შარტავას ქუჩაზე, სადაც 8 წლის ბიჭს მანქანა დაეჯახა, ახალი საგზაო ნიშანი გაჩნდა (ფოტო)

შარტავას ქუჩაზე, სადაც 8 წლის ბიჭს მანქანა დაეჯახა, ახალი საგზაო ნიშანი გაჩნდა. 

თბილისში, შარტავას ქუჩის ტროტუარზე ავტომანქანა 8 წლის ბავშვს 31 მარტის დილით დაეჯახა. ავტომანქანის მძღოლი დააკავეს. გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

თბილისის საქალაქო სასამართლომ აღკვეთის ღონისძიების სახით პატიმრობა შეუფარდა ავტომობილის მძღოლს, დავით ჯალაღონიას. 

8 წლის ბიჭს ფეხის ამპუტაცია დასჭირდა, იგი ამჟამად სამკურნალოდ ისრაელშია გადაყვანილი. 

ახალი საგზაო ნიშანი გაჩნდა სააკაძის მოედანთანაც, რომელიც სიჩქარის 50 კმ/სთ-მდე შეზღუდვას ითვალისწინებს და შემდეგ, შარტავას გამზირზე მოძრაობა მხოლოდ 30 კმ/სთ-ითაა შესაძლებელი. 

ამავე თემაზე - უმძიმესი ავარიის კადრები