევნები? ან იმ პროკურორმა, რომელიც ახლა სანქცირებულთა სიაშია. მის პირობებში როგორ უნდა ჩატარდეს არჩევნები? კითხვას ვსვამ. ეს წარმოუდგენელია. შესაბამისად, ეს ყველაფერი არის შესაცვლელი და ამის შემდეგ ჯერ საპარლამენტო არჩევნები, შემდეგ დანარჩენი ყველაფერი. კითხვას ვუსვამ იმ ხალხს, ვინც აპირებს არჩევნებში მონაწილეობას – აქ მონაწილეობა-არ მონაწილეობაზე კი არ არის, ამ პირობებში, როდესაც ცესკო-ს ჰყავს პოტენციურად სანქცირებული ხელმძღვანელი ადამიანი, როგორ წარმოგიდგენიათ არჩევნების ჩატარება? ჯერ გაეცით ამას პასუხი“, – აღნიშნა გიორგი ვაშაძემ.აშშ-ის კონგრესის წარმომადგენელთა პალატამ 6 მაისს „მეგობარ აქტს“ მხარი დაუჭირა.

პოლიტიკა • 1746513327

გიორგი ვაშაძე - „მეგობარი აქტი” არის პასუხი მოძალადე რეჟიმის ქმედებებზე, ამერიკამ მხარი დაუჭირა ქართველ ხალხს და არა ივანიშვილს

„მეგობარი აქტი” არის პასუხი მოძალადე რეჟიმის ქმედებებზე, ამერიკამ მხარი დაუჭირა ქართველ ხალხს და არა ივანიშვილს, – ამის შესახებ „სტრატეგია აღმაშენებლის“ ლიდერი გიორგი ვაშაძე აცხადებს.მისი თქმით, აშშ-ის კონგრესის წარმომადგენელთა პალატის მიერ „მეგობარი აქტის“ მიღება არის ერთიანი, მტკიცე გზავნილი მსოფლიოს ყველაზე ძლიერი დემოკრატიისგან.„მადლობა ჩვენს მეგობარ ამერიკას ამ გადამწყვეტ მომენტში ერთსულოვანი მხარდაჭერისთვის!მეგობრებო, ჩვენი უწყვეტი წინააღმდეგობა უკვე იძლევა შედეგს, აშშ-ის კონგრესმა ერთხმად მიიღო საქართველოს „მეგობარი აქტი”.ეს არის ერთიანი, მტკიცე გზავნილი მსოფლიოს ყველაზე ძლიერი დემოკრატიისგან: საქართველო არ არის ივანიშვილის რეჟიმი. საქართველო არის თავისუფლების მოყვარე ერი და მათი ბრძოლა იმსახურებს მხარდაჭერას.წარმოუდგენელი რამ მოხდა – 165 რესპუბლიკელმა და 180 დემოკრატმა ერთხმად დაუჭირეს მხარი ამ აქტს.ამერიკაში, სადაც პარტიებს თითქმის ყველა საკითხზე სერიოზული უთანხმოება აქვთ, ასეთი თანხმობა მხოლოდ ეროვნული მნიშვნელობის და პრინციპულად სწორ საკითხებზე მიიღწევა და დღეს ასეთი საკითხი გახდა ქართველი ხალხის ბრძოლა თავისუფლებისთვის.ეს არ არის მხოლოდ ამერიკის ხმა, ეს არის ქართველი ხალხის წინააღმდეგობის საერთაშორისო აღიარება.ეს არის პასუხი მოძალადე რეჟიმის ქმედებებზე. ამერიკამ მხარი დაუჭირა ქართველ ხალხს და არა ივანიშვილს. ყველა, ვინც დღეს ან ხვალ ასოცირდება „ოცნებასთან”, გაიზიარებს მის ბედს.ახლა ამ მხარდაჭერას უნდა მივცეთ გაგრძელება საქართველოში. უნდა ვიქცეთ ერთ მუშტად შეკრულ ერად, რათა ეს წარმატება გადაიქცეს საერთო დიდ გამარჯვებად.ბრძოლა ჯერ არ დასრულებულა ყველაზე მთავარი წინ არის!“ – აცხადებს გიორგი ვაშაძე.

