toradze

ცნობილია, სად და როდის გაიმართება ლექსო თორაძის სამოქალაქო პანაშვიდი

თბილისის სახელმწიფო კონსერვატორია ლექსო თორაძის სამოქალაქო პანაშვიდთან დაკავშირებით ინფორმაციას ავრცელებს.

„ლექსო თორაძის სამოქალაქო პანაშვიდი გაიმართება ოთხშაბათს, 18 მაისს კონსერვატორიის მცირე დარბაზში მთელი დღის განმავლობაში.
 
გასვენება დაგეგმილია ხუთშაბათს, 19 მაისს 15:00 საათზე კონსერვატორიის დიდი დარბაზის ფოიედან.“ - ნათქვამია განცხადებაში.

პიანისტი 69 წლის ასაკში 11 მაისს გარდაიცვალა. მუსიკოსი 1983 წლიდან აშშ-ში ცხოვრობდა და მოღვაწეობდა, სადაც საკუთარ სახლში გარდაიცვალა.

ლექსო თორაძე თანამედროვეობის ერთ-ერთ ვირტუოზ პიანისტად არის აღიარებული.