ვისაც კომუნალურ დავალიანებებზე პრეტენზიები აქვს, სემეკი პასუხობს

საქართველოს ენერგეტიკისა და წყალმომარაგების მარეგულირებელ ეროვნულ კომისია მოსახლეობას მიმართავს და მოუწოდებს, რომ ელექტროენერგიისა და წყლის დავალიანების საკითხთან დაკავშირებით, ვისაც კომპანიების მიმართ პრეტენზიები აქვს, სემეკ-ს დაუკავშირდნენ.

„ბოლო დღეების განმავლობაში საქართველოს ენერგეტიკისა და წყალმომარაგების მარეგულირებელ ეროვნულ კომისიას (სემეკ) მომართა არაერთმა მოქალაქემ შპს „თბილისის ელექტრომიმწოდებელი კომპანიისა“ და შპს „ჯორჯიან უოთერ ენდ ფაურის“ დარიცხვებთან დაკავშირებით.

კომისია მოქალაქეთა ყველა მომართვას სწავლობს ინდივიდუალურად და დარღვევების დაფიქსირების შემთხვევაში იმოქმედებს კანონის შესაბამისად.

აღსანიშნავია, რომ ელექტროენერგიის საფასურის გადახდის ვადების პენსიისა და საარსებო შემწეობის მიღების ვადებზე მორგების მიზნით, სემეკ-ის გადაწყვეტილებას წარმოადგენს თბილისში მრიცხველების წაკითხვის ერთიანი სისტემის ამოქმედება, რამაც გამოიწვია ე.წ. გარდამავალ პერიოდში (2021 წლის დეკემბერი, 2022 წლის 3,4 იანვარი) ორი ქვითრის მიღება.

სემეკი მოუწოდებს მოქალაქეებს, დარიცხვებთან დაკავშირებით პრეტენზიების არსებობის შემთხვევაში, მომართონ კომისიას შესაბამისი განცხადებით, რათა სემეკ-ის მიერ მოხდეს ყველა საკითხის შესწავლა.

განცხადების გამოგზავნა შესაძლებელია ელექტრონული ფოსტის საშუალებით: mail@gnerc.org“, – აცხადებენ სემეკში.

ცნობისთვის, მას შემდეგ, რაც მოსახლეობის ნაწილს ორჯერ დაერიცხა კომუნალური დავალიანებები, რამაც პროტესტი გამოიწვია.