მსოფლიო • 1761559587

საფრანგეთში, მონოქრომული ლურჯი ტილო 21 მილიონ დოლარად გაიყიდა

საფრანგეთში, ივ კლაინის მონოქრომული ლურჯი ტილო 21 მილიონ დოლარად გაიყიდა, რაც მხატვრისთვის რეკორდული მაჩვენებელია. ინფორმაციას France24-ი ავრცელებს.Christie"s-ის აუქციონის სახლმა განაცხადა, რომ ფრანგი მხატვრის, ივ კლაინის ლურჯი მონოქრომული ნახატი ხუთშაბათს, 18.4 მილიონ ევროდ (21 მილიონ დოლარზე მეტი) გაიყიდა. ეს საფრანგეთში, კლაინის ნახატში გადახდილი ყველაზე მაღალი ფასია.Christie"s-ის ინფორმაციით, "კალიფორნია (IKB 71)" მხატვრის ყველაზე დიდი მონოქრომული ნახატია, რომელიც კერძო კოლექციაშია.კლაინმა, რომელიც 1962 წელს, სულ რაღაც 34 წლის ასაკში გარდაიცვალა, დააპატენტა ულტრამარინის ლურჯი - სპეციალური, სქელი საღებავი, რომელიც მან თავისი ნახატებისთვის შექმნა და სინთეტიკური ფისის, პასტელისა და პიგმენტის ნაზავი, "საერთაშორისო კლაინის ლურჯი" ანუ IKB უწოდა."კლაინის არცერთი მონოქრომული ნახატი არ ჰგავს ერთმანეთს და სრულიად განსხვავებული ესენციები და ატმოსფეროები აქვს", - ნათქვამია ანგარიშში.

საზოგადოება • 1761116976

თიბისის მხარდაჭერით, საქართველოს ლურჯი მოცვის მწარმოებელთა ასოციაციამ საერთაშორისო გამოფენაში მიიღო მონაწილეობა

თიბისის მხარდაჭერით, საქართველოს ლურჯი მოცვის მწარმოებელთა ასოციაციამ ხილისა და ბოსტნეულის ერთ-ერთ წამყვან საერთაშორისო გამოფენაში - Fruit Attraction 2025 - მიიღო მონაწილეობა.ღონისძიება ესპანეთის დედაქალაქ მადრიდში გაიმართა. გამოფენაში ქართველ მწარმოებლებთან ერთად ჩართული იყო 2 200-ზე მეტი კომპანია მსოფლიოს 150 ქვეყნიდან.ვიზიტის ფარგლებში ქართული დელეგაციის წევრები და მწარმოებლები მოცვის საერთაშორისო ორგანიზაციის თავმჯდომარეს, მარიო სტეტას შეხვდნენ და სექტორის მთავარი გამოწვევები და შესაძლებლობები განიხილეს. შეხვედრაზე ისაუბრეს ისეთ საკითხებზე, როგორებიცაა:ხარისხის სტანდარტების გაუმჯობესება,  საექსპორტო ბაზრების დივერსიფიკაცია, ინოვაციური ტექნოლოგიების დანერგვა. აღინიშნა, რომ საქართველოს აქვს უნიკალური პოტენციალი, გახდეს მნიშვნელოვანი მოთამაშე ევროპასა და აზიას შორის მოცვის მიწოდების ჯაჭვში.საქართველოდან მოცვის ექსპორტი წლიდან წლამდე მზარდია. მიმდინარე წლის სამ კვარტალში, წინასწარი მონაცემებით, 6,900 ტონა კენკროვანი გაიყიდა საზღვარგარეთ, რაც წლიურად 39%-ით გაზრდილი მაჩვენებელია. მკვეთრი ცვლილება ფიქსირდება შემოსავლებშიც:საქართველომ მოცვის ექსპორტიდან 46 მილიონი აშშ. დოლარი მიიღო, რაც წინა წლის ანალოგიურ მაჩვენებელთან შედარებით 65%-ით მეტია.თიბისი, როგორც ბიზნესის N1 მხარდამჭერი, მოცვის კულტურის განვითარებას აქტიურად უჭერს მხარს. მხოლოდ კორპორატიულ სექტორში ბანკის მიერ 300 ჰექტარზე მეტი მოცვის პლანტაციებია დაფინანსებული. საერთაშორისო ღონისძიებებში საქართველოს ჩართულობით კი თიბისი ხელს უწყობს, ქართული პროდუქციის ცნობადობის ზრდას, ბაზრების გაფართოებასა და საქართველოს აგრარული პროდუქციის აღიარებას გლობალურ დონეზე.