საზოგადოება • 1746434278

ვალერი გელაშვილი: 2013 წლის დასაწყისში, ლიეტუვის სეიმში საპარლამენტო დელეგაცია ვიყავით და ჩემს თავდასხმაზე საუბრისას, გიორგი ვაშაძემ მითხრა, აბა რა გეგონა, შეურაცხყოფა რომ მიაყენე პრეზიდენტსო - მათთვის ესე იგი, ნორმაა ადამიანების წიხლებით ცემა

2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელი საქართველოს პარლამენტის დროებითი საგამოძიებო კომისიის სხდომაზე, პარლამენტის ყოფილმა წევრმა, ვალერი გელაშვილმა, "ნაციონალური მოძრაობის" რეჟიმის მიერ მისი ცემისა და უფლებების შელახვის თაობაზე ისაუბრა.მან გაიხსენა ერთ-ერთი ფაქტი, როდესაც 2013 წელს, გიორგი ვაშაძემ უთხრა, პრეზიდენტის შეურაცხყოფის გამო აბა რა გეგონაო."ერთი ფაქტი იყო, 2013 წლის დასაწყისში, საპარლამენტო დელეგაცია ვიყავით ლიეტუვის სეიმში წასული, მაშინ დათო უსუფაშვილი იყო პარლამენტის თავმჯდომარე. ჩემს თავდასხმაზე რაღაცაზე ვსაუბრობდით და გიორგი ვაშაძემ მითხრა, აბა რა გეგონა, შეურაცხყოფა რომ მიაყენე პრეზიდენტსო. პარლამენტში ვიყავით, თორემ პასუხს გავცემდი ვაშაძეს. მათთვის ესე იგი ნორმაა ადამიანების წიხლებით ცემა." - განაცხადა ვალერი გელაშვილმა.

პოლიტიკა • 1745941356

პარლამენტმა დროებით საგამოძიებო კომისიას უფლებამოსილების ვადა ერთი თვით გაუგრძელა

