დედაენა

„სწყინთ რუსებს ფიანდაზებით რომ არ ვხვდებით... უკმაყოფილოები არიან, რომ პერსონალი მათთან რუსულ ენაზე საუბარს უარობს“ - „დედაენის ბარი" განცხადებას ავრცელებს

„დედაენის ბარი" რუს კლიენტებს „ვიზის გარეშე“ არ ემსახურება. ამის შესახებ ინფორმაცია სოციალურ ქსელში, ბარის ოფიციალურ გვერდზე ვრცელდება.

განცხადების მიხედვით, რუსი კლიენტები უკმაყოფილოები არიან იმის გამო, რომ ისინი მომსახურებას რუსულ ენაზეც ვერ იღებენ.

„რუსებო, თქვენ აქ სახლში არ ხართ, არც არასდროს იქნებით“, – ასეთია ,,დედაენის ბარის" პოზიცია რუსების მიმართ.

„სწყინთ რუსებს ფიანდაზებით რომ არ ვხვდებით, 1*-იანი შეფასებებით ცდილობენ ზეწოლას. ყველას გვჯერა ალბათ, რომ პუტინის რეჟიმს გამოექცა ის “ადამიანი” რომელმაც Z დაგვიწერა ამაყად.

რუსები უკმაყოფილოები არიან, რომ დედაენის ბარში ვიზის გარეშე არ შეუძლიათ შემოსვლა და პერსონალი მათთან რუსულ ენაზე საუბარს უარობს.

ყოველი მე-11 ქართველი დევნილია რუსების გამო, საქართველოს 20 % დაპყრობილი აქვს რუსეთს და მეტი უნდა, რუსული ურდო უკრაინის დაპყრობას ცდილობს და მთელ მსოფლიოში ებრძვის თავისუფლებას, თვითდეკლარირებული “კარგი” რუსები, “მეორე რუსეთიდან” ღიმილიან დახვედრას ითხოვენ და ჩვენი სავიზო პოლიტიკა აღიზიანებთ.

რუსებო, თქვენ აქ სახლში არ ხართ, არც არასდროს იქნებით.

მალე ყველა ერთად ვიზეიმებთ რუსეთის და მისი იმპერიალისტური იდეების დასამარებას.

და ბოლოს, F**ქ russia“, – ნათქვამია ბარის განცხადებაში.

მთავარი სიახლეები