შოუბიზნესი • 1760602176

ტეილორ სვიფტმა საკუთარი რეკორდი მესამედ გაიმეორა

„ბილბორდის ცხელი ასეულის” 67 წლიან ისტორიაში, ტეილორ სვიფტმა ჩარტის ტოპ ათეული მესამედ დაიკავა. საქმე ისაა, რომ წინამორბედი ორი დისკის ჰიტების მსგავსად, იგივე ბედი გაიზიარა არტისტის ახალი ალბომის სიმღერებმაც.აღსანიშნავია, რომ სვიფტი ერთადერთი მომღერალია, რომელმაც 1956 წლიდან ამ დრომდე საკულტო ჰიტ აღლუმის საუკეთესო ათეულის ოკუპაცია სრულად, თან მესამედ მოახერხა. ამასთან, კრებულის თორმეტივე ჩანაწერი რეიტინგის თორმეტეულში მოხვდა.შეგახსენებთ, რომ ტეილორ სვიფტმა მეთორმეტე სტუდიური ალბომი – The Life of a Showgirl 3 ოქტომბერს გამოუშვა. სადებიუტო კვირაში ფირფიტის ოთხ მილიონზე მეტი ეგზემპლარი გაიყიდა. შედეგად, მან ახალი რეკორდიც დაამყარა, რაც გულისხმობს თანამედროვე ეპოქაში ალბომის ყველაზე მაღალი გაყიდვების მაჩვენებელს ერთ კვირაში. ის აქამდე ადელს ეკუთვნოდა.

კულტურა • 1759994868

აინშტაინის ვიოლინო აუქციონზე £860 ათასად გაიყიდა

ერთ-ერთი ყველაზე ცნობილი მეცნიერის, ალბერტ აინშტაინის ვიოლინო აუქციონზე £860 ათასად გაიყიდა.1894 წლის Zunterer-ის ვიოლინო აინშტაინის პირველ ინსტრუმენტად ითვლება და თავდაპირველად მოსალოდნელი იყო, რომ ის დაახლოებით £300 ათასად გაიყიდებოდა.Dominic Winter Auctioneers-ის მიერ გამართულ აუქციონზე ასევე გაიყიდა ფილოსოფიური წიგნი, რომელიც აინშტაინმა მეგობარს აჩუქა. მასში £2 200 გაიყიდეს.ყველა ფასს დაემატება დამატებითი 26.4%-ის ოდენობის საკომისიო გადასახადი, რაც იმას ნიშნავს, რომ ვიოლინოს საბოლოო ფასი £1 მილიონს გადააჭარბებს.