პარლამენტმა, პლენარულ სხდომაზე, 79 ხმით, 2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელ პარლამენტის დროებით საგამოძიებო კომისიას უფლებამოსილების ვადა მიმდინარე წლის 5 მაისიდან ერთი თვით გაუგრძელა.შესაბამისი დადგენილების მიღებამდე, საგამოძიებო კომისიის თავმჯდომარე თეა წულუკიანმა კომისიის მიერ გაწეული საქმიანობის შუალედური ანგარიში პლენარულ სხდომაზე წარადგინა.როგორც თეა წულუკიანმა განაცხადა, კომისიისთვის უფლებამოსილების ვადის გაგრძელების მთავარი მიზეზი გახდა 2025 წლის 1 აპრილს საქართველოს პარლამენტის მიერ მიღებული დადგენილება, რომლის საფუძველზეც მნიშვნელოვნად გაფართოვდა საგამოძიებო კომისიის მანდატი, რომელიც 2012-2024 წლების პერიოდსაც მოიცავს.ანგარიშის თანახმად, 2025 წლის 13 თებერვლიდან 28 აპრილის ჩათვლით, საგამოძიებო კომისიამ 17 სხდომა გამართა და გამოკითხულ იქნა 55 პირი, მათ შორის, 37 დაზარალებული.თეა წულუკიანის განცხადებით, საგამოძიებო კომისიის მოთხოვნის შეუსრულებლობის (სხდომაზე გამოცხადება) არაერთი ფაქტის სამართლებრივი შეფასების მიზნით, საგამოძიებო კომისიამ საქართველოს გენერალურ პროკურატურას გადაუგზავნა შემდეგ პირებთან დაკავშირებული ინფორმაცია: ბადრი ჯაფარიძე, მამუკა ხაზარაძე, ირაკლი ოქრუაშვილი, ნიკა გვარამია, ზურაბ (გირჩი) ჯაფარიძე, გიორგი ვაშაძე, ნიკანორ მელია, გიორგი (გივი) თარგამაძე.ანგარიშში აღნიშნულია, რომ 2025 წლის 27 აპრილის მდგომარეობით, საგამოძიებო კომისიის სახელზე 397 განცხადებაა შესული, რომელთაგან დამუშავებულია 307 განცხადება. 307 განცხადებიდან 99 ეხება ქონებრივი უფლებების დარღვევას, 92 - წამებას/არაადამიანურ მოპყრობას, 11 – 2008 წლის აგვისტოს ომს, ხოლო 105 წერილი კი, სხვადასხვა შინაარსისაა.თეა წულუკიანის განაცხადებით, მოცემული ეტაპისათვის, დამუშავებულია 100-მდე მოცულობითი დოკუმენტი. როგორც კომისიის თავმჯდომარემ აღნიშნა, საგამოძიებო კომისიის დასკვნის პროექტის სხვადასხვა თემატური თავის შედგენა წარმატებით მიმდინარეობს, რის შედეგადაც, ამ დოკუმენტის 200-მდე გვერდი უკვე მომზადებულია.მისი განცხადებით, დასკვნის ყველაზე მოცულობითი თავი შესაძლოა სწორედ ის თავი იყოს, რომელიც მიეძღვნება: რეჟიმის ძალადობრივ ხასიათს; წამებას, არა მხოლოდ თავისუფლების აღკვეთის დაწესებულებებში, არამედ მის მიღმაც; მკვლელობებს, არა მხოლოდ თავისუფლების აღკვეთის დაწესებულებებში, არამედ მის მიღმაც, მათ შორის ქუჩაში და სხვადასხვა ტიპის ძალადობას.თეა წულუკიანმა აღნიშნა, რომ კომისიის დასკვნის ერთ-ერთი ძირითადი თავი აგვისტოს ომზე იქნება და ამ საკითხის განხილვა მხოლოდ და მხოლოდ მაშინდელი პოლიტიკური თანამდებობის პირების გადაწყვეტილებებისა და მათი საქმიანობის შეფასებას ემსახურება.