ავტოსაგზაო შემთხვევა

„სქროლების“ გამოყენებაზე ახალი რეგულაციები იგეგმება - ვის შეეხება ცვლილება

საქართველოში ელექტროსკუტერების გამოყენებასთან დაკავშირებით ახალი წესების დაწესება იგეგმება. - ინფორმაციას bm.ge ავრცელებს.საქართველოს მთავრობა არასრულწლოვნებისთვის ორბორბლიან თვითგორიალაზე (ე.წ. სქროლზე) დგომის რეგულირებას გეგმავს - ამის შესახებ 2026 წლის პარლამენტის საშემოდგომო სესიაზე მთავრობის მიერ წარსადგენი კანონპროექტების ჩამონათვალიდან ხდება ცნობილი. დოკუმენტის თანახმად, ცვლილება უნდა შევიდეს „საგზაო მოძრაობის შესახებ“ კანონში.ახალი ინიციატივის დეტალები ჯერჯერობით უცნობია, თუმცა მოკლე განმარტების თანახმად, ცვლილება ძირითადად არასრულწლოვნებს შეეხება და მათთვის კონკრეტულ რეგულაციებს განსაზღვრავს, თუმცა განმარტებით ბარათში დაგეგმილი რეგულირების ზუსტი მოდელი აღწერილი არაა.„ბოლო პერიოდში საგზაო მოძრაობაში ორბორბლიანი ელექტროთვითმგორავების აქტიურმა გამოყენებამ გამოავლინა მათი უსაფრთხო გამოყენებისა და საგზაო მოძრაობის წესების დაცვასთან დაკავშირებული პრობლემები. განსაკუთრებულ ყურადღებას საჭიროებს არასრულწლოვანთა მიერ აღნიშნული სატრანსპორტო საშუალებების გამოყენების საკითხიც, რაც მოქმედი სამართლებრივი რეგულირების შემდგომი დახვეწის საჭიროებას განაპირობებს.საკანონმდებლო პაკეტი მიზნად ისახავს ორბორბლიანი ელექტროთვითმგორავების გამოყენებასთან დაკავშირებული რისკების შემცირებას, საგზაო მოძრაობის მონაწილეთა დაცვასა და საგზაო მოძრაობის უსაფრთხოების გაუმჯობესებას“, - ნათქვამია განმარტებით ბარათში.2025 წლიდან შსს-მა სკუტერების მონაწილეობით მომხდარი ავტოსაგზაო შემთხვევების რაოდენობის აღრიცხვა დაიწყო. გასულ წელს სულ აღირიცხა 106 შემთხვევა, რომელთა შედეგადაც 109 ადამიანი დაშავდა, ერთი ადამიანი კი დაიღუპა. 2026 წლის იანვარ-ივნისის სტატისტიკის მიხედვით კი სულ აღირიცხა 28 ავტოსაგზაო შემთხვევა სკუტერის მონაწილეობით, რომელთა შედეგადაც 33 ადამიანი დაშავდა, 2 კი დაიღუპა.

შემთხვევა • 1788415200

„ჩვენი ღიმილის ბიჭი, როგორ უნდა მიგიღოს მიწამ...“ - თბილისი-მოსკოვის რეისზე, ავარიისას დაღუპულ ქართველ ახალგაზრდას გლოვობენ

რუსეთში მომხდარ ავტოსაგზაო შემთხვევას 6 ადამიანის, მათ შორის ზესტაფონელი აკაკი ტოფაძის სიცოცხლე ემსხვერპლა. ინფორმაციას „ინფო იმერეთი“ ავრცელებს.თბილისი-მოსკოვის მიმართულებით მოძრავი სამგზავრო ავტობუსი 30 აგვისტოს, გვიან ღამით, რუსეთის ფედერალურ ტრასა კავკაზზე „კამაზის“ მარკის სატვირთო მანქანას შეეჯახა და ხევში გადავარდა.ავტობუსში 47 მგზავრი იყო. 6 დაიღუპა, 26 კი დაშავდა, მათ შორის 9 ბავშვი.ავტობუსის მგზავრების 95% ქართველები იყვნენ.„რა ტკივილი ხარ აკაკი“ ; „როგორ დაგვადუმე“; „საოცარი ადამიანი იყო, ძალიან მენანები აკაკი“; „აკაკი, როგორ უნდა მიგიღოს მიწამ“; „ჩვენი ღიმილის ბიჭი“, - წერენ სოციალურ ქსელში ახლობლები.

