თბილისში 3 ავტომობილი ერთმანეთს შეეჯახა - არიან დაშავებულები

თბილისის ცენტრში მომხდარი ავარიის შედეგად ექვსი ადამიანი დაშავდა. კოსტავას გამზირზე ერთმანეთს სამი მსუბუქი ავტომობილი შეეჯახა. დაშავებულები საავადმყოფოში გადაიყვანეს.

მომხდარის გამო გარკვეული პერიოდში შეფერხებული იყო ტრანსპორტის მოძრაობა. საპატრულო პოლიციისა და სასწრაფო დახმარების გარდა, ადგილზე მობილიზებული იყო სახანძრო-სამაშველო სამსახურის ჯგუფიც. სწორედ მაშველების დახმარებით მოხერხდა რამდენიმე დაშავებულის მანქანიდან გადმოყვანა.