„საშინელი ტკივილები აქვთ... ქირურგმა თქვა, ასეთი რთული გადანერგვა არ მქონიაო...“ - უახლესი ინფორმაცია დათო ევგენიძესა და გიორგი მახარაშვილზე

მუსიკოსმა, დათო ევგენიძემ თურქეთში ღვიძლის გადანერგვის ოპერაცია გაიკეთა. დონორი მისი მეგობარი, მომღერალი გიორგი მახარაშვილია.

გიორგის მეუღლე თურქეთის საავადმყოფოდან ახალ ინფორმაციას გვიზიარებს.

„დათო ქვედა სართულზე ჰყავთ რეანიმაციაში. გიორგი უკვე პალატაშია. ორივე კარგად არის, მაგრამ საშინელი ტკივილები აქვთ, რისი ბოლომდე გაყუჩებაც არ შეიძლება, ღვიძლი რომ არ დაუზიანდეთ, ამიტომ, ძირითადად, აძინებენ. ქირურგმა თქვა, ასეთი რთული გადანერგვა არ მქონიაო“,- წერს ლეკა მიქაძე.