მისივე თქმით, სამართლებრივ დონეზე, 2012 წლის პირველი ოქტომბრისთვის არც ერთი სამართლებრივი დოკუმენტი არ არსებობდა, რომელიც იტყოდა, რომ ქართული ჯარი და მშვიდობიანი მოქალაქე იყო მართალი. კომისიის თავმჯდომარის განცხადებით, „ქართული ოცნების“ ხელისუფლების მიერ შექმნილი სამართლებრივი დოკუმენტები, მომავალში, მშვიდობიანი გზით ტერიტორიული მთლიანობის აღდგენისა და ქვეყნის გაერთიანებისათვის სამართლებრივ საფუძველს შექმნის.„ჩვენ კიდევ ერთხელ ვეუბნებით ჩვენს საზოგადოებას და პირველ რიგში, ჩვენს ჯარს, რომ ჩვენ ვართ ის ხელისუფლება, რომელმაც ქართული ჯარის და ქართული მშვიდობიანი მოსახლეობის სიმართლე დაამტკიცა სისხლის სამართლის მართლმსაჯულების სასამართლოში ჰააგაში და ადამიანის უფლებათა ევროპულ სასამართლოში სტრასბურგში“, - აღნიშნა თეა წულუკიანმა.კომისიის თავმჯდომარის განცხადებით, შუალედური ანგარიშის ეტაპზე, ფაქტებზე დაფუძნებით, თუმცა ამ ფაქტების კვლევა გრძელდება, თამამად შეიძლება ითქვას, რომ 2008 წლის აგვისტოს ომი ისე აწარმოეს მაღალი პოლიტიკური თანამდებობის მქონე პირებმა, რომ არ გაითვალისწინეს სამხედროების აზრი.მისივე თქმით, უკვე შეიძლება თქვას, რომ ჩვენს სამხედრო პირებს, გენერალური შტაბს და ყველა იმ კომპეტენტურ პირს, ვისაც ომის წარმოების და სამხედრო საქმე ესმის, შემუშავებული ჰქონდა სამხედრო გეგმა, რომელიც ასევე მოიცავდა მშვიდობიანი მოქალაქეების ევაკუაციისა და სამედიცინო მომსახურების ნაწილს.„ეს იყო სრულფასოვანი სამხედრო გეგმა, რომელიც პოლიტიკურმა თანამდებობის პირებმა გვერდზე გაწიეს და ომი აწარმოებს პოლიტიკოსებმა. ეს დასკვნა უკვე შეიძლება გაკეთდეს, რაც, თავის მხრივ, სავალალო შედეგია. ჩვენ ახლა შეგვიძლია ვთქვათ, რომ მთავარი მიზანი არ იყო ომის წარმოება მინიმალური დანაკარგებით. პირიქით, სავარაუდოდ, მიზანი იყო ომის წარმოება მშვიდობიანი მოსახლეობის მაქსიმალურად მაღალი დანაკარგებით“, - აღნიშნა კომისიის თავმჯდომარემ.თეა წულუკიანის განცხადებით, „ქართულ ოცნებას“ პარლამენტის დროებით საგამოძიებო კომისიის საქმიანობასთან დაკავშირებით გაცხადებული მიზანი აქვს.„კომისიის დასკვნა უნდა გახდეს ერთ-ერთი საფუძველი იმისთვის, რომ იმ პოლიტიკურ პირებს, რომლებიც ასე მართავდნენ სახელმწიფოს და დღესაც არ ასვენებენ ჩვენს ქვეყანას, ცდილობენ პრობლემები შეუქმნან ქვეყნის შიგნით და ქვეყნის გარეთ, მომავალში აღარ ჰქონდეთ პოლიტიკაში მონაწილეობის უფლება. ასევე, მათ მიერ ამჟამად დაფუძნებული, მოქმედი თუ მომავალში დაფუძნებული პოლიტიკური პარტიები აღარ უნდა არსებობდნენ პოლიტიკურ ველზე. ეს საქმე გასაკეთებელია და ჩვენ, „ქართული ოცნება“ ამ საქმეს ბოლომდე მივიყვანთ“,