საზოგადოება • 1788290969

„ვერ ვიჯერებ... როგორ შეეგუოს უშენობას შენი გამზრდელი ბებია“ - ავარიისას დაღუპულ გოგოს ემშვიდობებიან

მსხვერპლით დასრულდა ზუგდიდი-ანაკლიის გზაზე, სოფელ კახათთან მომხდარი შემზარავი ავტოსაგზაო შემთხვევა. დაიღუპა 2 პირი.როგორც „პრაიმტაიმს“ ადგილობრივმა უთხრა, დაღუპულები მეზობლები იყვნენ. ორივე მათგანი ზუგდიდის მოსაზღვრე სოფელში ცხოვრობდნენ.ერთ-ერთი დაღუპული მარიამ ჩიქავაა. ახალგაზრდა გოგოს ტრაგიკულ გარდაცვალებას მთელი ზუგდიდი გლოვობს.„ვაიმე, მარი, ვერ ვიჯერებ. შენ არ იმსახურებდი ასეთ ბედისწერას. ობლად გაიზარდე. სასახელოდ გაგზარდეს. შენი ცხოვრებით იყავი ბედნიერი. მარი, როგორ შეეგუოს უშენობას შენმა გამზრდელმა ბებიამ. ჯერ კიდევ არ მჯერა შენი არყოფნა ამ ქვეყნად. არასდროს დაგვავიწყდები მარი“, - წერს ახლობელი სოციალურ ქსელში.

საზოგადოება • 1788256709

„რამხელა უსამართლობაა, მარი, ობლობაში გაზრდილო, ნათელო გოგოვ“ - ავარიის შედეგად დაღუპულ ახალგაზრდას გლოვობენ

მსხვერპლით დასრულდა ზუგდიდი-ანაკლიის გზაზე, სოფელ კახათთან დღეს დილით მომხდარი შემზარავი ავტოსაგზაო შემთხვევა. დაიღუპა 2 პირი.როგორც „პრაიმტაიმს“ ადგილობრივმა უთხრა, დაღუპულები მეზობლები იყვნენ. ორივე მათგანი ზუგდიდის მოსაზღვრე სოფელში ცხოვრობდნენ.„დაღუპული მარიამ ჩიქავაა, უსაყვარლესი და უკეთილშობილესი გოგო. მშობლები ადრე გარდაეცვალა. ბებია და ბიძამ გაზარდეს. ზუგდიდში მუშაობდა და გაჩერებაზე მდგარა... სწორედ მაშინ გაუჩერა მანქანა ბაკურ გაბისონიამ და მოხდა ეს შემზარავი ფაქტი.„რაც ამქვეყნად ცოდვა-მადლი ტრიალებს, ზეცა როგორ არ შავდება ნეტავ?!“„რამხელა უსამართლობაა, მარი, ობლად გაზრდილო, ნათელო გოგოვ“,-წერს სოციალურ ქსელში გარდაცვლილი ქალის ახლობელი.ავტოსაგზაო შემთხვევის შედეგად დაღუპული მამაკაცი ბაკურ გაბისონიაა. იგი 47 წლის იყო.ავარიის სავარაუდო მიზეზად გადაჭარბებული სიჩქარე სახელდება.ორივე ცხედარი პროზექტურაში გადაასვენეს.შსს-მ მომხდარზე გამოძიება საქართველოს სისხლის სამართლის კოდექსის 276-ე მუხლით დაიწყო, რაც სატრანსპორტო მოძრაობისას წესების დარღვევას გულისხმობს.

შემთხვევა • 1788247656

ცნობილია ავარიის დროს დაღუპულების ვინაობა - ტრაგედია ზუგდიდში

ზუგდიდში, სოფელ კახათში ავტოსაგზაო შემთხვევას ორი ადამიანი ემსხვერპლა.მსუბუქი ავტომანქანის მძღოლი და მგზავრი, ახალგაზრდა მამაკაცი და ქალი ადგილზე ადგილზე დაიღუპნენ. გარდაცვლილები არიან, 22 წლის მარიამ ჩიქავა და ბაკურ გაბისონია. წინასწარი ინფორმაციით, ავარიის მიზეზად გადაჭარბებული სიჩქარე სახელდება. მძღოლმა საჭე ვერ დაიმორჩილა და ადგილობრივის ეზოში შევარდა. ადგილზე მობილიზებულია პოლიცია და ექსპერტ-კრიმინალისტები. შემთხვევა დღეს დილით მოხდა.შინაგან საქმეთა სამინისტროში გვითხრეს, რომ მომხდარზე გამოძიება სსკ'ის 276'-ე მუხლით დაიწყო, რაც სატრანსპორტო მოძრაობის დარღვევას გულისხმობს რამაც ადამიანის სიცოცხლის მოსპობა გამოიწვია.„პრაიმტაიმი“ დამატებით დეტალებს არკვევს.

