ვეტერანების საქმეთა სახელმწიფო სამსახურსა და ფრენბურთის ეროვნულ ფედერაციას შორის მემორანდუმი გაფორმდა

ვეტერანების საქმეთა სახელმწიფო სამსახურსა და საქართველოს ფრენბურთის ეროვნულ ფედერაციას შორის, ურთიერთთანამშრომლობის მემორანდუმი გაფორმდა.

ვეტერანების საქმეთა სახელმწიფო სამსახურის ინფორმაციით, მემორანდუმის მიზანია, ისეთი ერთობლივი საქმიანობის დაგეგმვა და განხორციელება, რომელიც მიმართული იქნება ომისა და თავდაცვის ძალების ვეტერანებსა და მათი ოჯახის წევრთა შორის (მათ შორის, შშმ ვეტერანებს შორის) ფრენბურთის პოპულარიზაციისა და ფრენბურთის ფედერაციის ორგანიზებითა და მონაწილეობით გამართულ სპორტულ ღონისძიებებში მათი ჩართულობის ხელშეწყობისკენ.

მემორანდუმს, ხელი, ვეტერანების საქმეთა სახელმწიფო სამსახურის დირექტორმა, გენერალ-მაიორმა კობა კობალაძემ და საქართველოს ფრენბურთის ეროვნული ფედერაციის პრეზიდენტმა, გიორგი ქართველიშვილმა მოაწერეს.

მემორანდუმი ძალაში შედის ხელმოწერის დღიდან და მოქმედებს განუსაზღვრელი ვადით.