ტრაგედია გორში - კლინიკა კიდევ ერთ განცხადებას ავრცელებს

გორში, სავარაუდოდ, ჩუტყვავილას გართულების შედეგად გარდაცვლილი 4 წლის თომა წიქარიძის საქმეზე, კლინიკა ,,გორმედი" კიდევ ერთ განცხადებას ავრცელებს, რომელსაც ,,პრაიმტაიმი" უცვლელად გთავაზობთ:

,,მაღალი საზოგადოებრივი ინტერესიდან გამომდინარე, დამატებით გაცნობებთ, რომ მომხდარ ტრაგედიასთან დაკავშირებით ვიღებთ სრულ პასუხისმგებლობას, და რომ საზოგადოებას სრულიად გამჭვირვალედ მივაწოდებთ, ნაბიჯ-ნაბიჯ, ყველა ინფორმაციას.

მიუხედავად იმისა, რომ პაციენტის მშობლების დაჟინებული თხოვნით, პაციენტი გადაყვანილ იქნა ერთ-ერთ სამედიცინო დაწესებულებაში, ჯანდაცვის სამინისტრომ მეყსეულად მოახერხა რეაგირება და ჩართო საქმეში სამედიცინო საქმიანობის "ხარისხისა და რეგულირების სააგენტო". კლინიკის ყოველი თანამშრომელი უწყვეტად და ღიად თანამშრომლობს შესაბამის კომისიასთან.

როგორც უკვე აღვნიშნეთ, სრული პასუხისმგებლობით და ღიად გავაკეთებთ განცხადებებს, რომ საზოგადოება ყველა ეტაპზე იყოს ინფორმირებული.

კიდევ ერთხელ ვუსამძიმრებთ მშობლებს, ახლობლებსა და ოჯახის წევრებს...", - აღნიშნულია განცხადებაში.

ამავე თემაზე:

ტრაგედია გორში - 4 წლის თომა, სავარაუდოდ, ჩუ­ტყვა­ვი­ლას გამ­წვა­ვე­ბის შე­დე­გად გარ­და­იც­ვა­ლა 

👉 „დედას ხელებში ჩააკვდა... ბავშვს ჩუტყვავილა აქვს და ოთახში ვერ შევიყვანთო“ - რას ამბობენ ოჯახის ახლობლები შემზარავ ტრაგედიაზე

👉 „ვეუბნები ექიმს, ჩქარა ცუდად არის, მოიცა, ჯერ ისტორია უნდა შევავსოვო... - 4 წლის ბავშვის ბებია უმძიმეს ტრაგედიაზე

👉 გორის ჯანდაცვის ცენტრი 4 წლის ბავშვის გარდაცვალების ფაქტზე განცხადებას ავრცელებს

👉 სამედიცინო რეგულირების სააგენტომ 4 წლის ბავშვის გარდაცვალების საქმის შესწავლა დაიწყო