ისტორიები • 1758887986

როგორ გახდა მილიონერი უსახლკარო კაცი — ცნობილი ფილმის რეალური ისტორია

კრის გარდნერის ისტორია გახლავთ ერთ-ერთი ყველაზე შთამაგონებელი ამბავი ბრძოლისა და გარდასახვის შესახებ. მისი გზა უსახლკარობიდან მილიონერობამდე ნამდვილად წარმოუდგენელი გამძლეობისა და შინაგანი ძალის თვალნათელი დასტურია.კრის გარდნერი დაიბადა 1954 წელს მილუოკში, ვისკონსინის შტატში. ბიჭს საკმაოდ მძიმე ბავშვობა ჰქონდა — სიღარიბეში იზრდებოდა და მამინაცვალი სისტემატურად ძალადობდა მასზე. მას შემდეგ, რაც სხვადასხვა თავშესაფარი და სახლი გამოიცვალა, საბოლოოდ, საზღვაო ძალებს შეუერთდა, თუმცა ახალი ცხოვრებაც გამოწვევებით იყო სავსე. 1980-იანი წლების დასაწყისში გარდნერი ქუჩაში დარჩა თავის მცირეწლოვან შვილთან, კრისტოფერ უმცროსთან ერთად. მიუხედავად იმისა, რომ ჰქონდა კოლეჯის განათლება და გარკვეული გამოცდილებაც სამედიცინო აღჭურვილობის გაყიდვაში, გარდნერს სტაბილური სამუშაოსთვის უშედეგო ბრძოლა უწევდა. ის ღამეებს ატარებდა თავშესაფრებსა და მეტროს სადგურებში; ცდილობდა, შეესრულებინა მამის როლი და შვილის მომავლისთვის ებრძოლა.ყველაფერი შეიცვალა, როდესაც გარდნერი საფონდო საბროკერო ფირმა Dean Witter Reynolds-ში სტაჟირების შესახებ ინფორმაციას წააწყდა. მართალია, გარდნერს არ ჰქონდა გამოცდილება ფინანსებში, მაგრამ ის მზად იყო, გაეკეთებინა ყველაფერი, რაც საჭირო იყო საკუთარი თავის წარმოსაჩენად. ახალგაზრდა მამაკაცის თავდადებამ შედეგი გამოიღო.უსახლკაროთა თავშესაფარში ცხოვრების მიუხედავად, გარდნერის შრომისმოყვარეობამ და ფინანსებისადმი გატაცებამ განაპირობა ის, რომ მან ფირმაში სრულგანაკვეთიანი სამუშაო მიიღო. თუმცა, ადვილი არც ამ გზაზე სიარული გამოდგა. ის მუდმივად იდგა გამოწვევების წინაშე, მათ შორის, შვილზე ზრუნვასთან დაკავშირებული საკითხებისა და თავისუფალ დროს სალიცენზიო გამოცდებისთვის მომზადების სახით.საბოლოოდ, გარდნერმა ფინანსურ სამყაროში საკუთარი ნიშა შექმნა. წლების განმავლობაში დაუღალავი მუშაობის შემდეგ, 1987 წელს მან დააარსა საკუთარი საბროკერო ფირმა Gardner Rich & Co. მისი კომპანია ზრდას განაგრძობდა და 2006 წელს გაიყიდა კიდეც 70 მილიონ დოლარად.დღეს კრის გარდნერი არა მხოლოდ მილიონერი ბიზნესმენია, არამედ ფილანტროპი, წიგნების ავტორი და მოტივაციური სპიკერიც. მისი მემუარები — „ბედნიერების კვლადაკვალ“ — უილ სმიტის მონაწილეობით, წარმატებულ ფილმადაც იქცა.კრის გარდნერის მიერ განვლილი გზა ყველას გვახსენებს, რომ რაც არ უნდა რთული იყოს გარემოებები, ჩვენ შეგვიძლია,დავძლიოთ ისინი. ეს არის ისტორია იმედზე, რომელიც გვაჩვენებს, რომ შრომისმოყვარეობითა და შეუპოვრობით, ყველაზე მძიმე სიტუაციიდანაც არსებობს გამოსავალი.

საზოგადოება • 1757414149

10 სექტემბრის საკალათბურთო მატჩთან დაკავშირებით, რიგის მიმართულებით დამატებით კიდევ ერთი ავიარეისი დაინიშნა