პოლიტიკა • 1745941200

სამართალი • 1745418546

„ამას გადავწყვეტ, როდესაც ვისაუბრებ ჩემს თანაგუნდელებთან ერთად“ - გიორგი ვაშაძე მისთვის შეფარდებული 50 000 ლარიანი გირაოს გადახდაზე

„სტრატეგია აღმაშენებლის“ დამფუძნებელს და „ერთიანობა - ნაციონალური მოძრაობის“ ერთ-ერთ ლიდერს, გიორგი ვაშაძეს, რომელსაც პარლამენტის დროებითი საგამოძიებო კომისიის მოთხოვნის შეუსრულებლობას ედავებიან აღკვეთის ღონისძიების სახით 50 000-ლარიანი გირაო შეეფარდა.აღნიშნულთან დაკავშირებით სასამართლო პროცესის შემდეგ, გიორგი ვაშაძემ მედიასთან ისაუბრა.„ტესტი იყო ძალიან მარტივი, გაიზიარებდა თუ არა სრულფასოვნად ე.წ. პროკურატურის პოზიციას ე.წ. სასამართლო. თქვენი აზრით, რა მოხდა, რა თქმა უნდა, გაიზიარა 100%-ით,“ - აღნიშნა გიორგი ვაშაძემ.ამასთან, ჟურნალისტის კითხვაზე, აპირებს თუ არა გირაოს გადახდას, ვაშაძემ აღნიშნა, რომ გადაწყვეტილებას თანაგუნდელებთან საუბრის შემდეგ მიიღებს.„ამას უკვე გადავწყვეტ, როდესაც ვისაუბრებ ჩემს თანაგუნდელებთან ერთად,“ - აღნიშნა ვაშაძემ.გიორგი ვაშაძეს გირაოს გადახდის ვადად 30 დღე განესაზღვრა. აღკვეთის ეს ღონისძიება პროკურორმა მოითხოვა, ისაუბრა მიმალვის საფრთხეზეც, შუამდგომლობას არ დაეთანხმა დაცვის მხარე.

