თბილისში, საახალწლო განათებების მონტაჟის ბოლო ეტაპი მიმდინარეობს

თბილისში, საახალწლო განათებების მონტაჟის ბოლო ეტაპი მიმდინარეობს. ქუჩებში, პარკებსა და სკვერებში ილუმინაციები და დეკორაციები უკვე დაკიდეს. ასევე, სრულდება მთავარი ნაძვის ხის აწყობა პირველი რესპუბლიკის მოედანზე.

საერთო ჯამში, საახალწლო განათებები და კონსტრუქციები დედაქალაქში 90-მდე ქუჩაზე და 30-მდე სკვერში მოეწყო. პროცესში ყოველდღიურად ჩართული იყო "თბილსერვის ჯგუფის" 250-ზე მეტი თანამშრომელი და 40-მდე სპეცმანქანა.