Vogue და GQ მკითხველს საქართველოში სამოგზაუროდ ეპატიჟებიან-ტურიზმის ეროვნული ადმინისტრაციის ახალი მარკეტინგული კამპანია

საქართველოს ტურიზმის ეროვნულმა ადმინისტრაციამ საერთაშორისო მედია ჰოლდინგთან Conde Nast ერთად ახალი მარკეტინგული კამპანია დაიწყო.

კამპანიის ფარგლებში, მსოფლიოში პოპულარული გამოცემები Vogue და GQ  საქართველოს შესახებ ონლაინ პლატფორმებზე სტატიებს ამზადებენ.

Vogue-სა და GQ-ს ფრანგული გამოცემები საფრანგეთის ბაზარს ფარავს, თუმცა სოციალური მედიის საშუალებით საქართველოს ტურისტულ პოტენციალს საფრანგეთთან ერთად დიდ ბრიტანეთში, გერმანიასა და საფრანგეთში გაეცნობიან.
 
კამპანიის ფარგლებში, პირველი სტატია Vogue-ის ონლაინ გვერდსა და სოციალურ ქსელში გამოქვეყნდა- „საუკეთესო გზამკვლევი საქართველოს და ამ ქვეყნის საგანძურის აღმოსაჩენად ერთ კვირაში“ სტატიაში საქართველოს ბუნება, კულინარია, ღვინო და ტურისტული ადგილებია აღწერილი.
„თვალწარმტაცი პეიზაჟებით საქართველოს თავისი მემკვიდრეობით შეუძლია იამაყოს. საქართველოს ხეობები საუკუნოვანი ვენახებითა და მონასტრებითაა დაფარული. დათოვლილ მწვერვალებს შორის დაკლაკნილი გზები თითქოს ღრუბლებშია ჩამოკიდებული.  ეს სრულიად  საკმარისია ლამაზი ბუნებისა და ხელოვნების მოყვარულთა აღფრთოვანებისთვის, რომელთა ყურადღებას ასევე იპყრობს უნიკალური გასტრონომია  და ღვინის კულტურა . ეს არის მდიდარი სამზარეულოსა და  ღვინის ქვეყანა, რომელიც ღვინის სამყაროს აკვნად ითვლება 8000 წლოვანი ისტორიით. აქ თქვენ დააგემოვნებთ დაუვიწყარ ხინკალს, მწვადს ან გრილზე შემწვარ ქაბაბს, ასევე  ლობიანს“-წერს Vogue-ის ჟურნალისტი და მკითხველს კახეთს, თბილისსა და ბათუმს აცნობს.
 
https://www.vogue.fr/lifestyle/promotion/guide-decouvrir-georgie-richesses-en-une-semaine-ete?fbclid=IwY2xjawKFjQRleHRuA2FlbQIxMQBicmlkETFIekVvSWROMTdKR25MYXZQAR5-bz6GO770GNeOim_eh0R8iXmmw4fo-qkYHWQeo3go5iTyH8KcETjHHmgHRA_aem_Lg_83AJ8R9lkkaQgM6t2NQ