პოლიტიკა • 1745402688

საქართველო იქნება თავისუფალი, ევროპული, დაცული და ღირსეული ქვეყანა, იმიტომ, რომ ჩვენ ასე გადავწყვიტეთ - გიორგი ვაშაძე

საქართველო იქნება თავისუფალი, ევროპული, დაცული და ღირსეული ქვეყანა, იმიტომ, რომ ჩვენ ასე გადავწყვიტეთ, – ამის შესახებ პარტია „სტრატეგია აღმაშენებლის“ ლიდერმა, გიორგი ვაშაძემ განაცხადა.მისივე თქმით, საქართველო აუცილებლად იქნება ქვეყანა, სადაც სასამართლო და პოლიცია ემსახურება ხალხს და არა – ოლიგარქს.„დღეს, 23 აპრილს, 16:00-ზე მაქვს სასამართლო. არ ველოდები სამართალს, ეს არის ივანიშვილის პირადი სცენა, სადაც მოსამართლეები მისი მსახურები არიან. მათი მიზანია, დანერგონ შიში. შიშით უნდათ მართონ ქვეყანა. მაგრამ უკვე გვიანია, საქართველოს ვეღარ დააჩოქებთ.ვიცი, რომ სიმართლის მხარეს ვდგავარ; ვიცი, რომ ჩემ გვერდით არის თავისუფლებისთვის მებრძოლი ქართველი ხალხი. ეს არ არის ჩემი პირადი ბრძოლა, ეს არის ბრძოლა ქვეყნისთვის და ვინც ამ ბრძოლაში დგას, ის უსამართლობას არ ეგუება. მათ დაავიწყდათ მთავარი: თავისუფალი ადამიანი არ უშინდება უსამართლობას – ის ებრძვის მას.მე ვიცი, რისთვის ვიბრძვი. საქართველო აუცილებლად იქნება ქვეყანა, სადაც სასამართლო და პოლიცია ემსახურება ხალხს და არა – ოლიგარქს; სადაც ახალგაზრდებს არ უწევთ სამშობლოს დატოვება, რჩებიან და აშენებენ საკუთარ ქვეყანას; სადაც კანონი იცავს მოქალაქეს და არა – რეჟიმს. საქართველო იქნება თავისუფალი, ევროპული, დაცული და ღირსეული ქვეყანა, იმიტომ, რომ ჩვენ ასე გადავწყვიტეთ“, – განაცხადა ვაშაძემ.

პოლიტიკა • 1744466252

პარლამენტის დროებითმა საგამოძიებო კომისიამ ამირან (ბუტა) რობაქიძის და ევგენი აფრასიძისა და მისი ოჯახის წევრების სიცოცხლის უფლების შელახვის ფაქტები განიხილა