რიგაში გაფრენისა და ისტორიულ მატჩზე დასწრების მსურველთა მაღალი მოთხოვნიდან გამომდინარე, პრემიერ-მინისტრის გადაწყვეტილებით, საქართველოს აეროპორტების გაერთიანებამ 10 სექტემბერს, დამატებით კიდევ ერთი სუბსიდირებული რეისი დანიშნა. ინფორმაციას ამის შესახებ ეკონომიკის სამინისტრო ავრცელებს.უწყების ცნობით, საქართველოს აეროპორტების გაერთიანების მიერ ეროვნული საკალათბურთო ნაკრების საგულშემატკივროდ დამატებულ სუბსიდირებულ ჩარტერულ რეისზე ბილეთები სრულად გაიყიდა.„დამატებით სუბსიდირებულ ფრენას თბილისის საერთაშორისო აეროპორტიდან რიგის მიმართულებით 03:05 საათზე ავიაკომპანია Air Baltic შეასრულებს. ხოლო უკან საქართველოში გულშემატკივრებს 11 სექტემბერს, საქართველოს დროით 04:25 საათზე დააბრუნებს.საქართველოს აეროპორტების გაერთიანების მიერ სუბსიდირებული ცალმხრივი ავიაბილეთის ღირებულება კვლავ 195 ევროა. ბილეთების შეძენა ონლაინ პლატფორმა TKTFLY.GE/eurobasket-ზე დაწყებულია.რეისი სრულად მორგებულია საქართველოს ნაკრების ისტორიულ მეოთხედფინალურ მატჩს, რომელიც 10 სექტემბერს, ფინეთის ეროვნული ნაკრების წინააღმდეგ, საქართველოს დროით 18:00 საათზე გაიმართება.ლატვიის დედაქალაქში სუბსიდირებული რეისით გაფრენის შესაძლებლობა ექნებათ მხოლოდ იმ მგზავრებს, რომლებიც გაფრენამდე თბილისის საერთაშორისო აეროპორტში ევრობასკეტ 2025-ის მატჩზე დასასწრები ბილეთის წარდგენას შეძლებენ“, – წერს ეკონომიკის სამინისტრო.

მსოფლიო • 1757255629

აშშ-ის მთავრობამ ბასკიას და პიკასოს ნახატები 35 მილიონ დოლარად გაყიდა

 აშშ-ის მთავრობამ ჟან-მიშელ ბასკიასა და პაბლო პიკასოს ნამუშევრები, ასევე დაიან არბუსის ფოტო აუქციონზე გაყიდა. ეს ნაბიჯი უკავშირდება მთავრობის მცდელობას, დაიბრუნოს 4.5 მილიარდ დოლარზე მეტი, რომელიც, როგორც ვარაუდობენ, მალაიზიელმა ფინანსისტმა ჯო ლოუმ მოიპარა 1MDB-ს განვითარების ფონდიდან. ლოუ ამჟამად მიმალვაშია და ბრალდებულია ისტორიაში ერთ-ერთი უდიდესი გაფლანგვის სქემის ორგანიზებაში. აუქციონის სახლის Gaston & Sheehan-ის მიხედვით, ბასკიას ორი ნამუშევარი — Self Portrait და Red Man One — გაიყიდა შესაბამისად 8 332 500 და 22 002 790 დოლარად. პიკასოს 1939 წლის ნამუშევარი Tête de taureau et broc გაიყიდა 5 007 502 დოლარად, ხოლო დაიან არბუსის ფოტოსურათი Exasperated Boy with a Toy Hand Grenade in Central Park, N.Y.C. 1962 — 500 150 დოლარად. ბასკიას ერთ-ერთი ნახატი, პიკასოს ნამუშევარი და არბუსის ფოტო ადრე ეკუთვნოდა ლეონარდო დიკაპრიოს, რომელმაც ეს ნამუშევრები 2017 წელს გადასცა ფედერალურ მთავრობას.1Malaysia Development Berhad (1MDB) — სახელმწიფო განვითარების ფონდი, რომელიც 2009 წელს მალაიზიის ყოფილმა პრემიერ-მინისტრმა ნაჯიბ რაზაკმა დააარსა — იყო საერთაშორისო მასშტაბის კორუფციული სკანდალის ეპიცენტრი, რომელიც პირველად 2015 წელს გამოვლინდა.2020 წელს რაზაკი კორუფციის მუხლებით დამნაშავედ ცნეს და ის 12-წლიან სასჯელს იხდის. ჯო ლოუ თავდაპირველად ფონდის კონსულტანტი იყო, თუმცა მისმა ექსტრავაგანტულმა ხარჯებმა უძრავ ქონებაზე, ვარსკვლავებთან ძვირადღირებულ წვეულებებზე და იახტებზე მალევე მიიქცია ჟურნალისტებისა და გამომძიებლების ყურადღება.1MDB-დან მოპარული თანხებით ლოუმ დააფინანსა კინოკომპანია Red Granite Pictures, რომელმაც მარტინ სკორსეზეს ფილმი უოლ-სტრიტის მგელი გადაიღო — ისტორია კიდევ ერთ ფინანსურ თაღლითზე, რომელშიც მთავარ როლს ლეონარდო დიკაპრიო ასრულებს. ლოუს ადგილსამყოფელი უცნობია, იგი ინტერპოლის მიერ იძებნება და ფედერალური ბრალდება აქვს ნიუ-იორკის აღმოსავლეთ ოლქში. აშშ-ის იუსტიციის დეპარტამენტის განცხადებით, ჯამში უკვე ამოღებულია დაახლოებით 1.7 მილიარდი დოლარი. 2017 წლის კონფისკაციის სარჩელის მიხედვით, ლოუმ Red Man One ნიუ-იორკის გალერეიდან 9.1 მილიონ დოლარად შეიძინა. იმავე სარჩელში აღნიშნულია, რომ არბუსის ფოტოსურათი ნიუ-ჯერსის არქივიდან 750 000 დოლარად იყიდა, ისევ "1MDB-დან გადამისამართებული თანხებით". ეს ორივე ნამუშევარი ლოუმ 2014 წელს დიკაპრიოს აჩუქა.პიკასოს ნამუშევარი, რომელსაც პროკურორებმა ალტერნატიული სახელით Nature Morte au Crane de Taureau მოიხსენიეს, ასევე 1MDB-ის დაახლოებით 3.2 მილიონი დოლარით იყო შეძენილი. ის დიკაპრიოს 2014 წელს გადაეცა დაბადების დღის მისალოც ბარათთან ერთად, რომელზეც ეწერა: "ძვირფასო ლეონარდო დიკაპრიო, დაგვიანებით გილოცავ დაბადების დღეს! ეს საჩუქარი შენია". ბარათზე ლოუსთან ასოცირებული პირის ინიციალები ეწერა.დიკაპრიოს ბრალი არ ედება. მისი წარმომადგენლების თქმით, მსახიობმა თავადვე დაიწყო პიკასოს ნამუშევრის დაბრუნების პროცესი 2017 წელს, როდესაც როგორც ნახატი, ისე ფოტო ფედერალურმა ხელისუფლებამ ჩამოართვა.

