ვახტანგ გომელაურმა გუდაურთან მომხდარი ტრაგედიის დროს დაღუპული მფრინავები და მაშველები I ხარისხის მედლით - ,,განსაკუთრებული დამსახურებისათვის“ დააჯილდოვა

შინაგან საქმეთა მინისტრის, ვახტანგ გომელაურის გადაწყვეტილებით, გუდაურთან მომხდარი ტრაგედიის დროს დაღუპული ოთხი მფრინავი და ორი მაშველი სამინისტროს I ხარისხის მედლით - "განსაკუთრებული დამსახურებისათვის" დაჯილდოვდნენ.

შინაგან საქმეთა სამინისტროს სასაზღვრო პოლიციის კუთვნილი ვერტმფრენი, რომლის დახმარებით გუდაურში ჩამოვარდნილი პარაპლანისტების სამაშველო ღონისძიება მიმდინარეობდა, 29 ივლისს,  ჩამოვარდა.

გუდაურთან შინაგან საქმეთა სამინისტროს სასაზღვრო პოლიციის ვერტმფრენის ჩამოვარდნის შედეგად ტრაგიკულად დაღუპული მფრინავების, მაშველებისა და ექიმების სამოქალაქო პანაშვიდი დღეს, სამების საკათედრო ტაძარში  გაიმართა.