2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელმა პარლამენტის დროებითმა საგამოძიებო კომისიამ დღევანდელ სხდომაზე ორი საკითხი განიხილა.ამირან (ბუტა) რობაქიძის საქმეზე კომისიამ ბუტა რობაქიძის მამას, სოსო რობაქიძეს მოუსმინა. სოსო რობაქიძის განცხადებით, ბუტას მკვლელობის საქმე „ნაციონალების“ მიერ ტოტალურად გაყალბებულია. როგორც მან აღნიშნა, პატრულ ინსპექტორ გრიგოლ ბაშალეიშვილს იარაღი კი არ გაუვარდა, არამედ მან ბუტას მიმართულებით გაისროლა და მოკლა. მისი თქმით, გასროლის შემდეგ ბუტა 35 წუთი ცოცხალი იყო, თუმცა მომხდარი ფაქტის შემდეგ, შემთხვევის ადგილზე სამ-ოთხ წუთში მისული სასწრაფო დახმარების ექიმი ბუტასთან დახმარების გასაწევად არ მიუშვეს.სოსო რობაქიძემ ასევე აღნიშნა, რომ გრიგოლ ბაშალეიშვილი მხოლოდ ორი წლის შემდეგ დააკავეს, მანამდე კი სამსახურებრივი მოვალეობის შესრულებას აგრძელებდა, საპატიმროდან გათავისუფლების შემდეგ კი, ვანო მერაბიშვილმა ის შსს-ში აღადგინა.მისივე თქმით, ოფიციალური ვერსია იმის თაობაზე, რომ ბუტას და მის მეგობრებს იარაღი ჰქონდათ სიცრუეა და ზოგადად, ბუტას მკვლელობის შესახებ მედიაში გავრცელებული ვიდეოკადრები პროფესიულ დონეზე იყო გაყალბებული.სოსო რობაქიძემ დეტალურად ისაუბრა იმ პირების შესახებ, რომლებიც აღნიშნული საქმის გაყალბებაში მონაწილეობდნენ.ევგენი აფრასიძისა და მისი ოჯახის წევრების სიცოცხლის უფლების შელახვის ფაქტებზე დროებით საგამოძიებო კომისიას ახსნა-განმარტება ევგენი აფრასიძის ქვრივმა, დოდო აფრასიძემ და შვილიშვილებმა - გიორგი და ლედი აფრასიძეებმა მისცეს.მათ დეტალურად ისაუბრეს 2004 წლის 24 მარტს მესტიის რაიონის ეცერის თემის სოფელ ბარში ევგენი აფრასიძისა და მისი ოჯახის წევრების წინააღმდეგ ჩატარებულ სპეცოპერაციაზე, რომელსაც შინაგან საქმეთა ყოფილი მინისტრი გიორგი ბარამიძე ხელმძღვანელობდა.დოდო აფრასიძის განცხადებით, 24 მარტს, გამთენიისას იმ ორი სახლის მიმართულებით, სადაც მათი ოჯახები, მათ შორის ბავშვები იმყოფებოდნენ, ყოველგვარი გაფრთხილების გარეშე, ინტენსიური ცეცხლი გაიხსნა.მისივე თქმით, მას შემდეგ რაც ევგენი აფრასიძე ხელაწეული აივანზე გავიდა და სპეცრაზმელებს მოუწოდა ცეცხლი შეეწყვიტათ, ვინაიდან სახლებში ბავშვები იმყოფებოდნენ, იგი დაჭრეს.დოდო აფრასიძის განცხადებით, სპეცრაზმელებმა გოჩა და ომეხ აფრასიძეებს ჯერ ხელბორკილები დაადეს, შემდეგ გოჩა აფრასიძეს ცივი იარაღით სხეულზე ჭრილობები მიაყენეს, ომეხ აფრასიძე კი დახვრიტეს.როგორც ევგენი აფრასიძის შვილიშვილმა ლედი აფრასიძემ აღნიშნა, გოჩა აფრასიძეს იმდენად მძიმე დაზიანებები ჰქონდა მიყენებული, რომ ჯერ გარდაცვლილი ეგონათ, მას შემდეგ კი რაც გაირკვა, რომ ის ცოცხალი იყო, ვერტმფრენით საავადმყოფოში გადაიყვანეს, თუმცა ოპერაცია გამაყუჩებელი მედიკამენტების გარეშე გაუკეთეს.ლედი აფრასიძის განცხადებით, მათ ოჯახში ძებნილი მხოლოდ ვამეხ აფრასიძე იყო, რომლის დაკავებაც ნებისმიერ დროს შეიძლებოდა, ვინაიდან ის თავისუფლად გადაადგილდებოდა. მისი თქმით, სპეცოპერაციისას, ასევე, დაკავებული იყო მათ ოჯახში მყოფი ვლადიმერ მურავიოვიც, რომელმაც წამების შემდეგ „აღიარა“, რომ თითქოს აფრასიძეების ოჯახს ლევან კალაძისა და მარიამ გოგინაშვილის საქმეებთან შემხებლობა ჰქონდათ.ლედი აფრასიძემ ასევე აღნიშნა, რომ სპეცოპერაციის დასრულების შემდეგ, მაშინ როდესაც სახლს ცეცხლი ეკიდა, სადაც დაჭრილი ევგენი აფრასიძე იყო, ხოლო ეზოში ომეხ აფრასიძის ცხედარი ესვენა, შინაგან საქმეთა მინისტრმა გიორგი ბარამიძემ აფრასიძეების მეზობლებს შემდეგი სიტყვებით მიმართა: „სვანებმა კარგი კუბდარის გამოცხობა იცით და იქნებ გაგვიმასპინძლდეთ აქ მყოფ ადამიანებსო“.როგორც გიორგი აფრასიძემ განაცხადა, სპეცოპერაციის დროს სროლა ხორციელდებოდა არა მარტო ავტომატური, არამედ მსხვილკალიბრიანი ცეცხლსასროლი იარაღიდანაც.მისივე თქმით, სახლს, საიდანაც სპეცრაზმელებმა ხელბორკილდადებული გოჩა და ომეხ აფრასიძეები გამოიყვანეს, ვერტმფრენიდან ყუმბარა ესროლეს, რის გამოც სახლს ცეცხლი გაუჩნდა. მისი თქმით, სპეცრაზმელებმა მეზობლებს საშუალება არ მისცეს, რომ ცეცხლმოკიდებული სახლიდან ევგენი აფრასიძე გამოეყვანათ.დოდო, გიორგი და ლედი აფრასიძეების განცხადებით, სპეცოპერაციის მონაწილეებმა ზუსტად იცოდნენ, რომ სახლებში ბავშვები იმყოფებოდნენ. მათივე თქმით, სპეცოპერაციის დროს სახლიდან რაც უფრო ხმამაღლა ისმოდა ოჯახის წევრების ხმა, მით უფრო ინტენსიური ხდებოდა სროლა.დღევანდელ სხდომაზე, დროებითი საგამოძიებო კომისიის წევრებმა, სისხლის სამართლის კოდექსის 349-ე მუხლის სავარაუდო დარღვევასთან დაკავშირებით(კომისიის მოთხოვნის შეუსრულებლობა) გიორგი ვაშაძისა და ნიკანორ მელიას საქმეების პროკურატურაში გადაგზავნას მხარი დაუჭირეს. გიორგი ვაშაძე და ნიკანორ მელია ახსნა-განმარტების მისაცემად კომისიის დღევანდელ სხდომაზე იყვნენ დაბარებული, თუმცა არ გამოცხადდნენ.პარლამენტის დროებითი საგამოძიებო კომისიის თავმჯდომარის, თეა წულუკიანის განცხადებით, კომისიის მორიგი სხდომა ორშაბათს, 14 აპრილს გაიმართება.