შემთხვევა • 1788246068

მძიმე ავარია ზუგდიდში - არის მსხვერპლი

ზუგდიდში, სოფელ კახათში ავტოსაგზაო შემთხვევას ორი ადამიანი ემსხვერპლა.მსუბუქი ავტომანქანის მძღოლი და მგზავრი, ახალგაზრდა მამაკაცი და ქალი ადგილზე დაიღუპნენ. ადგილზე მობილიზებულია პოლიცია და ექსპერტ-კრიმინალისტები.შემთხვევა დღეს დილით მოხდა.

შემთხვევა • 1788208239

ქუთაისში ქალს მანქანა დაეჯახა

ქუთაისში, ნიკეას ქუჩაზე ავტოსაგზაო შემთხვევას ქვეითი ემსხვერპლა. „ინფო იმერეთის“ ცნობით, მსუბუქი ავტომობილის დაჯახების შედეგად ქალი ადგილზე დაიღუპა.შინაგან საქმეთა სამინისტრომ მომხდარზე გამოძიება სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

შემთხვევა • 1788192722

ავარია მარნეულში - არიან დაშავებულები

მარნეულის შესასვლელთან ავტოსაგზაო შემთხვევა მოხდა.24News.ge-ის ინფორმაციით, ერთმანეთს მსუბუქი ავტომობილები შეეჯახნენ.ავარიის შედეგად ორივე ავტომობილის მძღოლი დაშავდა. დაშავებულები საავადმყოფოში გადაიყვანეს, სადაც მათ შესაბამისი სამედიცინო დახმარება გაეწიათ.შემთხვევის ადგილზე სამართალდამცველები მუშაობდნენ. მომხდართან დაკავშირებით მიმდინარეობს გამოძიება.

შემთხვევა • 1788163847

„ავტობუსში მყოფი თითქმის ყველა მგზავრი საქართველოს მოქალაქეა“ - რას წერს რუსული მედია ავოავარიაზე

რუსული საინფორმაციო სააგენტო TASS-ის ინფორმაციით, 30 აგვისტოს „კავკაზის“ ავტომაგისტრალზე მომხდარ ავტოსაგზაო შემთხვევას, რომლის დროსაც თბილისი-მოსკოვის რეისზე მიმავალი სამგზავრო ავტობუსი სატვირთო ავტომობილს შეეჯახა, 6 ადამიანის სიცოცხლე ემსხვერპლა, 40 კი დაშავდა.TASS-ის ცნობით, ავტობუსში მყოფი მგზავრების თითქმის ყველა საქართველოს მოქალაქე იყო.შემთხვევა 30 აგვისტოს ღამით, რუსეთის სტავროპოლის მხარეში მოხდა. წინასწარი ინფორმაციით, სამგზავრო ავტობუსი სატვირთო ავტომობილს შეეჯახა, რის შემდეგაც გზის სავალი ნაწილიდან გადავიდა.ავარიის შედეგად 6 ადამიანი დაიღუპა, 40 მგზავრმა კი სხვადასხვა სახის დაზიანება მიიღო.ფაქტზე რუსეთის სამართალდამცველებმა სისხლის სამართლის საქმე აღძრეს. გამოძიება რუსეთის სისხლის სამართლის კოდექსის 238-ე მუხლის მე-3 ნაწილით დაიწყო, რაც გაუფრთხილებლობით ორი ან მეტი ადამიანის სიცოცხლის მოსპობა მოჰყვა, ასევე 264-ე მუხლის მე-5 ნაწილით - საგზაო მოძრაობისა და სატრანსპორტო საშუალებების ექსპლუატაციის წესების დარღვევით, რასაც გაუფრთხილებლობით ორი ან მეტი ადამიანის სიცოცხლის მოსპობა მოჰყვა.„გამოძიება სტავროპოლის მხარის პროკურატურის განსაკუთრებული კონტროლის ქვეშაა“, - წერს TASS სამართალდამცავ უწყებაზე დაყრდნობით.ავარიის გამომწვევი ზუსტი მიზეზები ამ ეტაპზე უცნობია. შემთხვევის დეტალებს სამართალდამცველები იძიებენ.

