დღეიდან ევროკავშირში რუსეთის ნახშირზე ემბარგო ამოქმედდა

ევროკავშირში დღეიდან, რუსეთიდან ნახშირის იმპორტზე ემბარგო ამოქმედდება. ეს ღონისძიება 2022 წლის 7 აპრილს მიღებულ სანქციების მეხუთე პაკეტში იყო შესული. ამის შესახებ ინფორმაცია ევროკავშირის ვებგვერდზე გამოქვეყნდა.

„უკრაინის წინააღმდეგ რუსეთის აგრესიული ომის გაგრძელების და რუსეთის შეიარაღებული ძალების მიერ უკრაინაში ჩადენილი სისასტიკის შესახებ ცნობების გათვალისწინებით, რადამ გადაწყვიტა რუსეთის წინააღმდეგ ეკონომიკური და ინდივიდუალური სანქციების მეხუთე პაკეტის დაწესება“,- ნათქვამია განცხადებაში.

პაკეტი მოიცავს რიგ ზომებს, რომლებიც მიზნად ისახავს რუსეთის ხელისუფლებასა და ეკონომიკაზე ზეწოლის გაზრდას, ასევე კრემლის რესურსების შეზღუდვას აგრესიის განსახორციელებლად.

ადრე ევროკავშირი ყოველწლიურად 8 მილიარდი ევროს ღირებულების რუსული ნახშირის იმპორტს ახორციელებდა.