საზოგადოება • 1756496925

დაფიქსირდა სალმონელას აფეთქება - დაავადებულია 95 ადამიანი

აშშ-ში დაფიქსირდა Salmonella–ს ფართო აფეთქება, რომელიც დაკავშირებულია Country Eggs, LLC-ის წარმოებულ კვერცხებთან — „Sunshine Yolks“ და „Omega-3 Golden Yolks“.უკვე 95 ადამიანი დაავადდა (მათგან 73 კალიფორნიაში) და 18 ჰოსპიტალიზირებულია. ფატალური შემთხვევა ჯერჯერობით არ დაფიქსირებულა.პრობლემური კვერცხები გაიყიდა 16 ივნისიდან 9 ივლისამდე, ძირითადად კალიფორნიასა და ნევადაში.შეფუთვაზე აღინიშნება კოდი CA-7695 და „sell by“ თარიღები 1 ივლისიდან 16/18 სექტემბრამდე, 2025. Salmonella იწვევს დიარეას, სიცხეს, ღებინებას და მუცლის სპაზმებს. სიმპტომები ჩნდება 6 საათიდან 6 დღემდე.განსაკუთრებით საფრთხეში არიან ბავშვები და ხანდაზმულები.კომპანია უკვე შეაჩერა წარმოება და მიმდინარეობს მიზეზის გამოძიება.