შემთხვევა • 1787676587

დედა-შვილს მანქანა დაეჯახა - მძიმე ავარია გარდაბანში

გარდაბანი-რუსთავის გზაზე მძიმე ავტოსაგზაო შემთხვევა მოხდა. სოფელ ბოტანიკას ტერიტორიაზე დედას და მის 6 წლის შვილს მანქანა დაეჯახა. ინფორმაციას 24news.ge ავრცელებს.ავტოსაგზაო შემთხვევა მაშინ მოხდა, როდესაც დედა-შვილი გზის გადაკვეთას ცდილობდა. ავარიის შედეგად ორივე მათგანი მძიმედ დაშავდა. ისინი სასწრაფო დახმარების მანქანით საავადმყოფოში გადაიყვანეს. დაშავებულების მდგომარეობა მძიმეა.როგორც „პრაიმტაიმს“ შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს, რამაც ადამიანის ჯანმრთელობის დაზიანება გამოიწვია.

შემთხვევა • 1787591514

ავტოსაგზაო შემთხვევა მარტვილში - ვითარება ადგილზე

ავარია მოხდა ცოტა ხნის წინ მარტვილში.ავტომობილი ოთხ გაჩერებულ მანქანას დაეჯახა. შემთხვევა მშვიდობის ქუჩაზე მოხდა.არსებული ინფორმაციით, შემთხვევის შედეგად არავინ დაშავებულა.

მსოფლიო • 1787587098

აშშ-ში დააკავეს ძიძა, რომელმაც ორი პატარა გოგონა გაიტაცა - ბავშვები ჩაკეტილ ტრაილერში იპოვეს

აშშ-ში, ორი პატარა გოგონა ძიძასთან ერთად გაუჩინარდა. ატლანტაში, 4 წლის ზოლა კუპერი და მისი 11 თვის და, ნორა, დედამ ძიძას ჩააბარა, თუმცა ბავშვები სახლში აღარ დაბრუნებულან. პოლიციამ მათი ძებნა დაიწყო და საბოლოოდ, გოგონები ჩაკეტილ ტრაილერში იპოვა. ამის შესახებ უცხოური მედია წერს. შემთხვევა 15 აგვისტოს დაიწყო. ბავშვების დედას ძიძა დაახლოებით ერთი წლის წინ სოციალურ ქსელში გაეცნო. 42 წლის ლაკეშა ბრაუნი მას ძიძის მომსახურებას სთავაზობდა.იმ დღეს ძიძამ დედას უთხრა, რომ ბავშვებს მაღაზიასა და გასართობ ადგილას წაიყვანდა. თუმცა გოგონები სახლში აღარ დაბრუნებულან. დედამ ძიძასთან დაკავშირება სცადა, მაგრამ პასუხი ვერ მიიღო. მოგვიანებით ქალმა სხვადასხვა მიზეზი დაასახელა, მათ შორის, თქვა, რომ თითქოს ავტოსაგზაო შემთხვევა მოხდა და ბავშვები ბავშვთა დაცვის სამსახურთან იყვნენ. პოლიციამ ეს ინფორმაცია არ დაადასტურა.პოლიციამ მალე დაასკვნა, რომ ბავშვები შესაძლოა გაეტაცებინათ.საბოლოოდ, პოლიციამ ბრაუნის ადგილსამყოფელი ატლანტაში, ერთ-ერთ საცხოვრებელ კომპლექსში იპოვა. პოლიციელმა ტრაილერიდან ბავშვის ტირილის ხმა გაიგონა.ტრაილერი ჩაკეტილი იყო. პოლიციამ კარი გააღო და შიგნით ორი გოგონა და ბრაუნი იპოვა. ბავშვები მაშინვე უსაფრთხო ადგილას გადაიყვანეს.ტრაილერში პირობებიც მძიმე იყო. სასამართლო დოკუმენტების მიხედვით, იქ კონდიციონერი არ მუშაობდა და ადგილი სუფთა და საცხოვრებლად შესაფერისი არ იყო. იმ დღეს ატლანტაში ტემპერატურა დაახლოებით 36°C იყო.გოგონები საავადმყოფოში გადაიყვანეს შესამოწმებლად. პოლიციის ინფორმაციით, ორივე ბავშვი კარგად არის და ისინი ოჯახს დაუბრუნეს.გამოძიების დროს პოლიციამ ასევე დაადგინა, რომ ბრაუნს ალაბამაში რამდენიმე წლის წინ მსგავს საქმეზე ბრალდება ჰქონდა. პოლიციის ინფორმაციით, 2021 წელს ის 4 დღის ჩვილის გატაცებაში დაადანაშაულეს.ამ ეტაპზე პოლიციას ზუსტად არ აქვს დადგენილი, რატომ წაიყვანა ქალმა ბავშვები. ბრაუნი დაკავებულია და მას გატაცებისა და ბავშვების მიმართ სასტიკი მოპყრობის ბრალდებები აქვს წაყენებული.