2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელმა“ პარლამენტის დროებითმა საგამოძიებო კომისიამ პირველი სხდომა გამართა

მსოფლიო • 1744357427

პარლამენტის დროებითი საგამოძიებო კომისიის კანონიერი მოთხოვნის შეუსრულებლობის ფაქტზე კომისია გიორგი ვაშაძის საქმეს პროკურატურას გადაუგზავნის

პარლამენტის დროებითი საგამოძიებო კომისიის კანონიერი მოთხოვნის შეუსრულებლობის ფაქტზე კომისია გიორგი ვაშაძის საქმეს პროკურატურას გადაუგზავნის.როგორც საგამოძიებო კომისიის სხდომის დაწყებისას თეა წულუკიანმა განაცხადა, გიორგი ვაშაძე კომისიის სხდომაზე 10:00 საათზე უნდა გამოცხადებულიყო.„მან იცოდა, რომ დაბარებული იყო კონკრეტულ დროს თუმცა არ მობრძანდა“, - განაცხადა თეა წულუკიანმა.თეა წულუკიანის თქმით, სისხლის სამართლის საქმე, 349-ე მუხლის სავარაუდო დარღვევასთან დაკავშირებით, შესასწავლად გადაეგზავნება პროკურატურას.

პოლიტიკა • 1744347187

ლოგიკურია, რომ დისკომფორტი ექნებათ კითხვებზე პასუხის გაცემის დროს - ილია ინჯია საგამოძიებო კომისიაზე მელიასა და ვაშაძის არგამოცხადების შესახებ

პარლამენტში დროებითი საგამოძიებო კომისიის მორიგი სხდომა დღესაც გაიმართება.2003-2012 წლებში მოქმედი ხელისუფლებისა და პოლიტიკური თანამდებობის პირების საქმიანობის შემსწავლელი კომისია ამჯერად აფრასიძეებისა და ბუტა რობაქიძის საქმეს განიხილავს. კომისიის კითხვებს აფრასიძეების ოჯახის ორი წევრი და ბუტა რობაქიძის მამა უპასუხებენ.სხდომაზე დაბარებულები არიან ნიკა მელია და გიორგი ვაშაძე, ისინი მისვლას არ აპირებენ.ოპოზიციაში განმარტავენ, რომ, ამ კომისიის მუშაობით, უმრავლესობის წარმომადგენლები ქვეყანაში არსებული რეალური პრობლემების გადაფარვას ცდილობენ.პარლამენტის დროებითი საგამოძიებო კომისიის წევრის, ილია ინჯიას განცხადებით, დაბარებული პირების არგამოცხადება მეტყველებს იმაზე, რომ მათ კითხვებზე პასუხები არ აქვთ."ბუტა რობაქიძის საქმეს მოვისმენთ, ბატონი სოსო მობრძანდება, დააფიქსირებს პოზიციას, მოგვიყვება მისი მხრიდან ამ ისტორიას. ასევე, ვიმსჯელებთ აფრასიძეების საქმეზე.შეიძლება, ბევრი რამე ვიფიქროთ იმაზე, რომ არ მოდიან - ერთი, რომ ადამიანს არ გაქვს კითხვებზე პასუხი, ან ეს პასუხები არის დანაშაულებრივი, ამისგან თავის არიდებას ცდილობენ. ლოგიკურია, რომ მათ დისკომფორტი ექნებათ ამ კითხვებზე პასუხის გაცემის დროს", - განაცხადა ილია ინჯიამ.

პოლიტიკა • 1744347150

ე.წ. საგამოძიებო კომისია ცდილობს, ყურადღება გადაიტანოს ჩვენს ქვეყანაში არსებული რეალური პრობლემებიდან - გიორგი სიორიძე

პარლამენტში დროებითისა საგამოძიებო კომისიის მორიგი სხდომა დღესაც გაიმართება.2003-2012 წლებში მოქმედი ხელისუფლებისა და პოლიტიკური თანამდებობის პირების საქმიანობის შემსწავლელი კომისია ამჯერად აფრასიძეებისა და ბუტა რობაქიძის საქმეს განიხილავს. კომისიის კითხვებს აფრასიძეების ოჯახის ორი წევრი და ბუტა რობაქიძის მამა უპასუხებენ.სხდომაზე დაბარებულები არიან ნიკა მელია და გიორგი ვაშაძე, ისინი მისვლას არ აპირებენ.პარტია "ლელო - ძლიერი საქართველოს" პოლიტიკური საბჭოს წევრი, გიორგი სიორიძე განმარტავს, რომ, ამ კომისიის მუშაობით, უმრავლესობის წარმომადგენლები ქვეყანაში არსებული რეალური პრობლემების გადაფარვას ცდილობენ."ე.წ. საგამოძიებო კომისია, არალეგიტიმური პარლამენტის ფარგლებში შექმნილი, ცდილობს, რომ ყურადღება გადაიტანოს იმ რეალური პრობლემებიდან, რომელიც არსებობს ჩვენს ქვეყანაში - უმწვავესი პოლიტიკური და ეკონომიკური კრიზისიდან.პირველ პოლიტიკურ ლიდერებს, ვისაც იბარებენ, არიან ბადრი ჯაფარიძე და მამუკა ხაზარაძე, ეს იმას ნიშნავს, რომ არის პოლიტიკური ოპონენტების დევნის მცდელობა", - განაცხადა გიორგი სიორიძემ.