როდის გამოიდარებს საქართველოში - უახლესი პროგნოზი

12 მაისის დღის ბოლოდან 14 მაისის ჩათვლით საქართველოს უმეტეს ტერიტორიაზე მოსალოდნელია წვიმა ელჭექით, ცალკეულ მაღალმთიან რეგიონებში თოვლ-ჭყაპი, ზოგან ძლიერი, შესაძლებელია სეტყვა. აღნიშნულ ინფორმაციას გარემოს ეროვნული სააგენტო ავრცელებს.

მეტეოროლოგი კობა ფარტენაძე სოციალურ ქსელში მოსალოდნელი ამინდის პროგნოზს აქვეყნებს და საზოგადოებას მიმართავს, ჯერ არ შეინახონ თბილი ტანსაცმელი, რადგან ტემპერატურა მკვეთრად დაიკლებს.

„თქვენ უკვე აპირებთ შეინახოთ თბილი და მშვენიერი ტანსაცმელი ან უკვე გადაეწყვეთ ზაფხულისთვის?ამისთვის ამ უქმეებზე ნამდვილად ადრეა, სიცხისა და მშვენიერი მზიანი დღეების მოყვარულთათვის მძიმე დროა, მაგრამ შესანიშნავი ამბავი წვიმაზე შეყვარებულებისთვის....

12 მაისს საქართველოში მოსალოდნელია არასტაბილური ამინდი და ზოგან მხოლოდ ხანმოკლე წვიმა, ძირითადად ღრუბლიანი დღეები გვექნება.

მაგრამ შაბათ-კვირას უნდა მოვემზადოთ არასტაბილური ეტაპისთვის, ამჯერად მთელს ქვეყანაში იქნება ცივი და წვიმიანი ამინდი, იქროლებს ძლიერი ქარი და ზოგან შესაძლებელია ძლიერი ნალექიც.

აქვე გეტყვით, რომ უახლოეს დღეებში ცივ ტალღასთან არ გვექნება საქმე, თუმცა ტემპერატურის დაკლება გამოწვეული იქნება გავრცელებული უამინდობით და კერძოდ მზის არარსებობით.

ბოლოს და ბოლოს როდის გვექნება მზიანი დღეები? იოლი სათქმელია: თვის მეორე ნახევარი სტაბილური მზიანი და თბილი იქნება!“,- წერს კობა ფარტენაძე.

ასევე დაგაინტერესებთ:

👉 „პირად თუ  კარიერულ დონეზე ურთულესი პერიოდი მაქვს“ - ნიკოლოზ ბასილაშვილი განცხადებას ავრცელებს

👉 ვის შეუძლია დაგროვებითი პენსიის ერთიანად აღება და რა შემთხვევაში ჩაგერიცხებათ თანხა სრულად

👉 VIDEO: აი, რა გააკეთეს გამვლელებმა, როცა ქუჩაში კაცი ქალს ფიზიკურად გაუსწორდა