სპორტი • 1756469340

ალექსანდრე იაშვილმა „დინამო თბილისში“ შესაძლო გადასვლაზე გავრცელებული ხმები უარყო

საქართველოს ფეხბურთის ფედერაციის ვიცე-პრეზიდენტმა, ალექსანდრე იაშვილმა სასტუმრო „პარაგრაფში“ გამართულ პრესკონფერენციაზე უპასუხა კითხვას, რამდენად მართალია, რომ ხვიჩა მაქაცარიას მისი „დინამო თბილისში“ გადაყვანა სურს.გავრცელებული ცნობის მიხედვით, „დინამო თბილისის“ 60%-იანი წილი გაიყიდა და გუნდის ახალი მფლობელი ხვიჩა მაქაცარია გახდა. გარიგების თანახმად, 15 სექტემბრამდე კლუბში არსებული დავალიანების ნაწილი დაიფარება. ასევე, მაქაცარიას სურს, რომ ფეხბურთის ფედერაციიდან ალექსანდრე იაშვილი „დინამოში“ დაასაქმოს.„ახლა ერთადერთი მნიშვნელოვანი და საინტერესო საკითხი მსოფლიო ჩემპიონატის შესარჩევ ციკლში საქართველოს ნაკრების მოახლოებული თამაშებია. რაც შეეხება კითხვას, რაც არ ხდება, იმაზე ვერ ვისაუბრებ“, – განაცხადა ალექსანდრე იაშვილმა.გუნდი გასხვისება „დინამო თბილისმაც“ უარყო – ამის შესახებ ინფორმაცია კლუბის ოფიციალურ ვებგვერდზე გამოქვეყნდა:„არ ვადასტურებთ მედიაში გავრცელებულ ინფორმაციას კლუბის ნაწილობრივ გაყიდვასთან დაკავშირებით. ასევე გვსურს, კიდევ ერთხელ განვმარტოთ, რომ „დინამო თბილისთან“ დაკავშირებული ოფიციალური სიახლეები შეგიძლიათ იხილოთ მხოლოდ ჩვენს სოციალურ არხებზე“, – წერია „დინამო თბილისის“ მიერ გავრცელებულ განცხადებაში.

კულტურა • 1754557136

„ჰობიტის“ პირველი გამოცემა აუქციონზე £43 ათასად გაიყიდა

ჯონ ტოლკინის „ჰობიტის“ იშვიათი პირველი გამოცემა აუქციონზე 43 ათას გირვანქა სტერლინგად გაიყიდა.წიგნი ბრისტოლში, ერთ-ერთ სახლში დალაგებისას იპოვეს. ის ერთ-ერთია იმ 1500 ეგზემპლარს შორის, რომლებიც პირველ ტირაჟში, 1937 წელს გამოსცეს. თითქმის 90 წლის შემდეგ გამოცემის სულ 100-მდე ეგზემპლარია შემორჩენილი.აუქციონის სახლი Auctioneum-ი „ჰობიტს“ გაცილებით იაფად აფასებდა, თუმცა ვაჭრობის მონაწილეებმა მსოფლიოდან წიგნის სავარაუდო ფასი თითქმის ოთხჯერ გაზარდეს.„ეს ჩინებული შედეგია ამ განსაკუთრებული წიგნისთვის“, - აღნიშნა კომპანიის წარმომადგენელმა კეიტლინ რაილიმ.წიგნი განსაკუთრებით იმით არის გამორჩეული, რომ მასში შუახმელეთის სამყაროს შემქმნელის, ოქსფორდის უნივერსიტეტის პროფესორის, ტოლკინი 22 შავ-თეთრი ილუსტრაციაა.პუბლიკაციის მომენტიდან მსოფლიოში „ჰობიტის“ 100 მილიონზე მეტი ეგზემპლარია გაყიდული.

ეკონომიკა • 1754407751

პრივატიზების კუთხით არსებული შედეგი ცხადყოფს, რომ საქართველოში ინვესტიციები იზრდება - მარიამ ქვრივიშვილი

