უაღრესად გთხოვთ დამეხმარეთ ამ პიროვნების მოძებნაში - ეძებენ კაცს, რომელიც 7 დღის წინ პოლონეთის მიმართულებით გაემგზავრა

ოჯახის წევრები საქართველოს მოქალაქეს გიორგი ჯიქიას ეძებენ. მის შესახებ ინფორმაცია სოციალური ქსელის ერთ-ერთ ჯგუფში ვრცელდება.

როგორც დაკარგულის მეუღლე განცხადებაში აღნიშნავს, გიორგი პოლონეთში 7 დღის წინ უნდა გაფრენილიყო, თუმცა მისი კვალი იკარგება.

„ვეძებ მეუღლეს, გიორგი ჯიქიას, 19 მაისს ქუთაისის აეროპორტიდან გაფრინდა  ვარშავა - შოპენის მიმართულებით. დღეს უკვე მე-7 დღეა და არ გამოსულა კავშირზე. პოლონეთის საკონსულო გვეუბნება, რომ  ამ სახელი და გვარის პიროვნება პოლონეთის არც ერთ უწყებაში არ არის დაკავებული. არ არის სადეპორტო  განყოფილებაში, არც სასაზღვრო პოლიციაში . გუშინ შინაგან საქმეთა სამინისტროში გავაკეთეთ განაცხადი. უაღრესად გთხოვთ დამეხმაროთ ამ პიროვნების მოძებნაში“, - აღნიშნულია განცხადებაში.