ეკონომიკისა და მდგრადი განვითარების მინისტრის მარიამ ქვრივიშვილის განცხადებით, წელს ორი კვარტლის საპრივატიზაციო გეგმის გადაჭარბებით, 136.13%-ით შესრულება ადასტურებს, რომ სამინისტრო აქტიურად და ამასთან, წარმატებით მუშაობს პოტენციურ ინვესტორებთან."ჩვენი სამინისტრო აქტიურად მუშაობს პრივატიზების მიმართულებით - მუდმივად გვაქვს გაწერილი გეგმა/გრაფიკი, რომლის მიხედვითაც აქტიურად ვმუშაობთ როგორც გუნდის შიგნით, ისე პოტენციურ - როგორც შიდა, ისე საერთაშორისო  ინვესტორებთან“, - განაცხადა მარიამ ქვრივიშვილმა.მიმდინარე წლის პირველ ორ კვარტალში ეკონომიკისა და მდგრადი განვითარების სამინისტროს სახელმწიფო ქონების ეროვნული სააგენტოს მიერ საპრივატიზაციო გეგმის გადაჭარბებით შესრულების შედეგად სახელმწიფო ბიუჯეტში 126 332 000 ლარის მობილიზება მოხდა. იანვარ-ივნისის პერიოდში გაყიდულმა მოძრავი ქონების ჯამურმა ღირებულებამ 6 189 160 ლარი შეადგინა. ამ პერიოდში გამოცხადდა 463 ელექტრონული აუქციონი, ხოლო აუქციონის წესით 261 უძრავი ქონება გაიყიდა."რა თქმა უნდა, პრივატიზების კუთხით არსებული შედეგი ცხადყოფს, რომ საქართველოში ინვესტიციები იზრდება, ბევრი შიდა და საერთაშორისო ინვესტორი დაინტერესებულია ჩვენს ქვეყანაში ინვესტიციების განხორციელების კუთხით“, - აღნიშნა ეკონომიკისა და მდგრადი განვითარების მინისტრმა.აღსანიშნავია, რომ 2025 წლის პრივატიზაციის გეგმა უკვე 59.3%-ით არის შესრულებული. მარიამ ქვრივიშვილის პროგნოზით, სახელმწიფო ქონების პრივატიზების პროცესი წლის ბოლომდე ასევე წარმატებით წარიმართება.

ტაბლოიდი • 1754378880

VIDEO: მსოფლიოში ყველაზე ძვირადღირებული ძაღლი 5.8 მილიონ დოლარად გაიყიდა

ინდოელმა ძაღლების სელექციონერმა 5.81 მილიონი აშშ დოლარი გადაიხადა ნამდვილი მგლისა და კავკასიური ნაგაზის უნიკალურ შეჯვარებაში, რაც მას მსოფლიოში ყველაზე ძვირადღირებულ ძაღლად აქცევს.სელექციონერი ცნობილია 150-ზე მეტი ძაღლის ჯიშის კოლექციით, მათ შორის ჰყავს მსოფლიოში უიშვიათესი ჯიშიც. „ის ძაღლის უკიდურესად იშვიათი ჯიშია და ზუსტად მგელს ჰგავს. ეს ჯიში მსოფლიოში აქამდე არ გაყიდულა. მე ფულს ვხარჯავ ამ ძაღლებზე, რადგან ისინი იშვიათები არიან. გარდა ამისა, საკმარის ფულს ვიღებ, რადგან ხალხს ყოველთვის აინტერესებს მათი ნახვა. ისინი იღებენ სელფებს და ფოტოებს. მე და ჩემი ძაღლი უფრო მეტ ყურადღებას ვიპყრობთ, ვიდრე მსახიობი ფილმის ჩვენებაზე!“, - თქვა ს. სატიშმა.საინტერესოა, რომ ეს ინდოელი ძაღლების სელექციონერის პირველი ექსტრავაგანტული შენაძენი არ არის. გასულ წელს მან 3,25 მილიონ დოლარად შეიძინა იშვიათი ჩაუ-ჩაუს ეგზემპლარი, რომელიც, სავარაუდოდ, საოცრად ჰგავს წითელ პანდას.სატიში თავის შვიდ ჰექტარზე გაშლილ მამულში 150-ზე მეტ ძაღლს ინახავს და მათგან უიშვიათესებს ინდოეთის მასშტაბით გამართულ ღონისძიებებზე წარმოაჩენს, რისთვისაც 3000-დან 12000 დოლარამდე ანაზღაურებას იღებს.